الأخبار
أخبار السودان
تابع كيف يناقش البشير..شاهد الفيلم الوثائقي عملية القلب المفتوح بمستشفى السلام للقلب بسوبا
تابع كيف يناقش البشير..شاهد الفيلم الوثائقي عملية القلب المفتوح بمستشفى السلام للقلب بسوبا


طلبوا من البشير دعماً لأن المستشفى يقدم خدماته مجاناً، فاقترح عليهم تقديم خدمات طبية على المقتدرين بمقابل
11-24-2013 06:25 PM
حمدي ساتي - المكابرابي

بث التلفزيون الهولندي فيلماً وثائقياً جديداً كشف فيه خبايا مستشفي السلام في الخرطوم سوبا، و منظمة الطوارئ الايطالية لدعم ضحايا الحرب في مايو. وقد جاءت زيارة البشير في وقتها - حسب مدير المستشفى - لأن المستشفي كان يتلقي مساعدات خارجية قيمتها 5 ملايين دولار في السابق، ولكن المساعدات تقلصت الى 3 مليون -

وفي اجتماعهم مع الرئيس البشير، ووزير الزراعة المتعافي، ووزير الإعلام أحمد بلال، بدأ أن أطباء المستشفى يتحدثون بلغة بعيدة عن فهم واستيعاب حكومة البشير، وظهر ذلك عندما طالبوا البشير والمتعافي بدعم المستشفى الخيري، فقد كان الرد من البشير: "انتو اعملو قسم خاص للناس المقتدرة عشان تعملوا قروش تدعموا بيها المستشفى".!! ولكن الأطباء الايطاليين أوضحوا للبشير ومن معه أن مركز السلام أنشيء على فلسفة تعتبر أن الرعاية الصحية من حقوق الانسان الأساسية، وليست تجارة، كما تريد الدولة، ويجب ان يكون مجانا .... "لقد أسسنا هذا المركز للفقراء وخاصة في السودان نسبة لموقع السودان الاستراتيجي وتعدد دول الجوار من حوله، حيث يمكن للأفارقة القدوم للسودان وتلقي العلاج مجاناً". كما نشاهد بعض الأطفال الروانديين وهم يتلقون العلاج المجاني وهذا المركز هو الأعلى في مستوى القارة الافريقية ومظهره يوحي بأنه مقام في مدينة أوروبية وليس سوبا، وان معظم المرضى من صغار السن ويعانون سوء التغذية ويشكوا معظمهم من ضعف صمامات القلب الذي يظهر غالبا بعد الاصابة بالحمى الروماتيزمية حيث اختفى هذا النوع من الإصابات من أوروبا منذ عام 1960. لكنه لا يزال منتشراً في السودان و أفريقيا حيث لا تتوافر اللقاحات اللازمة ولا يتمكن الكثيرون من مراجعة طبيب في حياتهم كلها.
.

للذين لا يعرفون كثيراً عن هذا المستشفى ففي مايو 2013 أعلنت لجنة التحكيم العليا لجائزة الآغا خان للعمارة القائمة القصيرة للمشاريع المرشحة للحصول على الجائزة في دورتها الحالية لعام 2013 وجاء من ضمنها مستشفي السلام لجراحة القلب بسوبا الذي صممه المكتب المعماري Studio Tamassociati بفينيسيا بإيطاليا.
ومن اللافت أنه في هذه الدورة الأخيرة تراوحت قائمة المشاريع العشرين المرشحة للحصول على الجائزة، التي تبلغ قيمتها مليون دولار أمريكي، بين المجمعات والأبنية السكنية الحديثة الشاهقة، إلى تقنيات إعادة إحياء الأبنية التاريخية، والجسور. منذ انطلاق الجائزة قبل 36 عاما، حصل أكثر من 100 مشروع على جائزة الآغا خان للعمارة، بينما تم توثيق أكثر من 7500 مشروع معماري آخر.
image
image
image
image
image
image
image
image
image
image



ويمكنم مشاهدة الفيديو كاملا علي الرابط الاتي
https://www.facebook.com/photo.php?v...type=2&theater


فيسبوك + منتديات الراكوبة






تعليقات 71 | إهداء 1 | زيارات 27531

صفحة 1 من 212>
التعليقات
#842149 [malla]
0.00/5 (0 صوت)

11-30-2013 02:21 AM
هولاء هم حكام الانقاز الفاسدون عاملين زي المنشار طالعين ماكلين ونازلين ماكلين في الشعب السوداني 0 في اخدى السنوات بدولة قطر اراد القطريون في وزارة الصحة ان يستبدلوا اسرة موسسة حمد الطبية باسرة جديدة وكان احد الاطباء السودانيين الذين يعملون بالمستشفي وهو طبيب مميز وله مكانة خاصة لدى القطريين طالب ادارة المستشفى ان تهدى الاسرة القديمة الى مستشفي الخرطوم وكانت بحالة جيدة فوافقت ادارة مستشفي حمد الطبيةوالحكومة القطرية وتقدر الاسرة بملايين الدولارات ولكنهم طالبوا الطبيب السوداني موافقة حكومة السودان 0 وعندما ابلغ وزير الصحة السوداني انذاك بالخبر وابلغ الوزير الحكومة السودانية 0 وتمت الموافقة قام وزير الصحة وبعض المسئولين في النظام باءشتراط ان تباع هذه الاسرة الى المستشفيات الخاصة والعائد يرجع الى خزينة الدولة فرفض القطريون هذا العرض وقالوا اننا نتبرع بها مجانا الى مستشفى حكومي اهلي 0 ولكن وزير الصحة السوداني رفض ذلك مما اضطر القطريون ارسالها الى الشعب الباكستاني مجانا0 هذه الرواية حقيقية وروايات اخرى لاتحصى ولا تعد حتى منظمات العمل الطوعي الاجنبة قاموا بمحاولة ابتزازها الى ان خرجت من السودان لدول افريقية اخرى هوءلاء البشر عديمي انسانية فلا تتوقعوا منهم خيرا


#839791 [ابوبشبش]
5.00/5 (1 صوت)

11-27-2013 09:06 AM
انا يادوب عرفت انو الجماعة ديل مخلين المتعافي الزمن دا كلو لية عشان شوية اللفة الانجليزية دي


#839415 [abusafarouq]
0.00/5 (0 صوت)

11-26-2013 10:38 PM
يعنى الخواجات الكفار طلعو كرماء أكثر من البشير فى الانسانية والله مخجل عديل والمؤتمر الوطنى كلهم عالم بليد بالجد. عملو مستشفى إنسانى علاج مجانى لكل أهل السودان يأتى البشير يريدها مستشفى خاص يكون بفلوس للمقتدرين وطلع زعلان من الخواجات لم يوافقو كلامه .الجهل مصيبة لولا الحظ لما كان البشير رئيس دولة .الرجل كل يوم ينكشف عيوبو وخيانته للوطن والشعب ..


#839357 [abuadeela]
5.00/5 (1 صوت)

11-26-2013 08:56 PM
أنا أستغرب كيف يحكمنا مثل هذا البغل ؟


#839249 [sama]
5.00/5 (1 صوت)

11-26-2013 06:45 PM
أنا فى رأى لا يجب أن يكون الرد عاجل و تلقائى بالشكل الذى تم به خاصه من رجل فى مقام رئيس دوله مهما كان شكل هذه الدوله فهنالك قواعد واصول تحكم أقوال و أفعال أى مسؤول لأنه فى المقام الأول لا يمثل فقط نفسه بل يمثل بلاده و شعبه فكان من الممكن الرد على هذا الطلب بطريقه تراعى فيها كل القواعد و الأصول الدبلوماسيه المتعارف عليها كان من الممكن ان يطلب منهم رساله للنظر فى الموضوع ليس بغرض النيه فى تلبيه الطلب بل لكسب الوقت للرد عليه بطريقه لائقه يتجنب الكل من خلالها الرد العشوائى و التعثر فى الكلام باللغة الأجنبيه و الترجمة المرتبكه كان من الممكن أن تغنيه الرساله من كل هذه الدربكه كان من الممكن أن يساق بها الإقتراح الغير إنسانى الذى أقترحه على الأقل بشكل مقبول.
أما بالنسبه لمرافقته كل من المتعافى و حسن بلال و أخيه هذا بسبب أنهم فى المجال الطبى (دكاتره عمومين) فشلوا فى طبهم و فى مهامهم و الغريب فى الأمر أن وزير الصحه ليس له علاقه بالحقل الطبى لا من قريب و لا بعيد فقررأن يلزم الصمت كالبقيه.


#839186 [؟؟؟؟ دكتور تروتر ؟؟؟؟]
5.00/5 (1 صوت)

11-26-2013 05:17 PM
يقول نحن ملتزمين بمجانية المستشفى وفقا للموجهات بتاعتنا

قال نعمل واحد تاني ومن دخله نمول المستشفى القائم دا

يقول ليه تور يقول نحلبه

طيب انت وكت بتقدر تسوي واحد تاني معناها عندك قروش

طيب ما تديهم ادعمهم ياخي الناس تكلفوا دا كلو عشان يخدموا مواطنينك الله ياخدك




اللهم لا تسلط علينا بذنوبنا من لا يخافك ولا يرحمنا


الحلفاوي الجنبي دا بعد إذنه بقول هو سلط وانتهى اسأله التخفيف؟


#839108 [سوداني]
0.00/5 (0 صوت)

11-26-2013 03:25 PM
لاللفبيفقيس


#838879 [عمر ابن الخطاب نصير الفقراء و المساكين]
5.00/5 (1 صوت)

11-26-2013 12:25 PM
والله الموت اهون من ان يسمع الانسان مثل هذا الكلام الغير انساني لماذا سمى الانسان انسان
الفقراء حسب كلاموا اعملوا ليهم طرابيز انوموا فيها هنايت ساكت وباقي المستشفى للاغنياء ومن هم الاغنياء ناس المؤتمر الوطني انسان لا يرحم المساكين اذا كان اشرف خلق الله اجمعين قال اللهم ابعثني مع الفقر ومات وهو فقير وانت نسيت جيت من فين ابوك كان حلاب بقر عند كافوري البنيت فيها قصورك وعلي عثمان ابوه قفير في جنينت الحيوانات ولكن الله في ومع المساكين الله ياخذكم اخذ عزيز مقتدر 25 سنة ودي اخرتها غير اسمك تعرف من هو عمر هو العدل كيف تحكم انت ايها الجبان الكلب عديم الانسانية


#838672 [ود الكوتش]
0.00/5 (0 صوت)

11-26-2013 09:59 AM
والله يا البشير رفعت للخواجه ضغطه والدكتوره المعاهو وجميع المشاهدين
الراجل ده مفعوله أقوى من تايد


#838641 [كلحية]
1.50/5 (2 صوت)

11-26-2013 09:34 AM
مش كويس أنه وزير الصحة حتي الآن لم يضمه لإمبراطوريته من المستشفيات الخاصة .هذا الخبر سوف يفتح شهية تماسيح المؤتمر الوطني وأفراد أسرة الحاكم بأمره للإنقضاض علي هذا المستشفي ، تذكروا كلامي هذا جيدا .


#838614 [الشحمان مغسة]
2.00/5 (1 صوت)

11-26-2013 09:15 AM
هكذا إذن تنكشف وبكل وضوح وجلاء كيف ينظر الينا من حكمونا غدراً وبليل ما زال مخيماً لم تشرق له صباح ... أي غطرسة هذه؟... اي كره هذا للغير؟... أي خوف أوزع في قلبك من الله ولقاءه؟... حينما تأتي كل نفس معها سائق وشهيد انت وزمرتك ومن والاكم...لا نملك الا ان نفوض أمرنا فيكم لله الواحد القهار قاصم الجبارين يا من لا تعتبرون من أخذه إذا أخذ هو مذل رقاب الملوك الطغاة... حسبي الله ونعم الوكيل ... حسبي الله ونعم الوكيل ... حسبي الله ونعم الوكيل...


#838600 [واحد]
2.00/5 (2 صوت)

11-26-2013 09:03 AM
شوف رئيسنا يتلوى كيف لمن يتكلم تقول عندو مضص يا اخى فضحتونا الله يخسكم والله ما طلعنا نحة منك بى حلول فما بالك القئمين بامر المستشفى


#838597 [مغترب بالسعودية]
2.00/5 (2 صوت)

11-26-2013 09:01 AM
هل الاستقالة جريمة؟


#838547 [حرية]
5.00/5 (1 صوت)

11-26-2013 08:29 AM
والله خساره ذي البشير يقولوا ليه رئيس ولا صفة واحده من صفات الرئيس ما عندو الله يدمر الجيش الذي يتبع
واحد أهبل ذي الحنطور البشير


#838366 [ود العشمان]
5.00/5 (2 صوت)

11-26-2013 01:55 AM
أولاً: حقو نتجاوز مرحلة الاندهاش بعمائل الكيزان الغريبة دي .. مع إنها ممتعة وبتعزينا شوية .. وننتقل لمرحلة كيفية التخلص منهم واستئصال أفكارهم من مجتمعنا نهائياً.. وبعد داك نجي نتونس بيهم ونستمتع بإبداعاتهم في السلوك الغريب ده .. ونونس بيها أجيالنا القادمة والبحضر الونسة منهم يقوم يلبد ويعمل فيها ما سامع حاجة ..
ثانياً: أعتقد ممكن نثبت للمستشفى وللكيزان إنو القعدو معاهم ديل ما بمثلونا ولا أخلاقنا لو قدرنا نقدم دعم شعبي للمستشفى من خلال تجمع مثل الراكوبة .. ما دامت بتقدم خدمات للمرضى السودانيين بدون اننتظار للمقابل


#838360 [Kamal]
3.00/5 (1 صوت)

11-26-2013 01:25 AM
والله الواحد لو ما سمع الكلام بى اضانه، ما كان يصدق، فضحتنا يا البشير والمطبلاتيه المعاك، الناس بتتكلم في شنو وانتوا فى شنو!!! قالوا ليكم هنا العلاج مجاني، تقولوا جناح خاص وما خاص، انتوا دخلكم شنو هنا؟ عودكم دا مدخلنوا في اى حته، زمان كنت ما اصدق الكلام البيقولوا عن الحكومة وعن البشير، لكن المرة دي موثق، وأثبت ان البشير غبى بصوره غير عادية، قاعد ينظر وهو طاشى شبكة، يا للغباء!!!!!


#838356 [Talosh]
5.00/5 (2 صوت)

11-26-2013 12:55 AM
دنيا / والله خسارة انه عمر البشير دا يكون رئيس للسودان المستشفى يقدم علاج مجانى للذين هم فقراء ولا يتوسدون سوى التراب كما تعلمون جميعكم ان العلاج مكلف ولا يستطيع الا من لدية مال - اذا كان رئيس الجمهورية لا يستطيع ان يناقش امكانية توفير مال وهو 2مليون دولار لماذا اتى ؟ وبعدين علاقة المتعافى - عبدالله البشير - ووزير الاعلام شنو ؟ اوبو قردة قعد ساكت ما قال بغيم . طبعا عبدالله البشير طمعان فى شراء المستشفى وهذا سبب مجيئة مع اخية البشكير .

والله عمر البشير خلجلنا كمان عايز يتكلم انجليزى we are not going to touch this hospital. والباقى تماهوة طنطنة
اما الفيلسوف المتعافى قنب ينظر فى الفارغة كافتريا شنو و عواليق شنو والله كلكم ناس ما محترمين.
الموضوع دا كان محتاج قرار شجاع يتخذة البشكير وهو ارجاع جزء من مال الشعب المنهوب والمدخر فى البنوك الماليزية - والاماراتية وغيرها من البلدان

والله الحروف اعتذرت فى ان ترسم لتعبير عن هؤء السفلة محروقين بجاز ومعاكم الطيب مصطفى وكل عضوية المؤتمر الواطى


#838334 [خالد حسن]
5.00/5 (3 صوت)

11-26-2013 12:05 AM
من هذا المنبر اتقدم بالاعتذار للحمار فقد سبق وان شبهت الشي الاسمو البشير بالحمار واليوم ثبت لي ان تشبيه البشير بالحمار فيه ظلم كبير لهذا الحيوان الاليف
فالشي ده ماعرفنا ليه اصل ولافصل ولا من اي فصيل جاء
وكمان قال بقترح وعنده اراء كمان .. قال شنو يعملوا مستشفي تاني موازي لي ده ويكون بقروش للمستطعين وقروشوا يستفيدوه منها في المستشفي المجاني
طيب يابهيمة الانعام لمن يكون في مستشفي مجاني الحايمشي البالقروش منو؟
غايتو الكفار ديل ارحم علي الشعب ده من بهيمة الانعام .. الكفار دايرين يعالجوا الناس بالمجان وبهيمة الانعام داير يدفعهم قروش


ردود على خالد حسن
European Union [عوض محمد] 11-26-2013 12:51 PM
الله يديك العافيه يا اخى خالد ... فاكرننا ساذجين ذى سذاجتهم ... لو بستحوا عليهم يرجعوا القروش التى فى بطنوهم ... لكن عذابهم اشد يوم القيامة ... بهذه اموال الشعب التى استحلوهاوتم تحويلها للخارج وماعايزين يضعوها فى مستشفى لمساعدة الفقراء المغلوب على امرهم فإن هذه الاموال سوف تكوى بها جباههم وبطنوهم يوم القيامة ... وانا غدا لناظره لقريب ... واصلا علامات الساعات الكبرى ظهرت ... فعليهم بالاستعداد لهذا المعيادالتى سوف يسألون عنها من اين اكتسبوها ... والله يكون فى عون شعبنا المغلوب على امره ... وإنا لله وإنا اليه راجعون ...


#838292 [صابر]
0.00/5 (0 صوت)

11-25-2013 10:05 PM
ينطبق على ديك العدة (علي بابا) ولصوصه (دكتور التقاوي الفاسدة الجنرال الذي وعدنا بالرد على الهجمات الإسرائيلية وآخرها تدمير مصنع الزخائر في الشجرة) ينبطق عليهم المثل القائل "الدايرين يساعدوه في قبر أبوه دس المحافير". البشير لا يهمه شيء يتحدث عن جناح خاص VIP والناس يتحدثون عن حق ابن آدم في تلقي العلاج مجانا. طيب يا ديك العدة ما تبني ليك مستشفى للمقتدرين زي رويال كير الذي يقال أن وداد تسعى للسيطرة عليه كأكبر مساهم.
يعني العالم ديل لا يرحمو ولا يخلو الرحمة تنزل على العباد
حسبي الله ونعم الوكيل عليهم. وطبعا كما قال المثل الجيعان لا يشبع والما شفتو في بيت ابوك يخلعك.


#838288 [ود الشيخ]
0.00/5 (0 صوت)

11-25-2013 10:01 PM
{جو يساعدو فى قبر أبوه دس المحافير}


#838276 [علي جبور]
0.00/5 (0 صوت)

11-25-2013 09:41 PM
اذن فاليمدد الخواجه (مدير المستشفى) رجليه
يصعق كل من يسمع و لديه مقدار حبة من جينات اليشر و الانسانيه


#838273 [AburishA]
1.00/5 (1 صوت)

11-25-2013 09:36 PM
وقع الفأر يوما في جرة مليانة خمر (مريسة)فشرب وشرب حتى (وقف لط) فخرج من الجرة ونفخ عضلاته وقال أين القطط!! فعندما ظهر له القط ووجد نفسه في ورطه!! قال لا تؤاخذوا السكارى بما يقولون!!!!
فنحن لانؤاخذ السيد/ الر ئيس!! لأنه لو ما قال كده يكون دا ما ياهو!!!!!!
المحيرني بتاع التقاوي الفاسدة (المتعافي)ده الحشّروا في موضوع المستشفى شنو؟؟؟ !!
هو وزير زراعة ولا وزير صحة!!!!! ما كفاية خراب مشروع الجزيرة!!


#838263 [البشير حقير]
4.00/5 (1 صوت)

11-25-2013 09:24 PM
طريقة المتعافي في الكلام استفزازية و متعالية جداً


#838200 [وطني]
0.00/5 (0 صوت)

11-25-2013 07:58 PM
كذابين الفيديو دا مفبرك وانا كنت هناك مافي كلام ذي دا


ردود على وطني
United States [Zingar] 11-26-2013 05:01 PM
وإنت شنو نبى يعنى وكلامك منزل عشان نصدقك...روح يا حيوان.

European Union [ود الكوتش] 11-26-2013 09:47 AM
انت بالنيني ، أسكت


#838121 [حديد]
0.00/5 (0 صوت)

11-25-2013 06:21 PM
مافيهم خير هولاء ....اكبر عدد من الاطباء في مع في الموتمر الوطني !!!!!! نقيب الاطباء الشرفاء
د علي فضل استشهد تحت التعذيب ببيوت الاشباح
يبدو ان هولاءرسالتهم ضد الانسانيه ....
رحم الله استاذنا الاديب الراحل الطيب صالح (من اين اتي هولاء!!


#838109 [[ود نيالا]
5.00/5 (1 صوت)

11-25-2013 06:12 PM
المستشفى التركي في نيالا تم افتتاحه قبل عام و لكن للاسف حتي الان لم يتم تشغيلة بصورة رسمية كي يسبفيد منة المواطن المغلوب علي امره و ذالك لخلاف الحكومة مع الاتراك فى كيفية الادارة و هل يكون العلاج مجاني ام لا. و الشيئ النحن عارفينة الحكومة تطالب وبشدة ان يكون العلاج بالقروش و الاتراك حجتهم ان المستشفي خيري و لا يمكن انو نعالج الناس بالقروش.


ردود على [ود نيالا
[abuadeela] 11-26-2013 08:11 PM
شيئ عجيب . حتى الأجانب أحن على الشعب السودانى من حكومته .


#838091 [المغبون من الاسلاميين]
5.00/5 (1 صوت)

11-25-2013 05:51 PM
فضيحه لكل للسودانين والله ما قادر اعبر عن هذه الحثاله من الذين يحكمون السودان الان حراميه قتله وسخ لا يشبعون من الحرام حتي من مستشفي لمساعده اطفال السودان . والله العظيم ليكم يوم قريب سوف نقتلكم بدون محاكمه . وانت ياالبشير انت واخوانك وكل اهلك سوف ننحركم بدون رحمه .وبعد حمل السلاح واجب علي كل مواطن وبعد الده الرمي قدام لقتل كل الكيزان اخ اخ اخ انا.


#838086 [اللـحــــــــــــوي]
5.00/5 (1 صوت)

11-25-2013 05:47 PM
دي ذكـرتـنـي نـكـتـة واحـد إتـزوج خـواجـيـة وجـابـهـا سـكـنـهـا مـع أهـلـوا فـي الـسـودان وكـان أبـوه بـيـطـلـق عـلـيـهـا إسـم (الـكـافـرة) وفـي يـوم سـافـر كـل مـن فـي الـبـيـت بـقـي أبـوه مـع الـخـواجـيـة ... وكـل مـن الـصـبـاح تـقـوم الـخـواجـيـة بـتـحـضـيـر الـفـطـور والـعـصـيـر والـدواء فـي مـواعـيـدو لـلأب ... وبـعـد أن رجـع الإبـن سـأل أبـوه عـن الـكـافـرة ... ؟؟؟ أبـوه قـالـيـهـوا الـكـافـرة أمـك دي ...


#838067 [ابن الجزيرةم]
5.00/5 (1 صوت)

11-25-2013 05:26 PM
هل يغقل أن يجري الحوار بهذه الطريقة من أناس يتولون قيادة البلد بأكمله؟ لابد ان يكون هناك أمر ما خفي عليناو اذا كان كذلك فعلي الدبلوماسية السلام.
جحود واضح و تأكيد ان الحل الوحيد لكل ضائقة مالية يتحملهاالمواطن الضعيف


#837995 [دابي الكر]
5.00/5 (1 صوت)

11-25-2013 04:22 PM
البشير والمتعافي وبلال لا بد من محاسبتهم - يا أخي أنتم عالة على المجتمع وما هميكم إلا جباية المال من الناس - ماقاله الخواجة "يجب أن يكون المستشفى متاحاً بالمجان للجميع" كان من المفروض أن يقوله عمر البشير ولكن ماذا نفعل للكيزان الذين يحاربون العباد ويعادونهم - عن أبي هريرة رضي الله عنه قال : قال رسول الله - صلى الله عليه وسلم - : إن الله قال ( من عادى لي وليا فقد آذنته بالحرب ....


#837944 [ابو نور]
5.00/5 (1 صوت)

11-25-2013 03:32 PM
التحية موصولة لمن اوصل هذا الفديوتيب لادارة الركوبة .الفديو وضح كل شئ وبين كيف يعمل ويفكر هولاء الخواجات وكيف نزاهتهم وونظافة يدهم وانسانيتهم.وفى المقابل يفضح هولاء الحرامية المتعافى وعبدالله احمد البشير وويكشف عقلية الدلاهة الذى يدون التاريخ حكم السودان 25 سنة ويكشف نفاق بلال وهلاميته
هذا الفديو الناس تكون حريصة وتحتفظ به


#837891 [الحلبي التركي]
5.00/5 (3 صوت)

11-25-2013 02:24 PM
هذا الفيدو جميل جداً .. في الواقع لم يهمني كثيراً أمر دعم المستشفى لأن الرفض أمر طبيعي ، فالكيزان عموماً يكرهون كل شيء سوى أنفسهم. وفي النهاية أموال خزينة الدولة هي أموالهم .
لكن ما يهمني هنا هو الناحية البروتوكولية . فالبشير يجلس مع أصحابه المنتفعين قعدة كوشتينة في النادي الألماني كعادتهم . البشير يتحدث في موضوع واحد تم تحفيظه له منذ إعلان التحرير الإقتصادي ، ولا يفهم السياقات الدولية ولا حتى مجرد تحويل الحوار لمصلحته سياسياً . الذين يتحلقون معه من الخنازير الإنتهازيين ، تبدو شخصياتهم واضحة ، المتعافي يبادر ويمثل دور مترجم الرئيس والناطق بإسمه وهو المتفاعل ، والذي يحاول أن يظهر للرئيس تفهمه لأقوال الرئيس العقلانية (بلبصة + خفة) واضحة. الباقين لا يريدون إدخال أنفسهم في جدل في قضية لا تخصهم ، وأعتقد أنهم كلما ذكر الدولار واليورو تذكرو أموالهم في ماليزيا ودبي والصين وهلم جرا .
إذا؛ الناحية البروتوكولية تكاد تكون منعدمة ، والحوار الذي دار هو حوار معتاد مع خط الكيزان وأسلوبهم في الكلام الذي نعرفه . في العالم الآخر تشكل لجنة تنفيذية للمراجعة الفنية والمالية . ويتم النقاش على طاولة مختلفة عن طاولة الرئيس . ويتم عبر دراسات مسبقة للجدوى الصحية والفنية وطبعا السياسية وخلافه . يتم رفع التقارير والتوصيات وخلافه . ثم يتم التنفيذ.
يا حليل الدول المحترمة ... أين أنتم يا أجدادنا الأتراك ... يا من علمتم العالم منذ الإمبراطورية المسيحية وحتى الإسلامية بل وحتى الدولة العلمانية الأتاتوركية الحديثة كيف تدار الدول المحترمة ... أصبحنا ملطشة للحرامية وكرور حوش بانقا البتغسلوا بالإبريق.


ردود على الحلبي التركي
United States [Zingar] 11-25-2013 06:52 PM
يا الحلبي التركي...أنا ما كنت عايز اعلق لأنه تعليقك مليان وفيه من الوعى والادراك الراقى.
وقفت كثيرا جدا عند جملة (ولا حتى مجرد تحويل الحوار لمصلحته سياسياً ) لأنها بالفعل تعبر عن مدى الغوغائيه والتخبط والمهازل التى نعيشها مع هؤلاء البهائم....
الحقيقه بأختصار الحيوان الجلف الأسمو البشير وحاشيته من الخنازير كانوا خارج نطاق دائرة الفهم للموضوع أللى من أجله قامت هذه المستشفى.....وغدا سوف نسمع منهم بأن هؤلاء جواسيس ولهم أجنده خاصه ضد البلد او طابور خامس...وطبعا نوع هذا الكلام اصبح بالنسبه لهم هاجس حتى تشابه عليهم البقر.

تخريمه
لفت إنتباهى فى هذه الصور مستوى النظافه العالى اللى هى اساس الصحه حتى إنعكس كل شئ على ارضية العنبر.


#837887 [kafoury]
5.00/5 (1 صوت)

11-25-2013 02:21 PM
لا برحمو ولا بخلوا رحمة الله ...السودانيين مجرد ان يصلوا الى مراكز القرار يتنكروا تماما عن الوطن ..في حكومة الصادق المهدي المطاحة ...اقترحت احدى الدول الاسكندنافية انشاء مستشفى مركزي يضم جميع التخصصات في جنوب كردفان وتدخل عبد الرسول النور المحسوب على حزب الامة ورفض هذا الاقتراح جملة وتفصيلا وبالتالي حرم السكان من المستشفى المزمع انشاؤه بالاقليم التى تفتقر للخدمات الطبية ..واعتقد السكان المحرومين بان عبد الرسول النور لديه بديل الى ان اكتشف الجميع بانه من طينة الذين لا يرحمو ولا يتركوا نعمة الله تنزل على العباد ..والجدير بالذكر بان آل المهدي لا يوجد في قاموسهم كلمة تسمى العطاء ..هم ياخذون فقط ولا يعطون ..واذا كان الامر خلاف ذلك ..هل هناك مدارس ومستشفيات في مناطق نفوذ المهدى في دارفور او في الجزيرة ابا ,,اما بالنسبة لدور القرآن تحت اشراف الانصار فهي عبارة عن مراكز لجمع الاموال من الفقراء وارسالها الى سيدهم الصادق المهدي في الخرطوم لكي يقتني بها العقارات والسيارات الفارهة داخل السودان وخارجها وحجز مقاعد الدراسة لابنائهم في ارقى الجامعات في ما ابناء الانصار فعليهم الاكتفاء بالرعي او التجارة بعد انهاء حفظ كتاب الله ..وها هم تعرضوا للابادة من قبل صهره الترابي وعمر البشير ولم يحرك الصادق المهدي ساكنا حتى رفض اقامة صلاة الغائب لارواحهم من باب التضامن ..فمفهوم السياسة لدى هؤلاء الساسة او السوسة ان جاز التعبير تعني تضليل وتغييب وعي المواطن وحرمانه من ابسط شروط الحياة الكريمة وهم يعيشون رغد العيش في ابراجهم المشيدة وابناءهم يتلقون التعليم النافع والصحة الناجعة في جامعات ومستشفيات الدول التى ينعتونها بدول الكفر في حين انهم جزء لا يتجزء من تلك الدول بدليل بانهم تلقوا تعليمهم فيها ..اكلوا الغلة وسبو الملة ..يمكنهم ان يكذبوا للشعب مرة او مرتين ولكنهم لا يستطيعون ان يكذبوا عليهم طول الوقت ..بدأت اقنعتهم الزائفة تتساقط وشرعوا كل يلقي اللوم على الآخر في تردي الاوضاع واشعال الحرب في دارفور وجنوب كردفان والنيل الازرق ..ومنهم فضل انفصال الجنوب طمعا في البقاء في السلطة ومنهم من ذهب ابعد من ذلك وقال ابيدوا ثلثين من الشعب واتركوا الثلث...هؤلاء هم ساستنا ادمنوا الفشل في بلد حباه الله بكل الخيرات وابتلاه بحكام قلوبهم كالحجارة بل اشد قسوة .


ردود على kafoury
United States [abusafarouq] 11-27-2013 05:29 AM
يا أخوى ديل معدومى مروة وإنسانية هل فى كل تاريخ السودان أسرة المرغنى أو المهدى شيد مدرسة أو مستشفا أو دور رعاية إجتماعية لكبار السن أو الايتام أو تكفلو بيتيم فى كل تاريخهم السيىء فى السودان والبشير نفس الطينة النبتة من الشجرة الخبيثة يترك المال العام لنفسه وزوجته وأخوانه وخاله الرئاسى الارعن ومطبلى النظام كى ينشؤا المستشفيات الخاصة والمدارس الخاصة والشركات الخاصة والمجمعات الخاصة من كافورى وعفراء مول ومين مول ما عارف تملكو كل أراضى السودان بممتلكاته وثرواته بددو المال العام فيما لا ينفع الشعب حسدا من عند أنفسهم اللأيستفيد المواطن بشيىء هؤلاء مستجدين نعم فتح عليهم فجأءة أبواب السماء والارض وأصبحوا أثرياء السودان بين ليل وضحاها لم يصدقو أصبحو لايرحمو ولم يتركو نعمة الله تنزل على العباد .ليقول لنا الرئيس التعيس نحن رغعنا دعم السكر والمحروقات وكل شيىء عشان يستفيد الفقير طيب أنت رفعت كل شيىء على الفقير كيف وأين الاستفادة هنا للفقير دى معاناة للفقير ليس بإستفادة يا أيها الرئيس التعيس وتمنع دعم مستشفى شيد على نفقة غير أهل دينك وأنت المسلم الهمام تمنع الدعم الا أن تكون مستشفى خاص يجبى لك ولأهلك الجبايات من مرضى القلب اللهم أوقف قلب البشير يارب فى هذا اليوم المبارك ولا تمهله أبدا لتكون عبرة وعظة..ء

United States [Hassan Alamin] 11-25-2013 06:31 PM
This topic NOT about Nation Party or Mr Prime MInister or Abed Arasol Alnor , you must read the topic and then write.


#837873 [عصمتووف]
0.00/5 (0 صوت)

11-25-2013 02:06 PM
لو سلمنا جدلا بان المتعافي وبلال بحكم وضعهم الدستوري ما شأن اللواء تاجر عبدالله شقيق البرش البشير وما دخا الرئيس اصلا تلك المستشفيات تدعمه الكنائس والجمعيات الخيرية الصلبية (الكافرة) بالملاين من الموال الثابتة والمتحركة (عينية ونقدية) ماذا فعل دكان ديوان الزكاة ووزارة الاهمال الاجتماعية وانصار نبينا الكريم والشريعة وحراس العقيدة من تجار العيش والسكر والبصل والزيت والاسمنت والسيخ اكشفوا لنا دفاتركم لعمل الخير انا متاكد سئياتكم اكثر بل مضعافة باعمال السوء والشر هل لاحظتم الفقر بين كهنة الكنائس وامة الجوامع لماذا القساوسة سهلين هينين مواعظهم بالحسني والترغيب وامتنا غلاظ الكبد مغلقة ادمغتهم جهلاءبذيئ اللسان انه الفرق الفرق الفرق


ردود على عصمتووف
United States [abuadeela] 11-26-2013 08:42 PM
ياعصمتوف آل البشير ممثلين فى عبدالله البشير خاتين عينهم على المستشفى ودايرين يكرهوا الخواجات فيه لغاية مايتخارجو منو وبعد يقع للجماعة ملح . بالضبط زى ماحصل مع بدروم مسجد النور بكافورى الذى تحول بقدرة قادر لمول تملكه الأسرة الحاكمة بالسودان , مع أن الخرط الأصلية للمسجد كانت تشير إلى أن البدروم سيكون روضة للأطفال ومركز لتحفيظ القرآن .
كده الفولة وقعت ليك ؟


#837864 [المستعرب الخلوى]
5.00/5 (1 صوت)

11-25-2013 01:59 PM
المستشفى دا بكرة حيكون واحد من املاك عبدالله حسن احمد البشير ..


#837823 [زول وطني غيور]
5.00/5 (2 صوت)

11-25-2013 01:19 PM
البشير من عائلة فقيرة جدا ولكن صدره يمتلئ حقدا وكرها للفقراء و المساكين لايريد للفقراء أن يتعالجوا مجانا ، هذه هي الحفيقية ولايريدأيضا لأبناء الفقراء أن يتعلموا مجانا، هذه هي الحقيقة أيضا وأقول للذين يرجون خيرا من البشير وعصابته خاب فألكم لأ خير في البشير ولا نافع ولا عبد الرحيم للسودان ولشعب السودان إلى يوم الدين ولا يوجد سبيل غير الخلاص من هذه الطقمة الفاشلة
المتغطرسة العدوانية.


#837768 [عمر عمري]
5.00/5 (1 صوت)

11-25-2013 12:32 PM
والرمة حمد بلال دا مش استشاري؟
كيف يتكلم المتعافي الطبيب العمومي؟
ولاول مره نعرف انو المتعافي هو السايق الريس الاخطل المابعرف يتكلم
ولا في قلبو ذره اهتمام بمواطنيه

طيب ياعفن اتبرعت لغزه والصومال ومصر...
وهنا بالقروش
خيبك الله اينما حللت ياعمر البشير ياكريه وكل من ايدك بالظلم


#837760 [mahjoom]
0.00/5 (0 صوت)

11-25-2013 12:24 PM
البشير هو كلب السرة


#837698 [غدر الزمن]
0.00/5 (0 صوت)

11-25-2013 11:23 AM
ياخي الزول الكرعينو عاملات زي الزردية دا مافيهو خير ابدا والله حرام يكون حرامي خليك من رئيس دولة لانو الحرامي كريم وبيحب يعمل خير


#837693 [إسلامية]
0.00/5 (0 صوت)

11-25-2013 11:18 AM
يا نااااس انتو اي كلام بتكتب بتصدقوه

معقولة الرئيس عمر البشير يقول الكلام المكتوب أعلاه

: "انتو اعملو قسم خاص للناس المقتدرة عشان تعملوا قروش تدعموا بيها المستشفى".!!

يا السيد الكاتب جيب لي الدليل الدليـــــــــــــــل علي أن ما ذكر أعلاه قااله الرئيش البشير والا قكل ما كتبته لا يمت للواقع بصلة . الواحد ما ينكر أنو البلد ترااجعت للوراء والله يعلم متين ترجع تاني ولاكن الا الكذب الا الكذب


ردود على إسلامية
United States [abuadeela] 11-26-2013 08:47 PM
يا متأسلمة , قبل ماتجى ناطة بى كلامك الفارغ الزيك وزى رئيسك البتحاولى تدافعى عنو أرجعى للفيديو المصاحب للموضوع عشان ماتبقى أضحوكة .
وهم .

United States [ياسر عبد الوهاب] 11-25-2013 08:08 PM
إسلاميه..احييك....
ولزوم القافيه.... ك.برضو

European Union [اللبرالي] 11-25-2013 03:23 PM
انت الظاهر عليكي من اخوات نسيبة الفاتهم قطار الزواج. امشي استشهدي في جبال النوبة ممكن تعرسي ليك ود حور. اذا مامصدقة شوفي الفيديو؟؟؟؟؟؟؟؟

United States [البعاتي] 11-25-2013 02:05 PM
والله انت موش اسلامية انت زلابية وزلابية معفنة كمان ..
شاهدي الفديو واسمعي باذنك وشاهدي بعينك ماذا قال رقيصك الخايب ..
ولو ما بتعرفي انجليزي استعيني بكوز وسخ بعرف انجليزي يترجم ليك

United States [المقهور] 11-25-2013 01:46 PM
يا اسلامية.. من اسمك الكاتباهو دا يعنى انك ما عندك اخلاق اسلامية... فى فرق بين اسلامية ومسلمة
وكتير من هو اسلامى وغير مسلم

ثانيا البشير يعرف شنو غير الكذب واقناع الناس بالباطل.. وانتى عايزة دليل اكتر من الوضع العايشين فيهو من ضيق وفساد ومحسوبية..

انتو يا اسلاميين فهمكم واحد.. وعباراتكم بقت محفوظة لانكم شاربين من نف العفن والخبث.. يعنى مدرسة واحدة


قاتلكم الله .. وربنا ياخذكم بحق دعوات الغلابة .. قادر ومنتقم يارب


#837649 [ود كافورى]
5.00/5 (1 صوت)

11-25-2013 10:39 AM
البشير يريد الحفاظ على المال العام ولكى لا يصرف هدرا


#837632 [مقهور]
0.00/5 (0 صوت)

11-25-2013 10:27 AM
من أين أتى هؤلاء؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


ردود على مقهور
United States [روجر] 11-25-2013 07:27 PM
الأغرب من كده وقاحة المتعافن كلب جهنم


#837612 [وحيد]
5.00/5 (3 صوت)

11-25-2013 10:19 AM
السيناريو الطبيعي لسياسة كلاب الانقاذ: اولا يزورون المستشفى و تعجبهم و يثنون عليها .. اذا عجبتهم تبدأ المضايقات الرسمية باستخدام اجهزة السلطة : جمارك ضرائب محليات قوانين ولاية و يقوم المحرشون بتوجيه انتقادات تبدأ بسوء الاداء و تنتهي بالاتهام بالعمالة و الخيانة الى اخره ... يضطر العاملون و الجمعية الخيرية للانسحاب و ترك المستشفى ... يضع احد المتنفذين يده على المستشفى و مبانيها و اجهزتها و يتم تحويلها لاي غرض تجاري لمصلحة كلاب الانقاذ . انتهىى السيناريو


ردود على وحيد
European Union [عوض محمد] 11-26-2013 01:02 PM
سيناريو 100% وعليك مراجعة المستشفى بعد شهرين من الان ... سوف تجد السيناريو هو الحصل


#837349 [تينا]
1.00/5 (1 صوت)

11-25-2013 07:18 AM
خسارة ما لينا فى الطيب نصيب . ليه كدا يا البشير نعمة وجاتنا فى محلنا ترفسا لينا ؟؟ يا اخوانا انتو لا بترحموا لا بتخلوا رحمة الله تنزل علينا ؟؟ الله المستعان .


ردود على تينا
United States [اخو فى الله] 11-27-2013 01:31 AM
والله حيرتنا يا الاسمك (انا)
داير تصل لشنو ....مش قبل يومين كان ردها واضح بخصوصك
والا الود شفت عشان جابت سيرتك كترت المحلبيه
انت كده بالطريقه دى فعلا قاصدها
روق المنقه وما ح تصل الى نتيجه غير مزيد من العداء سوف تجده من طرفها

European Union [انا] 11-26-2013 02:21 AM
ناس كتيرين حتى فى العرس ما عندهم نصيب


#837313 [سوداني]
5.00/5 (2 صوت)

11-25-2013 06:50 AM
شوفوا يا ناس الحكومة الناس لو عاوزة تشنغل ح تشتغل وبعدين ال 5 مليون دولار ديل عند اي حرامي كوز وشخ معفن
تف عليكم جوعتوا الناس ومرضوهم الله ينتقم منكم


#837209 [مواطن]
3.50/5 (2 صوت)

11-25-2013 02:24 AM
عمر البشير راس مالك طلقة فوق راسك المعولق ده يانعيجة ياعاقر يا المابتشبه الرجال تفو عليك وعلى امك ياواطي


ردود على مواطن
United States [Zingar] 11-25-2013 07:08 PM
يا بديرى كتر خيره مواطن عمل ليهو أم.....ولو بشيرك ده عنده ام كان عرفت تربى مش بقولوا الأم مدرسه..

European Union [بديري] 11-25-2013 08:32 AM
يا مواطن لك الحق في ان تسب البشير وبماشئت . لكن ان تشتم امه فهذه والله كبيره تزكر ان لك ام . ارجو ان تستغفر الله اولا وتصحح كلماتك وتذكر ان لك ام.
فكل المهات لهم الابن الصالح البار والابن العاق


#837202 [رانيا]
5.00/5 (2 صوت)

11-25-2013 01:22 AM
البشير ده وحكومته مافي قلوبهم ذرة رحمة وانا ما بستغرب الكلام ده. هم فئة جات تقش وبس . . واثناء عملية القش دى ما عايزين يعملوا حاجة لا للإنسان ولا الحيوان ولا الارض . . اخد من دون عطا .وحسه في الراكوبة دى بنقرا عن إنعدام ادوية الامراض المزمنة وتانى فضل شنو? الله يرفع الظلم عننا. المبنى جدا رائع ويشرح القلب فعلا. الله يسخر للمرضي والمحتاجين ذوى القلوب الرحيمة البتفهم معن الإنسانية.


#837201 [سامى]
5.00/5 (1 صوت)

11-25-2013 01:17 AM
بكره بطرود الطلينان من المستشفى وينهار المستشفى علاقه وزير الزارعه شنووو وعبدالله البشير الناس شكلهم جايين يقفلوا المستشفى ويحولوه لاستمارتهم جاين يلقوا نظره استكشافيه بعدين شووف طريقه كلاموا مع الخواجه كيف بكل عجرفه والكذاب وزير الاعلام


#837200 [سودانى شديد]
0.00/5 (0 صوت)

11-25-2013 01:17 AM
بالجد لا تعليق


#837187 [مسلم غيور]
5.00/5 (4 صوت)

11-25-2013 12:49 AM
وا اسلاماه .. الكنيسة الايطالية أرحم بشعبنا من اخوة المشروع الحضاري !!!!!


ردود على مسلم غيور
United States [سودانى غيور] 11-26-2013 01:05 AM
هههههههههههه دى شديده دى واااسلاماه دى
انو الكنيسه الايطاليه ارحم من (اخوة ) المشروع الحضارى دى ما قديمه وحرب الجنوب ما بعيده ودارفور اسى من على بعد (كليك ) واااحد تشوف ( الرحمه ) من وين بتكب
اسى بعد ما عرفت البرنامج دا حتسوى شنو ؟ عليك الله


#837180 [alayam]
5.00/5 (2 صوت)

11-25-2013 12:41 AM
يشهد الله أن هؤلاء ليسوا رجال دوله لا يحزنون ... إنهم من سخريات القدر ... أتي بهم "علينا" ... قاتلهم الله ...علي أقل تقدير وعرفانا بالمجهود المقدم أن يلتزموا و لو بقدر يسير من المبلغ المطلوب سنويا ... لاعب كوره بدفعوا فيهوا اكثر من المبلغ ده ...مافي راجل منهم يدق صدروا ويدفع القروش من أموالنا الأكلوه وخلاص ... حقوا نعمل حمله تبرع للمستشفي ونقول ليهم بلا مقتدرين جن أحمر ... بلا يخمكم ,,,


ردود على alayam
United States [sama] 11-26-2013 07:03 PM
تصور أنا فكرت فى الموضوع وقلت الشعب السودانى الأصيل بدل ما يفقد هذا الصرح الإنسانى للأبد ويفلت كل الموضوع من يده و هو فى حوجه ماسه له يمكنه القيام بحملة تبرعات على نطاق واسع يسند بها أهله المحتاجين و الفقراء من دول الجوار بالمنطقه لتلقى العلاج المجانى فأصحاب المستشفى من حديثهم فهمت أنهم وعدوهم بالعلاج المجانى و سيحتفظون بهذا الوعد


#837178 [لا لا لا للصعاليق]
5.00/5 (2 صوت)

11-25-2013 12:12 AM
عمر البشير الكلب الحرامي المجرم الله لا يبارك فيك يا بيشة


#837174 [Machut مشوت]
5.00/5 (1 صوت)

11-24-2013 11:51 PM
بكره يتهموكم بالصهونية والتشهير براس الدوله او اتهاماتنا الجاهزه ديك.... ويحولوا المستشفى للواحد منهم ..... وكم يوم ولا شهر كدا يبعيها... وبعد داك تبقى فى تاريخ المستشفيات اللحقت امات طه ....... امة عظيمه تركت نعاج تقودها


ردود على Machut مشوت
European Union [بديري] 11-25-2013 08:34 AM
كونو ادوها لواحد حرامي دي اكيده مش متوقعه وحاتكون اثر بعد عين . دا فقههم مال النصاره ما خساره


#837151 [الكاهلي]
4.75/5 (4 صوت)

11-24-2013 11:08 PM
وما خفي اعظم.
حسبنا الله ونعم الوكيل فيكم يا فسدة يا تافهين لعنة الله تغشاكم صبح مساء وفي كل نبضة من نبضات قلوبكم القاسية النتنة الخبيثة


#837135 [الباشق]
5.00/5 (3 صوت)

11-24-2013 10:43 PM
المستشفى يشيل رقبتو !!!!!!!!
رقبتك ان شاء الله تنقطع
السؤال المحيرنى ابو قردة دا جاي معاهم ليه؟


#837134 [menew]
5.00/5 (1 صوت)

11-24-2013 10:39 PM
hom 7osala. a7.thahom allah, yomhil wala yohmil


#837131 [انصاري]
0.00/5 (0 صوت)

11-24-2013 10:35 PM
شريعه..شريعة..ولا نموت....... ما لدنيا قد عملنا... نحن للدين فـــــــــــــــــــــــــداء..!!؟؟؟ ولترق كل الدمـــــــــــــــــــــــــــــــــاء


#837130 [ودالعمدة]
5.00/5 (1 صوت)

11-24-2013 10:33 PM
تأكد لكل من يتلحف سماء وأرض السودان انه :.....
:
:
:
:
:
:
:
لا يوجد "ضمير" عند بشبش وزمرته ...الا في كتاب "القواعد"


ردود على ودالعمدة
[؟؟؟؟؟؟؟؟؟] 11-25-2013 12:16 PM
ولا في كتاب القواعد ذاتو


#837124 [Mohamed Bandi]
5.00/5 (2 صوت)

11-24-2013 10:25 PM
أكبر توثيق يبين زيف تجار الدين, مرضى , تخيل ان بلد كامله تدار بمثل تلك المفاهيم؟؟ هذه مفاهيم لا تصلح لادارة نادى لكرة القدم الشعبيه , او حتى مقهى شعبى, انا حافكر انتحر لانو محكوم بواسطة امثال هؤلاء, فهو سبب وجيه للتفكير فى الانتحار لولا انه محرم,
اللهم عليك بهم فانهم لا يعجزونك.


#837122 [ساب البلد]
5.00/5 (4 صوت)

11-24-2013 10:21 PM
هذا ما حدث قبل سنين عندما قام رجل البر و الاحسان رجل الاعمال كمال حمزة ببناء مستشفي الوالدين الخيري للعيون بامدرمان شارع العرضة بانه خيري صدقة لروح والديه و لكن الحكومة تدخلت و اجبرت الادارة علي فرض رسوم للمرضي و قد كان .....في حين يتبرع البشير ب 3 مليون دولار لبناء حديقة لملس زيناوي .. وايضا شراء لقب السيدة العربية الاولي ب 2 مليون دولار.. في حين يستخسر التبرع لعلاج اطفال السودان..يا اختشي الكفار عايزين يساعدوا شعبك وانتو ظل الله في الارض معترضين...
الغباء انو البشير وقناة قلبك و المتعافن بقترحوا بناء مستشفي موازي لدعم المستشفي طيب ماهم عارفين الخطوة دي بس دي ما مبادئهم يعني خلاص هم راجينكم... هم كلاهم واضح يا تتبرعوا يا تسكتوا..ما قال ليكم نظروا.....


والله انا اعرف اطفال كتير عملوا عمليات و نجحت عمليات ممكن تكلف الاف الدولارات في الخارج..




كلو كوم و الانجليزي الدراب دا كوم تاني (ده انجليزي يا بشه)



خدمات المحتوى


صفحة 1 من 212>
مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة