الأخبار
منوعات سودانية
احداث مؤسفة في مبارة النيل وحي العرب بالحصاحيصا وجماهير بورسودان تتوعد بالرد -
احداث مؤسفة في مبارة النيل وحي العرب بالحصاحيصا وجماهير بورسودان تتوعد بالرد -
احداث مؤسفة في مبارة النيل وحي العرب بالحصاحيصا وجماهير بورسودان تتوعد بالرد -


شاهد صور
11-30-2013 10:51 AM
المثني ابراهيم بحر

شهدت مباراة النيل وحي العرب بالامس احداث مؤسفة عقب نهاية المبارة بالاعتداء من جماهير الحصاحيصا علي جمهور حي العرب الذي حضر مناصرا لفريقه من بورسودان والخرطوم وجاءت الاعتداءات من جماهير النيل بالرغم من فوز فريقها, وكانت الاحداث امتدادا للاحداث التي شهدها استاد بورسودان في المباراة الاولي التي انتهتا بفوز السوكرتا بهدف واثناء خروج السيد محمدسيداحمد رئيس اتحاد الحصاحيصا ومساعد رئيس الاتحاد العام لكرة القدم من الاستاد والجماهير مبتهجة بالفوز ومن باب المكايدات التي عادة ما تحدث في الكورة من باب المكاواة كانت تهتف في وجه محمد سيداحمد, الا ان محمد سيد احمد عبر عن غضبه عن ذلك وقام بالبصق في وجه الجماهير مع الشتم والسب بالفاظ نابية ,وتم احتواء الموقف من بعض الحكماء الذين كانوا متواجدين في الاستاد وتم احتواء الموقف من غضبة الجماهير التي كادت ان تفتك بمحمد سيداحمد والاغرب من ذلك انه ذهب بعد ذلك الي نادي حي العرب لا ليعتذر وانما لبرر فعلته القبيحة التي بدرت من اعلي مسؤل رياضي يمثل اتحاد كرة القدم كان من المفترض ان يكون غدوة وقد تناول الاستاذ الطاهر ساتي هذا الموقف المشين في عموده يوم الاربعاء الماضي بأعتباره كان شاهد عيان في المبارة, وكاد محمد سيداحمد ان يتعرض للفتك مرة اخري من قبل الجماهير المرابطة في النادي لولا تدخل بعض اقطاب النادي, ولكن يبدو ان اهل الحصاحيصا بقيادة محمد سيداحمد قد اضمروا الشر لنادي حي العرب وذلك من خلال الاحداث التي شهدها استاد الحصاحيصا عندما اعتدت جماهير الحصاحيصا علي جماهير حي العرب بعد المبارة في مشاهد وجدت صدي استنكار واسع من كل الذين سمعوا بهذه الاحداث وجماهير بورسودان علي وجه الخصوص التي توعدت اندية وجمهور الحصاحيصا ومحمد سيداحمد للرد بالمثل في اقرب مباراة تجمعهما في بورسودان, وبعد المباراة لوح محمد سيداحمد لجماهير حي العرب بيده بطريقة لا تمت للاخلاق او الرياضة بصلة كما اكد كل الذين شاهدوا المباراة, والاغرب من ذلك عدم تحوط السلطات لمثل هذه المباراة الحساسة والمهمة ولم يتدخل اتحاد الحصاحيصا لمعالجة الامر او بالاعتذار للضيوف الذين جاءوا مناصرين لفريقهم والاغرب من هذا ان محمد سيداحمد الذي يترأس لجنة الحالات السالبة بالاتحاد العاد اصبع بفعلته من اكبر سلبيات الاتحاد العام الذي مارس صمت القبور علي هذه الاحداث.

image

image


تعليقات 36 | إهداء 0 | زيارات 12512

التعليقات
#844011 [شرقا يخوض النار]
1.00/5 (1 صوت)

12-02-2013 12:38 AM
يا بلويت كلكم ما فيكم خير , الله يحلنا من سودانكم دا , تخيلو لو الحصل دا كان من اهل بورتسودان ومن ادروب ؟ كيف كان سيكون الاتهام والرد ,, والله السودان دا ما فضل فيه اي خير الله يخارجنا منه واردوب قريبا سيصحوا من ثباته


#843925 [ابوبدر]
1.00/5 (1 صوت)

12-01-2013 09:46 PM
ياجماعة بالله عليكم . الفرق شنو بين الدورى الممتاذ ودورى الدرجة الثانية
هى اصلا فى كوووووورة فى السودان كلهم فى مستوى واحد
يعنى الفرق شنو بين المريخ وحصاحيصا وبين الهلال والنيل . مافى فريق يشرف السودان فى البطولات الاقليمية ولا الدولية


#843494 [سامي البارودي]
1.00/5 (1 صوت)

12-01-2013 01:35 PM
قال كورة قال حينما يجلس ناس جكسا وشداد في البيت فماذا نرجو من امثال سيد احمد هذا


#843311 [الخبر اليقين من الحصاحيصا]
1.00/5 (1 صوت)

12-01-2013 10:33 AM
اولا النيل لا يمثل الحصاحيصا
ثانياً كل الحصاحيصا تكره النيل وكانت تتمني ان يهبط
ثالثا هؤلاء الشوايقه وبدون عنصريه هم اسوأ من عرفت الحصاحيصا علي مر التاريخ
رابعا المؤتمر الوطني والنيل والشوايقه كلهم انشاءالله بالحريقه التحرقهم
خامسا التحيه لاهل الشرق الحبيب ولكم العتبي حتي ترضوا وعليكم مراجعت حكومتكم لان قادت الاتحاد صرحوا بان النيل لن يهبط وكان لهم ما ارادوا
سادسا العين بالعين والسن بالسن لابد ان يحضر النيل الي بورسودان مره اخري بس اعرفو اخلصو حقكم ليكم اللحم والعضم معاً


#843152 [جر كان فاضى]
0.00/5 (0 صوت)

12-01-2013 08:26 AM
وهل هناك اى فنيات فى لعب الكرة السودانية؟...اللاعبين شغالين فى لعب الكورة شلاليت فى شلاليت...وانتقلت فنيات الشلاليت من اللاعبين للجمهور...اصبحت ثقافة الجمهور شلاليتية...وامتدت الشلاليت الى خارج الملعب..ووصلت الصحافة والتلفزيون...وافيفتااااااااااه


#842892 [طارق الباز]
4.50/5 (4 صوت)

11-30-2013 08:56 PM
انتو لما عندكم طاقه قدر دا امشو اطلعوا مظاهرات..... وين الكورة البتستاهل من الاساس؟


#842814 [amani]
5.00/5 (1 صوت)

11-30-2013 07:33 PM
محمد حسن سيداحمد شخص لا يفقه شي في الكورة ولا ادارة الكورة شخص غير موهل ان يقود اي منصب حمار مابعرف يسوقواللهم الا انه قريب عضو المؤتمر الوطني ووزير المواصفات والمقاييس الفريق عبدالله حسن عيسي وهم الاثنين شكل بعض والطيور علي اشكالها تقع وليس غريب فكل السودان اصبح يديره مثل هولاء الاشخاص وهذه الاشكال ( الرجعنة لي وراء مية سنة شنو ) المحسوبية والعلاقات والواسطات والمعارف ده قريب دة ودة ود عم ده وده وده وده وده وده وده الله يكون في العون ولا يسعنا ان نقول الا حسبنا الله ونعم الوكيل


#842801 [ايمن فرحات]
3.00/5 (2 صوت)

11-30-2013 07:19 PM
للاسف الشديد ان يكون مثل هذا الشخص العديم الاخلاق العديم التربية فى الاتحاد هذا الجاكومى من قبل احداث الحصاحيصا فى برنامج رياضى قناة النيل الازرق استضافته مع عدد من الرياضين وعند مداخلة من الصحفى المرحوم عبد المجيد عبد الرازق قبل وفاته باسابيع قليلة ادلى برايه فى الرنامج على حسب طلب مقدم البرنامج بعد الانتهاء من المكالمة الجاكومى يقول للصحفى العظيم والمعروف لجميع الرياضين باخلاقه انت آفة الكرة السودانية بالله شوفوا مين آفة الكرة السودانية يا اتحاد الغفلة فجأة لقيتوا نفسكم فى الاتحاد مثل الجاكومى والله ما تصلح تكون عضو فى فريف رابطة بالعملية العملتها فى المباراة السابقة واالله لو ناس الحصاحيصا ما حاسبوك قبل الاتحاد على الدنيا السلام يا حصاحيصا لانه اساء للحصاحيصا قبل التحاد العام لان الرياضة رسالة ومحبة بين الرياضيين فرضا لو النيل الحصاحيصا انهزم من حى العرب يعنى شنو كل واحد وين الكرة السودانية عشان نقتل فى بعضناوطبعا وزير الشباب والرياضة ما حيعمل اى حاجة والموضوع يمر مرار الكرام وكأنو مافى حاجة حصلت حسبى الله ونعم الوكيل فيك يا الجاكومى حيجى يوم نشوفك فيهو حق اهل بورتسودان ما بروح


#842794 [سودانى]
5.00/5 (2 صوت)

11-30-2013 07:05 PM
رد على عصام حسام الظاهر تعليمك من تعليم زمن الانقاذ يعنى فاقد اكاديمى وكمان للاسف فاقد وطنى كيف الحصاحيصا تقول مسلميه ودباسين وخلينا من الشوايقه الشوايقه قبيله سودانيه لها الحق تستوطن اى منطقه في السودان كمان الدباسى لهو الحق يسكن مروى مافى شى رجعنا لوراء غير العنصريه العمياء مع الجهل المركب وحسن وراق ده صحفى مصادم وقومى وبواجه الانقاذ بكل الطرق خليك من قبيلته انقده كصحفى لكن لايجوز النقد على اساس قبلى الشى الحيرنى النظره العدوانيه على الشوايقه ليه ماعارف وكلامك عن شايقى ودباسى يوكد شعورك بالدونيه واكيد ليس لك اصل نب شيطانى قايم بروس عشان كده حاقد على الشوايقه انصحك خلى عندك ثقه بنفسك شويه


#842775 [samid]
0.00/5 (0 صوت)

11-30-2013 06:31 PM
ههههههههه بالله عليكم كورة شنو ده , وقفوا الكوره ساي في السودان ما جايبه حقها


#842765 [الحلاوي]
1.00/5 (1 صوت)

11-30-2013 06:18 PM
للاسف انجر الكثير من الاخوة المعلقين على الاساءة للحصاحيصا بشكل عام مع العلم بان من قام بهذه الاعمال هم قله ولا يمثلون اهل الحصاحيصا وللاسف ناقل الخبر انجر في الحديث بالاساءه اكثر لاهل الحصاحيصا الكرام من غير ان يوضح السبب الرئيسي للمشكله وهو انه في الحقيقة تم رشق جماهير الحصاحيصا بالحجارو من قبل جماهير حي العرب والخطا هنا مركب ومن الطرفين ليس من السليم ان يتم الاعتداء على اي احد ومن اي طرف كان
الاخوه قراء الراكوبة ارجو عدم الاساءه لمنظقة كالحصايصا وهي كسائر مناطق السودان يوجد بها الصالح والطالح وشرزمه من امثال محمد سيد احمد الجكومي .
وحسب ماوردني انه كان هناك الكثير من الاعتراض على هذا التصرف المشين من اغلب اهل الحصايصا

ولكم خالص الود والاحترم جميعا


#842752 [مهاجر]
0.00/5 (0 صوت)

11-30-2013 06:04 PM
من المفترض ان يكون رئيس اي اتحاد قدوة حسنة ولذا لانلوم الجماهير بعد ان بصق في وجهة الجماهير يجب محاكمتة لو كان في البلد مسؤول .


#842702 [محمد خيرى]
0.00/5 (0 صوت)

11-30-2013 04:28 PM
من ألمعروف أن ألجمهور ألرياضى يتأثر دائما بتصرفات ألمسئولين فى ألمؤسسات ألتى - يقال أنها رياضية- وتعيش كتير تشوف كثير فى هذا ألزمان من ألذين يقودون ألمؤسسات ألرياضية فى هذا ألبلد ، وربنا يكون فى ألعون.


#842696 [عبده الطاهر]
5.00/5 (1 صوت)

11-30-2013 04:10 PM
هذه اخلاقهم اينما حلوا ووجدوا فهي لاتشبهنا كسودانين فمن اين اتي هولاء كما قال اديبنا الكبير الطيب صالح فزعيمهم يشتم ويسب الغير كما يشاء ثم يرقص ونافعهم اضر بهم بلسانه القبيح الي ان طرد من سرادق العزاء كاول ظاهرة في السودان وقنصلهم يلوح بعضوه الذكري في المدينة التي بها بنايات محكمة الجنائات الدولية وهذا الاخير رئس الرياضة بالحصحيصا بدلا من ان يكون رسولا لما تحمله الرياضة من معاني يمارس مثل هذه التفاهات ولكن هذا ديدنهم وان غدا لناظره قريب


#842692 [نارين]
0.00/5 (0 صوت)

11-30-2013 04:03 PM
حقّنا بناخدو بإيييييييييييييدنا لو هم عاملين فيها نحن أرجل منّهم والتجبيصة بتاعت الجاكومي بنردّها ليهو فعلاً وليس بالإشارة .. زمااااااااان كانت المشاكل دي بين مدني والحصاحيصا وناس مدني عرفو كيف يلبسوهم الطرح أها نحنا يا ناس الحصاحيصا بنلبسكم زمام مع الطرحة والأيام بيناتنا


ردود على نارين
United States [الحلاوي] 11-30-2013 06:22 PM
ياخوي الشغلة ما مد ضراع في الفاضي ساي لاانته حتلبس زول طرحة ولا غيرك لابس طرحة والزول الاسمو محمد سيد ااحمد ده بيمثل نفسو وبس ومافي داعي للكلام الشين عن منطقةعريقة زي الحصاحيصا .
عندك كلام امشي اعملو مع محمد سيد احمد وانا اقول ليك ماحتعمل ليهو شي لانو السواااااي موووو حداااااث ان فهمته المثل


#842685 [ابو وليد]
1.00/5 (1 صوت)

11-30-2013 03:50 PM
هيي وينا الكورة البتقاتلو فيها ؟؟؟؟؟؟؟؟


#842670 [ابو الخير]
0.00/5 (0 صوت)

11-30-2013 03:35 PM
محمد سيد احمد ومعتصم جعفر هم الذين اوصلوا الكرة السودانية للحضيض
لايلام على مافعل وهذا متوقع منه


#842640 [ولاء]
0.00/5 (0 صوت)

11-30-2013 03:01 PM
هو بعد الموردة نزلت فى حاجه ...فليتمتعوا هؤلاء الحرافيش بأمدرمان .
من أين أتى هؤلاء .....


#842637 [حد بيعرف احسن م الحكومه!!]
0.00/5 (0 صوت)

11-30-2013 02:56 PM
والله وبالله اننا جد حزينون عليكم يا اهل الحصاحيصا.. اللى حصل فى استادكم من قبل احزن كل من له صلة بالرياضه .. واعتبرنا اعتداء لاعبى المريخ وسوء تصرفهم تجاه مكاتب اتحادكم اعتداء على كوول مواطنى مدينتكم الوادعه وعلى المثل وألأخلاق الرياضيه ..
(2) المؤسف ان يكون رئيس ألأتحاد العام وهو هو من ابنائكم..ربنا ما فتح عليهو بكلمه شجب اوادانه لما حدث لمواطنيه وللرياضه اللى ظل يسعى ليكون قائدها دون استحقاق..ليه صمت؟..خشمو مليان شنو؟
(3)ألأمر الذى يضاعف من احزان الرياضيين على الرياضه وعلى مثلها واخلاقياتها وعليكم كمان (يا اهل الحصاحيصا ان صح ما جاء فى الخبر)ان يكون هذا المدعو محمد سيداحمد اللى صمت عن اثارة موضوع سوء خلق لاعبى المريخ واساءتهم للرياضه واحتقارهم لأستادكم ولنفسه كرئيس للأتحاد المحلى استجابة لطلب رئيس بعصة المريخ.. قيل انه ايضا سقط فى بورسودان المضيافه والمضيفة له ولفريقكم وبدون حياء مشى كمان للناس فى ناديهم ليؤكد فعلته الشائنه فى استادهم وامام جماهيرهم وايه قال : هو قاصد اساءة بعض اهل بورسودان وموش كووولهم.. يا سلام على العبقريه وألأخلاق الحميده..مما يؤسف له انه هو رئيس اتحادكم المحلى كمان..
(4) طيب اولاد بورسودان ضيوفكم والمفروض اكرام الضيف .. وفريقكم منتصر عليهم ..ليه محمد سيد احمد دا يسقط للمره التانيه بينكم بتلويحه بيده بطريقة وصفها من شهدها بانها لا تمت الى الأخلاق او للرياضة باى صله.. كان عمل شنو لو اولاد بورسودان تغلبوا للمره التانيه على فريقكم؟
(5)وهل يتوقع من اتحاد الحصاحيصا اللى على راسو من سقط وسقطت معاه كل المثل وألأخلاق فى بورسودان وبينكم.. هل يتوقع منه تطييب خاطر صيوفو اوألأعتذار لهم!!! واى حالات سالبه يترأس لجنة معالجتها ومحاسبه مرتكبيها هذا ال محمد سيد احمد..!!
(6) ها ناس .. السودان راااااح... بس بكل اسف يا اهل الحصاحيصا واللهى ما تستاهلو ينشال حسكم وحالكم بسبب سوء تصرف واحد منكم لم تحسنوا اختياره لقيادة الرياضة فى مدينتكم ومفروض يكون قدوه ومثل للفضيله ولكريم ألأخلاق امام من يصغرونه سنا من مواطنيكم وطلاب مؤسساتكم التربويه..


#842622 [الجــــزيرة ابا]
0.00/5 (0 صوت)

11-30-2013 02:27 PM
عادى جدا دولة رئيسها برقص فى جثث ضحاياه مطلوب من اعضاء حزبه احترام الناس ؟! اصلا قلة الادب وعدم التربية نموذج ملتصق بهؤلاء واضنينا اتقدت من زمن يونس محمود حتى الان .. وبقينا نقول للعالم انكم ( تحت جزمتى ) .. الكلام دة لو كان بالحكم العادى كنا ما زعلنا ولكنه يحدث باسم الاسلام الذى يقول ( ليس المسلم بطعان ولا لعان ولا فاحش ولا بذئ ) .. وطالما انتهج هذا الحزب العوارة وطليّع اللسان للشعب فلا حلول ترتجى الا بازالته لتستقيم الامور اجمعين .. الرياضة جزء اصيل من الاخلاق ولمن دخلوها صقيرها حام . حسبنا الله ونعم الوكيل


#842607 [ابوفارس]
0.00/5 (0 صوت)

11-30-2013 02:05 PM
الحصاحيصا بقعة كريمة ومكرمة ... قلب نابض في جزيرة سوداننا المنكوب عن آخره..انسانها انسان الجزيرة المسالم الكريم خصاله...بورتسودان لا تقل عن الحصاحيصا ان لم تزد عليها...ارجو عدم خلط الأمور ...نخشي من تكرارحالة(بورسعيد)copy__ paste) ...نرجو عدم جر جمهور المنطقتين لذلك ... للكلمة والحرف شرف ومسئولية..كونك متمترس خلف الكيبورد لا يعطيك الحق في اطلاق كلمات يمكن ان لا تدري مفعولها او تستهين به...محمد سيد أحمد فاقد تربوي(اخلاقي وإداري)..معذور لجهله ومن أتوا به وجعلوه في منصب أكبر من الجلباب الذي يرتديه...زول متعصب ومقيت وكريه ...همه الأول ان يرضي ميول تعصبه حتي لو السودان يحرق... والله لن ينصلح حالنا ما لم نبعد أمثال محمد سيد أحمق


#842605 [ود نهر النيل]
0.00/5 (0 صوت)

11-30-2013 02:04 PM
ذاك الشخص ليس بالسودانى الاصيل انه تربية الموتمر الوطنى اعزكم الله الكوره اخلاق قبل كل شى الا ان اهذا المدعو رئيس اتحاد مدينة جميلة وانيقة بها اندية محترمة هلال مريخ (غير ان الاخلاق فى وادى وهذا المدعو فى اخر)
انه اخر الزمان الامور العامه يتحولاها امثال ذاك هذا المدعو بذره فاسده فى مجتمع نقى


#842584 [ابو احمد]
0.00/5 (0 صوت)

11-30-2013 01:37 PM
الكل شاهد في التلفزيون محمد سيداحمد في نهاية المباراة وهو واقف في المقصورة وكانه مشجع في المساطب الشعبية وليس عضوا في مجلس ادارة الاتحاد العام.


#842545 [abuadeela]
0.00/5 (0 صوت)

11-30-2013 12:44 PM
باأمة ضحكت من جهلها الأمم .


#842528 [رانيا]
5.00/5 (2 صوت)

11-30-2013 12:26 PM
خسارة يا اولاد بلدنا . . انا ما شفت ذى البيحصل ده غير في مباراة مصر والجزائر الشهيرة . ليه تحاكوا الناس في الحاجات السيئة خلاص بقيتوا زيهم?


#842509 [كوستاوى]
4.00/5 (2 صوت)

11-30-2013 11:58 AM
المبارة دى فى ياتو بطولة واللم الحصاحيصا مع بورسودان شنو .... وناس الحصاحيصا وينا كورتم هم ... والله جيرتونا يا ناس الاتحاد ..


#842504 [DR SAMI ALI]
0.00/5 (0 صوت)

11-30-2013 11:54 AM
النيل من اسواء الفرق التي تلعب باالسودان فريق قواد ويعمل لحساب الموتمرجية وهو زليل المريخ وقريبا الهلال فعلا النيل الزليل يشبه حال السودان الان ...وغدا ناظره لقريب ونتمني من ادروب طحنكم في اول زيارة لبورسودان ولو بعد 100 سنة وكل الشعب عارف انو اتحاد حرامي الاعلانات معتصم سيفوز النيل تف تف علي الكيزان اخوان الشيطان


#842498 [المامون]
3.00/5 (1 صوت)

11-30-2013 11:47 AM
فعل فاضح لا يشبه الرياضه ولا الرياضيين ربنا يحفظ السودان تردي في كل شئ اين العقلاء في الاندية لمعالجة مثل هذه التصرفات ؟؟؟؟ وماهو دور الاتحاد العام من مثل هذه الافعال لابد من دور حازم وعاجل


#842492 [كمال الشناوي]
5.00/5 (1 صوت)

11-30-2013 11:43 AM
هذا في زمن التوجه الحضاري آى شئ متوقع من الوضيع والحسيب والله والله والله زمن الكورة في مدني أهلي مدني كان بضرب كل فرق الجزيرة أقل حاجة 15 / صفر لكن ولى الزمن الجميل وآى شئ متوقع واذا الرئيس نفسه بصدر أوامره بضرب المتظاهرين العزل عن السلاح عشان طالبوا بحقهم الشرعي كما أسلفت آى شئ متوقع؟؟؟؟؟؟


#842489 [. صابر الصابر]
5.00/5 (1 صوت)

11-30-2013 11:41 AM
هذه اخلاق وسلوكيات منتسبي هذا النظام الفاسد .. لايلتف حوله الا الحثالة والساقطين اخلاقيا واجتماعيا ..


#842485 [مندكورو]
5.00/5 (1 صوت)

11-30-2013 11:39 AM
ماتستغربوا... فهذا عهد الإنحطاط في كل المجالات والمتخلف الإسمو محمد سيد احمد حايكون أحسن من قنصل الكيزان في لاهاي؟!!


#842481 [سايكو]
0.00/5 (0 صوت)

11-30-2013 11:36 AM
محمد سيد احمد مؤتمر وطني و دا ياهو سلوك الكيزأن و قله الادب و العفانه و الوساخه اسلوب حياه للكوز من البشير الاعرج لاصغر كوز .
عشأن كده اتوقعوا تصرفات ساقطه اكتر من كده لقدان يعني ما بعيد بكره نسمع بمحمد سيد احمد قلع لباسه لاي زول يختلف معاهو .


#842474 [دجانقو]
0.00/5 (0 صوت)

11-30-2013 11:29 AM
الجهل مصيبة


#842467 [ود الحصاحيصا]
5.00/5 (1 صوت)

11-30-2013 11:22 AM
يا كاتي المقال حرام عليك ان تقول ان اهل الحصاحيصا اضمرو الشر وحرام عليك ان تحاسبهم بترف فردي لانسان متهور اهل الحصاحيصا بريئين منه ومن تصرفاته الهوجاء ولا يشرفهم ان ينتمي اليهم المدعو. ............. واهل الحصاحيصا كرماء وطيبين ومضيافين ويكفي ان الحصاحيصا تحتضن كل قبائل الشرق التي وفدت للمدينة للعمل في المحالج ومصنع الصداقة وسوق الحصاحيصا الكبير ويكفي انهم قد اندمجوا في مجتمعها واصبحو من اهل المدينة ولك ابلغ مثال الاخ حامد امين مال الجمعية الخيرية بالحي الاوسط وهو يتبوأ هذا المنصب بعد ان اصبح من اهل المدينة. .... والسؤال هنا لادارة الراكوبة اين مراسلكم وراق والذي ملأ الدنيا ضجيجا بعد تصرفات تقارن مع ما شهدناه من احداث دموية لقلة قليلة متفلتة انساقت لهذا. ... الشخص الانفعالي ؟ لن يتحدث مراسلكم عن الذي حدث وسيغض الطرف وذلك لصلة الرحم التي تربطه بالجكومي وسيصمت كما صمت من قبل عن هذا السلوك المشين الذي يقف وراءه قلة من ابناء المدينة. ... وللاخوة الكرام ابناء الكرام من مواطني بورتسودان والبحر الاحمر ومشجعي نادي السوكرتا العريق نتقدم باعتذارنا عن ما بدر فانتم اهل الكرم وضيوف كرام حق عليكم ان نفتح لكم قلوبنا قبل بيوتنا ونحملكم على اكف الراحة ولكن عذرا فقد افسد القلة صورة الحصاحيصا الجميلة ولكم العتبى حتى ترضو


ردود على ود الحصاحيصا
European Union [عاصم حاسم] 11-30-2013 03:05 PM
يا ود الحصاحصيا خليك من حسن وراق الشايقي عايزين مراسل يكون من أهل المنطقة دباسيين مسلمية حلاوين الخ.


#842453 [شرقاوي]
5.00/5 (1 صوت)

11-30-2013 11:10 AM
النار من مستصغر الشرر ، وما حدث في هذه المباراة يؤكد ان القادم اسوء ومالم تتدخل سلطات الاتحاد العام لكرة القدم وتفرض علي النيل الحصاحيصا لعب جميع مباريات الدورة الاولي خارج ملعبه فان علي كرة القدم السلام .


#842450 [بت الخرطوم]
5.00/5 (1 صوت)

11-30-2013 11:06 AM
هذا المنفلت سيقول جمهور بورسودان كل هلالاب وهو كما معروف عنه يكره الهلال بصورة جنونية ويتخيل كل من يمشى على الارض ويخالفه الراى فهو هلالابى يستحق عقابه يفترض يبتر من عالم الرياضة ما عارفة صابرين عليه كدا ليها ماسك عليهم زلة ولا الحاصل شنو



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
9.00/10 (3 صوت)






الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة