الأخبار
أخبار إقليمية
السفاح يودع الوزراء اليوم
السفاح يودع الوزراء اليوم
السفاح يودع الوزراء اليوم


12-03-2013 10:40 AM
يعقد مجلس الوزراء اليوم جلسة استثنائية برئاسة الرئيس عمر البشير تتناول عدداً من الموضوعات ويودع من خلالها الوزراء ويشكرهم على جهودهم في الفترة السابقة، وأبلغ مصدر مطلع «الإنتباهة» أن مجلس الوزراء أخطر كل الوزراء بالجلسة الختامية ولبس الزي الرسمي الكامل.

وتوقع المصدر إعلان التشكيل الحكومي رسمياً غداً أو بعد غدٍ. ورجحت مصادر أخرى تكليف وكلاء الوزارات والمديرين العامين بتولي الوزارات إلى حين إعلان التشكيل الجديد، وقالت مصادر متطابقة إن التشكيل سوف يضم «19» وزيراً فقط.

الإنتباهة


تعليقات 27 | إهداء 0 | زيارات 10413

التعليقات
#846129 [طائر الهوى]
0.00/5 (0 صوت)

12-03-2013 10:43 PM
عندى إحساس المرة دى البشير بداخلة شئ آخر شجعوة على إتخاز القرار الشجاع .


#845918 [صديق]
5.00/5 (2 صوت)

12-03-2013 06:35 PM
فليذهبوا الي الجحيم .


#845841 [Abu ali]
5.00/5 (1 صوت)

12-03-2013 04:55 PM
الفاتوا عملوا شنو عشان يجوا تانين... باللة دى بلد يحكمة زول مهرج زى البشير دة و اللة الزول دة يوم واحد فى الحكم كتيرة عليهوا مش 24 سنة ... حا تجوا تندموا يا السودانيين ندامة الكسعى انكم اولا خليتوا يحكمكم و ثانيا ضيعنوا فرص كتيرة لازالتة و ما استغليتوها


#845649 [ابوبشير]
4.88/5 (5 صوت)

12-03-2013 01:46 PM
دى تمثيلة بايخه عشان تكونو مشغولين بالوزير منو والمشى منو والقعد منه وده كويس وده ماكويس كسب وقت وتصحو بعد فترة من النقاشات ثلاثة او اربعة اشهر يخشو ليكم بقصة جديده وده الهدف الاساسى من الموضوع كسب الوقت وتضييع وقتكم وده فائدة عظيمة للمؤتمر الوطنى .


#845644 [الحاوي النقرابي]
0.00/5 (0 صوت)

12-03-2013 01:39 PM
يا ناس قروش التسويات والمخصصات بتاع جيش الوزراء الح يغورو ديل ح يجيبوها من وين .


#845632 [تينا]
5.00/5 (3 صوت)

12-03-2013 01:27 PM
صدقوا لما قريت العنوان ((( السفاح يودع الوزراء اليوم ))) فرحت قلت خلاص يكون البشير قرر يتنازل لينا من الحكم لكن كانت الصدمة بعد ما قريت الخبر . هههههههههههههههههههههههههههههههههههه عليا .


#845627 [WAD ABUHRAZ]
5.00/5 (5 صوت)

12-03-2013 01:22 PM
أنشاء الله في جلستهم الختامية تنشق بيهم الأرض ونرتاح منهم


#845621 [دي قويه]
5.00/5 (2 صوت)

12-03-2013 01:21 PM
انشاءالله يكون فيها راجل يقلب عاليها سافلها


ردود على دي قويه
United States [رد رد] 12-03-2013 04:26 PM
ديل ما بنخلص منهم لا بتعديل وزاري ولا بإنتخابات (زي ما جو بالشارع بيغوروا بالشارع) ولا خيار غير الثورة .


#845613 [مهاجر]
5.00/5 (1 صوت)

12-03-2013 01:13 PM
البلد ماشي للهاوية سواء تم تعديل وزاري ام لا .ربنا يزيل الكابوس


#845575 [aldufar]
5.00/5 (1 صوت)

12-03-2013 12:42 PM
البد يا ناس لازماه ثورة عارمة قوية تذلل الارض من تحت اقدام وازلام المؤتمر الوثني الفاسد ،
لا تغيير حكومة ح ينفع ولا حاجة هؤلاء لا ينفع معهم الإ القتل جزاءً لما اقترفوه بحق هذا الشعب المسكين جراء الذلة والمهانة التي عاشها اهلنا في كل شبر من السودان ،


فعلى الناس ان تنظم نفسها لصراع شعبي طويل مع هذا الوحش الكاسر حكومة الانقاذ الفاسدة ،


فمهما غيروا من ناس فلن ينصلح الحال لان البلد سيظل محاصر في ظل الحكم الحالي عشان كدا لا بد من تغييرهم جزريا بواسطة الشعب والثورة القادمة باذن الله المشكلة البلد ما فيه ناس بتنظم للشعب طريق الخروج للشارع .مثل اهلنا بمصر شغلهم منظم وثورتهم منظمة افضل منا بمليون مرة .


#845553 [جنرال زمان]
5.00/5 (2 صوت)

12-03-2013 12:20 PM
بعد خراب مالطة يا بشة طالع لينا بي 19 زير بس!!!!!!! هسع بكرة يطلعوا ليك بي كم مليون زير دولة وبليون مساعد حلة وتريليون مستشار دا غير الخبراء الوطنيين أمثال ربيع التافه. بعدين إيه حكاية اللبس الرسمي دي؟ والله مهازل إنقاذية فارغة


#845545 [فتية لوفر]
5.00/5 (3 صوت)

12-03-2013 12:14 PM
دي الحكومة الأخيرة في حياته الفاتحة على روح الإنقاذ....


#845544 [aldufar]
3.00/5 (1 صوت)

12-03-2013 12:14 PM
اخشى ان تكون التشكلية الجديدة هي نفس الطبعة السابقة لنظام الانقاذ الفاشل واتمنى ان لا يكون ظني في محله يا خراف .




وانا برى هناك حل واحد يا بشيرووف الغبي وهو تسليم الحكم للجيش ومحاسبة كل اعضاء المؤتمر الوثني الفاسدين لما اغترفوه بحق هذا الشعب وتطبيق قانون من اين لك هذا على كل اعضاء النظام الفاسدين؟


هو ذلك الحل الوحيد لفك كل مشاكل البلد .

بعدين يا البشير سوف يظل البلد محاصر اقتصاديا بسبب وجودكم في الحكم وسوف يستمر ضيق الحياة كما هو باق ببقاءكم في الحكم وسوف تستمر الحروب وسوف تشتعل في اماكن اخرى من السودان وحقنا للدماء والحروب عليكم بالمغادرة النهائية يا ظلمة انتم دمرتم السودان وشعبه الصبور الجائع الآن بسببكم انتم ايها الاغبياء .


#845543 [انقاذى سادر فى فساده]
5.00/5 (3 صوت)

12-03-2013 12:13 PM
(ويشكرهم على جهودهم في الفترة السابقة، )
جهودهم فى تقاوى القمح وفشل المؤسم الزراعى
جهودهم فى تهريب الاموال الى دبى وماليزيا
جهودهم فى حماية طريق الشرق وطريق الدلنج كادقلى وطريق نيالا
جهودهم فى جذب الاستثمار
جهودهم فى تصدرنا قائمة افقر ثلاث دول فى العالم
جهودهم فى اعفاء الديون
جهودهم فى حماية اجوائنا من العربدة الاسرائيلية
ام جهودهم فى تكبير اكوامهم وحماية مصالحهم


ردود على انقاذى سادر فى فساده
European Union [عوض عبدالرحمن الامين] 12-04-2013 06:46 AM
انسيت جهودهم في تولي السودان عرش الفساد في العالم


#845540 [عدو الكيزان]
4.00/5 (1 صوت)

12-03-2013 12:11 PM
هم الناس ديل لابموتوا ولايفوتوا لييييييييييييييييه ؟؟


#845530 [aldufar]
3.00/5 (1 صوت)

12-03-2013 12:07 PM
تمنى ان نرى وجها لاول مرة ضمن تشكلية فريقنا الجديد نتمنى ان يكونوا اغنياء حتى لا يبدو اللقف من ضربة البداية أتمنى ان يكونوا مخلصين لله ثم الوطن .


اتمنى ان تكوين ذلك الفريق غطى كل مناطق السودان اي كل ولايات السودان ودون تميز منطقة على منطقة


والاخلاص الاخلاص يا فريقنا جديد رغم اننا لسنا متفآلين بمن يأتي ، ولكن نقول خيرا ، رغم الجوع والدمار الهائل في كل شيء بسبب تعمد الحكومة السابقة في الاستمرار ضد المواطن واشعال الحروب عليكم من الشوت الضفاري يا ايها الوزراء الجدد نتمنى ان ترفعوا الظلم والضرائب التي فرضت على المواطن واشعلت السوق حتى كاد ان يحترق فيه الجميع من شعبي الصبور.


وآسفي شعبي يموت على رصيف الانتظار والفرج البعيد ................


#845499 [أبوقرجة]
5.00/5 (3 صوت)

12-03-2013 11:46 AM
المشكلة مافي الوزراء واستبدالهم .. نحن عارفين بتودع حرامية وبتجيب حراميه غيرهم ..... المهم في النهاية الشعب السوداني منتصر .. وسيرميكم في مزبلة التاريخ .... مهما عملتم ,,, والله العظيم طولتوا أكثر من اللازم ... يا ناس السودان انتفضوا انتفضوا .. ما يهمكم في النهاية هم البجروا والله العظيم ..

أما يا سفاح والله العظيم لك يوم وقريب ... وسنراك في مشنقة بعد محكامة على جرائمك وما فلعلته قواتك في ثورة (انتفاضة) سبتمبر العظيم ..


#845491 [cool]
5.00/5 (1 صوت)

12-03-2013 11:41 AM
قريبا سوف يودعك الشعب السودانى الى لاهاى وبئس المصير


#845485 [orootod]
5.00/5 (1 صوت)

12-03-2013 11:37 AM
أخطر كل الوزراء بالجلسة الختامية ولبس الزي الرسمي الكامل.


هم زمان كانو بيلبسوا شنوه


ردود على orootod
[ابوسحر] 12-03-2013 01:40 PM
كانوا بيلبسوا نظارات سوداء ومسدسات كاوبوي نظام الشغل؟؟؟؟؟؟؟؟؟؟؟؟؟؟؟؟؟؟


#845481 [A. Rahman]
5.00/5 (2 صوت)

12-03-2013 11:34 AM
لكن الماشين ذانهم حيستمروا ينهبوا و ينهلوا من الخزينة برضو، و اللا انا غلطان؟ ديل نسوا كيف يجني الانسان مالا حلالا.


#845455 [المعارض الجسور]
5.00/5 (7 صوت)

12-03-2013 11:17 AM
كل مرة تودع وزراء وتجيب وزراء وما فى فايدة والبلدالى الخلف بسرعة مذهلة عقبالك متى نودعك سيدى الرئيس؟


#845451 [معاوية]
5.00/5 (6 صوت)

12-03-2013 11:16 AM
ياهم احمد وحاج احمد
اول حاجه بكرى وعبد الرحيم ونافع وعلى عثمان ديل عتاة الاجرام وهم من قامو بتثبيت اركان النظام بقمعهم للمظاهرات وطرد الضباط من الخدمه وعزلهم وتهميش الخدمه المدنيه وتسيسها وبكرى وعبد الرحيم والهادى نكاشه قاكوا بقتل عدد 28 ضابط ورميهم بحفره ولم تغادر ارواهم اجسادهم هذه هى علة ابقاء هؤلاء المجرمين لكن هل سيبقوا على وجه الارض الى الابد نسال الله ان يرينا فيهم سوء عذاباته اجمعين وعلى راسهم الراقص البشير والزنديق الترابى تفو عليهم


#845440 [صلاح خضر عثمان]
5.00/5 (2 صوت)

12-03-2013 11:08 AM
حجوة ام ضبيبينة ... لن يؤدى ذلك الى ازالة السخط والقرف الذى يشعر به الشعب السودانى تجاه هذا النظام ... لاحل الا باسقاط هذا النظام


#845434 [take care]
5.00/5 (1 صوت)

12-03-2013 11:02 AM
خمس دول عربية من بين الدول العشر الأكثر فساداً في العالم
رويترز
الثلاثاء 3 ديسمبر 2013
حل الصومال والسودان وليبيا والعراق وسورية بين الدول العشر الأكثر فساداً في العالم وفقاً لمؤشر الفساد التابع لمنظمة الشفافية الدولية لعام 2013.
ويصنف مؤشر الفساد الدول وفقاً لمستويات الفساد في القطاع العام فيها وضمت القائمة 177 دولة تحتل فيها الدولة الاكثر فساداً المركز الاخير والاقل فساداً المركز الاول.
وجاءت الدنمرك ونيوزيلندا في المركزين الأول والثاني بين 177 دولة في قائمة المؤشر أي أن نسب الفساد في القطاع الحكومي فيهما كان الاقل. وتشاركت فنلندا والسويد في المركز الثالث بينما حلت النرويج في المركز الخامس.
وحلت ألمانيا في المركز الثاني عشر لتتقدم مركزاً واحداً عن مركزها عام 2012 بينما تراجعت اليابان خطوة للوراء للمركز الثامن عشر. ولم يتغير موقف الولايات المتحدة والصين عن قائمة العام الماضي التي شغلت فيها الولايات المتحدة المركز 19 والصين المركز 80.


#845424 [بدرالسماء]
4.75/5 (3 صوت)

12-03-2013 10:56 AM
لا جديد . من دكة الاحتياط للملعب وبالعكس . تشكيلة محفوظة عمرها 24 عامآ !! ونشوف ...


#845410 [abu khaled]
5.00/5 (5 صوت)

12-03-2013 10:50 AM
انشاء الله سوف يسلم نفسه للجنائية


#845405 [Abu sami]
5.00/5 (5 صوت)

12-03-2013 10:46 AM
الله يقلع البشير قبل كل شيئ. لعنة الله عليه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة