الأخبار
أخبار إقليمية
السودان يتربع على عرش الفساد في العالم وفقا لأحدث تقارير الشفافية الدولية - صورة -
السودان يتربع على عرش الفساد في العالم وفقا لأحدث تقارير الشفافية الدولية - صورة -
السودان يتربع على عرش الفساد في العالم وفقا لأحدث تقارير الشفافية الدولية - صورة -


تقرير 2013 يبرهن على انهيار حكومة البشير اقتصاديا وسياسيا
12-03-2013 02:37 PM
الراكوبة ووكالات
حل السودان في المرتبة الرابعة قبل الأخيرة في الأكثر فسادا في العالم، وفقا لمؤشر الفساد التابع لمنظمة الشفافية الدولية لعام 2013.

وكشف التقرير أن السودان الذي لم يبرح المراكز الأخيرة منافسا للصومال وأفغانستان اللتين لا تتوفر فيهما أي أنظمة ثابتة.

ووفقا للمؤشر الذي يعتمد على معايير اقتصادية، ومعترف به دوليا، دون أي توجهات سياسية، فإن السودان البلد الذي يحكمه انقلاب منذ عام 1989م، تربع في المؤخرة وتحديدا في المركز 174، حيث حصل على 11 نقطة فقط، فيما الصومال وأفغانستان في المركز 175، بينما جاءت الأكثر نزاهة الدنمارك ونيوزيلندا.

وأوضح التقرير أن السودان الذي لم يتغير موقعه في الأكثر فسادا، تدهور أكثر في العام الحالي 2013م، بحصوله على 11 نقظه، بينما كان في المؤخرة أيضا عام 2012م، وبنقاط بلغت 13 نقظه.

والغريب أن الدول الأخرى التي تحوم حولها أيضا شكوك في استقرارها جاءت متقدمه كالعادة على السودان، الذي يتشدق حكامه بأنهم الأكثر استقرارا، حيث جاءت العراق في المركز 171، وليبيا في المركز 172، وسوريا في المركز 168، واليمن في المركز 167، إلا أن هذه الدول أيضا دخلت جميعها في العشر الدول الأكثر فسادا في العالم.

ويصنف مؤشر الفساد الدول وفقا لمستويات الفساد في القطاع العام فيها وضمت القائمة 177 دولة تحتل فيها الدولة الأكثر فسادا المركز الأخير والأقل فسادا المركز الأول.

وجاءت الدنمارك ونيوزيلندا في المركزين الاول والثاني بين 177 دولة في قائمة المؤشر أي أن نسب الفساد في القطاع الحكومي فيهما كان الأقل. وتشاركت فنلندا والسويد في المركز الثالث بينما حلت النرويج في المركز الخامس.

وحلت ألمانيا في المركز الثاني عشر لتتقدم مركزا واحدا عن مركزها عام 2012 بينما تراجعت اليابان خطوة للوراء للمركز الثامن عشر. ولم يتغير موقف الولايات المتحدة والصين عن قائمة العام الماضي التي شغلت فيها الولايات المتحدة المركز 19 والصين المركز 80.

واعتبرت المنظمة التي تتخذ مقرا لها في برلين أن حوالي 70% من دول العالم تطرح "مشكلة جدية" على صعيد تفشي الفساد بين موظفي إداراتها الرسمية، بدون ان تمنح ايا من البلدان ال177 التي تناولتها في تقريرها عام 2013 التصنيف الأفضل.

وتعد هذه المنظمة غير الحكومية كل سنة دليلا لانتشار الفساد بين الأحزاب السياسية والشرطة والنظام القضائي والخدمات العامة في جميع البلدان، وهو ما يقوض النمو ويعيق مكافحة الفقر.

وعلق احد باحثي منظمة الشفافية فين هاينريش متحدثا لوكالة فرانس برس أن "الفساد يطاول الفقراء بصورة خاصة".

وقال هاينريش إن "الفساد غالبا ما يترافق مع تفكك بلد"

وتحدد منظمة الشفافية مؤشرها بناء على أراء خبراء في مسائل الفساد ضمن منظمات مثل البنك الدولي والبنك الإفريقي للتنمية ومؤسسة برتلسمان الالمانية وغيرها.

image


تعليقات 33 | إهداء 0 | زيارات 24073

التعليقات
#847138 [هميم جابر]
3.00/5 (1 صوت)

12-05-2013 12:35 AM
المعقول هو أن يكون نظام حكومة السودان على رأس قائمة الأنظمة الأشد فساداً في العالم لأن فساد مسئولي حكومة السودان يتدثر بثوب الدين ... أي أن مسئولي حكومة السودان من المنافقين وقد قال تعالى (إن المنافقين في الدرك الأسفل من النار) ومن كان في الدرك الأسفل من النار فهو بالضرورة الأشد فساداً


#846919 [ابوبدر]
0.00/5 (0 صوت)

12-04-2013 06:10 PM
الحكاية كلها بايظة من الاول والى الاخير
الحكاية ما حكاية فساد .اذا كان الفساد بس ممكن تتحل لكن الحكاية اكثر من كدة


#846799 [مسطول]
0.00/5 (0 صوت)

12-04-2013 02:58 PM
تخيلو بعد مايغورا بلدنا حتكون كيف/ لافساد لا حروب لاعنصريه لامحسوبيه لاجهويه لا شعارات دينيه
لا وطنى لا شعبى لا دفاع شعبى لا امنيه ولا ولا ولا,,. اللهم عجل بهذا اليوم قولوا امين.


#846776 [طوةvs كوز]
5.00/5 (3 صوت)

12-04-2013 02:39 PM
يا ناس الشفافية أصبروا لينا 5شهور بس كم مابقينا ليكم أغمق لون في الخريطة الخاتينها لينا دي ما يبفى السودان اسمه السودان انتوا قايلين اسمنا ده من فراغ!

سمينا بالسودان ليس فقط من أجل سوادنا الجميل ولكن لأننا كنا على علم بأن قدرنا على موعد مع هؤلاء الأنقاذيين الذين أنقذوا سوادنا وزادونا سوادا،فأصبحنا سوداوين القلوب والنفوس والأخلاق والعقول!
فما أعظم سوادنا هذا..!

مع صمتنا ربع قرن وجعل هؤلاء يتكلمون بأسم الدين كيفما أرادوا،بقيت حاسس وجوهنا حتكون مسودة برضو في الآخرة والعياذ بالله..

اللهم أرحنا من هذا البلاء ومن هؤلاء الأبالسة.


#846773 [قرفان]
5.00/5 (2 صوت)

12-04-2013 02:37 PM
والله الواحد من شده ماقرفان منهم ماعندو نفس يقول حاجه!!!!


#846764 [ابو احمد]
5.00/5 (1 صوت)

12-04-2013 02:21 PM
ما قالوها زمان ....
باسم الدين بتسرق شعبك المسكين......
لك الله يا سودان ....
ولايد من صنعاء وان طااااااااال السفر ...
غصباً عنكم ربنا سبحانه وتعالى حينزع الملك منكم ياكيزان ....
ودي سنة الحياه يعز من يشاء ويذل من يشاء....وان غداً لناظره قريب ...


#846727 [زول وطني غيور]
5.00/5 (2 صوت)

12-04-2013 01:34 PM
كيف يأتي السودان من بين الدولة الأكثر فسادا بالعالم؟؟ ونحن تحكمنا حكومة إسلامية منذعام 1989!!!! أكيد الموضوع ده فيه مؤامرة عالمية على السودان وتوجهه الحضاري!!! أو أكيد الجماعة بتاعين الشفافية ديل غلطانيين !! يمكن فاصدين دولة تاني !!!


#846692 [مدحت عروة]
5.00/5 (4 صوت)

12-04-2013 12:50 PM
ناس الشفافية ديل بيتكلموا ساكت وما جايبين خبر!!!!!!!!!!!!
الفساد الفى السودان كله رايح لدعم شرع الله ومحاربة اعداء شرع الله من السودانيين!!!!!!!
وبعدين هم اصلا بيحاربوا فى السودان لانه الدولة الوحيدة فى المنطقة البيتكلم عربى ويطبق شرع الله !!!!!!!!!!!!!!!!!!!!!!!!
الكلاب تنبح ومسيرة الفساد آسف اقصد الانقاذ ماشة لغاياتها الكبرى وهى تفكيك السودان لكذا دولة!!!!!!!!!!!!!!!!!!!


#846650 [حسكنيت]
4.63/5 (6 صوت)

12-04-2013 12:12 PM
قالوا( عايزين نصدر تجربتنا الإقتصادية للدول الغربية)!!!!!!!!؟
مشروع حضارى .....أخخخخخ تفو


#846631 [ممغوص من الكيزان]
5.00/5 (2 صوت)

12-04-2013 11:59 AM
كل الكبائر والجرائر التي تودي بأصحابها للهلاك مارسها الكيزان بسبب كرسي السلطه ... الفساد المالي ... الفساد الأخلاقي ... القتل .... التعذيب ... التشريد وقطع الأرزاق ... الزنا ... قذف المحصنات .. الكذب ... التزوير ... تضليل البسطاء ... ضرب الوالدين ( حالة البشير مع أمه هديه) ... بلا يخمهم كلهم


#846541 [بعشوم]
3.00/5 (2 صوت)

12-04-2013 10:18 AM
قال مسلمين قال !!


#846518 [مالك الحزين]
5.00/5 (2 صوت)

12-04-2013 09:56 AM
هذه النتيجه هي النتاج الحقيقى والتقييم الفاصل لناس الانغاذ !!
أعتقد آن الأوان لرحيلهم ,, وهم يدركون ذلك جيدا ,,ويبحثون عن مخارج آمنه ,,
ودونكم حلقات حسين خوجلى


#846393 [habbani]
5.00/5 (1 صوت)

12-04-2013 08:25 AM
فساد شنو ياخ هى المنظمة دى مجنونة ول شنو ؟ الحاكمين البلد متوضيين من يونيو 89 م ما إنقطع وضوهم .. والإنقطع وضوهو عمل حزب إصلاحى وحزب تغيير .


ردود على habbani
United States [Angorongoro] 12-04-2013 11:53 AM
عزيزي هباني تحية طيبة، تعليقك يعجبني شديد لأنه يحمل السخريَّة لكلِّ عصابات الجبهة الإسلاميَّة(شعبي+ وثني). و لو سمحت هات بريدك الإلكتروني إذا كان الإمكان يا مناضل.


#846361 [جكان فاضى]
5.00/5 (2 صوت)

12-04-2013 07:57 AM
اقبل وين؟..تقبل كدا تلقى الفساد..تقبل كدا تلقى الجنادب..تقبل كدا تلقى الحروب الاهلية..تقبل كدا تلقى التضخم والناس واقفة صفوف للرغيف...تقبل كدا الصيدليات ما فيها دواء...تقبل كدا ازمة مواصلات...تقبل كدا اسرائيل تضرب فينا...تقبل كدا لازراعة ولاصناعة...تقبل على دول الخليج الكشات شغالة..تقبل على الشارع للمظاهرات يدوك طلقة فى راسك...اقبل وين؟..اقول ليكم..نهر النيل وجاك زول..ومن فوق كبرى شمبات...وعشعش فيها يا البشير ام بنايا قش


ردود على جكان فاضى
United States [اب جنبة] 12-04-2013 02:34 PM
ههههههه
ياخوي امسك مصلايتك و انتظر يومك

و الله حالتنا تحنن
نقبل وييييييين ؟؟؟؟؟


#846336 [مواطن x]
5.00/5 (3 صوت)

12-04-2013 07:46 AM
قناة bbc arabic تحدثت عن تقرير منظمة الشفافية الدولية بالأمس وتحدثوا عن السودان
قناة france 24 arabic أيضا بالأمس تحدثوا عن الفساد بالسودان.

وهو شي ليس بالغريب ولا بالعجيب بالعكس شي طبيعي وبالعكس انا شايف تم مجاملة السودان في الترتيب


#846323 [ibrahim]
4.63/5 (4 صوت)

12-04-2013 07:39 AM
لاحولة ولا قوة الا بالله تاكد تماما عندما يدخل الاسلام ف السياسه سيدخل معه الانتهازيون والمنافقون وحرامية الدين هزا هو ديدنهم من حسن البنا الي الترابي


#846321 [Barri]
2.50/5 (2 صوت)

12-04-2013 07:36 AM
من ناحية الفساد حكومتنا الفساد مكملا وما ما خليه حاجة للصومال ولا افغانستان لكن من حيث يهودية منظمة الشفافية الدولية فمافي شك بدليل تصنيف المركز الاول لمن سب الرسول الكريم وحاد الله ورسوله.
ومن افسد ممن تعامل بالربا .


#846287 [اشرف حسن]
3.50/5 (4 صوت)

12-04-2013 07:14 AM
دي حكومة تشهيك الإستعمار البريطاني ... كفر الإستعمار أهون علينا من إسلام الكيزان ... والله لو سلمتوني ليها نص ساعة كان ضميتا لي بريطانية ع الأقل بعرفو يديروها بي نزاهة وبعمروها وإنجازاتهم في البلد دي حتي الآن خالدة والضاع منها زي مشروع الجزيرة والسكة حديد والسجل المدني بفعل العقلية السودانية الجبارة أقعد البلاد وبل قذف بها خلف التاريخ ... تاني مافي زول يقول لي إسلامي ولا دي منظمات يهودية وحتى لو يهودية برضو شفافة عشان ما جابت إسرائل الأولى زي إنتخابات حكامنا البعملوها وبدون خجلة بيجو فيها الأوائل بإمتياز


#846270 [محمد الامام على]
3.25/5 (3 صوت)

12-04-2013 06:59 AM
وزير الماليه قال عندو ثلاثه صيدليات وبيشتغل فى ثلاثه هيئات بعد دوام الوزاره وعندو ثلاثه عمارات وتقلد ثلاثه مناصب فى الدوله قبل وزارة الماليه وعندو ثلاثه ولامافى داعى


ردود على محمد الامام على
European Union [اشرف حسن] 12-04-2013 10:47 AM
والتلاتة المافي داعي ليهم ديل قالوا فيهم واحدة مافي داعي


#846252 [سمبا]
5.00/5 (1 صوت)

12-04-2013 06:39 AM
ثالث الطيش فساداً عورة نظام الاخوان العالمى حامى الحمى والديار اما ان يطرد السودان من التنظيم او يلزم بالاصلاح فالمسلم اخ المسلم ام هذه لا يعمل بها وعلى السودان قفل حدوده واعلان التوبة النصوح ابتداء من المؤتمر الوطنى وانتهاءا بالجبهة الثورية .


#846245 [عوض عبدالرحمن الامين]
5.00/5 (1 صوت)

12-04-2013 06:32 AM
السودان يتربع علي عرش الفساد في العالم..........يا منظمة الشفافية الدولية ...السودان متربع علي عرش الفساد المالي ...والفسادالاداري ...والفسادالاخلاقي... الخ منذ الانقلاب المشئوم في 1989/6/30


#846183 [حسن سليمان]
5.00/5 (1 صوت)

12-04-2013 04:21 AM
علاقة الاسلاميين بالفساد كعلاقة الجراح بمشرطه

وياريد لو فسادهم انحصر على الفساد المالي فقط كان اهون هناك فساد اخلاقي وفساد اشكال واللوان


#846084 [mghoor]
4.50/5 (2 صوت)

12-03-2013 09:24 PM
انما الامم الاخلاق مابقيت فاءن هم ذهبت اخلاقهم ذهبوا... فسدوا نهبوا قتلوا... ياحليلك يا سودان..


#846077 [ود احمد]
3.75/5 (4 صوت)

12-03-2013 09:18 PM
ظهر الفساد في البر والبحر بما كسبت ايدي الناس صدق الله العظيم كيف يمنون النفس بالاسلام وهم اكلوا مال اليتامى والارامل ونهبوا البلد والغبش ينقبوا عن الذهب مستخدمين الذئبق فيقتلهم المرض وهم يحولوه باردة ارصدة في ماليزيا ودبي وهناك فتوى لابن تيمية قال فيها يقيم الله دولة العدل وان كانت كافرة ويهدم دولة الظلم وان كانت مسلمة الاسلام ليس شعارات ولا عبادات فقط وانما هناك افعال تحبط العمل وجاء في الاثر يقول يارب انى يستجاب له فمطعمه حرام وغذي بالحرام فهل يعي اصحاب المشروع الحضاري هذه القيم النبيلة من الشفافية وعفة اليد واللسان والمسلم من سلم المسلمون من لسانه ويده فهل سلم الشعب من السنتهم وايديهم الملطخة بالدم والحرام؟؟؟؟؟؟؟؟؟؟؟؟؟


#846027 [radona]
5.00/5 (1 صوت)

12-03-2013 08:32 PM
السودان من الدول المتقدمة جدا في هذا المضمار وظل يحتفظ بجدارة على مركزه المتقدم
ومع ذلك هنالك من يقول لك هات دليل
وهنالك من يقول منظمة الشفافية منظمة يهودية معادية للدين والوطن
بالله تاملوا
المتمردين في بعض انحاء السودان يقتلون وي سرقون .. حسب القانون هم مجرمون تجب محاكمتهم
ولكنهم اذا فاوضوا الحكومة تكرمهم بوظائف دستورية كوزراء ومساعدين للرئيس ولربما ولاة ولو تم تم تقسيم السودان بعدد المليشيات المتمردة لكل قبيلة ولاية ليتعموا بالمال والسلطة
حكاية دايرة فهامة


#845953 [أبرسوة]
4.38/5 (6 صوت)

12-03-2013 07:20 PM
يا جماعة نحن مستهدفين في عقيدتنا ، المسألة دي واضحة ، و لن ترضى عنك اليهود و لاالنصارى حتى تتبع ملتهم ، لكن نحن بنقول ليهم أكاذيبكم دي حنرد عليها بمزيد من التمسك بي دينا و بي شريعتنا و بي نهجنا الحضاري

الله اكبر الله اكبر

في سبيل الله قمنا ... نبتغي رفع اللواء
لا لدنيا قد عملنا ... نحن للدين فداء
فليعد للدين مجده

أو ترق منا الدماء


( هنا تقمص أبرسوة شخصية بشبش ثم قام بالرد على الخبر أعلاه)

لقيتوني كيف بالله

خخخخخخخخخخخخخخخخخ


ردود على أبرسوة
[سامي] 12-04-2013 02:42 PM
نحن الدنيا المامسكنا نحن سكنا هنالك فى الجنة

United States [مونتي رغلو] 12-04-2013 12:05 AM
لقيناك جد عدييييييييييييييييييييييل ما كووووز خخخخخخخخخ


#845949 [عصمتووف]
4.00/5 (2 صوت)

12-03-2013 07:15 PM
، تربع في المؤخرة وتحديدا في المركز 174، حيث حصل على 11 نقطة فقط، فيما الصومال وأفغانستان في المركز 175، بينما جاءت الأكثر نزاهة الدنمارك ونيوزيلندا.



الأكثر نزاهة الدنمارك ونيوزيلندا. ي سلام عليكم ي كفار حطب النار تفوقتم علي اصحاب الجنة بنقول فرفور اصلع طلع خنفس


ردود على عصمتووف
[ساب البلد] 12-03-2013 07:48 PM
نفس الدول الاخيرة يا عصمتووف هي الاولي دوليا في رعاية الارهاب.. هسي منو الكافر ي اخوي؟؟؟


#845888 [abu khaled]
2.50/5 (2 صوت)

12-03-2013 05:36 PM
والله انا لو كنت في مكانهم احاول الخروج الامن لانهم اصبحوا محاصرين داخليا وخارجيا لكن ما عندهم دم ولاضمير ومصرين على تدمير البلد حتي النهاية والصوملة قادمة يا عباس


#845884 [ممكون وصابر]
3.50/5 (2 صوت)

12-03-2013 05:35 PM
ده جزء من المؤامرة على السودان أكيد ونحن نسير في الاتجاه الصحيح ومنظمات الشفافية دي كلها تحت الجزمة خخخخخخخخخ


#845874 [sudani]
4.25/5 (3 صوت)

12-03-2013 05:23 PM
دي حكومة الفساد و الفساء......


#845860 [عبدالاله]
4.25/5 (3 صوت)

12-03-2013 05:11 PM
وجع نحن تانى الطيش ؟؟؟؟؟؟؟؟؟؟؟؟؟ منافسا للصومال وتش تش - شوف لك مصيبة ؟؟؟؟؟؟؟؟؟؟


ردود على عبدالاله
United States [جركان فاضى] 12-04-2013 08:03 AM
وماتنسى يا عبد الاله ان جنوب السودان جاءت اقل فسادا من السودان


#845858 [فساد يا عوض دكام]
4.00/5 (2 صوت)

12-03-2013 05:10 PM
فساد يا عوض دكام !
فساد في فساد يا عوض دكام!

ـــــــــــــــــــــــــــــــــــــــــــــــــــــــــــــــــــ

وأنى لاعجب كيف يمكن أن يخون الخائنون !
أيخون إنسان بلاده !

وعجبى أن الفساد الذي يتحدث عنه التقرير هو أهون أنواع الفساد التي ضربت كيان الوطن !

والذي لا يتوانى عن التفنن في إباد شعبه لحساب سادته الكائنات الاخوانية التي لا أصل لها في الانسانية، ويدعونا للحوار معه ! لعمري هذا هو الاعور عبنه !

ثورة ! ثورة !
وليسقط الاستعمار الاخواني الغاشم ! وخبرائه الخونة !
والخزي والعار لقوات الاحتلال !
ولا نامت أعين الجبناء!
والثورة منتصرة !


#845818 [سوداني اصيل]
5.00/5 (1 صوت)

12-03-2013 04:19 PM
المهم في القصة دي الولية طقامة .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
5.50/10 (2 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة