الأخبار
أخبار إقليمية
مصادر تؤكّد ترشيح قطبي ومهدي لخلافة الطاهر بالبرلمان



تكهّنات بإسناد وزارة العمل للفاتح عزالدين والمتعافي للصناعة
12-04-2013 08:11 PM
البرلمان: خالد الفكي
كشفت مصادر عليمة بالبرلمان عن مشاورات واسعة تجري داخل اجهزة المؤتمر الوطني لاحداث تغييرات واسعة على قيادة ورؤساء اللجان، وتوقع مصدر واسع الاطلاع لــ(الأهرام اليوم) أمس(الثلاثاء) ان يتخلى رئيس البرلمان احمد ابراهيم الطاهر عن مقعده ليتولى مهامه بالحزب، فى وقت تجري مشاورات في دائرة ضيقة للمفاضلة بين د. قطبي المهدي ومهدي ابراهيم لخلافة الطاهر على رئاسة البرلمان، ولم تستبعد المصادر مغادرة نائب رئيس البرلمان هجو قسم السيد لموقعه، لافتا الى دخول رئيس لجنة العمل والحسبة والمظالم الفاتح عزالدين المنصور التشكيل الوزاري الجديد وزيرا بالعمل، ويتوقع ان يتولى رئيس لجنة الشئون الاقتصادية و المالية د. عمر على الامين منصب وزير الزراعة خلفاً للدكتور عبدالحليم المتعافي الذى سيكلف بتولي ملف الصناعة بعد رحيل الوزير د. عبدالوهاب عثمان، وقال المصدر ان قيادة الحزب والدولة عازمة على احداث التغييرات التى تلبي رغبة الشعب السوداني وتدفع بوجوه ذات ملامح شبابية لها القدرة على معالجة الازمات مع الفلاح فى رسم المسار نحو الانتخابات المقبلة.

الأهرام اليوم


تعليقات 17 | إهداء 0 | زيارات 8453

التعليقات
#847616 [غر]
0.00/5 (0 صوت)

12-05-2013 12:44 PM
ياحكومه وين النباح ربيع عبد العطي ادوه وزارة الصناعة يمكن يكون احسن

من هذا المتعافي المريض


#847419 [ميسو]
0.00/5 (0 صوت)

12-05-2013 09:49 AM
تاني متعافي ... من الزراعة للصناعة .... لا إله إلا الله محمد رسول الله ... من قمح تركيا ومن مشروع الجزيرة ربنا يرحموا ويغفر له .... جابوهوا عشان يدمر أي مصنع داخل وخارج السودان ... والله تاني ملابس مافي حنحوم عرايا يا بختكم .... تكشفوا ساكت


#847339 [جارسيفو]
5.00/5 (1 صوت)

12-05-2013 09:02 AM
هذه لعبة كراسي وليس تغير يقنع الشعب الجائع المريض يعني شنو مهدي ابراهيم و وقطبي المهدي من نفس طينة الحرامية والنهابين وام الكلب بعشوم والسودان خلاص انتهى علي ايدي الحرامية النهابين واصبح قطر لا يطاق وطارد لاهله ومواطنيه ويتكلم احد حرامية ومطبلي الانقاذ عن استقالة علي عثمان اكبر الحرامية ومدمر السودان في نيفاشا استقالتك بعد شنو بعد فصل الجنوب وتفتيت السودان يا بطل السلام وين السلام يا منافق والله سوف تصلب امام الشعب مش تقدم استقاله لو تموت وتدفن سوف ننشرك ونصلب علي تمزيق الوطن وقصر النظر في اتفاقيات البلاء علي السودان اين السلام يا منافق يا فاسد


#847313 [الدنقلاوى]
0.00/5 (0 صوت)

12-05-2013 08:52 AM
اولا المتعافى يردد دائما انه تاجر وانه اولاد تجار وربما أخطأ ليقول اولاد جزارين - ياجماعه اداره وزاره ليس بالشى السهل وان هذه الشخصيات اثبتت فشلها وعدم مقدرتها على اداره الدوله لعدم الخبره الساسيه وتواجد الخبره الاجراميه لجمع المال والفساد والافساد والزواج والرفقه ياجماعه حواء دى والده وهنالك سودانيين لا زالوا بخيرهم ووطنيتهم وليس الذين باعوا وطنهم ووطنيتهم --- السودان يعرج فى اخطر واخطر مرحله بها سيكون او لا يكون اهلنا وشعبنا الكريم ديروا بالكم هولاء اناس يريدون ات يخربوا بيوتهم بايديهم عليه الانتباه وهولاء من اجل بقائهم فى السلطه سيفعلوا مالم يفعله القذافى والاسد


#847242 [ام احمد]
1.00/5 (1 صوت)

12-05-2013 07:55 AM
نسأل الله 2014 دي تموتوا بالجمله عمركم الافتراضي انتهي كرهتونا


#847224 [Abu Ali Ali]
0.00/5 (0 صوت)

12-05-2013 07:26 AM
انا عاوزاعرف يعني المتعافي غيرة مافي شخص مؤهل خرب الزراعة والان الدور على الصناعة احسن خلي يكون الرئيس ويسمح السودان من خرطة العالم نهائيا ونرتاح من حاجة اسمها السودان


#847223 [محمد عبدالرحيم]
0.00/5 (0 صوت)

12-05-2013 07:24 AM
يا جماعة انتو متعافى الجن دا نزل فى الكتاب الكريم مثله مثل الفرائض كالصوم والصلاة والزكاة حتى اذا كان شاطر وبرىء من كمل التهم المنسوبة اليه يا اخى ادوا فرصة لواحد تانى انا لله وانا اليه راجعون مسكين بلال موسى تعالوا شوفو الكنا راجنو ( تمخض ثم ولد فارا)


#847197 [Ehab]
0.00/5 (0 صوت)

12-05-2013 06:21 AM
ما لم يتغير راس النظام البليد لن ينصلح ويتغير حال السودان ... افة السودان تكمن في عمر البشير الرجل الذي كذب ولازال يكذب على شعبه وفشل في اداراة الدوله بي شهادة الجميع محلياً واقليمياً وعالمياً ... الله ينتقم منكم يا عمر البشير دنيا واخر ويرينا عجايب قدرته فيك بقدر ما شردت وقتلت واهنت لشعب السوداني حسبي الله ونعم الوكيل فيك وفي جماعتك


#847045 [ك]
0.00/5 (0 صوت)

12-04-2013 10:23 PM
تلبي رغبة الشعب السودان ///// هل تغير المواقع تلبي رغبة الشعب


#847039 [ابومروه]
0.00/5 (0 صوت)

12-04-2013 10:16 PM
وهل تلك الوجوه ذات ملامح شبابيه ؟ دكتور عمر ده بتاع مشروع الجزيره و الفاتح عزالدين في المناقل ما نفع و المتعافي ما قال ماشي لولودو في دبي يجينا راجع تاني حسبنا الله و نعم الوكيل


#847028 [radona]
5.00/5 (2 صوت)

12-04-2013 09:59 PM
الى هنا لايوجد تغيير هي نفس الوجوه التي تثير غضب واشمئزاز الشعب السوداني وتذكره بانفصال الجنوب واضاعة البترول والبلاهة والغباء التى وقعت بها نيفاشا ببروتوكولاتها الثلاثة وحرب دارفور وجنوب كردفان والنيل الازرق والغلاء والمرض والفقر والمرض والدغمسة


#847027 [مندكورو]
0.00/5 (0 صوت)

12-04-2013 09:57 PM
لصوص جدد!!!


#847020 [دا كلام ما صاااااح]
5.00/5 (2 صوت)

12-04-2013 09:48 PM
المتعافن تاااااانى؟؟


#847007 [الحزين]
3.00/5 (2 صوت)

12-04-2013 09:34 PM
اعتقد ان انسب منصب للمتعافي هو وزير الشئون الدينية والاوقاف
والله بلد مسخرة وحكومة منحطة.... متى يفهم هولاء وزراء الترضيات والقبليات والجهويات ان اكثر من 95% من شعب السودان لا يعرفون اسمائهم ولا يميزون صورهم ولا صور واسماء من سبقهم من الوزراء....نحن بنعرف ان المتعافي وعلى ونافع وعبدالرحيم والجاز وبكري هم اهل منصب دائم حتى لو اضطر بشيرهم لتفصيل مناصب
لماذا لا نجرب اعطاء وزرات لاجانب مثلا صينيين (اقصد نؤجر لهم وزارات )


#846997 [sami]
0.00/5 (0 صوت)

12-04-2013 09:22 PM
ههههههاهههه هااااا علي طريقة سعيد صالح. هي الوجوه الشابه وينه؟ بعدين مهدي ابراهيم ده مش الزول القال صبر علينا كم وعشرين سنه!!! يا اخي بارك الله فيك وشكر الله سعيك نحن ما عايزين نكلفك فوق طاقتك وتتحملنا اكتر من كده ادي فرصه لغيرك. عالم غايتو تجيب الضغط والسكري


#846978 [محمد علي مصطفي]
0.00/5 (0 صوت)

12-04-2013 08:50 PM
دي لعبة كراسي معروفة يشيلو احمد ويجيبو محلو سيد احمد


#846975 [اوس لى]
0.00/5 (0 صوت)

12-04-2013 08:46 PM
تلبية رغبة الشعب السودانى تكون بتركهم للساحة وارجاع كل اموال الشعب التى اخذوها بغير حق وان يستعدوا للمحاكمة ولا تكون تلبية الرغبة بالاحلال والابدال الذى استمر اكثر من ربع قرن



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
1.00/10 (2 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة