الأخبار
أخبار إقليمية
على عثمان محمد طه : تنازلت عن السلطة تنفيذاً لرأي عمر البشير ورغبة الحزب
على عثمان محمد طه : تنازلت عن السلطة تنفيذاً لرأي عمر البشير ورغبة الحزب
على عثمان محمد طه : تنازلت عن السلطة تنفيذاً لرأي عمر البشير ورغبة الحزب


دعا وسائل الإعلام السودانية لعدم إثارة أية مشكلات
12-06-2013 03:50 PM
أكد على عثمان محمد طه، النائب الأول للرئيس السودانى، أن تخليه عن موقعه فى رئاسة الجمهورية ليس مرتبطاً بأى خلاف أو صراع سياسى، وإنما جاء تنفيذا لاقتراح الرئيس السودانى عمر البشير، بإتاحة الفرصة لجيل جديد لقيادة البلاد، بعد أن استمرت هذه القيادة قرابة 24 عاما.

وقال النائب الأول للرئيس السودانى، وفقا لصحيفة "الرأى العام" الصادرة بالخرطوم اليوم، الجمعة، إن قرار التخلى عن الموقع جاء تنفيذا لرغبة حزب المؤتمر الحاكم بالسودان، مشيراً إلى أنه سيكون مواصلا لبعض مهامه فى بعض اللجان بالحزب.

ودعا طه وسائل الإعلام السودانية لعدم إثارة أية مشكلات تصدر عن جهات معادية للحزب والدولة، وعدم إتاحة الفرصة للمغرضين لتفسير ما حدث فى غير سياقه الموضوعى والعام، وقال، "إن التغيير هو سنة الحياة".

يذكر أنه من المقرر إجراء تغيير وزارى وشيك لحكومة الخرطوم، وفقا لما أعلنه البشير، وكان من المفترض الإعلان رسمياً عن تلك التعديلات أمس، الخميس، إلا أن الحزب الحاكم أعلن عن تأجيلها ليومين، نظراً لتزامنها مع الزيارة التى قام بها مؤخرا رئيس الوزراء الإثيوبى للخرطوم.


تعليقات 102 | إهداء 0 | زيارات 43391

صفحة 1 من 212>
التعليقات
#850055 [مشاكس]
0.00/5 (0 صوت)

12-07-2013 11:00 PM
سؤال صعب : {حيطه بشه بقت هشه بس مين اليدشه ...؟! }


#850051 [مشاكس]
0.00/5 (0 صوت)

12-07-2013 10:50 PM
الشيخ اتنحى = ما اتنحى يعني {حريقه في الجنه و الماجنه و انعل بو الناس البيعبدو الله عشان الناس }


#850046 [Draige]
0.00/5 (0 صوت)

12-07-2013 10:44 PM
في النهاية دا ما رغبتك حسب حديثك اذا انت مفصول الو مقال


ردود على Draige
European Union [عبد الحميد عبد الله عبد الحميد] 12-08-2013 05:42 AM
قال يفسح المجال امام كوادر شابه عليك الله المسطول بكري حسن صالح كوادر شابه قوم لف


#850024 [دوبا]
0.00/5 (0 صوت)

12-07-2013 10:09 PM
والله ياجماعه غلي عثمان فقد كبير بالمناسبه علي عثمان راجل نظيف والكلام ده ماكلام بتاع عندو املاك في ماليزيه والكلام مشكلة الكيزان مشكلة المنتفعين العاملين في الدوله ماتقول لي كل الناس الفي الدوله ديل كيزان


ردود على دوبا
European Union [Rashid] 12-08-2013 03:58 AM
مافي كوز نظيف على عثمان وكيل أعمالنه فى لندن شخص غير معروف أسموا ادريس طه اسأل منو وشوف هذا الرجل بسيط الإمكانيات بلعب بملايين الجنيهات الاسترلنيه


#849968 [مغبون]
0.00/5 (0 صوت)

12-07-2013 08:50 PM
رغم قناعتي بفشل علي عثمان وتسببه بانفصال الوطن واحتلال حلايب غير المآخذ الاخري فخروجه في الوقت الحاضر ينبي بأشياء كثيره اولها نهاية البشير ...... أشم رائحة انقلاب بقيادة صلاح قوش أمسكوا الخشب


#849929 [ود تنقسي الجزيره]
3.00/5 (1 صوت)

12-07-2013 08:07 PM
اما ان لهذا الفارس ان يترجل وفعلا" ترجل الشيخ الوقور الصادق الامين الشيخ علي هثمان الذي ضح بشبابه ومروته في سبيل خدمة الشعب السوداني اتقوا الله ايها المغرضين المرجفون في المدينه من الكذب في حق هذا الرجل لقد عاش هذا الرجل فقيرا" عفيفا" طول حياته منذ نشاته في السجانه لايملك شبرا" من الارض في جمهورية المليون بيت مربع اللهم لاتفجعنا فيه كما افجعتنا في حميد والطيب صالح اللهم اطل عمره ووفقه لخدمة الوطن فيما تبقي من عمره


ردود على ود تنقسي الجزيره
United States [دوبا] 01-04-2014 07:16 AM
كلامك حقيقه عن شيخ علي الفرس يدهس علي العلق علي حقايقك عن شيخ علي اصلا السودانيين خيالهم واسع جنهم ماليزيه انا ما عارف الكلام ده بجيبو من وين

United States [غيورعلى بلده] 12-07-2013 10:32 PM
الفرس اليدهسك تحت حدواته انشاء الله
انت من المفترض لا يجب ان تتيح له اي فرصة للتعليق لأنه انت ما بتعرف اي حاجة لا في السياسة ولاعيرها
انت انسان امعى يعني بتتبع على طول ليس لديك رأي شخصي
انا افضل ان تبحث لك لشي قدر عقلك حتى تستوحب ما يدور حولك على الأقل
امثالك هم الذين يصفقون ولا يدرون لماذا يصفقون ولمن يصفقون ...... فهمت
الله لا فهمك.... قال ود تنقسي قال ....


#849924 [بجاوي]
5.00/5 (2 صوت)

12-07-2013 07:54 PM
ياراجل قول ركبوك التونسية زي ما ركبت شيخك الترابي التونسية سنة 99 وما سمعنا بسياسي عنده عمر افتراضي ما اهو الصادق والترابي يلدوك لسه في المعترك وشغالين تش التش والبشير ليه يامرك وينسا نفسه ما هو ليه 25 سنة كاتم على نفسنا ماخلاص هو برضه يفضي المجال لجيل جديد من الشباب لكن الحاصل انت اجبرت على الذهاب والجبهة الاسلامية القوميةرغم اختلافنا وكرهنا ليها كانت حزب كبير ومؤثر واسي بقت حزب ماسكينه العساكر وبدل انسان بكريزمة الترابي بقي ماسكها الديك الرقاص عمر البشير واهو يا على عثمان بتشربوا من نفس الكاس الشربتوه للناس وانشاء الله تشربوا بالسم الهاري.


#849920 [قال الزبير محمد صالح]
5.00/5 (1 صوت)

12-07-2013 07:48 PM
يا جماعة نحنا ناس بسِيطِين .. أولاد مزارعين .. لو شفتونا راكبين عربات .. و بنِينا العمارات .. أعرفونا فسدنا

قيسوا على عثمان على المعادلة دي علما بان المزارعين كانوا اغني من حراس جنينة الحيوانات


#849869 [ahmed mohammed]
0.00/5 (0 صوت)

12-07-2013 06:40 PM
رغبة عمر البشير دي حلوة لكن وهو قاعد يعمل شنو حسسني انو عمر البشير NOTE 3


#849865 [نعناع الجنينة]
0.00/5 (0 صوت)

12-07-2013 06:35 PM
وإنما جاء تنفيذا لاقتراح الرئيس السودانى عمر البشير، بإتاحة الفرصة لجيل جديد لقيادة البلاد، بعد أن استمرت هذه القيادة قرابة 24 عاما.
والزول الجاى بدلك دا جايبنو من الحصاحيصا ما حرامى من زمااااااااااااااااااااان دى دايرة ليها نفرين بيتغالطوا الله يهدينا ويهديك ؟


#849829 [Husham Suliman]
0.00/5 (0 صوت)

12-07-2013 05:58 PM
وطبعا الخبرات والعلماء الذين لا بدل لهم الجاز وبكرى حسن صالح ومصطفى عثمان اسماعيل


#849821 [مهاجر]
5.00/5 (1 صوت)

12-07-2013 05:44 PM
استقلت لرغبة البشير واتمني ان يستقيل البشير لرغبة الشعب السوداني كفي .


#849813 [abusammy]
0.00/5 (0 صوت)

12-07-2013 05:34 PM
غش في غش
شيخ علي سيذهب للبرلمان وبكري حسن صالح نائب الرئيس وفي حاله وفاه الرئيس أو تنحيه سوف يكون شيخ علي وبكري في مجلس الرياسة وسوف يكون رئيس البرلمان رئيس الجمهورية حسب
الدستور الانتقالي 2005
هؤلاء عصابه لايمكن أن تثق فيهم فهم يضمرون عكس ما يعلنون


#849810 [حسان]
0.00/5 (0 صوت)

12-07-2013 05:31 PM
مشي وقعد ما همانا و المسكين ضر نفسه و اسرته و معارفه و الذين يتستر عليهم من اللصوص و الذين ينادونه تملقا بشيخ علي


#849782 [عطوى]
5.00/5 (1 صوت)

12-07-2013 05:01 PM
رقم كراهيتى للكيزان فى كل زمان ومكان ولكننى لا احقد على هذا الشخص ابدا لسبب وحيد وهو بانة شخص محترم ولم يتلفظ بالفاظ نابية او يعرف عنة الرعونة والشتائم ... وكل ما يعيبة فى اعتقادى بانة (كوووز) و ولم لم يكن كووز لا اعتقد بانة يصفة شخص بسوء ؟؟؟ فقط وهذا راى .. فانا اكره التنميط وقولبة الوصفات السيئة وحتى وان لم تكم فى الشخص فقط لاننا شعب درج ان يوصف الناس بقبائلهم وجهاتم وهذا هو اسوا ما عندنا ....

فقط فقط ربما على الشخص ان يحلم ولكننى احس بان هناااك شخصا ولحكمة ما ضل طريقة الى بنى كووز

فهو على محمد عثمان الرجل المهزب ...الذى لايشبة بنى كوووز البتة ولكنها هى الدنيا ...

اتمنى ان الا اصوف بالدجاجة ....

فلو تم تقسيم خمس كراهيتى للكيزان وفكرهم تجاة المعارضة لسقطت هذه الحكومة فى رمشة عين .. ولكن يبقى هذا هو احساس شخصى فانا كثيرا عندما تختلط عندى الاشياء اجعل احساسى وعقلى هو الفيصل ... فانا لم اتعلم واو اتعود للنظر للناس او تقيميهم من خللال جهاتهم او قبائلهم..

ربنا يهديك يا على عثمان ..


ردود على عطوى
United States [اقرسكتى] 12-07-2013 08:35 PM
shoot to kill


#849780 [طارق الباز]
0.00/5 (0 صوت)

12-07-2013 05:01 PM
(وإنما جاء تنفيذا لاقتراح الرئيس السودانى عمر البشير) يعنى عايز تفهمنا انو الرئيس افهم منك؟؟ دى حركات الكيزان الترابى دخل السجن وطلع هو صاحب الانقلاب, هسع انت عامل فيها مطيع للرئيس وبكرة بتجى رئيس.عموما ما فارقه معانا لو رئيس او نائب رئيس كلكم ديانتكم الكوزنة.


#849762 [أبوطوشه]
0.00/5 (0 صوت)

12-07-2013 04:43 PM
وقال، "إن التغيير هو سنة الحياة". يكون جميل لو كمّلتوا السنة باستقالة البشير كمان!


#849721 [شمال و جنوب فى محنة]
0.00/5 (0 صوت)

12-07-2013 04:05 PM
في الكاملين كان في واحد من ابو عشر كل يوم بجى بيوت العرقى و من ما تعصر الم في الانداية لقط طوالى مفرتق القعدة و اهل الانداية كلهم بخافو منو يوم ركب لاندروفر من الكاملين طبعا بعد ما عكر صفا الانداية دورها مع بتاع اللاندروفر قام نزلو في العبدلاب بس لطشو لورى قرضو داكت الحزة اليوم الثانى الخبر وصل الجماعة قالو ليهم حسن ضربتو عربية و مات الجماعة كلهم اقولو ما شاء الله ما شاء الله حسن مات - بتصرف من حكاوى صديق


#849696 [الكجاج]
5.00/5 (1 صوت)

12-07-2013 03:28 PM
خلاص نهبتوا البلد 24 عام وعارفين دوركم جاي طيب بشه مالو ما ترك فرصة للجيل الجديدوما تنسوا العملتوه في 24 عام بزول وتلك الايام ندوالها بين الناس


#849661 [ابن كردفان]
0.00/5 (0 صوت)

12-07-2013 02:45 PM
من هم الجيل الجديد

كمال عبيد وكمال عبد اللطيف وبكري وعبد الرحيم محمد حسين ام اسامه عبد الله والجاز مذ قد الانقاذ وهناك قوش وعطا وبن عوف وعطا المنان وننتظر نشوف حكايات الوزارة الجديدة ويحاول اعلام شروق والنيل الازرق والخروم تزيد عليها شمار وتوم واما ام درمان أفرد لها خط سياسي خاص


#849655 [adilnugud]
0.00/5 (0 صوت)

12-07-2013 02:38 PM
حا يجي واتمنى ان لايكون .................والي الخرطوم
وان لم يجي سيكون انشقاق جديد.............


#849626 [مشكاح]
5.00/5 (1 صوت)

12-07-2013 01:58 PM
اتاحة الفرصه لجيل جديد لقيادة البلاد)))))))))))) هل عمر البشير من الجيل الجديد؟ ولماذا لم يستقيل هو لاتاحة الفرصة لجيل جديد لقيادة البلاد ؟ ام ان القيادة والسلطة كانت عند النائب الاول؟ والرئيس كان على الهامش ؟ ام ان هذا التصريح هو استهلاك سياسى ؟


#849585 [بدون تعليق ماسورة البشير]
4.94/5 (5 صوت)

12-07-2013 01:09 PM
صورة ساخره جدا من الرئيس للشعب السوداني مع العلم انه مافي اي دبلجة في الصورة حقيقة 100%

الرابط هنا

image

او الرابط



#849558 [ودالباشا]
5.00/5 (2 صوت)

12-07-2013 12:46 PM
ما يفعلونه هؤلاء القوم اكبر مما نتوقعه نحنا وشيخ على هذا اظنه ليس كالرموت ولا يستطيع نافع والرئيس افتراسه بهذه السهوله بل هو الفك الفترس انهم ينفذون فى خطة ارتسموها ولن تتضح لنا الا قرب نهايتها فلا تنخدعوا لظاهر المناظر


#849543 [حمدي]
5.00/5 (2 صوت)

12-07-2013 12:28 PM
(دنيا دبنقا دردقي بشيش ) -- علي عثمان هو من خطط و دبر انفلاب الانقاذ التعيس -- موت الطيار مختار محمدين المفاجئ اربك حسابات الجبهة الاسلامية القومية -- كان مرشحا ان يقود الانقلاب --- رشح علبي عثمان عمر البشير لخلافة الطيار مختار و كان علي عثمان يغرف عمر البشير جيدا و كان زميله في الحرطوم الثانوية و اصر عليه مخالفا معظم الاراء و كانت حجته ؛
عمر البشبر بمتاز بالغباء و ضبق الافق و قلة الحيلة و بصلح ان بكون واجهة و تحكم الحركة الاسلامية من خلفه يمكن لكم ركله متي ما يشائون --- شـآءت الاقدار ان يزيح علي عثمان الترابي و جاء دور البشير لبركل علي عثمان بعد تمزق و انهيار السودان .
الجسة و الغدر و الخيانة الدناءة من صفات أشباه الرجال


#849532 [zangazanga]
5.00/5 (1 صوت)

12-07-2013 12:08 PM
زواج المتعة المسيارية قد إنتهت بين الاخونجية الماكرين الكاذبين والعسكر الخونة لعهد الشعب ..


#849523 [abusafarouq]
5.00/5 (6 صوت)

12-07-2013 12:00 PM
بعد الاقالة والطرد عرف إنو التغير سنة الحياة عجيب أمرك هل كنت تتوقع تعيش مدى الحياة نائبا للرئيس فى السلطة وكل الناس عرفك أنت الرئيس الفعلى للسودان يا للحسرة والندامة على ما فات فى الدفاع عن الباطل وإزهاق الحق أصبحت المسكين الضعيف الدوام والحكم لله لو دامت لأحد لم يصلكم
اللهم شتت شمل الكيزان شذر مذر ولا تجمع بينهم كلمة يا عزيز يا قوى ياجبار .فرعون كان جبارا عندما أدركه الغرق أمن برب موسى وهارون لكن هل هذا الايمان نفع فرعون ؟كيف تقابل رب العالمين ولم تفعل بالرعية خيرا قط فى حياتك وعمرك الطويل فى الحكم سبحان الله الذى ينزع الملك من من يشاء ويذله ويخزيه.


#849503 [السنجاوي]
5.00/5 (3 صوت)

12-07-2013 11:41 AM
المطلوب ذهاب كل العصابة الحاكمة بآلة عنف الدولة
نفس الوجوه الكالحة والنفوس المريضة والحاقدة ونفس السياسات
مهما تبدل الوجوه الحل في الخلاص من هذا السرطان الذي استشرى في جسد الوطن
وما في حد أقول البديل منو؟؟!!
البديل موجود وحواء السودان ما عقرت بعد هؤلاء الشرزمة ولدت رجال على خلق ودين وأدب وأمانة وعفة يد ولسان


#849486 [Amin]
5.00/5 (1 صوت)

12-07-2013 11:29 AM
طالما طلع منها الماكر ده معناها إنه اللعبة إنتهت

ولابد أنهم أوعزوا اليه بأن يلحق الحركة الإسلامية ما تروح مع الحكومة
وأن يدع القيامة تقوم على أشرارها

لكن الشعب السوداني الذي فقد 25 سنة من عمره وفقد جزء عزيزاً من أرضه وفقد الكثير من أبنائه وكرامته وعزه ومكانته وكل جميل كان
لن يسمح للإسلاميين أن يخرجوا من الباب ليعودوا من الشباك


#849485 [الزول المنسي]
5.00/5 (2 صوت)

12-07-2013 11:28 AM
رايح يا ود طه بعد ما فصلت جنوب السودان ودمرت مشروع الجزيرة و بعثرت أموال البترول أنت و ضار ود علي و الجاز تعمل وترى الفساد المالي والجهوي ولا تحاربه
ما الفرق بينك و بين الكافر


#849444 [ود الدلنج]
0.00/5 (0 صوت)

12-07-2013 11:06 AM
الراجل تنازل عن السلطة والمنصب لأنه ببساطة ما قادر بعد أن زاد اسوداد وجه وأنهكه السرطان بسبب دعوانا لله لما وجدنا من ظلم طوال (2) سنة ، وعسى الله يغفر له إنه لغفور رحيم ، ولكن أين حقنا؟ !!!!!


#849438 [أبوديدى]
0.00/5 (0 صوت)

12-07-2013 11:05 AM
إنه الفشل ياعلى(سرطان)
أما حصاده فعند الشعب السودانى..
ماحدث معلومه خلفياته صراع القصر أفضى إلى هيمنة الجناح المسمى بالصقور ونعلم أنك لن تستكين أيها الثعلب فالخبث
والمكر جينات أفكارك ولكننا لن نراهن على صراعاتكم
ولابأس من ضعفكم ذلك يسهل كنسكم..


#849428 [عمرالحسن]
0.00/5 (0 صوت)

12-07-2013 10:57 AM
شكرا كتير شيخ على عثمان كنته عاقلا فى المعارضة وفى الجكومة كان يعارض من داخل الجمعية التأسيسية ايام السيد الصادق لم يفجر فى معارضته كان يعارض بالحجة والمنطق فكان محترما من معارضية لم يرتمى فى حضن الغرب ايام معارضيته لحكومة الاحزاب عارض من داخل وطنه بالمنطق والحجة سلمت شيخ على ومتعك الله بالصحة والعافية ستظل علما بارزا فى السياسة السودانية ونموزجا يتحزى به ودعك من مهاترات شباب الراكوبة فهم لايعلمون والجهل مصيبة سب ولعن مساكين واذا خاطبهم الجاهلون قالو سلاما


ردود على عمرالحسن
European Union [Amin] 12-07-2013 01:36 PM
كان منافقاً خائناً

يلبس ثوب الديمقراطية والحوار في الجمعية التأسيسية
ويدبر المؤمرات الانقلاب عليهما في الخارج

ويزج بزملاء الأمس في بيوت الأشباح والمعتقلات

( ووجوه يومئذ عليها غبرة ترهقها قترة )

United States [علي عثمان رجال قاتل مثله ومثل البشير ونافع وغيرهم] 12-07-2013 12:57 PM
والله انك مسكين يا عمر الحسن .. هذا الرجل صاحب الذي دعا الشرطة لقتل التجار shoot to kill وهو الذي يملك مجموعة ارهابية مثله ومثل نافع والجاز وغيره وهو اللص الذي له شركات ومؤسسات .. قال عاقل قال!!!

European Union [ايفوري] 12-07-2013 12:14 PM
والآن ارتمي في أحضان الغرب ونفذ اجندتهم وفصل الجنوب وقبلها حاول اغتيال الرئيس المصري وشارك في الفساد لمدة ربع قرن من الزمان وهو من أتي بهذا النظام عندما قام بتكليف من الجبهة الاسلامية القومية بتجنيد البشير للقيام بالانقلاب عام 89


#849423 [فرح ود تكتوك]
0.00/5 (0 صوت)

12-07-2013 10:50 AM
الرقاص لص كافورى ، منتظر شنو ؟
هل سيحلم حاج ساطور بمنصب النائب الأول ، أم سيتركه لأبوالعفين مرغمآ ؟


#849385 [فوز]
0.00/5 (0 صوت)

12-07-2013 10:28 AM
وحلاتي يا اخواني الولد بسمع الكلام.


#849382 [كمبوكل]
0.00/5 (0 صوت)

12-07-2013 10:28 AM
هذه الاستقالات الجماعية هى ضربة معلم من هؤلاء المستقلين وتحسب لهم خاصة الشيخ على عثمان محمد طه الذى ظن الكثيرين انه من دهاقنة السياسة واساطينها ولكن اتضح ان الرجل رجل أكثر من عادى وخاصة بعد توليه قيادة المفاوضات الى ادت الى نيفاشا والتنازلات المجانية من طرف واحد بل ان دكتور جون قرنق خدعه خديعة كبرى بالوحدة الجاذبة وانطلى على الشيخ الذى تذرع فانه خدعوك فحسبك الله فنعم بالله ولكن يا شيخ اما كان من الواجب حفظ حقوق الشمال من حدود وديون وفك الارتباط بالفرق التى ما زالت تقاتل السودان قبل أى كلام عن انفصال وتقرير مصير !!!!!!!!!!!!! فهذه الاتفافية كشفت مدى ضعف وبؤس هذا الرجل فهو من الناحية الشخصية رجل قيم واخلاق ولكن كم تساوى هذه القيم فى سوق السياسة فعليه بداره وله الجنة ان شاء الله ونقولها وللرعيل الاول من رجالات الانقاذ هذه ضربة معلم وتحسب لكم لا عليكم !!!!!!!!!!!!!!!!!!!!!!!!!!!


#849383 [رامى البشير]
0.00/5 (0 صوت)

12-07-2013 10:28 AM
تغير الحكومة مشاءالله يعنى تنجيد وكيس جديد بس من نفس القماش ياخســـــــــــــارة؟؟!!!!


#849331 [الحقيقة]
0.00/5 (0 صوت)

12-07-2013 09:48 AM
طيب بعد 24 سنة في موقع القرار والتنفيذ يترك منصبه ويمشي يستمتع مما نهبه طوال هذه الفترة في ماليزيا والصين ليه مافي محاسبة ماذا كنت تملك وماذا تملك الآن ذي ما بيحصل في الدول الغربية لازم يكون في جرد حساب أي مسئول وهذه هي الشفافية والعدل وهل يعتقد على عثمان عندما يترك منصبه محمدة فسجله حافل بالفساد السياسي والاقتصادي والخبث الارادي ...


#849319 [جركان فاضى(القام من نومو ولقى الانقاذ)]
3.00/5 (2 صوت)

12-07-2013 09:40 AM
على عثمان للبشير: ربع قرن وانا ولى عهد وما القى معاك اى فرصة؟..جاءت محكمة لاهاى واستبشرنا خيرا ثم طلعت فالصو...قالوا الدستور لايسمح لك بولايةسادسة واشتبشرنا خيرا...ثم قام الملاحيس وقالوا نغير الدستور لتترشح لولايةسابعة ...خلاص هرمنااااااااا ...خلاص فايتا ليك عامل روحك زى الكلب البى سبعة ارواح


#849285 [أب قرن]
0.00/5 (0 صوت)

12-07-2013 09:26 AM
إستقالة الأستاذ على عثمان تعبر خسارة كبيرة للسودان لقد كان له صبر جميل في المفاوضات مع الجنوبيين حتى أراحنا الله منهم وكان بحكمته يمتص انفعالات الرئيس في تلك المفاوضات ، عيش بسلام يا شيخنا ما قصرت .


ردود على أب قرن
[safi] 12-07-2013 03:37 PM
يعيش وين؟؟؟؟؟ يسكن وين؟؟؟؟ ( مصر السيسى مبارك) + 28 رمضان (لم ننسا) + 23 سبتمبر 2013

على اهله وعشيرته حراسته اينما حل.... ليس لدينا ما نخسره ان فعلناها... حتما سوف تكون.


#849279 [الدندور أبوعوه]
5.00/5 (3 صوت)

12-07-2013 09:23 AM
التسوي كريت في القرض تلقاهو في جلدها . ومن باب أرحموا عزيز قوم ذل لا نريد أن نغوص في المنغصات لكن تشظي ما تسمي بالحركه الاسلاميه يصب في مصلحة البلاد والعباد ونقول لعلي عثمان زي ما سويتها في شيخك حسن وأنت تلميذه المدلل سوها فيك ناس ابوالعفين والاهبل أبوإضنين والوزير أبورياله وناس مهدي إبراهيم منتظرين تقسيم التركه حتي يمرق منها برئاسة البرلمان والمؤتمر العفني لأنو فيه فرصة سرقه وشفط أموال فاذهب غير مأسوفا عليك وليقبل لموقعك من يقبل فلا مرحبا به وكلكم وجهين لعملة واحدةوفاسده.


#849263 [نوارة]
5.00/5 (1 صوت)

12-07-2013 09:15 AM
هذا الكلام به حلقة مفقودة بكرة تبين الحقائق


#849249 [أبو علي]
1.00/5 (3 صوت)

12-07-2013 09:07 AM
شكرًا أستاذ علي ، شكرًا لأمثالك هم نريد أن يكونا أنموذج للآخرين ، فانت تمثل القاىد الوفي لبلاده ، والسياسي الناضج ، الذي يحب عمله ، ويحترم الجميع ، وتستحق الاحترام من الجميع ، وكما قال السيد الرىس يجب أن تعطي الفرصة للشباب من الجيل الحائط في إدارة شىون البلاد للفترة القادمة ، شكرًا مجددا أستاذنا علي عثمان


ردود على أبو علي
United States [tom] 12-07-2013 09:50 AM
يا ابو علي اما انك من صنف النفعيين ام انك تغرد خارج السرب
كل ماسي السودان من علي عصمان الذي تامر لقتل حسني مبارك ... بسببها الامريكان استغلوا ضعف عصمان ومرروا نيقاشا سئية الذكر التي قسمت السودان وطاحت بالاقتصاد وما زالت اثارها قائمة لتفتيت السودان
علي عصمان يحاسب ولو بعد حين كلهم ارازل

European Union [عادل] 12-07-2013 09:40 AM
اهبل


#849225 [أبو محمد أبو محمد]
4.50/5 (2 صوت)

12-07-2013 08:48 AM
ياخي تخ
ما فرقت ضيئ الاحسن ان ترحلوا جميعكم فليس لك يا علي عثمان حسنات و حسن سيرة يبكي احدا لفراقك بل انت من شق السودان نصفين و كنت غراب الانقاذ و ما زلت لكن ستكون في عباءة اخرى و هنا تذكرت حلاوة مولد الملونة بالالوا هي ذاتها بس الفرق في لون الصبغة و النكهة واحدة الى حيث اراد الله الك اذهب غير مأسوفا عليك


#849214 [اسامه الشايقي]
4.50/5 (5 صوت)

12-07-2013 08:39 AM
علي عثمان الي الجحيم ان شاء الله الزول مرضان كما كده مافكاها رفقه طيبه مع اللعين فتحي والهالك
مجذوب الخليفة ....... المهم اظرف تعليق سمعته في التغيرات دي قالو الرباطابابي قالو ليه عبد الرحيم من الدفاع دايرين يودوه الامن .. قال ليهم والله ذي الشافع البال في المرتبة قمو قلبوها ليه ها ها ها .


#849189 [زنجرابي]
2.00/5 (4 صوت)

12-07-2013 08:25 AM
البشير لن يتنحى عن السلطة مهما حدث …ومهما استغفر عن خطاياه هو وعصابته ومهما أظهر الاستغفار والتوبة عنها والندم (وهو من احل سفك الدماء في الأشهر الحرم ) فهو معروف منذ أن كان طالباً حربياً وسط دفعته باسم (عمر الكضاب) ... ومصلحة هؤلاء الخنازير لا تستمر الا بوجود هذا التيس فى سدة الحكم ليس حبا فيه ..ولكن لأشياء كثيرة فى شخصية الرئيس من فساد وضعف ادارى …فهم الان راتعون فى خريف السلطة والثروة دون حسيب ورقيب وخاصة اخوانه المليارديرات وزوجتيه ..هؤلاء لن يدعوا هذا المعتوه ان يتخلى عن الحكم ..زد على ذلك حبه الشديد للبقاء فى سدة الحكم والثروة …. وكل ما يتفوه به ويوهمنا انه زاهد فى السلطة هذا كله ضمن اكاذيبه ونفاقه المعهود …هذا لن يترك الحكم الا بطريقة القذافي او طريقة منغستو والايام بيننا


#849176 [اخربا ليكم]
3.50/5 (3 صوت)

12-07-2013 08:15 AM
طز فى على عثمان وطزين فى عمر البشير وتلاته طزات فىنى انا وفيكم لانن ماقادرين نغير حاجة فى حكومة ميته


#849174 [نبض التعب]
0.00/5 (0 صوت)

12-07-2013 08:13 AM
(على عثمان محمد طه : تنازلت عن السلطة تنفيذاً لرأي عمر البشير ورغبة الحزب) .. الخُلاصة وزبدة الموضوع أن علي سرطان إستقال رضوخاً لرأي الحقير ورغبة (المانافع) الذي هو الحزب ، والحزب هو .. بإختصار: الجعلية غلبوا الشايقية وما ينط لي واحد ويقول لي إنت عنصري!.


ردود على نبض التعب
European Union [عادل] 12-07-2013 09:42 AM
كلامك ممكن يكون صحيح وفي النهاية ده رايك بس مافي داعي لكلمة ( علي سرطان ) لان المرض ما عيب ونحن كسودانيين ما بنشمت علي المريض ( والمؤمن مصاب ) ،، لك مني كل التحايا


#849158 [ابومحمد]
0.00/5 (0 صوت)

12-07-2013 08:01 AM
انتوا عارفين ياجماعة هنا تحققت رغبة الترابي انه لو عاوزين مصالحة مع الشعبي لن تكون وهذا الماكر موجود والجماعة ديل طبعا اصلا بايعيين القضية فالسودان الان في عهد الانقاذ خلوهوا جنازة بحر عاوزيين يدمدموها بسرعة
فلذلك اول حاجة يعملها المصالحة مع الشعبي حيث الترابي هو مهندس احداث كل الحركات المسلحة واؤكد كما عملوها سابقا خلي المصالحة تبقي والله الكيزان القدام لو يبيعوا نفسهم حا تلقي كثيير من الاحداث في المشهد السوداني تغيرت
الله يكضب الشيينة


#849121 [ابومصعب]
0.00/5 (0 صوت)

12-07-2013 07:36 AM
معروفة ذى كلاب السيجة تبديل من حفرة ل حفرة ( وزارة ل وزارة) كلام بس


#849118 [كربيش]
5.00/5 (2 صوت)

12-07-2013 07:32 AM
عمر الغير بشير ونذير الشؤم والبلاء علي السودان وعصابته من الاخوان المتأسلمين ينطبق عليهم قول
(الله تعالي )

( وَمِنَ النَّاسِ مَن يَقُولُ آمَنَّا بِاللَّهِ وَبِالْيَوْمِ الآخِرِ وَمَا هُم بِمُؤْمِنِينَ

يُخَادِعُونَ اللَّهَ وَالَّذِينَ آمَنُوا وَمَا يَخْدَعُونَ إِلاَّ أَنفُسَهُم وَمَا يَشْعُرُونَ

فِي قُلُوبِهِم مَّرَضٌ فَزَادَهُمُ اللَّهُ مَرَضاً وَلَهُم عَذَابٌ أَلِيمٌ بِمَا كَانُوا يَكْذِبُونَ

وَإِذَا قِيلَ لَهُمْ لاَ تُفْسِدُواْ فِي الأَرْضِ قَالُواْ إِنَّمَا نَحْنُ مُصْلِحُونَ

أَلا إِنَّهُمْ هُمُ الْمُفْسِدُونَ وَلَكِن لاَّ يَشْعُرُونَ

وَإِذَا قِيلَ لَهُمْ آمِنُواْ كَمَا آمَنَ النَّاسُ قَالُواْ أَنُؤْمِنُ كَمَا آمَنَ السُّفَهَاء أَلا إِنَّهُمْ هُمُ السُّفَهَاء وَلَكِن لاَّ يَعْلَمُونَ

وَإِذَا لَقُواْ الَّذِينَ آمَنُواْ قَالُواْ آمَنَّا وَإِذَا خَلَوْا إِلَى شَيَاطِينِهِمْ قَالُواْ إِنَّا مَعَكُمْ إِنَّمَا نَحْنُ مُسْتَهْزِؤُونَ

اللَّهُ يَسْتَهْزِئُ بِهِمْ وَيَمُدُّهُمْ فِي طُغْيَانِهِمْ يَعْمَهُونَ

أُوْلَئِكَ الَّذِينَ اشْتَرُوُاْ الضَّلالَةَ بِالْهُدَى فَمَا رَبِحَت تِّجَارَتُهُمْ وَمَا كَانُواْ مُهْتَدِينَ ) صدق الله العظيم


ردود على كربيش
[نزار عوض] 12-07-2013 04:50 PM
والله يا كربيش كلما اتلو سورة البقرة اذكرهم واقول ياربي اهلنا المتصوفين معقولة مافاهمين معقوله ما شايفين معقوله ما عايشين معانا فى السودان وله هم عباره عن دراويش وحيران وله فاهمين المقصود من الايات دى كفار قريش بس وله فاكرين الدنيا عباره عن اوراد تعمله وترقد تنوم هوووي ياالصوفيه كفايه نوم اتلوا القرآن بفهم وسيبونا من سيدي الامام قال وخليكوم في القالو ربنا سبحانه وتعالى


#849113 [moneim]
5.00/5 (1 صوت)

12-07-2013 07:29 AM
محظوظ مشيت قبل ما يركبوك طيارة


#849093 [اشرف حسن]
5.00/5 (2 صوت)

12-07-2013 07:12 AM
والله يا ناس الراكوبة بقيت مدمن رواكيب بي سببكم ... خشو لينا في المفيد عاوزين نمرق الشارع ده .. القصة دي بقت ما مفيدة


ردود على اشرف حسن
[نزار عوض] 12-07-2013 04:21 PM
كلام مفيد


#849067 [عدو الكيزان]
1.00/5 (1 صوت)

12-07-2013 06:41 AM
Go To Hell


#849065 [سوداني]
5.00/5 (2 صوت)

12-07-2013 06:40 AM
رغبة الحزب قال !!! رغبة البشير هو رغبة الحزب ... طيب البشير مابيشمل سنة الحياة ام إنه خارج سنن الكون


#849064 [ابوريدة]
0.00/5 (0 صوت)

12-07-2013 06:39 AM
(قل اللهم مالك الملك تؤتي الملك من تشاء وتنزع الملك ممن تشاء وتعز من تشاء وتذل من تشاء بيدك الخير )


#849050 [ابومركوب]
1.00/5 (1 صوت)

12-07-2013 06:28 AM
قطر عجيب يودي ما يجيب يا شيطان بعوت


#849042 [الفقير الي الله]
5.00/5 (2 صوت)

12-07-2013 06:13 AM
اقولها وبكل صدق ووضوح ان هؤلاء الشرزمه بعد ان مزقوا السودان يريدون ان يتملصوا واحدا تلو الاخر حتي نصبح ولا نجد كوز واحد ويفروا باموالهم خوفا من المحاسبه ولكن هيهات العبوا غيرها


#849039 [عبد الشكور]
1.00/5 (1 صوت)

12-07-2013 06:07 AM
الرئيس البشير لا يثق في شخصية الاستاذ على عثمان والمدنيين بصورة عامة , خاصة ان الاستاذ طه اصبح شخصية عالمية بعد فصل الجنوب , امريكا والمنظمات الكنسية اصبحت راضية عنه فهو الاقرب لخلافة البشير الذي اصبح منبوذا اين ما حل ..الافضل للرئيس البشير ان يستقيل ليترك المجال لغيره فالدولة السودانية تعطلت اعمالها عالميا بسبب رئيس مطلوب للعدالة.. البشير لا يثق في شخصية الاستاذ بسبب خيانتهما لمنظر الانقاذ الترابي .. ثلاثتهم خائن ,البشير طه الترابي .....مهندس الفتن الدكتور نافع سيلحق ب طه عما قريب.


#849011 [Abdulla Eed]
2.25/5 (3 صوت)

12-07-2013 05:23 AM
لن يصلح حال هذه الأمة إلا إذا غيرت مفاهيمها البالية وبدأت بالتفكير بشكل علمي وصحيح ليخرجها من هذه الدوامة.
وأخيرا الشكر للكاتب على هذا المقال الذي يبشرنا بولادة أناس مثقفين تنويريين نحن بأمس الحاجة لهم لأنهم لايعتمدوا بثقافتهم على الأوهام والخزعبلات.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية
تقييم
3.38/10 (4 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة