الأخبار
أخبار إقليمية
البشير يدعو علي الحاج إلى العودة والإسهام في معالجة أزمة دارفور
البشير يدعو علي الحاج إلى العودة والإسهام في معالجة أزمة دارفور


12-06-2013 09:39 PM

الخرطوم - أميرة الجعلي
التقى وفد بقيادة صديق ودعة مسؤول ملف الاتصال بالحركات والشخصيات السياسية، علي الحاج نائب الأمين العام للمؤتمر الشعبي والسياسي المعارض البارز بمدينة بون الأسبوع الماضي. وقال مصدر حضر إن صديق ودعة أبلغ علي الحاج رسالة شفوية من رئيس الجمهورية المشير عمر البشير نقل له فيها جهوده في الحوار الوطني وصنع السلام والتوافق الوطني، وطالبه بالعودة إلى السودان للإسهام في معالجة أزمة دارفور وجهود الحوار الوطني.

وقال المصدر إن علي الحاج ثمن رسالة رئيس الجمهورية ورغبته في مساهمة المعارضين في الحل السياسي، وقال إن علي الحاج أكد على ضرورة الحل السياسي الشامل وابتدار حوار وتفاوض فعلي مع المعارضة السياسية ووقف الاقتتال مع الحركات المسلحة في دارفور والجبهة الثورية وأن يترافق ذلك مع حملة للإصلاح السياسي في البلاد خاصة العلاقة مع جنوب السودان. وقال علي الحاج إنه لا يريد عودته إلى البلاد منفرداً بل في إطار تسوية سياسة تشمل الجميع. وقال المصدر إن حديث علي الحاج يعتبر إيجابياً في رده على مبادرة رئيس الجمهورية

اليوم التالي


تعليقات 19 | إهداء 0 | زيارات 5557

التعليقات
#849699 [lulu bulu]
5.00/5 (1 صوت)

12-07-2013 04:31 PM
والله الف مرحب بأذكى واخطر مخطط سودانى على الحاج محمد هذا الذى لم يعرف الناس طعم الحكم الا عندما استلم وزارة الحكم الاتحادى عندها شعر الناس انهم كانوا مكذوب عليهم طيلة اربعين سنة حين لا يستطيع مواطن تصديق طاحونة الا بعد موافقة الخرطوم بينما ياتى التجار من الخرطوم ولشمالية والجزيرة وهم يحملون تصاديق المصانع والدكاكين والطواحين والطوابين وعندما اراد على الحاج المضى قدما فى منح الاقاليم كافة السلطات والصلاحيات رماه الجلابة بفرية سكر الانقاذ الغربى واتهموه فى امانتة ...مرحبا بك الدكتور على الحاج محمد نائبا اول للسودان بل انت فى مقام رئيس السودان ولو كرة كل جلابة الشمال والجزيرة فليس احق بالرئاسة منك من هو ادنى تعليما وذكاء وحنكة مرحبا بك وانت تدعو الى سودان يتساوى فية الجميع من غير تميز بالجهة او اللون اوالقبيلة


#849424 [abdelaziim mekki]
5.00/5 (1 صوت)

12-07-2013 11:50 AM
فلس عايز يجي يشحن تاني


#849167 [نبض التعب]
5.00/5 (2 صوت)

12-07-2013 09:08 AM
(شنو الجدّ في المخدّة) حتى يعود الحقير البشير راضخاً وذليلاً للحرامي الأكبر علي الحاج صاحب أول قصر عشوائي وأول من دشن الفساد في حكومة الأنجاس عندما (بلع) سُكّر أهلنا الغبش بدارفور تحت غطاء سفلتة طريق الأنجاس الغربي .. (شنو الجدّ في المخدّة) وعمر الحقير يشكو علي الحاج للخالق عندما قال : (علي الحاج ده حليناهو لي الله) رداً علي علي الحاج يوم أن قال للحثير :( خلّوها مستورة) .. ومن يومها غضّ الحقير الحقير الطرف عن علي الحاج ووجّه شرطته ونظامها العام بالقبض علي كل (سِت عرقي) إسمها (مستورة) حتى ولو تؤركت الصناعة و(تابت)!!.

بالله ده رئيس؟ .. لك الله يا سودان.


#849088 [معاويــــــــــــــــــــــــــــــــــة]
5.00/5 (1 صوت)

12-07-2013 08:08 AM
عشان يجى ينهب باقى الفضل من اجساد الناس 35


#849012 [هدهد]
0.00/5 (0 صوت)

12-07-2013 06:25 AM
خلاص يعنى مشاكل السودان لا تحل الا بعودة على الحاج !!!!؟؟ ولماذا لم تستدعيه من قبل ام تريد ان تستبدله بعلى عثمان المطرود من القصر وربما لكوبر قريبا ؟؟؟ ضيعت الوطن ايها الفرعون السفاح نتيجة هذه السياسة القذرة ... ربع قرن من الزمان والتدمير والقتل والنهب ماذا تريد ايها السفاح ؟؟؟؟؟؟ اسأل الله ان ينتقم منك يجعلك عبرة كفرعون الاول لجميع الطغاة من بعدك .


#848966 [ود البلد]
0.00/5 (0 صوت)

12-07-2013 02:52 AM
نائبه الجديد


#848960 [Alrasheed KN]
0.00/5 (0 صوت)

12-07-2013 02:43 AM
شهوة الحكم اذا اصبحت حلم المناضل المسلم فانه غالبا ما يفقد اسلامه قبل ان لكرسي السلطه


#848951 [ديجانقو]
0.00/5 (0 صوت)

12-07-2013 02:23 AM
والله تعال مافى زول بيسالك على الدقيق السرقتو امن كنت وزير تموبن ايام الاحزاب


#848948 [ساب البلد]
4.00/5 (1 صوت)

12-07-2013 02:14 AM
عودة اللص .. والانضمام الي مغارة علي بابا welcome back Ali


ردود على ساب البلد
United States [عنبر عمر الطيب] 12-07-2013 08:18 PM
Welcome Ali


#848936 [لَتُسْأَلُن]
0.00/5 (0 صوت)

12-07-2013 01:44 AM
هل يستبدل علي بعلي.


#848928 [انصاري]
0.00/5 (0 صوت)

12-07-2013 01:05 AM
خلاها مستورة.. وشكيتو لي الله..!!؟؟


#848899 [دمنقاوي]
0.00/5 (0 صوت)

12-06-2013 11:45 PM
يا سادة علي الحاج خلاص انتهى وليس لديه ما يقدمة و خاصة بعد قبلنة السياسة السودانية خلوه مستور هناك وما دا قدم السيسي غير المراهقة المتاخرة و سرقة رفقاءة ده جيل وانتهى الامل في الشباب


#848893 [معاويــــــــــــــــــــــــــــــــــة]
0.00/5 (0 صوت)

12-06-2013 11:37 PM
ان جيتنا يالزين وانت ما جيت بننتظر الصغيرين


#848891 [مدحت عروة]
0.00/5 (0 صوت)

12-06-2013 11:35 PM
صديق ودعة شنو وعلى الحاج شنو ؟؟؟؟؟؟؟؟؟؟؟؟؟؟؟
الناس فى السودان معارضة مسلحة او سلمية او غالبية الشعب السودانى عايزين حل قومى شامل لسودان موحد او ما تبقى منه بعد انفصال الجنوب والتراضى على كيف يحكم السودان !!!!!!!!!!!!!
بعد اكثر من 24 سنة وناس الانقاذ لسع ما اتعلموا سياسة وعرفوا ان استقرار وامن وسلام وتنمة البلد ما ممكن يجوا الا بهذا الطرح ولو امتلكوا جيش هتلر ذاته ؟؟؟؟؟؟؟؟؟؟؟؟؟؟
وان الانقاذ ما ممكن ابدا وكلو كلو ان تستمر بفرض فكرها وحزبها على اهل السودان مهما بلغت من قوة عسكرية ؟؟؟؟؟؟؟؟؟؟؟؟؟؟؟؟
وان الحرب الاهلية ما ممكن تنتهى الا بحل وطنى ينبع من الداخل ولا مبعوث امريكى او حبشى او ارترى او اى عواليق آخر ولا انتصار عسكرى فيها الا بحل سياسى عادل للجميع؟؟؟؟؟؟؟؟؟؟؟
يا جماعة دى مصيبة شنو الواقع فيها السودان دى؟؟؟؟؟؟؟؟؟؟؟؟؟؟
استمرار الانقاذ والله فيه هلاك الوطن والمواطن ودعوة للتدخل الاجنبى واسقاطه من اوجب واجبات الوطنية وحب الوطن او ما تبقى منه!!!!!!!!!!!!!!!!!!!


#848883 [ود النوبة]
0.00/5 (0 صوت)

12-06-2013 11:18 PM
اهو دا الفضل دعوة باقي الحرامية للعودة مجدداً لمواصلة النهب . لكن لسان حاله يقول البجيبني شنو بعد الطير اكل العيش , طبعا العيش دا البترول . و الطير ديل ناس حجر الطير . هههه ههههه ههههه. مع اعتذارنا لاهلنا في حجر الطير بس المعارضين فقط غير الموالين .


ردود على ود النوبة
[مؤتمر وطني قال] 12-07-2013 06:23 PM
الرجل أُلصق به العديد من التهم فقط لقتل شخصيته و طبعاً جماهة المؤتمر الوطني و مطبلاتيتهم الصحفين ما قصروا طلعوا حرامي سكر و زلط كمان و لكن سوف يبين كل شئ الآن و الرجل له ملفات كثيرة دافتها للجماعة و بدأ ينشر فيها لأجل ذلك قاموا بالصلح معه لتوقيفه عن كشف المستور و لكن تأكدوا من أن الرجل برئ بنسبة كبيرة و الكيزان يعلمون ذلك جيداً.


#848880 [lwlawa]
0.00/5 (0 صوت)

12-06-2013 11:12 PM
داير يجيبك لبيت الطاعة..؟؟!!


#848868 [Ibrahim]
0.00/5 (0 صوت)

12-06-2013 10:53 PM
انشاء الله تكونوا صديقين


#848865 [Ibrahim]
0.00/5 (0 صوت)

12-06-2013 10:50 PM
يجب على القائمين بالأمر البلاد الحل الكلي لا الحل الجزئي


#848831 [sultan]
0.00/5 (0 صوت)

12-06-2013 09:59 PM
ملق وكسب رخيص يا عمر البشير



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة