الأخبار
أخبار إقليمية
وزير الدولة بالدفاع يؤدي القسم أمام عمر البشير
وزير الدولة بالدفاع يؤدي القسم أمام عمر البشير
وزير الدولة بالدفاع يؤدي القسم أمام عمر البشير
اللواء الركن يحي محمد خير


12-09-2013 09:37 PM

الخرطوم ( سونا )
أدى القسم أمام المشير عمر حسن احمد البشير رئيس الجمهورية اليوم بمكتبه بالقصر الجمهوري اللواء الركن يحي محمد خير وزيرَ الدولةٍ بوزارة الدفاع الوطني بحضور مولانا محمد حمد ابو سن رئيس القضاء والسيد صلاح ونسي وزير رئاسة الجمهورية .
وقال وزيرالدولة بالدفاع إنه سيعمل ضمن فريق الوزارة ورئاسة الاركان المشتركة حتي تشهد القوات المسلحة انتصارات في ميادين القتال المختلفة .


تعليقات 10 | إهداء 0 | زيارات 11073

التعليقات
#852888 [aburadi]
0.00/5 (0 صوت)

12-10-2013 11:02 AM
ولله في خلقه Affairs


#852723 [راصد]
5.00/5 (1 صوت)

12-10-2013 09:29 AM
اللواء يحيى هو شقيق زوجة المشير الراحل الزبير محمد صالح
خال العقيد مصعب الزبير محمد صالح ياور الرئيس البشير
و مصعب هو زوج نسبية ابنة الدكتور نافع على نافع
فهمت حاجة يا شباب؟....


ردود على راصد
United States [البركان] 12-10-2013 09:45 AM
و كمان متزوج بت يسن عمر الامام ! زيتنا في بيتنا


#852722 [ابوبشبش]
0.00/5 (0 صوت)

12-10-2013 09:29 AM
علي اليمين الزول دا حلق دقنو عشان ما يقولوا كوس ربنا يستر بيشبة الحصان الخشبي واقف عديل لا تنية ولاكثرة الفضل دا ما جيش دا شيء هولامي ملاح ملوخية بدون ملح


#852631 [بتاع بتتييخ]
0.00/5 (0 صوت)

12-10-2013 08:27 AM
خروف جديد ؟؟؟؟


#852590 [محمد خليل]
0.00/5 (0 صوت)

12-10-2013 07:51 AM
يا جماعة البشير ما راضى يشيل عبد الرحيم محمد حسين لان الحاجة هدية والدة أمير المؤمنين البشير قالت لولدها " ما عافية منك كان شلتا عبد الرحيم" بالله عليكم دي طريقة تدار بها بلد تحتفظ بهذا الفاشل فى وظيفته وزيرا للدفاع بالرغم من تواضع قدراته لارضاء الحاجة والدتك؟ هى البلد ملكك يا البشير حتى تتعامل معها بالطريقة دى يا حمار؟ مصالح أمة بأكملها تتعامل معها بالعواطف؟


ردود على محمد خليل
United States [المهندس سلمان إسماعيل بخيت على] 12-10-2013 02:32 PM
أخى محمد خليل تحية إجلال وإحترام - الكلام دا ( ان الحاجة هدية والدة أمير المؤمنين البشير قالت لولدها " ما عافية منك كان شلتا عبد الرحيم" ) كلام مش صحيح - ولعلمك ولعلم الكثيرين الذين لا يعرفون ذلك أن معالى الفريق أول مهندس عبد الرحيم محمد حسين وزير الدفاع هو الأب الشرعى والمنفذ لإنقلاب 30 يونيو 1989م والذى سمي فيما بعد بثورة الإنقاذ بصفته رئيس المجلس الأربعينى لحركة الأخوان المسلمين داخل القوات المسلحة ولو عندك أى واحد قريبك ضابط فى الجيش وسألته حيقول لك الكلام دا صحيح وعبد الرحيم ( أبو بكرى ) وبكرى حسن صالح هما من خططا ونفذا الإنقلاب ولو فشل كان سيتم القبض عليهما الإثنين مع بعض الرتب الأخرى أما البشير ونافع وعلى عثمان والترابى والجاز والزيت وكل الهيلمانة بتاعت الوطنى والشعبى دى وكل الناس اللى أكلوا حقوقنا وسرقوا البلد لم يسهموا فى هذا الإنقلاب وعبد الرحيم وبكرى شعرا بالذنب ولكن فى وقت متأخر وقررا تصفية كل العناصر المدنية التى تسلقت شجرة الإنقاذ وأكلت الثمار وهربت المليارات وأفقرت الشعب وفصلت الجنوب وأشعلت الحروب
اللى حصل حرب بين معسكر قيادة الإنقاذ العسكرى بقيادة الفريق أول عبد الرحيم والفريق بكرى والرئيس البشير يعلم أن الجيش وجميع الأجهزة الأمنية تأتمر بأمر عبد الرحيم وبكرى لأنهما من صلب هذه الأجهزة والبقية دخلا عليها
ولعلمكم جميعا أى تشكيل وزارى حدث خلال الـ 24 سنة اللى فاتت بيتم فى بيت عبد الرحيم واللى عاوز وزارة بيجى يفطر فطور الجمعة فى بيت عبد الرحيم صحن قراصة بملاح ملوخية وصحن قراصة بنعيمية والمكذبنى يسأل الصحفى محمد لطيف
قبل كم سنه عندى ولد تخرج طبيب اسنان - قدم للإمتياز قالوا ليهو دورك فى الإمتياز بيجى بعد سنة مشى قدم للخدمة الوطنية قالوا ليهو لازم تخلص إمتياز بعدين تجى للخدمة - الولد تخرج وقاعد لا شغلة لا مصلحة وطب الأسنان حرفه زى الحدادة والنجارة لو مامورست بإتصال تتنسى والولد دخل فى حاله سيئة ذهبت لعبد الرحيم فى بيته بصفة زمالة الدراسة ( هسع واحد ينط لى فى حلقى ويقول ماقلت ليكم سلمان دا كوز عفن - على الطلاق بالثلاثة لا كوز ولا أبريق ) كنت لابس فل سوت بدله من حقات الإغتراب الرخيصة ديك - شفت ناس الخرطوم معظهم - وزراء مرافيت وضباط معاشات - واحد قاعد جنبى قال لى يادكتور أنت مرشح لأى وزارة - شاف البدلة والصلعة قال دا أكيد دكتور من الكفاءات الجايبنها من الخليج عشان أصلح إقتصاد البلد - قلت ليهو الإغتراب - قال لى جهاز المغتربين - قلت ليهو الإغتراب - أنا مستوزر ومتزوج إغتراب ولو أديتونى رئاسة الجمهورية فى البلد دى مابجيها - وضحكنا
من يسخر من عبد الرحيم بيسخر على روحه
على عثمان كان بينه وبين الترابى تار قديم
الترابى بيكره أى زول زكى وبيحب الناس البيمشوا معاه دون سؤال أو أستفسار حتى
ماجعله يكره على عثمان لا حظ ذكاء فيه ورغبه أن يكون حاجه كبيره
الترابى لمان يحب ينتهى منك ويمسح بك الأرض يكلفك بعمل ويقول لك بكره الساعة كذا يجينى الجواب
كلف على عثمان بمهمة وفى الموعد المضروب لحضور على لمجلس الترابى كان يس عمر الأمام على يمينه وعلى الحاج على يساره وابراهيم السنوسى على يمين يس وشيخ العرب والبقية فدخل على عثمان بادره الترابى عملت شنو قبل ان يقعد وقبل ان يفتح على عثمان خشمه زجره الترابى بطريقة غير لا ئقه فخرج على عثمان على الفور من المجلس - عندنا أولادنا بيعملوا ضمن حرس الترابى نقلوا لنا الحادثة وقالوا شيخ حسن مسح بعلى عثمان الأرض - قلت لهم الشايقى دا لدغته بتودى القبر - اصبروا على شيخكم - لم ينقضى العام حتى لقينا الترابى ركب التونسية
على عثمان أخطأ فى حق عبد الرحيم ونسى أن هذا هو الرجل العسكرى الذى خطط ونفذ الإنقلاب - لا شيخ حسن لا شيخ على عندهم يد فى الإنقلاب - لمان إنهار مبنى تابع لجامعة الرباط البشير كان فى الحج إستغل على عثمان الموقف ونادى على عبد الرحيم وقال ليه قدم إستقالتك من منصب وزير الداخلية وهو كان بيسعى لإزاحة الكتل الخرسانية من طريقة لرئاسة الجمهورية وعبد الرحيم أعتاها يليه بكرى وأخرون
بصفته رئيس جمهورية بغياب الرئيس انصاع عبد الرحيم لأوامر على عثمان وقدمت إستقالته وقعد فى بيته - عاد الرئيس ورفع عبد الرحيم من فريق الى فريق أول وزيرا للدفاع مش لأن أمه قالت ليهو كده ولكن عرفانا بدور عبد الرحيم فى تثبيت اركان حكمه ومن يومها عبد الرحيم بيفكر يرد الصاع صاعين لشيخ على لكن ضربة عبد الرحيم كانت أوجع وعشان يريحوا نفسهم أدوه نافع هواده
وبخروج على عثمان ونافع البقية مافى زول بيقول تانى ( بقم ) وإن كنت لا أدرى معنى ( بقم )
ومن يقول عبد الرحيم ماصدق أدوه منصب وزير دفاع يكون مخطىء فعبد الرحيم لا ينتظر أى شخص أن يعطيه إنجاز أداه هو وأنا أشهد على ذلك فى حادثة لاينكرها عبد الرحيم - كنت قبل الإنقاذ بشهور مسافر لعملى بالسعودية وفجأة لقيت الأخ عبد الرحيم من خارج الصالات ينضم إلينا ويحمل عنا الطفل الرضيع محمد سلمان إبن العام فى تلك الفترة طبيب الأسنان حاليا ويدخل معنا المطار وأخذ محمد وتجول به داخل جميع الصالات بصورة أدخلت الشك الى نفسى فقلت لأم المدثر عارفه ناس عبد الرحيم ديل بيفكروا يقلبوها والزول دا حوامته وشايل لمحمد لمايقارب الساعة ونصف لها دلالات أخرى وقد صدق حدثى
واحد حيقول لى طيب وين الزبير وابراهيم شمس الدين والعوض محمد الحسن وووو اولا مجموعة الزبير محمد صالح وشمس الدين والعوض ديل جماعة الجبل وانقلابهم كشف واودعوا السجن أخرجتهم منه مجموعة عبد الرحيم وخلطوا منهم تشكيلة مجلس الثورة مما تسبب فى خداع مصر مبارك بأن إنقلاب البشير هو إنقلاب الإستخبارات المصرية وجعل مبارك يبارك الإنقاذ ويرسل الدعم اللوجستى ويطلب من العرب الإعتراف بالإنقاذ بما فى ذلك السعودية وبعدين لمان صعد الترابى على خشبة مسرح الإنقاذ إنهار كل ما بناه عبد الرحيم ورفاقه
طبعا حيظهر اكثر من منظر ويقول لى الترابى من خطط للإنقلاب - نعم تخطيط خارجى - ولكن التنفيذ الميدانى الترابى لا يعرفه ولايملك السلطة التى تتيح له دخول القيادة والتحدث للضباط خاصة اذا علمنا ان غالبية ضباط المجلس العسكرى مش كيزان - فيصل كان صوفى - الزبير ماخد الطريقة السمانية - وهكذا
ولم مدً الله فى العمر نواصل


#852460 [الكجاج]
3.00/5 (2 صوت)

12-10-2013 05:27 AM
والله دا شكله بتاع تمباك ما وزير دفاع


#852455 [دقنة]
4.00/5 (2 صوت)

12-10-2013 05:11 AM
إمبراطور العقارات ونص الخرطوم جنوب حقتّو والأدلة موجودة وموثقة


ردود على دقنة
United States [دقنة] 12-10-2013 08:00 AM
لعلمك يا مراقب ،، المناصب التي تقلدها هذا الرجل أهم من هذا المنصب الوزاري بكثييييير وأقوى منه نفوذاً !!!! إحقاقاً للحق أيظاً !!!!

United States [Observer] 12-10-2013 07:01 AM
دا كويس بعدين ما تقولوا أنها بعد الاستوزار , هذا ليس دفاعا عنه بل أحقاق الحق.


#852370 [onida]
5.00/5 (1 صوت)

12-09-2013 11:54 PM
ادعو ليل نهار ان ينتصر قطاع الشمال ويبيد الجرزان المتأسلمه .وإنت يا المعلق اللى إسمك الصالح مافى كلب إلا أنت


#852353 [ساب البلد]
4.00/5 (1 صوت)

12-09-2013 11:13 PM
**********اخينا دا******** ح يكون الدفاع******* بالسمع***** وكدا يكون اكتملت منظومة الدفاع السوداني******* الصوارمي مسكين اجتهد مع الجماعة ديل كنت متوقع يجيبوا محل ابريالة*******قلبي علي وطني*********


#852305 [الصالح]
0.00/5 (0 صوت)

12-09-2013 10:01 PM
يا ريت تحسم الكلاب نشوف شطارتك يا حسموكم يا حستمتوهم الكلاب او اي كلاب تحسم الكلاب


ردود على الصالح
[عبد الله يعقوب دارندوكا] 12-10-2013 08:18 AM
الكلب الذي ينبح هنا هو انت فى أقذر من الكوز تف عليك وعلى الخلفوك

United States [بي كرت] 12-10-2013 01:23 AM
شنو يا جرقاس مالك مسخن كده ؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
1.00/10 (1 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة