الأخبار
أخبار إقليمية
والي الجزيرة الزبير بشير طه يتوعد بملاحقة مخربي المشروع
والي الجزيرة  الزبير بشير طه يتوعد بملاحقة مخربي المشروع
مشروع الجزيرة


نظام البشير يواصل " الضحك على الدقون "..!!
12-11-2013 01:42 PM
توعد والي ولاية الجزيرة الزبير بشير طه، بمحاسبة وملاحقة المتورطين في تخريب مشروع الجزيرة، أكبر مشروع زراعي في أفريقيا تحت إدارة واحدة، وقال إن ما حدث في المشروع لم تتبع فيه النظم العلمية الصحيحة.

وذكر الوالي لصحيفة "الرأي العام" السودانية الصادرة يوم الأربعاء، أن تعيين الرئيس عمر البشير، لكرار أحمد بشير العبادي في منصب رئيس مجلس إدارة المشروع جاء إنفاذاً لتوصيات لجنة تقييم وتقويم الأداء بمشروع الجزيرة برئاسة تاج السر مصطفى.

وتشير شبكة "الشروق" إلى أن عبادي كان يشغل منصب نائب رئيس لجنة مراجعة الأداء بمشروع الجزيرة.

وسمى قرار للرئيس يوم الثلاثاء عضوية مجلس إدارة المشروع التي شملت: وزير الزراعة بولاية الجزيرة، نائب محافظ بنك السودان، المدير العام لهيئة البحوث الزراعية، ممثل العاملين بمشروع الجزيرة، وستة ممثلين لاتحاد المزارعين بالمشروع، بجانب مأمون ضو البيت وزير الزراعة الأسبق بالقضارف، وعمر محمد الأمين، والمدير العام لمشروع الجزيرة مقرراً.

دور اتحادي

من جهته، أعرب المجلس التشريعي لولاية الجزيرة برئاسة د. جلال من الله جبريل، الثلاثاء عن أمله في أن تعمل الحكومة الاتحادية على معالجة قضايا مشروع الجزيرة الذي يشكل قضية أهل الجزيرة المحورية.

ودعا المجلس لضرورة تنفيذ التوصيات التي خرجت بها لجنة مراجعة وتقييم وتقويم الأداء بالمشروع التي رفعت توصياتها للجهات العليا بالدولة أخيراً.

وطالب نواب المجلس بعقد جلسة لمجلس الوزراء الاتحادي بولاية الجزيرة لإيجاد الحلول الجذرية لقضايا مشروع الجزيرة.

وأكدوا أن مجلس الولاية بذل كافة الجهود ونظَّم اللقاءات وورش العمل من أجل معالجة قضايا المشروع الذي يهم الولاية ومواطنوها في المقام الأول.

وأكد رئيس المجلس أن المرحلة القادمة ستشهد تحركاً واسعاً من حكومة الولاية والمجلس التشريعي لتحريك ملف مشروع الجزيرة مع الحكومة الاتحادية، مؤكداً بذل الجهود كافة حتى يعود مشروع الجزيرة لسابق عهده عموداً فقرياً لاقتصاد البلاد والولاية.


شبكة الشروق


تعليقات 15 | إهداء 0 | زيارات 3982

التعليقات
#855516 [سلوي]
0.00/5 (0 صوت)

12-12-2013 05:20 PM
اتمني من البشير أن يشوت والي الجزيرة ايضا ويلحقوا الجماعة .


#854673 [basheer]
0.00/5 (0 صوت)

12-12-2013 12:31 AM
يااخوان البلد ماناقصة عنصرية وكفاكم هبل ناس الجزيرة ناس طيبين وناس الشمالية ناس طيبين وناس الغرب ناس طيبين وناس الشرق ناس طيبين والفساد والمفسدين ليس لهم وطن ركزوا علي المفسدين ولاتبعثروا القضية وكل من تدور حوله الشكوك يجب ان يواجه ويسائل مساءلة دقيقة ونزيه عن كل صغيرة وكبيرة .... نحن شعب لانرضي بالظلم وطبعا لانريد ان نظلم احدا كذالك ... الجزيرة انتجت الشعراء والمفكرين والمبدعين وكذالك الشمالية ايضا وكلكم تعلمون ذالك جيدا .... ماتكونوا ذي الجا يكحلا عماها ..... واقول ليكم كلام انشاء الله مايزعكم نحن السودانيين عندنا عيب ومامنتبهين اليه الا وهو المجاملة ذالك الغول الذي تربي وترعرع وصار وحشا كبيرا فعلينا قتلة ... بعض الشعوب تقول عنا عبيطين وكلامهم فيه جزء من الصحة فهناك فرق بين الطيبة والتفريض في الحقوق وليس الطيبة في التخلي عن حقوقنا ... فكلمة باركوها كلمة جميلة ولكن لايجب استعمالها لظلم انسان او اكل حقوق الشعب .... لك قلبي وروحي ياشعبي وياوطني واوعي من الياس ياخواني واهلي .... واعلموا ان كل شي بيد الله وليس بيد المنافقين وفي النهاية مايصح الا الصحيح ..


ردود على basheer
European Union [ali] 12-12-2013 10:09 AM
والله يا بشير طولنا بالنا شديد لكن ما ملاحظ انو القصه بقت عبيطه وسخيفه وغياظه اى زول طعنتو شوكه ينط لينا فى حلقنا ملينا وزهجنا ياخى بسم الله الرحمن الرحيم الناس دى جنت ولا شنو حتى ناس الجزيره كمان ياخى ديل نصهم مننا ونحن اهل ونسب وقرابه دا شنو دا كمان


#854559 [البلولة]
5.00/5 (1 صوت)

12-11-2013 08:42 PM
على عصمان ...جقر الفحم ,

مافي غيرو الخرب مشروع الجزيرة.


انتو ماعارفين ياجماعة..

خمسماية مليون جنية شهريا ..

كانت بتمشي ايردات من ولاية الجزيرة ..مباشرةًًً

لجيب على عثمان ..جقر الفحم دا.

والكلام دا كان مستمر من تولي على عثمان منصب النايب الاول.

يعني احسبوها كم سنة بتطلع ؟؟؟


شوايقة نهرالنيل ديل عندهم كراهية غريبة لناس الجزيرة .

انا ماني فاهم السبب شنو ..


#854505 [كيس الموز التحت السرير]
5.00/5 (1 صوت)

12-11-2013 07:28 PM
انتو ياجكوة الكيزان ياحراميه ؟ دمرتوا السودان ومزقتو البلد . وكثر الهرج والمرج . فكونا ياحراميه ارحلوا كفايه كده لعب على الشعب المغلوب على امره . الناس كلها عاوزه تتخارج من البلد . واصبحت البلد طارده ولاتطاق ؟ السودان كان يعتمد على الزراعه فقط وكانت الامور طيبه والناس قادره تعيش . حقو هولاء الحراميه ديل اصحو من هذه النومه الطويله .


#854489 [عصام علي دبلوك]
5.00/5 (1 صوت)

12-11-2013 06:55 PM
الراجل ده عوير ولا بتعاور ياراجل ياراجل المشروع ده اتهد واتنهب طوبه طوبه قدام عينك وعارف النهبو منو وكيف ياراجل اتق الله سُتقام مشانق في الشوارع فالاضرار بالناس قرنه الله بالشرك للشعوب ذاكرة لاتنسي ومن فوقهم من لايغفل ولاينام


#854466 [فهيمه]
0.00/5 (0 صوت)

12-11-2013 06:20 PM
مادام دخلو فيها اتحاد الحرامية ده والله ما في خير تب ديل هم السبب الاساسي في تدمير المشروع يرجوا سؤال اليوم العظيم في أمانة المزارعين التي ما راعوا الله في حملها


#854425 [أبو أحمد]
0.00/5 (0 صوت)

12-11-2013 05:44 PM
هههههههه يتوعد تتوعد مين يااااااا عم حاسب نفسك اولاً


#854386 [أنور النور عبدالرحمن شريف]
0.00/5 (0 صوت)

12-11-2013 04:53 PM
It is too late , Dr.Z.B.Taha when you came first to Gazira State you were serious but seemed dropping after , you went down . This is not the time for you to follow up Game is up


#854371 [ابودانى]
5.00/5 (1 صوت)

12-11-2013 04:34 PM
حذارى ان يكون مندوب العاملين من امثال النقر الذى اخذ نصيبه من حطام المشروع او ان يكون المناديب الستة من اتحاد السجم والرماد الذى شارك فى الجريمة


#854370 [حد بيعرف احسن م الحكومه!!]
4.63/5 (4 صوت)

12-11-2013 04:31 PM
يا دكتور يا عبلطيف يا بونى .. مالنا نراك صامتا عن هراء هذا الوالى ..ماذا ترى يا بن الجزيره.. اين زميلك احمد مصطفى ابراهيم مده طويله ما انسمعلو حس لا "منتبها تحت الراكوبه" ولا "راكبا مع اهل ألأنتباهه" اللهم اجعل غيابه عن الساحة خيرا..
بالله يا جماعة الخير المدعو الزبير دا باى كلمات يمكن وصفو؟ الراجل دا موش كان وزير زراعه؟ والمشروع كان فى حماه وتحت سلطاتو.. ثم جاء واليا على الجزيره !! المشروع دا فى دارفور ولآ فى ألأستوائيه؟ الم يكن هذا الزبير متوليا منصبى وزير الزراعه ووالى الجزيره (ولا يزال هو الوالى) ليه كان ساكت او متفرج على اللى كان بيحصل من خراب ودمار!! بالله يا جماعه الراجل دا موش فيهو حاجه غريبه؟ شوفتو ليكم زول طبيعى بيلف عمتو زى ما بلفها الوالى دا !! شوفتو ليكم زول مفروض يكون تعلم بينضم وبقول كلام خارم بارم وى الراجل دا؟ الخلق دى جات من وين!! بالله موش حقو يتعاقبو معاهم كل المدرسين الدرسوهم!!
والله وبالله وتالله مديرية الجزيره ما تستاهل ولا مشروع الجزيره الناس تصدق الحصل ليهو دا!!! .. رحم الله الرجال اللى كانوا على راس هذه المديريه.. عبد العزيز عمر ألأمين وحسن على عبدالله و عبد الرحيم محمود وبقية العقد الفريد من ادارييها ألأخيار من لدن بريدن وهوكسويرث .. ورحم الله محافظى المشروع .. مكى عباس ومكاوى سليمان واعوانهم ..العم عمر الكارب ومحمود محمد على وعوض الكريم سناده ومن تبعوهم بالتجرد والعفاف ونكران الذات ..
اللهم اهلك وبدد شمل كل من شارك فعلا او قولا او صمتا فى خراب ودمار مشروع الجزيره .. اللهم ارنا عجائب قدرتك فى كل من آلت اليه زورا وبهتانا وفسادا اى ارض من اراض او قطعة من حديد او خشب كانت جزءا من ممتلكات المشروع ..
يا ناس.. لما ذا اخرجتم الأنجليز من السودان (ان صح القول)؟ فقد ثبت بالدليل القاطع ان ألأنجليز كانوا احرص على السودان وعلى تقدمه اكثر من اينائه ..يا شماتة ابناء بمبه فيكم يا اهل السودان!!!


#854365 [فادي الوطن بروحه]
5.00/5 (2 صوت)

12-11-2013 04:21 PM
مشروع الجزيرة و أهل الجزيرة و خاصةً حاضرتها مدينة و دمدني كانت أول أهداف عصبة الكيزان المجرمين برئاسة الحاقد الثعلب الماكر على عثمان لتدمير مشروع الجزيرة و أهل الجزيرة لا لشئ الا لأن الجزيرة و عاصمتها مدني لم تنحني أبداً لنظام شمولي ديكتاتوري من أيام نميري كل العصيان و المظاهرات لا سيما الطلابية منها أيام نميري كانت تبدأ من مدني متزامنةً مع طلاب (( البركس )) بجامعة الخرطوم و ما هبة سبتمبر الآخيرة الا دليل على ذلك - أضف الي ذلك حقد أهل الحكومة الذين جلهم من الشمالية - يرون إنسان الجزيرة مسالم و يحترم الآخر و مطمئن في نفسه لأنه قد ملك قوته و قوت عياله بكل يسر و شارك غيره من أهله من السودانيين فيه بكل أريحية ردحاً من الزمان - تعلم كل أو معظم أبناء الشمالية الذين جثموا على صدور أهل بالجزيرة حيث أباءهم و أجدادهم عملوا بها بل أقاموا القرى فيها بإسم أباءهم و أجدادهم- , آخر المطاف هذا جزاء أمهم التي أرضعتهم ثديها ( إن أنت أكرمت اللئيم تمردا ) فعلي عثمان أكبر اللئام لذلك صب جام لؤمه لتدمير المشروع و ما الوالي الزبير الا رأس الرمح في هذه المؤامرة إن بوعيه و إرادته أو رغماً عنه - (أن شاء الله رياح الغضب سوف تهب ) و ترجع بعضاً من الحق و الكرامة لإنسان الجزيرة و لمشروع الجزيرة ) دعوة لجميع أبناء الجزيرة الشرفاء الكرماء سرعة الإنضمام (( لمنبر أبناء الجزيرة )) لاسترداد حقوقهم المسلوبة.


ردود على فادي الوطن بروحه
European Union [ali] 12-11-2013 11:07 PM
يا اهل العوض والله عمرنا فى الشماليه ما شحدنا خليك من اكل ولمن جيناكم فى الجزيره يا عربى يا مقطع كان الواطه راقده والمطره راقده وانتو جيعانين ضاربكم السل والاسهال عالجناكم بى دكاترتنا لمن كنت ما بتفكوا الخط ونظمنا ليكم حياتكم بى اداريينا زمن كان حدكم فى الاداره ادارة العصيده بى ملاح اللبن وعلموكم اساتذتنا وكل خير لقيتيهو انتو ولا كل الجاحدين فى اطراف السودان عن طريقنا وما لقيتوا مننا الا الخير ناس مبدعين متعلمين وبينا وبينكم الاف السنين الحضاريه خدمناكم وخدمنا نفسنا وكل السودان دون من او اذى لكن نقول شنو؟؟؟؟؟ ثم ياخى من يروجون للتحالف النيلى لا يستثنونك يا مغفل بطلوا حقد وعنصريه هو لو بقى لحدى الشمالى وزول الجزيره بيناتم عنصريه يفضل ليكم شنو يا مواهيم

European Union [أهل العوض] 12-11-2013 07:42 PM
فتش عن التحالف النيلي العنصري في كل دمار حاق بالجزيرة وأهلها رغم ان الجزيرة كانت الأم الرؤوم التي أرضعتهم من ثديها بعد أن كان ناس الشمالية يتكففون ركاب القطارات رغيف الخبز الجاف أعطوهم أو منعوهم.


#854319 [النعمان عباس]
1.00/5 (1 صوت)

12-11-2013 03:37 PM
game over


#854254 [ابومروه]
0.00/5 (0 صوت)

12-11-2013 02:29 PM
اين كان هذا الحديث طيلة السنوات الماضيه ام لفك التسجيلات كما قال المتعافي


#854238 [نفاق]
0.00/5 (0 صوت)

12-11-2013 02:21 PM
يا والي الجزيره...كنت وين عندما كان العابثون يعبثون ويدمرون في المشروع
شاهد شاف كل حاجه وععاض الطرف .....اذن انت جزء من اللعبه القذره
اكتب في تاريخ هذه الفتره المظلمه وظلم اهل الجزيره


#854228 [أهل العوض]
5.00/5 (3 صوت)

12-11-2013 02:16 PM
مخربو المشروع بتعرفهم زي جوع بطنك هم أخوانك الكيزان في الحكومة المركزية وهم التماسيح الموجودين في وزارة الزراعة واتحاد المزارعين ومجلس الإدارة وبنك المزارع والبنك الزراعي الذين بصموا بالعشرة على بيع معدات وورش ومخازن ومحالج وسكك حديد المشروع بثمن بخس دراهم معدودة ولم يكونوا من الزاهدين وكانوا هم البائع والمشتري وهم الخصم والحكم .خلاص بعد اتصفت واتجلت وشعرت بقرب نهايتك عايز تتمرجل وتتفولح وتبيض وجهك مع ناس الجزيرة!!!!!.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
10.00/10 (1 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة