الأخبار
أخبار إقليمية
توقيع إتفاقية لتبادل الأيدي العاملة بين السودان والكويت قريبا
توقيع إتفاقية لتبادل الأيدي العاملة بين السودان والكويت قريبا


12-21-2013 09:53 PM

الخرطوم -"سونا"-كشف السيد طلال منصور الهاجري سفير الكويت لدي السودان عن توقيع اتفاقية لتبادل الأيدي العاملة بين البلدين في الفترة المقبلة بين وزارة الشئون الاجتماعية والعمل الكويتية ونظيرتها وزارة العمل السودانية .
وقال الهاجري في تصريح لسونا إن الاتفاقية جاهزة للتوقيع عليها وكان من المقررة أن تصل الخرطوم وزيرة الشئون الاجتماعية الكويتية دكتورة ذكري الرشيدي للتوقيع علي الاتفاقية مع الجانب السوداني ولكنها تأخرت بسبب ظروف خاصة بها متمنيا أن يتم التوقيع علي الاتفاقية قريبا .
وامتدح السفير العمالة السودانية في كافة المجالات مشيرا الي أن الكويت لها تجارب سابقة مع العمالة السودانية في مجالات التعليم والطب والرعاية الصحية واساتذة الجامعات الذين عرفوا بالمهارة العالية والكفاءة والإخلاص في العمل
وأضاف نحن لاننكر دور العمالة السودانية في الكويت وأنا واحد من الذين تتلمذوا علي يد اساتذة سودانيين في مجال العلوم السياسية والاقتصاد بجامعة الكويت .


تعليقات 28 | إهداء 0 | زيارات 9146

التعليقات
#864371 [المنفى]
0.00/5 (0 صوت)

12-22-2013 09:53 PM
اولا هذا الموضوع طرح من قبل لكن بصورة باحتة جدا و في ظنى ظهر الاعلان الفاضح الذى يطلب عاملات سودانيات بمواصفات (الاغراء) للعمل بدولة الكويت ؟
ثانيا الظاهر ان الوزارة مصرة على بيع شرف السودانيات بابخس الاثمان فلذى تم اللعب بالكلمات ( لزوم الفهلوة) ! لكن لمعلومة الجميع الشعب السودانى يفهمها ( بالرندوك) يا ساسة البلاد؟
ثالثا ان اشتم رائحة غريبة في هذا الموضوع بحكم انى اقيم في الخليج عمرا بقى منه الموت قليلا !الامورة الكويتية (رشيدية) من دون قبلية او عنصرية هذا يعنى الموضوع خاص بالرشادية خاصة هؤلاء القوم هاجروا غربا الى السودان و شرقا الى الكويت؟ يعنى الموضوع تبادل عمالة من نوع خاص جداجدا؟ و التسهيل سيتم من وزيرتنا و المسئول الرشيدى السودانى المعروف؟؟


#864069 [moh]
0.00/5 (0 صوت)

12-22-2013 04:08 PM
ههههههههه والله ناس ماكله وشاربه وتشاغل في ستات الشاي وجايين يقولو السودانيه ماتطلع يعني انتو هنا مريحنهم خلي يشوفو رزقم والخايف علي واحده خليهو يصرف عليها


#864037 [شنقر]
5.00/5 (2 صوت)

12-22-2013 03:23 PM
لو تم هذا التبادل أنا محتاج فتاة كويتية وبمواصفات إعلان أبوجمال تشتغل معاي في الزراعة انشاالله تسوي لي الشاي ساكت


#864025 [bullet ant]
0.00/5 (0 صوت)

12-22-2013 03:06 PM
الاتجار بالبشر
الدعارة في شكل عمالة
اولا تدرون نوع البشر فى الكويت
لو كان هنالك دولة لما خفناو لكن لا بواكى لكم يا نساء السودان
نساء السودان بين المطرقة و الكيزان و اسفاه


#864023 [موسى محمد]
0.00/5 (0 صوت)

12-22-2013 03:05 PM
بس ما يكون تبادل حاجات تانية


#864007 [زعلان طبيعي]
0.00/5 (0 صوت)

12-22-2013 02:48 PM
سبحان الله !!! الكوايتة ديل دايرين ينتحروا و يجوا يفتشوا شغل في السودان!!!! و لله في خلقه شئون!!!!


#863984 [تينا]
0.00/5 (0 صوت)

12-22-2013 02:23 PM
الأخت الفاضلة ((( سعاد سر الختم ))) أنا كان عندى رأى فى قصة شغل السودانيات شغالات برة السودان دى لأنى عايشة فى المملكة وشفت وسمعت عن مشاكل الشغالات لكن يا اختى كلامك أثرنى شديييييد عشان كدا حأغير رأييى اذا بتقدرى تصمدى الخمسة سنوات وبعدها تجى تبقى سيدة أعمال . الله يعينك يا اختى كلامك بوجع الله يجازى الكان السبب . اللهم أفتح لأختى سعاد ومثيلاتها أبواب رزق من عندك . تحياتى .


#863964 [ود عجبنا]
5.00/5 (1 صوت)

12-22-2013 01:59 PM
بدل ما تقولوا الحمد لله الكويت فتحت ورضيت تفتح أبواب بيوت السودانيين للرزق الحلال... تقعدوا تنظرو زي دا؟؟؟ وبعدين هم ما قالوا عاوزين يشغلوكم خدم لكن الفي راسو حرقص .... وكل واحد يقول ليك نحنا ونحنا والحاصل او نحنا بقينا لا شيء في العالم الذي تقدم وخلانا ورا


#863955 [المهند]
0.00/5 (0 صوت)

12-22-2013 01:54 PM
اهو ده الكلام شغل نسوان احسن من ناس الحس كوعك


#863892 [سعاد سر الختم]
5.00/5 (2 صوت)

12-22-2013 12:58 PM
انتو عليكم بنفسكم وكفاية لحدي هنا، انا موافقة اشتغل خدامة في الكويت او اي دولة خليجية واتحمل الزل والهوان لمدة 4 او 5 سنوات وبعدين اجي اعوض واتحول سيدة اعمل او صاحبة شركة ، او حتى مصنع أو مكيتب ، السودان يا جماعة مافي امل يتقدم ابدل والجميع يتفق معاي والعمل ماشي واحسن نتنازل عن غرورنا وكبريانا وكل واحد او واحدة تسافر لبلد يعيش او تعيش حياة افضل وحتى الشباب كله طلع ما فضلنا الا نحن النساء والبنات في البلاد يفعل بنا البشير ما يريد وكلاب الكيزان كل يوم يتزوجوا ويرموا زي ما يرمي الواحد قميصه، كفاية كفاية كفاية ، انا قررت الهجرة وترك التبشيرة والسفر للعمل مربية اطفال في البيوت او طباخة (خدامة يعني بالبلدي كدا) والعندو سلطة علينا من الرجال يقول بقم، لانه خلاص السودان مافيه رجال غير البشير ونافع وعثمان ورجالتكم اتعرفت يا من تقولوا رجال تفو عليكم تفو عليكم تفو عليكم، رجالنا واولادنا واخوانا كلهم هربوا بجلدهم وتركونا نحن تحت رحمة البشير، ادعو كل اخوات مهيرة الى اتخاذ قرار الهجرة والتنازل عن الادعاءات والتخاريف، كفاية كفاية كفاية


ردود على سعاد سر الختم
[أسمر جميل فتان] 12-22-2013 08:43 PM
الي الاخت سعاد سر الختم لك التحية وانت في انفعالك التلقائي المؤثر العاطفي
اختي
من راي ليس كمن سمع ونحن راينا وسمعنا عن الماسي التي تتعرض اليه خدامات البيوت (بالبلدي كدا) واقولها صادقا لا يمكن باي حال من الاحوال انو سودانية من بنات السودان (شماله وغربه وشرقه وجنوبه (القديم والجديد)!!!) ان تستحمل العمل ده لمدة شهر واحد ... في اشياء الواحد حتي ما يقدر يقولها ادبا واحتراما للقراء والمطالعين لكلامي وكلامك .....

وانت بتقول لي خمسة سنين او اربع وارجع والله ما تقدري تصبري على الذلة لمدة خمسة ايام ونفسك الحار ده (نفس مهيرة بت عبود زي ما قال طارق! وحريمنا السودانيات حاااااارت عارفينهم اكتر من شنبات كتااااار) حايكون مصيرك ام السجن ام الترحيل الاجباري مع اول جرعة زلة لانو امراة تكتب كلام حاااااااار كده يستحيل تتوام مع العيش مع الجماعة ديل كخدامة بيوت....

ده زفرة غضب نظرية ولكن صعب تطبيقها على ارض الواقع "أستغفري الله" وبالله عليك ما تفي في وشنا وكفاية انو المستحملينو كتير نحن الرجال ديل في الخارج عشان نقدر نرسم ابتسامة امل لاهلنا وهم جزء من المجتمع السوداني ولو تعرفي شكل فرحة الواحد لما يعمل تحويلة لاهله وهو يتنفس الصعداء لاعتذرتي لنا عن تفففاك الف مرة!!!!

اختي اقدم لك معلومة العمالة بتاعت البيوت في الخليج بصفة عامة منحصرة في (الاثيوبيات والهنود والبنغلاديشيات و اصبحوا الان ياتوا بهن من كينيا (حدثيا)) تفتكري ليه؟؟ لانو العمالة ده من طبعها الزلة وما فارقه معاهم حاجة والغاية تبرر الوسيلة فهم لا يحسبوها حسابات دنيا واخرة وحلال وحرام بل يحسبوها حساب مادي بحت يحصلون على المال من الابن المراهق او الزوج اللعوب او البنت الغير سوية والموضوع كله ما فارق لانو المهم ماهو الدخل في نهاية الشهر (حلال ام حرام)

وقد حاول البعض ان يدخل العمالة الصومالية في البيوت ولكن لم يستطيعوا ذلك بشكل كبير لان الصوماليين مثلنا مسلمين ولهم دين وعقيدة وحاااارين .... تقول لي سودانية تشتغل في البيوت!!!

وبعدين ناسف لاننا تركنا السودان لو كنا موجودين كان زي البشير ما ياخد معانا اكتر من 15 يوم مظاهرات وبعدها يترك البلد ويهرب كهروب سابقه نميري!!! وعملنها قبل كده مرتين
بس ولا يهمك البشير ما دايم .... ما دايم الا وجه الدايم واصلا لو كانت دايمه لما وصلت اليه

ودمتم
ابتسامة: اتمني ان اكون خففة عليك شوية يا سوسو!!! يا بت بلدي يا بت سوداني!!!

European Union [Tarig Amman] 12-22-2013 02:02 PM
حاشاك يا اخت مهيرة من شغل الخدم . و الخدمة فى بيوت الناس ... احنا هاجرنا عشان حريمنا ما يشوفوا ذل الهوان ... ما طلعنا من بلدنا عشان عاجبانا العيشة بره .... و لو ما الرجال اللى طلعوا ..كان البشير و كلابه باعوا بناتنا فى شارع الله اكبر ... مهيرة ما تعرف شغل البيوت ...مهيرة فارسة بت فوارس و ام فوارس ... هاذى سحابة صيف ..و الغمة راح تزول ... و الغايب يعود ..و هاذول راح يحكى عنهم التاريخ زى ما بيحكى عن هولاكو و نيرون و كيف كان بيتاجروا بكتاب الله .. و كيف كان بيتاجروا بشرف بناتنا ... بكره قريبة ... و كلهم راح يفوتوا و وراهم لعنات شبابنا و نسواننا .


#863768 [ابوفهد]
0.00/5 (0 صوت)

12-22-2013 10:50 AM
تبادل الايدي العاملة يعني الكويتيين حا يجو يشتغلو في السودان


#863766 [نورة النور نورين أبو نورة]
5.00/5 (1 صوت)

12-22-2013 10:50 AM
يا ربي العمالة الداكنة مشمولة بالتبادل دا ولا كيف؟


#863749 [.........]
0.00/5 (0 صوت)

12-22-2013 10:36 AM
بدون تعليق


#863709 [عبدالله العدلاني]
3.00/5 (2 صوت)

12-22-2013 10:03 AM
كثير من عباد القروش السودانيين بقو يسفرو بناتهم يغتربو .. ومابستحو يقولو جاها عقد من الخليج وما أدراك ما الخليج .. لاكين البتمشي تغترب خلي تتزوج الغربة وجمالا .. ولا تفتش ليها ربع راجل يتزوجها دة لو لقتو .


#863677 [ابوهاني]
3.00/5 (2 صوت)

12-22-2013 09:39 AM
أنا بناشد المسئولين وعلى رأسهم وزيرة العمل الاستاذة / اشراقة أن تنتبه بأن لا توافق على هجرة البنات في ظائف عاملات منازل وإذا فعلت ذلك فستكون وصمة عار في جبينها اكرر عدم هجرة السودانيات سواء لدولة الكويت أو جميع دول الخليج أو اي دوله اخرى بسبب العمل في المنازل ( خدم ) نحن شعب أشرف وأنظف من جميع شعوب العالم اكرر يا حضرة الوزيرة اشراقة عدم توقيع أي عقد ينص على عمل المرأة السودانية خادمة .


ردود على ابوهاني
European Union [موسى الضو] 12-22-2013 01:49 PM
(نحن شعب أشرف وأنظف من جميع شعوب العالم )...!!!!!


#863675 [جدودنا زمان]
5.00/5 (6 صوت)

12-22-2013 09:36 AM
خلاص انا في حوجة لكم عامل كويتي لما التبادل يتم
اقدم طلبي وين ؟؟؟؟


#863536 [Tarig Amman]
5.00/5 (2 صوت)

12-22-2013 07:57 AM
الله يستر ...مصير شبابنا بقى فى يد الحريم .... الكوايتة ما لهم ذنب ... بس سحنة الوزيرة ما عاجبانى ...جنها طمبجة


#863492 [abubaker]
0.00/5 (0 صوت)

12-22-2013 07:15 AM
اخيرا فكرتو تبيعوا بناتكم الله يقلعكم


#863477 [ابو شريف]
0.00/5 (0 صوت)

12-22-2013 06:23 AM
يعني في كويتي بشتغل في السودان ؟؟؟؟ ويشتغل شنو ؟؟؟ الموضوع وما فيهو والمراد منه تفعيل هجرة الشابات السودانيات والتي اجهضت من قبل بعد ان عرفت النوايا .. ومعروف اذا خرجن ماذا سيحدث لهن .. حافظوا علي اعراضكم .. والله يعلم ما في الصدور ...


#863471 [نوارة]
0.00/5 (0 صوت)

12-22-2013 06:13 AM
الله يستر مايكون الاتفاقية هي ارسال خدم وسكرتيرات لكويت نتمنى من الاهالي ان لايلتفتوا او يقبلوا بارسال بناتهم واعراضهم لكويت هذه الحكومة ليس لديه شئ تعمله سواء ذلة الشعب واهانته وعذابه حسبنا الله ونعم الوكيل


#863458 [مدحت الهادي]
0.00/5 (0 صوت)

12-22-2013 04:48 AM
أتمنى اتمنى أن لا نصل إلى مرحلة إرسال شغالات إلى دولة الكويت والله حتكون فضيحة ..... لكن الحكومة دي اللي تعمل فيهوا ولايهمهم شيء.... الله يستر ...


#863416 [رانيا]
5.00/5 (4 صوت)

12-22-2013 01:48 AM
لو ناوية ترسلي البنات الله يقلعك قبل ما تعمليها.


#863379 [sami]
0.00/5 (0 صوت)

12-22-2013 12:11 AM
the sudanese minister is changed now


#863373 [أبو أحمد]
5.00/5 (4 صوت)

12-21-2013 11:56 PM
...توقيع إتفاقية "لتبادل" الأيدي العاملة بين السودان والكويت قريبا...

حلوة "تبادل" دى..آها ونحنا حنستجلب ياتو نوع من العمالة الكويتية؟؟سمعتو بى حاجة اسمها عمالة كويتية قبل كدة؟؟

الموضوع فى الاصل اتفاقية لاستقدام عمالة سودانية لدولة الكويت ونقطة على السطر..أما "تبادل" فى الحقيقة لزوم دبلوماسية وكدة..ده كلو مامهم, المهم انو محمد أحمد جاتو فرص يأكل منها عيش ..ده لو الفرص دى ما اتلهطت زى فرص شبيهة جات من قطر وبى اتفاقية شبيهة.


#863372 [السر]
0.00/5 (0 صوت)

12-21-2013 11:55 PM
الله يستر ما يكون فيها تبادل عاملات منازل..


#863367 [القعقاع الفي القاع]
4.00/5 (3 صوت)

12-21-2013 11:47 PM
تبادل عمالة قال!! لا و شنو مع الكويت. يا جماعة بطلوا التدليس ده و صدروا مواطنيكم من سكات و بلاش قرف معاكم


#863347 [كركاب]
5.00/5 (2 صوت)

12-21-2013 11:08 PM
ههههه شنو تبادل دى
ما تخليكم من الحركات دى وين عمال كوتييتن يجوا
هههه ديل لاعيبه الكوره ما دايرين يطلعوا من (الديره) عشان يطور من مستواهم
لكن ما فى مشكله مرحبا بيهم الاخوة الكوايته فى بلدهم الثانى
وسوف نوفر لهم كل الراحه والجو المكندش واعمال بسيطه لا تؤثر فيهم بدنياً
وتنازلاً منا للروابط المشتركه ووفاء لروح المرحوم عبدالله السريع
موافقين على حضوركم وبدون اقامه كمان


ردود على كركاب
United States [الطريفي زول النصيحة] 12-22-2013 07:58 AM
بالله لمن يحصل الكلام ده عايز لي عامل يومية كويتي لكن ما عندي ليه غير الشمس الحاره .


#863309 [isic]
5.00/5 (1 صوت)

12-21-2013 10:15 PM
بالله!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة