الأخبار
أخبار إقليمية
كبر يعترف بشح الوقود وندرة الغذاء في شمال دارفور
كبر يعترف بشح الوقود وندرة الغذاء في شمال دارفور



12-24-2013 04:12 PM
الخرطوم : شاذلي السر
حذر والي شمال دارفور عثمان محمد يوسف من بوادرازمة غذائية على خلفية فشل الموسم الزراعي بدارفور مؤكدا معاناة ولايته من ازمة خانقة بالوقود وقال كبر الذي وصل الخرطوم على نحو مفاجئ امس ان شح الوقود اصاب مظاهر الحياة بالولاية بالشلل ، مشيرا الى ان سعر جالون البنزين بلغ 27 جنيها وسعر الجازولين بلغ 22 جنيها بينما بلغ سعر انبوبة الغاز 75 جنيها مع ندرة وجوده. وطالب كبر وزارة النفط بالتدخل لحل الازمة. وقال كبر ان فشل الموسم الزراعي، انعكس بطريقة سيئة على مواطني الولاية لافتا ان لقائه مع رئيس البرلمان تطرق لاهمية تضمين مشروعات الولاية التنموية في الموازنة القادمة. وفى سياق منفصل رفض كبر التعليق على جهود بعض اعيان المنطقة للتقريب بينه وزعيم قبيلة المحاميد موسى هلال، وقال ليست لديّ مشكلة معا احد وزاد " موسى هلال ماعندى معاهو اى مشكلة " .

الاهرام اليوم


تعليقات 10 | إهداء 0 | زيارات 1963

التعليقات
#866698 [ادم ابكورة]
0.00/5 (0 صوت)

12-25-2013 07:10 AM
يا السيد يا عثمان كبر الذي عملته في محلية اسمها سرف عمرة وحدها كافي لادخالك النار


#866526 [ابوزبيد الابالى]
0.00/5 (0 صوت)

12-24-2013 09:25 PM
كبر رجل مشهور بالكذب والسرقة والتزوير والرشاوى واذا صح ما كتب هنا انه دفع رشاوى لنساء الوزززززززراء فهذا امر فى غاية الخطورة
موسى هلال على الاقل شجاع فى رايه ومواجهتو وعندو كرامة ما بدنى لحد ما يدفع رشاوى


#866471 [مو يوسف]
0.00/5 (0 صوت)

12-24-2013 07:40 PM
ده بتاع رشاوي دفع 50 مليون عربه جديده ودهب للزوجات الوزراء الجدد عن طريف حليمه تبن


#866434 [ودالفاشر]
0.00/5 (0 صوت)

12-24-2013 06:48 PM
طيب يا كبر مادام وﻻيتك جيعانه وماعندك وقود سايق ليك 60 نفر من المتسلقين تاكل فيهم وتشرب فيهم وتصرفهم على حساب المواطن كلو عشان يتوسلو لى الجماعه يخلوك فى محلك ماكان افضل تشترى بيهم ماريق وتوزعه على المساكين فى الفاشر الحكم ده ما من الله وكت البشير اداك ليهو شاور زول طيب وقت داير يشيلو منك مالك بقيت زى المشوطن وبعدين عندك ستين مشكله مع موسى هﻻل مااك قومت الدنيا وما قعدتها وكت قال جاى الفاشر ومعظم اجتماعاتك فى الخرطوم تشتكى من موسى اللى حرمك من نص وﻻيتك وخﻻك ﻻفى فى الفاضى


#866401 [أبو كلام]
0.00/5 (0 صوت)

12-24-2013 06:14 PM
يا كبر بل رأسك وإنتظر الزيانة الكشة جاييك مع الجماعة القادمين ؟؟؟؟؟؟


#866390 [شليل]
0.00/5 (0 صوت)

12-24-2013 06:00 PM
سيطير ولاة الولايات للخرطوم لتوفيق اوضاعهم مع الوزراء الجدد (الشباب منهم و العواجيز)و البكاء على عتباتهم لأننا في بلد يدار بالشُلة و المصلحة الذاتية .
كبر رجل إشتهر بالكذب لحدود لا توصف و هو يفعل اكثر مما يطلبه مخدوموهو هو و موسى هلال شخصان للإيجار لا كرامة و لا فهم .


#866335 [حدادي]
0.00/5 (0 صوت)

12-24-2013 05:01 PM
اول مرة يعترف في مشكلة في الولاية ثم يترجل و يترك المحل لغيره لحل المشاكل لانه سبب البلاوي


#866311 [بعشوم]
0.00/5 (0 صوت)

12-24-2013 04:25 PM
لو راجي البرلمان وطاتك اصبحت


#866307 [بعشوم]
0.00/5 (0 صوت)

12-24-2013 04:24 PM
طيب أعلن ولايتك منطقة كوارث


#866306 [بعشوم]
0.00/5 (0 صوت)

12-24-2013 04:24 PM
لكن هو عندو معاك مشكلة



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة