الأخبار
أخبار إقليمية
البيان الصحفي للجنة التحضيرية لتشكيل حكومة الظل السودانية
البيان الصحفي للجنة التحضيرية لتشكيل حكومة الظل السودانية
عابدين: حكومة الظل ستعمل على تغيير المشهد السياسي وتسعى لوقف إنتاج الأزمات


12-25-2013 07:17 AM
عقدت اللجنة التحضيرية لتشكيل ما يعرف بحكومة الظل في السودان، مؤتمراً صحفياً أعلنت من خلاله، تشكيل حكومة الظل المركزية، من ستة وزراء ووالٍ للخرطوم، على أن يتم تشكيل حكومات الولايات في وقت لاحق.

وقال الناطق الرسمي باسم حكومة الظل وائل عمر عابدين، إن حكومة الظل تهدف إلى توسيع المشاركة السياسية لكل السودانيين، لتطوير الوعي الديمقراطي، والاستفادة من كل الخبرات السودانية في الداخل والخارج، في مختلف المجالات واحترام التعدد والتنوع.

وأكد عابدين أن حكومة الظل ستعمل على تغيير المشهد السياسي السوداني، مع السعي لوقف إنتاج الأزمات، مشيراً إلى أنها تمثل البديل لاستخدام السلاح في العمل السياسي، إضافة إلى مراقبة أداء الحكومة القائمة، وأشار إلى أن حكومة الظل أسلوب للمعارضة بآليات ديمقراطية.


وأوضح أن الكشف عن أسماء وزراء حكومة الظل سيكون خلال الفترة المقبلة.

شبكة الشروق

البيان الصحفي للجنة التحضيرية لتشكيل حكومة الظل السودانية



بيان صحفي
اللجنة التحضيرية لتشكيل حكومة الظل السودانية

إستمراراً للخطوات العملية في مبادرة تشكيل حكومة الظل السودانية, كلفت اللجنة التحضيرية الآتية اسمائهم للقيام بأعباء الوزارات الإتحادية أدناه:-

1- نعمات ابوبكرمحمد- وزيراً للرعاية الإجتماعية
ماجستير النوع و الحوكمة جامعة الاحفاد , بكالريوس القانون جامعة جوبا. دورات متقدمة في القانون الدولي لحقوق الانسان, الجندر و مهارات الاتصال. تدريب متقدم في ادارة المؤسسات غير الربحية في واشنطون. ناشطة في عدد من منظمات المجتمع المدني السوداني و المبادرات.

2- د.انور فتح الرحمن دفع الله - وزيراً للتربية والتعليم
بكالوريوس هندسة الكمبيوتر الأكاديمية العربية للعلوم والتكنولوجيا والنقل البحري عام 2003، ماجستير ودكتوراة في علوم الحاسوب من جامعة تشونغ بوك الوطنية في كوريا الجنوبية عامي 2006 و 2011. عمل استاذا مساعدا بقسم علوم الحاسوب و تقانة المعلومات جامعة الزعيم الأزهري ورئيساً لقسم تقانة المعلومات بكلية قاردن سيتي للعلوم والتكنلوجيا.

3- د.هاني ابو القاسم محمد –وزيراً للصحة
بكالوريوس الطب والجراحة جامعة كراتشي باكستان، زمالة الكلية الملكية البريطانية لأطباء الباطنية رئيس إتحاد الطلاب السودانيين باكستان 2005

4- عمار عثمان بشير - وزيراً للخدمة العامة والإصلاح الإداري
بكالريوس الإقتصاد والتنمية الريفية جامعة الجزيرة 1999. ماجستير إدارة الأعمال جامعة هاليفاكس الأمريكية 2007. مستشار وخبير في مجال التطوير المؤسسي والتنظيم الإداري بخبرة متراكمة بلغت حوالي 15 عام في الإستشارات الإدارية ودعم مؤسسات القطاع العام والخاص في منطقة الشرق الأوسط وشمال إفريقيا في مجالات الإدارة الإستراتيجية ، إعداد وتطوير السياسات العامة ، التطوير والتصميم المؤسسي ، إدارة الأداء المؤسسي ، التميز المؤسسي ، تمكين وإدارة التغيير المؤسسي ، تنمية وإدارة رأس المال البشري و دعم ومساندة رواد الأعمال.
رئيس فريق مقيمين بجائزة الشيخ خليفة للإمتياز (من العام 2004)
مقيم رئيسي بجائزة دبي للجودة (2002-2003)
مقيم رئيسي بجائزة ابوظبي للأداء الحكومي المتميز (الدورة الأولي 2007-2008)
مدير مشروع تأسيس جائزة أمير الكويت للتميز 2006-2007

5- نغم محمد حسني حواش- وزيراً للشباب
بكالوريوس العلوم الاسرية تخصص إدارة صحة مجتمع جامعة الاحفاد للبنات. ماجستير صحة عامة جامعة الاحفاد للبنات (الرسالة تحت التحضير) رئيسة رابطة طالبات جامعة الاحفاد للبنات (2003 – 2005) 8 سنوات خبرة في برامج تنمية الشباب. عضو مؤسس وعضو تنفيذي في عدد من منظمات المجتمع المدني الشبابية و العاملة في مجال تنمية الشباب. عضو في مجموعة من الشبكات الاقليمية والمحلية العاملة في مجالات التنمية المختلفة.

6- محمد عروة عبد الحفيظ- وزيراً للسلام
بكلاريوس علوم الغابات جامعه السودان. دبلوم عالى حقوق انسان جامعه الخرطوم. شهاده متقدمه فى فض النزاعات والوساطه مركز الدراسات الدوليه جامعه جون هوبكنز. خبره 7 سنوات عمل فى المنظمات. مؤسس و عضو العديد من المنظمات الطوعيه و الحقوقيه وعضو ملتقى القيادات الشبابيه لدول شرق افريقيا. عضو الشبكه الدوليه للسلام.

7- وائل عمر عابدين- وزيراً للإستثمار
ماجستير قانون الأعمال الدولي جامعة مانشيستر, ماجستير و بكالريوس القانون جامعة الخرطوم. تلقى تدريبا متقدما في عدد من كبريات شركات المحاماة بالمملكة المتحدة. له منشورات في مجال القانون و التنمية.

كما كلفت اللجنة :

8- معز عبد الوهاب الشيخ- والياً لولاية الخرطوم
هذا وستُصدِر اللجنة التحضيرية تكليفاتها فيما تبقي من مهام في الحكومة المركزية وحكومات الولايات حال إكتمال المشاورات.
يلتزم جميع المكلفين أعلاه بتقديم برامجهم للإجازة بواسطة مجلس وزراء حكومة الظل ومن ثم تُعرض علي برلمان الظل للإجازة.

وائل عمر عابدين
منسق اللجنة التحضيرية لحكومة الظل السودانية
[email protected]


تعليقات 47 | إهداء 1 | زيارات 7646

التعليقات
#868009 [momslh]
0.00/5 (0 صوت)

12-26-2013 11:48 AM
نغم : وزير الدفاع

وائل : وزير الداخلية والى النيل الازرق

هاني : وزير النقل والى جنوب كردفان

عمار : وزير السدود والى شمال دارفور
انور : وزير الكهرباء والى شمال كردفان


#867647 [Shareif]
0.00/5 (0 صوت)

12-26-2013 12:13 AM
lol lol lol
every time I see this ad I feel so happy and I thinking to use same drugs the are used lol


#867589 [إبن السودان البار ***]
5.00/5 (1 صوت)

12-25-2013 10:41 PM
المهم في النهاية حا يكون كل واحد عنده لقب وزير سابق ؟؟؟


#867563 [تاكسي]
3.00/5 (2 صوت)

12-25-2013 10:06 PM
جكومة ظل دي ,شكلها أمنجية ومؤتمرجية واحزاب فكة


#867395 [محمد]
5.00/5 (1 صوت)

12-25-2013 06:47 PM
وين الرئيس ووزير الدفاع ووزير الداخلية والظاهر عاجبنكم ناس بشة وعبدالرحيم وحتخلوهم قاعدين في مكانهم بالله وحتي نتمكن من التعليق مرة واحدة ورونا اسماء الولاة والاجهزة الادارية الاخري وبالله كتروا لينا من السنة الخشنة يا سنة ناعمة عشان عدالة توزيع السلطة والهوت دوق وكدة


#867386 [abdulhameed abdalla abdulhameed]
4.00/5 (4 صوت)

12-25-2013 06:28 PM
يااخونا الحكومه الفيها ابكر وخميس بتكون حكومه ترضيات ماكفاءت وده الضيع البلد انشاءالله يكون الوزراء من القضارف كلهم او كلهم زغاوة مادام اتوفره فيهم الكفاة العاليه والنزاهة والوطنيه. انا سمعته قصه قبل خمسه عشر سنه لا اعرف مدي صحتها بيقولوا اشتكي بعض المصريين في ابوظبي لشيخ زايد رحمه الله ان مدير مصلحه المجاري في ابوظبي المهندس السوداني علي ابوزيد بيعين سودانيين فقط. استدعي شيخ زايد علي ابوزيد ولماذا يعين سودانيين فقط فكان رد ابوزيد بعرف خبرتهم ولو اتكسرت اي مجاري الواحد ليلا ولا الرابعه صباحا لو اتصلت يي سوداني بيحضر والمصري ييتحايل عليا وبيلف وبيدور فماكان من الشيخ زايد الا ان قال له استمر في عملك بماتراهو مناسب.مابتتقدم البلد الا بتوظيف اهل الكفاه والامانه ماهل الولاة والمحاسيب


ردود على abdulhameed abdalla abdulhameed
[nasereddin] 12-25-2013 10:33 PM
هذا كلام اداري جيد ، لكنه لا ينطبق علي شأن دولة بأكمها ، بدل هؤلاء يضيعوا زمن الناس وزمنهم في كلام غير مقنع نظريا -ناهيك عن عملياً. من الذي فوَض هؤلاء لتلك الوزات,,وكيف نعرف أتهم يتمعون بالكفاءة والأمانة واالخلاص الوطني؟وما هي الصيغة التي تربطهم ؟!لفكرة التي تقدمهم للشعب السوداني من جهة وتربطهم ببعضهم من جهة أخري ؟ا خطاب البشير الأول حمل ذات المضامين! وانت تعرف كم أضاع من عمرنا وثروات الوطن,


#867330 [عنبر عمر الطيب]
4.00/5 (1 صوت)

12-25-2013 05:28 PM
نقولها نعم لهاني نعم وليك يا وائل ومعز ونغم ... نقولها من الضمير والفم ... وليك يا القائد الملهم .


ردود على عنبر عمر الطيب
United States [Sam7] 12-26-2013 04:09 AM
و أنا بقولا نعم و ألف نعم بس لي نغم ( نغم فايرة بالأجماع السكوتي ) التانيين ينظر في أمرهم و يعملوا لبهم إنتخابات


#867303 [إعلام الدموستناره ( الديموقراطية- الاستنارة )]
5.00/5 (2 صوت)

12-25-2013 04:57 PM
فكرة ممتازة وقابلة للنقاش علي الاقل تغيير في المشهد السياسي.


#867256 [Emesary]
3.00/5 (2 صوت)

12-25-2013 04:11 PM
والجماعة الجنبوهم ديل (البدريين من علي عثمان محمد طه ونافع والذين منهم ديل ) يكونوا حكومة شنو يعني ؟ غايتو بيني وبينكم هم سبقوكم في الظل دا - الا تستأذنوا منهم عشان يدخلوكم الظل معهم - ولذلك ثمنه بالطبع . فاهمين يا حناكيش و اللا.............!!!


#867219 [نص صديري]
4.50/5 (3 صوت)

12-25-2013 03:31 PM
قالو المرة دي بدل تمثيليات "كيجاب" ومتنطعي سوانيز لاين في الانتخابات القادمة يقدموا لينا مسرحيات جديدة
عليكم الله الناس دي بتخجل وديل قالوا متعلمين وما عارفين "حكومة ظل" بتعني شنوا
اعتقد دي محاولة لإلهاء الناس عن شيئا يطبخونه في الخفاء


#867201 [إعلام الدموستناره ( الديموقراطية- الاستنارة )]
3.00/5 (2 صوت)

12-25-2013 03:14 PM
تفكير مبدع وخلاق. النقاش حوله اتفاقا واختلافا مطلوب ولكن لاداعي للسخريه. حتي إذ فشلت هذه الخطوة فهي تدل علي ان العقل السوداني لازال نشطا. نرجو ان تحرصوا علي تنوير الرأي العام بنشاطاتكم بقدر الامكان وسنقوم في إعلام الدموستنارة بالترويج لها.


#867117 [مهاجر]
4.50/5 (2 صوت)

12-25-2013 01:48 PM
فكرة جميلة بس دي عايزة ناس عندهم ثقلهم في الشارع عشان يقدرو يمارسو ضغوط على الحكومة ويحققوا مطالب الجماهير , مفروض يكونو ناس من المشايخ والعلماء الكبار واصحاب الوجعة .. انا ماعندي مانع اكون الرئيس ..


#867087 [Huyam]
5.00/5 (3 صوت)

12-25-2013 01:05 PM
ده كلام فارغ وهذا وإدمان للفشل و هروب من الواقع ومضيعة للوقت ... تمخض الفيل فولد فأرا وهذا يثبت بأن الشعب السوداني بأكمله وحواء السودان لم ولن تسطيع أن تنجب بطلاً غيوراً واحداً قلبه على الضعفاء والمساكين .. نومو نومكم أحسن ليكم حتى يمدكم الله بجنود من السماء لخلع الشاويش .. بلد غريبة وعجيبة نظام فاسد وشعب محنط مستكين .. بعد ربع قرن من الزمان هذا نتاجكم ، ومن أنتم؟؟؟؟ وهل هذا الظل لشجرة أو غنماية ... إقترح عليكم أن تريحوا أنفسكم وتناموا تحت الظل !!!!!!!!


#867064 [ياسمين]
4.00/5 (2 صوت)

12-25-2013 12:40 PM
انا عاوزة ولاية نهر النيل ولو مافي طريقة ادوني البحر الاحمر لانها سياحية وانا عندي خبرة كبيرة في السياحة,هههههههههههههه


#867036 [محتار]
5.00/5 (3 صوت)

12-25-2013 12:08 PM
ده كلام يا ناس .. كأن المشكلة في المناصب والوزارات ... الما فقع من البيضة عاوز يبقى وزير ..
ده الفكر الضيع البلد من زمن حبوبتي
يا جماعة متين نعقل ونشوف الحل الصاح لمشكلة البلد ونترك الجري وراء المناصب والكراسي
من الاستقلال والناس تتطاحن في منو يكون وزير .. وكيف نرضى ديل وكيف أو ديل..
صارت المناصب غنيمة والكل جاري وراها..
ما هو مر على البلد ناس نزهين ونضيفين تركوا مناصبهم وما عندهم بيت يسكنوا فيهو .. عملوا شنو.. ومروا حرامية واكلوا البلد .. والحال يا هو نفس الحال..
تعالوا نبحث عن المعضلة ونشوف حلها اولا وبعدين ان شاء الله يحكمنا الجن الاحمر...
يا جماعة شفتوا ليكم وزير قاعد يشتغل..
اعقلوها وفكروا كويس .. اسع لو غاب وزير عن مكتبة شهر او 6 شهور الحياة بتقيف.. لكن لو غابت عربية الزبالة او عامل النظافة اسبوعين الناس تموت من الوسخ والمرض.
يا جماعة البلد مشكلة مؤسسية.. لو قدرنا نعمل مؤسسية في كل شيء وقوانين رادعة وقضاء مستقل.. وو ...
ولا أنا غلطان


ردود على محتار
United States [دا كلام ما صاااااح] 12-25-2013 07:05 PM
ما غلطان والله .. وكلامك عين العقل


#867031 [أبوديدى]
5.00/5 (2 صوت)

12-25-2013 12:02 PM
قبل أن يصبح الموضوع موضوع سخريه وتندر يجب أن نعترف أولا ونثبت أن من حق كل سودانى/يه أن يترشح ﻷى منصب حتى ولو رئيس جمهوريه شرطا أن لايكون كوز أويدور فى فلكهم وان يكون/تكون المؤهلات والكفاءة
هى المعيار وده الفهمتوا من موضوع حكومة الظل أما خلاف ذلك دعونا نتساءل لماذا كثرة(الضلله)؟!! لماذا اﻹنصراف عن الهدف اﻷساسى والسؤال الهاجس كيف نسقط هذه الحكومه؟!!ولماذا التركيز على قضايا مابعد اﻹنقاذ من تشكيل حكومه وحياكة دستور؟! وكأنما سقطت حكومة الكيزان وهى لازالت( بعبع )يعيش ويحكم غصبا عننا؟!! مشكلة هذا الوطن هو التفتت والتشرزم واﻹنقسامات واﻹنفصالات ؟!!
وياجماعه أبحثوا عن ماعون واحد يلمنا كلنا لهدف واحد ومشترك هو إسقاط النظام وبعد ذلك كل يغنى على ليلاه والديمقراطيه تأتى بمن تأتى وحدوا الصفوف وخلونا من مسميات تحالف وطنى(مخرف) وبرجوازيه صغيره (حالمه)؟!!!
كسره:
أنا معاكم بس تخلونى أبقى رئيس بجضدم ليكم الجيش وسأذهب لظل القصر رئيسا وأنتم لظل السجن حبيسا هههههه..
كسره تانيه:
ياجماعه شمسنا دى فى شعوب كتيره مالاقياها لى شنوالضل والدنياشتاء؟!!
كسره تالته: ولعتوا النار قبال تجيبوا اﻷكل ومامشيتوا السوق ذاتو؟!!


#867025 [نصرالدين]
4.00/5 (3 صوت)

12-25-2013 11:57 AM
حكومة ما فيها أبكر أو خميس أو تية ، أو تورشين وست النفر وعشوشة ... ما فيها برنامج سياسي أو اقتصادي أوعلاقات خارجية أونظام لدستور الدولة ... (فريق كتشينة يعني)؟


ردود على نصرالدين
European Union [abdulhameed abdalla abduhameed] 12-25-2013 06:27 PM
يااخونا الحكومه الفيها ابكر وخميس بتكون حكومه ترضيات ماكفاءت وده الضيع البلد انشاءالله يكون الوزراء من القضارف كلهم او كلهم زغاوة مادام اتوفره فيهم الكفاة العاليه والنزاهة والوطنيه. انا سمعته قصه قبل خمسه عشر سنه لا اعرف مدي صحتها بيقولوا اشتكي بعض المصريين في ابوظبي لشيخ زايد رحمه الله ان مدير مصلحه المجاري في ابوظبي المهندس السوداني علي ابوزيد بيعين سودانيين فقط. استدعي شيخ زايد علي ابوزيد ولماذا يعين سودانيين فقط فكان رد ابوزيد بعرف خبرتهم ولو اتكسرت اي مجاري الواحد ليلا ولا الرابعه صباحا لو اتصلت يي سوداني بيحضر والمصري ييتحايل عليا وبيلف وبيدور فماكان من الشيخ زايد الا ان قال له استمر في عملك بماتراهو مناسب. مابتتقدم البلد الا بتوظيف اهل الكفاه والامانه ماهل الولاة والمحاسيب


#867022 [ضل الدليب]
0.00/5 (0 صوت)

12-25-2013 11:53 AM
ايها الشعب السودانى المثقفاتية ماذا تريدون اذن .....الفكرة جديدة ناهيك عن الاسماء وكمان فكرة عملية جدا موجودة فى بريطانيا ولكن بقولوا اذا اردت اعداءا فاتى بجديد


#867011 [abumohd]
5.00/5 (2 صوت)

12-25-2013 11:46 AM
انا عايز اعمل معارضة الظل وحا اعمل اعلان اطلب فيه معارضيين


#866958 [طائر الهوى]
5.00/5 (1 صوت)

12-25-2013 11:03 AM
أجمل ما فى الموضوع أن كلهم شباب ,تخرجوا فى الالفية الثالثة .
يمكن اعتبارهم حجر في المياة الراكضة .
شئ عملى وجرئ علينا دعمه وليس السخرية منه لاسمائهم فهم شباب لابد أن تكون اسمائهم كدة .
نحن صبرنا على كرتى ومندور وغندور ومروح ونافع وغيرهم من الاسماء العجيبه!!
دعونا نرى أصدقاء وائل الشباب ما هم فاعلون ؟؟


#866956 [Draige]
5.00/5 (1 صوت)

12-25-2013 11:03 AM
انتو ماعندكم موضوع هو الاصلي مانفع ينعنا ذل في اية

قوم لف شيف ليك شغلة


#866931 [كاره الكيزان محب السودان]
0.00/5 (0 صوت)

12-25-2013 10:31 AM
أنا أعتقد أن ما قام به هؤلاء النفر هو نوع من التسلط دون الحصول على تفويض من الشعب وأنما هو وجه من وجوه النضال الذي يخيف سدنة النظام ويقلق منامهم.

فهم لم يقصدوا حكومة تباشر مهما على العلن، ولكنها حكومة في ظل تعبيراً لرفضهم الحكومة المفروضة على الشعب السوداني بقوة السلاح والقهر والمكر والاحتيال.

أتنمنى ان يكون إعتقادي صائبا، وليوفقهم الله في محاربة هذا النظام البائد بإذن الله.


#866922 [حماد صابون]
5.00/5 (1 صوت)

12-25-2013 10:24 AM
اللجنة التحضيرية لما يسمى بحكومة الظل استعرضت الخبرات هل السودان اصلا لديها ازمة خبرات علمية ام هى ازمة غياب العقلاء الوطنيين والاستراتيجيين ؟


#866884 [نقطتين]
5.00/5 (2 صوت)

12-25-2013 09:47 AM
انا اقترح انو المعارضة السودانية برضو تقوم تعمل معارضة الظل وناس الجبهة الثورية يعملوا جبهة ثورية الظل بعد داك يتم عمل مفاوضات بين حكومة ومعارضة وجبهة ثورية الشمس من جهة وحكومة ومعارضة وجبهة ثورية الظل من جهة اخرى للوصول لاتفاق سلام.


#866860 [ابو منيب]
4.75/5 (6 صوت)

12-25-2013 09:23 AM
وكيف يستقيم الظل والعود أعوج !!!!


#866856 [خليل عــــزة]
5.00/5 (4 صوت)

12-25-2013 09:19 AM
معلقين الراكوبة

تعالو نعمل لينا حكومة

نسميها الراكوبة قفرمينت

اتاري القصة ساهلة....

قال ظل قال


وسعت ولما استحكمت حلقاتها

وسعت زيادة


#866855 [AburishA]
5.00/5 (2 صوت)

12-25-2013 09:19 AM
أنور..هاني..عمار...وائل...نغم... (أسماء حلوة شدييييد)!!!


#866853 [Shareif]
0.00/5 (0 صوت)

12-25-2013 09:19 AM
?hahahahahah I Like to Smoke with you marijuana
hahahah Our What Kind of Drugs Do you and your team used


#866846 [ثائر]
0.00/5 (0 صوت)

12-25-2013 09:12 AM
هاهاهاهاهاهاهاهاهاههاهاهاهاهاهاهاهاهاهاهاهاهاهاهاهاهاهاهاهاهاهاهاها.


#866833 [سوداني]
5.00/5 (3 صوت)

12-25-2013 09:06 AM
الوزراء هاني ونعمات ومعز ووائل ونغم . علي النعمة دي كاميرا خفية ﻻنه دي اسماء مطربين في نجوم الغد. ياخي قوم لف


#866821 [momslh]
5.00/5 (1 صوت)

12-25-2013 08:59 AM
هاهاهاهاها هاهاهاهههههههههههههههههههههههههههههههههههاااااااا

حكومة ضل (الدليب) مزروعة في الحوش وضلها عند الجيران (مغص البلد)


#866819 [عشم باكر]
5.00/5 (2 صوت)

12-25-2013 08:59 AM
الوزارات( الصحة-السلام-الرعاية الاجتماعية-الخدمات- التربية والتعليم) يا عزيزي الا تري انك قد تجاهلت المشكلة الرئيسة التي اكتوي بنيرانها السودان ومن ثم تشرذم وتجزأ وح ينشطر مرة اخري واخري الي دويلات اصغر واصغر....الأهم من تشكيل الحكومة وتوزيع الوزارات بين أناس ربما قد لا يكون من سمع بهم شخص الا من خلال كتابك وتعيينهم وزراء وكانكم من فوضت من قبل الشعب لحل مشكلته...طيب ايش الفرق بينكم وبين الإنقاذ الم تاتي الإنقاذ بانقلاب واستلام السلطة ومن ثم تعيين وزراء وانشاء وزارات لم نسمع بها فاق عددها العشرين؟ نفس الشئ انت تسير في طريق الإنقاذ فان كان لا بد من انشاء حكومة ووزارات فيا ريت عدد الوزراء في أي حكومة قادمة لا يتجاوز ال 5 وزراء اما باقي الوزارات فتتحول لهيئات او صناديق او أي مسميات ترتضونها فكان من الاجدي ان تسمي هذا التشكيل وهذه الوزارات باسم اخر وتكون جسم في خدمة الشعب وإيجاد قاسم مشترك يجمع كل اهل السودان وتبحث في موضوع الهوية وتعضد الوطنية وترسخ مفاهيمها لدي الشعب ...وانا لست ضد ان تتبؤون المناصب ولكن اتمني ان توجدون الحل الجزري للمشكلة السودانية خاصة من الأسماء المذكورة من لديه تاهيل ممتاز وخبرات عملية مفيدة وان ينكأ جرح السودان القديم وينظف ويضاف البلسم الترياق لمشاكل وحروب بدأت من 1955 وحتي الان لم ننعم بسلام ولا امن ولا استقرار ولا تنمية وصبحنا نهاجر الي بلاد الله لكي نسترزق ولكي نعيش بالرغم من كل الهبات والإمكانات المتوفرة في بلدنا ولكن للأسف لم نستفيد منها وعشنا في تناحر وحروب
اصوغ اليك هذه الأسئلة واتمني ان تجد لها الحلول
1. كيف تكون السودان بمفهومه الحالي؟
2. من هو السوداني ؟
3. ماهي الهوية السودانية؟
4. لماذا توجد عنصرية بغيضة في السودان؟
5. لماذا نتقبل الأجنبي ولا يتقبل السوداني السوداني؟
6. لماذا نتجاهل موارد السودان الطبيعية ( كالثروة الحيوانية والزراعة) ونعتمد علي موارد وهمية في موازناتنا الاقتصادية؟
7. لماذا يموت السودانين بالجوع والعطش والمرض وكل مقومات الحياة موجودة؟
8. منذ الاستقلال وحتي اخر حكومة هل توجد حكومة اتفق عليها اهل السودان؟
9. لماذا فقدنا مشروع الجزيرة ؟
10. لمصلحة من تم تهجير أهالي حلفا؟
11. لماذا اندلعت الحرب في دارفور؟
12. لماذا انفصل الجنوب؟
والاسئلة كثيرة وكثيرة ...الا انني وددت ان أوضح ان مشكلتنا اكبر من تكوين حكومة او انشاء وزارة او تعيين والي وأس المشكلة يكمن في المثقفين والخريجين والسياسين لاستغلالهم جهل المغلف ببعض الطيبة عند أهلنا السودانيين لتحقيق مصالحهم الشخصية واشباع رغباتهم وخير مثال ( توجد مناطق في السودان -العمارات - المنشية- الرياض- الطائف-كافوري ) فمن يسكنها فاذا كان هناك توزيع عادل للثروة فمن المفترض ان يكون سكان هذه البنايات مزارعي الجزيرة وللأسف يسكنون في بيوت حتي لا تتناسب مع إيرادات المشروع واعتماد ميزانية الدولة عليه منذ الاستعمار وحتي انهيار المشروع


#866806 [abubaker]
1.00/5 (1 صوت)

12-25-2013 08:49 AM
عيش ياحمار لمن تقوم النجيلة


#866784 [موسى الضو]
5.00/5 (1 صوت)

12-25-2013 08:36 AM
القاعد يصرف على الهيصة دي منو؟؟؟؟ وبعدين الحكومة العديل كدا ما نجحت هل ممكن تنجح حكومة الظل او (شلة الظل)؟؟


#866779 [ود حبوبه]
5.00/5 (1 صوت)

12-25-2013 08:35 AM
البشير عمل حكومه كبيره تقيله اسما حكومه الفيل وديل كمان عملو حكومه خياليه اسمها الظل ...وبعد كده نحنا حنشوف الفيل ونطعن في ضلو...عالم فاضيه وتحصد خساره من رئيسها لي اصغر وزاره


#866778 [Ahmed]
5.00/5 (1 صوت)

12-25-2013 08:35 AM
خطوة ممتازة، و تبين للناس إنه فيه بديل للبشكير و جماعته الفاقد التربوي
يعني كمال البكاي كان مؤهله شنو عشان يمسك وزارة المعادن

شباب مؤهلاته ممتازة و عندهم خبرة متعددة، شخصيا اعرف انور عبد الرحمن
المعروف بأنور كنج، و هو شخص وطني من طراز رفيع
الاستاذة نعمات أبو بكر كانت رئيسة لحركة حق لمدة عام و نصف، بعده
تخلت عن رئاسة الحركة طوعا للراحل الاستاذ بشير بكار و هو تنازل
يوضح روحا ديمقراطية عالية في تداول المراكز في الاحزاب السياسية

البقية لا أعرفهم لكن يقيني أنهم ما اجتمعوا إلا لخير و لطرح بديل
عقلاني لما يحدث في السودان


#866777 [ahmed//]
5.00/5 (1 صوت)

12-25-2013 08:34 AM
لا أعتقد سيأتو بجديد هم صنعة خفية للمؤتمر الوطنى ..


#866772 [MAHMOUDJADEED]
0.00/5 (0 صوت)

12-25-2013 08:31 AM
مبروك وعقبال حكومة الشمس . ولاّ حكومة البشير هي حكومة الشمس ؟!!! ( تشابه علينا البقر )


#866770 [سناريو انهيار الدولة السودانية]
0.00/5 (0 صوت)

12-25-2013 08:29 AM
يا اخوانا فهمونا حاجة ... ديل منوا هل جزء من قوي الاجماع الوطني ولا ايه الحكاية . في نفر نفرين من الناس ديل انا بعرفهم وهم ممتازين بس ديل منو . واذا دي مبادرة من الشباب ديل لماذا لا يتمن النظر فيها من قوي الاجماع ويضاف ليهم نفر اخرين ونكون جاهزين .
السناريو المتوقع ان تنهار الدولة السودانية وتصحوا الصباح تلقوا المتخلف دث اختفي على الطريقة العراقية (نهاية حكم صدام ) بعد وصول الجبهة الثورية للخرطوم .. حقوا الناس من الان تكون جاهزة
اهم شي وزير الدفاع .. والداخلية ولجنة حل جهاز الامن الوطني واستلام السلاح الفي البلد وحقوقيين لمتابعة محاكمة قادة النظام السابق حتي لا تتحول الدولة الى تصفيات شخصية ضد ناس الامن وناس نافع . عايزين نضمن محاكمة نزيهة تكون مضرب مثل وتوسس لسودان التسامح والقانون


#866768 [على كرار]
0.00/5 (0 صوت)

12-25-2013 08:27 AM
يا راجل،حكومة حتة واحده كده،الله يجازى محنك


#866754 [ممكون وصابر]
5.00/5 (2 صوت)

12-25-2013 08:17 AM
غايتو اسماءكم لذيذة نغم ووائل وأنور ومعز أخير لينا من البعاعيت ديل , سجلوني معاكم أكف ليكم العين .


#866752 [مهاجر]
5.00/5 (1 صوت)

12-25-2013 08:12 AM
تقليعة جديدة حيرتونا حكومة ومعارضة .


#866723 [حقاني جدا]
4.75/5 (4 صوت)

12-25-2013 07:51 AM
حأعمل انقلاب عليهم بكره بعد ظل الضحي!!! ومعاي رتل من الغنم


#866710 [خضر عمر ابراهيم]
5.00/5 (1 صوت)

12-25-2013 07:42 AM
ما عايزين وزير نقل ومواصلات عشان أزمة الحركة والمواصلات وتشغيل البصات المنتهية دي في ولاية الخرطوم يا وائل منسق الحكومة،،،؟ والسيرة الذاتية جاهزة بس ات أشر
امش اسأل عبدالرحمن الخضر عن المذكرة المرمية في درج مستشاره منذ يناير 2010 وعليها توصيته التالية بخط يده:-
تحفظ لحين الاستفادة من خبرته مستقبلا،،،،
إها يا وائل الحكومة دي فيها مخصصات واععععععع ولا سكة ساي
محن سودانية علي قول شوقي بدري


#866709 [ابومرام]
5.00/5 (1 صوت)

12-25-2013 07:41 AM
ممكن سؤال بسيط واتمنى الا تكونوا مثل وزراء المؤتمر الوطني لا يعيرون اراء المواطنين والصحفيين اي اهتمام ولم اسمع يوما وزيرا يعقب على اي تساؤل فارجوا ان لا تتصفوا بصفة تجاهل اراء المواطنين.سؤالي من فوضكم لتكوين حكومة الظل هذه ؟ وماالفرق بينكم والمؤتمر الوطني الذي تجاهل كل الشعب السوداني في قضايا جوهرية ومصيرية واصبح يدير البلد كاقطاعية خاصة بهم. ام انها شللية كما في المؤتمر الوطني؟


#866700 [ود دردق]
5.00/5 (1 صوت)

12-25-2013 07:25 AM
انت جادي !! ومعطي نفسك وزارة الاستثمار . سجم البلد



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
5.50/10 (3 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة