الأخبار
أخبار إقليمية
كمال عبد اللطيف " البكاي " : أنا مساهم في الإنقاذ ولم أدخلها بكرت دعوة
 كمال عبد اللطيف


12-31-2013 11:57 PM

الخرطوم – نازك شمام
رفض كمال عبد اللطيف، وزير المعادن السابق المزايدة على انتمائه للحركة الإسلامية وربط تحركاته بتقلده للمناصب التنفيذية والأمنية في حزب المؤتمر الوطني وقال إنه مساهم في الإنقاذ ولم يدخلها بكرت دعوة -على حد قوله- معلنا القيام بأدوار أكبر في الفترة القادمة.
وقال كمال إن البلاد تمر بمنعطف خطير جلب لها الاستهداف الخارجي واستدرك: "لكن إن شاء الله دائما نكون مستهدفين لأن عدم الاستهداف إشارة إلى عدم سيرنا في الطريق الصحيح ".
وطالب عبد اللطيف في احتفال نظمته الوزارة لتكريمه صباح أمس ، طالب الوزير الجديد أحمد محمد صادق الكاروري باستكمال مشروع البشير لاستكشاف المعادن والعمل في إنشاء المعامل الوطنية منوها إلى أن (20) طنا من الموارد المعدنية مهدرة نتيجة نقلها للخارج للفحص.

اليوم التالي


تعليقات 32 | إهداء 0 | زيارات 6484

التعليقات
#874402 [مالك الحزين]
0.00/5 (0 صوت)

01-01-2014 08:58 PM
لوبكاى هماكاولوشقايا أشقاكا
مهداه للبكاى كمال عبد اللطيف
تبكى بس ,, والبشير زاتو كشنك , والوزاره تانى تشمها قدحه


#874346 [abu khaled]
0.00/5 (0 صوت)

01-01-2014 07:37 PM
حسبو عمل صيوان عرس والحيوان دة عمل صيوان عزاء (بيت بكاء ) وحليلك يا بلدنا


#874313 [عصام الطريفي]
0.00/5 (0 صوت)

01-01-2014 06:58 PM
لك الله الوطن الغالي لك الله مادام من ضمن الطقمة الحاكمة مثل هذا الوزير البكاي الوصافة والله دا ما ينفع غير اجروهو احرر بيت البكا لانو والله بوصف جنس وصف اوب علي وكر علي وسجمي العمارو الماتمت وارمادي الرصيد الدولاري الوقف واخرابي العربية الفارهة القلعوها سجمي يايمة اقبل وين وامشي وين روحو في ستين مليون داهية جاك بلى في شكلك ياكسار التلج


#874102 [عطيطو الاسوانى]
0.00/5 (0 صوت)

01-01-2014 02:13 PM
اكبر كسار ثلج وحرامى المدعو كمال عبداللطيف . قال مشروع البشير لاكتشاف المعادن . بلى يخمك يا حرامى يا كارثة .


#874069 [زولي هوووي]
0.00/5 (0 صوت)

01-01-2014 01:40 PM
ههههههه تبكي بس عين قطرة وعين مز ....... الزول دا لسه قعاعد يبكي .. انا شايف مفروض بعد دا يعملوا ليهو وزارة جديدة بإسم وزارة بيوت البكاء والاحزان العامة ..... يا عمك ما ترجل شوية وخلي الجعيير ... نيلسون مانديلا لو سمعت بيهو يا باكي مون اتسجن 28 سنة وزقة عشان تحرير بلده وشعبه من المستعمر واختاروهو بعد داك رئيس اعظم دولة افريقية وهو غير راغب في الرئاسة وخلاها ليهم لأنها ما كانت هدفه اصلاً فأصبح وهو حي وبصحته وعافيته رمزاً للحرية وتحرير الشعوب ... تقول ساهمت مع الانجاث ..وتقول لي كوكو قال لي ... امشي ابكي جنب امك ... الزيك دا كان راجين منو شنو .. قال وزير معادن والله الزيك دا وزير عدة ماينفع .... معقولة يا جلال .. البلد عدمت الرجال


#874035 [فيصل أحمد عمر أحمد الرياض]
0.00/5 (0 صوت)

01-01-2014 01:09 PM
الى متى هذا الفساد الى متى هذا الحال الوزير والحارس كل يسرق ويسرق ممن يسرق المال العام مال

هذا الشعب الكادح الفقير مال الغلابه لماذا نحن من افسد اربعه دول فى العالم بالرقم ان معظم

ابناء هذا الشعب نفوسهم كبيره تعف نفوسهم من الحرام حكى لاى احد المستثمرين فى مجال الزراعه

بان بلدنا بخير بس يااخى عندكم الفساد كثير قال لى ان مسئولا كبيرا صارحه وبدون خجل (حقى انا

وينو) وقال بالحرف يااخى نعرف السودانيين بالامانه لكن يااخى اى احد فى السودان ترسله ليشترى لك

اى شى يخت طاقيتو فوق البيعه) يعنى يطلع حقو شفتو وصلنا لاى مرحله ؟؟؟؟؟

يحكى لى احدهم بان كربريتر عربته بيقطع واصلحوه كذا مره وماصلح قل ليه احد اصحابه يااخى كلم

فلان رئيس السواقين بتاع المحليه وبالفعل اخدوا سياره المحليه الحكوميه جديده ونفس موديل عربة

الرجل فكوا الكربريتر من سيارة الحكومه وركبوه للراجل وكل واحد اخذ حقوه (واحرقى ياحكومه)

يااخوان هل تتصور مدى الفساد الذى اصبح وباء فى هذا البلد الطيب اهله ؟؟؟؟؟؟


#873992 [الحالم]
0.00/5 (0 صوت)

01-01-2014 12:18 PM
يا كمال عبداللطيف يا ترى هذي الدموع السكبتها هي دموع ندم ام دموع حزن نفسي التي تملك الاشياء ذاهبة فمالي ابكي على شيء اذا ذهب انكم استحليتم ما حرم الله من اكل اموال الناس بالباطل ونسيتم ان الارض يرثها عباد الله الصالحين وتذكر ان الوظيفة تكليف وليس تشريف واذا كنت تعلم هذا فعلى ماذا البكاء


#873943 [habbani]
0.00/5 (0 صوت)

01-01-2014 11:39 AM
دا لسع ببكى


#873829 [abu shawarib]
0.00/5 (0 صوت)

01-01-2014 10:20 AM
كمال عبد اللطيف " البكاي " : أنا مساهم في الإنقاذ ولم أدخلها بكرت دعوة

كلامك صحيح ما هى شركة بتاعت الكيزان


#873821 [انقاذى سادر فى فساده]
0.00/5 (0 صوت)

01-01-2014 10:11 AM
بكيت وشكيت شكيت وبكيت بحثت سألت وماخليت
واحاكى الطرفة فى نص الخريف بكاى
وابكى ياعيونى دمع الدم
لو بكاى هماك ولو شقاى اشقاك
ماكنت يوم فارقتنى..خاصمتنى..وعذبتنى

بكيت وهل بكاء القلب يجدي؟
فراق احبتي وحنين وجدي!
فما معنى الحياه اذافترقنا
وهل يجدي النحيب فلست ادري
فلا التذكار يرحمني فأنسى
ولا الأشواق تتركني لنومي
فراق احبتي كم هزّ وجدي
وحتى لقائهم سأظل ابكي


#873802 [هيثم الخلا]
0.00/5 (0 صوت)

01-01-2014 09:56 AM
عفوا هو كمال عبد اللطيف "الجعار" وليس "البكاي" وهنالك فرق، فالبكاي ببكي وينتحب بدموعه بس، ولكن كموله ببكي بدموعه وأنفه وخياشيمه سم يبدأ في الظراط، وهذا ما فعله هذا المتعفن، ولذلك فهو يستحق لقب جعار لكثرة نحيبه وعطسه وضراطه. ما لكم كيف تحكمون يا ناس الراكوبة (كمال عبد اللطيف الجعار)


#873794 [زروق]
0.00/5 (0 صوت)

01-01-2014 09:44 AM
يعني ساهمت في دمار البلد نحي اعترافك


#873787 [سمير عبدالله]
0.00/5 (0 صوت)

01-01-2014 09:34 AM
قال إنشاءالله دائماً نكون مستهدفين..
البشر ديل بيحبو الاستهداف حب شديد خلاص!


ردود على سمير عبدالله
European Union [ابونفوس] 01-01-2014 08:52 PM
ههههههه حلوه بحبو الاستهداف دي...والله عجبتني


#873748 [aldufar]
5.00/5 (1 صوت)

01-01-2014 09:02 AM
انت وامثالك من الوزراء في حكومة البشكير الظالمين ، جميعكم كنتم آلة هدم منظمة لتدمير السودان وشعبه - في عهدكم جاع الناس ومرضوا وماتوا وفقروا واصبحوا متسولين وستراها في الشارع وانظر للشعب السوداني في الطرقات شيبا وشبابا واطفالا كيف صحتهم إلا الكيزان منكم كالققط السمان .


ماذا قدمت للسودان ايها الوزراء جميعا من منكم كان مخلصا ولم يسلب من اموال الدولة .

من اين لك وزير بالاموال التي معه وخرج بها من دولاب الحكم ماذا كان عندكم قبل الثورة وبعدها؟

ولكن الحساب يوم الحساب يقوم الناس لرب العالمين .


#873739 [كرت اااحمر]
0.00/5 (0 صوت)

01-01-2014 08:54 AM
أنا مساهم في الإنقاذ ولم أدخلها بكرت دعوة؟؟؟؟؟؟ طلعت من الانقاذ بكرت احمر


#873728 [مدحت عروة]
5.00/5 (1 صوت)

01-01-2014 08:49 AM
وما هو الشىء المشرف فى الانقاذ حتى تتشرف بالمساهة فيها تمزيق السودان واشعال الحروب فى الشمال ولا دمار الاقتصاد(كم هو صادر السودان من الزراعة والثروة الحيوانية والغابات؟) ولا عدم الاستقرار السياسى والدستورى ولا شنق ناس العملة والرجالة والشراسة على السودانيين والخياسة امام محتلى اراضى السودان والمعتدين عليها؟
الانقاذ ما فيها شىء مشرف على المستوى القومى الشرف البعرفه انا هو تقديم مصلحة البلاد والعباد على مصلحة الحزب والافراد والتنظيم العالمى للحركة الاسلاموية الخايسة بتوحيد البلاد والعمل على حل مشكلة الحكم بالتراضى والوفاق الوطنى وتكريس السياسة الداخلية والخارجية لرفعة الوطن والمواطن وتقدمه وتطوره فى جميع المجالات وخلق جيش وطنى قوى لحراسة الارض والعرض وليس لحراسة حكومة انقلابية وحزب واحد متمكن من الدولة وجهاز امن لجمع المعلومات وتحليلها وفى جميع المجالات وليس لرقابة الصحف والمعارضة التى تعارض حكومة انقلابية غير مجمع عليها من اهل السودان وتحكم البلد بقوة الجيش والشرطة والامن!!!
شوف نتيجة ما ساهمت فيه وعطلتوا البلد من وفاق وطنى ومؤتمر دستورى لاكثر من 24 سنة الله لا تبارك فيكم!!!!
التنمية البشرية والمادية بتقوم على اكتاف الاستقرار السياسى والدستورى بوفاق وتراضى جميع ابناء الوطن ودى اى دلاهة عارفها الا انتم ناس الحركة الاسلاموية!!!


#873713 [ود جمدنالله]
5.00/5 (1 صوت)

01-01-2014 08:35 AM
مسكين زول دنيا ببكى على الوظيفة احتمال عندو عمارة لسة ما شطبت انت لو بتعرف الله ما بجعر زى الحريم قال ماشين صاح امشى شوف الرايك قدام ان الله يمهل ولا يهمل


#873689 [النعمان عباس]
0.00/5 (0 صوت)

01-01-2014 08:12 AM
امس بكي و لا كان متصبر؟


#873688 [ناصح]
0.00/5 (0 صوت)

01-01-2014 08:10 AM
البكاء ما بحلك


#873682 [المشروع]
5.00/5 (1 صوت)

01-01-2014 08:03 AM
يا جماعةهؤلاء حركة الكيزان وليست حركة اسلامية ويجب ان لا نطلق عليهم حركة اسلامية
هم يزكون انفسهم بأنفسهم والله يقول ولا تزكوا انفسكم والناس تساعدهم في هذه التزكية وتطلق عليهم ما ليس فيهم ابدا بل هم يعملون ضد الاسلام في كل شئ (واذا قيل لهم لا تفسدوا في الارض) قالوا انما نحن مصلحون). وهو يعتقد ان البلاد مستهدفة والحقيقة كلامك صحيح مائة بالمئة البلد مستهدفة ولكن منكم ومن حركة الكيزان لتلحسوا البليلة حتى نهاية الصحن وتتركوا قاعا صفصفاً.


#873673 [الحسن والحسين]
0.00/5 (0 صوت)

01-01-2014 07:53 AM
انا عاوز افهم ال20 طن دى بعد ما يفحصوها بره بترجع تانى جوه


#873670 [siddig]
5.00/5 (1 صوت)

01-01-2014 07:49 AM
انت واشباهك جلبتوا للسودان الجلاء والبلاء والاستهداف الخارجي وحقد الاخرين عليه قور قبح الله وجهك ومن معك في نفس الاتجاه.انت واشباهك لا حق يكرموكم بل قل ان يتم تجريدكم من كل ما قنمتموه من أموال الشعب السوداني المسكين والتعبان.


#873655 [layla]
5.00/5 (2 صوت)

01-01-2014 07:23 AM
صحيح انك مساهم كبير في خراب البلاد.عندما اتت الانقاذ كنت موظف بسيط تسكن في بيت حماك ثم بعثتك الانكاس الي يوغندا لتعمل في مجال الامن وغرفت من الخزينه الخاويه ملايين الدولارات ولما اسست نفسك عدت لتشتري بيتا في المنشيه بالقرب من مرشدك الدجال وفرشته كما اذكرمن سعد الله للاثاث افخر محل في ذلك الوقت ولما بقيت تلمع وراسمالي ظهرت في مجلس الوزراء وانفتح ليك الباب من وزاره لي وزاره يالك من منافق اكال للسحت الله لابارك لك فيما نهبتو وما بددتو من مال الغلابه


#873650 [ابوهالة]
5.00/5 (1 صوت)

01-01-2014 07:08 AM
علي الطلاق كداب ومنافق -كنت بتشتغل في بنك بفرع السوق الشعبي القديم وجيت في البداية كضابط مستوعب بدون تدريب لجهاز الامن وادوك رتبة مقدم من البداية رغم مستواك التعبان في معهد الامن- تجي تتفنجط وتقول مساهمفي الانقاذ- بطل كذب قال مساهم قال .


#873646 [نبض التعب]
5.00/5 (1 صوت)

01-01-2014 07:01 AM
شنقلي طوباية ... تلقي ليك دهباية .. يا عيوني يا بكاية ....وووب أنا .. غطّوني بي بطانية .. ولو مافي جيبو ملاية!! .. لو مساهم في الأنجاس أو دخلتها بي كرت دعوة مشّوك الشارع وأصبحت فعل ماضي لا مضارع ... أبكي بس!!.


#873627 [سايكو]
5.00/5 (1 صوت)

01-01-2014 05:29 AM
و قريبا حيصلك كرت دعوه للاقامه الدائمه في احد السجون و هناك ممكن نوفر ليك كميه كبيره من المناديل غشأن تقشقش دموعك و مخاتك براحتك يا خايب يا حرامي


#873621 [العم خابور]
0.00/5 (0 صوت)

01-01-2014 05:10 AM
تطلق البكاي علي الاطفال وغالبا ما تكون(للدلع) ولكن يمكن اطلاق اسم ابجاعورة فهو اكثر واقعية.


#873608 [ساب البلد]
3.00/5 (1 صوت)

01-01-2014 04:30 AM
******** واستدرك: "لكن إن شاء الله دائما نكون مستهدفين لأن عدم الاستهداف إشارة إلى عدم سيرنا في الطريق الصحيح ".******** اي طريق يا البكاي ؟؟؟؟ **********


#873589 [كاسترو عبدالحميد]
0.00/5 (0 صوت)

01-01-2014 03:53 AM
يا جماعة الخير قالوا فى ثوب نسائى طلع اسمه " دموع كمال " عايز اعـرف ثمنه كم لأن زوجتى طلبت منى اشتريه ليها وانا ما عـندى قـدرة عـلى شرائه اذا كان بكلف كثير . ممكن تساعـدونى يا جماعة الخير واجركم على الله .


ردود على كاسترو عبدالحميد
United States [Observer] 01-01-2014 11:16 AM
لا يهمك يا أستاذ فهو ثوب سعره أرخص من التراب , لماذا ثمنه أرخص من التراب؟ الأجابة واضحة.


#873562 [بسبوس]
0.00/5 (0 صوت)

01-01-2014 01:31 AM
السماك كمال ظلمك لانك ناقص يا حيوان


#873559 [الحارث]
5.00/5 (2 صوت)

01-01-2014 01:10 AM
ايها اللص الكذاب البكاى
لقد كنت عاطلا بعد فصلك من بنك فيصل
و وظفك اخو مراتك ضابط الامن المنظم كوزيا فى جهاز الامن
و لا تكذب و لا تدعى بطولات زائفة
لا تبكى


#873550 [nasr]
4.75/5 (4 صوت)

01-01-2014 12:48 AM
فليصمت هذا الرجل رحمة بنا.........اللهم صبرنا على البلاوى



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
1.00/10 (1 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة