الأخبار
أخبار إقليمية
حصيلة هزائم قوات النظام فادحة للغاية.. الجبهة الثورية تدعو وسائل الاعلام لزيارة مواقعها في تروجي وجاو ودبيكايا وانقولا ومناطق الأحداث.
حصيلة هزائم قوات النظام فادحة للغاية.. الجبهة الثورية تدعو وسائل الاعلام لزيارة مواقعها في تروجي وجاو ودبيكايا وانقولا ومناطق الأحداث.
حصيلة هزائم قوات النظام فادحة للغاية.. الجبهة الثورية تدعو وسائل الاعلام لزيارة مواقعها في تروجي وجاو ودبيكايا وانقولا ومناطق الأحداث.


01-06-2014 08:45 PM
الجبهة الثورية تدعو وسائل الاعلام الدولية والمحلية لزيارة مواقعها في تروجي وجاو ودبيكايا وانقولا ومناطق الأحداث

حصيلة هزائم قوات النظام في جاو - تروجي - الدبيكايا - انقولا
مواصلة لأخبار وبيانات الجبهة الثورية السودانية في اليومين السابقين نتيجة لهزيمة قوات ومليشيات المؤتمر الوطني تورد الجبهة الثورية النتائج الآتية :

حصيلة القتلى الذين تم التعرف عليهم في صفوف ضباط الأمن حتى الان :
1- العقيد أمن / إبراهيم حسين
2- الرائد أمن / عثمان أبو شنب
3- الملازم أول أمن / محمد جنا
حصيلة القتلى الذين تم التعرف عليهم في صفوف ضباط حرس الحدود
1- عقيد حرس حدود / إبراهيم أحمد وهو الساعد الأيمن للمجرم حميدتي
2- رائد حرس حدود / عثمان الاصم
3- رائد حرس حدود / عمر الدخيري
4- رائد حرس حدود / عثمان صالح
5- نقيب حرس حدود / اسماعيل جاتو
6- ملازم حرس حدود / محمد علي جكي
7- نقيب حرس حدود / محمد عبد القادر
8- نقيب حرس حدود / احمد موسى
9- ملازم حرس حدود / قرجي
10- ملازم حرس حدود / جمعة بوشة
11- ملازم حرس حدود / علي ماديري
12- ملازم / ادم جادا
13- ملازم / جدو ادم دوقا

اجمالي القتلى يفوق ال 200 من ضباط وضباط صف وجنود حرس حدود وآمن ومخابرات.
عدد من الضباط المفقودين تائهون في الغابات والطرقات جاري البحث عنهم.

اكثر من 280 جريح نقلوا الى الخرطوم حتى الان عبر مطار هجليج واكثر من 200 جريح الان في هجليج في انتظار الترحيل.
حدثت خلافات امس بين قوات حرس الحدود الجنجويد وقوات جهاز الأمن والمخابرات والجيش حيث شككت قوات حرس الحدود في رغبة الجيش وقوات جهاز الأمن في التقدم ومقاتلة قوات الجبهة الثورية السودانية والارتكاز في الصفوف الأمامية مما أدى الى عدم ثقة بين هذه المجموعات، وصدرت تعليمات من قبل القيادة العامة لوزير الدفاع للقوات النظامية بعدم الابتعاد من موقع قوات الجبهة الثورية وان القيادة العامة سوف ترسل تعزيزات وبالفعل أرسلت تعزيزات حوالي 30 عربة لاندكروزر هزمت قبل ان تصل ميدان المعركة الامر الذي أدى لهروب قوات المؤتمر الوطني وجهاز الأمن والمخابرات ومليشيات حرس الحدود ومخالفة بذلك تعليمات القيادة العامة بالبقاء بالقرب من قوات الجبهة الثورية بعد هزيمة خاطفة من قبل قوات الجبهة الثورية السودانية بالقرب من تروجي وولت قوات ومليشيات النظام هاربة نحو هجليج والخرسانة وتمت ملاحقتهم ومطاردتهم وغنمت قوات الجبهة العشرات من الآليات والأسلحة والزخائر.

تنتهز الجبهة الثورية هذه السانحة لتدعو كافة وسائل الاعلام الدولية والمحلية والصحفيين الراغبين في معرفة الحقيقة الى زيارة أماكن تواجد قوات الجبهة الثورية وتحديدا في تروجي وجاو وانقولا ودبيكايا وسوف ننشر صور الدبابات والعربات والآليات التي غنمتها قواتنا في غضون الأيام القليلة القادمة.

التحية لشهدائنا وعاجل الشفاء لجرحانا
وإنها الثورية حتى النصر
جبريل أدم بلال
إعلام الجبهة الثورية
أمين الإعلام الناطق الرسمي لحركة العدل والمساواة السودانية
06/01/2014


تعليقات 39 | إهداء 0 | زيارات 18875

التعليقات
#879763 [جمعه]
0.00/5 (0 صوت)

01-08-2014 01:07 AM
فى كلام حايم عن إعدامات لعدد من ضباط الجيش فى كادقلى نتيجة لهذه الهزائم......... اى زول ممكن ينفى او يؤكد الكلام الداير دا.. الابيض كلها تتكلم عن الموضوع دا!


#879558 [موتوا بغيظكم]
1.00/5 (1 صوت)

01-07-2014 06:56 PM
بعدكم ياعملاء سيظل السودان دوله فتية بتضحيات ابنائه الكرماء وليس بامثالكم ايها العملاء وحتما سننتصر مهما طالت الحرب ولكم في قرنق موعظة ايها الجبناء الشيوعية المخرفين


#879556 [ودالناموسية الغرباوى]
5.00/5 (1 صوت)

01-07-2014 06:54 PM
يااخى المسمى نفسك سودانى بلا سودانية اولا انا شخصا وفى حياتى كلها حارم نفسى من اكل الكرامات للمتوفيين بالذات ثم ان فهم السؤال نصف الاجابة
من خلال ردك لموضوعى عرفتك من سافكى دماء الابرياء فى دارفور
اتعرف مين الملازم محمد على جكى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وبعدين اذا انت بتدعى السودنه سوف تحصل كارثة اكثر من الوقوف فى صف الرغيف فى بلد معروفة بطبيعتها سلة غذاء العالم
حقيقة راحت عليك معنى سودانى ولك العتبى حتى ترضى


#879487 [علي باحش الدكوك]
5.00/5 (3 صوت)

01-07-2014 05:15 PM
متشعلق كلامك صحيح، لكن الدبابات والكروزرات والمدافع والأربجي والذخائر وأجهزة الأتصالات بتاعة أخوانا الجلابة. عشان كده الجداد الألكتروني أكثر السكلي. بالمناسبة الجداد الألكتروني لم ولن يزرف دمعة واحدة على القتلى والجرحى من جنوده المهمشين، ولكن تهمه بالدرجة الأولى سلامة المعدات العسكرية.

أنت عارف أنا أكتشفت معادلة رياضية جديدة، مريحة جداً للفحص والتأكد لأي أطراف القتال تميل الغلبة، عقب كل معركة عسكرية يعلن عنها. وكذلك بنفس المعادلة يمكن الأستدلال على حجم المعركة كبيرة ولا صغيرة.

المعادلة ببساطة تتعلق بحركة الدولار، نزولاً، صعوداً أو ثباتاً. طبعاً الحكومة يمكنها أن تتكتم على أخبار المعارك أو حتى تتجاهلها، غير أن رجال الأعمار يعكسون حقيقة الواقع.

الدولار أرتفع ======== هذا يعني كفة المعارك تميل للجبهة الثورية
الدولار قفز فجأة ===== هذا يعني أن النظام خسر معدات عسكرية كثيرة ومهمة في جبهات القتال.

بالله كده خلو بلكم من المعادلة دي.


#879376 [ودعمر]
0.00/5 (0 صوت)

01-07-2014 03:11 PM
من يفرح بموت ابناء وطنه جاهل ومعتوه ولا يستحق الانتماء لهذا البلد!!!


ردود على ودعمر
United States [باسطة] 01-07-2014 07:57 PM
كلامك صاح يا ود عمر ، يلا ورينا المؤتمر الوطني ده بينتمي لي وين ؟

European Union [هيئة علماء السودان] 01-07-2014 07:06 PM
وماذا عن من يقوم بقتلهم وتهجيرهم وإغتصابهم؟؟ ، هات فتوى شرعية ؟؟


#879346 [حسين البلوي]
5.00/5 (2 صوت)

01-07-2014 02:39 PM
دائرة السؤ على من ظلم من حرق اهل الجنوب وتسبب فى فصله عن اصله من الزى تسبب فى حريق دارفور وقتل الالاف من قتل مواطنى بورسودان والكجبار ومن قتل شهداء رمضان ومن قتل مجدى وجرجس وغيره من المئات فى بيوت الاشباح ان الله يمهل ولا يهمل نعم أن الله يمهل ولا يهمل لانه لو دمرت كل الكرة الارضبة ومن فيها ما نقص من ملكه تعالى شى .


#879327 [أهل العوض]
3.50/5 (4 صوت)

01-07-2014 02:25 PM
مبرووووك ومزيدا من الانتصارات نطالب بنقل المعركة إلى قلب الخرطوم وخوض حرب شوارع ضد مليشيات الكيزان ومطاردتهم من جحر لجحر دار دار بيت بيت زنقة زنقة ..اقتلوا الكيزان في كل مكان حتى ينادي الحجر:(تحتي كوز فتعال اقتله) .. يتموا اولادهم ورملوا نسائهم ،، فهم سبب الشقاء والبلاء والغلاء الذي يعيشه الشعب السوداني الآن ومنذ ربع قرن فلا تأخذكم بهم رأفة أو رحمة في سبيل استعادة ما تبقى من السودان المختطف.


#879287 [محمد سليمان]
5.00/5 (2 صوت)

01-07-2014 01:43 PM
ما ان نسمع بان الجبهة الثورية قد شتت متحركاً او انتصرت في معركة حتى يهب جمع غفير ليذكرنا بان القاتل والمقتول سوداني وان الحرب لا تحل مشكلة ابداً ثم يذهب البعض بعيداً فيضع (( البيض والحجر في سلة واحدة ))... ثم ما ان تأتي الدائرة على مقاتلي الجبهة الثورية في معركة حتى ترى نفس الاعناق تتلوى شامتة منتشية والتي تستحي منها تتلحف صمت المقابر .....
انهم يتلمسون الباطل في سروال الحق .... وكأنهم لا يعلمون متى ولماذا سندت الجبهة الثورية يدها على الزناد و (( طلّقت )) الطورية والحشاشة.....وكأنهم لم يسمعوا في اليوم البعيد الدعوة التي اطلقها السفاح متحدياً من اراد ان يأخذ حقه في الثروة والسلطة....


ردود على محمد سليمان
European Union [ansary] 01-07-2014 06:47 PM
This is the right 100%


#879240 [حاتم أب تفة]
0.00/5 (0 صوت)

01-07-2014 12:42 PM
اللهم نصرك الذي وعدت


#879202 [salah El hassan]
5.00/5 (3 صوت)

01-07-2014 12:02 PM
لكم الهنئة يا ابطال وللشهداء الجنة ولكلاب ومرتزقة الكيزان الخزى والعار وعاش نضال الشعب السودانى ...


#879135 [حمدي]
5.00/5 (8 صوت)

01-07-2014 10:59 AM
وين الاهبل جمال فرفور -- خلييه يلبس كاكي و يغني ليهم :
دخلوها و صقيرا حام
حرامية كضابيين منافقيين جبنا و الفيكم اتعرفت


#879130 [shaw]
2.63/5 (6 صوت)

01-07-2014 10:56 AM
انا اسأل الجبهة الثورية دايرة تحكم منو يعني ، إذا كان بالعنصرية البتكلم بيها عبد العزيز الحلو دا .. حيث قال ما شفنا حاكم واحد اسمو ابكر او كوكو ودائماً الحاكم محمد احمد ويعني العرب ( انت مش كنت حاكم للعرب نفسهم في جنوب كردفان في زول قال ليه أنا حاكني دا ، عقار مش كان حاكم النيل الازرق وأكثرهم قبائل عربية في زول قال ليه حاكمني دا ...


ردود على shaw
United States [AburishA] 01-07-2014 03:51 PM
يا shaw
راجع كلام الأخوين (زول فاهم)و (محمد أحمد) كويس قبل ما تدخل الامتحان.. ديل ناس أدوك نصيحة غااااالية.. عشان ما تسقط كلو مرة وتعيد!!!

[زول فاهم] 01-07-2014 12:16 PM
الهروب للامام في المشكلة السودانية ما بحل القضية ,, وعقار والحلو الاستشهد بيهم هم الان خارجين على النطام وبيقاتلوا فيهو ,, في السودان في ازمة حكم حقيقي ,, الحلو لمن قال ابكر وادورب من حقهم يحكموا زي ما محمد احمد قاعد يحكم منذ استقلال السودان وحتى الان , قصد الرمزية المناطقية للاسماء دي , يعني الاقاليم البتمثلها الاسماء دي! ال هي مهمشة سياسيا وما في ذلك شك , الا لمن يريد ان يغلق عينيه عن رؤية الحقيقة ,, فمثلا , يمكن ان تجد وزير المالية من دافور ولكن كل هيكل النطام المالي مسيطر عليه من قبل جهة جغرفية واحدة : من وكيل الوزارة , لمدراء الادارات , فمحافط بنك السودان , ومدير سوق الخرطوم للاوراق المالية , وكل مدراء البنوك , بل حتى فروع البنوك هذه في الولايات المهمشة ينتدب لها اشخاص من هذه الجهة الجغرفية , لمــــــــاذا؟؟؟

من يعتقد ان السودان سوف يستمر بنفس هيكليته من تهميش واضح وباين لاجزاء كثيرة منه نتج عنه حتى الان انفصال للجنوب , فهو وااااهم ,, هناك حرك يتشكل و وعي ضاغي بالحقوق سيؤدي حتما لاعادة هيكلة الدولة السودانية على اسس العدل والمساواة

[محمد احمد] 01-07-2014 12:07 PM
خليك من دس السم في العسل الجبهة الثورية طرحها واضح لا فيهو عنصرية و لا شي العنصرية معشعشة في دماغك الخرب و في دماغ البشير و المرتزقة الحشدهم لكن ده ما بيوقف الطوفان و التغيير ات رضيت ام ابيت و البيان بالعمل في الميدان


#879127 [حواء بت ابكر]
3.00/5 (2 صوت)

01-07-2014 10:53 AM
ووووووووووووووووووووووووووووب علي يا يا اخواتي ناس الجبهة ديل كدابين كدب
بقو زي ناسالجبهة الديموقراتية


ردود على حواء بت ابكر
United States [ابو نور] 01-08-2014 04:37 AM
بنعرف الدجاج الالكترونى اشباه رجال لكن دى حاجة جديدة على منبر الراكوبة تظهر لينا فروجة ماشاده حيلة ومفزورة كمان الظاهة الدجاج الالكترونى بقى حائل فى ديوك الجبهة الثورية


#879120 [ودالناموسية الغرباوى]
4.97/5 (8 صوت)

01-07-2014 10:43 AM
احب اقول للقراء الكرام ان هذه المعلومات كلها حقيقيه امس الاثنين كانت كرامة الملازم محمد على جكى بحى الرياض نيالا
والله يمهل ولالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالا يهمل


ردود على ودالناموسية الغرباوى
[السوداني] 01-07-2014 05:22 PM
لعنة الله عليك ماكل كرامتو وفرحان بموتو!!! لانريد وطن مع امثالك ياغرباوي

United States [انقسناوى] 01-07-2014 05:21 PM
اوعى يا ناموسية من باعوض نيالا اعمل حسابك ونرجو تاكيد بقية الكرامات السابقة واللاحقة واى زول بحارب بالوكالة زول بليد ومغفل وباذن الله سيهزم الجنجويد وكل المرتزقة الذين تم شراءهم بالمال لقتال المستضعفين والمهمشين والغبش.


#879104 [AburishA]
4.94/5 (9 صوت)

01-07-2014 10:17 AM
مبروك يا ثورية يا جبهة...النصر حليف دعوات اليتامي والارامل والثكالي.. والمظلومين والغبش.
مجريات الاحداث في الميدان وبعد الهزائم المتتالية.. تشير الى أنه قد يندلع قتال عنيف فيما بين القوات الحكومية من جهة وبين مليشيات النظام الجنجويد .. هناك خلافات شديدة... والروح المعنوية في الحضيض..الجنجويد مليشيات همجية لا تأتمر بأوامر الجيش.. بل بأوامر على عثمان الذي (دق الدلجة) كما ان مقتل العقيد (جنجويد) ابراهيم احمد والعقيد (أمن) ابراهيم حسين.. يشير الى أن جنوب كردفان ستكون مقبرة للغزاة.. ومحرقة لجهاز أمن النظام ولا عزاء...
لا بديل الا.. رضوخ النظام لآمال وتطلعات الشعب السوداني البطل.. لا بديل الا.. الرحيل.. لا بديل الا..دولة المواطنة والحقوق والحرية..دولة المؤسسات والدستور.. السودان لكل السودانيين.
التحية للأبطال .. ولانامت أعين الجداد الالكتروني....


#879061 [Aseel]
1.25/5 (5 صوت)

01-07-2014 09:48 AM
كضب X كضب


#879060 [Aseel]
2.00/5 (4 صوت)

01-07-2014 09:47 AM
كضب x كضب


ردود على Aseel
United States [ابو نور] 01-08-2014 04:45 AM
ماقلت ليكم جداد الكيزان قلب كلها وبقى ماشادى حيلو شئ اسيل وشئ حواء اعملوا حركاتكم دى ياجداد ابطال الجبهة الثورية مصاقرين السلاح والخلاء سمهم فاير والله يلموا فيكم ياجداد مش انتفوا ريشكم ........

[زول ساي] 01-07-2014 05:30 PM
كاك كاك

United States [AburishA] 01-07-2014 03:37 PM
يازول لو مليون كضب الشرفاء فرحانين بيهو... رأيك شنو يا Ass

United States [شاور] 01-07-2014 12:10 PM
ما في كضب هنا دي ما تصريحات البشير و لا الصوارمي ده كلام الرجال يا أسيل

United States [الصليحابي] 01-07-2014 10:34 AM
الفيك بادر بيهو ، يا Aseel يا كضاب ، يظهر الكلام دا أصابك في مقتل ، وانتظر الصور اللي تفقع مرارتك .


#879045 [مواطن]
1.00/5 (2 صوت)

01-07-2014 09:31 AM
الخاسر هو الشعب السودانى مهما كان الميت من الجانبين سودانى يارب احقن دماء السودانيين من الجانبين لان الحرب نقص فى الانفس السودانية اللهم اهدى الجميع لن يكون هنالك رابح طالما هنالك شخص يموت


ردود على مواطن
[ابوسعد] 01-07-2014 03:06 PM
انت مواطن صالحوكلامك صاح والحرب لن تحل مشكلة وان صح ما يقوله المتمردون فان الخاسر هو انسان جنوب كردفان الذي فقد بهذه الحرب التنمية والاستقرار والامن

[sasa] 01-07-2014 12:30 PM
ياسيد يامواطن ماذا نخسر اكثر من 25 سنة ومن اخلاقنا وقيمنا ومثلنا واموالنا وثرواتنا وارضنا التى احتلت من مصر واثيوبيا وتشاد واريتريا ... انت تابع او منتفع او امنجى ..... والعذر لك ان كنت غير ماذكرت


#879024 [kacho]
4.75/5 (5 صوت)

01-07-2014 09:14 AM
أولا المجد والخلود لقوات الجبهة الثورية. أين المدعو صوارمي خالد سعد. قبال كدة قلناليكم الحداث ماسواي والبتنبر قدام الناس بالذات لما بشوف الثياب ما بداوس . المدعو صوارمي قبل ثلاثة أيام أعلن عن أنتهاء المرحلة الاولي من العمليات العسكرية في المنطقة الغربية وذلك بدخولهم أنقولو وتروجي. لكن عشان تعرفوا الناس ديل مدنيين ما بعرفوا الجيس ما فكرو شوية في الكلام البقول ( الدخول ههههههههههين لكن الخرووووووووج كيف).باكر تعال ثاني. حمدتي أرجوك تحافظ علي أولاد دارفور وبعدين أنت أفهم من موسي هلال؟ وين كوشيف؟ قالوا الحكيم من تعلم من غيره أما الغبي من يتعلم من نفسه لعلك من الاغبيا. الله نجاك اليوم و أمهلك وقت لتفكر جيدا وترجع لناس دارفور والبشير والصوارمي الكذاب بالخبر اليقين. يجب علي المرجفين و المنافقين أن يعلموا أن اله الجبال موجود وقدير.وو أيضا نذكر المغفل الذي سأل قبل أيام علي صفحة راكوبة عن بيانات الجيش الشعبي عندما تحدث عن ضغط الامم المتحدة علي الطرفين بضرورة وقف اطلاق النار بغرض تطعيم الاطفال. قلنا له ستسمع بيانات الجيش الشعبي عندما تحاولوا المساس بهؤلا الاطفال.باكر نواصل


#878993 [القصير الفات الطوال]
2.50/5 (2 صوت)

01-07-2014 08:51 AM
يا ناس الحركة/ الحركات، معظم ان لم يكن كل الجنود بالقوات المسلحة أو فيما يسمى حرس الحدود من أهــل الهامش، وهم في الاصل فاقد تربوي فقد بوصلة التعليم ، دفعهم الفقر ان يكونوا ضمن قوات الشعب المسلحة. إذا ، القاتل والمقتول من الجيشــين هم اصلا من أهــل الهامـــــــش الذين تدعون انكم تدافعون عنهم ، كذلك مناطق القتال وساحة الحرب هي ارض الهامش والناس الفيها ناس بسطاء لا حول لهم ولا قوه.

إذا كنتم فعلا تتبنون مشاكل الهامش يجب عليكم ان تغيروا تكتيكم . بإسلوبكم الحالي في ادارة الحرب سوف يطول الامد بالمناطق المهمشة وتزداد كل يوم تهميشا وتخلفــا وفقرا ، ولكم في جنوب السودان عبرة ، إذ كما ترون نال اســتغلاله لكــن ولانهــم جعلوا منطقة الجنوب ساحــة حرب فقد نالــوا الاستغلال ولم يجــدوا الحــد الادنى من الخدمات أوالتنمية.
المستهدف ينبقي ان تكون ممتلكات النافذين من الحزب الحاكم ثم افراد الحزب الحاكم ثم اسرهم ثم ممتلكات الجيش ثم ضباط الجيش المنتسبين " للمشروع الحضاري ". وان متاكد ان انفجار قنبلة صغيرة في عربة مجروس فاضي في داخل حامية كوستى أو حتى داخل القيادة العامة في الخرطوم سوف يسحب حماة الحزب الحاكم من كردفان الى كوستى بـل الى اطراف او داخل الخرطوم وهكذا نجعلهم يتراجعون حتى مشارف القصر الرئاسي . حرب العصابات هي الافضل، انتشار الخلايا صغيرة لضرب اهداف نوعية في او قريبة من الخرطوم هو الامثل . لذلك حتى نشتت جهد العصابة الحاكمة .
أعـــلاه ليس دعــوة للحرب، فالحرب قائمــة وقودهــا الجهل والظلم والمحســوبية والتهميش، وقتل المسلم كما تعلمون اكثر حرمــة من هـــدم الكعبـــة ،لذلك نبدا بتدمير ممتلكاتهم ، فمثلا تدمير محول كهربائي امام مزرعــة نافــــــــــــــع البغـــيض او محــول اخــر خاصة بمزرعـــة وداد مفعولــة في تقديري أقوى واجــدى من تدمير متحرك الى كردفــان او غيرة.


ردود على القصير الفات الطوال
European Union [Abdella] 01-08-2014 12:27 AM
اسرهم ليس لديهم زنب نستهدف افراد المؤتمر اللاوطنى فقط

European Union [عطوى] 01-07-2014 06:01 PM
المدعو (القريش) ؟؟؟؟

يااخ نحنا مش فى حصة بتاعة لغة عربية انشالة يكتب الغين كاف يااخ اى واحد خاشى لينا بصححح فى المعلقين ؟؟؟؟

كاتب التعليق غير مطالب بتدقيق لغوى ونحوى واملائى فاهم ولا لاء ؟؟

لانة ببساطة هو مش كاتب عمود او محرر اخبار .. انسان بيعلق وبس

اى واحد خاشى عامل لينا فيها سيبيوية ومصصح لغوى كرهتونا ...

Hong Kong [الهامشي] 01-07-2014 04:26 PM
قــلت الحق ، ان مفعول إنفجار قنبلة مزروعــة في عربــة داخل أي قيادة للجيش مفعولها أكثر من تدمير لواء كامل من الجيش السوداني ، لانــو ببساطــة افراد هذا اللواء في تقديري هم كلهم من ابناء الهامش ، يعني بالعربي الفصيح ما عندهم سيد وجعــة داخــل العاصمــة. وكما قلت فليبداء الثوار بتغيير تكتيكهم وتكون البداية مثلا المحول الكهربائي الذي يقذي مزرعــة وداد او الذي يقذي قرية حــوش بانقـــــــــــــــــــــــــــــــــــــــــــــــــــــــا

[ابوسعد] 01-07-2014 03:08 PM
انت العاقل ولقد اسمعت لو ناديت حيا ولكن لا حياة لمن تنادي

United States [القريش] 01-07-2014 02:10 PM
عليك الله يالقصير ارحمنا شويه وحاوا ان تفرق بين القاف او الغين وعليك ان تنال بعضا من الدروس فى ابجديه العربيه ياخى الفرق واضح بين معنى كلمه الاستقلال والاستغلالindependance&exploitation لذلك خلى التنطع(لكــن ولانهــم جعلوا منطقة الجنوب ساحــة حرب فقد نالــوا الاستغلال ولم يجــدوا الحــد الادنى من الخدمات أوالتنمية).(إذ كما ترون نال اســتغلاله لكــن )ولك مودتى!


#878923 [الليل]
0.00/5 (0 صوت)

01-07-2014 07:53 AM
يا اخواني فهمونا دي اسماء سودانيين وديل من النيجر ودول الجوار كما نسمع؟


#878872 [AL KIRAN]
0.00/5 (0 صوت)

01-07-2014 07:04 AM
Up next HIGALEEG in HIGALEEG in, in


#878838 [ود البلد]
4.88/5 (6 صوت)

01-07-2014 04:17 AM
للذين ينظرون الاخرين لدفع الظلم عنهم نقول
اعدوا لاسقاط حكومة الاخوان اليوم ...
المجد لهؤلاء الثوار و الخزى والعار للذين
استغلوا الدين و لا زالوا ويجب كنسهم
على العسكر الشرفاء الانضمام للجبهة الثورية
او فتح جبهة جديدة ضد المتأسلمين ...
اننا نريد إتحاد أقاليم الشرق والغرب
والشمال والجنوب و الوسط وتفتح الطرق بين الاقاليم
وتكنس الدورة الخبيثة((عسكر - طائفية )) الى الابد
نبارك لكم نصر لهدف كان يجب ان يعمل له الجميع
و منذ زمن بعيد .... للذين يحلمون بالمؤسسة الطائفية
و وظائف العسكر نقول لهم بااااااااااي باااااااااي
و كفاية عليكم بلع وترف على حساب المساكين
50 % من موارد اي أقليم له
40 % تجمع من كل الاقاليم وتكون للخدمات تعليم صحة وغيره
10 % لتسير الحكومة فقط
قسمةالثروة والسلطة معنى بها الشعب لا الحكام


#878770 [احمد البقاري]
4.50/5 (4 صوت)

01-07-2014 12:33 AM
إذا استمر بشة وبطانته، الذين يقتلون بأسم الله ويسرقون بأسم الله ويزنون ويمارسون اللوووط فيما بينهم بأسم الله في حكم السودان، سيتسول سكان ضفاف النيل وروافده جرعة مياه الشرب ولن يجدوها إلا بشق الأنفس.


ردود على احمد البقاري
United States [احمد البقاري] 01-07-2014 04:51 PM
الأعزاء الأفاضل من معلقي وقراء الراكوبة، أود التنبيه بأن تعليقي أعلاه خاص بالخبر الذي أوردته الراكوبة الغراء تحت عنوان: نضوب النيل الأبيض بالخرطوم !! وأصبح بعض الناس يعبرونه سيراً على الأقدام.

ضل طريقه إلى هنا خطأ، فلزم التنوية.

وشكراً


#878744 [Haba kamba]
0.00/5 (0 صوت)

01-07-2014 12:03 AM
والله غايتو طيب انا شايف صورة القائد حميدتى دا مالو اغبش اغبش كدى كانو خارج من الجحر ؟؟؟؟ والله الناس دول ما وصلو البلد بالعافية والله ]] = [[ لانو ظاهر عليهم من خلال صورهم دى شافوا حاجة بسيطة من الجبهة الثوووورية \\\\ والله الكرورااااك والبكي وصيوانات العزاء بكثرة \\\\ تانى ما فضل الا العاصمة = التحية للابطالنا الاشاوس ارمؤ قدام للخرطوم جوة والنصر قريييييييب جدآ !!!!


#878741 [احمد البقاري]
4.63/5 (10 صوت)

01-06-2014 11:54 PM
مثلما أرخت معركة شيكان لبداية نهاية الحكم التركي في السودان، ستأرخ معركتي تروجي والدبيكايا لبداية نهاية حكم مؤسسة الجلابة التاريخية في السودان. مثلما دقت معركة شيكان أول مسمار في نعش حاكم الخرطزم غردون باشا، ستدق معركتي تروجي – الدبيكايا أول مسمار في نعوش قادة مؤسسة الجلابة الثلاث الصادق، الميرغني وعمر البشير.

ألف مبروك لأبناء شعبنا بسحق فلول الخسة والغدر من كتائب نافع ومليشيات المرتزقة المأجورة بواسطة ثوار جبهتنا الثورية الفتية.

وثورة حتى النصر المبين

احمد البقاري


ردود على احمد البقاري
European Union [عطوى] 01-07-2014 06:25 PM
الاسمو (احمد البقارى) من اى المراحات (ترعى) ؟؟ عيال ابوزيد ولا اولاد إحميد ؟ ولا عربانى ام عدلانى ام اجير لعيال ابوزيد احفاد حاازم الاجدب ؟؟

والله تشابة علينا البقر ...

فى تعليقين لنفس الاسم ؟؟؟

لكننى اشك بان التعليق الثانى ياما دجاجة اكترونية قصدها بث الكراهية ؟؟ او شخص ثورى من اعضاء الجبهة الثورية يرمى بتعليقة البايخ هذا الى تحريض البقارة للقتال فى صف الجبهة الثورية ولكنة اسلوب خبيث اشبة باساليب الكيزان الملاعين ...

والله تشابة علينا البقر ....

European Union [جلابة وأرناؤوط !!!!!!!] 01-07-2014 03:06 PM
ياأخونا إنتا جداد إلكترونى ولا شنو ؟؟ جلابة شنو وأرناؤوط شنو !! الناس بتكلموا عن سودان جديد مدنى ديمقراطى تعددى مؤسسى ما فيهو إقصاء لأحد حلبى ولا نوباوى ولا بجاوى ... تجى تقول جلابة وفرناغة !!

European Union [محمد سليمان] 01-07-2014 01:40 PM
احييك واحيي البقارة زاتو....!!!!!!

و احيي البقارة في جنوب كردفان الذين إنضموا الى الجبهة الثورية ...

United States [الليل] 01-07-2014 07:58 AM
والله يا احمد انا شاكي في قصة بقاري دي؟ هل من البقره ولا من القبيلة .وان كانت من الثانية فالدنيا بخير. وعرفا حاجه جديده انه ما كل البقاره جنجويدومطبلاتيه ومنفعجيه.

United States [ابو عناد] 01-07-2014 06:32 AM
ياأحمد ...ماعهدنا فيك ..خلال تعليقاتك ..الحياد عن أدب الحديث ..أفلست ؟؟ ..
لاتفقد اناقتك في الكتابة ..رجاء !

European Union [الكلس] 01-07-2014 03:07 AM
احييك واحيي البقارة زاتو....!!!!!!


#878716 [ساب البلد]
5.00/5 (1 صوت)

01-06-2014 11:17 PM
********** يا اشاوس الثورية نريد صور للغنائم و الاسري ********** حتي نرتاح من مككاكاة الجداد اللكتروني ************ الي الامام يا اسود الجبال *****************





******** كسرة **************

******* وين الصرمة *********** المرة ح يكذب يقول شنووووووووووووووووووو ؟؟؟ ************


#878695 [قطبى]
3.00/5 (3 صوت)

01-06-2014 10:36 PM
الصور فى غضون الأيام القليلة القادمة؟


#878691 [المنجلك]
5.00/5 (3 صوت)

01-06-2014 10:32 PM
الحقيقة يجب ان تكون فى ايدى الجميع

1- هذه الحرب لم تغطى اعلاميا" خاصة من قبل الحكومة التى تخفى الكثير من الحقائق
2- مهما بلغ عتاد الحكومة وجيشها فهى مغامرة غير مضمونة العواقب ولايمكن حسم التمرد عسكريا" بهذه البساطة
3- هناك تفوق نوعى من قبل الجبهة الثورية الروح المعنوية وعنصر المفاجة


#878688 [من تل ابيب]
4.88/5 (4 صوت)

01-06-2014 10:19 PM
مسكين الذي يتحدث ويقول عايذ صور الجثث تجار الدين زارعي عنصرية نقول لك لا يسمح لنا ديننا الحنيف بنشر صور الموتى ما دينك انت الذي يسمح لك بنشره واقول الحرب ليست بالعدد او الكم انما بالنوع مسكين اتعلم القواعد وبعد ذالك الكيبورد


ردود على من تل ابيب
European Union [هيئة علماء السودان] 01-07-2014 02:27 PM
سأنى أحدهم ، ماحكم الوجود فى تل أبيب ،، أقول وأمرى لله ، من وطأت قدمه أرض إسرائيل ، سيدخل نار جهنم خالدا فيها ، حتى إن عبر بمجاله الجوى ، حتى ان ذهب الى هناك للدعوة فى سبيل الله ، حتى إن صلى فى المسجد الأقصى ذاته ، فطالما هو سودانى فإن دخوله دولة إسرائيل يقاس على أكل لحم الخنزير والميتة والنطيحة وما أكل السبع ،، هذا والله أعلم ،،، كلامك عين العقل يا حقانى .. وتحياتى الى صديقى الطيب مصطفى..

[Abd Allah Alfagheer] 01-07-2014 09:59 AM
يا الحقانى الزول دا احتمال يكون قاصد بالدين الحنيف اليهودية لأنو قاعد فى تل أبيب !!!!

United States [الحقاني] 01-07-2014 07:32 AM
دين حنيف ومن تل ابيب عجبي!!!!!!!!!!!


#878682 [Mohamed]
5.00/5 (5 صوت)

01-06-2014 10:09 PM
الصوارمي مشي وين ما سمعنا منو شئ راح مع الرايحين في الغابة ام حيران يقول شنو


#878680 [TIGERSHARK]
5.00/5 (3 صوت)

01-06-2014 10:06 PM
المنطقه منطقه عمليات وخطره ، زول بجيكم مافي....اكان عندكم حاجه اهي الراكوبه قدامكم املوها صور وفيديوهات...مامكذبنكم لكن كرهتونا بشغلكم الميت ده..اصحو شويه.


ردود على TIGERSHARK
United States [الصليحابي] 01-07-2014 10:43 AM
كلامك صح 100% فقط جهاز موبايل وتنشروا الصور في جميع وسائل الإعلام والشغلة ما عايزة ليها يوم أو يومين


#878677 [Emesary]
5.00/5 (1 صوت)

01-06-2014 10:05 PM
حرس الحدود ديل كلهم ضباط ؟ الظاهر المؤهل بكالوريوس جغرافيا- لزوم فهم الخرائط وكدا يعني !


#878672 [متشعلق]
5.00/5 (1 صوت)

01-06-2014 09:57 PM
الاحظ ان الاسماء اغلبها ينتمى اهلنا فى غرب السودان ؟؟؟؟


ردود على متشعلق
European Union [الكلس] 01-07-2014 03:03 AM
انا متفق معاك هي الحرب في السودان كلها كانت في الهامش والقاتل والمقتول مننا في الهامش سواء كان في الجنوب السابق او الجنوب الحالي او دارفور او الشرق او حتي في وسط الخرطوم
لذلك هذه دعوة لتصيحي مسار الثورة وتحويلها الي ثورة شعبية سلمية بقيادة طلابية ونشطاء شباب سياسيين شرفاء

[متشعلق] 01-06-2014 11:56 PM
يا الكلس طيب الفايدة شنو. مهمشين بنقتل فى مهمشين ؟

United States [Mohamed] 01-06-2014 11:32 PM
ههههههههههه قال ليك حرس حدوووووووود يعني عرب دارفور

United States [ود النوبة] 01-06-2014 11:24 PM
هو غيرنا نحن ناس الغرب المضيع السودان منو تاني !!!!!!!!!!!!!!!!!!!!!!

European Union [الكلس] 01-06-2014 10:33 PM
انت صحيح متشعلق
حرس الحدود دا من شندي يعني؟


#878662 [الحقيقة مرة]
5.00/5 (13 صوت)

01-06-2014 09:40 PM
كما حرر اسلاف هؤلاء الفتية الغبش الشاوس يوما عاصمتنا من براثن المستعمر الاجنبي سيقوم احفادهم اليوم بتحريرها من براثن المستعمر الوطني وتطهيرها من رجسه الى الابد لا تعبئوا بالمرجفين والعبيد ايها الاحرار الزاحفون على جمر القضية كل شرفاء السودان العزل العاجزن عن القتال الذين حصدهم رصاص الخسة والنذالة حتى المشفقون علينا من نار الحروب تردد قلوبهم معكم سرا: كل القوة كافوري جوة وما في حل غير البل


#878658 [radona]
3.00/5 (1 صوت)

01-06-2014 09:34 PM
اولا لم نكن نعرف ان كل هذه المواقع تحتلها الجبهة الثورية
ثانيا ان العهد الذي قطعه الرئيس ان هذه نهاية التمرد
ومع ذلك نرجو من الحكومة والجبهة الثورية نبذ الحرب وايقاف الاقتتال وضبط النفس
والانخراط في حادثات جادة


#878638 [ali]
2.63/5 (4 صوت)

01-06-2014 09:13 PM
تعرف انت والله تفوقت علي الصحاف. طيب انت قدرت تحصي كل هؤلاء القتلي وباسمائهم ما قادر تلز ليك صورتين تلاته!!!!! ام منتظر الدبلجه!!!!! نعم هنالك معارك عنيفه جدا دارت ولا استبعد ان يكون هنالك عدد كبير من القتلي ولكن ليس بهذه الضخامه.. قال مئتين قال. اذا كان العدد بهذه الضخامه فمن الؤكد ان خسائركم اضعاف هذا العدد بكثير نسبه للفارق في العدد والعتاد بين جيش نظامي واخر لا يجيد غير حرب الغوريلا. خليكم صادقين مع نفسكم ومع الناس بدل لتباع سياسة الكيزان.


ردود على ali
United States [ود النوبة] 01-06-2014 11:37 PM
قال جيش نظامي اصحى يا نايم انت من زمن الجيش النظامي دا جيش كله ضباط ديل جنجويد ( انبش) تعرف يعني شنو انبش . قال جيش نظامي ديل بجيبو ليهم الرتب بالشوالات كل واحد منهم يدخل يده في الشوال و يأخذ علامة يركب على كتفه اليمين رتبة عميد و على كتفه الشمال ملازم اول . قال بدل اتباع سياسة الكيزان و انت تطلع شنو ابريق و لا حلة عصيدة .

United States [كاك] 01-06-2014 10:30 PM
لتباع سياسة الكيزان. عياز تقول انك ما كوز صدقني انك كوز للنخاع

United States [هجام] 01-06-2014 10:25 PM
أخونا علي أبشرك الصور جاياك أصبر لينا يوم يومين حتى نحصر كلما لدينا من غنائم وأسرى لأن العدد كتير كتير كتير شديد وما في واحد حا يصدق إلا نعرض ليكم الصور من ضخامة القتلى والأسرى والغنائم

European Union [اليتيم] 01-06-2014 09:36 PM
عوز صور ميتين امشي صورهم الزول جاب لك اسمائهم ما داير تصدق يعني لقاهم من بيوتهم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
8.86/10 (7 صوت)




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة