الأخبار
أخبار إقليمية
حسن هلال : صفقة فول الصويا غير مسرطنة وستدخل البلاد
حسن هلال : صفقة فول الصويا غير مسرطنة وستدخل البلاد
حسن هلال : صفقة فول الصويا غير مسرطنة وستدخل البلاد


01-08-2014 09:49 AM
الخرطوم: فاطمة غزالي
قللت وزارة البيئة من خطورة صفقة فول الصويا المتهمة بالسرطان وقالت لا يوجد في السودان مواصفة معلنة لتحديد نسبة التحور وراثياً ولا مختبرات يعتمد عليها وأكدت خلو البروتين من المواد المسرطنة وتمسك وزير البيئة ورئيس مجلس السلامة الإحيائية حسن عبدالقادر هلال بقراره القاضي بدخول صفقة بروتين فول الصويا الذي يدخل في تصنيع بعض المأكولات المكونة من اللحوم وقال هلال - إن نتائج المسح الدولي في المعامل الأوربية التي رشحتها هيئة المواصفات والمقاييس للمستمثرين أكدت خلو البروتين من المواد المسرطنة، ووصف قراره بالمنصف وكانت هيئة المواصفات والمقايس حملت الوزير مسؤولية دخول بروتين الصويا المحور وراثياً، وأضاف أن المعامل الأوروبية أقوى من أية جهة في العالم وأرجع ذلك لحرص المنظمات الحقوقية الأوروبية على معايير السلامة الإنسانية، وقال إنه اتخذ قراره لفض النزاع بين المواصفات والمستثمرين بعد أن لجأ إليه المستثمرون بحثاً عن الإنصاف، وأضاف جاء قراري وفقاً للاعتماد الأوروبي في اجتماع ضم كل من رئاسة الجمهورية ممثلة في نائب الرئيس حسبو محمد عبدالرحمن ووزير شؤون الرئاسة بمجلس الوزراء ووزارة الاستثمار، ومدير عام المواصفات، ورئيس اتحاد أصحاب العمل وشعبة منتجي اللحوم، وأشار إلى أن بروتين فول الصويا مستخدم في اللحوم في كل من السعودية ومصر بنسبة (60%) وفي السودان بنسبة (25%)، وبشر بأنهم بصدد استجلاب معمل مركزي للسلامة الإحيائية والمواصفات لتوفير الفحص المحلي عبر خبراء سودانيين بالاستعانة بالتجارب الدولية.

الجريدة


تعليقات 9 | إهداء 0 | زيارات 2235

التعليقات
#880610 [ود كترينا]
5.00/5 (1 صوت)

01-08-2014 04:55 PM
*** طبعا...مالازم تقول كده...لأنو الصفقة بتاعت فول الصويا المستوردة رئيس حزبك جلال الدقير...وعشان سمعت انو الراجل حيشيلك انت واشراقة سيد محمود قبل المؤتمر العام داير تكسر ليهو تلج فى البرد ده عشان يخليك....لكن الأمور تتلخبط قبل كده...والكشة جاية....حكومة عريضة...حكومة نص كم...كلكم ماشين السجن...كن مستعدا....وينك ياسيسينا وينك...!استعدوا للمحاكم...أوصيك بقبيلة سبدرات أمسك فيهو قوى!


#880478 [جنرال زمان]
5.00/5 (1 صوت)

01-08-2014 02:05 PM
طيب هو مافي مختبرات ولا مواصفة معبنة في سودان الجن دا يعتمد عليها، تقوم إنت ومعاك حسبو صيوان تقرروا إنو الصويا دي صالحة للاستهلاك والإسراع في هلاك باقي الشعب السوداني الفضل!! (تلحقنا وتنجدنا يا ود الميرغني الكبير والصغار كمان)، علي كل من اليوم وبموافقة سكان الراكوبة هذا الوزير نسميه حسن صويا، أظن الاسم ظابط % ولا شنو؟ بالمناسبة ما علاقتك يا حسن صويا بالرجل الرائع محمد عبد القادر هلال؟


#880471 [المتفائلة جدا]
5.00/5 (1 صوت)

01-08-2014 01:59 PM
انا قلت ليكم المتعافى شغال من منازلهم ما سمعتونى..جاكم كلامى ؟؟ وباقى الشلة كلهم شغالين من منازلهم..وبعدين ياناس فول الصويا ده غير مايكون مسرطن بيحفز هرمون الإستيروجين يعنى ما ينفع نأكلوا لأولادنا ..لكن طالما الجماعة مصممين يدخلوهوا بيدخل زى الترتيب ما القطن المحور دخل ...وتقاوى القمح الفاسدة دخلت ..و بذورعباد الشمس قبلهم دخلت ..وماخفى أعظم لك الله يابلدى الحبيب


#880468 [ود البلد]
0.00/5 (0 صوت)

01-08-2014 01:56 PM
قاطعوا شراء هذا الطعام نعم هم مجوعين الناس
عشان يجبروهم فانتم امام خيارين
المقاطعة للاغذية المشبوهة
او حمل السلاح على الظالمين


#880317 [radona]
2.50/5 (3 صوت)

01-08-2014 11:53 AM
ياجماعة اكلوا ساكت والمرض والموت من عند الله
لكل ساقط لاقط
المهم فول الصويا ده وصل والجهة المصدرة ( المنشأ) قبضت قروش خطاب الاعتماد يعني دايرننا نبيده ولاشنو .. المهم اي واحد قبل الاكل يقول باسم الله ويقرأ آية الكرسي حرزا من الشيطان والامراض
اما بذرة القطن بتاعت القطن الممحور وراثيا ارجو مخلصا لوجه الله تعالى من الجماعة ان لايعصروها زيت لاكل البشر ولا صابون لاستحمام البشر او خلطها مع الزيوت المستوردة في المخازن ..
واذا فيه طريقة احفروا حفرة عميقة جدا وادفنوا فول الصويا ده لانه بمرور الزمن سيتحول الى بترول من النوع الممتاز ( الحلو) وبذلك يكون جزاكم الله خيرا قد عملتم من اجل تنمية موارد بلدكم
هو ياجماعة وزير البيئة ده من التشكيلة الجديدة ولا باقي من القديمة
ما قلنا دايرين نفتح صفحة جديدة ونحارب الفساد ولا شنو رجعتوا في كلامكم ولا شنو


#880284 [موسى محمد]
4.00/5 (1 صوت)

01-08-2014 11:12 AM
هو دا الكريه دا مؤهلاته شنو غير التطبيل حتي يفتي في شأن صلاحية السلع والمنتجات من عدمها.


#880272 [بت كردفان]
5.00/5 (1 صوت)

01-08-2014 11:03 AM
صمت دهرا ونطق كفرا حسن هلال بقي يصرح يا ربي استشار سيدي


#880212 [ابوفارس]
4.50/5 (2 صوت)

01-08-2014 10:25 AM
معناها مسرطنة .. اي نفي للحكومة دي معناها تأكيد .. لقد خبرناهم جيدا ..,,,


ردود على ابوفارس
[ودالمهدي] 01-08-2014 01:41 PM
علي الطلاق بالتلاته يا أبو فارس كنت عاوز أكتب نفس الكلام الانت كتبتو بالحرف



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة