الأخبار
أخبار إقليمية
طبيبة سودانية تتعرض للضرب المبرح بالعقال على يد شاب سعودي
طبيبة سودانية تتعرض للضرب المبرح بالعقال على يد شاب سعودي
طبيبة سودانية تتعرض للضرب المبرح بالعقال على يد شاب سعودي


01-10-2014 01:10 PM

الجوف - القريات : تعرضت طبيبة سودانية للضرب المبرح بالعقال على يد شاب ثلاثيني كان برفقة زوجته في قسم الطوارئ بمستشفى القريات العام حيث تم أبلاغ الشرطة والتي حضرت سريعـًا وألقت القبض على المعتدي واحتجازه وتنويم الطبيبة لتلقي العلاج .

وأوضح الناطق الإعلامي بشرطة منطقة الجوف العقيد الدكتور تركي عبدالرحمن المويشير أن شرطة محافظة القريات ضبطت أحد المواطنين في العقد الثالث من العمر لقاء قيامة بضرب طبيبة وافدة أثناء قيامها بعملها بمستشفى القريات بسبب خلاف بينهما اثناء معالجتها لزوجته واشار المويشير انه تم إيقاف المذكور ولاتزال التحقيقات جارية .



تعليقات 85 | إهداء 0 | زيارات 38443

صفحة 1 من 212>
التعليقات
#883596 [الكجور الأسود]
0.00/5 (0 صوت)

01-12-2014 11:45 AM
السودان البلد الذي أصبح طارداً لأهله بسبب الفساد الذي إستشرى والتوجه الحضاري الذي تسبب في حرب عنصرية ضد شعب جبال النوبة فهاجرت منه عقول الأطباء وغير أطباء..ليس غريباً يكون المهاجر السوداني إلى تلك البلاد تحديداً وليس غيرها ذليلا أمام حفاة عراة تطاولوا بالبنيان ..وراضياً بالذل الذي يقع عليه..فدولتنا هي التي ظلمتنا في الحقيقة وليس الشعب السعودي.


#883465 [بشيير ود العتمور]
0.00/5 (0 صوت)

01-12-2014 09:01 AM
لمن يقولون كل من هب ودب صار دكتور! والتباكي على الماضي ! نعم الاطباء القدامى لا ينجبون اطباء وانما قد تكون ابن لاب غير طبيب . لكن نحن نفتخر باطبائنا وطبيباتنا فى السودان وخارج السودان. نعود الي حادثة طبيبة القريات بالسعودية, يا اخي والله لوكانت الطبيبة سعودية لما اعتدى عليها هذا البدوى الذى لا يعلم شيئ عن الطب ناهيك عن حرمة المرأة. حتى لو كانت غلطانة الطبيبة هناك من يحاسبها فليقدم شكوى لمدير المستشفي وتتم محاسبتها لكن ليس هناك ما يبرر ان يعتدى عليها ضربا".نحن كشعب سوداني والله لانرضي مثل هذا ناهيك على اننا نعاني والسبب فى الهجرة هى حكومتنا. افرض ان المعتدى عليه كان طبيب سودانى هل يستطيع هذا الجلف ان يضربه؟ اقسم بالله ماراجل عايز يثبت رجولته امام زوجته بضرب الطبيبة السودانية العفيفة النظيفة . بعدين يقول ليك امشي شوف المستشفيات فى السودان والجوال والواتساب والفيسبوك ...الخ. سؤال السعوديين اذا ما دايرين الاطباء السودانيين يوقفوا الاستقدام ويدرسون الطب ويريحونا.


#883430 [ابوفارس]
0.00/5 (0 صوت)

01-12-2014 08:18 AM
دا قانون غابة ليس إلا


#883424 [OMER]
5.00/5 (1 صوت)

01-12-2014 08:11 AM
انشاءالله يجلدوكم رجال ونساء عشان تعرفوا الذل و الاهانه مش فى السعودية فى كل دول العالم عشان تانى تخولو الفطظه واتكبر الا ما رحم الله على اهلها فى السودان قال ايه السودان بلد غير موهل وانت وين اتعلم ما يكون طلعت من بطن امك دكتور احسن لكم ترجعوا و تعالجوا اهلهم الضعفاء فى القرى وتعيشوا مرتاحين البال والضمير ولعلمكم ده حادثة ممكن اثارتها الصحف فى حالات كتيره من النهير والشمت والرمى خارج المدن فى القرى وعينك ما الشوف الا النور ههههههههههههه


#883140 [قرد الطلح]
3.00/5 (3 صوت)

01-11-2014 05:53 PM
شوفو يا جماعة احسن تكونو عادلين انتظرو نهاية التحقبق وبعدين نشوف الغلتان منو كلكم تهجمتم على السعودى طيب جميل اذا كانت زوجة السعودى فى حاجة عاجلة وكانت الدكتورة السودانية شغالة منضمة بالموبايل او شغالة بالواتساب تفتكرو ردة الفعل تكون كيف مرحبا بكم فى مستشفيات السودان زيارة واحدة تكفى


ردود على قرد الطلح
United States [بكري الملك] 01-12-2014 08:04 PM
يا خوي كلامك ما سليم لانو في الاخر الضرب ليس الحل للمشكله دي ما تلميذه في المدرسه عشان يعاقبها في قنوات رسميه بتتقدم فيها الشكاوي وكل زول ياخد حقه افتكر لو اختك كنت مشيت خنقته

United States [saf] 01-11-2014 09:49 PM
دق بقروش!!!!!!!!مش الاطباء اغلقت في وجههم كل الدروب فانخرطوا صفوفا وقتالا للاغتراب!!!!!فهنا اكثر من مرة تم التعرض للطبيبات والاطباء بالضرب!!!فعلي الاقل في السعوديه حيلعنوا والديه علي تصرفه!!

European Union [زول غلبان و تعبان من السمدان] 01-11-2014 07:28 PM
أخونا قرد كلامك له شى من الحق


#883083 [fahmi gafar]
0.00/5 (0 صوت)

01-11-2014 04:16 PM
يااخوانا دا داير استعرض قدام مرتو لقى المسكينه دي وقع فيها ضرب لانو زعلان من مرتو وخايف منها يعني داير اعمل راجل لكن دي مارجاله


#883057 [زول غلبان و تعبان من السمدان]
5.00/5 (1 صوت)

01-11-2014 03:33 PM
2 things to mention one of them I agree that the attitude of young doctors who treat patients in sudan has gone very low as a result of privatization of medical education in sudan ,I to become a medical doctor in sudan all you need is a rich protective dad ,but indeed manners has gone down iam a graduate of medicine in the 80 s I remember we' have been subjected to much suiting even before going to its year ,one of the first courses is doctor patient relationship and that patients are always have genuine concerns need to be taken seriously ,I do not suppose that this female sudanese doctor was wrong , but she definitly lacked to skill how to deal with this angry man. ,in Europe were I work they continuously teach you how to minimize the risk of all types, the other notions are attitude of our colleagues in sudan towards medical education is wrong ,as a result of that our families in sudan are suffering from lack of health and lack of manners from medical profession in sudan it's true problem now in ,there is a problem in medical education in sudan ,not every genius gets equal chance to become a doctor ,but every rich boy can become a doctor , in the good old sudan it's only your brain can qualifying you becoming a medical doctor,
From a qualified medical doctor from the old medical schools in sudan in 80 ,


ردود على زول غلبان و تعبان من السمدان
[ديامي قديم] 01-12-2014 10:09 AM
you are quit right
أغلب الذين درسوا الطب بالقروش في السودان لا أخلاق ولا ضمير لهم ولو لا أموال ابوه أو أبوها ما يقدر يصبح تمرجي أو جزمجي

United States [سودانيه] 01-11-2014 10:22 PM
والله يادكتور ماقلت الا الحق وهذأ كان تعليقي لو قراته كل من هب ودب بقي دكتور يكفي عنده قروش الاب وياحليل قرايه زما ن وناس زمان !بس كلامي زعل ناس


#882992 [الغاضبة]
5.00/5 (4 صوت)

01-11-2014 02:07 PM
قرأت الكثير من التعليقات... أولا يؤسفني أن اسمع هذا الخبر الأليم، وثانيا نيابة عن كل النساء أشكركم على تعاطفكم مع هذه الطبيبة، وثالثا: منذ وقت طويل درجت حكومة الانقاذ على اذلال النساء واليكم القليل من نماذج من الحالات : الفنانة التشكيلية صفية اسحاق، الصحفية سمية هندوسة، الشهيدة عوضية عجبنا والدكتورة سمر ميرغني والشهيدة سارة عبد الباقي، وغيرهن، كل هؤلاء النسوة تعرضن لأبشع أنواع التعذيب والقتل من أيدي سودانية خالصة، ولم يجدن من يدافع عنهن أو يقتص من الجناة ولم يجدن أي مساندة ولم نحرك ساكنا سوى بعض عبارات الشجب والإدانة عبر المواقع الالكترونية، وللأسف معظمهن هاجر خارج الوطن حتى يجدن الحماية بالخارج من حكومات أخرى وفي مجتمعات أخرى توفر لهن الأمان... لا أدري كيف سيكون رد فعل هذه الطبيبة وإلى من يمكنها أن تلجأ، وأسال الله أن ينصرها وأن تسترد حقوقها وأن يحفظها في غربتها ... ستظل المراة السودانية تتعرض للذل والإهانة داخل وخارج الوطن ما لم نتمكن من الاطاحة بهذا النظام ومحاسبته على كل الجرائم التي ارتكبها في حق النساء، وعليه يا نساء بلادي علينا أن نتحرك لأن الامر يعنينا أكثر من غيرنا علينا أن نقوم ونواصل ثورتنا وندافع عن أنفسنا من نظام جائر ظالم ...


مواطنة مكتوية بنار الغربة ونار وطن ينزلق نحو الهاوية ...


#882911 [المأفون]
0.00/5 (0 صوت)

01-11-2014 12:28 PM
دي حالته دكتوره يعني كان خدامه سودانيه حيكون التعامل معاها كيف ؟


#882894 [بدر نورالدائم]
0.00/5 (0 صوت)

01-11-2014 12:15 PM
هذا امر غير طبيعى اولا يضربها وهى داخل المستشفى وفى مكان عملها شى غير مقبول ولاحتى الاسلام يرضى بذلك مهما كان السبب ولكن نحن نتظر رد وزاره الصحه ورد حكومتنا وتعليق حسين خوجلى


#882754 [الفنجري]
5.00/5 (2 صوت)

01-11-2014 10:03 AM
معليش حاطول عليكم لكن لازم تقروا القصه دي
عشان تعرفو الدول البتحترم مواطنيها
(دا لو نحن محسوبين ناس اصلا)
حينما تحترم الدول شعوبها

الحكومة الهندية تزيل الحواجز الأمنية من امام السفارة الامريكية في نيودلهي وتسحب الهويات الدبلوماسية وتصاريح دخول المطار للدبلوماسيين الأمريكيين وعوائلهم كرد فعل انتقامي على تفتيش واحتجاز دبلوماسية هندية في نيويورك

كيف ردت الهند على إهانة السلطات الأمنية الأمريكية لموظفتهم؟
والله أذهلني رد الفعل الهندي...

فقد وجه موظفو المباحث الأمريكية تهمة تشغيل شغالة هندية بمرتب متدنٍّ عن الحد الأدنى للأجور في أمريكا (مماثلة لإحدى تهم حميدان)، لموظفة دبلوماسية في السفارة الهندية بأمريكا تدعى/ ديڤيانس خوبراقيد، وقبضوا عليها ووجهوا لها التهم وجردوها من ملابسها بحجة التفتيش وانتزعوا منها عينة الدي إن أي بالإجبار وألقوا بها في السجن.
حاولت السفارة الهندية حلّ المشكلة بهدوء لكن الأمريكان تعنتوا وأصروا أن القوانين الأمريكية ليست محل تلاعب.
وعندما بلغ الأمر مبلغه قرر الهنود اتخاذ إجراءاتهم، وما أقساها من إجراءات:-
١/ رفعت قضية لمطالبة الحكومة الهندية بمعاملة الأمريكان بالمثل إلى المحكمة الهندية العليا.
٢/ صدر الحكم بإلزام الحكومة الهندية بذلك.
٣/ بدأت الإجراءات بتجريد كافة موظفي السفارة وعائلاتهم من بطاقات دبلوماسية (عدم تعرض) كانوا يتمتعون بسببها بالحماية الدبلوماسية. الآن، ليست لهم حصانة سوى داخل السفارة فقط.
٤/ تقرر رفع الحماية الأمنية الإضافية (المحسَّنة) التي تطالب بها أمريكا كافة دول العالم لحماية سفاراتها، وصارت تقدم حراسات أمنية عادية مثلها مثل أي سفارة أخرى.
٥/ طالبت السفارة الأمريكية بدفع تعويضات للهنود العاملين بالسفارة الأمريكية ومدارس أبناء العاملين فيها لموازاة رواتبهم برواتب العاملين في أمريكا بحكم أن السفارة أرض أمريكية.
٦/ تقرر سحب تراخيص المطارات للمرور المباشر من الأمريكيين ليتعرضوا للتفتيش مثل غيرهم.
٧/ طلبت الحكومة الهندية تفاصيل مرتبات العاملين في القنصليات والسفارة الأمريكية ومعلومات حساباتهم للتأكد من حصولهم على مرتبات تطابق القوانين الأمريكية، وللتأكد من قيامهم بدفع ضرائب الدخل للحكومة الهندية مقابل ما يشترونه ويحصلون عليه من خدمات.
٨/ أوقفت وزارة التجارة الهندية رخص الاستيراد الممنوحة للسفارة الأمريكية.
٩/ ألغى أعضاء البرلمان الهندي اجتماعات كانت مرتبة مع برلمانيين وأعضاء في الكونجرس الأمريكي احتجاجا على ما تعرضت له الدبلوماسية الهندية.

ويطالب وزير الخارجية الأسبق في آخر المقطع بإلغاء تأشيرات (مرافقي) الدبلوماسيين من المثليين، احتراما للقانون الهندي، وذلك في مقابل مطالبة الأمريكيين بتطبيق قانون الحد الأدنى للأجور على دبلوماسيي الهند.
(شوفتو الفرق كيف بين حكومه وحكومه).


ردود على الفنجري
European Union [انسان حزين] 01-11-2014 09:07 PM
اثبتت الهند انها دولة متخلفة ، فهي لم تستخدم القانون بصور المثلي ، وقد قالت الحكومة البريطانيا ان ما قامت به الهند يعتبر انتهاك للقانون الدبلوماسي ، اما الدبلوماسية الهنديه مخطئة ، فهي أتت من دولة السيادة فيها للاغنياء ولا مكانة للفقراء ، الي دولة القانون

European Union [سودانى اصيل] 01-11-2014 03:35 PM
ولكنك لاتعلم ماذا فعلت امريكا امس .فامريكا يحكمها قانون وضربت بكل ماتخذته الهند عرض الحائط بل وطلبت الحكومة الامريكية من الهند رفغ الحصانة الدبلوماسية عن الهندية مما اضطر الهند فى نهاية المطاف الى تهريب الدبلوماسية الهندية وسفرها الى الهند حتى لاتقع فى قبضة القضاء


#882726 [BOSS]
0.00/5 (0 صوت)

01-11-2014 09:40 AM
لا اود تكرار ما ساقه الاخوة المعلقين قبلي فالقضية واضحة والتصرف فيها مثلما قال معظم المعلقين لكن اردت ان اضيف ملاحظة تصب في فوارق التعامل عندهم وهي ان هنالك مشرحة تخص الاجانب واخري للسعوديين والله المستعان


#882713 [سودانيه]
4.47/5 (8 صوت)

01-11-2014 09:29 AM
قرأت كل التعليقات لم اجد احد سأل نفسه ليه ضربها؟ مره انا كنت في حوداث احدي المستشفيات الحكومي وألذي ساقتني له الصدف كانت هناك حاجه كبيره ترقد للعلاج ومعها ابنها شاب ويبدو أن تلك السيده عملت رسم قلب كذأ مره جات الدكتوره وهي يبدو من شكلها صغيره خريجه ما اكثر من خمسه سنين سألت الشاب اين رسم القلب بكل ادب اداها كل الرسومات مسكتها وقالت ليه اخر واحد وينو وقذفت بهم بكل قلت ادب في الارض وقالت ليه لما تعرف الجديد وريني ليه ومشت مع ملأحظه امه تعبانه في سرير الحوداث بدا يلم في الاوراق من الارض قلت ليه بزعل والله انا كان في محلك اديها كف وتلم الورق دا هي بليده ماعارفه شي هي ذاتها كل طيش فصل اهله عندهم قروش مامعرفه حلال ام حرام قرأ طب البقي في كل لفه كليه طب اها ذي دي ماعايزه ضرب اظن واحده مشت تسوي حقارتها دي هناك!


ردود على سودانيه
European Union [Amin] 01-11-2014 11:51 PM
النصيحة ياسودانية :

لو كل طبيب إتعامل بمفهوم ردود الأفعال وأخذ الحق بالأيدي مع تطاول البعض وفرض مبتغاهم عليهم ,, وبدون فهم ,,وأحياناً (حقارتهم) والإساءة إليهم ........

كان فطّسوا ناس كتااار ...

United States [saf] 01-11-2014 10:11 PM
السؤال لوكات سعودية كان يقدر يضربها!!!!اصلو جماعتك ديله فاكنها في نفسم وبيجيدوا الحقارة!

United States [سودانيه] 01-11-2014 04:20 PM
ياعاشق النورس وياامين بالله لو في مستشفي هنا تعاملوا معاك بحقاره بتنظر القانون ياخد حقك ولا اكيد بشيلوأ بحرقه قبل القأنون النصيييحه

European Union [Amin] 01-11-2014 01:27 PM
يا أخت سودانية
لا ينكر أحد أنه قد يحدث سلوك غير مهني وأحياناً غير إنساني من بعض الأطباء
ولكن لعلنا نتفق أن لا يكون علاج الأمر بأن كل واحد يأخذ حقه بأيده

خصوصاً في السعودية حيث تجد شكوى المواطن إستجابة فورية

United States [عاشق النورس] 01-11-2014 11:24 AM
والله ياسودانيه اظنك سودانيه متسعوده تعليقك استفزاني
حتى لوكانت قلة ادبا علي الراجل لايحق ليهو ضربها هم قلة الاد القعد يعملوها شوية
اظظنو في ادارة مستشفى يمشي يشتكي وياخد حقو منها
لكن يضرب حرمة اضرب ليك مثل قبل كم يوم في واحد سوداني عمك كبير واقف بتكلم بي جوال قدام بقاله في سوق وقدامو سيارة مظلله وفيه حرمة والله هو ماشايف السيارة فيها احد ولا لا جا زوجها وشكل السوداني قال ليهو انتا قعد تعاين للحرمة ختي تحت تعاين دي خطين يعني لو ضربا كان عمل شنو


#882666 [مهاجر]
4.00/5 (2 صوت)

01-11-2014 08:44 AM
كل قبيلته لا يوجد بها دكتورة ولذا لايقدر العلم والعلماء.وفوق ذلك انها امرأة وعشمنا ان تأخذ السلطات السعودية للدكتورة حقها التي فرضت عليها الظروف واكل العيش وسوء الوضع ببلدنا لتقديم خدمة لامثال هؤلاء .


#882650 [ابوحمرون]
5.00/5 (2 صوت)

01-11-2014 08:25 AM
1- هذا التصرف لارجولي وفردي ولكن نثق في عدالة السلطات السعودية
2- هذا لايمنع من نصح اطبائنا من تنمية مهارات التواصل
3- يا عمر البشير التغييرات دي ليه ما وصلت مامون حميدة الفاسد الذي جير السياسات الصحية لصالح ورقه والقطاع الخاص وهو وصفيه يونس عبدالرحمن الذي استولي على مستشفى النور في قلب العاصمة الخرطوم وبنى كلية النهضة كل ذلك عبر الجمعية الطبية الاسلامية-- هذه الافعال التي شردت الاطباء وجعلت المواطن لايلقى علاجا-- عليك بالتحقبق في ذلك


#882634 [العريبية]
3.00/5 (1 صوت)

01-11-2014 08:04 AM
الغلبها بختها تادب نسيبتها

ومغص ---------------- بفشو فى السرية

عاد العقال ده مابقدر يرفعو على مرتو فى البيت

واذا كان برفعو عليها يبقى --متعودة دائما-- على افعال اللئام

بس شقية الحال وقعت فى القيد

ميين الخلاكم تقلعو العمة العربية يابدو ولبسكم الطرح


#882563 [Ahmed]
5.00/5 (1 صوت)

01-11-2014 02:17 AM
ده إحنا حناكل ضرب لمن يبان لينا صاحب

طالما الكيزان في ظهورنا و احتياجات الاهل من امامنا

دقة بالعقال الخفيفة دي، طالما السودان جحيم و ماشي
يبقى اسواء حنتمنى نكون زي الصوماليين أو الفلسطينيين
فقد فرطنا في وطن حدادي مدادي لا نستحقه و لا عملنا له
كي يأوينا


#882561 [طبيب]
5.00/5 (4 صوت)

01-11-2014 02:12 AM
أرجعي السودان ويلا معاي نمشي نضرب ونفشي غلنا في مامون حميدة هو السبب في بلاوينا،وأنا عندي مخطط جهنمي للحقير ده..كل القريتو في الهستولجي حطبقه فيه بس بطريقة شيطانية!!!!!!


#882518 [BAKRAWY]
3.00/5 (2 صوت)

01-11-2014 12:16 AM
اين انت ياخا العرب عندما صرخت امرأة وقالت( وامعتصماه)فجيش الجيوش لقتال من قام بظلم هذه المرأة فمابالك بامراة تغربت من وطنها من اجل ان تقدم لك ولزوجتك وللاخرين خدمة انتم في امس الحوجة لها.واعلم ان اولاد سعود موجودين اطال الله فى عمرهم فلن يضيع حق هذه المسكينة سدا مهما كان وضعك وشأنك.


#882516 [ابوملاذ]
4.44/5 (5 صوت)

01-11-2014 12:10 AM
يااخوانا السعودين ديل عندهم فهم غريب عن السودانيه بتزكر سعودي قتل الراعي السوداني بتاعه لانه طالبه بالمرتبات بتاعته وهي مرتبات فتره طويله فاستكثر السعودي القروش ولما السوداني اتلايق معاهو ضربه طلقه في الخلا داك وخلاهو مرمي ورجع المدينه وكلم اخوانه وقاليهم انا زبحت السوداني فاخوانه قالوا ليهو في سودانيه جنبه وحيبلغوا الشرطه انت امشي جيبه وارميه قدام المستشفي وبعدين السودانين ديل طيبين وبيعفو وفعلا جاب السوداني ورماه قدام المستشفي وشرد الخلا ولمن عرف بعض اقرباء المرحوم بالقصه اصرو علي رفع القضيه بالرياض وعمل شكوي للامير نايف الذي وجه بالقبض علي السعودي واحضار اولياء الدم من السودان امه وابيه وتم الاتفاق علي الديه وللسعودين قول مأثور احذر ضرب عمود الكهرباء فسوف تدفع دم قلبك ويمكن ان تضرب سوداني فسوف يعفو


#882509 [BAKRAWY]
4.63/5 (4 صوت)

01-10-2014 11:54 PM
متى تفهم ياجملا من الصحراء لم يلجم
يامن اكل الجدرى السوار منك والمعصم

رحم الله الشاعر العظيم نزار قبانى فى فى وصفه لامثال هذا الشخص او كما قال الاستاذ العلامة عبدالله الطيب (رايت انسان القرون الوسطى يتلاعب بتكنلوجيا القرن العشرين)فكلها دلالات على مدى تفكير مثل هذا الشحص وليس الكل فخير مثال ان يوصف مثله بهذه الصفات . وكفى


#882495 [كديس]
4.75/5 (7 صوت)

01-10-2014 11:21 PM
قرأت جميع التعليقات وكلها تنم عن نخوه ورجوله كالعادة لكن وكت الجد وألحاره كلو يجري ويضاره.... خلونا من السعوديه وذلها وين كنتو وقت الدكتوره سمر انجلدت واتهانت من كلاب الأمن وفي بلدا وكمان اتحاكمت وعوقبت وين كنتوا يا وقت الحارة ديل أهلي. الحكاية فعلا جديده لأنو هذه المره الانضربت حرمه لأنو في العاده الرجال هم متعودين على البطان في السعوديه. ولو قبلت المهانه في وطنك فانبطح في غيره. بالمناسبة أكيد في ناس ما عارفين د. سمر دي زاته منو.


ردود على كديس
United States [ام كرتبو] 01-11-2014 11:02 AM
كلامك صاح يا كديس الا داير اقول ليك اناشفت لي جقر ساكي ليهو كديس والكديس جري جري السواد ..وده الحال مع ها السالفة ...وعادي جداً وتكبر تنسي اختنا السودانية

European Union [Faisal] 01-11-2014 12:57 AM
كديس جد الله يديك العافية


#882482 [زعلان]
5.00/5 (1 صوت)

01-10-2014 11:01 PM
في رقم فاكس مباشرة مع مكتب وزير الصحة اتمني انو الدكتورة ترسل شكوي مباشرة لمعاليه وهو عنده يوم محدد خلال الاسبوع لمقابلته في الوزارة ....


ردود على زعلان
United States [صحراوي] 01-12-2014 09:41 AM
معاليه !!! يا عيني


#882475 [ساب البلد]
5.00/5 (2 صوت)

01-10-2014 10:57 PM
******ان تأتي متاخر خير من الا تاتي ******** قريت كل التعليقات ******نشجب و ندين هذا التصرف الهمجي و اللا مسؤول ****** نسأل الشفاء للطبيبة ******* بالقانون انشاءالله تاخذ حقها ******* نسأل ان يزيل الكيزان و ينصلح الحال حتي يعود جميع ابناء و بنات الوطن و يعيشوا حياة كريمة ********


#882464 [عمر عبد الباسط]
4.00/5 (1 صوت)

01-10-2014 10:21 PM
و في الاخير السوداني طلع لسان بس لي الفاضي

مع تحيات مصري


ردود على عمر عبد الباسط
United States [سوداني في الرياض] 01-11-2014 10:39 AM
هي أمرأه ضعيفه لكن والله العظيم يامصري حصل وانا شايف بعيني في احدي طرق الرياض تلاته مصريين لابسين مهندمين يبدو انهم موظفين في شركه مرت اماهم سياره وكان الجؤ ماطر ورشهم بالماءفاتسخت الملابس ويبدو انه قاصد وفي واحد من المصريين شتم السعودي بشتائكم المعروفه ياابن ال... ووقف السعودي وقال له انا فرد المصري اه انت ونزل السعودي فيه ضرب بالعقال والاتنين المعاه هربوه والراجل السعودي يضرب فيه وهو بيصرخ ويدخل من مكان لمكان وكل ما يجي سعودي بدل مايمسكوه منه بيضربوا معاه وبيقولوا اضربو المصاري علي وزن النصاري والمصري قعد يبكي زي المرأه وبترجاه يسيبو لول اتدخلت أنا وبعض السودانيين واترجينا السعودي يخليه لكان فتك به.

European Union [xnairx] 01-11-2014 09:35 AM
الضرب بي العقال هين الكلام في الضرب التاني ليكم ي مصري !!!


#882449 [زول غلبان و تعبان من السمدان]
0.00/5 (0 صوت)

01-10-2014 09:55 PM
I was working in Libya in Benghazi in the 90s ,one of my colleague from sudan had a row with one of the officials from the health board ,it got very nasty from our sudanese man as he told the Libyan official take your patient home ,iam not going to admit her into hospital ,even if president GAdafi himself comes her and asks me to do so I will send him back to his mother(GAdafi ),I remember when the other Libyan dr who happened to be there he says he was very scared ,but our friend the sudanese man was never scared ,and after that incident we lived and worked there welcomed and adored by all the people and their government for 5 more years ,it's that the Saudis are nasty people ,they want to enslave the expats ,we all remmer getting into fights with Egyptians in Cairo without any problems .


#882434 [سانجو]
5.00/5 (1 صوت)

01-10-2014 09:28 PM
دي حاجة بسيطة من الظلم الي بيحصل وللاسف السفارات والقنصليات ما تقيف مع المواطن براحة نحن في الخارج ما معانا الا ربنا سبحانه وتعالى الي حامينا و نشتكيه من الظلم والعدوان الى متى يا قنصليات وطني عدم نصرة المواطنين في خارج الوطن يعني ما تكون وكسة داخل وخارج وشكرا


#882426 [قول خيرا او اصمت]
0.00/5 (0 صوت)

01-10-2014 09:19 PM
قل خيرا او اصمت


#882406 [Almo3lim]
5.00/5 (6 صوت)

01-10-2014 08:52 PM
و الله اول مرة أضحك في موضوع (جاد) ...

الحماسة السودانية و الحرورية و التنظير الما خمج ...

يا هداكم الله 90 % من كلامكم ده (عرض بره الدايرة) ..

ما في ريالات و لا خمسينات و الأشاعات اللي بتسمعوها دي هنا لو في دفع بيكون لمصلحة السعودي أما الاجانب فلهم الله و هذا الكلام صحيح مليون في المية ..

السفارة لا تتحرك في أي شأن يخص السودانين إلا لو كان وراه (سفسفة) ..

أختنا اللي أنضربت ما أول و لا آخر طبيب أو عامل ينضرب في السعودية (ظلما) و لا يجد ما يعوضه ..

و الواقعة دي بدون (أجاويد) تلبسها الدكتورة المسكينة و يتم أنهاء عقدها و ترحيلها بفبركة قدر النملة ... زي ما قال (أسمر جميل فتان) ..

و كما قالت الحكيمة (أم أحمد) {{ اكل العيش حارررر والرجال ماتو في كرري زمان}}..

و كلام أم أحمد ده ما ينفات ساكت ..

معظم الناس اللي أغتربت (طلعت من البلد بسبب فشلنا في التغيير) و الواقع بيقول يا تتماهي مع النظام أو تعارض و تحتج في ناس واجهت و دفعت التمن تشريد و سجون و قتل و أي شيء ممكن تتصوروه و في ناس قاعدة تتفرج و تعدي يومها ببلاهة زي (تور الساقية) بلا رؤى و بلا بصيص أمل في مستقبل واعد يعيشون فيه آمنين و يضمنون مستقبل أبنائهم و البعض الأخر قرر أن يحل (مشكلته) لا مشكلة الوطن و ذلك بالهجرة ( زي الطبيبة دي) و هذا حق مشروع لكنه يمثل خسارة للوطن و كلنا شهدنا في السنوات الماضية هجرة الأدمغة السودانية و كيف خلت معظم مؤسساتنا من الكوادر المؤهلة و الكوادر القيادية ..

المحصلة : علينا أن نوجه هذا الكم من الوعي الذي يتحدث عن (كرامة السوداني و حقه في العيش الكريم
و عن حقنا في القصاص ممن يعتدي على حقوقنا) للمتهم الحقيقي .. النظام الفاشل الذي جثم على صدورنا طيلة 24 عام و أحالنا لشعب بعضه (مطنش) و مكبر الدماغ و بعضه مشرد بالداخل و البعض الآخر مثل هذه الطبيبة و غيرها من الذين سيتجرعون مرارة الذل بسبب عدم توفر لقمة العيش الكريمة في بلادهم ..

أخوانا أصحاب نظرية (الكرامة قبل خبز الصغار) هذه نظرية تضعف حين تكون المقارنة بين ذل مصحوب بالعدم و ذل مصحوب بتأمين مستقبل الأسر و حمايتها من الإنحراف .. و كلنا متفقين بأن الحال أصبح مخجل و لا يجوز الحديث عن الدعارة المقننة و المستترة و الرشوة و كل أساليب الغاب في الصراع من أجل الحياة..

لي عمة كبيرة في السن ردت علي عندما سألتها كيف تسير الأمور ..

بي العندنا ده يا نحنا سحرة يا حرامية لكن بالورقة و القلم ما تلفق ..

نحتاج لتوجيه الوعي للوجهة الصحيحة و دون ذلك لن يحدث التغيير ..


#882403 [والله ضرب السودانية دي واجعني وجع]
5.00/5 (7 صوت)

01-10-2014 08:49 PM
أنا متأكد انو الثلاثيني دا بيكون سال الطبيبة مليون سؤال والغريب انو بسال سؤال وما بنتظر اجابة بردفه ليك مباشرة بسؤال تاني وهكذا دواليك... والله والله والله انا ضرب الطبييبة دي واجعني شديد والله انا زيي دا لقيتو بكسر ليهو ايدين ... هو زاتا زيي الثلاثيني تلقاهو الشغلانية لسه ما خلاها.. وداير يعمل ليك فيها راجل... اول امس دي كان بقنت ... اليوم عشان سوى ليهو مراة داير يعمل فيها راجل ويوري مرتو انو راجل بضرب مراة اخرى. تناقض غريب وعجيب

حصلت لي تجربة قبل ثلاثة اشهر.. كان في واحد ثلاثيني كدا مشهي ناس الحي العافية والله والله اروي ليكم الحكاية بالتفصيل.. يجي يلقى العمال في الشارع يدفق ليهم الشاي ويصرخ في دا ويكوريك في دا الناس كلها بتخاف منه موت.. وشغال سرقات وضرب بنغالة والله حتى الباكستان بهرشوا منو

يوم جئت داخل البيت متأخر بعد الساعة 12 بالليل ختيت لي حاجة بتخصني جنب الباب وجنبنا مطعم كدا مشيت اجيب لي منو عشاء،، جيت لقيت الدلاهة دا داير يشيلها شفتو قمت قلت ليه ياحاجي مالك عليها ما اظنها سألتك قام ردي علي بعجرفة شديدة ( كدا بس.. انا في ديرتي وسعودي).. قمت قلت ليهو بأدب يأخي بعد اللي ذكرتو دا كلو ما بحق ليك تسوي اللي كنت داير تسويهو دا.. برضو انا ماسك اعصابي وختيتها في الفريزر.. قمت شلت حاجتي وداير امشي قام قال لي انت ويش تبي تسوي.. قلت له ولا شيء.. قال لا تبي تسوي لازم تعلمني الان..

انا والله والله والله بقيت ما بشوف نهائياً.. ما اشوف إلا وأن احمل طوق ابو سلك.. لكمتو ليك بنيه وشلوتين وكان عندي طوق شايلو في يدي مشتريه جديدوالله ضربتو ضرب وجلدتو جلد إلا بقى يحبا بالارض وبقى يقول ذبحتني ذبحتني.. والقريب انو الشارع كان فاضي وما فيه جن لم يشاهدني إلا اصحاب المعطم وناس محل بيتزا،، والله ضربتو ضرب والله إلى الأن لما يشوفني بخلي لي الشارع..

أنا ما حكيت ليكم الشغلانية دي عشان ارويكم مهاراتي ولا كدا.. بس لانو الناس ديل الواحد لو شعر بيك بتتعامل معاهو بطريقة انسانية بفتكرك انك خفت منه.. المسالة بتاعت عباطة

اوصيكم ونفسي لا تجربوا هذا في البيت أو الشارع وابقوا مستورين وزيي ما قال احد المعلقين اللي خرج من داره قل مقدراه.. لكن بيني وبينكم ما بنرضى الحقارة والله ياجماعة انا ضرب السودانية واجعني وجع


#882400 [Faisal]
4.00/5 (3 صوت)

01-10-2014 08:44 PM
أم أحمد ومعاها واحد زعلو مني وهاجموني لأني قلت للطبيبة أسكتي وما ترجعي (شي كرامة وشي عزة وووو).. يا أخوانا الناس الجوة البلد بتتبهدل!!! شنو يعني الجديد؟ رأيت أحد المتداخلين ذكر بأن النساء أنفسهن يضربن داخل السودان وبشكل مهين واليوتيوب قاااااااااااااااااااعد ويشهد..!!


بهدوء كدا إيه اللي يخلي طبيبة تخرج من بلدها إن كان وعضها ممناسباً؟ عدكم عن الطبيبة بل الرجال أصلاً لماذا يخرجون؟!!
أعراضنا انتهت من زماااااااااااان.. ألا تسمعون باغتصاب الأطفال من معلميهم؟ ألم تسمعوا بزواج الرجال بالرجال والنساء بالنساء؟ وهناك برلمانية (إسلاموية) كبيييييييييييرة قالت وفي الراكوبة بتاعتنا بأنهم (اي الحكومة) يعلمون بالمثلية في السودان!!! وين الكرامة؟!!

عايزين الدكتورة ترجع وتجوع وتبهدل وتقعدوا تتفرجووا فيها؟ أنت يا أم أحمد ومعاك البتاع التاني الهاجمني ورينا ح تعمل شنو؟ عملتوا شنو أنتوا لأهلكم الجيعانين الجوة هسع؟

لو قاعدين جوة البلد ح تكونوا في روحكم ولو برة أديكم بتتذلوا وتتهانوا زي الدكتورة دي عشان القرش وعشان عيالكم وأسركم ما يتشردوا...

أمركم عجيب والله


ردود على Faisal
[؟] 01-11-2014 09:55 AM
ياأخانا فيصل.. ما علاقة هذا الموضوع بذاك.. الان لو كان في طبيب سعودي يعمل في احد المستشفيات السودانية ممكن تلقى واحد سوداني بمد يده عليه.. هذا إذا كان رجل.. ما بالك بامراة.. تعرف نحنا ما بنعمل كدا ليه لاننا رجال والراجل ما بفش غبينه في امراة.. والسعودي دا لو عندو حق ممكن كان يقدم شكوى لمدير المستشفى مثبتة بالدليل عشان النظام والقانون يعطيه حقه.. لكن يمد يده فهذا نوع من الاستعلاء والاستهزاء وعدم النضوج الفكري والوهم..

المعلق كاك(هل تقصد بكاك صوت الدجاجة) الزول اللي ادوهو كف دا.. صدقني ما سوداني وما ليه علاقة بالسودان.. السوداني كرامة وكبرياء

رجاءاً لا تؤطروا لمثل هذه الأشياء وتنسجوه من خيالكم لتقتل النخوة والرجولة وسط الناس

European Union [xnairx] 01-11-2014 09:46 AM
ماتكون دا انت بس ؟؟؟

United States [كاك] 01-11-2014 12:11 AM
سودانيي كفيله ضربه كف وقال لم عفشك بعملك خروج نهائي السوداني قال لكفيله الكف هين الخروج النهائي لزومه شنو


#882399 [طارق الباز]
0.00/5 (0 صوت)

01-10-2014 08:40 PM
التمسك بثقافة البعير مشكلة


ردود على طارق الباز
European Union [دكتورة] 01-11-2014 07:40 AM
والله ديل ماينفع معاهم غير المصريين يضحكو ويبكشو ليهم فى وجههم وتحت تحت منجمنهم بالاخطاء الطبية القصودة والغير مقصودة

يستاهلو المصريين يستغلو بداوتهم وي----------- بالفازلين


#882395 [Amin]
5.00/5 (1 صوت)

01-10-2014 08:35 PM
لم يفهم الاسلاميون أن الانسان أهم من ألدين

الانسان.. أهم.. من.. ألدين

الانسان خليفة الله في الأرض

لكن أرادوا المزايدة على الله .. بهذا الشعب الطيب
شردوا الناس ، وضيقوا عليهم رزقهم ومعيشتهم وحرياتهم وانسانيتهم
لم يحترموا مفهوم الوطن .. والمواطنة
والوطن عز
الوطن شرف
الوطن كرامة
الوطن أم تحتضن ابنا'ها ولا تسأل من العابد ومن المعربد
الوطن ليس للمتدينين .. ولا الصالحين ،، فهو'لاء أعدت لهم الجنان
ولكن المتاجرة بالدين وبالناس وبكل جميل ..
ولم يكونوا مخلصين حتى في ادعائهم

الوطن للجميع .... الوطن سترة


لعنة الله على الظالمين الظلاميين


#882393 [ابو عناد]
5.00/5 (7 صوت)

01-10-2014 08:29 PM
السعودي يرى ان الله سخر كل شعوب الدول الكحيانة لخدمته وراحته..هو المختار بالرسالة ومهبط الوحي ونقاء الجنس البشري ..ويرى ان الاجنبي يجئ المملكه هزيل وسجمان ويعمل ليهو جضوم وجعبات وعربية وبيت من خيره وفضله ..وان الاجنبي لايستحق الالفين ريال وان الاجانب ينهبون اموالهم ويحولونها بالمليارات شهريا لرفع ودعم اقتصاد بلادهم الهلكانة ..السعودي يرى ان الطبيب الاجنبي شهادته مضروبة لايشفي سقما ولا يداوي جرحا ..

المستشفيات الطرفية في المملكة تعاني ازدحاما وضغطا هائلا على الكوادر الطبية نسبة لقلتها
المستشفى في تلك المناطق تعد الحجة الشرعية لنسائهم السجينات للخروج من المنزل بداعي المرض والقصد التنزه والترفيه ..

السعودي اناني الطبع يرى الاولويه له في كل شئ ..في الغث والسمين ..وحتى الجنة له الافضلية ..
النطاق الاحمر والاخضر والرمادي محاولة بائسة لتعديل امة ختمت بالجهل والكسل ..والا لما احتاجوا اصلا لطبيبة وافدة او غايرة ..لان لسعودي مستقبل وليس واهب ..آخذ وليس واهب ..مستهلك وليس منتج ..لكن يجتمعون كلهم على مشترك واحد : الحسد .


ردود على ابو عناد
United States [جنيقراي] 01-11-2014 01:24 PM
كلام زي السكر .. يسلم يراعك ولاكسر الله لك خاطر يارب .... كلام يساوي ألف مقال

[؟] 01-11-2014 09:58 AM
والله يا شيخنا انت كفيت ووفيت كلامك دا انت مثل القصيدة المنظومة بقافية كلما تقرأ كلمة تشتاق للبعدها كلام تصدق الكلام دا في نفسي وصدري من زمان


#882392 [كرزاي]
0.00/5 (0 صوت)

01-10-2014 08:28 PM
يا ناس دا بدووووووووووووووووووووووووووووووووووو ماذا تريدون؟؟؟؟


ردود على كرزاي
United States [Wahid] 01-10-2014 10:41 PM
لا وانت الصادق... ديل لسه ما بدو اي حاجه...


#882379 [د.عبدالله علي]
5.00/5 (5 صوت)

01-10-2014 07:52 PM
أنا عملت مدرس في المملكة 12 سنة أقول للأخت الدكتورة اتركي كل النصائح واسمعي مني عن خبرة


ومعرفة توجهي فورا للأمير من آل سعود القائم على إمارة تبوك وقدمي له الشكوى والمظلمة شخصيا :


1 - خوفا من مكر الأقارب وربما تتورطي في مخدرات او غيرها


2 - لن يضيع لك حق أبدا إذا وصلتت لآل سعود وسوف تأخذي حقك المادي كاملا وأكثر مما تتصوري


3 - سوف تجدي حقك الأدبي والمعنوي الكامل وهذا الجانب يهتم به الأمراء من آل سعود جدا


ونصيحتي الأخيرة ابتعدي عن حقوق الإنسان فلن تكسبي من ورائها خيرا


وقلوبنا معك ودعاؤنا وشكرا


ردود على د.عبدالله علي
United States [ديوان] 01-12-2014 12:23 AM
كلام عقل!رغم ان الشرطة لن تتركه !لكن عيال سعود شديدين علي الظلم.وبكره الامارة بتخليهو يبرك !!!وستجدي منهم الحق اكثرمن سفارتك البو!!!سفارة دولة الجباية والرماية!!وبيع الاطباء وكل ارباب القلم والدواية!!!!وللديوان الملكي ايضا موقع علي النت يمكنك كتابة تظلم!مش ديوان بشة الفاتح علي بيت العرس!!!

European Union [مغتربة وبلامحرم] 01-11-2014 02:12 PM
ااااااااااااااااااااااآآآآآآى

وعن تجربة وصليها المقام السام بتلقى حقك تالت ومتلت

البدوى ده قايلو لعب بطان !!!!!!!!!!!!!!!!

اوعك من سفارة الكيزان وناس حقوق الانسان


#882375 [السوداني الأصيل]
5.00/5 (3 صوت)

01-10-2014 07:44 PM
الى الطبيبة/
تحية طيبة وخالص التقدير والأحترام لك،فأنت مهنتك انسانية قبل كل شيء،عموما كان الله في عونك على ما يترتب من أذى نفسي وجسدي،رسالتي لك أن تراجعي جيدا ملابسات الحادثة ولو أنت متزوجة،راجعي جيدا ملابسات الحادثة مع زوجك،وان كانت موثقة بفيديو من كاميرات مراقبة المستشفى حاولي أن تحصلي عليه بأي طريقة،وان كان هنالك شهود عيان حاولي أن توثقي شهاداتهم،توكلي على الله وارفعي قضية على هذا الجاهل وطالبي بتعويض يستطيع اي محامي أن يقدر لك الثمن وقد يصل التعويض المالي الى 150 ألف ريال،أعلم بأن القضية ليست مال هنا ولكن هذا حقك والقرش هو المؤدب لمثل هؤلاء لأنهم يعشقون المال،وقضيتك سهلة ومضمون تكسبيها،ركزي كويس الفترة دي الحكومة السعودية تتعامل بصرامة مع المواطنين البتعدوا على الأجانب المقيمين بطريقة شرعية خصوصا أصحاب المهن الرفيعة،وذلك نتيجة لضغوطات مجلس حقوق الأنسان وتركيزه بالذات على دول الخليج،اي محامي سعودي موظف بمجلس حقوق الأنسان بالرياض يستطيع اتيان حقك،بس انت قوي قلبك واخدي حقك الطبيعي،لا تتنازلي أبدا ده حقك،ونصيحتي لك اذا فعلت بما أوردته لك،أن تاخذي تعويضك وتهاجري لأمريكا او استراليا حقوقك واحترامك وكرامتك كأنسانة وطبيبة محفوظة للأسف في دول الغرب أكثر من هذه الدول،قوي قلبك القضية لو رفعتيها مضمووووووووونة.وتاكدي أن القانون السعودي خصوصا في هذه الفترة سيقف في صفك..ودمت عزيزة مكرمة يا أخت.


ردود على السوداني الأصيل
United States [د/ نادر] 01-10-2014 10:10 PM
كلام صح 100% ممكن تاخذ حقها بالكامل وتخليه يركع ولكن بس ما تنصاع للاجاويد ما تسمع خالص كلام الاجاويد
فعلا يتعاملوا مع الاطباء الاجانب بعنجهية واستفزاز غير عادي


#882373 [mohamedhada]
5.00/5 (3 صوت)

01-10-2014 07:37 PM
أولا ما في داعي للانفعالية
في عام 1422ه كنت في الشئون الصحية(تعادل وزارة الصحة الولائية) وكان هنالك اعتداء من أحد المراجعين علي ممرضة فليبينية وتم تحويل الموضوع في وقته للحافظ و تم الحكم علي المراجع(سعودي) بالجاد 100 جلدة و الغرامة 10,000 ريال وتم تنفيذ الجلد في المركز الصحي محل الواقعةز
الطبيبة حتأخذ حقها بس أبعدوا يل سودانيين من الوساطاتز
علي فكرة من أخذ حق الطبيبات السودانيات الآئي تم جلدهم بواسطة الشرطة في مستشفي الخرطوم و كل الأطباء الذين قتلهم البشير و كلابه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


#882371 [ملكيه]
3.00/5 (2 صوت)

01-10-2014 07:34 PM
تطلع من بلدك حزين تلقي الفرح عند مين اذ كان دي طبيبه بتجلد ما بالك العامل حايكون التعامل معاه كيف والله بقينا مهزله العرب سودانيون يتعذبو في دوله الامارات طبيبه تجلد في السعوديه الله ينتقم منكم يا كفره الموتمر الوطني . عمر البشير الله يشوفنا فيك ذي ماشفنا في معمر القذافي .


#882368 [منشات]
5.00/5 (2 صوت)

01-10-2014 07:29 PM
نطمئن الجميع ان الحكومة السعودية وخاصة وزارة الصحة لاتتهاون قى حق منسوبيها علما حسب افادة احد الاخوه من القريات - الجانى مازال بالسجن يواجه بلاغ من الطبيبة واخر من وزارة الصحه
ومازال بالايقاف-


#882356 [مواطن x]
0.00/5 (0 صوت)

01-10-2014 07:10 PM
احتمال الدكتورة ادتها حقنة في الأرداف! قدام الناس!!!والطعس زعل شديييييد واتحمق وضرب السودانية وقال ليها"الهرج هذا في ديرتكم"...هههههه
عبدالرحيم انت المعلق n.o.1
خلينا نستنى ملابسات الحادثة ولا ننجر لعواطفنا!! الموضوع ما موضوع عواطف وسارة
القضية واضحة مهما كانت الملابسات ممنوع التعدي على الأطباء بالضرب حتى لو قتلت المريضة!
في قانون ومجلس طبي تأديبي،ولا انت قايل القصة فاكة زي السودان الله المستعان.

عموما الطبيبة مسكينة في القريات مقطوعة بتترزق،جا الاهبل ده قطع فيها سوط،الله يعين الأطباء السودانيين حقوقهم مهضومة جوا وبرا..ولو في مساومة أعملي حسابك من السفارة احتمال ياخدو نص القروش!!!دمغة مساومة!


#882347 [وروار]
1.00/5 (1 صوت)

01-10-2014 06:57 PM
ما قلتو عرب


ردود على وروار
United States [حركاتك المتمردة ليس بديل ناجح وناجع] 01-11-2014 10:01 AM
وما علاقة العروبة بهذا الموضوع يا وروار يا جرار

European Union [fitman] 01-10-2014 10:12 PM
لا نووبه هههههه 76

United States [سيف لحق] 01-10-2014 08:09 PM
ياخ بطل حقدك الوسخ ده وخليك في الموضوع


#882345 [Usher]
5.00/5 (1 صوت)

01-10-2014 06:45 PM
لو الإنسان في بلدو ما لقي احترام في بلد غيرو ما يلقا غير كده


#882344 [الحقيقة مرة]
5.00/5 (8 صوت)

01-10-2014 06:45 PM
كامل الدعم والمؤازرة لاختنا وبتنا الطبيبة المغتربة حتى يقتص لها ممن ظلمها ومؤسف انو اول تعليق هو اخيب تعليق وانا اجزم انو المدعو عبدالرحيم جدادة ديوثة فاقدة للنخوة عايز يطفي الموضوع عشان اولياء نعتمو في نظام البشير المنكسر الذليل ما يلقو روحم في موضع حرج ومطالبة للسعوديين باخد حق بتنا الطبيبة من المعتدي الهمجي خاصة انو السعوديين قبل كدا لم يترددوا في منع طائرة رئيسنا العار المتخفي من المرور الى طهران وبالنظر الى سجل النظام المقرف في معاملة المراة السودانية داخل وطنها ومثل هذه الحوادث تبعث اشارات واضحة الى جميع السودانيين بالداخل والخارج من شتى ضروب العمل بانو الهجرة والاغتراب نوع من الهروب وليست الحل الدائم لمشاكلنا وانما الحل هو المواجهة والصدام والعمل والنضال سوية لاسقاط هذه الدولة الفاسدة التي افقرت الشعب وشردته واذلته والاتيان بنظام وطني شريف يحقق مصالح المواطنين ويحميهم ويصون كرامتهم ويتيح لكل مواطن تحقيق طموحه ونيل كامل حقوقه الانسانية داخل وطنه اسوة بغيرنا من الشعوب ويكفينا شر الغربة والشتات وظلمها واخيرا الحل في بلدك ذاتا تتحدى سلاح بسلاح تهزم خفاش الكوز ويعم سودانا صباح


ردود على الحقيقة مرة
United States [fadeil] 01-10-2014 07:41 PM
كفيت وأوفيت أخي ولابد من التكاتف لانهاء هذه المهازل التي يتعرض لها كل من هاجر هربا من هذه الحثاله التي تحكمنا زورا وبهنانا باسم الدين المزيف سيايبا حتي يرتاح الشعب السوداني امنا مطمئنا في وطنه السودان الكبير الذى بسع الجميع .


#882339 [Adam Ali]
0.00/5 (0 صوت)

01-10-2014 06:39 PM
الخرج من دارو قل مقدارو


ردود على Adam Ali
[سامي] 01-11-2014 12:06 PM
نسافر من بلدك حزين تلقي الفرح وين


#882332 [أسمر جميل فتان]
5.00/5 (5 صوت)

01-10-2014 06:22 PM
اولا: اذا كان الطبيب رجل لايحق لسعودي او غيره ان يقوم بضربه؟؟؟
اما انها امراة وتُضرب يا ريت لو كنت مرافقها والله ما كان يفكني منه الا الله!!!!!

هل هو رجل كيف تسول له نفسه ان يفعل ذلك وهو عارف انها ما حاتقدر ترد عليه بنفس الطريقة!!!
والله لو كان في محل هذه الدكتورة رجل طبيب سوداني ما كان فكر مجرد فكرة انو يمد يده لانها حاتقطع في الحال!!! والامثلة على ذلك كثيرة!!!

ثانيا: السيناريو الحايحصل انو حايقوموا يرسلوا للطبيبة جماعة من كباااار العائلة "عندهم دقون طويل كده!" وبتكلموا براااااحة وكلوا شوية يقوموا يمسحوا دقونهم بيدهم وهم خاتين في بالهم الاتي

1. انو السودانية دي نرمي ليها ريالين ثلاثة وحاتقوم تتنازل عن القضية!!!"لانهم شعب مادي - الا من رحم ربي- بحت وبيفتكروا ان سهل جدا شراء الناس بفلوسهم!!! وهم في بعضهم بيسو كده بالذات في حالة الدم والعفو عن القاتل!!! وممكن الرضويه البيدفعوها تصل لملايين!!!
2. حا يكلموا معها على محبة الشعب السعودي للسودانيين وانهم بيكنوا ود كبير للسودانيين والسودانيين علمونا ودرسونا وهم فوق راسنا وشوية الكلام عشان ياكلوا راس البنية المسكينة!!!
3. وبعدين يطلبوا منها العفو عشان زولهم يطلع من الحبس!!!!

ثالثا: الدكتورة يجب ان تكون عارفه كويس انو الموضوع ده اصبح قضية تهم كل الاطباء السودانيين في السعودية فيجب ان تحسبها حساب دقيق وتعمل موازنة ما بين وما بين؟؟؟ والله يكون في عونك لان اهل السعودي حايضغطوا عليك ضغط شديد وممكن يرسلوا ليك حريمهم ويدخلوا بعض السودانيين واسطة وكده

اخيرا: ينبغي للسفارة تتدخل وترسل مندوب لمتابعة القضية وتديهم "عين حمراء" وما يحسبوها من باب ان السودانيين مغتربين ومحتاجين للاغتراب لانهم ايضا لهم نفس الاحتياج وهي فائدة متبادلة ولو عندهم سعودي ممكن يكون مكان الطبيبة بينهوا عقدها في باقي الليل ده!!! ونكون عارفين انو الكاتبها الله لينا بتحصل على الاقل السودان فيه امان لو قارنه بين سوريا ومصر وغيرها حسبيها صح يا سعادة الدكتورة والله معاك وربنا يوفقك للخير

ودمتم


ردود على أسمر جميل فتان
[الدنقلاوي النوبي] 01-10-2014 09:43 PM
كلام صح مية المية، لو كان محل الطبيب طبيب رجل ما اتجرأ السعودي ابدا انو يمد يدو.


#882330 [سوداني]
2.00/5 (1 صوت)

01-10-2014 06:17 PM
تكون جديدة عهد في السعودية ويمكن قالت ليه ( العوير دا ) جنب مرتو


ردود على سوداني
European Union [السودانية] 01-11-2014 07:36 AM
ديل اصلو مابنفع معاهم غير المصريين يضحكو ليهم فى وشهم وتحت تحت منجمنهم بالاخطاء الطبية المقصودة والغير مقصودة

يستاهلو المصريين يستغلو بداوتهم ويد--------- بالفازلين

[one] 01-10-2014 08:57 PM
هو فعلاً عوير ولو ما عوير ماكان بيرفع يدو لإمرأة.


#882326 [الحيطة القصيرة...]
5.00/5 (3 صوت)

01-10-2014 06:07 PM
لا يجرؤ سعودي.... أن يمد يده.... أو لسانه.... على سعودية!... خاصة بالجوف

ببساطة... لأنه ممكن بكل سهولة.... يجزو راسو.... وراس قبيلتو كلها....

كما أنهم يخافون.... تكون السعودية .... وااصلة.... مما يعني.... حيغطسو حجروا...!!

بالنسبة للأجانب في السعودية....كلهم عند السعوديين زي بعض.... لا فرق بين راعي....وطبيب

أو غيرهما.... السعودي يعتبرك موفد من حكومته لخدمته بشروطه هو.... وعليك أن تلبي طلباته حرفياً

وليس خافياً.... ما تتعرض له عاملات المنازل... والسواقين.... والعاملين في البقالات...

من الناحية الأخرى.... الحكومة السعودية.... شديدة معاهم جداً.... ولا تسمح بزلزلة هيبتها....

يعني ما عشان سواد عيون الأجانب..... ولو توصل الجاني لاتفاق مع الأجنبي.... ما عندها مشكلة!!

لذلك السعودي.... بيعتبر المسألة كلها.... تعتمد على الواسطة+الفلوس ... واتربى على ذلك..!!


ردود على الحيطة القصيرة...
United States [sas] 01-10-2014 07:26 PM
لو كانت امريكية ؟ يعني ما كل الاجانب


#882324 [gadafee]
2.50/5 (3 صوت)

01-10-2014 06:05 PM
لكل البتباكو ديل لسوداني يعمل سايق في شركة لموزين احد السودانيين المرموقين بنيويورك
وذات يوم وصل متاخرآ ربع ساعه . واخوكم السعودي ويعمل كاحد معاوني الامير ، واقف في راس الاسكليتر يفرك في يدينو و ما ان وصل السوداني حاول يبرر سبب التاخير , عينك ما يشوف إلا النور كــــــف من النوع السمح اتدردق من رأس السلم لحدي الواطه داك قدام الجميع دا كلو حصل في البلازا هوتيل الشهير بوسط مانهاتن.
بعد السعوديين عرفوا خطوره الموقف بانو هنا مو رياض ولا جدّه دى بلد المساواه اللي يكون حقوق السوداني العندواجنسيه اكثر من حقوق ابو عقال
وتعال شوف الواسطات من شي سفاره شي سودانيين يحسب علي انهم مرموقيين والاسباب ايه ابو عقال علي قول الوسطاء انه عندو ضغط وما قدر يتحمل شوف الاغبياء يلقوا العذر للجاني بكل برود
وبما سودانيين قلنا لا مساومه مع هذا الئيم لانو إمتداد لجرائم ترتكب بحق كثير من الشعوب هناك بما فيهم السودانيين إلا انو أخونا صاحب القضيه تحت الطربيزه باع القضيه بعد ما قبضوه عشره الف دولار السجمان لو عن طريق المحكمه يمكن يلقاها عشره اضعاف
لكن المسأله مو فلــــــــــــــــــــــوس كرامه السوداني التعيس دا الاهم لكن منو البكلم واسطات السوء لاعقي احذيه العربان مرض.


#882314 [المسالم]
4.00/5 (1 صوت)

01-10-2014 05:42 PM
غلطان الاجنبي يا جماعة لية جايهم


#882313 [ود القريد]
5.00/5 (3 صوت)

01-10-2014 05:37 PM
اكيد ضربها لانها سودانية فيا هوان السودانين!!!! الذي نزل عليهم بعد ان اتمت اهانة رأيسهم ... و انا خايف ان نبادر نحن بالعفو .............من اين اتينا نحن؟؟؟؟؟؟؟؟؟؟؟؟؟؟؟


#882312 [chinma]
5.00/5 (4 صوت)

01-10-2014 05:37 PM
علي كل حال سفارة الوسخ البشير في الرياض لن تتحرك ساكناً لأن نظام السفاح نفسه يجيز ضرب النساء في السودان بسبب أو بلا سبب!!!


#882301 [fattah]
5.00/5 (3 صوت)

01-10-2014 05:25 PM
هولاء القوم الجهل مزروع فى نفوسهم لايهابون الا الامريكان والخواجات وقد شاهدت بام عينى فى ثمانيات القرن الماضى الشرطه تستعمل القاش لتنظيم الحجاج فى المطار فبالتالى العيب ليس عليهم لان القالبيه منم غير مواخذه والجهل متمكن فى نفوسهم . عليه فاننى ارجو من هذه الطبيبه ان تتمسك بحقها وان لاتتنازل ابدا مهما كانت الضقوطات وان ادى ذلك للعوده الى بلادها


#882300 [آدم القوي]
0.00/5 (0 صوت)

01-10-2014 05:25 PM
يا هوووييي النسوان هنا بينجلدو و ينضربوا رصاص في نص الحِله عادي زي الزبادي. اسع السعودي دة أهلوا يجو يقمتوا ليها خمسين الف ريال تتنازل عادي و تشكروا كمان.


ردود على آدم القوي
United States [سالم] 01-10-2014 09:06 PM
الى ( أم أحمد) أذا كان هذا نعليقك هذا هو مبدأك - على كدا ممكن توافقى على أشياء و أفعال أخرى مقابل المال - أنتبهى الى ما تقولين و ما تكتبين حتى لايكون مثل تعليقك المشاتر هذا وصمة عار و شبهة فى أخلاقك و سلوكك.

European Union [أم أحمد] 01-10-2014 06:20 PM
ياريت يدقوني أنا ويغمتو لي الـ 50 الف ريـال يا ودالبلد..
انت قايلها سهلة؟ دي فوق الماية مليون جنيه.
اعمل لي بيها مشروع يكسب دهب في السودان او السعودية دي زاتها

وعادي ياخوي في زمنا العجيب ده
الواحدة مننا بتندق وتتعذب من اهلها وما بتاخد 5 ريـال


#882293 [جبررون حمدان]
5.00/5 (3 صوت)

01-10-2014 05:06 PM
على اية حال ، هذه الطبيبة سوف تأخذ حقها كاملا هنالك. الماساة لو ان ضربها احد تافهى الامن او الشرطة او الجيش فى السودان. فى هذه الحالة الطبيبة هى من يتم محاسبتة لاحقا. يا سودانيين الرجاء عدم المزايدة ، نحن نعيش فى اسأ دولة فى العالم من كل النواحى. سودان الزفت ده ، بديروه بالحلف بالطلاق. واحد سودانى فى الرياض صدمت سيارة سعودى ابنه و هرب السعودى و قبضت الشرطة عليه لاحقا. الغريب ان السفارة تتوسط لدى السودانى للعفو و اتته مكالمات من السودان للعفو و الاغرب ان السعوديين الذين مع السودانى فى العمل يحثون السودانى على عدم العفو عن من تسبب فى اذى ابنه و هرب !!!!


#882288 [محمود حجازي]
5.00/5 (1 صوت)

01-10-2014 04:58 PM
على سفارة الخرطوم المتكلسة القابعة في حي السفارات ان تتدخل فورا حامية لهالمواطنة في هذا الموضوع المهين لكل سوداني وعليها تنصف المواطنة ولال تسعى للمساومة لان ذا مسالة تتعلق بكرامة وظن وعليها ان تمللك الحقائق للمواطنين السودانيين
KKK وعلى موقع الراكوبة تمليك الناس الحقائق برمتها وليس مزوءة.


#882282 [ابوخالد]
5.00/5 (1 صوت)

01-10-2014 04:52 PM
نشوف سفارتنا حتعمل شنو))؟؟؟؟؟؟؟؟؟؟؟؟؟؟؟؟؟؟؟؟؟؟


ردود على ابوخالد
European Union [أم أحمد] 01-10-2014 06:22 PM
والله ضحكت لامن صنقعت..
هو بالله عندنا سفارة هنا في السعودية؟؟؟
حكم والله


#882281 [Faisal]
3.00/5 (2 صوت)

01-10-2014 04:46 PM
مسكينة.. هربت من ضرب هنا لقت الضرب راجيها هناك!!! لكنه أخف قدراً باعتبارها أصلاً غريبة والغريب حقوقه (مهضومة)!!! الأحرَّ الضرب وانت في بلدك..!!


اطمئنوا مش ح يحصل حاجة وستضطر للمكوث هناك لأنه أكرم له، وأتمنى تكون بتقرأ حديثي هذا.. ما تركبي راسك واقبلي بالمهانة دي وأنسي.. أهو ضربة وعلقة ومشت والأيام والريالات كفيلة بأنها تنسيك.. الأهم الناس اللي انت بتصرفي عليهم.. والأهم بطنك الشبعت هناك بعد جوع.. والأهم بهدلتك الفارفقتك منذ مفارقتك لي بلدك.. ما تسمعي كلام الأبالسة البقولوا ليك كرامة.. ديل حاسدنك وعايزينك يضيعوك


ردود على Faisal
United States [المأفون] 01-11-2014 01:13 PM
كلامك واقعي ، و يا بكراوي كلامك عاطفي

[BAKRAWY] 01-11-2014 12:07 AM
ياخى خلى عندك دم وحرارة قلب اتمنى انك كنت فى موقع هذه المسكينة اكيد كنت تقول معليش والمسامح كريم!!!!

European Union [أم محمد] 01-10-2014 06:18 PM
ياخي حرام عليك تطير الريالات التي تبيع الكرامة

[habar] 01-10-2014 05:55 PM
" والريالات كفيلة بأنها تنسيك ". اختشي يا رجل على عرضك ، أية ريالات تلك التي تنسي الضيم والمهانة واحتقار الذات ؟ والله كسرة بموية وأنت عزيز مرفوع الرأس ، موفور الكرامة ، خير ألف مرة من " هوت دوق " ، سواء أن كان هذا " الهوت دوق " في ضيعة البشير ، أو في بلاد مستجدي النعمة .


#882278 [osman]
4.00/5 (3 صوت)

01-10-2014 04:45 PM
ما كان في سوداني حاضر يدي ابو عقال دا بنيه واحده تخليه عمره ما يرفع يده علي واحده تاني


ردود على osman
European Union [أم أحمد] 01-10-2014 06:24 PM
هنا كل النسوان لابسات الخيمة وما كان حيعرفها سودانية
وحتي لو عرفها اكل العيش حارررر والرجال ماتو في كرري زمان


#882275 [كركاب]
5.00/5 (2 صوت)

01-10-2014 04:42 PM
لا ملابسات ولا قضيه كعادتهم يدخل الطؤارى ويريد ان يتفرق له الجميع
مع العلم هنالك فى نفس الوقت يوجد ايضا حالات حرجه تتطلب العنايه
اذا اراد ان يلؤم احد عليه ان يلؤم وزاره الصحه فى عدم توفر الطاقم الكافى للطؤارى
وخصوصا فى المناوبات الليليه ...
بدون تفاصيل معروفه النتيجه انه تعدى عليها ولا جدال فى ذلك ...وسوف نسمع الكثير من هذة القصص
على الدكاتره عليهم الابتعاد من الطؤارى ، عمل غير مريح ومزعج
حيث يحضر المرافقين مع المريض وهم فى حاله توتر شديد ، ولا يلتزمون بالانظمه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية
تقييم
10.00/10 (1 صوت)




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة