اليوم التالي


01-28-2014 06:37 PM

د الرازي الطيب ابوقنايه

في صبيحة اليوم التالي, مررت كعادتي علي (عبدو بتاع الطعميه) والتي داومت علي تناولها في الشهور الاخيره مع افطاري نسبه لان طبيبي قد اقترحها باعتبارها اكثر افطارا مناسبا لحالتي الضغط والسكري اللذان يتسيطرا علي جسدي المنهك منذ فتره ليست بالبعيده. ورغم انني لم انم نوما هادئا في الليله السابقه, وان اثار الارهاق باديه علي وجهي, الا انهما لم يمنعاني من مداعبه (عبدو) بالاحاديث اليوميه المعتاده. وقد كان عبدو يطلق علي لقب (ياخواجه) دون ان ادري من اين اتي به.

وكعادتي عندما اكون في انتظار (طعميتي) قمت بتذوق واحده ووجدت فيها طعما مختلفا. "انته ياعبدو الطعميه دي الليله غيرته بهاراتا؟" اجاب بلا مبالاه " لا ياحاج زي ماهي."

" طيب مالا الطعميه دي كدا الليله؟" سألته وانا اتحسس طعمها في فمي. "طعميتك دي الليله ملحا كتير شديد." وبضحكه لا تخلو من الخبث نظر الئ وقال بنوع من السخريه" الراجل خلا خشمكم ملح ملح ياخواجه" وبخجل دون ان ارد عليه, اخذت طعميتي وانحشرت وسط الملح (اقصد الزحام).






تعليقات 12 | إهداء 0 | زيارات 8029

التعليقات
#901598 [kamuzu]
0.00/5 (0 صوت)

01-30-2014 09:03 AM
عزيزي د الرازي ابوقناية
الف سلامة لك من امراض العصر الضغط والسكري
كان آخر عهدنا بك يوم كنت شابا وسيما وتعمل مضيفا بالخطوط الجوية السودانية ولكنها دورة الايام
تحياتي لاسرتك بودمدني جميعا .... وسيبك ون حكايات الريس دي اصلها ما بتنتهي
لك ودي


#900373 [Kudu]
0.00/5 (0 صوت)

01-29-2014 08:12 AM
ببساطة نرد على هذا القزم الوضيع في يوم مظاهرة الناس كل الناس سيكون يوم جمعة الناس كل الناس بتاريخ 31 يناير 2014


ردود على Kudu
United States [رانيا] 01-29-2014 03:05 PM
أنا أقترح أن تحدد التاريخ سريا ليه تقوله علنا ويستعدوا ليكم بالعتاد ؟؟؟ ولا أنا غلطانة ؟؟


#900368 [omer]
0.00/5 (0 صوت)

01-29-2014 08:09 AM
الطعمية السودانية المصنوعة من الكبكبي افضل من تلك المصنوعة من الفول المصري


#900230 [ود البطانه]
0.00/5 (0 صوت)

01-29-2014 06:31 AM
الجماعة ديل شافوكم مليتوا من كلمات (النفرة)كما في (النفرة الكبرى)والنهوض كما في (النهوض بالمرأة)وبدلوهم بكلمة (الوثبة).

بس المحيرني كلمة (احابيل) دي بديل لي شنو ولا دايرين يجربوها فينا لاول مرة.


ردود على ود البطانه
United States [Abdullah Mohammed] 01-29-2014 08:13 PM
هههههههههههههههههههههه والله قلبت الهوبة .. نسوي شنو غايتو ، تعلمو الحلاقة على رؤوس اليتامى
ابلغ تعبير عن خطاب البشير

[ودالعوض] 01-29-2014 07:53 AM
أحابيل دي ياود البطانة ياأمي جمع حبل و الحبل بربطوا بيه الجاهل زيك عشان ما يطلع الشارع يكورك أها فهمت و لا أزيدك عشان تثب وثبة اندغامية ، برضو قول لي اندغامية دي ما عارفها،،،أما شعب أمي بصحيح و الله يرحمك يا أمي و يدخلك فسيح جناته.


#900215 [عماد الغبشاوي]
0.00/5 (0 صوت)

01-29-2014 06:00 AM
هنوية الصلحابي موسي الرجاء قراءة مابين السطزر


ردود على عماد الغبشاوي
[باسطة] 01-29-2014 09:31 AM
يا عماد أحسن خلي هنويه في حالها لأنها كده هي هادئة و هنية مالك عاوز تجيب ليها وجع الراس

European Union [د الرازي الطيب ابوقنايه] 01-29-2014 08:35 AM
شكرا عماد. الكلام في (مابين) السطور ياصاحب. وشكرا لي هندويه كمان.


#900141 [هنويه]
5.00/5 (1 صوت)

01-29-2014 12:10 AM
انصحك بتغيير الطبيب فورا

الطعميه محمره فى زيت غزير وهى من اسوأ الاشياء لمرضى الضغط والسكرى

تمنياتنا لك بدوام الصحه بالعافيه


#900121 [العازة بت ود المساعد]
0.00/5 (0 صوت)

01-28-2014 11:38 PM
يا شعبنا / يا وثاب
أوعك تكتر من أكل الكباب
والجلوس الكتير مع الأصحاب

وكل مفاجأة ( وأنتم في أحسن حال ) والمفاجأة الجاية إن شاء الله تامين لامين وعدونا في مفاجآتو غاطس في الطين


#900019 [موسي صالح]
0.00/5 (0 صوت)

01-28-2014 08:58 PM
دي نكته ولا قصه ولا مقال ...يا ساتر ..اول مره اعرف انو الطعميه بتسطل...تلقاك بعد خشيت الزحام ضحكت شديد....؛


#899998 [الصلاحابي]
0.00/5 (0 صوت)

01-28-2014 08:38 PM
حلوة
لكن القاليك الطعمية كويسة منو دي كلها كولسترول


#899993 [محمد علي طه الملك]
5.00/5 (1 صوت)

01-28-2014 08:26 PM
برغم انزعاجي على صحتك غير أن ابتسامتي كانت بادية لأن الرازي الذي عرفت قبل عقود خلت
لازال يطلق ملاحظاته الخاطفة الذكية بسخرية لاذعة .


#899990 [اوهاج]
5.00/5 (1 صوت)

01-28-2014 08:23 PM
والله العظيم حلوة جدا اقصد النكتة مش الطعمية المالحه وارد قاعة الصداقة انا مبسوط جدا من نفسى لانه قدرت انه ما حيكون فى جديد لذلك لم اتابع وقلت على ايه بكرة تلقى الخبر اليقين فى الراكوبة وقد كان لكن بصراحة زعلت جدا من خلال هذا الكم الهائل من تعليقات كتاب وقراء الراكوبة انه ديل كلهم الراجل باع ليهم الترماى وخلى خشوم ملح ملح الله يجازيك يا بشبش وضيع وقتهم كان ممكن يقضى فى حاجة مفيدة على التعب عليهم زادهم تعب وبعدين والعهد على واحد من الذين شربوا المقلب قال انه مبسوط جدا لانه شاف الراجل كان مهزوز ومشوش وخائف وكان برجف ووقع فى اخطا لغوية ساذجة حتى الجملة يقراها غلط ةبعدين يرجع يعيدها عشان تدى المعنى المطلوب ده اذا كان فى معنى اصلا وعلى ذكر الاخطا الغوية والله ناس الانترنت معذورين جدا يا سيبويه الانقاذ اه رئيسك ده تقول علية شنو ؟


#899976 [ساب البلد]
5.00/5 (4 صوت)

01-28-2014 08:06 PM
******* و الله خطاب عمك زي ترجمة الفيلم الصيني ****** هو ذاتو ما فاهمو ****** انت قلت يمكن كتبو بكوري لانو خيالوا واسع ****** حكاية الوثبة ما تخطر علي بال مومن غير بكوري *******



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة