الأخبار
أخبار إقليمية
مدير "سودانير": "قروشنا كلها رايحة في إيجار الطائرات"



01-30-2014 11:50 PM

الخرطوم - نازك شمام
أقرّ مصطفى عثمان إسماعيل الوزير بالجهاز القومي للاستثمار بحاجة الخطوط الجوية السودانية إلى وقفة عاجلة لوقف التدهور الذي حاق بها وقال في منتدى مجلس الوزراء أمس بعنوان (الخطوط الجوية السودانية الواقع ومآلات المستقبل) إن ما يجري في سودانير انعكاس لأمراض مختلفة لا بد من معالجتها، وكشف عن تلقي الجهاز لعدد من العروض العربية والدولية والوطنية للاستثمار بها، بينما كشف عبد المحمود سليمان المدير العام لسودانير عن وصول مديونية الشركة إلى (362) مليار جنيه ووصف الهوية القانونية لها بغير الواضحة ومزدوجة التعامل وقال إن الشركة محكومة بعدد من القوانين حيث تمتلكها وزارة المالية وتشرف عليها وزارة النقل وتمتلك مجلس إدارة تم حله منذ العام 2013 بما خلق فراغا إداريا بالشركة وأكد سليمان على امتلاك الشركة لتسع طائرات لا تعمل منها إلا واحدة ما اضطر الشركة لاستئجار الطائرات لممارسة نشاطها إلا أنه قال: "قروشنا كلها رايحة في الإيجار" ونوه إلى أن الحسابات الختامية للشركة أظهرت خسائر لفترة عشر سنوات متتالية وأكد امتلاك الشركة لعدد 62 قطعة أرض كأصول له إلا أن الشركة تتخوف من بيعها خشية الإعلام

اليوم التالي


تعليقات 11 | إهداء 0 | زيارات 3214

التعليقات
#902954 [fm3]
0.00/5 (0 صوت)

02-01-2014 04:39 AM
تاجروا لى شنو واصلا هى تبع اسر وعوائل الدلة رايحين جايين بيها لا قرش ولا تعريفة
وثبة وثبة هى للة
شعب جعان لكنوا جباااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااان


#902753 [المستعرب الخلوى]
0.00/5 (0 صوت)

01-31-2014 07:53 PM
طفل الإنقاذ والسودان المعجزة .. من متين بتخافوا من الإعلام .. ؟؟
الفاتح جبرا ليهو سنتين بيسأل عن خط هيثرو الضائع لامن واواته ( جمع حرف الواو ) على وشك توصل منتدى الراكوبة بيجاى ..
فعلاً الإختشوا ماتوا من زمااااااااااااااااااان .. يا حليلهم ..


#902630 [radona]
0.00/5 (0 صوت)

01-31-2014 03:01 PM
القرار الاخير بشان سودانير
يجب حل شركة سودانير وتسريح العمالة من المدير الى الغفير جميهم
وبذلك تكون قد غربت شمس سودانير تماما
احالة هذا الملف للمحاكمة بدون مماطلة او تسويف المجرمين معروفين والجريمة معروفة والقروش المختلسة معروفة مافي شئ غامض تب
الاعلان عن قيام شركة مساهمة وطنية بام سودان ايرلاينز
قيادة جديدة لنج
ما دايرين من سودانير غير الفنيين والطيارين والبقية من سودانير ولا يجوا حايمين مجرد حوامة جنب الشركة الجديدة ويعمل بلاك لست ممنوع توظيفهم او التعاون معهم
وبذلك نكون طوينا صفحات سوداء من تاريخ السودان
ولنبدا في اللحاق بالركب وكفى تخلف وفساد


ردود على radona
[عماادالدين العمدة // مسقط] 01-31-2014 06:27 PM
للتوضيح فقط ان مشمكلة سودانير ليست فى الموظفين لأنهم مغلوب على امرهم بل فى سوء الأدارة ويكفى فخرا بان كل شركات الخليج قامت على اكتاف الموظفين السودانيين ولازالت العاملة منها فى الخرطوم تعتمد عليهم ولا يمكن لطائرة ان تقلع بدون موظفى الخدماات الأرضية(حجز/ميزان/شحن÷عمليات جوية/تموين/ضيافة )حقو لو ما عندك معلومات عن الطيران ماتعلق وشكرا


#902545 [mghoor]
0.00/5 (0 صوت)

01-31-2014 12:38 PM
كويس انه في طياره سودانيه لي هسه ولا(هسع)شغاله عشان ناس التلفزيون اقدرو ابثو مدحت الطايره سودانيه يلاك قوم بي.(من غير حرج) اصلو التلفزيون تابع للاعلام (الحر)...


#902514 [نائل]
5.00/5 (1 صوت)

01-31-2014 11:30 AM
طيب بعد ما قلتو أنها خسرانة وبايظة ...... مين كان في إيدو القلم ومين السوى دا كلو وبعدين في حاجة عندكم أحسن .


#902412 [ساب البلد]
5.00/5 (2 صوت)

01-31-2014 08:06 AM
****** خلاص الطفل المعجزة ***** لحقها ليكم امات طه ******* سودانير خلاص الله يرحمها ******


#902409 [صادميم]
5.00/5 (2 صوت)

01-31-2014 08:01 AM
و من هذه القطع مطار الخرطوم زاتو ياخي بيعوا و ريحونا أنتو الله ما خفتوا منه تخافوا من الاعلام


#902382 [العميد المرفود]
5.00/5 (1 صوت)

01-31-2014 06:56 AM
قروشكم كلها رايحة في الايجار الركاب بتركبهم بلاش ولا بقروش وبعدين الكلام البقول فيه عثمان ميرغني دا كذب وبعدين نحن دايرين فترة الشريف بدر من يوم دخل الي ان خرج بالتفصيل وخط هيثرو اخباره شنو خلوا علقنا ودلع والحساب ولد ال62 قطعة دي اوع تعملوا فيها حاجة ياحرامية


ردود على العميد المرفود
United States [kommba] 01-31-2014 12:01 PM
وقال إن الشركة محكومة بعدد من القوانين حيث تمتلكها وزارة المالية وتشرف عليها وزارة النقل وتمتلك مجلس إدارة تم حله منذ العام 2013 بما خلق فراغا إداريا بالشركة وأكد سليمان على امتلاك الشركة لتسع طائرات لا تعمل منها إلا واحدة ما اضطر الشركة لاستئجار الطائرات لممارسة نشاطها إلا أنه قال: "قروشنا كلها رايحة في الإيجار" ونوه إلى أن الحسابات الختامية للشركة أظهرت خسائر لفترة عشر سنوات متتالية..



THIS IS HOW SHARYA LAW WORKS IN ECONOMIC OF ISLAMIC COUNTRY
DESTROYING EVERYTHING IN COUNTRY IN THE NAME OF GOD ALMIGHTY

THE WORLD IS FULL OF MANY SUCH EXAMPLES


#902356 [جالوص سودان]
5.00/5 (1 صوت)

01-31-2014 04:26 AM
قبلي ايام اعترفه الجزار اكبر بتنوع الثقافي و عرقي وقال الناس لي ناس وثبة..... واليوم نتفاجاة بعتراف جديد من الطفل المؤجزه... بفقدان اهم شركات طيران {سودانير} لا نريد اعترافات من غير محاسبه ...هذا المره تشهدلنا الفيديوهات و صور لكل الانتهاكات عن كان لسودان او لي انسان السوداني ... ايضآ لا نقبل بحكم او دستور اسلامي .. لانها فشلت في مساواة الوان الطيف السوداني في وطن كانت مليون ميل مربع ..حتي وصلنا حاوية الوثيه .. ختامآ ... نريد جمهورية السودان الديمقراطية >>>>


#902348 [حمود]
5.00/5 (2 صوت)

01-31-2014 03:56 AM
بيع بيعك يا أهبل والله زول سالك مافي هسه لأنو بعدين ما ح بكون في سؤال ح يكون في جز ريسان بس وبعدين يا قذرين أنتو ما خفتو من ربنا يا حراميه عايزين تخافو من الاعلام يا فاشلين.
الزيك ده اخره يبيع مويه في سوق الجمعه لأنو ما عندكم فهم تديروا بيه بنشر خليك من خطوط جويه وبعدين انت أول حل لقيته انك تبع أصول الشركة عشان تظبطو العموله يا حقيرين. سيبوا كل حاجه زي ماهي لأنو ايامكم قربت يا حثاله.


#902305 [سليمان]
4.00/5 (2 صوت)

01-31-2014 01:30 AM
قروشنا كلها رايحة في إيجار الطائرات

انا نفسي اعرف دا منو الاهبل البيركب الطايره السودانية المحتاجه لزه عشان تطير دي

حتى لو مؤجرنها اي طياره بتدخل السودان بتتسودن بالعربي بتبقى سودانية لزوم دايره لزه اها كانت بطلت واحتاجت لزه في الجو الحل شنو حيكون........وكمان ديون تاني يحليلا الناس الحيجو بعد حكومة المؤتمر الوثني حيحتاجو تعب شديد عشان يرقعو العملوهو الوثنين ديل



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
3.00/10 (1 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة