الأخبار
أخبار إقليمية
والي الجزيرة يتعرض الى اغماءة نتيجة نقاش حاد مع وفد محلية ام القرى
والي الجزيرة يتعرض الى اغماءة نتيجة نقاش حاد مع وفد محلية ام القرى


01-31-2014 05:49 PM
مدني محمد عبدالله

تعرض البروف الزبير بشير طه والى ولاية الجزيرة الى حالة اغماء مفاجئة اثر نقاش حاد وذلك مساء يوم الاربعاء الماضي حيث تم نقله الى مستشفى الشرطة وذلك مع وفد من محلية ام القرى ضم قيادات مجلس تشريعى محلية ام القرى ومجلس شورى الوطنى بمحلية ام القرى وذلك للقرار الذى اتخذه المجلس بسحب الثقة من احمد سليمان الشايقي معتمد محلية ام القرى حيث رفض الوالى الاستجابه لهم الا ان رئيس مجلس تشريعي محلية ام القرى اكد بان قانون الحكم المحلي للعام 2005م وفى نص المادة 96 تخول للمجلس سحب الثقة من المعتمد وتكون ملزمة مما حدا الطرفين فى الدخول فى نقاش حاد كانت نتيجته اعياء واغماء الوالي.

واكد رئيس مجلس تشريعي محلية ام القرى بأن المجلس سوف ينعقد فى الاحد القادم لاتخاذ العديد من القرارات والاجراءات وذلك باللجوء الى المحكمة الادارية والدستورية وتصعيد الامر مع المركز فى حالة اصرار الوالي على بقاء المعتمد وان المجلس متمسكا بإقالة المعتمد بل سوف يلاحقه قضائياً فى تجاوزاته الادارية والمالية.

وفى ذات السياق كان وفد من محلية الكاملين قد قدم شكوى لوالي الجزيرة ضد المعتمد يطالبون فيها باقالته من منصبه الا ان الوالي رغم وعده لهم، لم يستجيب وان هنالك وفداً من المحلية سوف يقوم برفع شكوى الى المركز ضد الوالى والمعتمد.


تعليقات 40 | إهداء 0 | زيارات 13886

التعليقات
#903822 [أبوالكجص]
0.00/5 (0 صوت)

02-02-2014 10:41 AM
يا والي الهناء الجسم التشريعي بقول ليك المعتمد فاسد ولديهم الغثبات انت بتدافع عنو ليه


#903792 [kamuzu]
0.00/5 (0 صوت)

02-02-2014 10:12 AM
هذا الوالي النكرة الذي دمر الجزيرة وعاصمتها الجميلة ود مدني اسال الله تعالي ان ياخذ روحو اليوم قبل بكرة حتي نتخلص منه ومن امثاله ..... النتن المعفن


#903322 [ود الفاضل]
5.00/5 (1 صوت)

02-01-2014 03:52 PM
فى زمان المشروع الحضاري كما يسمونه اجهل خلق الناس بالاسلام ظل هؤلاء المهوسون يغيرون اسماء القرى والاسواق باسماء الصحابة تارة وباسماء البيت الحرام تارة اخرى واسماء المشاعر المقدسة ايضا ، فقد اطلقوا اسم الصحابي الجليل عبدالله ابن مسعود على سوق (أبوجهل بالابيض ) واطلقوا اسم مزدلفة على احدى المحليات فى انحاء السودان كما اطلقوا اسم ام القرى على هذه القرية فى الجزيرة وام القرى (هي مكة المكرمة ) لتنذر ام القرى ومن حولها صدق الله العظيم .. الاماكن المقدسة والصحابة عليهم الرضوان لهم المكانة السامية ولا يمكن تطلق هذه الاسماء على كل موقع فى الارض وذلك للقيمة الدينية والادبية فى نفوس المسلمين للمشاعر المقدمة ولصحابة الرسول الكرام ، ولكن هؤلاء لايعرفون الفرق بين الذهب الخالص والنحاس الصدئ . ولهذا فكل قيمة دينية وكل عرف وتقليد وشرف يتسق وروح الاسلام فى زمانهم اصابه العطب . وهذا الزبير طه لعله يدافع ويصارع من اجل تحسين وجه الانقاذ الكالح الاغبر ، ولهذا عندما عجز عن الاقناع بالمنطق استخدم اعصابه وكل حواسه فسقط مغشيا عليه ، ولو ذهب اصحاب المشروع الحضاري جميعا فى ليلة واحدة لما نزلت دمعة صادقة حزنا على فقدهم بل سيكون عزاء السودانيون جميعا ( بلى وانجلى) ،، ولو كان الشعب السوداني كما عرفناه موجودا بكل كبريائه وعنفوانه وعزته القديمه لما عاشت الانقاذ عامين كاملين ، ولكن للاسف مات الجيش السوداني ومات السودانيون وجلهم هجروا الديار وشتوا فى اقطار الكرة الارضية الاربع وتركوا فى البلاد القواعد والخوالف والججزة والنساء ولهذا اصبح الورل يقدل ضحى فى عواصم البلاد بعدما تأكد له رحيل الاسود من ارض السودان. كم أتمنى أن تبدأ الهجرة العكسية من ديار الغربة بالملايين الى السودان عند ذلك سوف يتغير وجه الارض فى هذا البلد اليتيم ..


ردود على ود الفاضل
European Union [هناء عبدالعزيز] 02-02-2014 03:30 AM
كم أتمنى أن تبدأ الهجرة العكسية من ديار الغربة بالملايين الى السودان عند ذلك سوف يتغير وجه الارض فى هذا البلد اليتيم ..

اللهم آمين فعلا هذه كنوز وخبرات تستطيع فعل الكثير


#903277 [جاكوما]
5.00/5 (2 صوت)

02-01-2014 02:17 PM
كترت المجالس . مجلس تشريعى وشورى ومعتمد ووالى ووفود وهيلمانة
والنتيجة فساد مستشرى . زمان المحلية دى بيديرها ضابط ادارى واحد
وماشة زى الطلقة


ردود على جاكوما
United States [عباس] 02-01-2014 04:49 PM
الكترة دى ياها الضيعت المواطن او ضيعت حقوقه وسببت له الرهبه من ان يطالب باى حقوق منهم لله المنتقم الجبار ناس تقول المعتمد ما عائزنوا الوالى بيصر عليه لماذا يظهر انو فى طبخه معفنه بينهم والشكوى لله .


#903247 [ابو منتصر]
5.00/5 (2 صوت)

02-01-2014 01:28 PM
انا أتمنى انو الاغماءة دي تكون حقيقية ما شغل ثعالب ساكت


#903237 [صابر]
5.00/5 (1 صوت)

02-01-2014 01:14 PM
يا ناس مدني بالله ورونا محلية أم القرى دي قبل الإنقاذ (أي قبل المشروع الحضاري الكيزاني) كان اسمها شنو؟
طبعا الدباب الزبير طه دا بتاع علم نفس ولكنه مريض، مسكين، من هول الفظائع والدماء التي شارك في سفكها والمواطنين الذين شارك في تعذيبهم في بيوت الأشباح. عايز ليه بتاع علم نفس يعالجه وأنصحه لأن يتصل ببرنامج "مافي مشكلة" الذي تبثه قناة النيل الأزرق. طبعا من اعترضوا عليه إذا لم يكونوا من المحسوبين عليه الذين يقفون في نفس صفه لما احتاج لأن يدخل في هذه الإغماءة (الدوخة)، كان زماااااااااااااااااااااااااااااااااااان صفاهم.
اللهم أجعل كيدهم في نحرهم.


#903182 [ود كييين]
5.00/5 (3 صوت)

02-01-2014 12:00 PM
البروف ضيع الجزيره ومدني وما قادر يحل مشاكلها هو السبب في سرقة الولايه


#903164 [تهانى موسي]
5.00/5 (2 صوت)

02-01-2014 11:35 AM
إذا المجالس التشريعية لا يعتد بقراراتها طيب الفايدة منها شنو ؟


#903154 [البعشوم]
5.00/5 (4 صوت)

02-01-2014 11:19 AM
كل الكيزان كدا ..؟؟ إغماءة ؟؟ حيا أنا !! (عودك) قاااااااااااعد راجيك


#903098 [سامي]
5.00/5 (4 صوت)

02-01-2014 10:32 AM
الاغماء دايما يصحبه(الدستور) والدستور دا عايز ليهو دلوكة وحناء وجلع بنات أكيد في مختصين للحكاية دي في حكومته بس متمني أشوف رقيص الوالي دا في دستورو بكون كيف؟


#903053 [ابو ملاذ]
5.00/5 (3 صوت)

02-01-2014 09:35 AM
ياجماعة بالجد والله والكلام دا قالتو لي واحدة وحلفت لي ان احمد الشايقي اداها قطعة ارض هدية منو اقسم بالله بلسانها قالت لي كدا والزولة دي من بنات مدني وجميلة ومطلقة .... العبد لله كان ناوي يعرسا بس ربك لطف لاني سمعت من مصدر موثوق ان الشايقي دا بتاع نسوان


ردود على ابو ملاذ
European Union [البعاتي] 02-01-2014 01:48 PM
قطع شك احمد الشايقي اكل " الويكي "، وطبقلها .........

[سالم عبد الله] 02-01-2014 11:34 AM
قـــطـع شك عمل يـــــكون ( ) .


الله شافك يا زول هسي كان تكون الشكوك حارقة قلبك , و كمان تكون دايما تعبااااااان


قدر ما تشتغل ما . . . . . . ( أكييييد فهمت قصدي شنو .


#903052 [ابوجلاجل]
5.00/5 (3 صوت)

02-01-2014 09:35 AM
احمد الشايقي ما اضاف اي جديد لمحلية ام القري بل ان في عهده غير العطش مافي اي حاجه هم قالوا ليك ماعايزنو انت مالك متمسك بيه اخرالاخبار قالوا احمد الشايقي كان امير الزبير في العمليات عشان كده ماعايز يخالف أميره .اسالونا من الزبير لم يوفق في ادارة الولاية بل ان عبدالرحمن سر الختم أفضل منه بمليون مره لم نري منه سوي البؤس والشقاء والعوز بل والادهي والامر ادارة الولاية علي أساس قبلي نتن وذلك بانحيازه لفريق ضد أخر


#903045 [AHMEDJALAL]
5.00/5 (2 صوت)

02-01-2014 09:26 AM
والله بني كوز ديل حيرونا لكن يا الزبير عملتها شينه


#903043 [جركان فاضى]
5.00/5 (2 صوت)

02-01-2014 09:21 AM
الزبير بشير طه لما شاف حملة الجزيرة لدعم ابوكرشولا طار صوابه من ضخامتها...وعشق هذه النفرة وذهب معها بنفسه حتى الابيض...وهناك اختفت الحملة بمافيها من مواد ومساعدات...ثم ظهرت بضائع الحملة فى سوق نيالا وهو سوق جائع للبضائع...واسعاره نار...ولاننسى ان قوات مناوى هاجمت بعض شاحنات الحملة واستولت على المواد غير انها ارجعت الشاحنات لاصحابها..وبذلك شال مناوى حق الزكاة..فيما كب الزبير قروش الحملة فى جيبه..كان بقدر جيبو يشيلها


ردود على جركان فاضى
European Union [ابومحمد] 02-01-2014 12:47 PM
يااخي اتق الله في حق البروف الزبير


#903031 [ابومروه]
5.00/5 (2 صوت)

02-01-2014 09:05 AM
احمد الشايقي عندما جاء للمؤنمر الوطني قبل ثلاثه اعوام كان سمعته في الاسواق انه صاحب الشيكات الطائره اما الان فاسالوا عن الشايقي ابعثوا في اوراق العربات و في ابو ادم البيت سعره اكثر من مليار و الاراضي و غيرها ثم كان قبله معتمد الكاملين و قبلهم معتمد جنوب الجزيره يطرحو فيهم صون الثقه و متهمون بالفساد و لم يقدمو للمواطن خدمه فيتدخل الوالي و يبقي عليهم و كان المواصفات هذه هي المطلوب للوالي و السلاميين و المؤتمر رغم علمي بانه لا رائ لوزير او معتمد مإ الزبير


#903015 [ود جمدنالله]
5.00/5 (2 صوت)

02-01-2014 08:46 AM
شايقى الوداهو مشروع الجزيرة شنو خلى يمشى يشوف بلحو وين


ردود على ود جمدنالله
United States [دا شنو دا كلام الجهل والتخلف دا] 02-01-2014 04:50 PM
المسمي نفسه ود جمدنا انا والله ما شايقي لكني من شمال السودان واسكن وسط السودان.. طيب انت الان واليك دا جابوه باعتباره من ناس المنطقة عمل شنو،، غير بستعرض لينا جلاليبو ومراكيبه البيضاء وكل يوم عصاية خزيران

بطلوا الجهوية والنظرة الضيقة دي،، نحنا ما بنتكم عن اناس فاسدين وغير فاعلين ما بنتكلم عن قبائل وقرف الله يقرفك ويقرف ابو الانقاذ

[ahmad] 02-01-2014 11:17 AM
hg
خلاص قسمتة السودان انت زي الكيزان الفرق شنو يعني


#902998 [الممغوص]
4.94/5 (7 صوت)

02-01-2014 08:04 AM
Histrionic Personality Disorder
بالله الباطل دا بعد إصراره بأنو خالد بن الوليد بتاع زمانه, أتاريهو بتجيهو نوبة هيستيريا زيو و زي البنات المراهقات البيحبوا الإهتمام و الأنصياع لرغباتهن؟؟ الرجالة ملحوقة يالزبير ههههههه


ردود على الممغوص
[جركان فاضى] 02-01-2014 09:04 AM
يا اخى جاتو خمة نفس ماهى هستيريا


#902971 [معاويــــــــــــــــــــــــــــــــــة]
2.50/5 (2 صوت)

02-01-2014 07:00 AM
نسال الله السلامه لانفسنا وللشعب السودانى اجمع ما عدا هذه الفئة الضاله
وهذه من نعم رب العباد للشعب السودانى ان يصيب هؤلاء القتله واحدا تلو
الاخر جزاء بما يعملونه فى حق هذا الشعب المسكين ونسال الله ان تعم هذه الغمه
كل منسوبى المؤتمر الوثنى حتى نراهم كشارون الذى جعله الله عبرة لمن لم يعتبر


#902935 [ود البلد]
4.00/5 (3 صوت)

02-01-2014 02:23 AM
يكون لعبه عمله وهو طفل و استعملها و هو كبير
كما قال الامام على كرم الله وجهه
(عرفتهم اطفالا فكانوا شر اطفال وعرفتهم رجالا وكانوا شر رجال )


#902905 [tata]
4.50/5 (4 صوت)

02-01-2014 12:22 AM
هسترة نسائية..كان انا كضاب اسالو دكتور طوارئ ..وهو يشرح ليكم...ههههههههه


ردود على tata
[صبحي الحسن] 02-01-2014 11:40 AM
أنا دكتور طواريء إحتياطي بالمساء و الصباح شغال تــــرزي .

إحتمال كبير الزول ده يكون حــــامل عشان كده أغمي عليه , جيبو جاي النكشف عليهو .


#902855 [فى الجزيرة نزرع قطنا نزرع نتيرب]
4.82/5 (6 صوت)

01-31-2014 10:46 PM
ان شاء الله اغماءك ده يكون زى حق شارون


#902848 [ود الدكيم]
4.79/5 (6 صوت)

01-31-2014 10:31 PM
إغماءة مفاجئة؟؟؟عاوز تمشي المانيا تعمل فحوصات؟

مش في حيوان كده لمن ينزنق بيطلع ريحة نتنة ويعمل نفسو ميت عشان يغش المفترس.


#902818 [nagatabuzaid]
4.88/5 (7 صوت)

01-31-2014 10:00 PM
يبدو ان المصالح مشتركة واقالة المعتمد فيها عوجة كبيرة عليه والله اعلم


ردود على nagatabuzaid
United States [nagatabuzaid] 02-01-2014 07:04 PM
الكريمان جركان مليان مش فاضى وابو ريشة شرفتمانى بمروركما الكريم
والنشوف اخرة اللوبيات واللولوات وفى النهاية اخرتها معروفة والله يمد
فى عمرنا لنشهد روعة المشهد

United States [جركان فاضى] 02-01-2014 09:08 AM
تحية واحتراما عزيزتى نجاة ابو زيد..وحمدا على السلامة بعد بعض الغيبة...والموضوع ليس مصلحة مشتركة ..الموضوع شركة عديل

United States [AburishA] 02-01-2014 12:02 AM
كلامك صاح يا بت ابوزيد..شغل عصابات ولوبيات.. يعني المجلس التشريعي ومجلس شورى المؤتمر الوطني بالمحلية بالنسبة للوالي (ماسورة).. لك التحية


#902806 [ياسر أبوعبودى]
5.00/5 (2 صوت)

01-31-2014 09:37 PM
الزبير بشير طه والى الجزيره برغم مؤهلاته العلميه التى تشهد لها المحافل الاكاديميه فى العالم...الأ انه لم يستطع اداره شئون الجزيره وحل مشكلاتها بل زاد الطين بله فى تعين مسؤلين لم يكتب لهم النجاح وعدم محاربه فساد الدوله (والحرمنة)الذى ينتهجه موظفى الحكومه ومتعهدى المنظمات فى السمسره والرشاوى خاصة داخل وزارتى الماليه والتخطيط والصراعات داخل مؤسسات الدوله والحزب الحاكم مما اضاع شئين مهمين هما الوقت والمال...اذا فشل الوالى نابع من عدم مقدرته الاداريه فى قياده امور الولايه ومواطنوها...ولكن سمع مصادر مقربه فى حكومه الولايه نفت امر المعلومات الوارده وانه لم يتعرض لاى وعكه مرضيه هذا ما اردت توضيحه.


#902793 [احمد عبدو]
4.50/5 (5 صوت)

01-31-2014 09:05 PM
والى الجزيرة معروف بحمايتة للفساد هذه هى المرة التالتة التى يحمى ويتستر فيها على فاسد المرة الاولى كانت فى جامعة الخرطوم عندما كان مديرا لها قام بحماية احد منسوبى الجامعة بحجة انه من المجاهدين ورفض محاكمتة ورغم ثبوت الاختلاس بواسطة النيابة . المرة الثانية عندما اختس مسئول التمويل الاصغر فى ودمدنى قام بتغطية المبلغ من ميزانية الولاية وقد اثبت ذلك كمخالفة المراجع العام وفى هذه المرة يرفض قرار المجلس التشريعى بسحب الثقة من المعتمد الفاسد احمد الشايقى بواسطةالمجلس التشريعى لمحليةام القرى ذلك يثبت ان الوالى المجاهد فاسد ويحمى المفسدين وتشهد بذلك تقارير المراجع العام حيث ان الولاية بها اكبر نسبة اختلاسات فى تاريخه فى عهد الزبير الفاسد المفسد وهناك ملفات فساد اخرى تم فيها التصرف الاف الافدنة مع وزير الزراعة عبدالله كبير المفسدين فى الولاية وكذلك التصرف فى اراضى مشروع الدجاج الكويتى المتاخمة لولاية الخرطوم مع مافيا تحويل الاراضى الزراعية الى سكنية .


#902783 [رقم صفر]
5.00/5 (11 صوت)

01-31-2014 08:53 PM
هذه الاغماءة غير دستورية لذا يجب محاسبته


ردود على رقم صفر
European Union [ضحكتنى] 01-31-2014 10:30 PM
حلوه والله


#902766 [AburishA]
4.75/5 (6 صوت)

01-31-2014 08:20 PM
المركز.. المحكمة الدستورية معناها القضية حجرها غتس ..قدموا استقالات جماعية!!
الجبهة الثورية ترحب بكم.. حللتم اهلا...


#902739 [عصمتووف]
4.69/5 (6 صوت)

01-31-2014 07:20 PM
الدباب والمجاهد الكاذب الذي يرتدي الزي العسكري اجبن من فار ده نقاش وكيف كان ويكون حالك وسط صليل السيوف ولعلعة الرصاص ودوي والقنابل والقذائف والصواريخ الحائمة اكيد كنت تتغوط وتتبول علي سروالك ايها المجاهد الهمام


ردود على عصمتووف
[جركان فاضى] 02-01-2014 09:13 AM
يا حبيبى يا عصمتوف...الزبير رجع من الجهاد الاصغر(قطيع البصل للدبابين)...ورجع للجهاد الاكبر...خم المال...وكلها هى لله هى لله

United States [nagatabuzaid] 01-31-2014 09:55 PM
كلهم كده يا عصمتوف تفيخة ساااااااكت بالونات من قولة اف تتطرشق ويغمى عليها


#902738 [fato]
2.82/5 (7 صوت)

01-31-2014 07:19 PM
المجاس التشريعى علطان طالما الوالى المجاهد الحرامى متستر على معتمده الغاسد وهذه هى اﻷنقاذ كبار المسئولين من بشبشهم ﻷصغر مسئول شركاء فى السرقة والفسادوالشعب لازال يصدق وثبات البشير الكاذب.


#902734 [يونس]
5.00/5 (2 صوت)

01-31-2014 07:15 PM
حلاتو يا ناس الراجل دا ماقدر النقاش والحك لمن تجيب الدم دا عليه السمع والطاعة والخوف من اصحاب التقيلة والسرقات الجامدة ما بقدر عليهم اه هسي اغماء عليه وعيان كما ن واااااااااااسجمكم من كلاب الحر التايعبن للشايقي ويقلها منكم يا يتاعين المجلس ولا من الشايقي يا رب افتح ليه جهة جاهد يشرد ليها وريح نفسو من الفتنة انتو حرب الجنوب ما فيها جهاد ولا وشهادة ولا لي هسي ما معروف الفتوة فيها شنو وين شيخي الترابي ما عندو فتوة كاربة لي حرب الجنوب


#902730 [العمدة]
5.00/5 (2 صوت)

01-31-2014 07:08 PM
عدم تقبل الرأي الآخر من أوليات حيكومةالإنقاذ بسبب طريقة التفكير التي تدار بها الدولة والتمكين، والذي ينمي التطرف ونبذ الآخر بقوة ..ألحس كوعك..الزارعنا يجي يقلعنا..مسكناها بالسلاح والراجل يجينا..قبل الإنقاذ السودانيين شحادين..والناس ترجع لأكل الكسرة بالطماطم..وأحمدوا الله ست الشاي ماسكه ليهاموبايل..ونحن نفاوض كل من هب ودب..وأخيرا الهوت دوق،،،،


#902725 [بت حبوبتها]
4.88/5 (5 صوت)

01-31-2014 07:03 PM
بصراحة, لم أستغرب لإغماءة الوالي أو لتمسكه الشديد بالمعتمد !

بل أستغرب لموقف مجلس تشريعي أم القرى ومجلس شورى المؤتمر الوطني فيها إذ "أن المجلس متمسكا بإقالة المعتمد بل سوف يلاحقه قضائياً فى تجاوزاته الادارية والمالية" !

الحصل شنو؟ يا ربي ناس المجلس المؤتمرجية ديل يكونوا أعلنوا إسلامهم أسوة بإسلام السفير الأمريكي مؤخرآ ؟!


ردود على بت حبوبتها
European Union [بت حبوبتها] 02-01-2014 12:08 AM
يا ألف مرحب بالأخت الكريمة نجاة, نحن كمان افتقدناك في الفترة الماضية, كوني دائمآ بخير ..

United States [nagatabuzaid] 01-31-2014 09:57 PM
جيتا جيتى يا بت حبوبتها طولت ما شفت الاسم ده ولا ياربى علشان انا كنت غائبة ؟؟

United States [Abu Areej] 01-31-2014 09:44 PM
احييك ... نعم الاستغراب كان من موقف المجلس التشريعي !!! غريبة .. يكون بدأ الضمير يصحى شوية والا مكايدات مع المعتمد ؟؟ المهم في شيء غير معروف .. لك التحية


#902724 [أبوعلي]
3.75/5 (3 صوت)

01-31-2014 07:01 PM
حالة اغماء مفاجئة

كوز كذّاب ، تمثيل واضح للتهرّب من المواجهة
إدانة المعتمد هي إدانة له فهو شريك رئيسي


#902723 [العطبراوى]
5.00/5 (2 صوت)

01-31-2014 07:00 PM
هذا الجنس يجب كنسه ونحن عندنا فى عطبرة واحد اسمه أحمد الشاىقى . اعوذ بالله


ردود على العطبراوى
[مدني] 01-31-2014 11:22 PM
و نحنا عندنا واحد من عطبرة ..... عديل


#902717 [Ahmed]
5.00/5 (1 صوت)

01-31-2014 06:44 PM
سفر البن


#902714 [تاتاي في الربع الخالي]
5.00/5 (3 صوت)

01-31-2014 06:41 PM
والله تغمر تعمل فيها ميت ..دا كلوووو ما بحلك ارجا الراجيك والحساب عسييير في الدنيا قبل الاخرة ...قال اغمي عليه قال ...


ردود على تاتاي في الربع الخالي
United States [سامي] 02-01-2014 10:07 AM
ربنا يشفيك


#902711 [جدودنا زمان]
4.00/5 (2 صوت)

01-31-2014 06:37 PM
مجرد نقاش عمل ليه اغماء
امال لو حاكموه حا يتوفى ؟؟


#902709 [حسن]
5.00/5 (1 صوت)

01-31-2014 06:31 PM
يارب نسمع خبرك وخبر اخوانك ياوالى السجم واحد واحد ويعم الفرح ربوع بلدنا وترجع كرفان وطيبة اهلها وجمال ربوعها وغاباتا وفيافيها وكل شبر من بلدنا ويرجع لينا سودانا القديم مليون ميل مربع ويبقى اهلو اوعى المره دى يكرمو بضهم ويعزو اهلهم بعد ما نتخلص من الشياطين


#902705 [ما معقول]
5.00/5 (5 صوت)

01-31-2014 06:17 PM
سلامتك والجزيرة كلها كرامتك ومعها المشروع . وزير يبكي ووالي يغمي عليه دستور يا اسياد


#902702 [كسار الثلج]
4.00/5 (3 صوت)

01-31-2014 06:14 PM
نعرف أن الزبير متخصص في علم النفس ولذا هو أعرف الناس بسبب الاغماء في أحوال مثل هذه.


ردود على كسار الثلج
United States [julgam] 01-31-2014 09:58 PM
hysterical conversion which required abrection by a slap onthe face



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
10.00/10 (3 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة