الأخبار
أخبار السودان
وزير الدفاع بالنظر إلى القاهرة لبحث الحدود عدا " حلايب وشلاتين وابو رماد "
وزير الدفاع بالنظر إلى القاهرة لبحث الحدود عدا " حلايب وشلاتين وابو رماد "
وزير الدفاع بالنظر إلى القاهرة لبحث الحدود عدا


حزب البشير يبدأ التحرك نحو القاهرة بعد تمنع
02-03-2014 10:02 PM

يزور وزير الدفاع السوداني الفريق أول عبدالرحيم محمد حسين، الثلاثاء، القاهرة في زيارة رسمية تستغرق يومين، يبحث خلالها مع نظيره المصري المشير عبدالفتاح السيسي، ملفات الحدود والمنقبين عن الذهب والتسلل.

وحسب مصادر لصحيفة "الرأي العام" الصادرة بالخرطوم يوم الإثنين، فإن الوزيرين سيبحثان جملة من القضايا والملفات ذات الاهتمام المشترك.

في ذات السياق، تجرى ترتيبات لزيارة وزير الخارجية السوداني علي كرتي إلى القاهرة مطلع الأسبوع المقبل.

وقالت الصحيفة إن زيارة كرتي للقاهرة تأتي بطلب من السودان، رداً لزيارة وزير الخارجية المصري نبيل فهمي للخرطوم في وقت سابق، مشيرة إلى أنه من المتوقع أن يناقش وزيرا الخارجية ملفات خاصة باللجنة الوزارية المشتركة سيما الحريات الأربع بين البلدين، والطرق البرية ومياه النيل.

كما أفادت مصادر، أنه من المتوقع أن يزور وزير الموارد المائية والكهرباء السوداني معتز موسى القاهرة بعد زيارة وزيري الدفاع والخارجية.

وأكدت مصادر دبلوماسية بالخرطوم أن كل المؤشرات تؤكد أن العلاقات بين القاهرة والخرطوم تمضي باتجاه مزيد من التعاون والتنسيق لدفع العلاقات نحو الأفضل.


شبكة الشروق






تعليقات 27 | إهداء 0 | زيارات 4972

التعليقات
#906405 [الهمباتى البطحانى]
0.00/5 (0 صوت)

02-04-2014 11:41 PM
انا كتبتها ليك الفصحي يامتخلف تاكللك وما تلقي زول .....


#906380 [عثمان خلف الله]
0.00/5 (0 صوت)

02-04-2014 11:03 PM
لماذا اتى هؤلاء
ماذا بقى لكم الان
الشعب السودانى صبر على الجوع
صبر على نقص الخدمات
قلتم نحن اهل مبادى
اين هى المبادى الان
الا اذا كان موالاة القتله هو المبدا
الوصف الصحيح هو ما اطلقه عليكم النميرى قبل اربعين عاما(المرتزقه)


#906274 [sood zac]
0.00/5 (0 صوت)

02-04-2014 08:17 PM
البلــــــــــــد ضـــــــــــــاعت يا حليلك يا ســــــــودان .


#905992 [عشنا وشفنا]
5.00/5 (1 صوت)

02-04-2014 03:30 PM
خلوا بالكم من المصرييين كويس , شكلهم ناوين لاشياء كثيرة .


#905820 [Gyuoop]
5.00/5 (1 صوت)

02-04-2014 12:33 PM
وأنا بقرأ الخبر استوقفتني كلمة خبيثه حُشرت بعنايه من شبكة الظلام بتاعت جمال الوالي الكوز الانتفاعي ،، ورد : يبحث خلالها مع نظيره المصري السيسي
يعني ابورياله والسيسي كيف تقارنهموبي بعض ! يااادي الكسووووف يااادي الكسوف
هههههههههههههههههههههههههههههههههههههههه قال نظيره قال خخخخخ معليش يا السيسي نعتذر ليك ؛))))


#905799 [شفقان]
5.00/5 (1 صوت)

02-04-2014 12:12 PM
نقترح على البشير إرسال وداد بابكر سيدة السودان الأولى مشترك فهي لا بد خلقت علاقات طيبة مع بعض السيدات المصريات ذوات الوزن السياسي في مؤتمرها الأخير عساها تستبضع رضاء الحكومة الإنقلابية في مصر و بالتالي رضاء السعودية و الإمارات


#905775 [omer]
4.50/5 (2 صوت)

02-04-2014 11:45 AM
اية علاقات تريدونها مع المصريين اولا عليهم الانسحاب الكامل من الاراضي التي احتلوها حلايب وشلاتين ثانيا دفع ديات السودانيين الذين قتلهم الامن المصري في القاهرة وهم لاجئون عزل والاعتذار الرسمي عن ذلك ثم اية حريات اربع تتحدثون عليها اية قرارات سياسية تمس المواطن في جميع الدول يعمل لها استفتاء قبلت اولا تركت الا عندنا ام انطبق علينا المثل
ما قالوا الاضينة اكفتو واتعزرلو ما قالوا الاضينة اكفتو واتعزرلو


#905603 [بت السودان]
5.00/5 (1 صوت)

02-04-2014 09:49 AM
الله يستر عليك يا سودان !!! وعلى اراضيك ومويتك وسيادتك وهويتك من جيرانك وحكامك مالم يضعوك في حدقات العيون ويفدوك بكل غالى ونفيس نحن نطالب حكومتنا بأن يكون أي اتفاق مع مصر او غيرها بأن يضعوا الوطن والمواطن ومصالحهم في اولوياتهم عند اتخاذ أي قرار ثم بعد ذلك الجواروالمصالح المشتركة اللي نحن ذاتو ما عارفينها شنو ؟؟؟؟؟؟؟؟ بالله أي مصلحة مشتركة لينا مع مصر ؟؟؟؟ نحن اللي عندنا الخير اللي بتعاين ليهو الدنيا كلها !!!!!! الله يستر


#905597 [عبد الواحد الميت من الاستغراب ولا معين!!]
5.00/5 (1 صوت)

02-04-2014 09:46 AM
نصيحتى لاخوتنا المصريين بأن (يديروا بالهم)جيدا فهذه الزيارات الغرض منها (التنويم)بينما الجماعه فى الداخل شغاله (قرش ونص!!) ضد السلطه القائمه فى مصر،ونعيد للاذهان ترحيب الجماعه للزياره التى قام بها وفد من حزب الوفد المصرى أبان المجلس العسكرى بقيادة المشير طنطاوى والمكرمات التى تكرم بها النظام عبر إتفاقيات لم تر النور حتى يومنا هذا ووقتها النظام السودانى كان قد قصد تقبيش انظار المصريين وحتى لا يتهم بأنه منحاز لجماعه الاخوان فى مصر وعندما نجحت الجماعه وإكتسحت مجلس الشعب رآينا كيف إنهمرت العطايا فى شكل خراف وابقار، ومره اخرى نقول لكتابنا الذين لا يحسنون القراءه ولا يعرفون طبيعة جماعة الاخوان قد يتغير الكون إلا أن جماعة الاخوان لا يتغيرون ولا يتبدلون وإذا لم يجدوا من يتآمرون عليه يتآمرون على أنفسهم!! وأعتقد أن التجربه معاشه ورآيتوها بأنفسكم،وينبغى على المهتمين بشأن الجماعة ان يراقبوا تصرفات النظام السودانى الذى اصيب (بإرتكاريا حاده!!) بسبب ما حدث فى مصر ولاحظوا أنه لم يندد او يشجب العمليات الارهابيه التى تجرى على ارض مصر بيد الجماعه حتى ولو على سبيل المجامله!! او كلمه طيبه بمناسبة الاستفتاء الشعبى الغير مسبوق على الدستور الجديد التى لم يبخل بها الاوربيون عليهم!! المجامله التى دفعت محمد مرسى الذى كان فى وقت مضى قد شتم اليهود وقال عنهم إنهم(أبناءالقرده والخنازير)فموقعه كرئيس جمهورية مصر إضطره لارسال رساله كله عشق وهيام وتمنيات طيبه!! وإذا كانت لى نصيحة أخرى اوجهها لاخوتنا المصريين أن يراقبوا المراقبون التابعون للجانب السودانى ووفودهم التى ستتقاطر إليهم فجماعة الاخوان لايؤمن لهم جانب كما أن جهودهم بتعليمات من التنظيم العالمى والكوادر الاخوانيه التى تسربت الى داخل السودان تعمل بكل جهدها لافشال ثورة الثلاثين من يونيو المجيده التى البست الجماعه (الكاسرولا) وجعلتهم يهيمون فى كل وادى!! وانا مازلت مصرا على أن كتابنا ما زالوا بعيدون كل البعد عن التحليل السليم لمجريات الاحداث وهذا عين ما كان بشأن النخب والكتاب المصريين قبل أن يستعيدوا وعيهم!! وإذا كان لهم عزرهم ولم يسبق لهم أن إختبروا او خاضوا تجارب مع حكم الجماعه فما عزر نخبنا وكتابنا الذين رزحوا تحت حكم الجماعه الغاشمه الباطشه الغبيه لمدة ربع قرن؟!!.


#905588 [عمر]
5.00/5 (1 صوت)

02-04-2014 09:40 AM
الوقت ما مناسب ياوزراء الحكومه السودانيه فان الحكومه المصريه الحاليه حكومه تسيير اعمال فقط ولا يتخذون قرارت مصيريه فا اجلوا الزياره ووفروا الكلام والمال حتى تتضح الرويه وحتشوفوا وحتسمعوا كلام مافى محلوا اذا مشيتوا الان


#905582 [kimo]
5.00/5 (2 صوت)

02-04-2014 09:34 AM
يا جماعه الناس ديل رقدو رز جقلبه شديده خايفين من الراجل قبال استلم الحكم فضحنونا والغريب الريس

يقول الحصل فى مصر شى داخلى ديل باعو بن لادن موش يبيعوا اخوانم انبطاح شديد ما قلتو نوبه ماشين

بالدور التقول داخلين حلاقه ما تمشو مع بعض ولى خايفين من العين الله لا جاب عقابكم.


#905519 [داوودي]
5.00/5 (1 صوت)

02-04-2014 08:49 AM
قبل يومين قال وزير الري المصري السابق محمد علام في حال رفضت اثيوبيا التجاوب عندنا سيناريوهات بديلة ، والظاهر ابتدت احداث المسلسل الجديد القديم ، وعندهم منو غير حديقتم الخلفية يلعبو عليهم
فالكان متوقع انو الوضع يستمر زي ما هو ماشي من حكومتنا يكون انسان لا يعلم ببواطن الامور ...


#905506 [حسكنيت]
5.00/5 (1 صوت)

02-04-2014 08:36 AM
شكلنا إتجاوزنا الهدايا من حسابات البقر والضان إلى هدايا حساب المثلثات


#905444 [طه احمد ابوالقاسم]
0.00/5 (0 صوت)

02-04-2014 07:33 AM
توبة .. توبة .. عقد بس .. هى الاغنية الرائجة ..فى الحفلات هذة الايام .. انتهى الغزل المستتر بين المشير السيسي .. والمشير البشير .. وبكرة تشوفوا مصر والسودان حتة واحدة ..
بعد المفاصلة الاولي .. طار البشير فرحا الي حسني مبارك .. وقال له .. وينك يابشير .. سيبك من الدجالين .. اشترك معنا فى حملة مكافحة الارهاب .. وسوف تاكل ملبن بحق جاه النبي.. وقرنق كان..معنا ..
بالامس مفاصلة .. كمان جديدة .. وقال البشير دماء جديدة للساحة .. ولكن غندور ليس من العيار الثقيل فى أوزان الاخوان .. اشتبك امين حسن عمر .. مع أحد اقارب الرئيس .. الصحفي .. محمد لطيف وسوف يعود مع العقد الفريد .. كمال حسن بخيت .. وراشد عبدالرحيم .. كذلك اشتبك سيد الخطيب على الهواء مع خال الرئيس الطيب مصطفي فى ذات البرنامج .. ووجة الطيب نقدا الى سيد بانهم كانوا السبب فى خداع الرئيس .. والتسريبات تقول سيد الخطيب .. هو من صاغ الخطاب البديل ..


#905439 [معقولة]
5.00/5 (1 صوت)

02-04-2014 07:27 AM
مافي أي داعي للزيارات دي في ظل موقف مصر "المقرف" تجاه حلايب المحتلة.
و بعدين مصر لم تنفذ الحريات الأربع و الإتفاقية أساساً لا تصب في مصلحة السودان و شعبياً ما دايرنها و في ظل حكومة ديمقراطية ما بتكون.
الزيارة أول دليل على كذب البشير في كل ما قاله عن الوطن و الوثبة و مصلحة الوطن.
ما دايرين شئ مع و لا من مصر.


#905419 [السودانية]
5.00/5 (1 صوت)

02-04-2014 06:01 AM
والمشية دى ح تروحها ايدكم فاضية وللا ح تخمخمو بقر المسيرية برضو وتاخدو لاولاد بمبة معاكم وطبعا قطع شك ح ترجعو ايديكم فاضية وقفاكم يقمر عيش


#905415 [ابوفارس]
5.00/5 (1 صوت)

02-04-2014 05:47 AM
اللمبي الاهبل ده عارف حدودنا الشمالية وللا يمشي يودينا في داهيه كمان ويغطس حجرنا زياده ؟؟؟؟!!!


#905383 [ابو خالد]
0.00/5 (0 صوت)

02-04-2014 02:48 AM
كل الموضوع يفتشوا ليهم مكان ما خلاص لازم يبقو معارضة بعد كدة الليل قد انجلى


#905353 [مندكورو]
5.00/5 (2 صوت)

02-04-2014 12:46 AM
أنا شخصيا لا أتفاءل بأي موقف يعتبره البعض صحوة ضمير وإحساس بالعزة والكرامة من هؤلاء الكلاب، كما لا أفاجأ أبدا بأي موقف من هؤلاء الأوغاد ترونه أنتم تراجعا جالبا للإحباط.. فهم لامبدأ ولاكرامة ولا مثل ولاقيم ولارجولة لهم فقد ماتت كل تلك المعاني في نفوسهم ولم يبقي إلا معني الحفاظ علي كرسي السلطة...


#905348 [اللي مش عارف يقول عدس...!]
5.00/5 (3 صوت)

02-04-2014 12:36 AM
وزير الدفاع.... ثم وزير الخارجية..... ثم الموارد المائية...!

الترتيب ده غير متسق.!.... يعني الحكاية فيها إن وأخواتها...!!

مناقشة: الحدود...الذهب... المتسللين.... الحريات الأربع.... الطرق البرية.... مياه النيل..!

هذا المعلن عنه...! وماذا عن غير المعلن؟

وزير الدفاع....لم يحضر خطاب مفاجأة البشير ... ولا أي عسكري(متمكن) آخر....

وزير الدفاع.... وبكري.... ومعهم آخرون....هم مهندسو.... كشة الاسلامويين من الكبينة!

السيسي بدوره....هو مهندس.... طرد الاخوان... من مصر أصل وجودهم...بل وتجريم فكرهم.. بعون خليجي!

مصر... لن تطمئن.... والسودان.... يحكمه فرع من الاخوان....

والسيسي أصلاً مدير مخابرات سابق.... ولديه كثير من الملفات الخطيرة...!!

في الطريق... صفقة ما....

غايتو حلايب يعوضنا فيها الله.... الله يستر من الصفقات الجاية...

حلفا....

بعدين.... حلايب...

وبعدين.......؟


ردود على اللي مش عارف يقول عدس...!
European Union [العريبية] 02-04-2014 05:50 AM
ملفات خطيرة بتاعة شنو !!!!!!!!!!1

هو فى اخطر من ملف سد النهضة السيسى ملفاتو دى يبلها واشرب مويتها الحبش لعبوها صاح واشك فى انو الكيزان يقدرو يديرو دفة الاوضاع لصالح السودان حتى بعد الحبش ماسهلوها ليهم وادوها ليهم بيضة مقشرة
الله يكفينا شر وهامة الكيزان وعباطة اللمبى وبلاهتو


#905344 [ساب البلد]
5.00/5 (5 صوت)

02-04-2014 12:29 AM
******* يا اللمبي طالما مشيت القاهرة ***** شوف ليك (سباك) مصري يوقف ليك ريالتك دي ****** قالوا اولاد بمبة شاطرين في السباكة ********


ردود على ساب البلد
[ساب البلد] 02-04-2014 01:02 PM
****** يا العتمور اخوي ****** الريالة وصلتك اقصد السوط وصلك ولا شنو ؟؟؟ المصيبة الاهبل يمشي يعمل ليه مصيبة يتنازل من حلايب ******* قبل كده قال للمصرين الشمالية فاضية تعالوا ازرعوها *******

United States [Gyuoop] 02-04-2014 12:29 PM
هههههههههههههههههههههههههههههههههههههههههههههااااي

[العتمور] 02-04-2014 10:51 AM
يا ساب البلد طلعت ما عندك موضوع , كبر دماغك شوية


#905338 [الهمباتى البطحانى]
5.00/5 (1 صوت)

02-04-2014 12:15 AM
الناس ديل محتاجين لنا في الظرف الحالي شد حيلك يا عبدالرحيم ما تطلع لنا زي عبود يغشوك المصريين ديل واي شئ تتفق
معاهم عليهو لازم وثائق رسمية الناس لعابين اتفاق الونسة بضيعنا وبضيعك وكل شئ بي ثمنه سد النهضة مقابل حلايب رجوع مصر للاتحاد
الافريقي مقابل وساطة مصرية لرفع اسم السودان من الدول الراعية للارهاب خليكم نجاض اولاد فوزية ديل مابلعبو بي حقهم
وبعدين انتو كان صبرتو الناس ديل ما بجوكم في محلكم ما تتقلو شوية الناس ديل والله راقدين رز الحبشة دي ابت تديهن وجه كله كله .


ردود على الهمباتى البطحانى
[كلو كلو] 02-04-2014 04:12 PM
با أخي إن شاء الله كلكلتك الشكلوتة ما بين الضعين وأم لعوتة!!!!!!!!


#905307 [Mohammed]
5.00/5 (1 صوت)

02-03-2014 11:01 PM
نهر النيل
عاشق السودان
**************

زبالة الزبالة


#905298 [Mohamed]
5.00/5 (4 صوت)

02-03-2014 10:47 PM
عبد الفتاح السيسي قال يترشح عشان كدا جماعتنا لا بد يمشوا يمسحوا الجزمة ويفرشوا ليهو ويكوا ليهو قبلما يحدد ليهم ميعاد العرس فجأة


#905280 [أبوأسامة المهاجر]
5.00/5 (1 صوت)

02-03-2014 10:26 PM
قتلة يتزاورون شئ طبيعي وما غريب لكن الغريب أن الكيزان يدعوا أنهم حركة إسلامية ويطعنوا إخوانهم في الظهر

أتوقع أن هذا التقارب وراءه ضغط خليجي فحكام الخليج هم الأب الحقيقي للإنقلاب في مصر


#905272 [ابو عكاز]
4.75/5 (3 صوت)

02-03-2014 10:13 PM
يادوب انا فهمت خطاب البشير ما قولتو نوبة الروب الروب المصرين قالو ليهو نضف بيتك وتعالنا ما ديل جداد امريكا اوه


#905269 [ساب البلد]
5.00/5 (6 صوت)

02-03-2014 10:07 PM
******* شكلها جابت ليها انبطاحة كبري مع الوثبة الكبري *************


ردود على ساب البلد
United States [ودالباشا] 02-04-2014 11:44 PM
هم ما لقوا غير عبدو دا غير بشه مافى زول مقتنع به ابدا ابدا



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة