الأخبار
أخبار السودان
بعد التحقيق معها : إطلاق سراح الصحفية فاطمة رابح بالضمان الشخصي
بعد التحقيق معها : إطلاق سراح الصحفية فاطمة رابح بالضمان الشخصي



02-04-2014 09:45 AM


الخرطوم: محمد الفاتح

أطلقت نيابة الصحافة و المطبوعات، بولاية الجزيرة، ظهر أمس سراح الصحفية بصحيفة(الأهرام اليوم) فاطمة رابح بعد إلقاء القبض عليها أمس الأول، بتهمة نشر خبر عن مرض والي الولاية الزبير بشير طه. وقالت فاطمة لـ(الميدان) بعد إطلاق سراحها أمس: ( إن عناصر من مباحث نيابة الصحافة بودمدني، اقتادتها ظهر الأحد من مقر الصحيفة إلى المدينة، بتهمة نشر خبر عن دخول والي الولاية الزبير بشير طه في حالة إغماء أثناء اجتماع رسمي الجمعة الماضي ،و أضافت: ( بعد أن وصلت إلى مدني تم حبسي، قبل أن تقوم النيابة بالتحقيق معي حول الخبر المنشور باسمي في صحيفة(الأهرام اليوم) عن الحالة الصحية للوالي) و كشفت أن الوالي طلب الكشف عن مصدر الخبر أو دفع مبلغ مليار جنيه تعويض، وأكدت رفضها الإفصاح عن المصدر، و طالبت بتحويل الملف إلى المحكمة، وأشارت إلى أن الشرطة أطلقت سراحها ظهر أمس بالضمان الشخصي.

الميدان






تعليقات 5 | إهداء 0 | زيارات 2127

التعليقات
#906115 [القعقاع الفي القاع]
5.00/5 (1 صوت)

02-04-2014 04:19 PM
الوالي الباطل جاتو نوبة هيستيريا زي البنات المراهقات و أسع كمان داري تعويض ملياري عشان أذى نفساني؟؟ بالله الزول دا ممكن يكون أخيب من كده كيف؟


#906027 [Gogomri Salim KOKO]
5.00/5 (1 صوت)

02-04-2014 03:00 PM
تزعلون بالمجاني وكان زعلناكم بثلاته مليارات دي شنو دا وينو المساواة في اسلامكم


#905856 [الحقيقة]
0.00/5 (0 صوت)

02-04-2014 12:27 PM
البروفيسور زبير عايز مليار جنيه تعويض عن خبر غريبة يا دنيا غريبة ...


#905783 [مليارجنيه ضريبة اغماء وخبر]
0.00/5 (0 صوت)

02-04-2014 10:54 AM
مليار مرة واحده ده لو مات يدفعوا مقابله كم خزينة السودان

غايتو ده مصدر دخل جديد راس ماله اغماء ويحصى بي شمة بصلة ولا موية بارده وبعدها يقوم يفتش المحاكم علشان يقاضي الصحفي او ناشر خبر اغماءها الماشين ليها المكاتب شنو كل وزير يجرب الحركة دي ويكسب وراها مليارات على شرط يدفع ضريبة رسوم إغماء 2% من كل مبلغ يتحصله .


#905782 [AHMEDJALAL]
0.00/5 (0 صوت)

02-04-2014 10:52 AM
في يوم مشهود ومسطر
اتجمعت كل الناس
وكان جميل المنظر
والمكان تفوح منه ريحة
الند والمسك والعنبر
الكل صفوة والكل زعيم
والكل ساكن افضل البندر
لافي مريض ولافي فقير
ولافي زول دموا معكر
وفي الشارع المنظر غير المنظر
كل الطرمبات عداده صفر
لاخبز لاسكر لاحبوب ولا دواء مقطر
لاموية وكل حنفيات الفقراء بتشخور
والمرضي في المستشفيات حالم مابتسر
ماالوزير لمشافيهم جفف وباع ودمر
عشان الزيتونة تنمو وتكبر
ناس من الفجر تعافر عشان برغيفة تظفر
ياربي ناس القاعة ديل فيهم واحد لينا بذكر
وبفكروا فينا وفي المستقبل
وبذكروا الاغتصبوها ودمروها
ودايرين يحاسبوا اليها رمل
دحين بفكروافي الاتشرد والاتمرد
والبرصاص والقنابل اتورد
وياربي مهمومين بل من حقوا وكرامتوا تجرد
وفي الراح ليه طعم السكر وشكل اللحمة
وفي الواقف في الاسواق والمساجد
كايس الرحمةوفي الضاع في الزحمة
ام الامر جوطه ولخمه
ياربي الناس ديل نسوا جرحنا الغائر
ونسوا الشهيد والثائر
ونسوا جرم القسم البلد واغتصب الحرائر
فجاة الكل انتصلح واتعدل والفلاش دور
..جاء قائد العسكر
وجاء الخرب ودمر
وجاء القتل وفجر
وجاء لبلد شطر
لكن الكل صامت
والعجيبة مافي زول هلل و
ولا في زول كبر
عرفنا الامر خطير
والحدث جلل
ياربي الريس داير يترجل
ياربي ضميروا صحي
وحظنا اتعدل
ياربي داير يقلب الطاولة
ويزيع البيان الاول
ويقول نادم علي الفات
وجاهز للمحاكمة الان واترجل
لكن خاب الامل والحلم اتبخر
بداء الخطاب كان مجهول
ومبتور والواضح انو مبدل
خطاب مخجور ومجوج
لاواضح ولامفسر
ولا حمل جديد
ولابخير بشر
الريس فيه ضاع
وكم مرة اتتعتع واتعثر
والحضور فيه النام والشا رد
وفيه الاصلوا غائب ومودر
وفيه الما فاهم حاجة لحدي
ما الريس اشر
لكن يافاطنة ماتخافي
لسه شبابنا قوى وحاضر
والمستقبل زاهي وانضر
وما شفيته كيف لسبتمبر فجر
ولكل العالم اذهل
وثبت امام الرصاص
لااترجع ولا انكسر
ومن اجل حريتك قدم نفسه وبدموا مابخل
ومازل علي شبابنا يافاطنه معقود الامل
ولسه وهج النضال جواهم
والفجر بايديهم سيطل
وخلاص نوره وصل



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة