الأخبار
أخبار إقليمية
إلغاء تراخيص الشيشة والغرامة ألف جنيه لصاحب المحل ومئة للمتعاطين
 إلغاء تراخيص الشيشة والغرامة ألف جنيه لصاحب المحل ومئة للمتعاطين


02-04-2014 11:03 AM

الخرطوم: عواطف عبد القادر
دونت وزارة الصحة بولاية الخرطوم بلاغات جنائية في مواجهة بعض مصانع التبغ وأماكن بيع الشيشة لمخالفتها للقانون الإطاري، مهددة بإنزال أقصى العقوبات على المخالفين للقانون. وأكد برفيسور مأمون حميد وزير الصحة بولاية الخرطوم أنهم «مسنودون سنداً كبيراً» لتنفيذ القانون الذي دخل حيز التفعيل. واتهم حميدة جهات لم يسمها بالعمل خلف الشركات لزيادة نسبة التبغ لأنه يمثل قوة أرباح ومصدراً لجني الدولارات، مضيفاً أن السودان أخذ وقتاً كبيراً في تنفيذ القانون باعتبار أن إجازته كانت في قمة الصعوبة. وكشف عن تنامي لافت لإصابات تصلب الشرايين وارتفاع عمليات قسطرة القلب وسرطان البروستات والثدي نتيجة للاستخدام المفرط للتبغ، وقال حميدة خلال حديثه أمس في ورشة حول دور تفعيل قانون التبغ: «أرى بأم عيني كيف يموت الناس من التدخين»، فيما أعلنت السلطة القضائية عن وقف وإلغاء تراخيص محلات الشيشة، وقال مولانا علي عثمان محمد عبد الحليم إن تعاطي الشيشة يعاقب عليه القانون، وإن أي صاحب محل مخالف يغرم ألف جنيه، والمتعاطي مائة جنيه. وفي ما يتعلق بمادة «القات» المخدرة صنف المادة ضمن المؤثرات العقلية، كاشفاً عن بلاغات وصلت إلى المحاكم بشأن تنامي ظاهرة مضغ «القات» بولاية الخرطوم التي سيتم الفصل فيها أمام المحاكم.

الانتباهة


تعليقات 15 | إهداء 0 | زيارات 6803

التعليقات
#907312 [عبدو]
0.00/5 (0 صوت)

02-05-2014 06:56 PM
انت لو عايزين حياه الناس وقفو المشاكل اولا وبعد داككككككككككك الشششششششششيششششاااااااااااااااااااااا


#907072 [lamiam jack]
0.00/5 (0 صوت)

02-05-2014 02:09 PM
of those who are called kezanthat is an ideas


#906455 [ودقلبا]
0.00/5 (0 صوت)

02-05-2014 01:16 AM
مرحى لنا بكم اطفأتم نار الشيشة بينما تشعلون نيران الحروب فى انحاء متفرقة فيما تبقى من البلد


#906144 [mhd]
0.00/5 (0 صوت)

02-04-2014 05:52 PM
اجتهدوالينا في البنقو دا


#906106 [بركة البركة]
0.00/5 (0 صوت)

02-04-2014 05:08 PM
القات دخل السودان - طبعا مع دخول الحبش - وربنا يعين السودان


#906087 [كوز سابق]
5.00/5 (1 صوت)

02-04-2014 04:46 PM
اول منما جاءت الانقاذ فكرو ان يمنعون زراعة التبغ والسعوط في دارفور وقعدو حسبوها وجدو ان مايدخله التبغ مبلغ خرافي وهم لم يكونون يعرفون ودخلو جماعتهم في زراعته وقالو زكاته وضرايبه حرام وقالو نشيل فيه زكاة وضرايب واصبح لوري التمباك القادم من دارفور ربحه ودخله للحكومة اكثر من اربعة الف دولار رسوم منما يتحرك من الوديان الي سوق امدرمان او ليبيا وعشان كدي ناس دارفور ماسكين فيه قوي وبقي زراعه كيزان حتي لاتمنعه الدولة والدنيا مصالح ياحكومة


#905998 [عبدو]
5.00/5 (1 صوت)

02-04-2014 03:34 PM
كة حاولو امنعو التمباك عشان تلقو المظاهرات جوة بيوتكم يا حرامية .... حبيب العادلي وزير الداخلية المصري قال في أحد لقاءاته قبل الثورة بإسبوع لو وجدت قطعة حشيش في القاهرة فهذا يعني أني من قمت ببيعها للزبون


#905932 [احمد فؤاد]
5.00/5 (1 صوت)

02-04-2014 02:39 PM
مرض تصلب الشرايين عاى اساس انو السودانيين بياكلو اكل دسم ودهون ومع شويه التبغ حيحصل ليهم تصلب شرايين سخف


#905910 [المشتهى السخينه]
5.00/5 (1 صوت)

02-04-2014 02:23 PM
آخر اهتمامات دولة الخلافة الاسلاميه صحة الانسان وبالامس قرأت تقريرا محزنا عن وفيات الامهات والاطفال فى صحيفة حريات بسبب سؤ التغذية ... وسؤ التغذية جاء من نهب اموال هؤلاء الفقراء وايداعها بواسطة ( الائمة ) فى بنوك ماليزيا ودبى ليحجوا بها كل عام ويصوموا رمضان فى مكة ..نعم الايمان ..مدد ياالدكتور الشيخ الملياردير مامون حميده ..


#905862 [جميل ماسألناه]
0.00/5 (0 صوت)

02-04-2014 01:32 PM
ياجماعة لازم الشعب يعتسف ويندغم عشان يحقق الوثبة الكبرى ضد النظام , حتى حبة الدوخة عايزين تمنعوها .


#905815 [aljamed]
0.00/5 (0 صوت)

02-04-2014 12:28 PM
ابقی الفاضل الشعب اتفجر فی وشوشكم الكريهة


#905787 [عصمتووف]
5.00/5 (1 صوت)

02-04-2014 11:56 AM
رحيمين وشفوقين خااااااااااااااااالص يعني اين العلاج المجاني اين واين واين وانت اخر من تتكلم بعدين ادخن اسطل اسكر ازني اعمل كل الموبقات هو قرار شخصي عائد لي وليس من حق اي جه التدخل فيما لا يعنيها واتركواتلك الاعمال بين الله والعبد هو الهادي الرحيم كان من الا فضل فتح عيادات للادمان بدل الغرامة وهي الاصل في القانون لا تهمكم الصحة لكن العيادات تاخذ منكم ولن تفتح


#905776 [sami]
5.00/5 (1 صوت)

02-04-2014 11:45 AM
هو يعنى خلاص مشاكل السودان كلها اتحلت بقت الا الشيشة ميتين ميتين الواحد لو بيشربها من القرف العايشوا يفرق وين يعنى ولا عايزين قروش الغرمات دى يا حرامية


#905724 [وطني غيور]
5.00/5 (1 صوت)

02-04-2014 11:11 AM
و التمباك كيف ما برضو بسبب نفس الامراض
الناس زهجانه قرفانه


ردود على وطني غيور
United States [الحقيقة] 02-04-2014 01:20 PM
كلامك صاح مفروض منع التمباك قبل الشيشة لأن التمباك منتشر بصورة مخيفة في المحلات في الشوارع في الدكاكين في المدارس في المصالح في البيوت وكله قرف في قرف والمضحك ناس المحلية يدوك صتديق لفتح محل شيشة وبعدين ناس النظام العام بيقولوا ليك ممنوع طيب رجعوا لي فلوسي بيقول ليك ما لينا دخل غايتو شغل صلبطة ونهب عديل عينك يا تاجر .. تجار التمباك هو أصحاب الدقون وعشان كده ممنوع الاقتراب والتصوير ، طيب ما تحاربوا في الفساد المالي والسرقات من المال العام والاختلاسات لو انتو عايزين مجتمع معافى قال بيموتوا بسبب التدخين عشنا وشفنا مكر الماكرين باسم الدين ...

European Union [السودانى] 02-04-2014 01:00 PM
الكيزان ياخذوا علي التنباك زكاة وضرائب وعتاوات متعددة ومتنوعة وكلها ماشة لكروشهم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
8.00/10 (1 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة