الأخبار
أخبار إقليمية
المريخ يسقط على ملعبه أمام كمبالا الأوغندي بدوري ابطال أفريقيا
المريخ يسقط على ملعبه أمام كمبالا الأوغندي بدوري ابطال أفريقيا
المريخ يسقط على ملعبه أمام كمبالا الأوغندي بدوري ابطال أفريقيا


النتيجة رسمت علامات إستفهام كبيرة حول قيمة الاعداد الذي أقامه الفريق بدولة قطر
02-08-2014 11:16 PM

سقط فريق المريخ السوداني على ملعبه خاسرا من فريق كمبالا سيتي الأوغندي بهدفين دون رد وذلك مساء اليوم بإستاد الخرطوم في المباراة الأولى بين الفريقين بالدور الأول من بطولة دوري ابطال أفريقيا.

فاجأ المريخ جماهيره الغفيرة التي إحتشدت لمؤآزته بآداء متوتر حسب تنظيم 1/2/3/4 والتي جسدتها تشكيلة ضمت كل من أكرم سليم في المرمى, أمير كمال وعلى جعفر في قلب الدفاع, الطاهر الحاج على الطرف الايمن , الغاني غاندي كاسينو على اليسار, وفي قلب الملعب العاجي باسكال واوا والمالي باسيرو بامبا, وفي منطقة الوسط المتقدم أحمد الباشا وراجي عبد العاطي وشيمليس الإثيوبي, ولعب المالي تراوري وحيدا في الهجوم.

وفشلت هذه المجموعة في التغلب على التكتيك المضاد الذي طيبقته فرقة المدرب جورج أنْسِيمْبِي المبني على مراقبة مفاتيح لعب المريخ وإغلاق المساحات الفارغة بإحكام شديد مع سرعة الإنطلاق بالهجمة المرتدة.

ونجح الأسلوب وفشل المريخ في تقديم شكل فني مترابط يبشر بنتيجة غيجابية فجاءت المعاقبة قاسية بهدفين في ظرف دقيقتين 16 و18 فقط عن طريق المهاجم هيرمان واسوا الذي صوب كرتين من بعيد غالطتا الحارس أكرم الذي تعامل بردة فعل ضعيفة مع التسديدتين, وفشل المريخ طوال الشوط الأول في الوصول لمرمى كمبالا رغم التعديلين بخروج باسيرو بامبا وشيمليس ودخول رمضان عجب وعنكبة.

ولم يتغير الحال في الشكل والآداء والنتيجة التي ظلت على حالها ومنح اللاعب البديل فيصل موسى الأمل للمريخ بتسببه في ركلة جزاء في الدقيقة 74 ولكن العاجي باسكال واوا لعبها بين يدي الحارس, لتنتهي المباراة بفوز الضيوف الذين بنتيجة الهدفين وضعوا قدما في الدور الثاني من البطولة.

وقد رسمت النتيجة علامات إستفهام كبيرة حول قيمة الاعداد الذي أقامه الفريق بدولة قطر في يناير الماضي ولعب فيها أمام أندية أوروبية كبيرة مثل بايرن ميونيخ الألماني وزينيت الروسي, وريد بول النمساوي.
كووورة


تعليقات 17 | إهداء 0 | زيارات 4058

التعليقات
#910765 [Hilalaby]
0.00/5 (0 صوت)

02-09-2014 06:01 PM
انتوا المريخاب ديل قايلين المباراة دى مع الهلال سيد البلد ولا شنو .. الناس ديل شافوا اللون الكحلي لون قريب للون الهلال ده وخشتهم خوفة .. والله ناس كمبالا ديل مفتحين خلاص عارفين انوا الهلال عامل ارهاب وزعزعة للمريخاب عشان كده لبسوا اللون ده .. قدر ما يشوفه لاعب يفتكروا كاريكا يا بشة .. هاكم التشة دي .


#910603 [زردية]
0.00/5 (0 صوت)

02-09-2014 02:23 PM
معروف اللاعب السودانى لا يستطيع لعب اكثر من مباراة كل اسبوعين لان اللياقة تعبانة


#910559 [جاكوما]
0.00/5 (0 صوت)

02-09-2014 01:24 PM
كمبالا سيتى2 المريخ صفر
البايرن 2 المريخ صفر
اذا/ كمبالا سيتى = البايرن
معادلة تخلى الكمبيوتر ذاتوو يحوًص

ياشماته ابله ظاظا فيّا


#910484 [فهمي جعفر]
0.00/5 (0 صوت)

02-09-2014 12:18 PM
ديييييييييييييييييييييييييييييييييييييييييييييييييييييييل
مانافعين


#910398 [أبو عمر]
0.00/5 (0 صوت)

02-09-2014 11:17 AM
المحيرنى المدافع الوقع أمام المهاجم بدل يرتمى أمام الكورة راح لابد لبدة مخجلة أدت لعبور الكرة من فوقه إلى هدف ( الهدف الأول )


#910386 [ماسورة]
3.00/5 (2 صوت)

02-09-2014 11:11 AM
استديو الشروق التحليلي :

المذيع : في رأى كان شوط غريب
رايكم شنو؟

الكابتن : شوط غريب فعلا.

الصحفى : اتفق معاكم فعلا شوط غريب.

المذيع : نطلع فاصل ..ونواصل

بعد الفاصل...


المذيع :
قلنا قبل الفاصل انو الشوط الاول كان غريب !

الكابتن: اكيد المريخ لعب بشكل غريب !

الصحفي : فى رأي انو كروجر لعب بتشكيلة غريبة !

المذيع :
نعود لمجريات الشوط التاني نتمني انو ما يكون

غريب ذى الشوط الاول الكان غريب بشكل فيهو غرابة عجيبة.


#910359 [سوداني]
0.00/5 (0 صوت)

02-09-2014 10:51 AM
اعداد بتاع شنو ياعالم انتو وهم في اعداد من اول يومين فيهو تلعب ضد بايرميونخ ... وين الاعداد البدني وين الاعداد النفسي وين اللعب بدون كورة وين فنيات التكتيك والتكنيك وين التدرج في المباريات الودية ... في واحد بطلع بالاسانسير الي الدور ال 100 بدون مايمر علي المهدية والناصر والنيل والاصلاح ثم العباسية وبيت المال ثم الاهلي مدني ويختم بالموردة وبعدين يدخل علي تشاد وكينيا .... طوالي المانيا وبعدين بعد المانيا الا تلعب مع امبدة في الليق ..


#910349 [ودالعوض]
0.00/5 (0 صوت)

02-09-2014 10:45 AM
يا أخواننا الجامعة لس فاكرين نفسهم في مباراة البايرن وما قادرين يخرجوا من نشوتها عشان كده انهزموا باثنين بس ، ولو عايزين تطلعوهم من الجو دا جيبوا ليهم البرشا أو الريال عشان ينتقلوا من خانة الاثنين إلى خانة أخرى ربما تكون الانتصار بناقص واحد أو ثلاثة.


#910311 [قمر الزمان]
3.50/5 (2 صوت)

02-09-2014 10:13 AM
جوع +مرض + فقر + مال حرام (مال الشعب ) عاوز النتيجه مع ديل ايه بكل صراحه


#910235 [الزعيم الأصلي]
0.00/5 (0 صوت)

02-09-2014 09:17 AM
والله يامريخاب الفيكم اتعرفت،،

كمبالا هين،، كلها فاضل مباراة واحدة ،، وباي باي لندن

أرجوا الراجيكم في الممتاز

وتحديدا من سيد البلد (الزعيم الأصلي)


#910230 [Quickly]
0.00/5 (0 صوت)

02-09-2014 09:14 AM
انا اقول نتيجة مبارة البايرن ماطبيعية ؟؟!!,,,,,,,,, 2/ صفر بس !!!!!
اتاري الجماعة كانو دافعين ليهم تقيييييل
الله لاكسبك ياجمال الوالي ,,,,,,,, ووا فضيحتاااه
وهاك العالمي دا


#910202 [ابو محمد]
4.88/5 (4 صوت)

02-09-2014 08:58 AM
عالمى يلقط الحب ويجرى وهو خسران


#910190 [بت قضيم]
0.00/5 (0 صوت)

02-09-2014 08:49 AM
توووووووووووووووووووووووووووووووف تووووووووووووووووووووووووووووووووووووووو هاون


#910081 [زول وبس]
0.00/5 (0 صوت)

02-09-2014 05:41 AM
دا فريق المريخ أم منتخب شرق أفريقيا.وديل جايين من وين أوعي يكون لميتوهم من الإنقاذ أو مايو أقصد الحي.


#910073 [الخطيب السودانى]
0.00/5 (0 صوت)

02-09-2014 05:12 AM
بدوووووووووووووون تعليق ياعااااااالمى


#910069 [المنجلك]
0.00/5 (0 صوت)

02-09-2014 04:55 AM
ههها ههههاى اللهم لا شماتة الظاهر المريخ خلاص نسى اللعب مع الفرق الافريقية هاك الاوربى دة. ياصهاينة اثناء المبارة بقيف معاكم فى كل الفرق الاجنبية لكن بعد المبارة هلالى بيدور سكين حمرة.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة