الأخبار
أخبار إقليمية
امين الشباب بحركة الأخوان المسلمين جناح غازي صلاح الدين يتغزل في حزبهم وندوتهم الأولى - شاهد صور
امين الشباب بحركة الأخوان المسلمين جناح غازي صلاح الدين يتغزل في حزبهم وندوتهم الأولى - شاهد صور
امين الشباب بحركة الأخوان المسلمين جناح غازي صلاح الدين يتغزل في حزبهم وندوتهم الأولى - شاهد  صور


02-10-2014 02:57 PM
بالامس حين انجلت عن الناس غبرة الانتظار وبزغ فجرنا واشرق الافق يعلن ميلاد فجر جديد ومجد تليد بالامس دقت للعز طبول واسرجت في سوح الفدا خيول ونظم الرجال كلم وليد لحظ كانه الزفرات بالامس تمطي العضد وانتزع من ترهات الزمان حق غيبته التجاويف المحذقه بالاباطيل والجمته خوفا وكبلته ازمنه طوال وانبري للحق نفر شاربين لبن عازه الاصيل ماخانوا يوم وما اتوسلوا بايعوا وآثروا ان لاتبقي كلماتهم حبيسة الدور ولاتهدهدها الاماني ولسان حالهم يقول لقائد مسيرتهم قفاك خليهو للناس المعاك اسلك طريقك وامشي مر قدامك طريق امشيهو بس هناك ح تلقی محمد احمد ورجال كتار وترجاك عروسه محننه لابسه العلم احمر هنا وابيض هناك واسود سواد الليله دي واخضر خضار بكره البجي وقد كان المكان مرتع زمره من الاسد جياشة صدورهم غاليه همومهم وسطر التأريخ ملحمة فبراير ولقاء السلام المعروق بهموم الوطن المسجون رهينة التردي ومطية التغول والتطبيل وتناثرت الكلمات القويه كما الطلقات تهدر من صدور الرجال المغبونه من تبجح التهويل والتخويف ومثابرة الانتظارات الامنتهاه فهذا الليل قد طال طال امده حتي تلاشت معالم الاشراق واستبد بناء المكث وماتت في النفوس حظوه الفجر ولكن جاء فبراير شعلة الاصلاح من ارض السلام وتقابة القرآن وتعالي النداء لكل صلاة وانسلخ عن ليل التأني بفضل الله صبح إصلاح ماتوانی وانحاز الي حيث اهله الذين تغنوا بالفتح واعدوا للمسير عدته وفبراير السلام جاء انحيازا مشرفا لمن تعطرت ارض السودان بدماءهم ولمن تجرعوا الويلات وضاقت بهم الامكنه وغارت امانيهم فبراير السلام اشراق شمس وميلاد فجر ورغبة إصلاح .

علي الشيخ احمد
امين الشباب المكلف
حركة الإصلاح الآن

image

image

image

image

image

image


تعليقات 17 | إهداء 0 | زيارات 4540

التعليقات
#912667 [سالم عبد الله]
5.00/5 (1 صوت)

02-11-2014 02:23 PM
قوموا بلا لمة وكلام فاضي معاكم , إنشاء الله تولعوها في بعض و البلد يعدم فيها كويز يا حرامية وياسراقين يا تجار الدين , كلكم شبه بعض و تجار دين . اولاد الأفـــــــــــــــــــــــــاعي .


#912591 [محتار فى خلق الله]
0.00/5 (0 صوت)

02-11-2014 12:59 PM
يالعنة الدنيا..
ياسادة يا أسياد
ياذل النفوس في زمان الفساد الساد
يالعنة.. مكتوبة في جبين الشعب من دواية فيها مداد
مداد.. من دم الغلابة ..المقهورين.. بسطوة الجلاد
وعرش الظالمين..مهما طال زمانة جايهو يوم ينباد
سيرجع الأسياد.. سيذهب الأوغاد
مسكينة الأيام.. قد نحرت فى عنقها
مسكينه السنوات
مسكينة السيوف فى غمدها
وما كانت الأيام.. تحسب عمرها
ماكانت الشهور... تعرف عددها
ولا كانت السنوات تعرف أمدها
ها .. قد أتى زمن الرعاع..
وسالت انهر الدم مخلوطة بعرق الجياع
وقد شمر الأسى فى التياع
و نحرت.. أعناق..الرجال
أتت...اجيال.. محرومة الآمال
والنيل أتى بدل الخير بأكوام الرمال


#912166 [زول]
5.00/5 (1 صوت)

02-11-2014 07:20 AM
واخروووووووووووووووووووووووووووووووووووووووووووووون


#911932 [صبري فخري]
0.00/5 (0 صوت)

02-10-2014 09:53 PM
نرحب في الحركة الإسلامية للتغيير بكل الإسلاميين ومن لهم أشواق لتطبيق الشريعة بشرط إبراز إبراء الذمة أو إرجاع الأموال المنهوبة


#911846 [حسن سليمان]
0.00/5 (0 صوت)

02-10-2014 07:07 PM
اتحدوا يا كيزان السودان ففي وحدتكم نصراً لنا

اخوتكم في هيئة علماء الشيطان


ردود على حسن سليمان
United States [عصمتووف] 02-10-2014 09:45 PM
اتحدوا يا كيزان السودان ففي وحدتكم نصراً لنا

ي بغل وحدتهم في مصالح الدنيا المال والبنون وخليك ي بغل احمل اسفارهم


#911828 [الجعلي ود المتمة]
4.00/5 (1 صوت)

02-10-2014 06:38 PM
يا وطن كيمان اذية
من عواس الجبهجية
الكوزنجية
الامنجية
الارزقية
النفعجية
حرامية لصوصية.. مية مية
يا بلد اطنان مآسي من فساد الطمبجية
يا بلد منكوب كوارث
من سياسات بربرية
وبي عمايل بلطجية
اونطجية
طمبجية مية مية
كلو نازل مافي رافع
كلو خافض مافي ساطع
كلو فاسد مافي رافع
كلو فاشل مافي نافع
وما يمهم يبقى الوطن بي ترابو
وما هدف يطمح شبابو
وما يضر يتم يبابو
وما بهم يكمل خرابو
وما ضروري يجوعوا ناس يموتوا ناس
وما خيانة تقيف مصانع
والزرع يشبع يباس
وما يخالف جوة رأس كل مخالف
ينفجر كوم من رصاص
بس مهم وفي الاساس
هم راس ونحنا ساس
وناس وناس ما سواس
وما يفيد اصل الشريعة
يكفي بس اسم الشريعة
تكون ذريعة
حصان طروادة
بيها نمرق في السعادة
بيها نسطو سنين زيادة
حصان طروادة
نرقص نتعالى ونتشابا
على ظهر الغلابة
على كتف التعابة
ونقيف في راسا
وبي هتافات البساطة والسذاجة
ومع حماسها نزيد حماسة
وبي تهاليل كل طيرة ومخ دجاجة
نطرش كلام برة السياسة
بس مهم وفي الاساس
هم راس ونحنا ساس
وناس وناس ما سواس
شبت الحريق في كل ناحية
والحروب من كل زاوية
ومن هناك هبت عجاجة
والقراية وما القراية بقت حكاية
لا كتابة ولا دراية
لا قلم بيزيل بلم
ولا جهل بدأ في النهاية
بي الدعارة الجامعة سارت في مسارا
و بالحشيشة يتم مزاجا
والمصانع في اجازة
والزراعة سراب نتاجا
والبنوك منهوبة بالرضا والتراضي
والوزارت اختلاسات دون تقاضي
وقروشنا في بنك الخواجة
ازمة هايجة
وفوضى مايجة
وفتنة رايجة
وزنقة لي عنق الزجاجة
ده كلو حاصل وبرضو قالوا .. مافي حاجة
بس المهم وفي الاساس
هم راس ونحنا ساس
وناس وناس ما سواس
يا بلد ادمن مرارات الفشل
مليان قرف مليان عفن
أهـ يا زمن
اصبح خطر
امر عجب عجبا امر
بقينا في اخر العمر
سخر القدر
لا ننتظر
ان تفتخر
بي كل تعددنا وتراثنا
وبي الرطانة
وبي ثقافتنا وغنانا
وننبهر بي انتمانا لي وطن
أهـ يا زمن
في زمن القومة ليك سابع محال يا وطن
في زمن الراحة فيك فوق الخيال علما اظن
اهـ يا وطن
زيادة عن عشرين سنة
عجفا عجاف
اقبح سنين العمر والاحباط بقن
اهـ يا وطن
زيادة عن عشرين سنة
عجبا عجاب
شفنا فيك الويل واصناف المحن
أهـ يا زمن
على كان زمان ونحن اول
واجترار لزكرىات واهـة و شجن
أهـ يا وطن
عايشين انينك
ومر سنينك
والعيشة فيك شيء لا يطاق
وفي الفؤاد جمرات شون .
بس يا زمن بس يا وطن
روح القضية لسة حية
وما بتموت ابدا قضية
سار وراها الاغلبية
ثار عشانا الهامشية
هتفت حناجر مطلبية
غرزت خناجر لنضالات مفصلية
والقضية هيا هيا
والقضية مفصلية
والقضية جمرة حية
والقضية حية حية
شعب صاحي
شعب راصد
شعب صابر ما هو فاتر
ولو الصبر لحدوده فايت
لا بجادل ولا بفاوض
يبقا مارق كل سارق
ويبقا راكز كل معاكس
يبقا واقف كل خايف
يبقا طالع كل بالع
تاريخو ناصع
شبابو واعد
الله واحد وموتو واحد
وعدو واحد
كل عسكر وكل فاسد
تاريخو شاهد
اكتوبر المرصع
وابريلو عايد عايد
اكتوبر المرصع
وابريلو عايد عايد
اكتوبر المرصع
وابريلو عايد عاي


#911822 [بومدين]
0.00/5 (0 صوت)

02-10-2014 06:32 PM
كــلام غــزل مـعـســـول لــذيذ ؟؟!!.


#911785 [ابوهشام]
0.00/5 (0 صوت)

02-10-2014 05:33 PM
نفس البدايات - تمر وفول - فى الصحن امام الضيوف


#911767 [تململ من العنصرية]
0.00/5 (0 صوت)

02-10-2014 05:09 PM
كلهم جبهجية وجلابة والترابي رئيسهم وحيظل مهما تقسموا وتفتتوا شظايا ,, الله يزلهم كما زلوا الشعب السوداني ويكفينا شرهم ويخرجنا من بينهم سالمين


#911763 [h]d]]
5.00/5 (2 صوت)

02-10-2014 05:05 PM
الملاية المغتين بيها المنصة دى حيرتنا ..يكون الزول دة حاوى وداير يطلع لينا منها ارنب ولا شنو
اها والناس التعبانين ديل ما تضيفوهم بشوية بلح وفول من القدامكم دة ولا بس جايبنهم سلم تطلعو بيهو للانتخابات ...
يا جماعة طالما عندنا شعب من نوع الكلب بريد خانقو يبقى الناس ديل باقين فى البلد دى لمن الملك ينفخ فى الصور .


#911748 [جركان فاضى]
5.00/5 (1 صوت)

02-10-2014 04:45 PM
حركة الاصلاح الان ...والخراب امس


#911744 [العنطـــــــــــج]
5.00/5 (2 صوت)

02-10-2014 04:39 PM
غايتو الشعب السوداني ده شعب عديم شغله, و لو تعدادو مليون نسمه عادي ممكن البلد يقومو فيها مليون و خمسمائة الف حزب و كل واحد فيهو سته مشجعين من عاشقي الترمس و البلح!!!!
شعب مصاب بالزهايمر, هو متين غازي صلاح الدين بعرف سياسه و هو ياتو اخو مسلم مغفل بيفهم في السياسه؟
ديل مصلحجيه عديمين ضمير و لا يهمهم زيد لا عبيد و لا حتي النبي زاتو!! طالما الواحد يحقق مني عينو و يبقي رئيس انشالله رئيس اندايه المهم رئيس!!
بس العيب ما فيهم العيب في الشعب, كميه مننا غريبي الاطوار مبهمي التفاصيل و يستوي عندهم الصحيح و الخطأ و الاسود و الابيض!! زول يا شعب يا همام كان جزء من النظام لمدة خمسه و عشرين سنه, جايينا بعد ربع قرن عشان يقول في خطأ داير اصلاح؟؟
تبقو عندكم قنابير يا القعدتو تسمعوهو و تاكلو في الترمس و البلح, ياخي ما معقوله اصحو شويه و سوو ليكم شوية ضمير, و اتذكرو انكم مسؤولين امام التاريخ بتصفيقكم و هتافاتكم الجوفاء ورا اللي يسوي و اللي ما يسواش.
غازي مين و شيطان مين, انحنا الشعب السوداني عانينا كتير من المرارات لربع قرن من الزمان, ياخي النظام ده لما جا ايام الترابي اتقلعت ضفور و اتفقعت عيون و الناس اتعذبت عذاب ما يسويهو بني آدم لبني آدم تاني, تقول لي غازي صلاح الدين داير يصلح شنو ما عارف, لا ده اكيد الشطر الكان ماسك فيهو نشف و داير يشوف ليهو واحد تريان من عينة ناس بكري و حسبو الشتت الـــ....
يا شعب ارحم نفسك فــــ:
الحركه الاسلاميه هي اكبر وعاء للفساد في العالم.
الحركه الاسلاميه لا قيم فيها و لا اخلاق و لا دين.
الحركه الاسلاميه هي ملتقي للفاسدين و عديمي الضمير و المختلين قيما و اخلاقا و تربيه.
الحركه الاسلاميه هي صنو الماسونيه و قد تكون اشد فتكا منها بالمسلمين، لانه علي الاقل الماسونيه عدو واضح و معروف.
الحركه الاسلاميه اسم بني عن قصد ليناقض فكر اصحاب ذلك الجمع الفاسد ليصفق له السذج المساكين.
الحركه الاسلاميه وعاء ــ سبحان الله ــ يجمع طينه محدده من الخلق يتفقون في اشياء اما ان يكون حرمها او كرهها الاسلام, فهم المفسدون السارقون الزانون المداهنون المنافقون, و الادهي و الانكي انهم لن يؤمنوا باتهام احد حتي ان كان بينهم, و لهم (عين قويه) في نكران العيب لدرجة انهم يصدقون عدم حدوثـه علي الاطلاق!!!
الحركه الاسلاميه هي تجمُّع لشواذ خلق الله و بلايا المجتمعات من سواقط التربيه و التوجيه السليم و ليس بالضرورة ان يكونوا اميين فهم اذكي من اي لا يسبغوا اجرامهم بالتعيلم و بذلك اينما حلوا يجعلوا سافل المكان عاليه فيفسدوا في الارض و يهتكوا الاعراض و يعلون علوا كبيرا.
الحركه الاسلاميه و ان كان الاسلام جزء من اسمها الا انه كلمه ذات معزي تضليلي لأن المؤمن صديق و لقد صرنا في عالم لا نجد فيه من يواسينا كمسلمين لذا من تقع عيناه علي كلمة الاسلام يرتمي بكل ثقله هاربا الي الله و نبيه عليه الصلاة و السلام, لكنه للأسف لا يجد الا جحور ثعابين رقطاء لا علاقة لها لا بالله و لا نبيه و لا بالانسانيه.
الحركه الاسلاميه هي مصنع الكذب و التدليس و النفاق و تكاد لا تفرخ الا لهذه القيم السفيهه الباليه و التي اضرت بالمجتمع ايما ضرر.
الحركه الاسلاميه تؤسـس لمبدأ المصالح الشخصيه للمنتمين لها و المنتمين لها فقط, بالتالي اينما حلت الحركه الاسلاميه يختفي الوطن و المواطن و تظهر الطفيليات و الرأسماليين و فطريات العفن الاقتصادي.
الحركه الاسلاميه يتميز اصحابها بنتوء و بروز الكروش و نعومة الجلد حسب المواقع الوظيفيه فتجد من لم يري (اعضاءه التناسليه) لسنين الا خلال مرآه و ذلك بسبب الاكل المفرط الممزوج بالـ (خلعه و الدناءه و الفساله) فيفوق المرأه الحامل شكلا و وزنا, كما تجد منهم من تفتح لون بشرته و بانت عروقه تحت الجلد من فرط التكييف و العيش في (الضلله) و يكاد يكون لم يري الشمس لاسبوع او اثنين, هذا فضلا عن ابناءهم و نسائهم المتعددات بحكم نظام الـ (فور ويل درايف زي ما عملا البلدوزر في رمضان في شقة الخرطوم). اسرهم يكادون لا يذكرون جنسيتهم من كثرة الاجازات و طول المده التي يقضونها خارج حفرة السودان, فآباءهم في نظرهم كمن يعملون في مناطق شدة و يكونون في انتظارهم بلندن او البندقيه ... الخ علي احر من الجمر!!!
نحن شعب يعيش في سبات السذاجه و البساطه, خذوا مثلا الجنجويد العملو الابيض مسرح عمليات نهب و قتل, متين المليشيا دي اتعملت؟؟ طيب وين كان السيد المصلح غازي وقتها و دارفور تمزق و تقتل و تغتصب لعشر سنوات علي ايدي السفهاء المجرمين من امثال حميدتي و بقية الجنجويد؟؟؟ وين كان غازي الوكت داك؟؟؟ بقول ليكم الناس ديل ما بيعرفو شي اسمو سياسه, لانو السياسه الحقيقيه رغم قيامها علي المصالح لكن ما بتنعدم فيها الاخلاق بصوره مطلقه, ياخي قبل يومين الوزير المسؤول عن الهجره في بريطانيا استقال و اعتذر لديفيد كاميرون عن الاحراج السببو لأنو الشغاله في بيتو دخلت البلد بصوره غير شرعيه!!!! وين غازي و باقي الحركيين الاسلاميين من القيم دي؟؟؟ الصعلقه و الشفتنه يا ساده عندها حدود و الاخلاق لما تنعدم تماما (و ده الدايرنو انتو) الحياه ما حتستمر.
يا غازي ياخي لو عندك ذرة اخلاق و قيم, انشالله شمومة مرؤه ساااااكت كده و رجاله ما كنت حتعمل العملتو ده, ياخي انت مفروض تمد راسك للشعب ده و تقول ليهم (يا سودانيين تقطعوهو تخلوهو الحكم حكمكم) لانو اي حركي اسلامي اذاق الشعب ده الامرين و نحنا باب التوبه ما بننفيهو لكن التوبه عندها شروط و الحمد لله ما سنيناها نحن!!
انت زول كنت جزء من نظام فاسد قاتل مجرم مدمر, انتهي من الاقتصاد و قسم البلد و سبغ الصراعات الناتجه عن ميزان التنميه و بقية العوامل البسيطه سبغها بالدين ضيع الجنوب, سبغها تاني بالقبيله في دارفور, الله يستر ما معروفه ترسي علي شنو. و الليله عندنا ورثـه تقيله من نظام قد يكون تمنها حروب اهليه او تطهير عرقي و المتمثله في خلق مليشيات زي الجنجويد و باقي الزفت و القرف, و التركه دي ما معروف ترسي بالسودان وين لأنو لا الترابي لا البشير و لا اي قنبور فيكم حيقدر يحل اي مشكله. و اكبر مصيبه ابتلاكم بيها الله انكم ما بتحلو المشاكل لكن بتعرفو تخلقوها كيف بالضبط كده زي ديك العده.
اخيرا,,,,, يا شعب صحصح خلااااااااااااااص كفايه كفايه كفايه


#911715 [الجقر]
5.00/5 (3 صوت)

02-10-2014 03:58 PM
كيزان لو$&)%&@## مهما غيّروا جلودهم و مهما ختوا ملاية سرير في المنصة


#911714 [ابو محمد]
5.00/5 (1 صوت)

02-10-2014 03:57 PM
حديث النيل
يا نيل هل مرت عليـك حــوادث
وقد كنت عنـها غافــلا وجهــولا؟
مـا عهـدت مـذ خبـرتــك قابضـا
كفيك عـن وطــن الجمال فتـــيلا
وطن بــه بـدت المحاسـن جهـرة
بآيــات حســـن تنزلـــت تنــزيلا
كـل حسـن يدهشك حسن صـنوه
ولـن تلــقى لــه أو لـذاك بديـــلا
كـم تـأوه عنـــد شطــــك مدنـف
ولكــم آسيــت شاكيــا وعليــــلا
كنـت فـي دجـر الليالــي مؤانسا
لمن جـاء يشكـو وحشة وخليـلا
أما زلت في الصهد واحة ظامئ
أما زلت في سدف الدجى قنديلا
رويـت جدبـا بالنـدى فتمايلـــت
أفنانـــه ثمــلا ذللـــــت تذليـــلا
بكـل صـوب مـن نداك شواهـد
هــي للجمـال تمـــثلا ودليــــلا
سقـي بنوك مـن سلافـك نخـوة
وعـزة نفـس مـا لهــن مثــــيلا
غفـوت من طول المسير هنيهة
ام العشريـن كان وقعهـن ثقـيلا
فهـل بـك مــرت جحافل غـادر
أمسى عزيزهـا مدبـرا وذليــلا
إن مسنا ضـيم تدافعــنا صوبـه
أخـو المذلـة لا يعيــش طويـلا
الحق أن تحـيا الحيــاة بعــــزة
وألا تمشـي بيــن الأنــام قتـيلا
مـن أيــن أتــى هؤلاء تســاؤلٌ
أفـلا أجبـت سؤالنــا يــا نيـلا؟
حملناك بيــن الحنـايـا حقيــقـة
وهمسـات شعـر رتلت ترتيـلا
شمال يستنطـق التاريـخ رملـه
وباسقـات بـه كم رفـدن خليـلا
هل بكيت علـى جنوبنـا حسرة
وذرفت دمعـا مثخــنا وعويـلا
لما يمسك الشعـر عني حسانـه
وما غصت يوما بالعباب طويلا
وغربنا أبدى به الحسـن رسمه
به المكارم قــد عشقـــن حلولا
وشرقنا أيـات حسـنه أشرقــت
بها المحاســن بكــرة وأصــيلا
والجزيرة مــن نــداك فريـــدة
قد توشحت تيجان السنا إكليلا
مبسوطة الكفـين سائغة الجنى
نشوى تزين بالجميل جميـــلا
إن عتبـتُ فلا أخـلك زاجـــرا
وهل على وله المحـب سبيـلا؟
وهل رأيـت من بنيك على المدى
يجـر علـى أرض الكـرام ذلـيلا؟
يا نيل هــل مــرت عليك عمائـم
فأنكرت منـها التكبـير والتهليلا؟
هل أجيـبك ام تجبــني كأنــــــنا
أخذنا مـن جـلل المصاب ذهـولا
مــن أولاء؟ أهـم بنــوك حقيـقة؟
ام شابهـوا الأصل فأتقنوا التمثيلا
أمـا خبـرت فــي بنــيك سماحــة
وطهر نفــوس لا تحسـن التأويلا
مـا يجيــش علــى اللسـان سجيـة
ولا تعــرف الغدرات والتبديـــلا
أبنــاؤك در نضــــيد وجوهـــــر
صغارهـــم وشبابهـــم وكهـــولا
ما ينفع الناس يبقى الدهر خالـدا
ما ضـر ليـس له لعمري مقيــلا
يذهـــب الزبـــد جفــاء لعلــــــة
كيـف استباح شواطـئا وسهـولا؟
فاصفــر منـه بعـد ينعــه قضـبه
وافســد منـــــا أنفســـا وعقــــولا
فاقــد الشــئ لا يعطــــيه وإنمـــا
ينضـح الإنـــاء بمــا بـــه مجبولا
فان كـان ما فيــه طيـــب أذاعــه
إن خبــث بــات بأســره مكبــولا
يجهــد إخفــــاء القبيــح بإصـــبع
ويحسب الطـل مـن عمـاه سيـولا
يـرى انه الرأس فـي كـل موطـن
رجرجة مـا عـداه بـل وذيـــــولا
من ظن أن العلم أضحى برهــنه
لــم يــدر منـــه خوافـيا وفصـولا
نــور الحـــق لا يواريـه باطــــل
مهمـا تدثــر فـي الخداع طويــلا
يا نـيل لا تاســى سيقبـل جمعنا
ليدك مـن حصـن البغـــاة فلولا
لتهوي صروحا بنـوها بريــبـة
اخــذوا هنــاك وقتـلــوا تقتيــلا
كـم سقــوا بلـــد الكرام مذلـــة
بكـــيزان ســوء ملـؤهن غـلولا
لـم يرحموا منا صغيرا لضعفـه
ولا شيخا من مـر السنين نحيلا
اشـاعوا فينـا كـل خـبث ومنكـر
وفتـنا ما اسطاعوا لهــن سبيـلا
مقصدهـم تحطــيم كــل مورث
مــن المكـارم تالــــدا وجميـــلا
فــرق تســد اريقــوا كل دمائهم
فبتــنا بــين مشــرد وقتيــــــــلا
سرطـان شـــر احــاط بـــاذرع
من الازلام والتدليس والتضليلا
كـل جميـل فـي الحيـاة احــــاله
قبحا ومسخـا مشـوها مشــــلولا
يحلفــون على المــراء بجـــرأة
بل يبتدرون التحريــم والتحليلا
هل تناهى اليك وقــع حوافــــــر
سئمن مـن نصـب الخنوع طويلا
اما سمعت صهيلها عبــر المـدي
يزلزل من جمع الطغـاة قبيـــــلا
ما ألفـن سوى الجحاجيح صـحبة
وما خبرن سوى العصي نــزولا
رايــات ايمــان ترفـرف فوقـــها
المرســلات لا جورا ولا تبديـــلا
بالحـــق نطلقـــــــها ؟ الله اكبــــر
لا اله الا الله تصديـقا وتفعيــــــلا
سنهد قلاع الخـوف ليس يعيقنـــا
من الاراذل ترهيـــب وتهويــــلا
وتبلج الحق كالشمـس مســــفرا
تلجلج الباطـل راجفـــا مخـــذولا
ما النصر الا احتـــساب لساعــة
تنبـت فيهــا مـن الطغــاة ذيــولا
يعود للســـــــودان سابق عهــده
بعزم رجال ما بدلـــوا تبدـــــيلا
بعـدا لقـوم يقتلــــون مكارمـــــا
ويدعون ذاك لجاجـــة تاصيــلا


#911710 [حزب الراكوبة]
5.00/5 (1 صوت)

02-10-2014 03:51 PM
ذكرتني اغنية تاني ماتقول انتهينا نحن يادوب إبتدينا


#911692 [Zol Sudani]
0.00/5 (0 صوت)

02-10-2014 03:35 PM
Are they serious?? What is the different between them & "Alotamr Alwatani" the same people who destroy our country for 25 years!! .. Sorry guys game over.. No way.. Just wait for your judgment day it's coming very soon.. Just get ready and "Alhisab Walad"..


#911688 [امين الشريف]
5.00/5 (2 صوت)

02-10-2014 03:28 PM
لا يزال الليل طفل يحبو !!!!! ولا يزال المتأسلمون المنافقون يبيعون العسل المدسوس في السم للغلابة والمحرومين والمهمشين في اطراف العاصمة - انظروا للصورة المعبرة عن الاوداج المنتفخة والبائن عليها اثر النعمة من مال الشعب المغلوب على امره وصور اطفالنا البؤساء تحكي عن مدى الظلم الذي حاق بالانسان السواني من قبل عصابة المؤتمر الوثني المتشرزمة انظروا ودققوا النظر جليا لتعرفوا مدى خبث وكذب وزيف هذه الجماعة المتاجرة بالدين وسماسرتهم الذين يحشدون لهم الفقراء والمساكين من بنو وطني - كل القوة الخرطوم جوووووووووووووووووووووووة ...



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة