الأخبار
أخبار إقليمية
السعودية تقرر رفع مستوى تصنيف الاطباء السودانيين
السعودية تقرر رفع مستوى تصنيف الاطباء السودانيين
 السعودية تقرر رفع مستوى تصنيف الاطباء السودانيين


نصف الأطباء السودانيين هاجروا للعمل بالسعودية،
02-13-2014 03:20 PM

أعلنت الهيئة السعودية للتخصصات الطبية عن اتجاه لاستصدار قرار برفع مستوى تصنيف الأطباء السودانيين بالمملكة، وذلك حسماً للخلافات بين البلدين في المسميات وتصنيف تخصص الأطباء السودانيين .

وأكد مساعد الأمين العام للهيئة السعودية د.”سعد السعيري” خلال زيارة الوفد السعودي أمس (الأربعاء) لاتحاد الأطباء، التوصل لاتفاق لإزالة اللبس في تصنيفات الأطباء السودانيين وتوحيد آلية التخصص، كاشفاً عن مساعي لفتح الباب أمام تبادل التخصصات بين البلدين، ومعالجة المعوقات التي تواجه الأطباء السودانيين بالمملكة.

وقال د. “العسيري” إن الوفد السعودي اطمأن على طرق تدريب الأطباء السودانيين وشهاداتهم، بعد الوقوف على طرق التدريس بمجلس التخصصات الطبية والمجلس الطبي. وأرجع الخلاف في تصنيف وتسمية الأطباء السودانيين، إلى خضوع الطب في السودان للمعايير البريطانية، فيما تخضع السعودية للمعايير العالمية.

بدوره أقر نائب رئيس اتحاد الأطباء بروفيسور “تاج الأصفياء قسم الله” بهجرة نصف الأطباء السودانيين للعمل بالسعودية، مما دعا السلطات بالمملكة إلى إرسال فريق للوقوف على مستوى تدريس وتدريب الأطباء بالسودان، وذلك بتفقد كل الجهات التي تمنح الشهادات للأطباء بما في ذلك الجامعات.

شبكة معنا



تعليقات 15 | إهداء 0 | زيارات 19405

التعليقات
#916365 [ساهر]
0.00/5 (0 صوت)

02-15-2014 05:54 PM
هناك أمور عديدة تحدث لنا فقط يجب أن لا نجامل فيها السعودية:
1- تستقدم السعودية الأطباء من كل دول العالم ولا تقوم بمثل تلك الإجراءات في أي بلد آخر حتى ولو كان جمهورية جزر القمر التي كانت تدفع وزارة الداخلية السعودية قيمة إيجار مقر سفارتها السنوي.؟؟؟

1- لا يخضع المصريون ولا اليمنيون لفحص الكبد الوبائي في حين يعتبر هذا الفحص ضروري لأي سوداني قبل حصوله على الإقامة الجديدة أو المجددة على الرغم من أن التهاب الكبد الوبائي مشهور ومعروف ومنتشر في مصر واليمن أكثر من السودان؟؟؟؟؟؟؟؟؟؟؟؟

3- يقوم السعوديون بعمليات تفتيش لمراكز تصدير الثروة الحيوانية والمسالخ السودانية، وهو أمر لا يقومون به في أي دولة أخرى في العالم، حيث توافرت لي دراسة باللغة الانجليزية صادرة من الهيئة الإسلامية العالمية للحلال تفيد هذه الورقة أن المسالح الأسترالية والنيوزلندية وغيرها من البلدان التي تصدر اللحوم المذبوحة للسعودية لا تخضع لأي رقابة من أي جهة سعودية، فلماذا نحن بالذات؟؟؟

4- لا يتم رش وتعقيم أي طائرة سعودية متجهة لأي دولة في العالم إلا الرحلات السودانية الخارجة من السعودية والقادمة إليها، فلماذا نحن بالذات؟؟؟؟؟؟؟؟؟؟؟؟؟؟؟

5-؟؟؟؟؟؟؟؟؟؟؟؟؟؟؟

6-؟؟؟؟؟؟؟؟؟؟؟؟؟؟؟؟؟؟
7- يجب على مسئولينا مناقشة تلك الأمور بكل شفافية وعدم التهاون والتفريط في كرامة الوطن. كما يجب عليهم دوماً عدم (ترخيص) أي إنزال قيمة المواطن السوداني والسلع السودانية والكرمة السودانية. وكان الله من وراء القصد.


#916171 [تينا]
4.00/5 (1 صوت)

02-15-2014 12:07 PM
لماذا لم تنشروا تعليقى على المدعوة ((( شمس ))) يا ناس الراكوبة لأنه ما أظن ما جاء فيه أفظع من ما جاء فى تعليقها لى ... أقول لها هذه المرة الثانية تخطى لى كلمات تدل على (((وضاعة معدنك))) واريد أن أعرف منك ماذا تريدين منى بالضبط أم هى الأمور الغير سوية التى يفعلنها بعض النساء ؟؟؟ ما تخيلتيه فى نفسك المريضة لست أنا من أصحابه فهمتى ... الأخ ((( ود الباشا ))) رجل متزوج ومحترم وكذلك شخصى امرأة متزوجة ومحترمة ولست أعانى من أمراضكم وهذه هى طريقتى فى الحياة أحب الخير والصلح بين الناس وأحترم وأقدر أيى شخص محترم نفسه ويحترمنى وبالتالى دينى يحتم على انصافه من خلال ما رأيت من تهذيبه واحترامه لى ولكل امرأة ... بمعنى لو كانت فى مثل موقف الأخ ود الباشا امرأة ومحترمة نفسها وليست مثلك ومحترمانى وحصل سوء فهم بينها وايى شهص ستجدينى أتدخل لانصافها ... أراك ابتدأتى تفعلى معى ما يفعله بعض الرجال المريضين فى الراكوبة وهو ملاحقتى واساءاتى المشكلة أنتى لا يوجد لك عذر أيتها ((( الحرمة من حريم الراكوبة ))) هذا فقط يسيىء اليك ويظهر عدم نظافة معدنك ويظهر سوء تربيتك وسلوكك لأن تعليقات المرء وكلماته تعكس سلوكه وخلقه بضم الخاء ... وحديثك لى فى هذا الموضوع بالتحديد أقول لك فيه ((( كل اناء بما فيه ينضح ))) ... وحسبنا الله ونعم الوكيل ...لو سمحتم انشروا سريع ولكم الشكر والتقدير والاحترام ...


ردود على تينا
United States [ساب البلد] 02-15-2014 04:35 PM
******** الاخت الفاضلة (تينا) انا برضو رديت علي التعليق السخيف بتاع المدعو (شمس) **** بس تم حجبه لا ادري لماذا ******* انا اعتقد ان المدعو (شمس) رجل من الجماعة بتاعين المناكفات انتحل شخصية شمس للتمويه ****** ولا يهمك كل الراكوبة تشهد لك و الاخت رانيا و نجاة ابو زيد و ام احمد وغيرهن بالاخلاق الكريمة و الادب ******** اخيرا الغافلة السائرة لا يهمها نباح الكلاب و مكاكاة الجداد ******* خالص الود ********


#916122 [ود الشيخ]
0.00/5 (0 صوت)

02-15-2014 11:13 AM
وماذا عن تصنيف الكوادر الطبية فهم خير خبرة فى دول الخليج فهم مطلوبين من غير يقية الاجناس الاخرى ويفضلوهم الاخوة العرب لصدقهم وامانتهم و
خاصة فى التمريض المنزلى واقسام الطؤارى


#916026 [محبط حتى الثمالة]
0.00/5 (0 صوت)

02-15-2014 09:20 AM
رفع تصنيف أطباء ,, نصف الأطباء فى السعودية,, زيادة ضرائب المغتربين ,, إزدياد معدلات الهجرة فى كل المهن (حتى فى كوكب عطارد يوجد سودانيين!!) ,, إزدياد أعداد المتسللين إلى إسرائيل ,,
قصف بمقاتلات السوخوى فى نفس توقيت بدء المفاوضات ,, إلتئام شمل المتأسلمين (شعبى وأمة وإتحادى وما أكل السبع ) ,, بوادر تملل فى القوى المعارضة المسلحة ,,
يا ربى أنحنا نهايتنا وين ؟؟؟؟؟؟؟؟؟؟؟؟؟؟؟؟؟


#915781 [د. ماجد]
5.00/5 (2 صوت)

02-14-2014 09:41 PM
مية مية يا معلم
يعني تاني نفرتق من البلد دي ساي
خليناها ليك يا بشير ياعوير اقعد نطط فيها زي القرد براك وسلم لي على الوثبة


#915780 [مبروك! عقبال يصنفوا باقي البلد ويبيعوها للخليجيين!!!!]
5.00/5 (1 صوت)

02-14-2014 09:40 PM
جميل صنفوهم ونضفوهم وبيعوهم!! ذي ماقالوا منصدر البصل والدكاتره!!والرهيفة التنقد!والعندو الاردن يتعالج!!!والماعندو عليهو بالمحاية !!


#915624 [دنقر شيل]
4.50/5 (2 صوت)

02-14-2014 04:52 PM
الواحد لما ما يكون فاهم الموضوع ما حقو يتداخل يصبر لغاية ما اصحاب الإختصاص يدلو بدلوهم وبعدين يبدى الرأى
مش شوفونى علقته تتعلق من عصبتك


#915597 [العاقل]
5.00/5 (1 صوت)

02-14-2014 03:51 PM
اتخيلوا ماهيه الاخصائي لما يمشي السعوديه في شهر بتساوي ماهيتو هنا لمد تلاااااااته سنوات والاخصايين قالوا بقعدوا لو ادوهم فقط ربع ما يعطي في السعوديه والوزاره عامله رايحه فمن حقهم يهاجروا فهم لديهم التزامات واسر صرفت ما صرفت عليهم والداير يعرف الواقع يمشي يحوم المستشفيات يسال الاخصاييين والاطباء عن احوالهم


#915596 [رانيا]
0.00/5 (0 صوت)

02-14-2014 03:39 PM
لحد أمبارح أنا كنت بدخل في مداخلات مع الاخ ود الباشا . .لكن بالامس أيضا نالني من التجريح ما نالني في شخصي وأنا بطني طمت شديد والله يعني أنا حزنت على ما بدر من اخرين في حقي. . غايتو في ناس بتستمتع بإساءة الاخرين وماحصل شئ مادام ورى ما عنده قصد ماحصل حاجة. . .ويا سارة أذكري الله يا أختي . .ويا تينا شكرا لتدخلك في الطيب كتر خيرك وإن شاءالله دائما ربنا يجعلك ذخر ومحضر خير . .شكرا لكي


ردود على رانيا
United States [ساب البلد] 02-15-2014 04:28 PM
****** الاخ (ود الباشا) تحية طيبة ***** سوء الفهم يحصل في ارقي الاسر ***** و كونك تخلي الراكوبة عشان تعليق اشخاص او اشخاص بعينهم هذا لا ينبغي ****** لك خالص الود ******


***** الاخت (رانيا) تحية طيبة ********** (((لكن بالامس أيضا نالني من التجريح ما نالني في شخصي وأنا بطني طمت شديد والله يعني أنا حزنت على ما بدر من اخرين في حقي))) ***** انا اتفهم مشاعرك و خاصة انت امراة ****** و اي واحد فينا يتمني ان يعلق و يرد عليه الاخرين بادب و موضوعية من غير مناكفة او تحامل ***** برضو ما تخلي الراكوبة عشان زول ***** خشي و علقي ***** خليك شديدة زي اختنا (نجاة ابوزيد) انا مبسوط منها لانها بتعرف تشوي و تحمر و تسلق الجداد ****** التحية ليك **** *******

European Union [ودالباشا] 02-15-2014 07:00 AM
الاخت الفاضلة ((تينا)) افق عاجزا عن شكرك وهكذا انتى دائما اكبر من المدح لقد كنت متضايق بشدة لسؤ فهمى ولكن شرحك وكلماتك الطبية اراحة نفسى وهذا هو معدنك الاصيل ونقاء نفسك شكرا لك وربنا يسعدك


الاخت الفاضلة(( رانيا)) والله كما قلت للاخ ساب البلد لم اقصد التجريح قط وشرحت ذالك وما لا ارضاه لاخواتى لا ارضاه الى اى سودانية انتن اخواتى فى الراكوبة وصدقينى مداخلاتى او حتى هظارى محصورة لما اختارهم حدسى فنحنا تلمنا الدنيا فى الراكوبة الوارفة فلما التجريح ولكى العتبة حتى ترضى

الاخ الكريم ((ساب البلد)) الحمد الله لقد فمهت قصدى وانت من الذين اناكفهم بحسن نية وغيرك وحددتهم لفمى لهم من كتاباتهم المحترمة لاننى تعرض كثيرا للتجريح لسؤ فهمهم وسبق احتجبت عن التعليق وتركت الراكوبة ولكن استجبت لنداء الاخت الفاضلة اعلاها ورجعت وارجو ان لا تفهموا مناكفتى انتم المحددين خطأ ولكم الود


#915527 [تينا]
4.00/5 (1 صوت)

02-14-2014 01:48 PM
أختى الفاضلة ((( رانيا ))) كيف حالك ... معليش اختى دعينى أتدخل فى حواركم لأدلى فقط بشهادتى لله فى حق أخى الفاضل ((( ود الباشا ))) صدقينى أختى رانيا فعلا ما قاله لك أخى ود الباشا من أنه لا يقصد أيى استخفاف هى الحقيقة وفعلا طريقة كلامه توحى أنه لم يفهم معنى الاجراء السعودى ... اختى أسألينى أنا عن موضوع شتائم واستخفاف واساءات المعلقين لأنى أصبحت أكثر امرأة فى الراكوبة تحظى بهذه الأشياء وأصبحت أميز الخبيث من الطيب من المعلقين لدرجة وصلت مرحلة حصرت تعاملى مع القليل جدا من الاخوة الأفاضل البحق وحقيقة اخوة ومحترمين ومنهم أخى الفاضل هذا ((( ود الباشا ))) ... صدقينى حصل سوء فهم فقط ...والله أختى رانيا انه من أفضل الاخوة المعلقين وأنا شخصيا بتعامل معه هو وبسيطين ... هذه شهادة منى فى حقه... تحياتى لكم جميعا ...


ردود على تينا
[شمس] 02-14-2014 07:39 PM
تهانينا لاخونا ( ود الباشا) الذي صارت له حظوة من حريم الراكوبة..


#915348 [ودالباشا]
5.00/5 (1 صوت)

02-14-2014 09:05 AM
الاخ الفاضل(( ساب البلد)) صدقنى انا لا اقصد اى استخفاف لاى شخص او معلق يمكن صيغة استفسارى وتوحى بذالك ولكن اماقصده عدم فهمى لاجراء الهيئة السعودية فقط وقد شرحت انت مشكوراً وكنت اظنه عكس ذالك وتحياتى لكما


ردود على ودالباشا
United States [ساب البلد] 02-14-2014 01:06 PM
****** اخوي (ود الباشا) حبابك عشرة ***** عذرا لو اسئت فهمك ***** ربما سوالك بري ****** لكن بعض الاخوان يتحاملوا في الردود علي اخواتنا مثل الاخوان (حسين) و (ياسر) وغيرهم **** لك العتبي حتي ترضي ********* مودتي *****


#915201 [افرحوا ارقصوا!!!حنصدر بقية الاطباء!!]
5.00/5 (1 صوت)

02-14-2014 12:21 AM
يعني شنو اعادة تصنيف!!! لحمه بلدي!!! بدل ماتصنفوهم للتصير يابجم كلموا حكومة السجم تحسن اوضاعهم وبكره البلد بتفضه وبيرجع العلاج بالقرض!!ناقصين تصنيف ماهم بيهاجروا لو صنفوهم ممرضين هربا بجلدهم من ناس مامون ووزارة السجم!!!كلو واحد شغال براهو!!!مافي زول قلبوا علي اهلو ولا علي البلد!!!مبسوطسن ناس النقابة بلتصنيف عالم وهم!!! وفهمم سجم!!وكل هم الوزارة والمجلس الان بيع الاطباء بملايين الجنيهات ادفع واهرب!! لايهم البلد ولا المريض!! المهم يتحصلوا علي القروش ويتقاسموها!!! قبال بشه ما يشردم للشوارع!!!الان القتال في جزر معزولة!! الاشطر من يحصل علي الغنائم والاموال بكل الطرق!! لم يعد مايباع الان غير بقية البشر السوداني!!! الم اقل لكم انهم الانكشاريين!!


#915060 [AburishA]
5.00/5 (1 صوت)

02-13-2014 08:28 PM
المؤسف.. كل الظروف المحيطة بالطبيب في السودان تجبره للهجرة.. حتى الطاقم المساعد والفنيين!


#914959 [كوز كنافه]
3.00/5 (4 صوت)

02-13-2014 05:52 PM
والله اعرف اطباء كان مناهم السودان واغترب دي مستحيل كانت لكن الله يجازي الكان السبب دنيا واخرة انتم عارفين ثاني عشرين سنة ماحنجيب دكتور بمعني دكتور والقاعدين ديل والله ياتماسيح او ظروفه الاسرية وبعض الدكاترة وهم بسيطين جداً قاعدين عشان خاطرنا وخاطر السودان الفضل وزاهدين في الدنيا والقرش وديل الله يحفظهم وانشاءالله ربنا يوفقهم لنا


#914856 [رانيا]
4.07/5 (5 صوت)

02-13-2014 03:45 PM
حلو


ردود على رانيا
United States [سارة] 02-14-2014 01:24 PM
تهانينا يا (رانيا) على اختيارك عريس لقطة.. دي عملتيها كيف؟!!

[رانيا] 02-14-2014 09:59 AM
أولا بشكرك يا ساب البلد على وقفتك معاي وأمثال هؤلاء هم من جعلنا نسيب البلد ...
على كل أنا طبيبة وزوجي طبيب من ألمع الأطباء السودانيين ,صاحب تخصص نادر جدا من بريطانيا
يعني الموضوع يمسّني ويمسّ أسرتي ...
مرة أخرى بشكرك يا ساب البلد لشهامتك وياريت البقية تخلي التفاهة اللي هي فيها !!!
كرهتونا السودان ومواصلين تكرهونا حتى التواصل مع السودانيين ..حقيقي يا أسفي على ناس بلدي البقوا
شكّالين ومخهم (...) وقلبهم أسود..

European Union [ياسر] 02-14-2014 01:27 AM
الحلو انو متوقعه عريس طبيب من السعوديه.....

United States [ساب البلد] 02-13-2014 11:22 PM
***** يا ود (الباشا) و (حسين) سلام ***** اختنا صاحبة تخصص طبي ***** يعني هذا مجالها *** وهي مقيمة خارج السودان ***** يعني بتازر زملائها ***** ما في داعي للردود الما ياها ******



******** دا الحلو و خلاصة الموضوع *********

**** أعلنت الهيئة السعودية للتخصصات الطبية عن اتجاه لاستصدار قرار برفع مستوى تصنيف الأطباء السودانيين بالمملكة، *********

United States [حسين] 02-13-2014 07:57 PM
معليش يا (ودالباشا) لا تؤاخذها فهذا هو حالها..

European Union [ودالباشا] 02-13-2014 05:23 PM
الحلو شنو بعيد عنك ما فهمت المقصد شنو بالضبط



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
10.00/10 (1 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة