في



الأخبار
أخبار السودان
بيان عاجل: من رئيس "الحركة الشعبية شمال" حول رد فعل الحكومة السودانية على تعليق المفاوضات
بيان عاجل: من رئيس "الحركة الشعبية شمال" حول رد فعل الحكومة السودانية على تعليق المفاوضات
بيان عاجل: من رئيس


02-19-2014 03:37 PM
الحركة الشعبية لتحرير السودان / شمال

مكتب رئيس الحركة الشعبية لتحرير السودان شمال

بيان حول رد فعل الحكومة السودانية على تعليق المفاوضات


ساعات قليلة منذ إعلان الوساطة الأفريقية تعليق المفاوضات بين الحركة الشعبية و حكومة السودان كانت كافية لتجعل وزير الدفاع وفي عجلة تامة أن ينتقل من مربع التفاوض وإبداء حسن النوايا وبناء الثقة المتبادلة الى مربع الحرب والتوعد بالحسم وفي ذلك نقول:-

أولا :- وعود حسم الحرب سمعناها مراراً وتكراراً في الأعوام 2011 – 2012- 2013 والأن 2014 وكل عام منها هو عام لحسم الحرب وذلك على لسان البشير و وزير دفاعه و آخرين ولم يحدث شئ سوى قصف المدنييين بالطائرات وتسليم آليات وعتاد جيش الحكومة ومليشياتها إلى جيوش الجبهة الثورية فلا جديد إذن في هذا الوعيد .

ثانيا :- أتينا الى هذه المفاوضات برؤية واضحة وقلباً صادقاً دافعاً لمعاناة أهلنا في مناطق الحرب ومعاناة جميع السودانين في كل ربوع السودان، ولذلك كان موقفنا إن الحل الشامل هو الأفضل لازمات السودان بما في ذلك المنطقتين لقناعتنا بأن حل المنطقتين لا يمكن أن يتم دون حل أزمات السودان كافة عكس ما رأت الحكومة في أن تحصر التفاوض في المنطقتين حتى يتثنى لها الإنفراد ببقية السودان بطشا وتنكيلا.

ثالثا :- أتينا لهذه المفاوضات ونحن في أعلى إنتصاراتنا العسكرية وأخرها معارك تروجي في جنوب كردفان و ملكن في النيل الأزرق إضافة الى معنويات جيوشنا الممتدة من دارفور الى جنوب كردفان وشمال كردفان والنيل الازرق، فهذا الوعيد هو تحصيل حاصل وفزاعة توجه بها وزير الدفاع الى بقية الشعب السوداني في ما تبقى من أقاليم ومدن وليس لنا نحن، فهو ومليشياته يعرفوننا حقاً وبشكل عملي في الميدان الذي لم ولن تتغير موازينه منذ العام 2011م والى الان، فهو أدرى بذلك أكثر من شعبنا الذي يتوجه اليه بهذه الترهات.

أخيراً :- إن المسؤلية التاريخية تستوجب علينا جميعاً أن نتوجه إلي إيقاف هذه الحرب بمخاطبة جذورها وإيجاد أليات جادة لتحقيق السلام الشامل العادل الذي نادينا به طوال هذه المفاوضات وسننادي به فى أي مفاوضات قادمة وسنتوجه بذلك لجموع الشعب السوداني حتى نلتقي الى كلمة سوا أكبر من تهديدات عسكرية مثل التي سبقت.

فَأَمَّا الزَّبَدُ فَيَذْهَبُ جُفَاءً وَأَمَّا مَا يَنْفَعُ النَّاسَ فَيَمْكُثُ فِي الْأَرْضِ

الفـريق / مـالك عـقار أيـر

رئيس الحركة الشعبية لتحرير السودان /شمال

التاريخ 18/2/2014






تعليقات 8 | إهداء 0 | زيارات 4611

التعليقات
#921329 [طريق الي الخرطوم]
0.00/5 (0 صوت)

02-20-2014 03:10 PM
ليك تحية كمرد السيد الرئيس
ﻻ لسﻻم لشخص مطلوب في محكمة جناية كلمة السﻻم بقى زي الدين الإسلامي موجود في السودان لذلك عازين القصر بالنار مش بالمفاوضات في ظل وجود الموتمر الوطني في القصر الأفضل ان تكون مثل صومال بدون حكومة لذلك ما فضايح تماطل الزمن نحن دايرين القصر حي او ميتا


#920925 [ودامدرمان]
0.00/5 (0 صوت)

02-20-2014 09:48 AM
جيش النظام ما عندو غير الطيران عشان كدة حقوا الجهة الثورية تحاول باي طريقة الحصول على مدافع مضادة للطائرات او تفجير اسطول الحكومة لقصقصة ريش النظام و عندها سيركع النظام


#920397 [واحد]
5.00/5 (2 صوت)

02-19-2014 06:47 PM
حفظ الله ايها الملك المبجل ابوالغلابة والمهمشين.


#920380 [AburishA]
5.00/5 (4 صوت)

02-19-2014 06:28 PM
(إن المسؤلية التاريخية تستوجب علينا جميعاً أن نتوجه إلي إيقاف هذه الحرب بمخاطبة جذورها وإيجاد أليات جادة لتحقيق السلام الشامل .. وسنتوجه بذلك لجموع الشعب السوداني حتى نلتقي الى كلمة سواء أكبر من تهديدات عسكرية مثل التي سبقت.

** لك التحية...نعم للحل الشامل..لا لتجزئة الحلول..لا للهيمنة والاقصاء.. انتهي عهد الوصاية.. نعم لدولة المواطنة والعدل...السودان لكل السودانيين..
والنضال مستمر.......


#920329 [عطيطو الاسوانى]
5.00/5 (2 صوت)

02-19-2014 05:19 PM
كلنا مع الحل الشامل الذى لا يستثنى احدا . وقد جربنا الحلول الجزئية والتى لم ينتج عنها الا تجديد الحلقة المفرقة والاسطوانة المشروخة ولعبة القط والفار بين الانقاذيين وحملة السلاح . ان اوان الحل الشامل الذى لا يستثنى احدا وبالله التوفيق .


#920322 [كسره بالهوت دوق]
5.00/5 (1 صوت)

02-19-2014 05:09 PM
تفاوض تفاوض تصدقوا كرهتونا الكلمه دي زاتها ي عالم .. بتتفاوضو في شنو ولاجل شنو ؟؟؟ مشكله السودان حلها معروف ي عالم وخلوا دفن الرؤوس في الرمال دي .. انتو لو صحي عاوزين حل شامل للقضيه تحركو قواتكم للخرطوم في ساعات بتحلوا المساله وانتو ادري بكدا مننا ,, بعدي تفاوضكم القطعاعي ده خلوه وهو اساسا بتتفاوضوا باسمنا ليه وكمان التفاوض مع اناس مجرمين قتلونا وشردونا واعتصبوا بناتنا وفصلوا بلدنا ؟؟ ديل اصلا لا بنفع معهم لغه التخاطب والتفاوض دي لغتهم السلاح الهم جوا بيهو للحكم ده .. انتو لو فعلا دايرين تحلوها مفترض تاخدو راينا كشعب سوداني وافتكر نحنا ما كشعب ما طلبنا مكنم تمشو تتفاوضوا مع القتله ديل بل دايرنكم تولعوها في الخرطوم وتحلوا القضيه ,,

انتم ادري بهذه العصابه من غيركم اذا لما التفاوض مع اناس لا يحترمون العهود والمواثيق ام هنالك ضغوط خفيه من قبل المجتمع الدولي لجلوسكم علي الطاوله والا لما التفاوض اذا فعلا موقفكم الاعلي علي الارض لانو علي حد علمي صاحب الموقف الضعيف هو من يجلس للتفاوض .
عموما مشيتو جلستو وكالعاده ما طلعتو بحاجه غير اعطاء مزيد من الوقت للخرطوم لارتكاب مزيدا من المجازر .

بعدين انتوا بتتفاوضوا وطيارات ومليشيات النظام لم تتوقف ولا لحظه عن قتلنا وقتل اهلنا في القري والجبال عجزتم حتي عن حمايتنا .

حاجه اخيره نحن كشعب نرفض كل انواع التفاوض مع هؤلا القتله ونطالبكم بدخول الخرطوم في اسرع وقت ممكن لانهاء المساله وكفايه جلوس في الفنادق و المرمطه بين عواصم الدول لاستجداء الاخرين نحن شعب نستاهل خير من ذلك فلا تمرمطونا اكثر مما حصل عليكم الله .. اذا فعلا دايرين ليها حل يبقي من خلال البندقيه وكمان لازم تدور في القصر وحوش بانقا ,, والا يجب ان تحلوا قواتكم وتورونا عرض اكتافكم .
الشعب السوداني الفضل


#920269 [توتال]
2.00/5 (2 صوت)

02-19-2014 03:56 PM
بيانك دا بلو واشرب مويتو يا مسكين


ردود على توتال
European Union [الشرانى] 02-20-2014 01:50 PM
قول ليهو كمان يبل فى مريسة ويشربها ويغسل بيها قفاه والا وشه مع معروف

European Union [الثائر] 02-19-2014 07:09 PM
والله ياتوتال البيان بالعمل والكوماندر مالك حقار اوجز وانجز واتبلا انت واشرب مويتك وعقار واييييي والحلو وايييييي وعرمان واييييي والفجر الجديد واييييي وكل اقليم اقرر مصيرو واييييي.

United States [سوبر شل] 02-19-2014 06:42 PM
مسكين انت ي ضعيف النفس


#920258 [سمعتو ولا جابو ليكم]
0.00/5 (0 صوت)

02-19-2014 03:45 PM
كلام تمام ولكن عشان ابرئ نفسي امام الله انا ضد الحرب وضد القتل ايا كان



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة