الأخبار
أخبار إقليمية
علي عثمان طه يلتقي الترابي ثلاث مرات
علي عثمان طه يلتقي الترابي ثلاث مرات


02-22-2014 10:15 AM
الخرطوم: الجريدة
أكدت مصادر مطلعة أن نائب رئيس الجمهورية السابق والقيادي بالمؤتمر الوطني الأستاذ علي عثمان محمد طه حرص على التقاء الدكتور حسن عبدالله الترابي وقيادات من الشعبي في الآونة الأخيرة، وأوضحت المصادر أن اللقاء الأول الذي جمع بينهما كان بطلب من طه وقام (بهندسته) القيادي بالمؤتمر الوطني أحمد عبد الرحمن محمد، وأكد فيه طه على ضرورة وحدة الإسلاميين كترياق للخروج من التحديات الكبيرة التي تمر بها البلاد. إلى ذلك انخرط طه في حوار طويل مع نائب أمين المؤتمر الشعبي إبراهيم السنوسي الذي زاره معزياً في وفاة شقيقته.

الجريدة


تعليقات 25 | إهداء 0 | زيارات 9978

التعليقات
#923974 [عتمنى]
0.00/5 (0 صوت)

02-23-2014 01:05 PM
أعوذ بألله كل واحد أطرش من التانى


#923879 [ود الغرب البعرف الدرب]
0.00/5 (0 صوت)

02-23-2014 11:51 AM
الله يديكم الصحه والعافيه لايعرف قدر الرجال الا الرجال (من المؤمنين رجال صدفوا ماعاهدوا الله عليه)


#923865 [عبدو]
5.00/5 (1 صوت)

02-23-2014 11:39 AM
الترابي والسنوسي زي التيمان .. حتى الجزم والبيضاء والشرابات لابسنهم سوا !!!!!!
الحكاية شنو


#923484 [محمد]
1.00/5 (2 صوت)

02-22-2014 11:45 PM
والله رجال لايعرف قدرهم الا الرجال ...... محمد الامين خليفه اسالو منو زملانو في سلاح الاشاره زمنو الكان عسكري وزمن الضابط ..وبشير ادم رحمه يعرفه جيرانو واصحابو....اما الترابي والسنوسي... اجتهدو لاصلاح هذه البلد اذا وفقو ام لا ...وانا داير اسال الكيبورديه ومن منازلهم قبل 89 كنتو وين ؟. وهل كانت البلد احسن ولا اسو....ومافي زول في السودان دا ماملام من شيوعي لي ناصري لي التحادي لي بعثي لي امه لكها جربت وفشلت


ردود على محمد
[عود القذافي] 02-23-2014 07:49 AM
يا جدادة انتظر عود القذافي ..


#923392 [fm3]
5.00/5 (1 صوت)

02-22-2014 09:26 PM
شعب جعان لكنوا جباااااان
الثورة الثورة حتى النصر
ما بتجيكم باردة بنى وطنى شوفوا مصر وتونس الدم هو مخرجنا من تجار الدين


#923331 [دندرمة في برمة]
5.00/5 (6 صوت)

02-22-2014 08:11 PM
اتلاقو 3مرات؟ حصل حمل ولا لسع؟ و الولادة متين؟


#923244 [ست الدار]
0.00/5 (0 صوت)

02-22-2014 05:53 PM
الحركات الإسلامية السياسية مثل الأورام السرطانية فى الجسم تتوالد من المصدر الأساسي "الورم الأم"..عندما يصاب الجسم العليل بأورام سرطانية بسهولة يجد الأطباء الأورام الفرعية ولكن إزالتها وقتية وسوف تتوالد مرات أخري وبأشكال مختلفة وفى أجزاء متعددة جديدة. لذلك يبحثون بجهد عن موطن ومكمن السرطان الأصل "Primary" المتخفي بخبث ويقومون بإقتلاعة من جذرة وحرقة حتي يقضي على السرطان نهائيا ولن تنبت له أورام فرعية..التنظيم الإسلامي السياسي هذا أيضا منهجة مدثرا بالتخفي والخبث..حمانا الله وإياكم وشفى جسد الوطن العليل من داء المتأسلمين العضال.


#923165 [moy ako]
0.00/5 (0 صوت)

02-22-2014 04:30 PM
الاهتمام بال"تطقيم" Matching في الملبس على ماكن يقولن النساء يعكس خواء الرجل.


ردود على moy ako
United States [الناس في شنو وهم في شنو ؟؟؟] 02-23-2014 02:03 PM
ياخي معقول انه الرجال الانيقين الحايمين ديل كوووووووووولهم رؤسهم خاوية يس معقولة دي ؟؟؟ خليك منطقي وما تنقل لينا كلام النسوان والظاهر عليك كثير المجالسة لهن .. الله يهديك,


#923158 [IHassan Alamin]
4.50/5 (2 صوت)

02-22-2014 04:19 PM
بعض الناس تستهويهم مسرحيات الإخوان السقيمه نكرر لايوجد انقسام إطلاقا بين أعضاء الجماعه . أرجو من الاخوه القراء استحضار قصه الحمار العجوز و الأسد والثعلب . هذه الجماعه أقوي تنظيم شهدته البشيريه وعلينا اعتبار ذلك في عملنا ضد هذا النظام لامحاله هالك.


#923156 [كاكا]
3.00/5 (2 صوت)

02-22-2014 04:17 PM
ما بتقدرو تزحلقو التور ده . . انتو القاليكم تيسو وريسو منو ؟؟؟


#923091 [AburishA]
4.25/5 (5 صوت)

02-22-2014 02:21 PM
تتلموا..تجتمعوا..تتفرقوا..تنشدوا في المدائن حاشرين.. تلطموا الخدود..تشقوا الجيوب..خلالالالاص
Game Over .. خلاص صوفتنا المكنجرة لقيناها ومعطناها.....


#923079 [ابزرد]
0.00/5 (0 صوت)

02-22-2014 02:10 PM
لابسين ابيض في ابيض زي كبابي اللبن حتي النعال


#923070 [ياسر نورى]
4.00/5 (3 صوت)

02-22-2014 02:01 PM
يا ريت ولو كان لون قلوبهم زى لون مراكيبهم اللابسنها ما كان ضيعونا وشردونا من البلد اللة لا كسبهم


#923062 [داوودي]
5.00/5 (1 صوت)

02-22-2014 01:54 PM
الناس ديل غاشيهم منو .. سبحان الله . . الناس دي ما عارفين انو سياستم فاشلة لو حكمو مية سنه ...


#923049 [زرار]
5.00/5 (1 صوت)

02-22-2014 01:33 PM
خااااااخ طه كان بختنق لما ىسمع اسم الترابي وبعد الطرد رجع تانى!!!


#923018 [زنجرابي]
4.75/5 (3 صوت)

02-22-2014 12:50 PM
المستبصر/ محمود محمد طه في حديث لطلاب جامعة الخرطوم عام 1977 يصف نهاية الحركة الاسلامية
1. من الأفضل للشعب السوداني أن يمر بتجربة جماعة الهوس الديني وسوف تكون تجربة مفيدة للغاية،
2. إذ أنها بلا شك ستبين لأبناء هذا الشعب زيف شعارات هذه الجماعة،
3. وسوف تسيطر هذه الجماعة على السودان سياسيا وإقتصاديا حتى ولو بالوسائل العسكرية،
4. وسوف يذيقون الشعب الأمرين،
5. وسوف يدخلون البلاد في فتنة تحيل نهارها إلى ليل،
6. وسوف تنتهي فيما بينهم،
7. وسوف يقتلعون من أرض السودان اقتلاعاً.

هم الآن في (السوف) رقم 6 : وسوف تنتهي الفتنة (فيما بينهم) فهم سيعودون الى بعضهم البعض ويصبحون كتلة واحدة كما في السابق وهو ما يحدث. الان
ولكنهم ينتظرون (السوف) رقم 7: وسوف يُقتلعون من أرض السودان اقتلاعاً.

وقوى السودان الجديد (رأس الرمح في التغيير القادم)بكل أجنحتها جنوباً.. غرباً.. شرقاً.. شمالاً.. وسطاً ..شمالاً أقصى لقادرة على (اقتلاعهم من “أرض السود” اقتلاعاً).
هذا النظام لا يتغير بالمظاهرات السلمية بل بالانتفاضة الشعبية (المسلحة) لأنها السبيل الوحيد لاقتلاعه وكنس آثاره من سوداننا الحبيب.


#923017 [من المركز]
3.00/5 (1 صوت)

02-22-2014 12:50 PM
البقاء لله علي السودان. قوموا الي ثورتكم اثابكم الله


#922976 [بت قضيم]
4.00/5 (3 صوت)

02-22-2014 12:23 PM
يا جماعة الخير قلنا ليكم كم مرة ان الريموت كنترول بيتحرك من خارج السودان صناعة قطرية ما مستورد من اليابان


#922968 [Abu Kandaka]
4.25/5 (3 صوت)

02-22-2014 12:15 PM
نناشد المهمشين الخروج من حزب الامة والاتحاد اليمقراطي والمؤتمر الشعبي فوراً وبالتاكيد الوطني ويصبح دارفور والنيل الازرق وجبال النوبة والشرق الحبيب وحلفا وولاية الجزيرة خالي من هذة الاحزاب التي تتاجر باسم الدين.


#922960 [محمد اللواء]
4.82/5 (5 صوت)

02-22-2014 12:07 PM
الملاحظ انو الناس ديل كلهم لابسين جزم بيضاء دي جاتم هدايا ولا شنو ياربي؟


ردود على محمد اللواء
United States [توم جيري] 02-22-2014 03:38 PM
ديل بيحاكون الترابي حتي في نحنحته وهو قاعد في الحمام اصلاً قوم لوط طبعهم التقليد

[من المركز] 02-22-2014 01:53 PM
في بعض البلاد المثليين هم اللي بستعملوها مع الاعتذار للقراء الكرام

United States [سودانية] 02-22-2014 01:10 PM
تكون من قطر


#922950 [مش مهم]
2.00/5 (1 صوت)

02-22-2014 11:58 AM
والله لما اشوف هذه الصورة اضحك على طول .اصلا ديل بدوره على السلطة من جديد عاوزين ليهم مناصب والبحث عن المال الحرام والشركات تاكلون وتاكلون ..... والجرى وراء الدنيا ..الخ الله المستعان .


#922941 [كاهل ابو عرب]
3.75/5 (3 صوت)

02-22-2014 11:55 AM
ههههههههههههه بالله دي القائدات المنتظرنها ترفع البلد ... كان الله في عونك يا بلد

جنسيه للبيع ونشتري اي جنسية باي ثمن ...... اففففففففففففففف


#922939 [بابكر]
0.00/5 (0 صوت)

02-22-2014 11:47 AM
هولاء لا خير فيهم.


#922907 [مدحت عروة]
4.25/5 (3 صوت)

02-22-2014 11:20 AM
التحديات الكبيرة التى تمر بها البلاد ولا التى تمر بها الحركة الاسلاموية ؟؟؟؟؟
من بتين انتوا كان همكم البلاد والعباد ؟؟؟؟
همكم كله الحركة الاسلاموية وعضويتهاتمكينا من مفاصل الدولة السودانية لجعلها ولاية من ولايات الحركة الاسلاموية العالمية بمعنى ان ناسكم وكيزان الخارج ياتوا اولا قبل السودان والسودانيين!!
الحسنة الوحيدة فى انقلابكم على الشرعية هى فى سقوط ورقة التوت عن حركتكم وبانت عوراتها وحقيقتها انها حركة غير وطنية اهدافهاخارجية وفى سبيل تنفيذ برنامجها الذى ثبت فشله وخطله حتى انه بعيد عن الاسلام الذى تتمشدقون به لان المسلم لا يمكن ان يؤذى اهله ويقطع ارزاقهم ويقتلهم ويسجنهم ويعذبهم الخ الخ يمكن لصيته اعتقادا انهم هم من يمثل الدين وشرع الله !!
واصلكم اتتو الاتنين طينة واحدة اختلفتوا على السلطة والآن ادركتوا ان الشعب السودانى المسلم والمسيحى الطيب عرفكم كويس وبضاعتكم اصبحت بايرة فلازم تتبلموا عشان تشوفوا مخارجة لنفسكم وتنظيمكم!!
بالله العظيم ماذا فعل لكم الشعب السودانى حتى تعاملوه هذه المعاملة القاسية وكانه لا ينتمى الى الوطن او الدين؟؟؟؟
لكن الفيكم اتعرفت وبان معدنكم وهذه هى الحسنة الوحيدة لانقلابكم على الشرعية وبالسلاح وهى جريمة يعاقب عليها القانون بمعنى ان اى شىء حصل بعد 30 يونيو 1989 هو غبر قانونى وغير شرعى لانه ليس بثورة شعبية ضد نظام شمولى!!!


#922895 [ابوالحسن الشايقي]
4.25/5 (3 صوت)

02-22-2014 11:16 AM
هل تجمع المعارضه بهذه الدرجه من الغباء لقد قلناها منذ زمن بعيد ان خلافات المؤتمر الشعبي والمؤتمر الوطني وحزب غازي صلاح الدين هي في حقيقتها تبادل ادوار وخلط اوراق يصعب فهمهاعلي بقية القوي السياسيه جزء مهم يحكم وجزء منهم يعمل مع المعارضه ويكشف اسرارها ومجموعة تتفرغ للتنسيق وعلي عثمان ونافع يسيرون النظام من خلف الكواليس الان فقط يظهرون اندماجهم لانهم مستهدفون من قوي اقليميه ودوليه ويعلمون ان مصيرهم واحد فعلي القوي المعارضه ان تنتبه جيدا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
1.00/10 (1 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة