الأخبار
أخبار إقليمية
أضبط.. تحويل رصيد
أضبط.. تحويل رصيد


02-28-2014 03:36 PM
عثمان ميرغني

أمس نهاراً.. أوقفني شرطي المرور.. أمسك الرخصة وترخيص السيارة وطلب مني المثول أمام الضابط الذي كان في سيارته على جانب الطريق..

قلت في نفسي هذه فرصة ثمينة لتفحص عملية تحصيل المخالفات.. التي تتم نقداً وفوراً..

الضابط كان محاطاً بعدد من المواطنين الذين أوقفتهم شرطة المرور أيضاً.. كلهم كانوا يدفعون غرامة المخالفة.. فيكتب الضابط بيانات (إيصال المخالفة) ثم ينزعه من الدفتر ويسلمه للمخالف.

لفت نظري أمر مدهش للغاية..!!

الضابط يكتب بيانات المخالفة في الإيصال.. وقبل أن ينزعه ليسلمه إلى السائق المخالف.. يقلب الضابط ظهر الدفتر من الخلف.. في غلاف الدفتر الخلفي مكتوب بالحبر أربعة أسماء (الاسم الأول فقط).. أمام كل اسم عدة خطوط قصيرة.. كلما كتب الضابط إيصالاً قلب الدفتر ووضع خطاً أمام اسم الشرطي الذي (ضبط) المخالفة..

عددت رجال المرور الذين كانوا يتولون مهمة إيقاف السيارات في قلب الشارع .. فوجدتهم أربعة.. على عدد الأسماء المكتوبة في غلاف الدفتر..

كلما أوقف شرطي المرور سيارة .. نال خطاً إضافياً أمام اسمه.. وفي نهاية الحملة.. يمكن حساب السيارات التي أوقفها كل شرطي بحساب الخطوط المرسومة أمام اسمه في غلاف الدفتر الخلفي..

بعبارة أخرى.. حينما يمارس شرطي المرور واجبه في إيقاف السيارات في الشارع للبحث عن مخالفة.. إنما يمارس عملية (جمع الحوافز).. بقدر ما (يقبض) من مخالفات.. فيختلط (الرسمي) بـ(الخاص) بصورة مسيئة – جداً - للعلاقة بين الشرطة والمواطن.. الذي يحس بأنه لا يدفع غرامة عن المخالفة بقدر ما هي جباية (شخصية) لصالح من يجبيها.

هنا تنتفي تماماً الحكمة من (التسويات المرورية).. وتصبح مجرد (حوافز) تشجع شرطي المرور على بذل أقصى جهد لتوقيف أكبر عدد من السيارات بأي حجة.. وتغيب تماماً حكمة (الإرشاد) والتوجيه في بعض المخالفات التي تستحق أن تعامل بالحكمة.. لا بالحكم..

ومثل هذه السياسة.. سياسة التحفيز عبر المخالفات قد تساعد على الفساد.. لأن السائق المخالف قد يلجأ لاستخدام نفس الأسلوب.. أسلوب تحفيز شرطي المرور لتجنب دفع قيمة المخالفة.. فبدلاً من دفع (30) جنيهاً مثلاً في مخالفة.. قد يستسهل السائق المخالف دفع (10) جنيهات فقط للشرطي.. الذي قد يجدها أكثر وأسرع من حافزه الرسمي..

هذا الأسلوب يهزم العلاقة بين المواطن والشرطة ويحولها إلى علاقة ترصد وتكسب.. وتنهار قيم التوجيه والإرشاد والتعاون من أجل حفظ النظام.

يجب على شرطة المرور منع أي حوافز مرتبطة بالمخالفات.. حتى لا يجد الشرطي مصلحة في (التعنت) في ترصد المخالفات.. فيبتعد عن دوره في تنظيم المرور إلى استثمار المرور.

لا أظن أن هذه المعلومات غائبة عن قيادة شرطة المرور.. فيبقى السؤال: ما هي الحكمة في (تحفيز) شرطي المرور في تحصيل الغرامات المرورية؟..

هل المطلوب (قيمة) الغرامة.. أم (قيم) تنظيم المرور وترفيع العلاقة بين الشرطة و(شركاء الطريق)؟.

[email protected]


تعليقات 40 | إهداء 0 | زيارات 14888

التعليقات
#930758 [الباحث عن الحقيقة]
1.00/5 (1 صوت)

03-02-2014 03:32 PM
الى الاستاذ / عثمان ميرغني يحكي لي احد الاخوان العرب انه أخاه يعمل في ايطالياوفي يوم من الايام وزوجته بجواره في السيارة وكعادة العرب في المخالفات قطع الاشارة حمراء مسرعا فتم ايقافه من قبل المرور وحررت له مخالفة قوية قطع اشارة حمراء ، ولكن بفهلوة الرجل ذهب الى قاضي المرور واستأنف لديه مدعيا انه قطع الاشارة وزوجته معه نسبة لموعد رضاعة مولدتهم في الحضانة ، اطرق القاضي برهة وبسرعة شطب القضية نعم شطبها وبدون دفع مخالفة وبعد اسبوع جاءهم على عنوانهم في المنزل كرت تهنئة بمولودتهم من قسم مرور نابلي ، اين نحن من هؤلاء ليت مدير المرور يتعلم ، ليت قضاءنا يتعلموا الموضوع ليس موضوع رباطية وقطع طريق !! و ارحموا من في الارض يرحمكم من في السماء ..


#929774 [مريخابي ارتد]
1.00/5 (1 صوت)

03-01-2014 04:44 PM
لم يخبرنا عثمان ميرغني فيما اوقفه شرطي المرور؟؟؟ تظليل ولا رخصه منتهيه ولا ترخيص منتهي ولا استخدام الموبايل. نشتم رائحة غبن نتيجة دفع 30 جنية. على الاقل عثمان ميرغني اتفشى في مقاله هذا. اما فنانة الكفتة ما عندها غير اغنية في هجاء رجال المرور على شاكلة اللكزس ما علاقة شخصية


ردود على مريخابي ارتد
[حليلو القام بي ليلو] 03-01-2014 05:36 PM
ما تخاف ربك يا بتاع المرور إنت تقول أشتم رايحة غبن يعني بتدافع عن المرتشين الذين تدورت كروشهم من مال السحت الحرام,كلام عثمان ميرغني صاح هي باب للرشوة والله يشهد كلما يلمو فينا يقولو خارج نفسك..صدقت يا عثمان ميرغني وعين الصدق ما قلت,شرطة المرور تحتاج لتطهير وخلخلة زي الزلزال حتي يشعر الناس بأنهم يقومون ما يحفظ ارواح الناس وكلما نعرفة جيدا غنها طاحونة وماسورة كبيرة للأتاوات والرشي غلا من رحم ربي منهم وهم أقلية بين كوم الفساد ونتمني من السادة أعضاء البرلمان أن يوقفوا هذه الجبايات التي تكتنز بها جيوبهم وكروشهم ففي كل دول العالم الأول والثالث شرطة المرور همها سلامة الركبين والمشاة ففي دول عدة عندما يحل إسبوع المرور او في الاعياد او المناسبات الدينية تجدهم يقدمون الحلوي والورود مع نشرات توعوية مع غبتسامة لا تفارقهم وليست تكشيرة وغرامة وكمان يهددك بالحبس وسحب العربة..لو تغير أي وضع في السودان ناس المرور أول من يستعديهم الناس لأنهم أذلوا خلق الله وأساموهم عذابا لا يستحقه هذا الشعب الطيب الذين هم من أصلابه ولكنهم عموا وصموا عنهم بسبب المال والدنيا الفانية.


#929760 [غايتو]
1.00/5 (1 صوت)

03-01-2014 04:19 PM
عثمان لم يحكى عن نوعية الايصال - وطبعا ايصال ملون ..... غايتو خربتوا البلد


#929655 [المتخارج]
3.00/5 (3 صوت)

03-01-2014 01:53 PM
التغريد خارج السرب ,يعنى شنو قايل نفسك جبته حاجه جديده الكلام ده معروف من زمن قبيلتك بتاعة الكيزان دى مسكت البلد وفكنا من الاسلوب بتاع تنفيس حلة البريستو ده


#929596 [sasa]
5.00/5 (1 صوت)

03-01-2014 01:04 PM
هذا حصاد دينكم الذى بشرتم به ... هل كنا لادينيين عندما سرقتم السلطة ياعثمان ميرغنى .... ماعلاقتك بالميرغنية ياكوز


#929516 [Mohamed]
5.00/5 (1 صوت)

03-01-2014 11:53 AM
يا عثمان: الذنب ليس بذنب رجال المرور أبدا بل ذنب "الحكومة" !!

إبتداء، وكما تعلم فإن وضع السياسات وتنفيذها هو من واجب ومن عمل الحكومة وليس لرجال الشرطة من دور في ذلك غير التنفيذ بعد سلسلة طويلة من الإجراءات ... وبالتالي فلا داعي لأن تشغل نفسك بالتفتيش علي الشرطة، والبصبصة في سجلاتهم من وراء كتوفهم لكي تفهم وتستفهم .. عيب والله عيب!
ولو الحال ما عاجبك ولديك "ظنون"، فأقله أن تتجه بخطابك مباشرة لوزير الداخلية أو الحكومة للمطالبة باصدار توجيه أو أمر يوقف تحصيل المخالفات المرورية "نقدا"، فعلي رأيك هذا هو أس البلاء ، وهو ليس من عمل ضباط الشرطة أبدا ولا يشرفهم في شيء بل هو مما يسيء إليهم ويقدح في ذمتهم ويشكك في أمانتهم وفي دورهم المناط بهم وواجبهم، بل الأسوأ أنه يحولهم الي ما يشبه "الشحاتين" وهو ما لا يليق بضباطنا أبدا!

وكما يلاحظ الجميع فهنالك الكثير من الإساءات المشينة والغير مقبولة والتي تتردد ليل نهار بسبب آفة "التحصيل النقدي" حتي وبالقرب من آذان هؤلاء الرجال، وكأنهم يأخذون المخالفات الي جيوبهم الخاصة، وهو مما لا يليق أبدا.

فأيا كان الحال، يجب أن لا ننسي أن ضباط المرور هم أبطالنا بلا منازع، فهم من يسهرون علي حمايتنا من الموت المجاني بالطرقات المزدحمة، وهم من يتحملون عنادنا ومساختنا وسخافاتناالمعروفة وبابتسامة وعن طيب خاطر!! وهم الحارسون لسلامتنا وسلامة أبنائنا وأحبابنا دون من أو أذي، وهم من هم في عز الحر والبرد يعملون بلا كلل أو ملل في واقع هو المأساه أو الأقرب الي المأساه. فقليل من الحياء يا قبيلة "النقادون المشاؤون المتشائمون"!!


#929455 [زول]
0.00/5 (0 صوت)

03-01-2014 10:43 AM
ي سلام عثمان ميرغني وحسين خوجلي ديل اكتشفوا الذرة اليوميين ديل - وين ايام كنتو بتدعوا للايدي المتوضئة والقوي الاميين ونحن كنا في عز الديمقراطية ايام الراية وكنتو بتبشرو بالمشروع الحضاري ي داب ( بعد 25 سنة) عرفتو فساد شرطة المرور جباية او خدمية حوافز القضاء في الغرامات دي ح تسمعوا بيها بعد 75 سنة( حافز القاضي في اي قضية مهما كانت اهتزاز لقيمة العدالة) . ستردون جميعا لعالم الغيب والشهادة الحكم العدل وحينها يعلم الذين ظلموا اي من منقلب ينقلبون .لو كنتو صادقين انت وحسين خوجلي بالجد قارنو بين اوضاعكم قبل الانقاذ وبعدها . جميع من يريد أن يتبرأ من وسخ الانقاذ عليه ان يخرج من مما حاز من اموال بباطل وان يستغفر الله ربه وفساد الطقمة الحاكمة لا يحتاج لصحفيين من داخل او الخارج لتبيانه من قلبه ع الشعب فليقود راية التغيير


#929298 [yassir]
5.00/5 (2 صوت)

03-01-2014 06:37 AM
والله يا عثمان ميرغني طلعت جبان ونحن القايلنك اخر الرجال المحترمين، ليه ما عايز تقول دوغري انو رجال شرطة المرور عايشين علي المخالفات والرشاوي والسرقة والنهب كل الناس عارفه كدا من الرئيس للغفير، قال قد يستهل السائق دفع عشرة جنيهات، ودي دايرة ليها درس عصر احسن تدفع عشرة ولا ثلاثين، كنت متصور انك فاهم في الموضوع دا اكثر من كدا لكن طلعت قنبور ساكت لما تطرح مشكلة لازم تكون ايجابي وتطرح مجموعة حلول، والحل القالو الف مرة انك تعمل اتمتة للنظام زي كل دول العالم المتحضرة وحتي المتخلفة، الشرطي وظيفة يحرر المخالفة ونهاية دوامه يسملها للقسم وتيم ادخالها الداتا علي النظام وكل مخالفة بتمشي لصاحبها، جاء دفعها مرحب ما دفعها لما يجي يجدد سيارته كل المخالفات بتظهر ولا يمكن تجديد السيارة بدون دفع المخالفات (دولة الامارات العربية المتحدة نموذجا).
علي العموم يا عثمان ميرغني مقال كسيح وواضح انك عايز تكتب وبس عشان يكون عندك مقال يومي، نصيحة مني ما تكتب كل يوم لانها صعبة جدا جدا وامكن تكون مستحيلة.


#929272 [mohamed]
0.00/5 (0 صوت)

03-01-2014 03:37 AM
الأستاذ عثمان، أرجو تبنى هذا المقترح وتسويقه عسى أن يلهم الجميع ويقتدوا به وكلو تجريب فى تجريب ومال أيه.
المقترح: تعيين السيد/الطيب الزين مساعد رئس الجمهورية لشؤن الأمانة والخوووف.
ياعثمان الله يهديك ياخى لمتين الطعن فى ضل الفيل دا!!ولمتين الإستمرار فى سياسة تجهيل الناس ! يعنى عايز تقول إنو عييونك لم ترى صورة أبشع وأقبح من ممارسات ناس الحركة اللى حظهم التعيس رماهم فيك ؟ وبعدين ماقلت الحصل معاك شنو دفعت ولا جاملوك؟ بالنسبة لى دى رواية منجورة لاتحترم عقول من يقرؤا لك . بعد الرغى دا رسالتى بسيطة جدا موضوع ناس الحركة دا مجرد عرض يزول بزوال (المؤثر) ولايعتبر ذو أهمية حيث هنالك أمهات القضايا تنتظرك لتقول فيها رأيا أمينا وشجاعا وإلا فأصمت.
وأخيرا ،التغيير لا يصنع هكذا!!


#929265 [كركاب]
0.00/5 (0 صوت)

03-01-2014 02:53 AM
والذى لا تعرفه هو ان العسكرى قبل ما يمشى نقطه التفتيش
يقوم بشراء الموقع من الامباشا وهذا ليس افتراء
لان معروف لديهم اى المواقع التى تدر دخلاً جيداً
هذا فساد متغلغل فى كل الاجهزه الخدميه
ونحن ليه بنبح هنا بسقوط الكيزان


#929247 [ابو خالد]
0.00/5 (0 صوت)

03-01-2014 01:36 AM
صدقونى بقيت ما اتعوز من ابليس ولا حاجه اصلو كيده ضعيف ولكن قبل ما اطلع من البيت اتعوز بالله من كل شرطى مرور خاصه للللللانهم بقو العن من ابليس


#929186 [ياسر عبد الوهاب]
0.00/5 (0 صوت)

02-28-2014 11:27 PM
هي هي لا حولا لا حولا..يا دوبك اكتشفت الذره ده انا كنت قايلك شفت. ده انته .طلعت اي كلام يا قدع..


#929177 [كوز كنافه]
0.00/5 (0 صوت)

02-28-2014 11:17 PM
كفانا الله واياك ياعثمان والقراء مال الخرام ومال السحت وياعسامر وضباط ماهو ابن الحرام اكيد اغلبكم حيقول الابن الذي ياتي بممارسة الزنا ولايعرف له اب او ام لكن ابن الحرام هم اولادكم الذين ياكلون من اموال المخالفات وانا شخصياً بعتبر ابن اي كوز او وزير او شرطي او موظف ابن حرام والا من رحم ربي وديل نادرين جداً جداً


#929146 [عصمتووف]
0.00/5 (0 صوت)

02-28-2014 10:00 PM
بصراحة كم مره حرر لي ايصال مخافة للنظام والله العظيم شرطي المرور يقول ليك خارج نفسك وبعمل زي بفحص الرخصة لمن حسبتها وجدته ال5 وال10 اخف ضرر من ال30 جنية ي عم قلت انشاءالله الحكومة وقيادة الشرطة ما تستفيد بالمناسبة انا متاكد في حكاية الحوافز دائما المدير في كل مؤسسات الدولة له الضلعة الكبيره العساكر التحت نصيبهم حتة عظمة بعصب والله يغفر لكل من دفع رشوة لاننا مجبورين ال20 جنية ممكن تشتري بها كهرباء سكر خبز للبيت بدلا ان تذهب لاصحاب الرتب العليا وهل هم محتاجون لان المخافة هي مخالفة حتي في الظليل قال استعمالها سئ ( ممارسة الفواحش ) داخل السيارة طيب لماذ التصديق بالدفع ولا انا غلطان


#929128 [radona]
0.00/5 (0 صوت)

02-28-2014 09:32 PM
ياباشمهندس عثمان
هذه عملية اصطياد عادية جدا
وليست شرطة المرور وحدها من تمارس عمليات اصطياد المواطنين
هنالك ناس النفايات والعوائد والرخص التجارية
العملية غتبة تدخل تطارد وتصطاد
وكل الاصطياد ده امواله مجنبة لا تحصل بموجب اورنيك 15


#929116 [بت حبوبتها]
0.00/5 (0 صوت)

02-28-2014 09:09 PM
أستاذ عثمان, لا حرج في تحفيز الشرطة, ففي كتير من بلاد الدنيا يحفز الشرطي وغيره من الوظائف ذات الإجهاد البدني كما يحفز المصرفي والمحاسب على أدائه في وظيفته ذات الإجهاد الذهني, وهكذا .. وأعتقد سبب التحفيز هو لزيادة الإنتاجية وأيضآ لمساعدة الموظف للإكتفاء المادي بقدر المستطاع مما يضمن ألا يفكر في مخالفة الضمير والقانون باستلام رشوة كالشرطي أو بالتلاعب في حسابات الزبائن كالمصرفي.


ردود على بت حبوبتها
United States [جاهو .سنار فريق قدام] 03-01-2014 10:31 AM
والله كلامك عين الحقيقه حصلت معى ومن مصرفى وفى السعوديه من بنك محترم تلاعب المصرفى معى واكل حقى فى وضح النهار وكل يوم اقول حسبى الله ونعم الوكيل والمبلغ كان سبعه الاف ريال

[شمبول] 03-01-2014 10:14 AM
التحفيز في موقع العمل لا غبار عليه يا حبوبة .. و لكن ترك الوظيفة الأصلية لرجال المرور من توجيه و ارشاد و فك اختناق المرور الي افتعال ( الكمائن ) و ابتزاز خلق الله لزيادة نسبة الحافز هذا ما لا يرضاه الله .. اضافة الي أن بعض الكبار يؤيدون هذه الممارسات الخاطئة لغرض رفع كمية مال التجنيب السائب ..


#929112 [على]
0.00/5 (0 صوت)

02-28-2014 09:06 PM
صورة طبق الاصل من مايحصل فى مصر


#929095 [متابع]
3.00/5 (2 صوت)

02-28-2014 08:51 PM
انا شخصيا بتاع المرور حرر على مخالفة ليس لأني مخالف ولكن قالي ( لو ما شفتني كنت عايز تخالف.)أي ( نيةالمخالفة) والحقيقة لله انا كنت عايز الف غلط في شارع اتجاه واحد ولما شفتو غيرت رأي ولم الف ولم انفذ لكن كنت شاعر بحرج نفسي للخطأ النفسي ثم دفعت المخالفة بروح رياضية حتى ما عارف كتب فيها شنو؟ لأنو فعلا مبدأ المخالفة كان في جو نفسي حتى ولو الم انفذه على ارض الواقع

اها دي يا شيخ ميرغني وبصفتك قانوني ضليع على ولا عليهو؟

اما عن موضوعك اليوم:
انت يا عثمان طالما انت مخالف تدفع وتمشي الوداك تبحت وتشوف وتعاين وتقفوا ما ليس لك به علم شنو؟ مالك ومال الشئ المكتوب بي وراء انت خليك في الإيصال


#929059 [ABOALKALAM]
5.00/5 (1 صوت)

02-28-2014 07:39 PM
وانت ياعثمان افندي كل ما تكتب *عواميد اكثر *** كل ما تاخد حوافز اثر

اشمعني يعني الشرطي القاعد في الكتاحة اليوم كله

مايكون ليه حوافز انت ماتخالف لايكون في غرامة ولايكون في حوافز ولايكون في اعمدة


#929036 [كاره الترابي]
1.00/5 (1 صوت)

02-28-2014 06:37 PM
يا عم عثمان. العمود مافيهو غبار. بس ناقصاهو حاجة واحدة ليكون أكثر وجاهة وهي: ما نوع المخالفة؟ ليه دسيت من القارئ مخالفتك. وبعدين مافيش حاجة بتدهش في السودان فما في داعي لاندهاشتك يا حبيبنا.


#929004 [ديـــم المشايخة - فينوس الأخرى]
1.00/5 (1 صوت)

02-28-2014 05:36 PM
الأستاذ عثمان ميرغني - أيضاً نحن في منتديات ديم المشايخة - ناقشنا ذلك الموضوع منذ فترة لتأتي أنت وتؤكد ما تطرقنا إليه ط مشكوراً "

http://www.daimelmshaikha.com/vb/



بسم الله الرحمن الرحيم


الأخوة الأعضاء , الضيوف و المشرفين السلام عليكم ورحمة الله وبركاته .. تحايا بطعم الحب والإحترام والتقدير وكونوا بخير إن شاء الله ♥

أتمنى التفاعل مع الموضوع والقصة جيداً حتى يصل الصوت ويبدأ التغيير ! وشكراً

في البدء أود أن أذكر بعض مهام شرطة المرور حتى تتضح الرؤيا والفروقات بين شرطة مرورنا وبقية العالم :
♦ شرطي المرور يسهِّل الحركة ويفض الزحام بطريقة تساعد على الإنسياب المرن لأصحاب المركبات العامة والخاصة والمشاه .
♦ يوفر الأمن والأمان للسائقين والمواطنين .
♦ السيطرة على الحركة المرورية في كافة المفترقات .
♦ تقديم الخدمة الكاملة للحركة المرورية .
♦ الحفاظ على أرواح المواطنين من خطر السائقين المتهورين.
♦ الحرص على سلامة المواطنين من حوادث السير .
♦ العمل المتفاني في كافة المجالات .
♦ تقديم الارشاد المدرسي للطلاب والطالبات في كافة المدارس .
♦ تنفيذ دورات تدريبية وإرشادية للجان السلامة على الطرق في كافة المدارس في الشارع العام .
♦ ملاحقة السائقين المخالفين لغرض القانون والسيطرة الكاملة داخل البلاد .
♦ وضع الارشادات والنصائح لمصلحة العمل في كافة المجالات .
♦ وضع الخطوط العريضة لسير العمل والحركة المرورية بشكل يخدم الجميع

إنتهى !!

عزيزي مدير المرور" بالنسبة للإيصالات " لديَّ بعض الإستفهامات :
هل إدارة مروركم - الكريمة العفيفة بالطبع - هي إرشادية , خِدَميّة كما العالم , أم تحصيلية كما نحن ناظرين أمامنا؟ أشرحوا لنا تلك الإيصالات.
ولأن دور شرطة المرور ينحصر بشكل عام في حفظ سلامة المواطن - هل يرد الإيصال روح مواطنين ذهقتها مركبة مرخصة برخصة عامة - وسائق مُرخِص ملاكي - كما هو الحال في الهايسات؟
وإليكم تلك القصة التي حصلت أمام نَآظريَّ:
" في إحدي الأيام كنت راكباً مع أحد " الأطفال " إن صح التعبيير وهو يقود عربة هايس ولولا إنعدام المواصلات لما سمحت لنفسي بالركوب معه - خاصة وأن المقعد الوحيد الفارغ هو المقعد المجاور "للطفل السواق"
المهم أن أحد شُرطِيّوا المرور أوقفه وطلب منه إبراز رخصة المركبة ورخصة القيادة - وفعلاً إنصاع لأوامره حسب لوائح القانون المروري والذي يقضي بإبراز تلك المستندات عند طلب أحد أفراد الشرطة - المهم - عندما أبرز الطفل السائق الرخصتين - المركبة والسائق - إتضح أن رخصة المركبة فعلاً "عامة ذات لوحة خضراء - عندنا في السودان" ولكن رخصة السائق الطفل مخالفة للقوانين إذ أن رخصته ملاكي ولا يحق له المجاسفة بأرواح الآخرين - خآصة وأن الرخصة العامة تُمنح بعد 5 سنوات من الرخصة الملاكي حتي يتمرس السائق.

وبعد شد وجزب و " حنك " بين الطفل السائق والشُرَطِيَّ إنتهت بقطع إيصال من قبل عربة شرطة المرور " المختبئة إن صح التعبير " تحت شجرة غزيرة على الطريق وكانت قيمة الإيصال 30 جنيه مكتوبة عليه بخط عريض في المنتصف .

بعدها سُمح للطفل السائق بإكمال الرحلة رغم أنه لا يملك رخصة عامة إلا أنه قطع الإيصال ؟؟!

بعد مسافة ليس بالبسيطة أوقفنا شرطِيُّ آخر ولكن عندها لم يبرز الطفل السائق - رخصة القيادة ولا رخصة المركبة - بل أبرز الإيصال وعندها سمح له الشرطِي بالمرور !!

إنتهى !!

الخلاصة :

من الواضح أن شرطة المرور لا يهمها إطلاقاً سلامة المواطنيين ولا تنظيم الطريق بل يهمها إيصال 30 فقط - ناهيك عن الرخص التي تباع وتمنح من دون إمتحانات - لبنات وأولاد الوساطات السوداء -

لله درك ي وطن -
وبسبب ذلك التخبط وبيع الأرواح بثمن بخس "30 جنيه" إستشهد الكثيــر من أبناء وطني علي - شارع الظلط - لكم الرحمة والمغفرة أيها الشهدآء - ولكن لتعلموا أن الــ30 جنيه التي سيدفعا الجاني تنتهي في 5 علب برنجي عند عربة شرطة المرور - ولكن تبقى دعواتنا لأجلكم بالرحمة والمغفرة من الله تعالى -


#929000 [أسمر جميل فتان]
4.50/5 (2 صوت)

02-28-2014 05:34 PM
وبرضو تقول لي قوات نظامية!!!!
زماااان في وزير داخلية لما ضغطوا عليه الجماعة بالفساد في اجهزة الشرطة
المختلفة اتهيج وقال "يعني اجيب ليكم من وين ملائكة؟؟!!!"
الشرطة والقضاة والامن العام في كل اغلبية دول العالم بياخذوا اعلي الرواتب حماية لهم من الوقوع في اخطار التهديد والاغراء والابتزاز وغيره
الا في السودان ... ورؤسائهم عديل بقولوا ليهم "اتصرفوا؟؟!!"
اها "الجماعة اتصرفوا" لغاية ما بقت بالنسبة ليهم شئ عاددددددي والمواطن مرات كتيرة بيدفع
وهو بيقول ما مشكلة انا بعرف اطلعا من وين؟؟؟!!! وبرضو بيطلعا!!! لغاية ما طلعوتوا عينا زاتا

اهه يا عثمان انت بتكتب في الموضوع ده من زمن "اسكت!!!" لما كنت في "الراي العام انت وزهير السراج ود.عبداللطيف البوني ومعاكم حاجة امينة.. الرباعي الذي كنا يوما ما نبندأ بيه يومنا!!!!"

تقدر تقول لي ما هو التاثير الايجابي من الردحي بتاعك ده؟ لسه الجماعة ما بيستخدموا اورنيك 15؟؟ المالي ولسه فلوسهم مجنبة!!! .......

امبراطورية الفساد اصبحت اكبر من مجرد نقدها بكلمات... انضم الي الجبهة الثورية احسن لك!!!
ودمتم


#928989 [ترب هدل ......]
5.00/5 (1 صوت)

02-28-2014 05:20 PM
التحية لشرطة مرور بورتسودان مسكونى بمخالفتين عدم ربط الحزام و عدم حمل رخصة القيادة
بجوار مستشفى الشرطه صباحا عند توصيل الابناء للمدرسة و كنت لا احمل معى أي مال ، فما كان منه الا وان قال لى المرور ليس غرامات فقط بل توجيه و ارشاد و نرجو عدم التكرار مرة أخرى ..


#928987 [انصاري]
3.00/5 (1 صوت)

02-28-2014 05:20 PM
شكراً أستاذ عثمان ميرغني... صدقني هؤلاء لا تنطبق عليهم وصف (شرطة مرور)..التي من أولى مهامها تنظيم عملية إنسياب المرور.. والتأكد من توفر إجراءات السلامة.. كما هو متعارف علية عالمياً..

هؤلاء (عصابة بالميري ..جنجويد شفته.. باشبوزق....الخ) العسكري ومعه الضابط لا فرق بينهما في الفهم إلا عند رؤية الاكتاف...

الضابط (المعلم) كبير القعدة... هو البمسك القروش والدفتر ويكتب الإيصال (مهمة متحصل بعرف يكتب ويحسب.." ما دايرة ليها كلية شرطة وشهادة ثانوية ودراسة قانون وعلوم شرطية وتدريب..الخ

هؤلاء منحوا أنفسهم بجهل يحيرك.. سلطات تنفيذ القانون (البوليس) المعارضة والإيقاف وتطبيق القانون(نيابة) بتكييف التهمة وتحديدها و سلطة قضائية بتوجيه التهمة ثم الحكم الإيجازي وتحديد قيمة التسوية...والحكم كل ذلك في دقائق كسرعة البرق...ثم (عوضية ست السمك للعضة القوية).. ثم الوضوء والأستعداد لصلاة الظهر بقوة عين تخجل الكافر...!! عساكر وصف وضباط..( وهي لله) تختف تنهب تله صاح..


#928982 [البعشوم]
5.00/5 (1 صوت)

02-28-2014 05:12 PM
العلاقة بالمواطن المغلوب ( تحتها خطين ) ورجل الشرطة اصبحت في خبر كان صار المواطن يتفادى السكن بجوار منزل يقيم فيه رجل شرطة وجميع العلاقات الاجتماعية كالصداقة الاسرية منعدمة بين رجل الشرطة والمواطن فاصبحوا هم العدو الاول لهم والكلام كثير والعبرة تخنق في الحلق


#928970 [محمد خيرى]
0.00/5 (0 صوت)

02-28-2014 04:44 PM
ألأستاذ ألكبير عثمان ميرغنى وفى ألنهاية إنت مخالفتك كانت شنو؟


ردود على محمد خيرى
United States [sas] 02-28-2014 06:34 PM
ردك يدل على انو نحنا عارفين دي مافي جديد انتو يالصحفيين اخر من يعلم ولاتتعب قلمك نحنا عايشين في زبالة ومحتاجة لعمل مش نصح انتهى وقت الارشاد والتوجيه


#928967 [شطة]
1.50/5 (2 صوت)

02-28-2014 04:38 PM
ده من زمان يا ميرعنى,,,
انا واحد قال لى جيب 10 واتخارج فلت ليهو ما عندى؟
قال لى خلى زول يرسل ليك رصيد,,,,


#928966 [mustafa]
4.00/5 (2 صوت)

02-28-2014 04:38 PM
يا حاج انت لسه فى حكاية قيمة وقيم ...... جاطت وكتمت .


#928958 [داوودي]
2.00/5 (1 صوت)

02-28-2014 04:30 PM
انت بعد الكلام دأ كلو قطعوك ايصال بكم ؟ .


#928952 [ابو حمدي]
3.00/5 (2 صوت)

02-28-2014 04:25 PM
بالامس قرات للكاتبة صباح الي حد كبير نفس الموضوع بس بعنوان اخر هو المرور وايصال المحبة وسالت نفسي بعد ان قرات للمهندس عثمان هل من مرفق لم يصبه الفساد في السودان ثم هل من امة دمرت اخلاقها ثم استعادتها ؟ ان كانت هناك امة استعادة اخلاقها فلا باس ولاياس .. ولكن لدي سؤال اخر للاستاذ عثمان بما انني خارج الوطن هل لكم من شئ مشرق بين هذا الكم الهائل من المحبطات والله قربتوا تودنا المصحة ...


#928943 [AburishA]
3.00/5 (2 صوت)

02-28-2014 04:10 PM
وانت مخالفتك كانت شنو !!! وهل دفعت باورنيك ( 30 ) لانه اي غرامة مخالفة او ما مخالفة اصلا 30


#928940 [abizr]
3.00/5 (1 صوت)

02-28-2014 03:55 PM
يااستاذ عثمان يادوب قابلوك ديل شغالين من زمأااااان فى ناس بنت بيهابيوت جالوص
هههههههههههه جالوص بس هههههههههه34


#928938 [مندكورو]
3.00/5 (2 صوت)

02-28-2014 03:51 PM
أبسط شئ هذه الممارسة تؤدي لإحتقار وإذدراء المواطن للشرطي..إنها إحدي جرائم هذا النظام في تدمير مثل وقيم الشعب السوداني..


#928936 [أيزك ركبوم مديت]
5.00/5 (1 صوت)

02-28-2014 03:48 PM
لا حياة لمن تناشد .الحكومة تعرف ذلك ولكنها فاسدة لذلك الحملة ضد هكذا ظواهر لابد أن تبدأ من المواطن (سائقي العربات) وإلا فأنت تنفخ في قربة مقدودة أستاذي عثمان ميرغني . لك التحية والتقدير .


ردود على أيزك ركبوم مديت
United States [ساب البلد] 02-28-2014 06:46 PM
******** بمناسبة "القربة" ***** اوقف شرطي مرور "لوري" سفري ***** سال الشرطي السواق الرخصة مد السواق الرخصة لبتاع المرور لقاها سارية المفعول******** قال ليهو الترخيص السواق قام ادهو الترخيص لقاهو تمام ******* طلب من السواق يعمل تيست للفرامل و البوري عمل ليهو لقي كل حاجة تمام ******* فتش الاتنين و سبعين مخالفة بتاعت قانون المرور ما قدر يطلع ليهو واحدة فتش اللوري تمام ****** و سال السواق وين "القربة" قال ما عندي قام بتاع الحركة كتب ليهو مخالفة *** السواق قال لبتاع الحركة ما عندي قربة دي كمان مخالفة قال ليهو اي مخالفة اها اللوري لو اتعطل في الخلا تموتوا من العطش ؟؟؟ ********



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
8.13/10 (6 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة