الأخبار
منوعات سودانية
تنفيذ الإعدام في حق «فكي» أجنبي قتل «دجالاً» سودانياً
تنفيذ الإعدام في حق «فكي» أجنبي قتل «دجالاً» سودانياً



03-01-2014 04:21 PM

الخرطوم: مسرة شبيلي :

نفذت سلطات سجن كوبر الاتحادي حكم الإعدام شنقاً حتى الموت في حق «فكي» أجنبي قام بقتل «فكي» سوداني طعناً بسكين لخلاف نشب بينهما حول قيمة «حجبات». وكانت محكمة الموضوع قد أصدرت قراراً بتوقيع عقوبة الإعدام بعد أن طالب أولياء دم القتيل بالقصاص، وتم تأييد القرار من قبل المحكمة العليا.

وتشير الوقائع حسب قضية الاتهام بأن المجني عليه ويعمل في الدجل والشعوذة، تعرف على المدان الذي جاء من إحدى الدول الأفريقية عن طريق وسيط وطلب منه العمل معه واستأجر له منزلاً بالقرب منه ونشبت بينهما خلافات حول قيمة «حجبات» لم يسددها المجني عليه وأمر أصحاب المنزل بطرده، وفي يوم الحادث توجه إليه بمنزله وقابله وطالبه بالمال إلا أنه رفض وسدد له طعنة أمام منزله أودت بحياته في الحال، وتم إبلاغ الشرطة التي أسرعت إلى مكان الحادث، وأفاد المدان خلال استجوابه بأنه حضر إلى السودان بتوجيه من رئيس دولته الذي طلب منه عمل «حجبات» لمسؤولين كبار بالدولة مقابل مبالغ مالية تقدر بالملايين، وأضاف بأن المجني عليه أخذ منه عدداً من «الحجبات» وامتنع عن دفع قيمتها له مما دفعه الى قتله.

آخر لحظة


تعليقات 33 | إهداء 0 | زيارات 8684

التعليقات
#955216 [الراكب الماسورة]
0.00/5 (0 صوت)

03-27-2014 02:20 PM
طيب لو هو فكي كارب ومحترف يورينا الطيارة الماليزية راحت ويين ويخرط الجو من بلة الغائب.


#931004 [ود الغرب]
5.00/5 (2 صوت)

03-02-2014 08:39 PM
وسلام علي المشروع الحضاري !!!


#930895 [عود عُشر]
0.00/5 (0 صوت)

03-02-2014 05:27 PM
ديل ناس المشروع الحضاري والدوله الرساليه وحكومة الخلافه الراشده الزناه والقتله والسارقين لأموال البترول ومشاريع البلاد المباعه حديد خرده واللواطيين منهم ومن أبنائهم والفقراء أبناء الفقراء المتطاولين في البنيان وبعد أوض الجالوص أصبحوا يملكون العمارات الشاهقه وهم يخشون الموت لذا يتعاملون مع السحره والمشعوزين هل كان أصحاب محمد خير البشر يتعاطون السحر ؟؟؟ الآن يتضح لكم زيف المشروع الحضاري والوله الرساليه وهي لله وهي لله كذبه كبيره دبجها مرتكوبوا الكبائر من الكيزان المأفونين ألا لعنت عليهم من شيخهم لأصغر واحد فيهم.


#930843 [ياسر نورى]
0.00/5 (0 صوت)

03-02-2014 04:45 PM
فكى اجنبى؟دا فكى ولا مدرب حتى الفكى برضو فى اجنبى سودان العجائب


#930739 [دود الشق]
0.00/5 (0 صوت)

03-02-2014 03:10 PM
المشكلة فى الفكى الكتل الفكى ولا الحكومة الجابت الفكى الاخرق العايز يكدك المسئولين السودانيين وما قادرين يخلصوا الثروة التى هى من حق فكيهم الدجال الاجنبى الكتل الدجال السودانى يا الله يكون المرحوم دا وسيط .


#930703 [بيكانتو]
5.00/5 (1 صوت)

03-02-2014 02:42 PM
طيب ما يفك شفرة الحجبات وخلاص يبطل مفعولها


#930692 [ابو محمد]
0.00/5 (0 صوت)

03-02-2014 02:36 PM
ياناس الراكوبة الكلام كثر عن الدجل اليومين ديل حمانا الله واياكم في حلقة سابقة بقناة امدرمان لصاحبها كبير الدجالين حسين خوجلي استضافت هذة القناة المدجلة احد كبار الدجالين السحرة الذي يستعين به الدجال الرئس السوداني عمر البشير حيث ذكر هذا الدجال الكافر بان الرئيس سوف يحكم لمدة معينة كذا سنة وان بعض الوزراء الكفار الدجالين استعانوا بدجال اجنبي بمجرد ماقرات هذا الخبر رجعت لهذه الحلقة في قناة سودانية فضائة هذا الدجال الذي ظهر في تلك الحلقة يدعي بله الغايبوواذا نحن عندنا الدجالين كثر وان المؤتمر الوطني قد استعان بالدجالين والرييس استعان بالدجالين اذا الريس دجال والوزراء دجالين ودا حكومة تستعين بالدجالين الكفرة اذا يجب اقامة الحد علي الرئس ووزراه نحن دايرين نحاكمهم بماانزل الله سبحانه وتعالي


#930691 [ود الحاجة]
0.00/5 (0 صوت)

03-02-2014 02:35 PM
هؤلاء سحرة و السحر كفر.

قال تعالى : " و اتبعوا ما تتلو الشياطين على ملك سليمان و ما كفر سليمان و لكن الشياطين كفروا يعلمون الناس السحر"


#930490 [خالد]
0.00/5 (0 صوت)

03-02-2014 11:21 AM
وأفاد المدان خلال استجوابه بأنه حضر إلى السودان بتوجيه من رئيس دولته الذي طلب منه عمل «حجبات» لمسؤولين كبار بالدولة مقابل مبالغ مالية تقدر بالملايين

يا جماعة الخير الزول دي جاء بطريقة شرعية بتوجيه من رئيس دولته لعمل حجابات لناس المؤتمر الوطني وابو ريالة بتاع الدفاع استقبله شخصيا بهذا الخصوص انتوا ماعارفين الموضوع فيه ناس كبار اخرهم كان على عثمان عمل فيها متصوف ودرويش - دى من العمايل السودة اسودت وجوههم
اما ابو العفين اخر تقليعة عمل فيها رئيس وشيخ قبيلة - والله الا تكون قبيلة جرابيع جربانين - طبعا ما عمل ليهم التكتح - عمل منهم خفراء وحراس للمال الذي نهبه من الدولة
الحرام بقي يعجب الناس - اخر واحد قال ورويني الحرام دي وينه زاتوا ما لاقيه - الى مدى وصل اليه من يقولون هي لله هي لله -
الذين لا يحسنون قراءة اية من كتاب الله ولا يحسنون الوضوء يحكمون الناس بالدجل والشعوذة والكواديك اي دين هذا ؟؟


#930001 [ساب البلد]
4.75/5 (6 صوت)

03-01-2014 10:54 PM
**** في العنوان اعلاه **** (((تنفيذ الإعدام في حق «فكي» أجنبي قتل «دجالاً» سودانياً)))السبب الخلا الاول الاجنبي يكون "فكي" و التاني السوداني يكون "دجالا" شنو ؟؟؟ *************


ردود على ساب البلد
United States [ساب البلد] 03-02-2014 04:40 PM
******** الاخوة الكرام سعدت بمروركم و اجاباتكم المنطقية هع هع هع سكتوني تب ***** يديكم العافية ****** و يبعد عنكم الدجالين *************

United States [SESE] 03-02-2014 03:25 PM
مفروض العكس يكون صحيح...فكيف فكينا يكون دجال والاجنبي يكون فكي...! باين عليه مستثمر باذن رسمي من الدولة وفكينا يكون شغال (كيري).....

United States [sasa] 03-02-2014 11:37 AM
ياساب البلد ياخوى انت دجال وانا دجال !!! اليس رئيسنا بدجال ؟؟؟ والناس على دين ملوكهم ورؤسائهم (غصبا عنهم) والشعب السودانى دجال !!! لانه فقير وعدمان وبعد ده عائش ...

United States [AburishA] 03-02-2014 02:07 AM
لانه الفكي بتاعنا..مؤتمر وطني.. واي زول مؤتمر وطني..دجال..ولا عندك راي اخوي ساب البلد..


#929997 [AburishA]
5.00/5 (6 صوت)

03-01-2014 10:46 PM
** أكل قروش الفكي الاجنبي ..بكون فكينا **مؤتمر وطني ** !!!


ردود على AburishA
[ساب البلد] 03-02-2014 04:45 PM
******** فعلا يا ابريشة زولنا شكلوا سمسار بين الفكي و الكيزان قبض القروش و عايز يصيع الفكي بس الفكي بقي حريف و اخد حقه من عمر صاحبنا *************


#929970 [عبدالعزيزمبارك محمد]
5.00/5 (1 صوت)

03-01-2014 10:11 PM
الدجل والشعوذة ياناس المؤتمر الوثنى ياجهله الله لن يرحمكم استعدو لنهاية المأسوية@


#929925 [الشهاب]
0.00/5 (0 صوت)

03-01-2014 09:01 PM
جهنم وبئس الميهاد عقبال البشير التور وعصابتوا


#929897 [ابو لكيلك]
5.00/5 (2 صوت)

03-01-2014 08:00 PM
حكاية الحجبات دى شنو ..؟؟حجاب من السكين وحجاب من الرصاص وحجاب من العين وحجاب للنساء ضد الاغتصاب !! انا بعرف سودانيات يشتغلوا طبيبات ومعلمات فى السعودية لابسات حجبات ...!!!!.وعرفت انوا ده يضمن انها تمشى وترجع لاهلها عذراء زى ما طلعت ومافى احد يقدر يقرب منها ولا الشيطان نفسه ؟؟؟؟؟؟
ارجو الافادة من العارفين عن ذلك الكلام العجيب ....
فى اى زمان نعيش نحن وفى اى كوكب ؟؟


ردود على ابو لكيلك
[سامي] 03-02-2014 09:54 AM
ود الدكيم انت سألت وجاوبت على السؤال لكن الظاهر الرومان القدماء كان عندهم ريموت كنترول وكاميرا.انا المحيرني الحجاب السعرو مليون جنية دا حجاب من الرأس
للرجلين والله حجاب تايواني . اعملوا حسابكم من الحجبات التايوانية

وكما قيل زمان فى الشعر السوداني القديم :

سيدي الحسن ياأبوقبةً لبنية سوي لي حجاب من رأسي لرجليه

حليل زمن الحجبات الانجليزية

[Zoal Min Ahl Al Awad] 03-02-2014 07:23 AM
ببساطة وأقل من البساطة لو كان الفكي أو الدجال السوداني يستطيع أن يفعل المستحيلات كان قد حمى نفسه من السكين ( أكيد نفسه أولى من أي انسان آخر ) ولو كانن الفكي الأجنبي فكيا كما يعتقد هو والآخرين كان قد حمى نفسه من الاعدام وقبله على أقل شيء الهرب السجن ( كله دجل وشعوذة )

[ود الدكيم] 03-01-2014 09:37 PM
بالمناسبة يا ابو لكيلك قالوا زمان جنود الإمبراطورية الرومانية لما يذهبوا لغزوات خارجية بيلبسوا زوجاتهم ملابس داخلية للجزء الأسفل مصنوعة من الحديد وبطبلة ومفتاح لغاية ما يجوا راجعين من الحرب لضمان العفة وكده أو كما قال الرواة.

مافي زول يسألني كيف يلبي أولئك النسوة حوائجهم الفيسيولوجية والطبيعية لأني ما حاربت في جيش الإمبراطورية الرومانية.


#929896 [ود احمد]
4.25/5 (3 صوت)

03-01-2014 07:59 PM
برضو نوع من الإستثمار الاجنبي في السودان ..


#929895 [نجلاء]
5.00/5 (1 صوت)

03-01-2014 07:58 PM
.. الموضوع وآضح جداً :-

الزول المات داك ما ورا أي زول مكان القروش (( الملايين )) ودي إحتمال تكون ملايين الدولارات..

والموضوع ما عنده علاقة بي حجبات ولا أي حاجة

عشان كده القاضي زعل منو لانو ضيع عليه العمولة بتاعتو ..

( إذ) لو لم يمت الفكي كان عرفوا مكان (( الملايين )) وإتقسموها..

ورونا بيت الفكي ده وين وأرحكم نحفر .. بلاش حفر دهب ووجع رآس...


ردود على نجلاء
United States [AburishA] 03-01-2014 10:57 PM
هيع هيع هاااااع.. انت من زمن بختو القروش في الحفر يا نجلاء

*** الفكي بتاعنا مفتّح قروشو حولها SWIFT لحسابو في ماليزيا..


#929882 [ابوفارس]
0.00/5 (0 صوت)

03-01-2014 07:24 PM
حتى في الدجل بقينا نستعين بالاجانب ؟؟؟؟!!!


#929856 [اسامة]
5.00/5 (3 صوت)

03-01-2014 06:44 PM
الاتنين في ستين داهية


#929852 [واحد]
5.00/5 (4 صوت)

03-01-2014 06:38 PM
الحمد لله تم التخلص من أثنين ليس لهم فائدة في المجتمع الصغير أو الكبير أي الوطن


#929851 [ساب البلد]
4.00/5 (2 صوت)

03-01-2014 06:36 PM
*********** وأفاد المدان خلال استجوابه بأنه حضر إلى السودان بتوجيه من رئيس دولته الذي طلب منه عمل «حجبات» لمسؤولين كبار بالدولة مقابل مبالغ مالية تقدر بالملايين، وأضاف بأن المجني عليه أخذ منه عدداً من «الحجبات» وامتنع عن دفع قيمتها له مما دفعه الى قتله **********


****** ما تقول الجماعة راكبين في روسينا 25 سنة بجنس المصائب ديل اعوذ بالله ************






******* حكومات تجي وحكومات تغور

تحكم بالحجي بالدجل الكجور

مرة العسكري كسار الجبور

يوم قسم النبي تحكمك القبور

تعرف ياصبي مرة تلف تدور

ولا تقول بري او تحرق بخور ************


#929850 [ود الدكيم]
5.00/5 (2 صوت)

03-01-2014 06:36 PM
اقتباس:
"أفاد المدان خلال استجوابه بأنه حضر إلى السودان بتوجيه من رئيس دولته الذي طلب منه عمل «حجبات» لمسؤولين كبار بالدولة مقابل مبالغ مالية تقدر بالملايين،"
كيف الكلام ده؟؟؟؟؟؟؟؟؟؟


ردود على ود الدكيم
United States [AburishA] 03-01-2014 10:52 PM
وفقا لبروتوكول تبادل الخبرات ..يا ود الدكيم..


#929849 [متحير]
5.00/5 (2 صوت)

03-01-2014 06:35 PM
هههههه شووووف جنس الهباله طيب ياخي مشعوزين بياتو صفه يعني ماترسل ليك جن ولمصيبه زمان ليهو..اخ يابلد حتي في فنون الشعوزة فاشلين طيب ياخي متتعلموا من فكي البشر دا السرو (( بشكير))


#929839 [نادر]
5.00/5 (1 صوت)

03-01-2014 06:20 PM
القاضي كان يسجلوا لينا بدل الاعدام بعدين بجيب حقو موش اجنبي


#929835 [shamsh]
5.00/5 (1 صوت)

03-01-2014 06:08 PM
كلام عجيب وغريب يحجبهم من شنو كبار المسؤلين دول


#929826 [دي مش العينت اخوها مدير لمكتبها]
5.00/5 (5 صوت)

03-01-2014 05:50 PM
حجاب اكامبو وحجاب الولادة بكون من ضمن الحجبات


#929822 [الكاهلي]
5.00/5 (2 صوت)

03-01-2014 05:46 PM
لمسؤولين كبار بالدولة مقابل مبالغ مالية تقدر بالملايين؟

انتما من الله يموت كل مسؤل مشرك بالله يعتقد بشيوخ الدجل والشعوذة قاتلكم الله ياهل الكفر


#929820 [جنوبي]
5.00/5 (6 صوت)

03-01-2014 05:46 PM
اكييييييييييد حجابته طلعت فشنك سااااكت , عشان كده المسئولين الكبار خلوهو يتشنق !
ههههههههههه
اتاري يومتا اخو البشير يقول لناس الهلال اتحصّنوا !! مجررّررررب الشغلة !
حيكومة الدجل الكجور والكُضّبت والشعوذة ..
الله يرحمك يا حمّيد :
حكومات تجي وحكومات تغور

تحكم بالحجي بالدجل الكجور


#929812 [ابضلعا حديد]
5.00/5 (3 صوت)

03-01-2014 05:36 PM
بالله عليك شوف الفوضي الضاربة باطنابها في البلد دي فكي يقتل فكي يعمل في الدجل والشعوزة والفكي قال انا جيت بتوجيه من ريئسهم عشان يعمل حجبات لمسؤلين كبار !! معقول!!! دا كلام صحيح يعني !! حجاب من شنو !! وكيف الدجل والشعوذة تكون عمل !! وين علماء الدخان!! وين محاكم الواتساب!! كيف يكون الدجال فاتح بيت عديل!! وين المباحث عن بيوت الدجل والشعوذة!يعني الدجال الاجنبي دا لو ماقتل زولنا الفكي دا ما كان سمعنا بيهو !! اللهم لا نسالك رد القضاء ولكن نسالك اللطف فيه والله ذي دا في دول الخليج بصلبوهو تلاتة يوم عشان يكون عظة لي غيرو .نسال الله ان يمن علينا برجل يقوم بقطع شأفة الدجل والشعوزة من السودان نهائيا انه ولي ذلك والقادر عليه


#929801 [mogahid]
5.00/5 (2 صوت)

03-01-2014 05:25 PM
شنو فكي اجنبي ... وناس مسؤلين في الدولة ... خلو الامور واضحة شوية ..يعني اجنبي حايكون اوربي ولا امريكي .... ومنو العندو مصلحة لعمل حجبات لمسؤلين سودانيون ...




التوضيح مهم ... اخاف اكون الشريف مبسوط مني ..


#929799 [عباس]
5.00/5 (3 صوت)

03-01-2014 05:25 PM
الحمد لله الذى اراحنا منهم وعقبال الباقين اللى تاركاهم الحكومة يسرحوا ويمرحوا رغم ان حد الساحر القتل ولكن حكومتنا حكومة الشريعة تاركاهم يعوثوا فى الارض فسادا مثلما هم عائثين فيها فساد ربنا يريحنا من الجميع .


#929798 [الدباغ]
3.50/5 (7 صوت)

03-01-2014 05:24 PM
يبدو ان المجني عليه نسى في اليوم داك تركيب الحجبات


#929794 [أب كجنكي]
5.00/5 (4 صوت)

03-01-2014 05:19 PM
حديد لاقا حديد تنبرش الطرورة ويفضل الصنديد .. عجايب يا سـودان أخبارك كأننا في حلم ..!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة