الأخبار
أخبار السودان
مواطنو المرابيع يهددون بتنفيذ وقفة احتجاجية
مواطنو المرابيع يهددون بتنفيذ وقفة احتجاجية


03-11-2014 10:00 AM
الخرطوم: ندى رمضان
هدد مواطنو منطقة مرابيع الشريف بتنفيذ وقفة احتجاجية الجمعة القادمة لتباطؤ ولاية الخرطوم في تنفيذ الكباري والمصارف التي وعدت بتشيدها الفترة الماضية في أعقاب موجه من السيول والأمطار التي اجتاحت المنطقة في الخريق الماضي انهارت جرائها الألف المنازل وفي السياق انتقدت مصادر عدم مصداقية صندوق دعم متضرري السيول والأمطار وإعلانها الانتهاء من العمل بجميع المصارف بمرابيع الشريف في وقت لم يكتمل فيه العمل، وأمهل الأهالي حسب المصادر جهات الاختصاص حتى الخميس القادم لإحضار اليات لتنفيذ المصارف وحال عدم تنفيذ ذلك هددوا بتنفيذ واقفة احتجاجية الجمعه القادمة ولفتت ذات المصادر إلى أن الخريطه الكنتورية أكدت أن مرابيع الشريف ليست مجاري سيل وقالت إن الوقفة الاحتجاجية سيتم فيها إغلاق شارع ليبيا

الجريدة






تعليقات 3 | إهداء 0 | زيارات 3592

التعليقات
#940034 [ابولكيلك]
0.00/5 (0 صوت)

03-12-2014 11:47 AM
وقفه احتجاجية بتاعت ايه سماسرة الانقاذ قالوا ليكم الخرطة الكنتورية توضح سلامة منطقة مرابيع الشريف نسأل الله ما تتحول لينابيع الشريف والخريف على الابواب يا عالم يا غبش شوفوا ليكم حل احفروا مجارى اعملوا سدود شوفوا الجماعة فى المحلية من هسع دى لزوم ادوات الحفر وتعبئة الشوالات ماتنتظروا ناس الانقاذ ديل ما لاقين الينقذهم من ورطة اسمها السودان .


#938961 [هبار شروك الليل]
5.00/5 (1 صوت)

03-11-2014 01:17 PM
من حقهم ان يفعلو مايروهو مناسب لحماية مساكنهم لان حكومة ولاية الخرطوم اوعدتهم مواعيد عرقوب وناس المرابيع ناس شرفاء واولاد قبائل لم يمدو ايديهم لمواد الاغاثة التي تم بيعها في الاسواق ولم تنزع منها استيكرات الاغاثة الملصقة عليها .واذا كان سكان المرابيع قد طالبو بعمل الكباري فهذا حق شرعي يكفله الدستور لكل
مواطن ان يطالب بحماية نفسه ومسكنه الي الامام سكان المرابيع والحق لو مالقي متابعة بضيع والمسئولين بقو يلحسو كلامهم و يتنصلو من وعودهم عادي جدا


#938855 [alwyn]
3.00/5 (2 صوت)

03-11-2014 11:44 AM
المهم في الموضوع

كنتورية ولا ما كنتورية مرابيع الشريف منطقة جريان سيول قديمة لمن لا يعلم فليعلم


ثم ثانيا الشارع اسمو طريق العيلفون وقديما كان طريق القذافي (عندما ذهب أهلنا في العيلفون ليعرضو الطريق عليه بعد الإنجاز)

سألهم هذا اللي رايح فين اللجاي

كان مخططا طريق اتجاهاين مع جزيرة في الوسط وبه إنارة حتى العيلفون ولكن الوفد سكت كأنما على رؤسهم الطير ولم يستطيعوا القول بأن باقي الطريق تم ترحيله لطريق شندي الخرطوم


ردود على alwyn
United States [alwyn] 03-12-2014 01:37 PM
ياود المرابيع متى قامت المرابيع قبل 10 20 سنة ؟

أنا بعرف المرابيع لمن كانت سنط وأربعة بيوت

السيل دا ليه ماجا نازل في سوبا وشى المرابيع (اسأل نفسك السؤال دا)

انت شكلك جابك الظلط يا ودعمي


نحن كنا بنجي نشيل الرملة بالقليبة (دا لو بتعرف القليبة) "خرج سعف يوضع على الحمار" من المرابيع الانت ساكن فيها دي وعامل حافظ تاريخها

وعشان تعرف الرملة دي كان بجيبها السيل من الخلا

كفاك ولا ازيدك

United States [ودالمرابيع] 03-12-2014 12:02 AM
ماذا تعرف انت عن المرابيع حتى تقول انها مجرى سيل فالله لو كان هنالك كبارى بالشارع لما حصل كل هذا وانا افيدك انه عندما تم كسر شارع الاسفلت تصرفت كل هذه المياه فى ظرف ساعة فارجو الا تتكلم عن شى ليس لك به علم



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة