الأخبار
أخبار السودان
عضو بمجمع الفقه الإسلامي يدعو الدولة إلى تحمل مسؤوليتها تجاه الممارسات السالبة للشباب
عضو بمجمع الفقه الإسلامي يدعو الدولة إلى تحمل مسؤوليتها تجاه الممارسات السالبة للشباب


تشمل تعليق السماعات وطريقة تصفيف الشعر
03-12-2014 10:13 PM

الخرطوم (سونا) دعا عضو مجمع الفقه الإسلامي الشيخ جلال الدين المراد الدولة الى تحمل مسؤوليتها تجاه الممارسات السالبة لشباب اليوم .
وقال الشيخ جلال إن كل المظاهر السالبة التي تنتشر في الساحات السودانية وخاصة الساحتين الرياضية والفنية والتي تتمثل في الظواهر الغريبة لبعض الفنانين ونجوم الرياضة والتى تشمل تعليق السماعات وطريقة تصفيف الشعر وغيرها من المظاهر تطمس الهوية الثقافية السودانية وتعبر عن نوع من الفراغ والخواء الروحي، مضيفا "وهذا الخواء دفع بالشباب للتأثر بما يدور في القنوات الفضائية العالمية في ظل غياب تام للمؤسسات التربوية السودانية والتي كان من الاحرى بها أن تتعهدهم بالرعاية واللطف وليس الاحكام الدينية المنزلة على الحالة المعينة .
وأوضح أن هناك من الفنانين من استطاع أن ينفذ الى عالم الشباب اكثر من مؤسسات الدولة التربوية وتأثروا به، مضيفا انه كان يتوقع أن تدفع مثل هذه المواقف الدولة لتصحيح مسارها وتقبل على الشباب وتحثهم على التمسك بالقيم الدينية وكريم المعتقدات المستمدة من أحكام الشريعة الاسلامية السمحاء والتى تعتبر الترياق المضاد للاستلاب الثقافي الذي يهدد الثقافة السودانية .






تعليقات 6 | إهداء 0 | زيارات 1814

التعليقات
#941726 [عصمتووف]
0.00/5 (0 صوت)

03-13-2014 09:48 PM
عزيزي ابودقن
دلل علي روحك الديمقراطية
ليس فيكم نجما
ليس فيكم قدوة
ليس فيكم امين
وليس فيكم مامون
دعوا الخلق لخالقها هو اولي بهدايتها لو كنتم صادقين


#940978 [gasim]
5.00/5 (2 صوت)

03-13-2014 08:22 AM
الزول دا شيخ من ياتو شيوخ -- اكيد كوز جلف - يعنى اسى قضايا السودان والدين اصبح السبب الشباب بس ووينها الحكومة البطالبها بتحكيم الشريعه ؟؟؟؟؟؟؟؟؟؟؟؟ فاقد الشى لايعطيه - نافع على نافع ولدو كان لابس برمودة ما قلت لينا حكمها شنو فى الدين


#940929 [أدونيس الكديس]
4.00/5 (3 صوت)

03-13-2014 07:48 AM
"تعليق السماعات"
بالله شوفو مولانا الباطل ده. بالله الباطل من علماء السلطان ديل شايف الرئيس بيهز في مؤخرته و أشباه الرجال المعاهو عملوا من لبس الجلابية و الملفحة و الشال شغل تطريز تضاهي أحسن التياب النسائية و يشيلوها و كل مرة يصلحوها زي النسوان و جاي يتكلم في الشباب. الله لا يريحكم يا علماء السلطان يا علماء السوء


#940891 [usama]
5.00/5 (3 صوت)

03-13-2014 07:27 AM
السماعات دي بنسمع بيها كل شي كان قران او احاديث او غني ..عادي مابنقص من الدين شي يعني لو انت ختيت سماعة في اذنك حرمتو شنو الناس دي ساكت تالف ..هسي امس في واحد الحكومة قتلته اه حكم الدين شنو والعمل شنو أتكلم مع الحكومة ..اظن دوركم واضح عندما يحدث شي تظهرو انتو بشي اخر لتلهو الناس بكلام فاضي ..السعودية قالو عنكم جماعة إرهابية ردكم شنو علي السعودية هل دنا عذابها وحرابها ,,


#940744 [ابواحمد]
5.00/5 (3 صوت)

03-13-2014 03:37 AM
من ايام استشهد طالب بجامعه ااخرطوم اين انتم ياعلماء السلطان،دمه اعظم من الكعبه،وتقولو سماعات والتسريحه تبا لكم يا ارزقيه


ردود على ابواحمد
United States [ابو الزيك] 03-13-2014 03:49 PM
يا ابو محمد دم المسلم حرمته اعظم عند الله من هدم الكعبة.وليس الكعبة4

United States [semsem Alhajar] 03-13-2014 07:20 AM
عليك الله ي ابو احمد هسي ف عاقل بصدق انو ف بلدنا ف فقهاء...ياخ قوم ي شيخ ي صامت بتمني بس واحد من شيوخ الشر ديل يدين البحصل للبلاد دا..بل بالعكس يعتقل الشرفاء من ابناء بلادي والداعرين مدعئ الشياخة يتم الافراج عن بقرارات رئاسية رغم ارتكابهم ابشع م يكون من أن تسمي جريمة..وبعدين انت عايز تقارن جيلك بي جيل الشباب ودي تكنلوجيا ي جاهل وايه العيب ف السماعة..ممكن اكون لابس سماعة وبسمع ف قرآن مش بخطب ف مسجد وبتحرش ع الصبيان..وكانك م لبست شارلستون ولا حضرت ذمن اللبس ف الركبة وبالعكس هسي الوضع اتحسن الف مرة وتاكد تمامآ انو اغلب البتتكلم عنهم يعتبروا من الطبقة الاستقراطية وابناء امثالك ي شيخ ..وي ابو احمد ديل فلاحتهم ف فرفور.ايداهور الحوت و و و....ااسف للاطالة ابو احمد بس كلامك ف الصميم وعجبني....وشكرآ..


#940610 [المندهش]
5.00/5 (2 صوت)

03-12-2014 11:00 PM
اطلعوا منها انتو يا عفن لانكم تعانون من حول وحوص فى الرؤيه والاولويات يا طيشة الفصول يا فاقد تربوى انكم تعتبرون ضياع مستقبل الشاب ليس بالامر المهم فقط كل مايهمكم مظهره الخارجى لايهمكم ان تتسول الحرائر طالما انهن منقبات والله والله لايوجد على وجه البسيطه كافرا كان او نصرانيا او بوزيا او..او...او اى مخلوق احط منكم خلقا اى اله هذا الذى يدخل اليابانيين الخلوقين او السويديين او الصينيين الذين علموا الناس حب العمل والحكمه اوعلماء الغرب الذين صنعوا الحضاره يدخلهم جميعا النار ويفتح لكم يا علماء الجهل والسلطان ابواب الجنان والله لو ود عمكم مايعمل كده تف تف تف تف عليكم انتو قايلين لسه فى سودانيين ممكن يستمعوا ليكم يا...............


ردود على المندهش
United States [عامل اللحام] 03-13-2014 11:26 AM
التفه دي فشتني جنس فششي



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة