الأخبار
أخبار السودان المحلية
منع التصوير فى زواج التجانى السيسى
منع التصوير فى زواج التجانى السيسى
منع التصوير فى زواج التجانى السيسى


03-16-2014 04:52 PM
الراكوبة فؤجى الصحفيين مساء امس بمنع التصوير نهائيا وذلك خلال امسية زواج التيجاني السيسي رئيس السلطة الانتقالية لدارفور من كريمة الفريق فضل المولى " هند " بصالة دينار بالخرطوم 2 ، وشهدت الامسية حضورا كبيرا لوزراء الحكومة الانتقالية لدارفور كما عطر الاحتفالية بالغناء الفنان عمر احساس والذى ردد عددا من الاغنيات التى وجدت تجاوبا كبيرا من الحضور.

التيجاني السيسي عمل حاكماً لدارفور في عهد الديمقراطية الثالثة التي ترأس وزارتها الصادق المهدي.


تعليقات 61 | إهداء 0 | زيارات 30935

صفحة 1 من 212>
التعليقات
#952837 [عوضية كرم الله]
4.50/5 (2 صوت)

03-25-2014 12:00 PM
مـنـــــع التصــــوير ليــــه هو أصــلو كــــان زواج تــــوم كـــروز مـــن نيكـــــول كــي\مــان؟ ....يلا بلا قـــــــرف بلا شــــلاليـــف.


#947588 [nagatabuzaid]
0.00/5 (0 صوت)

03-19-2014 10:58 PM
هسه-كان-احترمت-روحك-ما-كان-اخيرليك؟؟عاجباك-بشتنة-ناس-الراكوبة-ليك-؟؟-


#945644 [kajbar]
5.00/5 (1 صوت)

03-18-2014 06:43 AM
وبعدين ام سيسى وين ماظهرت ؟؟؟؟؟؟؟؟؟؟؟؟؟؟


ردود على kajbar
[ود الشيخ ادريس ود الارباب] 03-23-2014 09:26 AM
هههههه ام السيسى جرتكت العرسان ودخلت جحرها


#945527 [KJD]
5.00/5 (1 صوت)

03-18-2014 12:00 AM
الزواج حق منحه الله لكل شخص ولكن من يحمل قضية كقضية دارفور اعتقد اخر شيء يفكر فيه الزواج


#945457 [أبوأحمد]
5.00/5 (1 صوت)

03-17-2014 10:00 PM
شعب الدارفوري يحترق من ثلاثة إتجاهات . وزعيم الدارفوري الذي جاء من أجلهم يتزوج مختفيا بأموال الشعب الدارفوري في نفس الأيام.ومنع الأعلام من تصوير حفل زواجه . وين الضمائر وين احساس الادمي ..
الان شعب دارفور ما معهم احد إلا الله سبحانه وتعالى وان شاءالله ربنا ينصفهم من الظالمين هم ( حكومة مؤتمر الوطني و حركات المسحلة وعلى راسهم (الجاهل منى مناوي وعبدالواحد ) والتجار الحركات المسلحة مثل السيسي وابوقرده وتاج الدين نيام وجنجويد الذى صنعهم البشير ونافع وعلى عثمان كلهم مسؤلين امام الله على القتل وتشريد وتجويع لشعب مسكين لاحول له وقوة


#945424 [ضابط مرفوت كاتلو الشمار]
5.00/5 (1 صوت)

03-17-2014 09:25 PM
الفريق فضل المولى ده الدفعة كم يا أبراهيم الرشيد؟؟؟


#945370 [Khartoum Uni]
5.00/5 (1 صوت)

03-17-2014 07:57 PM
رحم الله اهل دارفور


#945114 [عاشق الحرية]
5.00/5 (2 صوت)

03-17-2014 03:21 PM
في احدي جلسات الصفاء ايام اتفاقية السلام الشامل ,قال احد الجنرالات العسكرية العب يجي الخرطوم هنا راسمالو نعرس لية حلبية من بحري وخلاص انتهت الحكاية ؟ والعب القصود (الراحل د.جون قرن) هكذا يفكر العقل السوداني في ابهي تجليات الفشل والما مصدق يقرا كتاب الزلزال ، للكاتب الفذ فائز السليك ؟لك الله ياوطني العزيز اين نحن من شعوب قدمت للانسانية غاندي ,مانديلا ,نيكروما نيريري ، جيفارا ,باتريس لوممبا؟


ردود على عاشق الحرية
United States [nagatabuzaid] 03-19-2014 10:40 PM
يا-ابو-شلوخ-الان-على-الحاج-متزوج-من-النوع-ده-ذااااااااااتوا-بيضاء-اللون-ومضطهده-اهلوا-البرنو-وفى-قصره-العشوائى-كان-مخصص-قسم-لاهله--الحرمه-امرت-بهدم-الجزء-الخاص-باهله-وحولتوا-لبيت-جدادوكان-مكذبنى-اسالوا-ذوى-القربة

United States [isic] 03-18-2014 12:03 AM
والله حقيقة إنتو لسع فيكم روح الجاهلية هسع الحلبيات مجان وفي الشارع زول شغال بيهم مافي وبعد شويه إلا تصدروهم للحلب (العرب)

United States [بادي أبو شلوخ] 03-17-2014 09:39 PM
يقال أن علي الحاج عندما كان طالباً في جامعة الخرطوم تعرف على شقيقة زميله وصديقه الذي ينتمي الى إحدى أسر الخرطوم الكريمة وتقدم للإقتران بها بواسطة أخيها حيث وجد طلب الخطيب اعتراضاً عنيفاً من خال البنت وأراد شقيقها أن يقنع الخال بأن طالب الزواج شاب ورع متمسك بدينه فقال مخاطباً الخال بأن علي الحاج هو الذي يرفع الآذان للصلوات الخمس في مسجد الجامعة فقاطعه الخال:لن نزوجه حتى لو كان يؤذن في مكة نفسها.

أسألوا حسين خوجلي عن هذه القصة؟


#945024 [dax]
4.50/5 (2 صوت)

03-17-2014 02:13 PM
يادوب عرف الدرب


#944916 [africa]
5.00/5 (1 صوت)

03-17-2014 12:38 PM
ازمة دارفور لاينكرها عاقل من الحكومة بس المشكلة انو الحكومة استغلت
الناس ديل ويسكتم بابخس الاثمان يعني شوف الامنجية ف العاصمة وطلاب الجامعات
علي الاقل الواحد يكون عندو همة لبلدوا


#944771 [الكاهلية]
5.00/5 (5 صوت)

03-17-2014 10:32 AM
لا عنصرية فلسيسي سوداني يحق له ان يتزوج من اي قبيلة شاء

ولكن هل هذا هو وقت الفرح في زمن يقتل فيه الاهل

ان اتفاقية الدوحة بحق ماتت يوم زواجك


#944762 [ما قادر على الزواج]
4.00/5 (2 صوت)

03-17-2014 10:24 AM
والله الزول وكت يكون عندو مشكلة زاحمة راسو ما بقدر يعاين لمرتو خلى يعرس ثالث يا ناس دارفور يحلكم الحل بلة


ردود على ما قادر على الزواج
[freedomfighter] 03-17-2014 10:49 AM
يا خوى ناس دارفور بيتزوجو وبالعلن مكان ما بعملوها باللفة.
الله يحلكم انتو6


#944710 [عاصم البشير]
5.00/5 (3 صوت)

03-17-2014 09:47 AM
لو بتعرف لتراث دارفور حاجة كنت تزوجت هناك فى نرتتى او برام وليس فى قصور السلطان المرهقة لخزينة الشعب ولو كنت تعرف للرئاسة معنى لما تزوجت نجلة فريق من فرق السلطان وقاتلى اهلك فى دارفور وكنت اخترت احدى حسان النزوح او المعسكرات المفروضة عليهن ولكان اواى بالمليارات التى صرفت ومنحتها لابو العروس لاعادة النازحات الى مدارسهن ومنازلهن العامرة باذن الله وستكون وزوجتك ووالدها خداما فى حواكيرها ان امد الله فى الاجال


ردود على عاصم البشير
United States [nagatabuzaid] 03-19-2014 10:42 PM
صدقت

European Union [الهواري] 03-17-2014 12:36 PM
دا كلام عقل ويدل علي تربية قائمة علي اسس دينية واخلاقية بارك الله فيك


#944701 [أسمر جميل فتان]
5.00/5 (4 صوت)

03-17-2014 09:38 AM
نبارك للعرسين واطيب الامنيات بحياة زوجية رخية خالية من القرف والصداع وبلا دارفور بلا وجع راس خلونا نطوق العسل شوية!!! هو يعني حرام على انا ما كلهم ازوجوا واتهنو بقت على شخصي الضعيف ...

ونقول ليك يا سيسي " لو غلبك سدها وسع "قدها" !!!!"
ولا يهمك واثقين منك انت بس اتدلل واطلب ونحن تحت الخدمة!!!
بعدين ناس دارفور لو عاوزين مشكلتهم ممكن يعني يركبوا ويجيوني في "الخرتوم" دي وانا بحلها ليهم والمصالحات دي برضوا !!! يركبوا يجو وانا بحلها!!! وممكن بالجوال أها قصرتا مع دارفور يا ناس!!!

بعدين دارفور دي في غبار وكتاحة وضبان كتير ومعسكرات ونازحين وجوطة كده!!!
بعدين تعالوا هنا مش الملف ده الريس سلمه للترابي والترابي قال في خلال "ساعتين بحلها"!!!خلاااااااص !!!!! ما في داعي تعملوا وجع دماغ لاني عامل دماغ!!!! وفي الترطيبة وفي العسل مع العسل

تقول لي منبر الدوحة ولا منبر السجم ما هو باين من عنوانه!!!
ترضيات مالية رخيصة الثمن ودفع من مال الدولة لاسكات البشر والمعارضين اسلوب يهودي!!! صهيوني !!! ضعيف ...ولكن شتان ما بين هذا وذاك !!! هنالك "الحنفية" صابه طوااااالي ...اما هنا "الحنفيات" مجهجهه والشغله ماشه قاطة وكده!!!

ويا سيسي سلم لي على منبر الدوحة "بنبر" ..."بنبر"!!!


#944685 [المنفى]
5.00/5 (4 صوت)

03-17-2014 09:29 AM
مبروك للشعب السودانى الصابر الذى يرى الحياة البرية للحيونات المفترسة امام ناظريه و بالمجان؟


ردود على المنفى
[ضد المؤتمر الوثني] 03-17-2014 10:47 AM
هههههههه


#944678 [علي برقاوي]
5.00/5 (2 صوت)

03-17-2014 09:24 AM
اخوتي الراكوباب ازمة دارفور ليست في الخرطوم لكن مصيبتها في ابنائها , هؤلاء الذين يتحدثون باسمهم والمواطن البسيط في درفور يموت بالجوع والعطش والمرض والجهل والجنجويد, والثمن ارضاء فروج وكروش امثال السيسي وكبر وهلال .


#944676 [ابوملاذ]
5.00/5 (1 صوت)

03-17-2014 09:21 AM
الفلوس الجات لدارفور ده يجب ان تكون عليها رقابة من الدولة ومن ناس دارفور اصحاب الوجعه


#944652 [Wad Fur]
5.00/5 (2 صوت)

03-17-2014 09:02 AM
يا سيسي من زمااااان قلنا ابعد من قضية دارفور فوالله دا موضوع ابكر منك ومن الخلفوك, احسن ليك ترجع زالنجي عشان تلعب كوتشينة تحت شجرة النيم الواقف قدام بابكم.
قال زواج قال !! خشمك الشين دا وبعدين كلك مزيف و مزور


#944650 [It's me]
5.00/5 (1 صوت)

03-17-2014 08:57 AM
يا سيسي من زمااااان قلنا ابعد من قضية دارفور فوالله دا موضوع ابكر منك ومن الخلفوك, احسن ليك ترجع زالنجي عشان تلعب كوتشينة تحت شجرة النيم الواقف قدام بابكم.


#944636 [اب زلنج]
5.00/5 (2 صوت)

03-17-2014 08:47 AM
اكبر انتهازي علي وجة الارض


#944623 [المقهورة]
5.00/5 (1 صوت)

03-17-2014 08:34 AM
بختك .. قضية جديدة تلعب بيها


#944572 [ابوجمال]
5.00/5 (1 صوت)

03-17-2014 07:10 AM
يا جماعة خلو الزول يتمتع اصلو ماشايف ضوء في اخر النفق قال احسن اعرس


#944528 [بشمرقة]
4.50/5 (3 صوت)

03-17-2014 02:10 AM
حال الدنيا كل الشولة الذين يتبعون عريس السيوسو ابتدا من 1- ياسين يوسف مساعد الرئيس السلطة
2- احمد فضل وزير الدولة 3- مختار عبد الكريم وزير الدولة 4- هيدر قليكومة والى غرب دارفور ,,,,وووووووووووووووووووو واخره تجانى سيوسو العريس عريس بدم النازحين وبدم يتامة و بدم الطلاب وهذه ازمة كلها من العريس ؟؟؟؟؟؟؟؟؟؟؟؟؟؟؟؟؟؟؟؟؟ظ


#944496 [الزنكلوني]
3.50/5 (3 صوت)

03-17-2014 12:18 AM
انا لله وانا اليه راجعون لقد مات رجل خلاس كرتك حرق يا السيسي اصلوا الجماعه ديل اي زول يباريهم الا يمسحوا بيهو الارض الله يكون في عون الغلابا كان تقتدي بالمرحوم عرفات الذي رقض الزواج حتي اخر لحظه خصوصا انت اصلا متزوج من قبل ولك بنون ما تحمد الله وتركز في القضيه الوقفت ليها راس دي.


ردود على الزنكلوني
United States [نوارة] 03-17-2014 06:36 AM
وين انت ياالزنكلوني عرفات متزوج من سهي الطويل ولهو منها بنت اسمها (( زهوة))علي اسم والدته يرحمها ويرحمه ويرحم ابائنا وامهاتنا وجميع موتي المسلمين اميين يارب العالمين


#944470 [ود الفاضل]
4.75/5 (5 صوت)

03-16-2014 11:30 PM
التجاني السيسي كل النضال والحروب ودمار دارفور ومفاوضات والدوحة وابوجا والقاهرة وهلم جرا كل ذلك كان من اجل بيت فى كافوري ووزاج ثالث او ثاني بئس الطالب وبئس المطلوب ، كلكم فارغين وما عندكم مبدا حتى عبدالواحد ومناوي وموسى هلال وكل الجهلاء اذا وجدوا قصورا فى كافوري بجوار كبيرهم الذي علمهم السحر سيرمو السلاح ويعتبروا ان قضية دار فور انتصرت وانتهى كل شيئ . مساكين اهلنا فى دار فور كانت حياتهم مستقرة فى قراهم ومدنهم وعارفين طرق عيشتهم المزارع مزارع والراعي راعي والصناعي صناعي ، يعيشون فى امن وامان حامدين لربهم وشاكرين . الله يجازي الكان السبب 0


#944466 [kandimr]
5.00/5 (3 صوت)

03-16-2014 11:22 PM
أخبار (حفلات) أهلنا الدارفورين..تطرب ..قرد أبو فردة..ولتزغرد أم السيسى لزواج السيسى من أم سيسى..وأحول وأهوال دارفور..أخير منها (العرس!).وعقبال بيت مال..بدون عيال... الصابرون نحن..


#944444 [الصوت]
4.50/5 (5 صوت)

03-16-2014 10:45 PM
اسألكم بالله هل هذا توقيت لزواج حاااااااكم عموم دارفور.... ولو كان (( ود ابرق )) ؟؟؟!!!

ام ان يكون الرجل من تربية (( الامام )) السياسية تسقط عنه العقل و التعقل خاصةً في ايام الانقاذ العجيبة ؟؟!!


#944433 [عجوز امدرمان]
5.00/5 (3 صوت)

03-16-2014 10:29 PM
لو تزوج من احدي ارامل او نساء المعسكرات او من فاتهن قطار الزواج لقلنا خير وبركة وهي رسالة يعلن تضامنه مع شعب دارفور لكن القرش يعرس قرش وليس القرش يعرس الفقر اكيد من احدي طبقة النبلاء
بالمناسبة
هذا الشايب الخائب العائب كم حصان


ردود على عجوز امدرمان
[Salah Joker] 03-17-2014 08:45 AM
يا الله يا الله, ولكن انسان بلا ضمير دائما يخيب امل من احسن الظن به‏, الدكتور سيسي او "ابو وليد" كما يحلو له تسميته رجل غير مسؤل وعنيد جدا .


#944428 [لاجئ]
4.38/5 (4 صوت)

03-16-2014 10:21 PM
قنع من خيرا فى سلام دارفور المضروب قال احسن نعرس،،

متزوج مرتين،، كانت واحدة فوراوية وبعدين واحدة محسية وبعض أولاده تخرجوا من الجامعة،، ومطلق مرتين ودى التالتة،، لكن ما ملكت يمينه بالعشرات،، وأديس يشهد،،

والمسؤولة الأمريكية صدقت،، أصلو الأمريكان ما عندهم كلام نى،،

ومما نسمع حنشوف إنشقاقات واسعة فى حركته الهزيلة نتيجة لهذه الزيجة الغير مسؤولة.


#944412 [ود الدكيم]
5.00/5 (3 صوت)

03-16-2014 09:59 PM
يقول علماء الحيوان:
الأنانية وحب التملك وكثرة الشجار والميول الجنسي المغالى فيه من طبائع القرود.


ردود على ود الدكيم
European Union [alx] 03-16-2014 11:18 PM
و الزنوج........


#944403 [ابوعديلة]
5.00/5 (3 صوت)

03-16-2014 09:52 PM
وهو لو خجلان وما عاوز تصاوير من اول معرس ليه ؟
بالمناسبة يا عريس الغفلة دى العروس الكماوية ؟


#944397 [جبرون جبر الدار]
5.00/5 (2 صوت)

03-16-2014 09:49 PM
لمعلومية تجانى سيسي تزوج مرتين من قبل . الاولى بنت خالة و له منها 5 اطفال و الثانية طالبتة و له منها طفل و هذه الثالثة و لن تكون الاخيرة.


ردود على جبرون جبر الدار
European Union [faisal.abdel rahman] 03-17-2014 04:19 AM
خطير ياجبرون دي الاخبار البسموها اخبار ....ماشاء الله اقمارك الصناعيه قويه ....اي واحد يثني وله يثلث ورينا المره الجايه بيستعمل شنو قوروا محلي...وله انواع امريكيه وارد الدوحه

United States [التاج محمد احمد] 03-17-2014 12:54 AM
انت يا جبر الدار حاكها كدا ليه


#944394 [ود كترينا]
5.00/5 (1 صوت)

03-16-2014 09:44 PM
***....(...الزين عرس....الزين عرس...)...الحقو ياشيخ الهميم...ح تلاقيهو يبكى فى المقابر...!!!!مالازم يبكى...سامنثا باور عوفيت...قالت لافض فيها..(...أطلقنا رصاصة الرحمة على وثيقة الدوحة لسلام دارفور...DDPD...والله قوية يا الأمريكان...ده عرس دبرسة ساكت بعد الكلام التقيل ده...ياخوى سوق عروسك...قبضت من على عثمان 200 مليون دولار كمبلغ قاعدى...هجج فى العرس تمام وسوق مرتم...وامشى لبلدك...سوق معاك مرتك أمشى لبلدك...بروكسل اسمها ولا شنو...أنا اقتنعت...البقنع (أمين)شنوووووووو!!!!!


#944391 [prjct]
5.00/5 (1 صوت)

03-16-2014 09:41 PM
مبروك للعروس ، أما العريس اذا كان زواجه أول مرة فألف مبروك له واما اذا كان مثنى فثلاث فنقول له هل انتهت الهموم الأخرى أم غضضت عنها الطرف أم اذا زادت عليك الهموم ادمدم و نوم.


#944390 [مجنون ليلى]
5.00/5 (4 صوت)

03-16-2014 09:40 PM
الشبع بعمل بعبع والجوع بيعمل طروم...


#944363 [حسن]
5.00/5 (1 صوت)

03-16-2014 09:06 PM
سـيسـي السـودان سـوسـيو


#944347 [Keemo]
5.00/5 (5 صوت)

03-16-2014 08:50 PM
التجاني سيسي يتزوج وأمير قطر ما يحضر!!! غريبة! .... أنا بقول الكلام دة، لانو زواج السيسي - للذين لا يعلمون - بند من بنود إتفاقية الدوحة. قريتو بعيني دي إلا ما كنت متخيل زمنو جا سريع كدي! لانو ترتيبو في التنفيذ، جاي بعد بند الترتيبات الامنية. والمغالطني، يرجع للاتفاقية ويقراها، كان ما يجيك البند دة ناطي!!!


#944337 [ود العجب]
5.00/5 (1 صوت)

03-16-2014 08:34 PM
دي قالوا بجيبوا سلام لدارفور - اي واحد منهم يقبض الفكة ويعرس بت الوزير, بت الوالي, بت الفريق, الا تخافوا من المال التي تنفقونها في الصالات المغلقة بان الله سبحانه وتعالي يسألكم منها, الا تتذكروا ان الشعب الذي انتم تنادونهم يعانون في المعسكرات من قيمة الدواء؟ الشراب؟ الفطور و....الخ, الا تتذكروا بان اخواتكم ما ذالوا يغتصبن في الحلاء لاجل جلب حطب, قش, زراعة. الزواج سنة ولكن ليس بهذه الطريقة! السلطة تكليف لكن لاسف اصبح زواج من بنات الوزراء. وعمارات شايقة وغابات اسمنت وسيخ. انت اليوم تمثل حاكم لاقليم دافور - هل اهل دارفور الان ناقصين عرس في صالات مغلقة؟ الا تسمع احداث سرف عمرة, مليط, حجير,ووووووووو, اعوذ بالله من امثالكم الذين يتولون امر مسلمين لاجل اغراضهم الخاصة


#944323 [عصمتووف]
5.00/5 (6 صوت)

03-16-2014 08:12 PM
ماذا نستطيع أن نفعل ضد وطن يضمر حريقا لكل من ينتسب إليه وطغى النافذون في البلاد، فأكثروا فيها الزواج بل استحدثوا اساليب رديئةلا تحطر علي بال احد بل صار فيها الزواج والطلاق عادة يومية يمارسونها ب اموال الدولة للتسلية والترفية وللترويح عن النفس السؤال الذي نريد الاجابة عليه لماذا لايكبح هؤلاء شهواتهم الجنسيةام اطلت الدنانير يبدو لي ان ال50 عاما من الاستقلال ضاعت هباء

عزيزي المواطن
دلل علي وعيك وواجبك الوطني
ان حرب التغيير القادمة ستكون ضد الانتهازيين النفعيين الفاسدين الذين يتاجرون بقضايا الناس جميعهم باسم الدين وباسم السلام .... ومن أراد أن يغير فليبدأ بنفسه أولا


ردود على عصمتووف
United States [عابر طريق] 03-17-2014 01:51 PM
( ومن أراد أن يغير فليبدأ بنفسه أولا )

[عصمتووف]

أجمل واصدق وابلغ تعليق .. صح لسانك يا عصمتووف وياليت قومي يسمعون ويعون .. فالتغيير ان لم يبدأ من النفس ثم الاسرة ثم العائلة ثم الحي ثم المدينة ثم المحلية ثم الولاية شيئا فشيئا الى ان يصل رأس الحية .. او بالاصح لما نصل تلك المرجلة فلا حاجة لاي ثورات او هوجات او تصريحات المسألة ستحل تلقائيا ... قل لي عندما يتعامل الجميع بصدق وامانة وشفافية وخوف من العقاب والمساءلة في الدنيا والاخرة .. فما تجني ؟؟؟ اللهم اهدي شعب السودان لتحري الصدق والامانة في كل تعاملاتهم ... آآآميييييييييييييييين .


#944319 [سوداني]
5.00/5 (7 صوت)

03-16-2014 08:01 PM
أهنئك بهذه الإنجاز الرائع وهذه هي البداية الحقيقة لتنفيذ اتفاق الدوحة ونتمنى لك شهر عسل سعيد وان لا تشغل بالك بالقتال الذي يدور في دارفور وكما لا يفوتني أيضاً ان أشيد بمقدرة قواتك في منع الصحفيين من تصوير الحفل كل هذه الإنجازات البطولية سوف يكون لك رصيدا كبير في سجلاتك ودمت عريساً


#944317 [Hamdi]
5.00/5 (3 صوت)

03-16-2014 07:55 PM
تجانى سيسى عايز يتزوج من البحر كمان...زول صديقه صديق ودعة ماذا تنظروا منه؟؟


#944315 [ساب البلد]
5.00/5 (3 صوت)

03-16-2014 07:49 PM
******** يمكن هذا الزواج ضمن بنود اتفاقية "الدوحة" ****** الان السيسي ينفذ اتفاقية السلام هع هع هع ****** يا ريت التفاصيل "المهر" و "الشيل" و "قولة خير" و تكاليف "العشاء" لابد من التوثيق ليوم الحساب ***** لماذا اختار السيسي هذا الوقت بالذات ؟؟؟ ***** و دارفور في اسوء حالاتها ؟؟؟ ****** لابد من فضح هذا الانتهازي *****


#944302 [عوض ياسين]
5.00/5 (3 صوت)

03-16-2014 07:34 PM
العجوز ده يا دوبك عرس ؟ القدره هسه عنده أحفاد


ردود على عوض ياسين
European Union [الصادق] 03-16-2014 09:44 PM
الزول دا في منتصف الثمانينات كان عنده زوجتين ّّّواحسب على كدا !!!


#944293 [عيسى محمد عمر]
5.00/5 (4 صوت)

03-16-2014 07:22 PM
زوجوه قضية دارفور فطلقه و تزج المركز الرجل المطلاق العراس ليس له قضية منذ ان جاء الي دارفور و عندما يتحدث الناس عن مشكلة دارفور وكيف تسير كان اجاباته على شاكلة الامور ماشه كويس ذي قعر فلانه او الامور وقفه ذي صدر فلانه مشيرا الي اسماء احدى سكرتارياته هكذا بدد قضبة دارفور في امور **** و فسد بالاموال القطرية في مهور بنات و مؤخرات بنات و الكل يعلم كم بنت تلقلت شاكوش من السيسي السبعيني الذي عاد اليه المراهقة بفعل اموال و عرق و دماء اهل دارفور و انظروا التوقيت والظروف التعصيبة في دارفور قتل وتدمير وحريق وتهجير و اغتصاب اما هو عريس وا اسفي من كوادر دارفور


#944283 [AburishA]
5.00/5 (4 صوت)

03-16-2014 07:10 PM
** في نفس الوقت الذي تُحرق فيه القرى.. وتُغتصب النساء وتُسبى الحرائر.. ويُقتل الابرياء العزل.. وضاقت الارض بما رحبت من المشردين واللاجئين والثكالي واليتامى والارامل..من اهل دارفور

** أبت نفس السيسي المريضة وشهوته الدنيئة الا أن يدق الطبول فرحا.. لتصبح له (فرحتين)..

** والله انه لاستفزاز لاهل دارفور.. اكتر من افعال الجنجويد!!!!!


#944276 [بت قضيم]
5.00/5 (2 صوت)

03-16-2014 07:00 PM
صورتك الخايف عليها برضو كده ياسيسي


#944264 [بادي أبو شلوخ]
4.88/5 (4 صوت)

03-16-2014 06:52 PM
هيهات بين سيسينا وسيسيهم!!!!!


ردود على بادي أبو شلوخ
United States [التاج محمد احمد] 03-17-2014 12:57 AM
دي كبيييييييييبره ياابو شلوخ


#944259 [سوداني]
5.00/5 (1 صوت)

03-16-2014 06:50 PM
رغم قناعتي بأن الزواج من الإمور الخاصة بكل شخص بغض النظر عن مكانته الإجتماعية . بيد اني أعتقد مع خالص تقديري للدكتور بأن التوقيت ( الزماني ) و عظم المسئولية كانا يقتضيان التضحية بالخاص من أجل العام .


#944256 [نغم]
5.00/5 (1 صوت)

03-16-2014 06:47 PM
بالله هو كان داير عرس عفو عفو عف .........
ما يكلم الله يرحمكم يانس دارفور


#944251 [امير]
3.50/5 (3 صوت)

03-16-2014 06:43 PM
والله الحبشيايات الله ريحهم


#944242 [ود الدكيم]
4.50/5 (4 صوت)

03-16-2014 06:31 PM
يعني الأولاد منعوا التصوير خايفين على الغيد الحسان وظباء الوادي ربات الخدور من العين والحسد والفتنة.
قد خلفتنى طريحا وهى قائلة :
تأملوا كيف فعل الظبى بالاسد
وامطرت لؤلؤا من نرجس وسقت
وردا وعضت على العناب بالبرد

هاك يزيد بن معاوية ده


#944241 [Mohammad]
4.32/5 (5 صوت)

03-16-2014 06:30 PM
احتمال ازوج بنت تحت سن القانونى


#944239 [مصطفى آدم أحمد]
4.66/5 (6 صوت)

03-16-2014 06:29 PM
للأسف هذا حال وهم النخب الدارفورية....لسنا ضد ان تتزوج يا سيسى لكن اترك هذه القضية التى تقمصتها..انت لست اهلا لها..التحية لشهداء دارفور والتحية لأهل المعسكرات النازحين واللاجئين...والخزى والعار للخونة..


ردود على مصطفى آدم أحمد
European Union [ود الدكيم] 03-16-2014 08:44 PM
THUMB UP


#944231 [ساب البلد]
4.98/5 (10 صوت)

03-16-2014 06:13 PM
******** الامريكان ليهم الحق يقولوا اتفافية "الدوحة" فاشلة ******* اذا كان القروش القبضها السيسي لاعمار دارفور عايز "يعمر" بيها بيت جديد ******* اللعنة علي المتاجرين بقضايا الشعب ****


#944219 [مرقنبو قرنبو]
4.00/5 (3 صوت)

03-16-2014 06:03 PM
ام العروس اقيف قبلك نجيب الموس .........
اتمنى ان ينعدل خشمك المعوج ده بعد المرة التانية


ردود على مرقنبو قرنبو
European Union [عمر بابكر] 03-16-2014 08:18 PM
دي الزوجة التالتة يا مرقنبو قرنبو


#944199 [بشري اسحق علي]
4.50/5 (4 صوت)

03-16-2014 05:39 PM
ابتدي تعليقي بالمقولة السودانية المشهوره الناس في شنو والحسانيه في شنو يا تجاني ياسيسي لماذا الزواج في الوقت دا ؟ وبمن تتزوج ؟ في زمن دارفور تحرق وتنهب من قبل قوات الفريق فضل المولي بعد اغتصبو عشه وفاطنه وحواء وخديجة واختطفوهن اجبروك بالزواج بهند بت الملك حررهن ياتجاني يارجل السلام فهن أولي ليك الأربعه من العاهره المبيوعه في سوق الجلابه مقابل الاحتضان والملاذ المشبوه منك لله منك لله شكيتك ل الله


ردود على بشري اسحق علي
European Union [ali] 03-16-2014 07:38 PM
صدقت يا بشرى هذا الدارفورى المسكين مستغلنو الجلابه ومشيلنو وش القباحه هو والحاج ادم وعلى محمود وكاشا ومسار والفريق فضل المولى وكلهم متسغلنهم الجلابه لانهم الهامش العنصريه الهامش الجلابه الجلابه التضامن النيلى النيلى ياخى قديتونا قدر ما حاولنا نفهمكم غلبكم تفهموا الدنيا كلها فيها الزين وفيها البطال الجلابه دخلهم شنو اسى فى الكلام دا


#944195 [جدودنا زمان]
4.25/5 (3 صوت)

03-16-2014 05:36 PM
هو ده كلللللو ما كان متزوج (وش مندهش)


#944178 [الصادق]
4.25/5 (3 صوت)

03-16-2014 05:24 PM
هذه هي مخرجات اتفاقية الدوحة


#944174 [الحاج]
4.50/5 (4 صوت)

03-16-2014 05:20 PM
يا ناس الراكوبة الزول دا غلي ما اظن متزوج قبل كده
نرجو الافاده
علي ما اعتقد متزوج من زمان من اخت واحد صاحبنا
الزواج مثتي ورباع هو تقليد كيزاني لا صلة له بالشرع اسغلال


ردود على الحاج
European Union [عمر بابكر] 03-16-2014 08:19 PM
هذه هي الزوجة التالتة قبل كدا مطلق زوجتين بعيالهن

United States [ذوالفقار] 03-16-2014 05:32 PM
وإن خفتم ألا تقسطوا في اليتامى فانكحوا ما طاب لكم من النساء مثنى وثلاث ورباع فإن خفتم ألا تعدلوا فواحدة أو ما ملكت أيمانكم ذلك أدنى ألا تعولوا ( 3 )




اتق الله يارجل




الكيزان سرقو وقتلو ونهبو وهلم جرا بس الزواج حلال مثنى وثلاث ورباع وهذا هو الاصل


#944169 [Kalis]
4.44/5 (7 صوت)

03-16-2014 05:15 PM
شغالين تعدد في الزواج وبلد منتهي ودارفور تحترق



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية
تقييم
5.00/10 (2 صوت)






الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة