الأخبار
منوعات سودانية
يا (فردة).. و(كدا زيت)...ومفردات أخرى... نايل يدخل لغة (الراندوق) لإستديوهات (ذا فويس)..!!
يا (فردة).. و(كدا زيت)...ومفردات أخرى... نايل يدخل لغة (الراندوق) لإستديوهات (ذا فويس)..!!


03-17-2014 11:59 PM

الخرطوم:
انتقل المتسابق نايل إلى الدور نصف النهائي ضمن برنامج (ذا فويس) امس الاول وذلك بعد أن اختارته شيرين ليرافق المتسابقة وهم، هذا وشهدت الامسية على الكثير من المشاهد من بينها ادخال نايل للكثير من مفردات الدارجية السودانية خلال الحلقة، ومن بينها مفردة (يا فردة)، التي كررها عدة مرات للمذيع أحمد، بينما انتقلت العدوى إلى مذيع (ذا فويس) والذي قال لـ(نايل) عقب انتهائه من وصلته الغنائية: (كدا زيت)..!!..في اشارة منه إلى اداء نايل بصورة مميزة، هذا وستشهد المرحلة القادمة من البرنامج منافسة شرسة للغاية بين المتسابقين لحجز مقاعدهم ضمن الحلقة الاخيرة والتى ستكون حدثاً يتناقله كل العالم العربي.

السوداني


تعليقات 12 | إهداء 0 | زيارات 7256

التعليقات
#947891 [ABOUNOON]
5.00/5 (1 صوت)

03-20-2014 09:04 AM
المدعو الجانقـــــو والبعـــــاجي /ردودكم على تعليقي أو بالأحرى وجهات نظركم قاصره انتم عندكم مصيبه اسمها الكيزان انشاء الله الكيزان مكسره على رسيكم ياخاوين انا عندما علقت مابررت لكوز ولازير تكلمت عن خارطة بلد تهمنا نحن ان كانت لاتهمكم يا حثاله انتو اشكالكم دي البشير بحكمها 100سنه لأنكم مابتعرفوا الا النوم نهارا ومتابعة القنوات والمغنيين ليلا كالخفافيش
البلد مافيها رجا ان كان شبابها مثلكم لاتهمهم البلد مثل مايهمهم المغني الحوت والمغني التمساح


#946586 [ركابي]
0.00/5 (0 صوت)

03-18-2014 09:44 PM
هسع عليك مداعيني ليه ياخي؟؟؟انته مبسوط بالمفردات الزي دي وتلتصق في ذهن الناس انها دي طريقة كلامنا كسودانيين؟؟؟


#946526 [kh]
0.00/5 (0 صوت)

03-18-2014 07:56 PM
هسه البتفلسفوا وبنتقدوا في نايل ديل لو شافوا قدامهم بقعدوا اتكبكبوا واكسروا في التلج ليه واتهابلوا والله كتر خيره كونه رفع اسم السودان البقي تحت الارض . منوا فيكم عمل العملوا نايل ولا فصاحه في الهوا يا هوا


#946335 [محمد المهندس]
5.00/5 (1 صوت)

03-18-2014 04:12 PM
حلايب تحت الجاكت من الجهة اليمين ماتظلمو الراجل


#946317 [bent alnil]
0.00/5 (0 صوت)

03-18-2014 03:48 PM
شكرا نائل لأنك نجحت و وصلت هذه المرحلة و نتمنى لك التوفيق و للأخوة النقاد لمرة واحدة انظروا للجانب المشرق و الف شكر لشيرين لدعمها للفتى الأسمر بعيدا عن خلاف السياسة و للباحثين عن حلايب و خريطة السودان خلاص بتفتشوا ليها في تي شيرت نايل ما زمان حدودنا وصونا على الوطن ... و فرطنا في الوطن ...
خلوا نايل يغني غناه


#946099 [دياب]
5.00/5 (1 صوت)

03-18-2014 12:26 PM
اتمنى ان يخرج ليس ماسوفا عليه


ردود على دياب
[freedomfighter] 03-18-2014 12:55 PM
يا خوى مالك علينا يخ خلينا نبتسم ولو مرة ياخ
يمكن تكون زهجان انعل الشيطان و ابتسم


#945945 [ود البطانة]
0.00/5 (0 صوت)

03-18-2014 10:45 AM
يا رب عودة للزمن الجميل للسودان ليس يشرفنا البرنامج ولا نايل ولا الغناء لأننا في الأنقاذ اصبحت لدينا أكثر من مليون فنان وفنانة كل خميس بابكر صديق بيخرج العشرات لمدة 20 سنة
نريد التنافس في الرياضة في التقنية في الهندسة في الطب ما ناقصين دعارة استديو كلوا الله يكفينا الشر حريم كاسيات عاريات لا يشرفنا نايل ولا نريده ان يحمل صورة السودان في هذا المحفل القذر


#945870 [semsem Alhajar]
5.00/5 (1 صوت)

03-18-2014 09:54 AM
والله ما وجدت شعبآ يناقض حتي نفسه غير شعبنا...يااخ في اي شئ تتفلسفوا وتنظروا واي واحد عامل فيها ناقد...بلاهي عليكم خلوا الحقد والحسد اوﻵ بعداك شوفوا ربنا يبعد عننا البلاء ولا لا....ربنا يوفق اي حد بمثل السودان خارجيآ مادام لم يسئ ف شئ ولم يتنكر سوووودانيته....مش القاعدين جوه البلد وبدعو انهم من اصول ....الخ...وشرفت بلدك وكل افريقيا ي غالي...


#945738 [ABOUNOON]
5.00/5 (1 صوت)

03-18-2014 08:32 AM
لاحظواخريطة السودان التي يلبسها ممثلكم خالية من حلايب!!!!!!!!!! ألا يعطى هذا الآخرين حق التمسك باحتلال ارضنا وهل هو ذهب ليمثل السودان أو ليعرض خارطتنا بهذا الشكل واتمنى لايكون تسويق مصري


ردود على ABOUNOON
United States [دجانقو] 03-18-2014 04:32 PM
يحلبوك من ولا مافي داعي قول امين ...

يعني خلاص حلايب دي بقت حقتكم وساكتين الوقت ده كلو

تصدق لو ساكن حلايب زاتو ما بنتمي لي سودان الكيزان ده ...

بس دي فلاحتكم يعني خلاص انت شايق الخريطه و حددت محل حلايب وين

في الخريطه ...

عالم تجيب الايدز عديل .....

[البعاجى] 03-18-2014 11:16 AM
ياخى الخريطة المطبوعة على التيشيرت صادرة من دار الوثائق ولا هئية المساحة
ما رسمة اترسمت واتطبعت، وانت لو قالو ليك ارسم خريطة السودان اكيد بتغلط
دائما تعاينو للنصف الفارغ من الكوب وتنظرو وانتو ضاربين الضّل يا اعداء النجاح


#945716 [sami]
0.00/5 (0 صوت)

03-18-2014 08:22 AM
يا سلام والله ما قصر معانا ابدا خلاص نقل الثقافة السودانيه للعالم
.................................
سبحان الله


#945640 [ركابي]
0.00/5 (0 صوت)

03-18-2014 06:37 AM
يا (فردة).. و(كدا زيت)...ومفردات أخرى... نايل يدخل لغة (الراندوق) لإستديوهات (ذا فويس)..!!
ودي حاجة كويسة؟؟؟ده كلام اولاد الناس المحترمين في السودان؟؟؟


ردود على ركابي
European Union [ود الراندوق] 03-18-2014 07:18 PM
وانت حنكك شنو؟ دى لغة شريحة سودانية لها وجودها وانتشارها فى البلد ونحن نعتز بانهم سودانيين ولهم نفس الحقوق سيبوا الاستعلاء بتاعكم دا بلا يخمكم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
10.00/10 (1 صوت)






الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة