الأخبار
أخبار إقليمية
حاج ماجد سوار : أشيد بدور المغتربين أيام قضية أبو كرشولا والسيول والأمطار وكل قضايا الوطن
حاج ماجد سوار : أشيد بدور المغتربين أيام قضية أبو كرشولا والسيول والأمطار وكل قضايا الوطن
حاج ماجد سوار :  أشيد بدور المغتربين أيام قضية أبو كرشولا والسيول والأمطار وكل قضايا الوطن
إنصاف فتحي


جهاز المغتربين يودع كرار التهامي ويستقبل حاج ماجد سوار
03-17-2014 11:17 PM

فى أمسية حاشدة نظمت نقابة العاملين بجهاز شؤون تنظيم السودانيين العاملين بالخارج حفلاً لوداع الأمين العام السابق الدكتور كرار التهامي واستقبال الأمين العام الجديد السفير حاج ماجد سوار وشرف الأمسية عدد من الشخصيات من بينهم وزيرة التربية والتعليم سعاد عبد الرازق وألقى الدكتور كرار التهامي كلمة ضافية مرحبا بالحضور، متناولا الدور الكبير لجهاز المغتربين فى خدمة السودانيين العاملين بالخارج متناولا الإنجازات التى تم تحقيقها فى الفترة الماضية والمستقبلة التى سترى النور على يد الأمين العام الجديد، مشيرا إلى وقوفهم مع الأستاذ حاج ماجد سوار وأنه رهن إشارته فى كل ما يتعلق بالعمل بجهاز المغتربين.
الأمين العام الجديد الأستاذ حاج ماجد سوار استهل حديثه بأنه سيكون رئيسا لنقابة العاملين بالخارج وليس رئيسا للجهاز، متعهدا بتسهيل كافة المشاكل التى تواجه المغتربين السودانيين أينما وجدوا، مشيدا بدورهم الكبير من خلال مساهماتهم الكبيرة فى الوطن أيام قضية أبو كرشولا والسيول والأمطار وكل قضايا الوطن التى ظلوا على الدوام مساهمين فيها، إضافة الى مساهماته الكبيرة من خلال التحويلات التى تسهم فى دفع الاقتصاد وتنميته.
الأمسية شاركت فيها الفنانة إنصاف فتحي التى تغنت بالعديد من الأغنيات التى لاقت إعجاب الحضور الذى تفاعل معها تفاعلا كبيرا وتم فى ختام الحفل تكريم د. كرار التهامي بالعديد من الهدايا والوشاحات.

السوداني


تعليقات 13 | إهداء 0 | زيارات 2689

التعليقات
#953653 [ادريس]
0.00/5 (0 صوت)

03-26-2014 08:37 AM
الاخوة الكرام السلام عليكم يلاحظ في معظم المداخلات المهاترات والتهكم بدلاً عن الواقعية وطرح قضايا السودانيين بالمهاجر المختلفة ... فالجهاز يحتاج لآرائكم ومقترحاتكم بشأن قضاياكم ...
فالمهاترات والتهكم لن تحل قضية ولا مشكلة .. فهناك العديد من القضايا الملحة تحتاج لحلول جذرية منها * تعلم الابناء بالخارج معادلة الشهادات الاجنبية والقبول بالجامعات وهي ملفات مفتوحة جاري العمل لحلها.
* قضايا الضرائب والرسوم ... هناك لجان لمراجعتها من قبل جهاز المغتربين ووزارة المالية
* قضايا الجمارك والعودة النهائية واستيراداوادخال السيارات
*الاراضي وسكن المغتربين وتملكيهم الاراضي السكنية
* الاستثمارات الخاصة بهم
كل تلك القضايا عبارة عن ملفات جاري العمل مع الجهات ذات الاختصاص للوصول لحلول لها ... فالجهاز يحتاج لآرائكم فأنتم اكثر الناس دراية بقضاياكم ..

دمتم


#946366 [تينا]
5.00/5 (1 صوت)

03-18-2014 04:42 PM
وصرفتوا كم فى الاحتفال دا من الاخدتوهو جبايات من جيب المغترب المسكين ؟؟؟ خسارة فلوس شقانا بيحتفلوا بيها... الله فى ...


#946219 [أب قرن]
5.00/5 (1 صوت)

03-18-2014 02:07 PM
الله يستر جنو ضرائب !!


#946190 [الأبراهيمي]
5.00/5 (1 صوت)

03-18-2014 01:36 PM
آن الآوان للنسق في قيام قوى معارضة ..
نحن نعرف قدرنا ..
نحن لوحدنا دولة ..
نحن لدينا أموال عائدها فقط من شركات نؤسسها ماوراء البحار تعيشنا إلى إن نموت .
خلاص كفاية غش وإستهبال وهرشة ونفخة كذابة .
يامغتربون اعرفوا قدركم فأنتم قوة ضاربة لا يستهان بها .


#946166 [DIVING MAN]
5.00/5 (1 صوت)

03-18-2014 01:14 PM
من باب اولي كان يتركو المغتربين هم اللي يقوموا بوداع واستقبال هؤلاء شان يشوفوا ويعرفوا كيف المغتربين بيستقبلوا ويودعوا اللي قائمين علي امرهم

تف عليكم وعلي جهازكم


#945866 [العوض]
5.00/5 (1 صوت)

03-18-2014 09:52 AM
خلاص عمك شبع تمام وقال ياخي نخلي كوز تاني ينتفع من هذه الجنينه التي لا غفير لها وبعدين حاج سوار دا منو وحا يعمل شنو يعني بعمل لينا اراضي بالتقسيط وعمارات وسيارات ابدا وكلا وبتاتا الكوز جاي جيعان جدا ورجع الضربيه تاني من قبل ما يجي تتوقع بنصلح حال المغترب لا والله والف لا الصفوف واقفه زي ماهي ومافي خدمات حتي داخل الجهاز ومن المعروف ان الجهاز يدر للماليه قروش اكتر من سد اسامه سدود المهم والاهم كما قال احد الاخوة ذهب الخائب وجاءنا العايب


#945846 [إمام ولد سيدي باشا]
3.00/5 (1 صوت)

03-18-2014 09:31 AM
جهاز المغتربين يودع كرار التهامي ويستقبل حاج ماجد سوار ..
أريد أن افهم ماالمقصود بجهاز المغتربين السودانيين !!.
والله العظيم لدي أكثر من 25 عاما وأنا مغترب لم أرى يوما من الأيام ولا حسيت ان جهاز المغتربين يقدم خدمة للمغترب السوداني .. إطلاقا. مع وجود بعض التسهيلات في القنصليات في بعض الخدمات الذاتية وهذا لا ننكره .
واتحدى أي مغترب يثبت لي عكس كلامي ...
ولدى حكاية احكي لكم ... سافرت للسودان بعد 17 سنة غياب عن الوطن وأول سؤال كان في مطار الخرطوم السؤال : متى آخر سنه خرجت من السودان وليكم كم سنه ما جيت السودان ...
حاولت أطرح وأجمع وقلت ليهم آخر سنه عام كم وتسعون ما مذكر بالضبط .. وياريتني ما قلت كده ولا قلت الحقيقة لو قلت سنتين كان صدقوني !!! ليش ... عندما ذهبت إلى جهاز المغتربين عشان نعمل تأشيرة السجم ..الخروج من السودان قالوا لي لازم تدفع خدمات مبلغ 80 ألف ج عن كل سنه يعنى ضربوا لي حوالي 17 سنة تقريبا .. وقتها سالتهم ليش ادفع كل ده قالوا رسوم خدمات وبعدين لو ما عندي أيش حتعملوا لي قالوا ما حنديك تاشيرة خروج من السودان !!!! ضحكت ووقف شوية وقلت ليهم طيب أنا دافع خدمات للسفارة السودانية في بلد المهجر وليش أدفع ثاني قالو لا لازم تدفع ثاني وزعلت شديد من هذا الكلام بعد جدل طويل وقالوا كمان تدفع ضريبة لمدة سنتين مطلوب منك المهم في آخر المطاف حلفت بالله أن لا ادقع شىء دون وجه حق ... وطلعت من عندهم أبحث عن طرق آخرى ملتوية وبالفعل نجحت بالطرق الملتوية المعروفة ومنها حلفت بالله أنو ما اسافر للسودان ثاني إلا وتكون في نهاية المطاف عودة نهائية ..
وسؤالي لمــــــــــــاذا يهدد المغترب في جهاز الحرمية ( المغتربين ) بعدم اعطاءه تأشيرة العودة لعمله في حالة عدم قدرته وتمكنه من دفع المبلغ المطلوب ؟؟؟ وكان الله في عون المغترب السوداني عند سفره للسودان وعند إجراء العودة .. وشكرا ..


ردود على إمام ولد سيدي باشا
[ابو محمد] 03-18-2014 04:48 PM
يا اخ امام العمل الحفل هم ( نقابة العاملبن بالجهاز)لانو الامين السابق (ماحلاه)وعشان الجديد (مايحلو)


#945771 [عبدالرحيم]
5.00/5 (1 صوت)

03-18-2014 08:53 AM
حفل وداع واستقبال تقليد طيب وحسن وهو صلة وفعل خير ولكن الغناء لزوموا شنو؟
ما عندي عدواة مع الغناء من ناحية دينية ولكن ما في داعي للحفلات الكثيرة لجهاز المغتربين
في الاجازة الصيفية تلقى الجهاز عامل حفلات داخل حوش الجهاز ؟؟؟
البرامج التي يقيمها خارج الجهاز تنتهي بحفلات وغناء؟؟؟؟؟؟
برامج المغتربين في التلفزيون المنقولة من الخارج غناء ؟؟؟؟؟؟
سفرات الأمين العام للخارج اما لحفلات وغناء او برفقة فنانين غناء ؟
انتو جهاز حكومي ولا اتحاد الفنانين ؟


#945748 [افريقى]
0.00/5 (0 صوت)

03-18-2014 08:38 AM
الدباب جانا الله يعينا على قرفوا


#945593 [ربش]
4.00/5 (3 صوت)

03-18-2014 02:59 AM
وداع خائب و إستقبال أخيب ... نناشد بإلغاء هذا الجهاز المتعطل و المعطل لمصالح المغتربيين ... و إستبداله كدار بديل لأطفال المايقوما الأبرياء الذين كان عددهم عند إنشاء دارهم في 1963 م يعد بالعشرات أما الآن في زمن الفضيلة و دولة التوجه الحضاري بات عددهم بي عشرات الألاف غير الذين قضي نحبهم بالتفطيس خوف الفضيحة أو الذين تم بيعهم كقطع غيار . حسبنا الله ونعم الوكيل و بس .....



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة