الأخبار
أخبار إقليمية
ابنا مسؤول كبير تعرضا لمحاولة اغتيال داخل جامعة شهيرة
ابنا مسؤول كبير تعرضا لمحاولة اغتيال داخل جامعة شهيرة



03-21-2014 11:07 PM
كتبت صحيفة آخر لحظة :

الخرطوم: مجدي تيراب :

تعرض شقيقان توأم «ابنا مسؤول كبير» لمحاولة اغتيال داخل إحدى الجامعات الشهيرة بأم درمان على يد مجموعة مسلحة بالسكاكين والمقصات مما أدى لإصابتهما بإصابات وصفت بالخطيرة وأسعفا على إثرها إلى المستشفى لتلقي العلاج. وقالت مصادر إن أحد الشقيقين ينتمي لتيار سياسي بالجامعة وفي يوم الحادث كان المجني عليه ضمن لجنة تنظيم احتفال أسبوع المهندس
، وكان المصاب مسؤول التأمين لكبار زاور الاحتفال، وفي الأثناء هاجمت المجموعة الاحتفال وحاولوا دخول الصالة بالقوة فقام الطالب المجني عليه باعتراضهم فاستلوا أسلحتهم البيضاء وانهالوا عليه طعناً بالسكين والمقصات فتدخل شقيقه لاحتواء الشجار فسددت له المجموعة عدة طعنات وسط دهشة الحاضرين وتم إسعاف المصابين إلى المستشفى، وألقت الشرطة القبض على اثنين من المتهمين فيما لاذ بقيتهم بالفرار ودونت الشرطة بقسم الشمالي- أم درمان بلاغاً بالحادث تحت المادة (139) من القانون الجنائي وما زالت التحريات مستمرة.

آخر لحظة


تعليقات 20 | إهداء 0 | زيارات 11902

التعليقات
#949746 [الحزين]
0.00/5 (0 صوت)

03-22-2014 01:12 PM
طالما ان مصدر الخبر منشور فالراكوبة براءة من التجني في صياغة الخبر ، وبعض الاخوة قالوا انهم كانو حضورا وشهودا للحادثة... السؤال لماذا تضخم الصحيفة المذكورة من الواقعة وهي احد اوجه وادوات جهاز امن النظام؟؟؟؟؟


#949690 [ود البطانه]
4.88/5 (5 صوت)

03-22-2014 12:22 PM
نعم لقتل ابناء كبار المسؤليين بتنظيم ابناء التضامن النيلى " ولاتاخذكم بهم رافه فى دين الله " قتله مجرميين


ردود على ود البطانه
United States [ali] 03-22-2014 11:46 PM
يا ود البطانه ابناء المسؤول طلعو من انديكم يعني بلدياتك اها الراي شنو؟ يقتلوهم والا يخلوهم؟ داهيه تاخدكم ضيعتو البلد بعنصريتكم هذه وبعد ده تقول لي حركات لتحرير السودان وتحقيق دولة المواطنه!! بداية غيرو لهجتكم العنصريه النتنه دي بعدين حاولو اقنعونا نتعاطف معاكم يا وهم.

[ود السوق] 03-22-2014 02:33 PM
ود الغرب المختفي باسم ( ود البطانة ) تلقاها عند الغافل هههههههههه


#949630 [واحد]
0.00/5 (0 صوت)

03-22-2014 11:26 AM
أهم فقرة (وألقت الشرطة القبض على اثنين من المتهمين فيما لاذ بقيتهم بالفرار ودونت الشرطة بقسم الشمالي- أم درمان بلاغاً بالحادث تحت المادة (139) من القانون الجنائي وما زالت التحريات مستمرة.)
هذا يعني أله تم القبض علي بعض المشتركين في الجريمة.


#949617 [Hussam]
0.00/5 (0 صوت)

03-22-2014 11:15 AM
الولد ولد لواء بالجيش السوداني والكضب ماكويس لانو هو اتشلخ وحاليا بالجامعة وهو لا ينتمي لاي تنظيم سياسي


#949615 [Sudani]
0.00/5 (0 صوت)

03-22-2014 11:13 AM
يا اخوانا الكضب الكتير شنو المشكـلة ما عندها اي بعد سياسي اولا الولد ده ولد مسؤوول بالجيش السوداني(البحرية السودانية) والجيـش ما عندو علاقة بالسياسة النـاس ما تعمل من الحبة قبة وثانيا حسام ما سيــــــــــــــاسيز


ردود على Sudani
[hassan] 03-22-2014 01:01 PM
الجيش ما عندو علاقة بالسياسة هههههههههههه

امال بشة جاي من وين

الجيش بالجد ما عندو علاقة بالجيش البنعرفو

والبدافع عن حمي البلد

اهي هايصة كلها


#949525 [مسكين]
0.00/5 (0 صوت)

03-22-2014 09:57 AM
نختلف كلياً مع الانقاذ ، لكن مثل هذا الفعل مرفوض ومدان. ما الفائدة عندما تصبح البلد مثل قانون الغاب ، العنف والاغتيال يجب أن يكون مدان من الجميع.


#949512 [لن ترتاحوا يا لصوص]
5.00/5 (1 صوت)

03-22-2014 09:48 AM
انقلب السحر على الساحر والقتل على الرباطة والكيزان يحصدون ثمار غرسهم السئ فى الجامعات وفى دار فور ..كل من جندتهم الانقاذ اصبحت لهم مطالب خاصة وهم راوا القصور والنعيم


#949489 [المقبون]
5.00/5 (1 صوت)

03-22-2014 09:29 AM
غايتو جنس كضب انا كنت حاضر الكلام ده صاح في طعن حسام انطعن في الكتف ما تامه غرزه واخوه في الظهر والرقبه برضو خدشات ساي المشكله عندها ابعاد تانيه


#949449 [زول سوداني]
5.00/5 (3 صوت)

03-22-2014 08:55 AM
ده الشغل المظبوط .. الكيزان ديل لو قتلوليهم ولد مسئول ولا مسئولين في الجامعات كان وقفوا قتيل الولاد الناس المساكين ..
مافي واحد يجي يقول " ولا تزر وازرة وزر اخرى .. لانو كل الذين قتلوا في الجامعات من الغبش حفظت الجريمة ضد مجهول .. بالرغم من معرفة الجميع لهذا المجهول وهي الاجهزة الامنية من شرطة وامن والجهاز الامني الخاص بالطلاب ....
عموما اذا اراد الناس ان يقف العنف في الجامعات فعليهم بابناء المسئولين في الجامعات ....


#949391 [الحزين]
4.00/5 (1 صوت)

03-22-2014 07:38 AM
هذا غريب وغير مقبول تماما كما قال بقية المعلقين....
الجامعات السودانية بها الكوارث وكثير منها بؤر خراب للتطرف والهوس الديني والتشيع والمخدرات وبها كثير من السلوكيات القبيحة
لاتحل مشكلة الواقع الاجتماعي المعقد وسط طلاب الجامات بمؤتمر لنبذ العنف
اتوقع ان القادم اسوا


#949385 [بكري الملك]
5.00/5 (1 صوت)

03-22-2014 07:25 AM
رغم اختلافنا مع الانقاذ لكن منهج القتل والعنف مرفوض خاصه داخل مؤسساتنا التعليمية ولا اظن انه الاسلوب المناسب لتصفية الخصومات السياسيه حتي اذا اتبعت الانقاذ هذا النهج ولا تزر وازرة وزر اخري


#949346 [البحتري]
5.00/5 (1 صوت)

03-22-2014 03:36 AM
استوقف كل قراء الراكوبة حتى ننتبه : كيف تسير هذه القضية والتحقيق هنا في الخرطوم بين هؤلاء الذين هاجموا ابني المسؤول الكبير نقطة سطر جديد .
والذين قتلوا فقد تميد النافعاب ( رحمه الله وأسكنه فسيح جناته مع الصديقين والشهداء وحسن أولئك رفيقا )
فقد تكون الإجابة عند نافع علي نافع ؛ أو السيد وزير العدل ؟؟؟؟؟؟؟؟؟؟؟


#949317 [الخنجر]
4.75/5 (3 صوت)

03-22-2014 01:37 AM
رباطة المؤتمر الوطنى هم فوق المساءلة والقانون


#949298 [ahmed//]
3.00/5 (4 صوت)

03-22-2014 12:34 AM
لا يسعدنا هذا القتل مهما كانت مبرراته ليست فى الجامعات هذا غدر وليست نضال سوى كان من هؤلاء او اؤلئك / من يريد ان يقاتل فطريق الثورة واضح وليست قتل الآمنين وهذا الجبن والغدر الذى ترفضه جميع الأخلاق الإنسانية


#949295 [ahmed//]
5.00/5 (2 صوت)

03-22-2014 12:30 AM
لا حولة ولا قوة الا بالله اى سياسة هذه / الأمر اصبح لا يحتمل اجرام وبلطجة/ وكل هذا نتاج لسياسة القمع التى ينتهجها نظام الإنقاذ لابد ان تفرخ مجرمين محترفين سفك الدماء لديهم ارخص من الحذاء الذى يمشون عليه اى وضاعة واى حكومة هذه


#949288 [عدلان]
4.00/5 (2 صوت)

03-22-2014 12:15 AM
وطبعا العلاج حيكون مجاني وعلى أفضل مستوى وعلى حساب الدولة قبل تسفيرهم للخارج


#949287 [هسم العجب]
5.00/5 (1 صوت)

03-22-2014 12:12 AM
بله الغايب قال شنو في الموضوع ده؟
بالمناسبه بله الغايب اخو بله جابر!!!


#949286 [كبسول]
5.00/5 (3 صوت)

03-22-2014 12:07 AM
يا خبر الليلة بقروش بكره ببلاش


#949280 [سكسك]
2.99/5 (18 صوت)

03-21-2014 11:54 PM
ده الشغل النضيف لو بنعمل كدي من زمان كان خلصنا منهم بكرة طعنه للوالي وصارخ لوزير الداخليه وقنص للرقاص حبه حبه الجماعه بقعدو في علبهم كيزان وسخ ده الاسلوب البيمشي مع الحكومة


#949269 [رجعنا بعد فرقة]
2.96/5 (13 صوت)

03-21-2014 11:35 PM
كبير اد ايش يعني كيلو؟؟؟!!! ما تقولو اسمو وريحونا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
7.00/10 (3 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة