الأخبار
أخبار السودان
إشراقة : "لا نريد حكومة قومية ضعيفة ترجع بالأمور إلى فترة ما قبل الإنقاذ من تشاكس بين الأحزاب بسبب تناقضاتها الداخلية".
إشراقة : "لا نريد حكومة قومية ضعيفة ترجع بالأمور إلى فترة ما قبل الإنقاذ من تشاكس بين الأحزاب بسبب تناقضاتها الداخلية".
إشراقة :


تخوفت من مطالبة لحركة الشعبية بحكم ذاتي، لولايتي النيل الأزرق وجنوب كردفان.
03-22-2014 04:31 PM
حذرت الأحزاب السودانية من خطورة تكرار تجربة اتفاقية نيفاشا بين السودان وجنوب السودان، في مفاوضات "المنطقتين"، النيل الأزرق وجنوب كردفان، بين الحكومة السودانية وقطاع الشمال، فيما دافع الحزب الحاكم عن الاتفاقية.

وأبدى ممثلون لأحزاب الاتحادي الديمقراطي والأمة القومي، في ندوة بالخرطوم، مخاوف من جنوح الحركة الشعبية / قطاع الشمال للمطالبة بحكم ذاتي، لولايتي النيل الأزرق وجنوب كردفان.

وقالت مساعد الأمين العام للحزب الاتحادي، إشراقة سيد محمود، إن التعقيدات التي تعانيها البلاد الآن ناتجة عن تعقيدات اتفاقية السلام الشامل مع الحركة الشعبية .

وعبرت عن مخاوفها من إقدام الحركة الشعبية / قطاع الشمال على المطالبة بحكم ذاتي لجنوب كردفان والنيل الأزرق، وأعلنت القيادية بالاتحادي الديمقراطي رفض الحزب لمقترح تكوين حكومة انتقالية، وقالت إن ذلك سابق لأوانه.

وأضافت: "لا نريد حكومة قومية ضعيفة ترجع بالأمور إلى فترة ما قبل الإنقاذ من تشاكس بين الأحزاب بسبب تناقضاتها الداخلية".

وطالبت بضرورة وجود سلطة مركزية قومية تهتم بتقوية الجيش والخدمة المدنية والعلاقات الخارجية والقضاء، على أن يتم تعيين الولاة بواسطة رئيس الجمهورية.

وحذر نائب رئيس حزب الأمة القومي فضل الله برمة ناصر، من تكرار تجربة سلام نيفاشا مع الحركة الشعبية / قطاع الشمال باعتبار أنها لم تحقق سلاما ولا وحدة للسودان، مشيرا إلى أن نتائجها كانت وخيمة بسبب تغييب الناس، لأنها كانت بين الحكومة والحركة الشعبية.

وفي سياق متصل كشف الحزب الشيوعي السوداني، عن اتجاه أمريكي لتولي رئيس البعثة المشتركة للأمم المتحدة والاتحاد الإفريقي في السودان، محمد بن شماس، ملف دارفور، في أعقاب تدهور الأزمة بشكل خطير مؤخرا.

وأظهر الحزب الشيوعي قلقا بالغا لتردي الأوضاع الأمنية والإنسانية في الإقليم المضطرب، وتفشي الأسلحة والمخدرات في الأسواق.

ووصف الحزب أزمة دارفور بأنها أكبر كارثة إنسانية في القرن العشرين، لتحولها إلى أزمة وطنية إقليمية ودولية في أعقاب انفصال دولة جنوب السودان، معتبرا أن استمرارها سيقود إلى تقرير المصير للإقليم، ما يعرض السودان إلى مزيد من التقسيم.

ارم نيوز






تعليقات 19 | إهداء 0 | زيارات 2244

التعليقات
#950969 [عبدو]
0.00/5 (0 صوت)

03-23-2014 03:14 PM
يا شروقه .. عمر البشير ذاتو متحسر على الوضع قبل الانقاذ
ما سمعيتهو قال عايزين نرجع الخدمة المدنية زي زمان (قبل الانقاذ)
وعايزين نرجع مشروع الجزيرة زي زمان ( قبل الانقاذ)
والله زمن قبل الانقاذ ده حلو حلا
لكن اظنك كنت صغيرة الوكت داك


#950966 [حليلو القام ب ليلو]
0.00/5 (0 صوت)

03-23-2014 03:13 PM
هلا هلا يا أم مساير يعني الحين حكومتك قوية..والله جهلك جهل يا خسارة محسوبة علي الإتحادي حق الأزهري وحسين الهندي وحاج مضوي يرحمهم الله وعوضنا فيك العوض.


#950802 [ودمدني]
0.00/5 (0 صوت)

03-23-2014 12:08 PM
وأضافت: "لا نريد حكومة قومية ضعيفة ترجع بالأمور إلى فترة ما قبل الإنقاذ من تشاكس بين الأحزاب بسبب تناقضاتها الداخلية".

من هي الأحزاب التي تعنيها الأخت ؟؟؟؟؟؟؟؟؟؟؟؟؟


#950797 [الجــــزيرة ابا]
0.00/5 (0 صوت)

03-23-2014 12:03 PM
تشاكس !!
مش كان افضل من مشاكوس ؟!!
اللهم ﻻ تؤاخذنا بما فعل السفهاء منا


#950410 [ابولكيلك]
0.00/5 (0 صوت)

03-23-2014 07:27 AM
منذ متى بقى امر السودان عند النسوان آخر زمن اشراقة عاملة بالون اختبار قولى لجماعتك مافى انفصال فى سودان جديد ما فيهو مؤتمر وثنى ولاختمية ولا انصار وراكم وراكم والزمن طويل .


#950372 [كرشوم]
0.00/5 (0 صوت)

03-23-2014 06:54 AM
الناس ديل روسينهم فاضى كان رجال كان نسوان :
(وعبرت عن مخاوفها من إقدام الحركة الشعبية / قطاع الشمال على المطالبة بحكم ذاتي لجنوب كردفان والنيل الأزرق) طيب يا بنت ، مواقف الحركة الشعبية واضحة زى الشمس نفس الكلام البتقوله فى الاعلام هى نفس الكلام فى المفاوضات ولا فاكرينهم بيعملوا بالمزاج المتقلب زى رئيسكم !!!

(وأعلنت القيادية بالاتحادي الديمقراطي رفض الحزب لمقترح تكوين حكومة انتقالية، وقالت إن ذلك سابق لأوانه) ، طيب طالما سابق لاوانه بترفضيه ليه ؟؟ .

(وأضافت: "لا نريد حكومة قومية ضعيفة ترجع بالأمور إلى فترة ما قبل الإنقاذ من تشاكس بين الأحزاب بسبب تناقضاتها الداخلية".) يا سلام على الذكاء ، تناقضات داخلية ايه ، والتناقضات دى اضرت السودان متين ؟؟ هل اضرت به تناقضات الاحزاب الداخلية أ/ الانتهازية والسرقة والقتل ،، بالله عليك ما اثر التناقضات الداخلية للأحزاب فى قتل وتهجير أكثر من 2 مليون فى دارفور ؟؟؟


(وطالبت بضرورة وجود سلطة مركزية قومية تهتم بتقوية الجيش والخدمة المدنية والعلاقات الخارجية والقضاء، على أن يتم تعيين الولاة بواسطة رئيس الجمهورية.) كلام ممكن تقوله أى طفلة فى الاساس ،، كلام سهل ما فيهو إجتهاد ،،، كلام بلدى وسطحى زى سطحية نسوان المؤتمر الوطنى وأحزاب الفكة


#950309 [Quickly]
0.00/5 (0 صوت)

03-23-2014 05:04 AM
ابو شكلك ,,,,,, ياريت لو ترجع الامور الى ماكانت علي قبل الانقاذ
بس رجعونا قبل الانقاذ يامتخلفه ياهبله


#950228 [tom]
0.00/5 (0 صوت)

03-22-2014 11:26 PM
بعد دا خلاص كفاية ذلة كفاية عذاب ...والبندقية لن تنزل من اكتافنا الا اذا ادونا تقرير مصيرنا ....والسودان بعد تفصلوا لينا بلدنا اعملوا الدايرين تعملوهو فيهو...بصراحه تحن كرهنا حياتنا معاكم بعد كل هذه السنين ونحن بوابين وغسالين ونسوانا شغالات...يا اخوانا دا عدل...ليه ابكر ما يركب برادو وليه تيه ما تكون عندو عمارة في المهندسين


ردود على tom
United States [ود السوق] 03-23-2014 10:38 PM
ياريت يا تؤم يدوكم حق تقرير المصير عشان تبقوا أسياد بلدكم و تكونوا دولة برأيكم زي الجنوبيين .....


#950215 [الصوت]
5.00/5 (1 صوت)

03-22-2014 11:00 PM
ياااااااااا ناس (( القِبلة)) هووي..... غُزُوْنا ما تنسونا ....

الكل يبكي على ليلاه ......


#950193 [منشى]
3.00/5 (2 صوت)

03-22-2014 10:19 PM
يا جماعه ديل يعملوا ليهم شنو لو الحل الشامل ما عاجبهم و مصرين يحشروا الموضوع فى المنطقتين زى المناطق ديل ما جزء من السودان . اهى دى النظره اللى كانت سائده ايام حرب الجنوب اهى دى ذاتها بدأت تتكرر فى المنطقتين ... بعدين الموت و التقتيل و قذف القرى و مناطق الزراعيه بالقنابل الحارقه و تشريد اللالاف من ممنازلهم , اذا دا كلوا ما بحرك ضمير الشارع عشان يتطلعوا مظاهرات ضد الحرب زى كأن الحرب دى دائره فى دوله تانيه و الموضوع ما بخصهم ؟!! و الغريب و العجيب نرى بعض أئمة المساجد يسيرون الناس من أجل الخروج و التظاهر لحرب مالى أو لمعارك القائده وين كدا ما عارف و فلسطين , فى إنهم ناسين إنو الحرب الدائر حاليا فى الجبال و النيل الازرق و دارفور تعتبر افظع كارثه انسانيه فى القرن الحادى العشرين .نفس الخطأ الذى مارسه العامه ستدور دائرته على الجبال ثم على النيل الازرق ثم على دارفور ثم على الشرق ثم على ناس المناصير فى الشمال .. يجب الوقوف بكل حزم فى موضوع الحل الشامل لمشاكل السودان ,


#950130 [عادل احمد]
5.00/5 (1 صوت)

03-22-2014 08:33 PM
حزبهم يقولون أن اسمه الاتحادي الديمقراطي المسجل وهو في الحقيقة كومبارس سئ للمؤتمر الوطني فماذا نقول( وبتصرف ) : -
هذا زمانك يامهازل فارحمينا ****فقد شاخت الاحلام فينا
أين حكم (عمركم ) فينا ****أكان يحكم كالفاروق نوراً
يحثه قيام الليل بالعدل فينا **** لينجو من ادمع الأم الحزينة


#950106 [sanmka]
5.00/5 (1 صوت)

03-22-2014 07:54 PM
وأبدى ممثلون لأحزاب الاتحادي الديمقراطي والأمة القومي، في ندوة بالخرطوم، مخاوف من جنوح الحركة الشعبية / قطاع الشمال للمطالبة بحكم ذاتي، لولايتي النيل الأزرق وجنوب كردفان.
أين كانت هذه الندوة بالخرطوم وكيف أقيمت وكيف تمت لها الدعوة ، وهل كانت مفتوحة أم مغلقة؟؟؟ ولماذا سياق الخبر يوحي بأن الحزب الشيوعي كان يتحدث من ضمن هذه الندوة وهو ما أكاد أجزم بغيب أنه لم يحدث، وما هذه الهرطقات وما هي المواضيع التي تحدث عنها المتحدثون بل ما هي أجندة هذه الندوة، وكيف تقام ندوة وقد تم حرمان سودانيون آخرون يمثلون تنظيمات وكيانات سياسية من إقامة ندوة قبل أقل من أسبوع؟ أوليس السودانيون سواسية أمام السلطان الجائر والقانون الظالم أم أن حكم أبتكو لا زال سارياً فينا


#950101 [جدودنا زمان]
5.00/5 (1 صوت)

03-22-2014 07:48 PM
وأضافت: "لا نريد حكومة قومية ضعيفة ترجع بالأمور إلى فترة ما قبل الإنقاذ من تشاكس بين الأحزاب بسبب تناقضاتها الداخلية".



***********

والله اني اشفق عليك -

بئس القول


#950098 [نبض التعب]
3.00/5 (3 صوت)

03-22-2014 07:45 PM
ما كان لإسمك أن (بشرق) يا إشراقة وما كان لكِ أن تظهري وتطلي علي المشهد السياسي إن كانت هناك دينقراطية وحرية ، وتخوفك من الحكومة القومية ليس حباً في الوطن وشعبه ، إنما خوفاً من إزاحتك من كرسي السلطة الجالسة الآن عليه وإعادتك للوراء كإنسانة عادبة مثلك مثل أي إمرأة من حرائر وطني الفاضلات ، فمثلك يا (ضلمة) لا تظهر إلاّ في عهود التيه والضلال والضلام ، أما في زمن حكم الشعب لنفسه فلن تجدي وتنالي إلاّ صوتك وصوت (شقيقك) المدير الدائم لكِ ، لذا ليس بالمستغرب لنا خروجك بهذا التصريح الإنتهازي والمصلحي ، واصلي (دق الدلوكة) لرئيسك الدلوكة والراقص و(كنكشي) فيهو قوي با (ضلمة)!!.


#950092 [عصمتووف]
3.00/5 (2 صوت)

03-22-2014 07:32 PM
من حق اي جهة تطالب بالحكم الزاتي او الاستقلال مادام انتي وغيرك يطلبون الوزارة حكومة ام 88 وزير اتحادي لا اعرف واحس لها بقيمة ف الوضع القديم والراهن انتم من تسببتم فيه خاصة احزاب الكراتين لاقيمة لكم ولا فائده وسط خنازير المؤتمر وحودكم مثل عدمكم وبكل بجاحة تصرحون وتصرخون بنضمام الجميع لمركب البشير الغارق استحوا بالله التاريخ لن يغفر لكم ولن يصدق تبريراتكم الواهية مصلحة الوطن الاسلام ووو اللغو الفارغ


#950076 [بت قضيم]
0.00/5 (0 صوت)

03-22-2014 07:05 PM
الكيزان هم من لغم الديمقراطية الاخيرة تمهيدا لانقلابهم المشؤوم - بدل البهدلة والتصريحات الفارغة شوفي ليك كفتيرة شاي في ضل شجرة كبيرة والارزاق بيد الله


#950075 [ودالشريف]
3.00/5 (2 صوت)

03-22-2014 07:05 PM
انتو اشراقة دى مصدقة نفسها ولاشنو يابت هوووى كان ماعارفة اعرفي انتى ديكور لا اكثر وياريت نرجع قبل الانقاذ ما كان انفصل الجنوب وما كان حصل علينا الحاصل عالم ماتستحى ولا خايفة على مصالحك زمن ابن كلب انتى تكوني وزيرة قال امينة الحزب ولا ماعارف شنو سجم ام الحزب الصورة حزب بلا جماهير حزب فكه بس نقول ليك مهما طال الزمن ستنتصر ارادة الشعوب ونشوفك بتدخلى وين لا مفر من الحساب والحساب بعدين ولد


#950056 [ابو الخير]
3.00/5 (2 صوت)

03-22-2014 06:43 PM
السودان صار ملطشة بسببك يا اشراقة ورئيسك الدقير
كفاية لعب بعقولنا
ارجعنا مكان انقذتنا


#949973 [ابومرام]
3.00/5 (5 صوت)

03-22-2014 04:44 PM
ياريت والله لو ترجعونا الي ماقبل حكومة المؤتمر الوطني وليس الانقاذ كما تسموها انتم .فقد كان مشروع الجزيرة ينتج وكانت السكة حديد تجوب بلادنا ويسترزق منها كثيرون وكانت سودانير تمتلك اسطول طائرات وكان النقل النهري وكانت مصانع الزيوت ومصانع النسيج واكن مشروع الرهد ومشروع العالياب والزيداب وكانت مشاريع الاعاشة في النيل الابيض كان الجنيه السوداني يساوي احد عشر ريال سعودي وكان الجنيه يساوي ثلاثة دولار .كان التعليم في افضل حالاته والصخدمات الصحية متاحة للجميع وبالمجان. كان السوداني البسيط يتحص على ضرورات حياته اليومية بسهولة ويسر واكنت البلد خالية من الحروب والنزاعات الا في حدود ضيقة وكان السودان مليون ميل وكنا القطر الاكبر مساحة وكنا نناهز الاربعين مليون نسمة وكانت الاخلاق الحميدة ميزتنت دون غيرنا من الشعوب ومجتمعنا خالي من الجرائم الغريبة والنوعية التي انتشرت في سنين حكمكم العجاف .ان استطعتم ان تعيدونا الي ذلك العهد الجميل فافعلوا ولكنكم لت تستطيعوا ولن تتخلوا عن كراسي السلطة حتى وان ادى ذلك الى فناء كل الشعب والله المستعان



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة