الأخبار
منوعات سودانية
ارتفاع كبير في (عداد) إنصاف مدني..!!
ارتفاع كبير في (عداد) إنصاف مدني..!!


03-23-2014 09:44 PM

حالة من الغضب انتابت عددا كبيرا من الازواج الجدد الذين يرتبون لإقامة حفلات زواجهم، وذلك اثر الارتفاع الكبير في اسعار اقامة حفلات (الدلوكة) والجرتق والتي تعتبر من اساسيات اي حفل زواج، هذا وجاءت ردة الفعل الغاضبة لاولئك الازواج الجدد بعد تفاجئهم بأرقام فلكية مقابل التغني بالدلوكة في حفلاتهم، وقال عدد كبير منهم لـ(السوداني) إن الاسف الحقيقي يكمن في أن الدلوكة هي تراث سوداني قديم لا ينبغي أن يصل إلى تلك الدرجة من (البرجوازية)، مضيفين أن الدلوكة كانت في السابق حقا لكل سوداني واداة من ادوات فرحه الرئيسية وبدون مقابل، لكنها اليوم (تعززت) وصارت بعيدة كل البعد عن تحقيق احلامهم ورغباتهم، وهاجم عدد منهم المطربات اللائي يتغنين بالدلوكة وفي مقدمتهن انصاف مدني، واصفين اسعار تعاقداتهن بـ(الفلكية)، ومنادين بضرورة اتخاذ وقفة في هذا الجانب
السوداني


تعليقات 16 | إهداء 0 | زيارات 5786

التعليقات
#952274 [الشيخ شعيرية- ابوعشر]
0.00/5 (0 صوت)

03-24-2014 08:51 PM
انصاف مدنى ولدن بحى فقير فى الحصاحيصا بالقرب من سينما الحصاحيصا(نسيت اسمه).. والدها من مدينة ابوعشر الله يرحمه..كنت اتمنى ان يسألها المذبعبن عن نشأتها فى برامجهم.. لكن لم يسألوها


#952205 [kh]
0.00/5 (0 صوت)

03-24-2014 07:16 PM
كم يعني


#952011 [تينا]
0.00/5 (0 صوت)

03-24-2014 03:30 PM
ايوه يا (((المتجهجه))) اخوى كلام اختنا الطقطاقة صحيح هى أصلا من الحصاحيصا ولزوم (((الشهرة))) طبعا بتقول مدنى وشاهدتها قبل فتره فى احدى القنوات سألتها المذيعة قالت ليها انتى من الحصاحيصا ليه بتقولى انصاف مدنى قامت ردت بزعل وقالت ليها ياخوانا السؤال دايما بتوجهوا لى أنا صاح من الحصاحيصا لكن بدأت الفن من مدنى يعنى اتنكر ليها ؟؟؟ تحياتى ...


#951816 [ود الغرب البعرف الدرب]
0.00/5 (0 صوت)

03-24-2014 01:17 PM
رزق المساكين على المجانين ولو ما ناس العرس مجانين البابور البيقول ليها انصاف دى فنانه ولاضكر


#951720 [Wa6ni]
0.00/5 (0 صوت)

03-24-2014 11:55 AM
ااااه لو القى لى فنطاظ فى لورى شاحن جاز ..........


#951713 [ابوالشيخ]
0.00/5 (0 صوت)

03-24-2014 11:49 AM
كل هذة المصائب من افرازات حكومة الكجر


#951701 [الحق الضائع الماخدنوا العصابة الكيزانية]
3.00/5 (1 صوت)

03-24-2014 11:41 AM
والله لو ببلاش ما اجيبها ماعندها موضوع


#951664 [سيف اليماني]
2.00/5 (1 صوت)

03-24-2014 11:07 AM
ليش ما يجيبوا الشريط حقها ويشغلوه على اضخم مسجل ويكونو ضربو عصفورين بحجر بدل الفلوس ما تضيع
في الهواء ويكون قضو عرسهم في اجمل صوره والموضوع انتهى


#951620 [موسى الضو]
0.00/5 (0 صوت)

03-24-2014 10:31 AM
شكلها واحدة من عرائس دراكولا


#951592 [خالد عبد الوهاب]
2.00/5 (1 صوت)

03-24-2014 10:07 AM
للاسف الانحطاط لا يتجزاء انه عام حتي العرسان الجدد . .


#951551 [السر موسى]
0.00/5 (0 صوت)

03-24-2014 09:34 AM
والله انصاف مدنى دى تنفع ظهير للمريخ و ترزف موسى الزومه غير كده ما شايف ليها حل


#951493 [ماسورة]
1.00/5 (1 صوت)

03-24-2014 08:52 AM
نهيب بكافة ابناء الشعب السودانى
الخروج فى (جمعة الدلوكة)
لإجبار الحكومة على تخفيض اسعار
عداد مطربات الفن الشعبى
وليكن شعارنا دلوكة لكل مواطن


#951469 [حنك]
0.00/5 (0 صوت)

03-24-2014 08:37 AM
بامانة انصاف مدني سرعة انتشارها وارتفاع قيمة عدادها يرجع لقناة هارموني التي اكتشفتها للجمهور وأذكر في حلة من حلقات بنات حواء تقرييا في عام 2010 في هارموني ذكرت انصاف مدني للمذيعة تريزا بأن سبب عدم ظهورهافي الفضائيات السودانية أنو لا أحد يهتهم بهم ومن وقتها انطلقت كسرعة البرق.


#951435 [nagi]
5.00/5 (1 صوت)

03-24-2014 08:07 AM
سبحان الله دي انسانة ولا دمية كريمات تفتيح بطريقة فاجرة وطريقة غبية الله يلعنكم دنيا واخرة يا معشر الفنانات


#951352 [محمد نافو]
5.00/5 (1 صوت)

03-24-2014 04:32 AM
وشـــك عـــــــــــــريض غياظ ..


ردود على محمد نافو
European Union [سودانيه] 03-24-2014 04:32 PM
هههههههههههههههههههه


#951257 [الطقطاقة]
5.00/5 (3 صوت)

03-23-2014 11:40 PM
ببساطة قاطعوا انصاف و الاكتفاء ببنات الاحياء .. علها تعود الي الحصاحيصا و بلا لمة ..


ردود على الطقطاقة
[المتجهجه بسبب الانفصال] 03-24-2014 11:13 AM
يا الطقطاقة هي اسمها انصاف مدني كيف تعود للحصاحيصا ولا اللقب جاء في شكل وثبة ،،



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)






الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة