الأخبار
أخبار إقليمية
السودان يسعى لإغلاق مواقع الإنترنت "السلبية"
السودان يسعى لإغلاق مواقع الإنترنت "السلبية"
السودان يسعى لإغلاق مواقع الإنترنت


03-25-2014 10:48 PM

الخرطوم

نقلت وسائل إعلام قريبة من السلطات السودانية أن السودان يريد تكثيف جهوده لإغلاق مواقع الإنترنت "السلبية"، علما بأن العديد من المنظمات الحكومية تعتبر هذا البلد "عدوا للإنترنت".

وقال مصطفى عبدالحافظ، العضو في المؤسسة الوطنية للاتصالات، كما نقل عنه المركز السوداني للخدمات الصحفية: "في الأيام المقبلة، سيتم إغلاق مواقع الإنترنت السلبية بنسبة 100%".

ولم يحدد المركز السوداني للخدمات الصحافية القريب من أجهزة الأمن المواقع التي قد تكون معنية بهذا التدبير لكنه تحدث عن مراقبة لمقاهي الإنترنت وإطلاق حملة تربوية موجهة إلى الأطفال.

وفي وقت سابق هذا العام، صنفت منظمة مراسلون بلا حدود السودان بين البلدان "العدوة للإنترنت"، لافتة إلى أن المؤسسة الوطنية للاتصالات لديها وحدة مراقبة مكلفة تحديد المواد المسموح بنشرها على الشبكة.

وأغلق السودان "يوتيوب" والعديد من المواقع الإخبارية العربية في سبتمبر 2013 حين شهدت البلاد تظاهرات مناهضة للنظام على خلفية زيادة أسعار المحروقات.

وأكدت مراسلون بلا حدود أن "مؤسسة الاتصالات وصلت إلى حد قطع الإنترنت بالكامل في كل أنحاء البلاد" للحد من القدرة على تعبئة المعارضين

الشرق


تعليقات 16 | إهداء 0 | زيارات 6727

التعليقات
#954565 [منشى]
0.00/5 (0 صوت)

03-26-2014 11:44 PM
ما فى مشكله ما اصلو الامريكان السنه الجايه ح يبثوا الانترنت للعالم كلو و بالمجانى . يعنى مباشرة من القمر الصناعى لجهاز المستهلك دون المرور بالمحطات الارضيه . يلا خمو و صروا .


#954096 [أسامة عبدالرحيم]
5.00/5 (2 صوت)

03-26-2014 01:52 PM
هو من ناحية مواقع سلبية، فأكيد في مواقع سلبية، لكن (مش أنت) اللي بتحددها يا مصطفى عبدالحافظ.
--------

مصطفى عبدالحافظ هو واحد بيغرد خارج السرب ولم يسمع بتصريح وزيرة الإتصالات التي أكدت أنه ليس هناك جهة تستطيع إغلاق المواقع الإلكترونية - سواء من النواحي الفنية أو السياسية كمان.

هو أنت فاكر نفسك منو يا مصطفى عبدالحافظ؟
وعلي قول القذافي: (من أنتم؟!)


#953887 [مجهول]
5.00/5 (1 صوت)

03-26-2014 11:29 AM
احسن حاجه يقفلو النت بالجد الناس بقت فاسده ويستخدمون النت بصوره غير صحيحه بالرغم من ان النت فيهو مواقع علميه ودينيه كتييييره بس الناس بعدت عن الدين وكلهو تفكير غربي لالها العرب المسلمين عن دينهم والله المستعان


#953878 [hassan]
5.00/5 (3 صوت)

03-26-2014 11:23 AM
يا متخلفين تقفلو شنو

هو في فساد اكتر منكم انتو


#953853 [wronged]
5.00/5 (2 صوت)

03-26-2014 11:11 AM
هههههههههه النت بسيطة عليك الله اغلقوا الهواء واغلقوا ماء النيل من روافدها
واغلقوا اشعة الشمس وضوء القمر اعوذ بالله منكم ربنا ينتقم منكم يارب.


#953776 [ابو سامى]
5.00/5 (2 صوت)

03-26-2014 10:07 AM
منصور انت متخلف اقفلو شنو ديل ما قادرين اقفلو الشقق بتاعت الضعارة ومكاتب المعتمدين بشفروها كيف


ردود على ابو سامى
European Union [ابسجيمة] 03-26-2014 04:24 PM
هههههههههههههههههههههههههههههههههههههههههههههههههههههههههههههه


#953764 [الصادق]
0.00/5 (0 صوت)

03-26-2014 10:01 AM
هاهاها عجبنى الرد يا(متجهجه بسبب الانفصال)
قال كلام صاح وانت الدخلك شنو هنا الحكومه ح تحجب المواقع المعارضه فقط لانها خطر على كرسيها


#953752 [ابو امجد عبدالله]
5.00/5 (1 صوت)

03-26-2014 09:56 AM
يا منصور تحلف بالله و تقول ان اغلاق انت يكون خير لشعب السودان حتىيتفرغوا للعبادة هذا الكلام سخيف.
الانترنت من اهم وسائل العولمة أهمية للانسان و من الناحية الدينة كل القرآن موجود على النت من حيث التلاوة و التفسير و الاعجاز العلمي و التجويد و كذلك كل الاحاديث موجودة مع تفاسيرها و الفقه ايضا موجود فره و العبادات و الاحكام و المعاملات و العقيدة و السير و غيها من العلوم الاسلامية المستفادة موجودة في النت يستفيد منها الامة .
و يوفر النت اموال طلاب العلم الذين يضيعون الاموالهم في شراء الكتب و يركبون المواصلات للذهاب الى المكتبات بحثا عن العلم و في اليوتيوب برامج دينية و فتاوي لا تعد و لا تحصى و يوجد شبكا و مواقع اسلامية فيها اجابات لكل ما تريد .
فأنت يا منصور ما نظرت الى الجانب الايجابي الذي فيه خير كثير للأمة الاسلامية فلى المسلم ان يستفيد من كل شيء من خيره و يترك شره
فمثلا لا ترك تعلم القراءة و الكتابة لا الشبا و الشابات يتبادوا فيها رسائل الغرام او الغزل او يكتب الشعراء الشعر الغزلي. .


#953717 [شمال و جنوب فى محنة]
0.00/5 (0 صوت)

03-26-2014 09:26 AM
هو السىئ مواقع الانترنت بس - اليوم و انا بالبيت طرق الباب الخارجى و لم اكن اتوقع احد لان الناس في الشغل و انا في اجازة سنوية ما قادر اجد حق التزكرة لاشوف اهلى ذهبت لارى من بالباب فاذا بي اجده شخص و سالنى باسم انت فلان قلت نعم و بد الموضوع نحن جاينك انت بالذات لكن جارك ده حلف علينا بتنا معاه و نحن معانا الشيخ ود الشيخ طبعا عرفت ان الموضوع تسول و الجماعة قاطعين تذاكر بى خمت فلوس عشان يتسولو باسم الدين من دول الخليج فبالله عليك اوقفوا ياتو عين مشروطة من مثل هذه العمايل انجدونا الله ارحمكم


#953654 [الحجاج]
5.00/5 (1 صوت)

03-26-2014 08:39 AM
المشكلة يجب حلها الآن تلك حرب وغزو غربي فاسق آت من بلدان خاوية كالاصنام فعلى الدولة غلق اي موقع مخل ومنعه من دخول السودان باي شكل وذلك في رقابكم يا ناس الاتصالات وانتم مسئولين امام الله ان لديكم اي همة ونخوة اسلامية لهذا الشعب ولديكم غيره اسلامية اغلقوا تلك المواقع التي ستفسد الاجيال الحالية والقادمة باذن الله وذلك شيء مقصود من الغرب الكافر الخاوي الذي يريد هدم القيم الاسلامية في نفوس الاجيال الاسلامية اين وجدت فعليكم أن لا تتهاونوا في اغلاقها اليوم قبل الغد .

وهو غزو ثقافي منافي للاسلام وعادته السمحة .

وفي رقابكم ذلك مسئولين عنه يا وزارة الاتصالات ويا حكومة القشر .


#953591 [زعفران]
5.00/5 (1 صوت)

03-26-2014 07:30 AM
الانترنت براهو عليكم الله لوقادرين اقفلو الهواء اصلو دي حركات المتاسلمين $ هاك السلبية دي $


#953585 [ميمو]
5.00/5 (1 صوت)

03-26-2014 07:24 AM
يقفلوشنوالسنه الجايه النت حيكون مجاني وبدون مراقبه حكومه مرض مادايرانانطلع العالم علي ظلمها


#953493 [AburishA]
5.00/5 (2 صوت)

03-26-2014 12:53 AM
** ماهس المواثع السلبية!! زي شنو مثلا ؟؟
** الناس ممكن تتخطى البروكسي...
** هناك برمجيات لفتج جميع المواقع..
** يمكن قريب ده يتم الاستغناء عن خطوط الهاتف للاتصال بالنت !!!


#953479 [منصور محمد صالح محمد صالح]
4.57/5 (5 صوت)

03-26-2014 12:18 AM
والله لو قفلتوها تكونو عملتو خير في شعب السودان،،،أصول الانترنت دا سبب البلاوي في السودان وفي العالم ،،كلو قلة أدب وفسق وفجور ،، أغلقوه حتي ينصرف الناس لعبادة الله وحده ،،،


ردود على منصور محمد صالح محمد صالح
United States [كركاب] 03-26-2014 04:34 PM
يا ساب البلد ماشايف شغلك
الزول دا ماقدرت عليه ،
انت اللقافه ليك شنو تعرفو بالراكوبه
اها صاحبك دا ناطى لينا فى اى حاجه
وماعنده غير الفرماله دى هههههههههه

European Union [عزة] 03-26-2014 09:46 AM
شكلك كنت فاسق وعاوز تبقى كوز
ارحم نفسك يا اخى الكيزان خلاص قرضوا على كده يعنى تانى مافى كوز جديد
يا ابوجهل
بالله انت الرد عليك خسارة لكن تغيظ انت يا اخى
نوعك هو سبب البلاوى
احسن ليك ابعد دمك وخليك فى حالك
جداد اكترونى نتن

European Union [مفجوع] 03-26-2014 06:55 AM
جانبك الصواب .. التعميم مضر أي نعم هناك مواقع للفجور والفسوق كما ذكرت في نفس الوقت هناك مواقع لطلاب العلم والباحثين والأخبار ..

[المتجهجه بسبب الانفصال] 03-26-2014 06:54 AM
يا منصور محمد صالح العباسي الحكومة ما همها الناس تنصرف لعبادة الله بدليل انها فاتحة قنوات فضائية كلها غنى ورقيص وهجيج وبعض منسوبيها النظاميين بروجوا في المخدرات وسط الطلاب وحادثة سيارة الاسعاف الحكومي قبضوها تنقل في العرقي بتاع العربية ده كان سائق انترنت ولا عربية ،، الحكومة مواقع الانترت فضحتها اكثر من الجرائد والمعلومة بتصل لأي زول في قانون الانترنتتحجب المواقع الفاضحة اما المواقع السلبية دي فكلمة فضفاضةزيها زي الوثبة ،، واذا كان انت منصرف لعبادة الله الدخلك تعلق هنا شنو ولا تعليقك ده رسلتو بالبوستة زي أيام زمان،، يا خوي تغلقوا الانترنت تغلقوا شارع المك نمر فضائح حكومتك واضحة زي الشمس ،،،،

United States [Oh] 03-26-2014 06:10 AM
شكلك فاشل ساي لأن النت فيه مراجع و كتب و حتى محاضرات علمية و دينية بس ذنبك انت اذا بتدخل مواقع ‏PORN ‎‏ او ما شابه

United States [الى (مهزوم الطالح ) من محمد أحمد طه] 03-26-2014 05:48 AM
و ماذا عن عبدة المال و السلطه ؟
بل ماذا عن عبدة الصنم الأوحد ذو ال25 عاما ؟

European Union [ابوكلام] 03-26-2014 03:01 AM
يا ابو جهل

European Union [unti-koz] 03-26-2014 02:50 AM
يا منصور انت مشكلتك شنو بالضبط و هل فى ناس برسلوا ليك صور غير محتشمة برضو عن طريق النت ؟


#953462 [خالد حسن]
4.50/5 (2 صوت)

03-25-2014 11:45 PM
شكلو الالم وصل العضم
المواقع السالبه عند الكيزان مابتعني المواقع الاباحية لكن المواقع المعارضه
ايام انتفاضة سبتمبر العظيمة كان الكيزان بخترقوا المواقع المعارضة ويختوا مكانها صور فاضحة من غباءهم ماحسبوا انه دي حايحسب عليهم اكثر من اصحاب المواقع

المهم ماهي التحوطات التعملها الناس لاي حجب لمواقع المعارضه؟
عشان لهيب الثورة يطل مشتعل وتواصل المعارضين بالداخل ماينقطع معناس الخارج
لن نعيش في كهف ياكيزان ولكل داء دواء ... والانترنت ما اختراع اسلاموي عشان تقدره تحجبوه


#953459 [كاكا]
4.75/5 (3 صوت)

03-25-2014 11:38 PM
تعليمات الرئيس التركي اردغان //السسودان الدولة الإمعة تتحرك بالرموت من قطر وتركيا وايران



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
1.00/10 (1 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة