الأخبار
أخبار السودان
«معاكسة فتاة» تقود لجريمة قتل مروعة عقب حفل تخريج بالخرطوم «2»
«معاكسة فتاة» تقود لجريمة قتل مروعة عقب حفل تخريج بالخرطوم «2»
 «معاكسة فتاة» تقود لجريمة قتل مروعة عقب حفل تخريج بالخرطوم «2»


03-27-2014 08:14 PM

الخرطوم: مجدي تيراب :

شهدت منطقة الخرطوم «2» في الساعات الأولى من صباح أمس جريمة قتل مروعة راح ضحيتها سائق عربة «أمجاد» في بدايات العقد الثالث من عمره طعناً بـ «سكين» على يد «6» من المتهمين بسبب معاكسة فتاة كانت برفقته ومعها آخرون، وقالت مصادر موثوقة إن الجريمة وقعت عقب انتهاء حفل تخريج إحدى الجامعات في ناد بالمنطقة، وأضافت المصادر أن مشاجرة دارت بين القتيل وأصدقائه مع المتهمين عندما قام أحدهما بمعاكسة فتاة حضرت معهم حفل تخريج صديقتهم فتدخل المارة لاحتواء الشجار إلا أن القتيل ذهب وراءهم وفي الأثناء استل أحد الجناة سكيناً من
بين طيات ملابسه وانهال عليه بالطعن مما أدى لوفاته في الحال ولاذوا بالفرار، تم إبلاغ الشرطة وعلى الفور خفت قوة من قسم شرطة امتداد الدرجة الأولى لمكان الحادث وبعد اكتمال كافة الإجراءات الفنية دونت الشرطة بلاغاً تحت المادة «130» من القانون الجنائي وأحيلت الجثة لمشرحة الخرطوم لتحديد أسباب الوفاة وتكثف المباحث الجنائية من تحرياتها للقبض على المتهمين لتقديمهم للمحاكمة.

اخر لحظة






تعليقات 16 | إهداء 0 | زيارات 14468

التعليقات
#956291 [تيكو]
0.00/5 (0 صوت)

03-28-2014 11:42 PM
امرحوم مات وشبع موت والله يرحمه لكن مافي داعي تشيعون اللغه العربيه معه وعليكم الله ياناس راكوبتنا اي خبر تجدون لغته العربيه ذي عربي حبوبتي مدينه في السكوت ماتنزلوه لينا ياخ ده عربي شنو صيغة شنو غايتو الذي صاغ هذا الخبر انصحه يمشي يبيع ليمون ارحم له ولنا


#956080 [الديمقراطي]
5.00/5 (1 صوت)

03-28-2014 04:10 PM
بالله يا جماعة لاحظوا لهذا التدني المريع الذي ضرب مستوياتنا الرفيعة التي كنا نباهي بها كل الدنيا قبل ان نخوض في وحل التوجه الحضاري . احد صحفيينا الذي ربما يحمل اجازة القيد الصحفي
لا يستطيع صياغة خبر بالصورة اللغوية السليمة . مع عدم المقدرة علي البناء الانشائي . اضافة
للاخطاء النحوية و الاملائية . و هذا ينطبق علي كافة المجالات في هذا السودان المنكوب . مع العلم
ان بالسودان الان اكثر من خمسين جامعة و مليون اكاديمية و الف مركز ابحاث و تطوير في شتي التجالات .


ردود على الديمقراطي
United States [محمد عوض الكريم الجعلى] 03-29-2014 03:13 AM
أولاد بمبه قالوا (علّم فى المتبلم يصبح ناسى) ماذا تتوقع من خريجى جامعات الـ Take away ?


#956022 [Kamal]
5.00/5 (1 صوت)

03-28-2014 02:46 PM
أثناء قراءة المقال شعرت إنى غبى لأنى بالجد لم أفهم شئ, لكن بعد قراءت التعليقات, عرفت أن صاحب المقال إما مخبول و إما سكران, لم نفهم من قتل من؟؟؟؟؟؟؟؟؟؟؟؟؟؟؟؟؟


#955954 [هبار شروك الليل]
5.00/5 (3 صوت)

03-28-2014 12:42 PM
دوشت راسنا يا كاتب المقال ماعرفنا الحجاز من القاتل اسي سيد الامجاد دا القتلو منو في الجماعة السته ديل ( المشاجرة بين القتيل واصدقائه من المتهمين )فهمتو حاجة ياناس!! ياحليل القراية ام دق


#955884 [ود الدكيم]
5.00/5 (5 صوت)

03-28-2014 10:18 AM
الصحفي الذي صاغ هذا الخبر المفروض يرجع المرحلة الإبتدائية مرة أخرى.


#955878 [Amin]
4.00/5 (4 صوت)

03-28-2014 10:08 AM
القتيل رجل شهم ..دافع عن الفتاة التي جآءت معه في أمجاده ومن معها

التمادي نتائجه وخيمة ..كان يجب أن يكتفي بزجرهم ..وذهابهم

له الرحمة

***المعاكسات دي في الحج موجوده .. يبطلوه ??!!!


عموماً المجتمعات العربية غير مهذبة نهاياً في هذا الخصوص
لا تقول دين ولا أخلاق لا عفة لا شهامة كل هذا لا يعصمهم

المجتمعات الأوربية تحترم الخصوصية .. وما ببحلقوا ناهيك من أن يعاكسوا
الفتيات المسلمات يجدن الإحترام والأدب والذوق في غير بلاد العرب والمسلمين ..!!!!!!!!!!!


ردود على Amin
United States [علي] 03-28-2014 10:06 PM
انا غايتو قريت في دراسة شملت كل دول الاتحاد الاوربي ..خلصت لي انو في 3مليون امرأة يتم اغتصابها او التحرش بيها كل سنة.

United States [لا تشتموا بجهالة وغباء وعدم معرفة] 03-28-2014 07:38 PM
لا تشتموا الاسلام بجهالة؟!! فهذا ليس مقياس لكل الناس المسلمة ولدين الاسلام فالدين الإسلام فيه المنافق وفيه الكذاب الاشر وفيه وفيه الزاني وفيه القاتل وهؤلاء كلهم توعدهم الله بعذاب.
ليس معنى من فعل هذا الفعل فطوالي نقوم ننسب هذا للإسلام؟

اولا اعرفوا احترموا دينكم وانفسكم وربكم وأن لا تكتبوا بايديكم عن جهالة وعمد فدين الاسلام بري من هكذا افعال واعمال.

United States [الغريب عن وطنو] 03-28-2014 01:17 PM
ما قلت إلا الحق ..
لي سنين طويلة في اوروبا ما حصل شفت لي بت بتتعاكس ..
إسلام بلا مسلمين ..


#955746 [صابر علي البلاء]
5.00/5 (4 صوت)

03-28-2014 06:59 AM
ما فهمنا حاجه الراوي اما سكران او متحرج من واحده من جامعات الكيزان. الله يرحم المقتول و اللغة العربية


#955694 [حسن سليمان]
5.00/5 (4 صوت)

03-28-2014 01:15 AM
ده عربي ده يا مرسي هههههههههه اكاد لا اصدق
قايتو جنس خرمجه ، الله يرحم الصحافة السودانية كلام الطير في الباقير


#955685 [halfaa]
4.00/5 (2 صوت)

03-28-2014 12:43 AM
حفل التخريج اصبحت زي حفلات الزواج وهاك يا تبرج وهاك يا رقيص انا مرة شهدت حفل تخريج كان الشباب بيشيلوا البنت فوق ياديهم وهي تبشررررر عالم عجيب زمن الانغاصصصصصصصصص مسخوها شديد


#955675 [حسام]
4.00/5 (2 صوت)

03-28-2014 12:28 AM
ربنا يرحم المقتول ويغفر له_ و يرحم شباب البلد


#955638 [محمد]
4.88/5 (7 صوت)

03-27-2014 11:20 PM
الفاهم يشرح لينا بالدارجى كده الحصل شنو بالضبط...؟؟؟مين القاتل ومنو المقتول /الاصدقاء/الامجاد/السائق/كانت برفقتهم// ربنا يرحم المقتول ...ويجفظ بلدنا وبناتنا من سوء الخاتمه...........


#955587 [ود النقرة]
4.88/5 (5 صوت)

03-27-2014 10:15 PM
لا حول ولا قوة الا بالله ربنا يرحمو ، علشان كده الحفلات و المهرجانات كلها تترتب عليها مفاسد دنيوية و هي أماكن الشيطان


#955579 [nagatabuzaid]
0.00/5 (0 صوت)

03-27-2014 10:09 PM
يحيرنىدائمامن-يقتل-ويهرب-ومن-يجتمعون-على-شخص-واحدومن-يدخلون-الوساطات-للعفو-عن-القاتل-مهماكانت-الاسباب-ناسين-ان-هناك-قاض-عادل-لاتخفى-عنه-خافيةمادام-الحكومة-تقتل-وتفراهاانتم-ياصعاليك-اقتلواوخليكمفارين-وماتنسوا-تفروامن-محكمة-السماء


ردود على nagatabuzaid
United States [nagatabuzaid] 03-29-2014 10:07 PM
لن-ارد-عليك-لانىبتعامل-بحرمالى-وانت-ماجرنك-اسيادك-برضوا-بحرمالى-لانالاجهزة-المزعة-عليكم-من-عرق-الشعب-السودانى-رايك-لايهمنى-فانتم-معروفين--مجودى-دى-سخرية-منك-يابليد-ياجدادةواكرر-لن-ارد-عليك-مرة-ثانيةلانك-تربية______________________-من-اسلوبك-واضح-امك-وين؟؟؟؟؟؟؟؟؟

European Union [مجدي] 03-29-2014 01:46 PM
يبدو ان [nagatabuzaid] - على تقدمها في السن - بذيئة وانا اعذرها..
ومع ذلك فان تدليلها لي بقولها (يامجودي) قد اصاب هوى في نفسي رغم فارق السن لذا فلا مانع عندي من المغامرة فان قبلت هذا العرض السخي ما عليها الا أن تقول ok واكيد انه اعجبها..

[nagatabuzaid] 03-28-2014 07:26 PM
تغليقاتى-يامجودى-للناس-الفاهمين-وعلى-مستوى-عالى-من-الفهم-وعارفين-كيف-بكتب-واستفسروا-عن-الخطوط-وعرغتهم-وفهموا-لانهم-فهمانين-لكن-انت-مرقت-كيف-من-القفص؟؟مافى-عليقة-ولا-شنو؟ارجع-لكوشتك-تلقى-فضلات-كثيرة-والغصبك-تقراء-تعليقى-وتردشنو؟؟متناقض-زى-حكومتك-كوشة-تلمكم

[مجدي] 03-28-2014 02:19 PM
تعليقاتك اقريها براك الناس ما عندها وقت تضـيعه في هذه الخربطة..
خليك امرأة عاقلة!!


#955568 [الوطن العزيز]
0.00/5 (0 صوت)

03-27-2014 09:59 PM
سلمولى على البازنجان عالم وهم


#955547 [ساب البلد]
5.00/5 (3 صوت)

03-27-2014 09:37 PM
********** ما قالوا التخريخ في الاندية منعوه ؟؟؟ ******** المرحوم غلطان القال ليهو يمشي وراهم منو ؟؟؟ ******* ربنا يتقبله ******* البلد بقت كتل x كتل *******


#955518 [سوداني وافتخر]
5.00/5 (1 صوت)

03-27-2014 09:03 PM
اذ سبتت عليه معاكسة الفتاة ايضا لا يستحق القتل فليس قتل الروح بالامر الهين فإن قتلها حرام شرعا، فإنها فتن زماننا هذا فنصف قتلانا في المقابر من الانغاذ والنصف الآخر من العين والنساء ، فبناتنا في زمننا هذا اعوذ بالله منهم من لبس فاضح والسهر انصاص الليالي اين رب الاسره من هذه البنت البتركب امجاد نصف الليالي اين الوعي لفتياتنا اين نحن من الاسلام الحنيف إتقن الله يابناتنا وشبابنا ، إنه لعار ان يعاكس شاب بنت وإنه عار ان تلبس بنت لبس فاضح فهذه الفتاه تحتاج عقاب ايضا اما القاتل فليس له سوي القصاص .


ردود على سوداني وافتخر
United States [Sudani] 03-28-2014 10:34 PM
الود ما ليك إنت يا سوداني يا مفتخر....ما تقابض ساكت.... الود للاخوان الطيب والديمقراطي ومجروس.... ياخ ارجع لكتابي الثاني اتعلم إملاء. ذاكر كويس وبعدين تعال شتم....
مالك شايلها معانا تقيلة كده.... نحنا بس قرينا ردك. وكتبنا ليك (أعد) وبس

United States [سوداني وافتخر] 03-28-2014 08:02 PM
سوداني ليس لك الود عندي لانك خاشي بالعرض ساي وانته والطيب بتاعك غرقانين في اللئامه والكذب والفجور ، هذا لانني عندما قلت وزكرت اللبس الفاضح لا اقصد به الفتاة كما انته تعتقد بل زكرت كل فتياتنا ، اما بالنسبه للكلمات زكرته لو كنته اصلاً مطلع وزتها كلمه من عندي هديه لك وله ، وانا بنصحك نصيحه من سوداني صحي صحي مش سوداني مزور ومضروب زيك ، لا تكون إمعه ، وهنالك مثل يؤقول حمارة الاحمديه الغرقة مع الحصين ، يافاشل ياعديم النظر ويااهبل إنته وصاحبك الطيب الما طيب .
..... وايضا ليس لك عندي ود......

United States [قريب الطيب اللي ابى يبيع النعجة] 03-28-2014 07:48 PM
كلكم ما عندكم موضوع


والله الناس اللي عندهم موضوع الناس اللي فوق علقت على صياغة الخبر

تعرفوا انت متشكلين ليه لانكم لم تفهموا الخبر ودايرين تعلقوا من اجل التعليق

فقط؟؟!!

انا اعتبر الناس اللي علقت على صياغة الخبر هي الناس الواعية رغم اجتهادها في فهم الخبر لكن عبرت عن عدم رضاها لصياغة الخبر ولتيراب صايغ الخبر

لا سوداني وافتخر ولا الطيب والديمقراطي والدكتاتوري ونافع على نافع وعمر البشير والطيب سيخة ومجروش ومدروش وبلة الغايب و.....و..... كلكم ما عندكم موضوع والفراغ بسوي اكتر من كدا.

European Union [الديمقراطي] 03-28-2014 05:01 PM
و الله يا الطيب بالجد اخونا (سوداني و افتخر) دا المرة دي افحمك . و طلعك اي كلام.
و بعدين يا الطيب انت ما تمشي تتشطر علي السعوديين البنطقو حرف (الضاد) ظاء
مع انو اللغة العربية اسمها لغة الضاد . يعني المابعرف ينطق الضاد دا اعجمي .

United States [Sudani] 03-28-2014 04:04 PM
يا مجروس ياخوي الزول ده محروق ساكت عليك الله خليهو.... قال لبس فاضح...فضيحة التخليهو يغطي إضنينو

United States [Sudani] 03-28-2014 04:01 PM
يا الطيب يا خوي زولك (سوداني وافتخر) ده الظاهر عملت ليهو نفسيات . شايفو قال في الرد بتاعك في كلمتين ما فهمهن ولا لقاهن في القاموس بتاعو ( اصلو قاموس جيب؟؟)....
اهه انا قريت ردك وفهمتو كلو ( وأفتخر)....خلي السوداني وبفتخر ده يقول لينا الكلمتين شنو عشان واحد يتكرم يشرحهن ليهو ويرسم جدول من عمودين : الكلمة ومعناها زي ما كنا بنعمل في سنة تانية ابتدائي.... وكت القراية كانت قراية
ولك الود

United States [سوداني وافتخر] 03-28-2014 02:20 PM
عايزين حصة إملاء للجاهل (الطيب )؟؟؟؟؟؟؟؟؟
1- (((يبدلون ))) وليس ((( يبدولون ))) ياوهم .
2- ((( القنوات ))) وليس القنوت ))) ياطيره .
3- ((( الاربعين ))) وليس الابعين ))) يامتخلف .
وكما قلت ياحليل التعليم عندما كان خريج الروضه افضل منك ، (ويادمقراطي )عليك الله اضحك تاني علي الوهم ده ، لانو الجمل ماشايف عوجة رقبتو .ههههههههه انسان اهبل واقرع ووضيع وماعندو إملاء...

European Union [زول مكتوي بنار الكيزان] 03-28-2014 01:47 PM
الطيب ياسجم الرماد ما تكتب (اربعين-ابعين) انت امي ولاشنو؟ عالم وهم

European Union [الديمقراطي] 03-28-2014 12:04 PM
يا (سوداني و افتخر) و الله الاخ الطيب الرد عليك قبلي دا ضححححكني .بس انا داير اقول ليك الشاب
الكتلوهو دا هو الكان بدافع عن الفتاة. و ما ممكن باي حال من الحوال تسسسسسسسسسسسسسسسسبت
عليهو معاكثثثثثثثثة الفتاة .

United States [سوداني وافتخر] 03-28-2014 11:19 AM
ثبتت سبتت مامهم المهم انك ياحشره فهمتني قلته شنو ، وبعدين القال ليك منو انا مثقف ، لا يااخوي الثقافه خليته ليك انته . انا جاااااااااااااهل بس الحمد لله معلومتي بي جهلي للحروف برضو وصلت ليك المعلومه ، ياوهم ، وبعدين راجع ردك فيه كلمتين فتشته ليهن في القاموس ماعرفته معناهن ، ياخنزير زمانو .هههههههههههه قال ثبتت قال . عالم طير .

European Union [الطيب] 03-28-2014 07:00 AM
يا سجم الرماد "ثبتت" بحرف الثاء وليس السين، ويبدو أن مشكلة السودانيين مع حروف الثاء والذال والقاف قد تفاقمت كثيراً بابدالها حروف السين والزين والغين، اقسم بالله لقد سمعت علماء دين سودانيين يبدولون بحرف الثاء حرف السين بينما مذيعة في احدى القنوت العربية في العشرينات تنطق الكلمات التي بها حرف الثاء بكل وضوح وتمكن من ناصية اللغة.
ثانياً يا سجم الرماد ليس هناك وجه فخر بالجنسية وانما اكرمكم عند الله اتقاكم وما اراكم الا مقلدين عميان بهذه الكلمة التي يستخدمها اللبنانيون كثيراً، وهم قوم يرى بعضهم التدين دون الابعين عيباً، وفلسفتهم في ذلك طالما انك دون الاربعين فعش حياتك.
يا حليل التعليم عندما كان خريج الابتداية والخلوة خطيباً .

European Union [مجروس ق ش م] 03-27-2014 11:42 PM
القال ليك البنت ﻻبسه لبس فاضح منو .انت بتعرفه



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة