الأخبار
أخبار السودان
مسؤول ببرلمان حزب البشير يطالب بزيادة الجمارك على السلع غير الضرورية
مسؤول ببرلمان حزب البشير يطالب بزيادة الجمارك على السلع غير الضرورية
مسؤول ببرلمان حزب البشير يطالب بزيادة الجمارك على السلع غير الضرورية


لمواجهة انهيار الجنيه
03-29-2014 09:08 PM
كتب مركز حزب البشير الصحفي

SMC الخرطوم

طالب نائب رئيس لجنة الشؤون المالية والاقتصادية بالمجلس الوطني د. بابكر محمد توم بضرورة رفع قيمة الجمارك على واردات السلع غير الضرورية لمواجهة ارتفاع سعر الصرف.
وأكد نائب رئيس لجنة الشؤون المالية بالبرلمان في تصريح لـ(smc) أن زيادة سلع الصادر وترشيد الواردات هو الضمان لاستقرار سعر الصرف للدولار داعياً لتحفيز المنتجين المحليين للقمح والسكر والزيوت النباتية وقال يجب معاملتهم بالأسعار العالمية لتلك السلع، مبيناً أن على الدولة توفير الموارد وتشجيع القطاع المحلي في صناعة الدواء.
وأشار إلى أهمية أن تكون الدولة حاضرة في صناعة الدواء لعملية ضبط الجودة مبيناً أن فتح الباب لاستيراد سلع ثانوية ساهم في ارتفاع سعر الصرف مما أدى لتضخم واختزال معدل النمو، وعاب الاتجاه لاستيراد المزيد من السلع الثانوية في مقابل عدم زيادة في الصادر.
وشدد محمد توم على أهمية الالتزام بسياسات البرنامج الثلاثي الاقتصادي لتحقيق أكبر زيادة في صادرات القطن والقمح والمعادن والثروة الحيوانية، مؤكداً أن السنتين الماضيتين لم تشهدا نمواً في الاقتصاد إلا في قطاعي النفط والمعادن، موضحاً أنه لابد من العمل وفقاً لسياسات اقتصادية وليس عبر قرارات إدارية لتحقيق الاستقرار الاقتصادي المنشود.






تعليقات 22 | إهداء 0 | زيارات 4337

التعليقات
#958008 [خالد عثمان]
5.00/5 (1 صوت)

03-30-2014 05:44 PM
الكلاب ديل بيوت الموظفين فى مدنى مسحوها واقامو فيها عمارات مساحه عشرين الف متر اتنهبت عملنا انا وزميل لى مهتم بالموضوع مسح لملاك تلك العمارات وجدنا معظمهم موظفين من شمال السودان 80%منهم من منطقه واحده والباقى برضو من الشماليه ولا واحد من الجزيره مع انو الارض المزكوره اعلاه فى قلب مدنى يعنى موش فى مروى ياجماعه البحصل ده شنو والله الجنوبيين ليهم حق نحن ناس الجزيره البجيب حقنا من نا س الشماليه شنو


#957913 [خالد عثمان]
5.00/5 (1 صوت)

03-30-2014 03:33 PM
هل لبن الاطفال سلعه غير ضروريه امس علبه لبن سته اشهر اصبح سعرها75جنيه زياده خمسه جنيه فى اقل من اسبوع والله يالبشير احسن تسلم البلد وتمشى فى ستين داهيه


#957771 [شليل]
0.00/5 (0 صوت)

03-30-2014 01:21 PM
جوعت الناس يارقاص

هام دي:

بدر مدر يا رواسي نحن بعاد لحقنا القيفة
انت مدبج ونحن نقاسى فى برد امشير والموج والزيفة
مركبك الماليها مطارق تمشي تقيف تسرح بى كيفه
مرة مغارب ومرة مشارق وانت تخاف الريح وحفيفه
ساوها زينة وفوقها بيارق وانت مدبج توب وقطيفة
فيها المات والضاربه الفالق والسلمين فى حالة مخيفة
كل الناس ترزح في كفة وانت وناسك فوق الدفة
الدايشين والراسهم لفة والشاخصين فى المدى للضفة
صوف افضالك فوقهم جوة فوق الموية وريقهم جفة
من العطش النص اتوفى وباقى النص الفضل جيفة
....
ضاقوا المر والحال استعصى الشغال واللاحق الحصة
الواصال للرحم اتقصة والهداي مو لاقى الفرصة
الرساي سافر ما وصى خلى محمد واحمد وحفصة
الاطفال العرفو القصة سدت جوة حلوقهم غصة
من الجوع الدم اتمصة واصبح كل الحلم رغيفة
.....
كل الراكب شاف احلامه دون احساس ماتت قدامه
فنُ كتابه وكسر اقلامه لا الوالدين لا جار ما لامه
ناس الحلة القعدوا وقاموا اصر والح يمشى كلامه
هزموهو اخوانه البى الجوع نامو وكم خريج ما لاقى وظيفة
.......
يا الفكيتها وقلت لها سيرى وعارف انه الدنيا دميرى
لا فى ضفاف لا شفنا جزيرى لا فى الحيرى ولا في الطيرى
كسرت جناحها وقلت لها طيرى اتملكت الكانت ميرى
يا السودت الناصع وجيرى ايد الحق صابونى وليفة
......
قبلك كم متعلم وقاري عكس الريح فكولو الصارى
مشدوهين متعشى وحارى ريسها شلته والبحارى
كم سنوات علام البارى واقفى وهم شايفنها جارى
بقينا هلاك والقيف متضارى لا حجار لا دوحة وريفة
.....
حسك عينك ما تتمادى وتنسى الراكب عنده ارادة
الاهوال الشافها وخاضها كان فى مدرسة والا عيادة
شفنا الايد الكان اجوادة يا مبتورة يا شحادة
وياما رقاب كانت سدادة علمت الله من التعريفة
......
يا ريسنا قدر مديرك فك الدفة وادها غيرك
احفظ نفسك ترضى ضميرك وقف اوع تواصل سيرك
كان طاوعتنى شن بيضيرك عرض اكتافك وفك البيرك
لا هنى شكرا وكتر خيرك وكل انسان في الارض خليفة


#957744 [راجع للوطن]
5.00/5 (1 صوت)

03-30-2014 12:55 PM
الاقتصاد علم البدائل...أى جحش يمكن أن يمشى البلد لانه يعرف لوماف نجيلة ياكل تبن.
ولكن الشعب لايريد حياة اقتصادية ..بدائلية...الشعب يريد حياة كريمة مستورة مطمئنة...كما عشنا قبلهم حياة كريمة عزيزة مطمئنة.


#957711 [عباس التحت اللباس]
5.00/5 (1 صوت)

03-30-2014 12:23 PM
هههههههههه سلع غير ضرورية قال هي كل السلع بقت ضرورية وانتو عندكم سلع


#957640 [radona]
5.00/5 (2 صوت)

03-30-2014 11:32 AM
ليس هذا كل الحل ايها المسئول البرلماني بحزب البشير
ليس كذلك وليس هذا كل شئ
الاولوية الاقتصادية تحتم اعادة هيكلة الحكومة الى اقل من 15 وزارة و5 اقاليم للحكم وتسريح جيوش العطالى من الدستوريين وانقاص اعضاء البرلمان الى مادون 100 عضو ومنع الحج والعمرة على حساب الدولة ومنع تعليم وعلاج اسر وابناء الدستوريين بالخارج والداخل على نفقة الدولة وتخصيص سيارة واحدة لكل دستوري من صنع جياد وتخفيض رواتب ومخصصات الدستوريين الى مادون ال50% وتقديم الفاسدين في سودانير وسودان لاين وشركة الاقطان والحج والعمرة والاوقاف والتقاوي والمبيدات الفاسدة ووزارة الرعاية الاجتماعية ووزارة المعادن ومشتريات الكهرباء وجوكية البنوك ومن يقف خلفهم والمسئولين الذين يجنبون الايرادات والذين يحصلون الاموال خارج اورنيك 15 او بنموذج منه والمقاولين الذين نفذوا الطرق الرديئة والمسئولين الذين استلموها منهم وشركة النظافة بالخرطوم والمسئولين عن تهريب الذهب والصمغ العربي والسمسم الى دول الجوار
هذه اولويات اعادة بناء الاقتصاد السوداني المنهار وماعدا ذلك فهو مضاربة ومزايدة سياسية رخيصة ولكن هذا هو الاجراء الاسعافي وحتى يتم حسم امر التمرد عبر الصيف الساخن او السلام


#957635 [ابو ابراهيم]
5.00/5 (1 صوت)

03-30-2014 11:28 AM
ما يعني الرجل بصادرات القمح هل يا ترى وهو رئيس اللجنة الإقتصادية لا يعلم اننالم نصدر في تاريخ السودان القريب والبعيد كيلة قمح واحدة؟


#957597 [ابومحمد]
0.00/5 (0 صوت)

03-30-2014 10:55 AM
هذه الوصفات الجزئية لعلاج الازمة الاقتصادية
السودانية هي التي اوصلتنا لهذا الحال
والامر مستغرب ان تصدر من خبير اقتصادي في
قامة وعلم د. بابكر محمدالتوم اذ كان ينبغي
ان تكون هناك استراتيجية شاملة وكاملة
تتضمن السياسات الاقتصادية والمالية والنقدية
التي تغطي كافة جوانب المشكلة الاقتصادية مع مراعاة ما افضت اليه الحلول الجزئية السابقة من
اثار سلبية وتراكمات اوصلتنا لهذه المشكلة .
اعزرني يا استاذي انا لست في قامتك وان كنت مختصا في الاقتصاد


#957487 [الصابر]
5.00/5 (2 صوت)

03-30-2014 09:19 AM
خربتو البلد ،، تفكير سطحي غير مدروس ،، مؤهلات علمية غير موجودة ،، ليكم الله اطلعو من حياتنا ،، كرهتونا من تفكيركم الغير سليم وغير مدروس ،،


#957472 [محموم جدا]
0.00/5 (0 صوت)

03-30-2014 09:10 AM
قال.. نائب رئيس لجنة الشؤون المالية والاقتصادية بالمجلس الوطني؟
سبحان الله كيف يفكر هذا الدكتور ؟ أعتقد أن تفكيره لم يتجاوز موضع قدمه أو له مآرب أخرى


#957446 [جركان فاضى]
5.00/5 (2 صوت)

03-30-2014 08:58 AM
مين غير مجرمى الانقاذ بستورد سلعا كمالية؟...والسودان فى احسن حالاته كانت وارداته من السلع الضرورية تمثل 90%...والسلع الكمالية المتمثلة فى السيارات الفارهة والاثاث الايطالى الفخم والدديكورات وانظمة الاضاءة الحديثة من الذى يشتريها حاليا؟...ايشتريها اساتذة الجامعات؟ كلا انما يشتريها المؤتمرجية المنافقين وكلاب الامن ....اساتذة الجامعة جيعانيين فى بطونهم ...وطلاب الكيزان يأكلون فى افخم المطاعم العالمية...بلد ماشة بالمقلوب


#957434 [حكومة السجم]
5.00/5 (1 صوت)

03-30-2014 08:48 AM
تنظير في تنظير ولا خطه ونظرية لحدي الان نجحت ديل اتعلموا وين وبفكروا كيف .؟؟؟
جمارك جمارك ضرائب برضو ما عملت حاجة الحكاية خربانه خالص مافي اي امل من حلها طالما المؤتمر الوطني موجود .

العربية من مصنعها لحدي ما يجربوها بتكلف 10 الف دولار قول 30 الف دولار وعندنا جماركها 100 الف دولار يعني جماعتنا عندهم الجمارك أعلى سعره اهلها انفسهم

عالم حقاره تحب نفسها يعيشوا هم ويموت غيرهم ما يهمهم


#957424 [man men alsudan]
1.00/5 (1 صوت)

03-30-2014 08:42 AM
﴿ إِنَّ مَعَ الْعُسْرِ يُسْراً ﴾
يا إنسانُ بعد الجوع شبعٌ ، وبعْدَ الظَّمأ ريٌّ ، وبعْدَ السَّهرِ نوْمٌ ، وبعْدَ المرض عافيةٌ ، سوف يصلُ الغائبُ ، ويهتدي الضالُّ ، ويُفكُّ العاني ، وينقشعُ الظلامُ ﴿ فَعَسَى اللّهُ أَن يَأْتِيَ بِالْفَتْحِ أَوْ أَمْرٍ مِّنْ عِندِهِ ﴾ .


#957347 [جاكومه]
0.00/5 (0 صوت)

03-30-2014 07:46 AM
يا جماعة كدى باركوها شوية !!! كلام د. بابكر ده منطقى شوية وكمان بينطلق من فكرة اقتصادية ( اسالو اهل الاقتصاد ان كنتم لا تعلمون ؟؟ ))


#957340 [المرفعين]
5.00/5 (1 صوت)

03-30-2014 07:43 AM
لكم الله يانوام البرلمان حسينا الله ونعم الوكيل فيكم وفوضنا امرنا لله ليقتص لنا منكم يوم الحشر العظيم ومن منا له فى السلع الكمالية ستكونوا انتم اول المتضررين اما بتاخزوها مجانا مع المرتبات والحوافز لم نسمع لبرلمانى ان اعينوا الاف العطالى لخلق فرص عمل او المحتاجيين من معظم الشعب المغلوب على امره فى اعانتهم على ابسط مقومات الحياة الا وهو ماء صحى للشرب يشرب جل الشعب كدرا وطينا وهنك من يتحدث عن زياده الضرائب فى الكماليات اكيد انه من كوكب اخر ابحثوا له عن طبيب نفسى ربما يكون مريض بالانا انا اتحدث انا موجود


#957336 [bullet ant]
5.00/5 (1 صوت)

03-30-2014 07:39 AM
ايها الحمار الانقاذى
مااسهل ان تتفوه بالترهات من مكتبك الفاره لقد اذدادت الجمارك الى الدرجة التى اصبح فيها الجمرك اكثر من القيمة الاصلية فالى اى حد تريد ان تحلق بالتحصيل الجائر قاتلك الله انت و امثالك الهمباتة الذين يرون و يعرفون موطن العلة و ترفض نفوسهم المريضة الا ان تطعن الظل تاركا اصل الشر يقبع فى القصر الا لعن الله السلطان و بطانة السؤء التى لا تدفع اى ضريبة و تعيش عالة على كل شئ


#957316 [الجمارك سلام]
5.00/5 (1 صوت)

03-30-2014 07:21 AM
يا اخي البرلماني انطم واسكت اليس لديك طريق آخر لمعالجة انهيار عملتكم غير الضرائب هل ذلك بحل؟


بس قاعدين تشوفوا اسهل الطرق التي تزيد عزاب المواطن وتعملوه انتم اصلا قاعدين ليه ؟


بهائم غنم الله رمانا فيكم . الله اصرفكم عنا وللجحيم جميعا ايها البرلمانيين الفاشلين .


#957187 [من المركز]
0.00/5 (0 صوت)

03-30-2014 12:02 AM
لكم الله يا شعب لسع الدوله دايره تاخد قروش منكم . لازم الواحد يكون عبقري عشان يفهم انه الدولار طار السماء وفوق دا الحكومه دايره تزيد الجمارك لمواجهة سعر الصرف . منو البيقدر يدفع تمن البضائع دي؟ السؤال المهم كم حاتزيد مرتبات العمال لمواجهة الزيادات الجايه في الطريق؟ والله الحكايه غلبتكم تب!!! اذا خلوها باخوي واخوك عشان الله يفرج علينا بالمساعدات الواقفه بسببكم وحتما الديون حا تعفي اذا غرتم من وشنا. ارحمونا الله لا رحمكم . الا لعنة الله علي الظالمين


#957170 [سوداني وافتخر]
4.50/5 (3 صوت)

03-29-2014 11:27 PM
ابشرو يا مغتربين اي مغترب تاني يرجع السودان يرجع مولاي كما سفرتني الفرشه والمعجون خليهن ماتشيلن معاك سفنجتك ماتبراك ارجع بي لباس وفنيله داخليه اوعه تلبس بدله بدقوك فتاشه احلق صلعه مامعروف يمكن يكون شعرك كتير يعملو ليه جمارك ، اوعه تتف في المطار بحسبو ليه جمارك ، وكان ده كلو غلبك خليك في الغربه احسن .حكومه تجنن .


#957162 [سليمان]
5.00/5 (1 صوت)

03-29-2014 11:04 PM
زيادة اكتر من كدا وفي السلع غير الضرورية والله اصلا في تغشف شديد فينا لمن بقى عندنا حتى الاكل بقا حاجه ما ضرورية
عمك شكلو احساس ما عندو الخاززززززززق يزيد السكر يقول دا سلعه غير ضرورية
رسالتي ليهو (((((أذهب الى الجحيم يا د. بابكر محمد توم)))))


ردود على سليمان
United States [دياب] 03-30-2014 07:26 AM
والله حرام عليك ان تقول لى الدكتور بابكر اذهب الى الجحيم فهو والله من انظف البرلمانين نعرفه جيدا فهو من ولاية سنار ودالعباس وقد ساعدنا كثيرا ولن ننسى له جمائله ابدا واردناه والى علينا ولكنه رفض ذلك .ياخى اختلف معه فى طرح فكرته ولاغضاضه فى ذلك ولكن سعادة اللواء لن نقبل فيه اى اهانه فهو نظيف ولو عايز تصدق اذهب ود العباس واسال عنه وشوف بيته واهله واخوانه عادين جدا وبسطاء ذهبت له فى بيته ووجدته عادى .وايضا خدوم جدا .


#957151 [كاكا]
5.00/5 (2 صوت)

03-29-2014 10:39 PM
طالب نائب رئيس لجنة الشؤون المالية والاقتصادية بالمجلس الوطني د. بابكر محمد توم بضرورة رفع قيمة الجمارك على واردات السلع غير الضرورية لمواجهة ارتفاع سعر الصرف.
اذا تم رفع الجمارك في السلع غير الضرورية تأكد من ان الزيادة سطول اي سلعة منتج محلي او مستورد وبالتلى سيزيد سعر الدولار لان ثقافة زيادة الاسعار اتعشش في زهن التاجر السوداني حت من يبيع الفجل عند سؤاله ليه سعر الفجل زاد يقول الدولار ما زايد


#957131 [ابو محمد]
5.00/5 (2 صوت)

03-29-2014 10:02 PM
السؤال ياتوم انتو الجابكم البرلمان الشعب ولا المؤتمر الوطنى لوالشعب دا ماكلام برلمانى انتخبو الشعب للتحدث باسمة والدفاع عن قضاياة والبحث عن رفاهيتة من اجل العيش الكريم وان كان غير ذلك فيجب ان لا نسمية برلمان اوبرلمانيون (طلاب رزق) يلعقون احزية اسيادهم من اجل ان يكونو ولكن اوعدك انى ارى نهايتكم قد دنت فتذكر قولى وانظر الى اسيادك حينها ماحل بهم وانتم جميعا الى مزبلة التاريخ والمجد والخلود للشرفاء وعاش السودان وسيعيش حرا مستفلا وان غدا لناظرة لقريب وسيستبشر الشعب خيرا



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة