الأخبار
أخبار إقليمية
عمك تنقو، والكيزان.. كاريكاتير عمر دفع الله
عمك تنقو، والكيزان.. كاريكاتير عمر دفع الله
عمك تنقو، والكيزان.. كاريكاتير عمر دفع الله


03-30-2014 09:01 PM
يتألق الفنان التشكيلي عمر دفع الله في كاريكاتير جديد بطله هذه المرة العم (تنقو) الذي مثل كل أبناء شعب السودان يعاني من حكم الأخوان المسلمين (الكيزان).
image


تعليقات 29 | إهداء 0 | زيارات 10045

التعليقات
#959587 [ود الجنينة]
0.00/5 (0 صوت)

04-01-2014 08:48 AM
أود أد أذكر السادة القراء بان الحاج محمد عثمان تنقو توفى فى العام الماضى بمدينة الجنينة نسال الله له الرحمة و المغفرة


#959230 [zangazanga]
5.00/5 (1 صوت)

03-31-2014 07:57 PM
نشكر للفنان المبدع عمر دفع الله تصويره الشخصية الاسطورية عمك تنقو بهذا الشكل الجميل . ونرجو من الفنان عمر دفع الله أن يجعل لنا عمود يومى فى الراكوبة بإسم ( يوميات عمك تنقو ) أنا متأكد جدا يجد قبول منقطع النظير لأن هذه الشخصية الاسطورة معروفة ومحبوبة جدا منذ القدم مع الفنان الكبير شرحبيل احمد الله يمتعو بالصحة والعافية ..ودى رأى شخصى لكن أكيد يجد القبول من الصغار والكبار حتى إذا دخلنا الراكوبة نجد عمك تنقو سبقنا ومنتظرنا..والشخصية التانية لعمر دفع الله .محمد أحمد المستغرب من وضع تصرف الكيزان كل الاثنين يعبر عن حالتنا الغلابة المستغفلين من المركز فى حكومة الانقاذ .


ردود على zangazanga
United States [Nura] 04-01-2014 06:11 AM
Did Omar get permission from Sharhabil to use this Charactor?


#959109 [عنبر عمر الطيب]
5.00/5 (1 صوت)

03-31-2014 05:07 PM
Bravo , our brother Omar


#959060 [ZA HAGAN]
0.00/5 (0 صوت)

03-31-2014 04:15 PM
Mieki Mouse of Disney , Turabi Mouse of Sudan . Work well done


#958952 [انين الصمت]
0.00/5 (0 صوت)

03-31-2014 02:31 PM
رووووووووووووووووووووووعة


#958865 [شلاقة]
1.00/5 (1 صوت)

03-31-2014 01:25 PM
بدر مدر يا رواسي نحن بعاد لحقنا القيفة
انت مدبج ونحن نقاسى فى برد امشير والموج والزيفة
مركبك الماليها مطارق تمشي تقيف تسرح بى كيفه
مرة مغارب ومرة مشارق وانت تخاف الريح وحفيفه
ساوها زينة وفوقها بيارق وانت مدبج توب وقطيفة
فيها المات والضاربه الفالق والسلمين فى حالة مخيفة
كل الناس ترزح في كفة وانت وناسك فوق الدفة
الدايشين والراسهم لفة والشاخصين فى المدى للضفة
صوف افضالك فوقهم جوة فوق الموية وريقهم جفة
من العطش النص اتوفى وباقى النص الفضل جيفة
....
ضاقوا المر والحال استعصى الشغال واللاحق الحصة
الواصال للرحم اتقصة والهداي مو لاقى الفرصة
الرساي سافر ما وصى خلى محمد واحمد وحفصة
الاطفال العرفو القصة سدت جوة حلوقهم غصة
من الجوع الدم اتمصة واصبح كل الحلم رغيفة
.....
كل الراكب شاف احلامه دون احساس ماتت قدامه
فنُ كتابه وكسر اقلامه لا الوالدين لا جار ما لامه
ناس الحلة القعدوا وقاموا اصر والح يمشى كلامه
هزموهو اخوانه البى الجوع نامو وكم خريج ما لاقى وظيفة
.......
يا الفكيتها وقلت لها سيرى وعارف انه الدنيا دميرى
لا فى ضفاف لا شفنا جزيرى لا فى الحيرى ولا في الطيرى
كسرت جناحها وقلت لها طيرى اتملكت الكانت ميرى
يا السودت الناصع وجيرى ايد الحق صابونى وليفة
......
قبلك كم متعلم وقاري عكس الريح فكولو الصارى
مشدوهين متعشى وحارى ريسها شلته والبحارى
كم سنوات علام البارى واقفى وهم شايفنها جارى
بقينا هلاك والقيف متضارى لا حجار لا دوحة وريفة
.....
حسك عينك ما تتمادى وتنسى الراكب عنده ارادة
الاهوال الشافها وخاضها كان فى مدرسة والا عيادة
شفنا الايد الكان اجوادة يا مبتورة يا شحادة
وياما رقاب كانت سدادة علمت الله من التعريفة
......
يا ريسنا قدر مديرك فك الدفة وادها غيرك
احفظ نفسك ترضى ضميرك وقف اوع تواصل سيرك
كان طاوعتنى شن بيضيرك عرض اكتافك وفك البيرك
لا هنى شكرا وكتر خيرك وكل انسان في الارض خليفة


#958821 [البعشوم]
0.00/5 (0 صوت)

03-31-2014 12:57 PM
الله يجيب العازة ام عرقوب من بيت أبوها في جوبا


#958620 [ود رجب]
4.88/5 (5 صوت)

03-31-2014 10:26 AM
عمك تنقو للعازةجا راجع---وبداللعازة عن نفسة يرافع---وقال ليها بنات الحور خليتها للبشير ونافع---النطفو ا السودان من كل شاب وشافع--ورسلوهم الجنوب للمدافع--عشان كل واحد فيهم للوطن يدافع --وهم يقعدوا في الخرطوم للمنافع


#958605 [كبسيبة]
5.00/5 (2 صوت)

03-31-2014 10:14 AM
ياخي دي قلبت فيها هوبة عدييييييل كدا يا مبدع


#958589 [habbani]
5.00/5 (3 صوت)

03-31-2014 10:03 AM
حلوة شديــــــــــــــــــــــــــــــــــــــد


#958343 [شاذ افق]
5.00/5 (4 صوت)

03-31-2014 06:52 AM
رائع يا عمر كلك ابداع والله ما خليت شئ وحقيقه ديه شغل الكيزان تسلم الف تحيه ليك


#958305 [بت البلد]
5.00/5 (9 صوت)

03-31-2014 05:09 AM
عمك تنقو رجع فرحان
ولاقا العازه بالأحضان

لابسه الوردي وأجمل فستان
نسى الجنه والحور والمرجان
وقال للعازه غشوني الكيزان

قالتلو العازه أنا حواك
ما سمعت كلامي وتابعت هواك

قالها يالعازه خلاص انا جيت
سامحيني خلاص انا وعيت
واعتبريني مريض وشفيت
والبسمع كلام الكوز
بليد وعبيط

وقال لى تيه وملوال
باي ...باي
أمشو خلاص أنا لقيت حواي
واشبعو انتو منقا و باباي


ردود على بت البلد
[كرتوت] 03-31-2014 05:57 PM
مبدعة والله يا بتنا

United States [حيرتونا] 03-31-2014 10:11 AM
حلوووووووووة يا بت البلد


#958279 [عمك تنقو لقى حوريه]
0.00/5 (0 صوت)

03-31-2014 02:49 AM
.


#958264 [جبل مرة]
5.00/5 (2 صوت)

03-31-2014 02:01 AM
كلك إبداع وفن ما هوا ديل وبنفس القدر، قاموا بالاستبداد والفساد، وأكل أموال الناس بالباطل، وسفك الدماء بغير حق، بل والتعدي على الأعراض،وحرمات هذا الشعب الكريم ربنا يسقطتهم ويهلكهم جميعهم.


#958249 [مجروس ق ش م]
5.00/5 (8 صوت)

03-31-2014 01:16 AM
مازالت عازة حبلي بالمبدعين .حقيقة اتابع هذا الابداع ولدي تساؤلات كثيره هل عمر دفع لله يبدع من داخل السودان .اما من المنافئ البعيده .نسأل الله ان يحميك زخرا للوطن وان تكون مدرسه يتخرج منها مزيد من المبدعين .وارجو ان يتعلم المومياء اسحق فضل الله كيف يكون اﻻبداع وتحيه للأستاذ شرحبيل أحمد الذي اتحفنا و امتعنا بعمك تنقو والعازة .لماذا ﻻيقوم بعض للسودانين المتخصصين في مجال البرمجيات باعاده انتاج عمك تنقو وبعض الالعاب الشعبية في السودان كالعاب كمبيوتر حتي تستهوي جيل العالم اﻻفتراضي يمكن توصيل الثقافة السودانية ﻻطفال اليوم باﻻدوات التي يعرفونها مثل الكمبيوتر و اﻻي باد و التلفون


#958218 [ربش]
5.00/5 (2 صوت)

03-31-2014 12:22 AM
طبق الأصل ... ولا أحلي ....شغل نضيف ... تسلم يارائع .


#958191 [معقولة بس ؟؟]
5.00/5 (6 صوت)

03-30-2014 11:42 PM
عمك تنقو مكانته كبيرة عندنا
لكن .. يا استاذ عمر .. فرقك شنو من فناني الزمن دا العايشين على ورثة الفنانين الكبار؟؟

عمك تنقو له حق ملكية فكرية خاصة بالفنان المبدع شرحبيل أحمد
فى دولة تانية .. حاجة زى دى كان كلفتك الكتير يا صاحبى
وانت راجل قاعد فى اوربا وعارف

ارجو ان يكون لك ابداعك الخاص
وشكراً


ردود على معقولة بس ؟؟
United States [دا كلام ما صاااااح] 03-31-2014 12:04 PM
سلام على كل السادة المعلقين
طبعاً كالعادة اى واحد يقول راى ما يعجبكم ، يبقى كوز وعاوزين تركبوه الماليزية .. نفس فهم الكيزان والحكومة (اقصاء الآخر) ..

اولاً .. انا ما اتعرضت لفكرة الكاريكاتير .. يعنى رأى كان فى استخدام الشخصية المملوكة فكرياً لفنان مبدع ، فقط لا غير

تانياً .. الغرض كان التنبيه لا اكثر ولا اقل .. يعنى مستقبلاً لو تعدى على حق من لا يرضى .. تكلفة الموضوع دا كبيرة جداً

ثالثاً .. ما قام به الفنان عمر (متابع ابداعاته ولا اشك فى موهبته) .. لو كان فى جريدة حائطية مدرسية .. فما مشكلة .. كلنا عملناها فى صغرنا .. لكن ينشر على الملأ فى الإنترنيت ، فهذا شىء اخر.

رابعاً .. متأسف جداً. يمكن الأسلوب كان جاف بعض الشىء .. وكان الغرض التنبيه ليس الا .. كان من الممكن ان يكون فى الخاص .. بمعنى رسالة فى بريده الإلكترونى ، لكن فكرت فى تنبيه عام ، للناس كلها .. لأنه فى اشياء نحن ما بنديها اعتبار

اعتذر اخوتى ولكم العتبى
وشكراً

[Kantoosha Khamis] 03-31-2014 08:46 AM
عمر دفع الله فنان مبدع و ليهو اعمالو الخاصة, و ان يقدم لنا عملاً يستخدم فيه شخصية عمك تنقو التى صممها الاستاز الكبير شرحبيل احمد و التى اعتمد فيها على شخص حقيقى يجسد السودانى الطيب و غلبان, استخدام المبدعين لذلك لا يعنى ضعغهم, بل مذيداً من الابداعات, و المساهمة الكبيرة فى الجهاد ضد الحكم الظالم فى السودان, و هذا النوع من السلاح الفتاك يفعل فيكم انتم بنى كوز افعال يعلمها الله, الى الامام استازنا الجليل و لا تهتم الى هذه السخافات الكيزانية, و على الكل ان ينتبه الى التعليقات المضادة لاننا نعلم جميعاً ما وصل اليه حال بلادبا من البؤس و المهانة, فلا مجال للذين يقدمون انتقادات لا تخدم قضيتنا.

[مدني الحبيبة] 03-31-2014 08:01 AM
كدي انظر لكل التعليقات ، وقيم نفسك

United States [مدني الحبيبة] 03-31-2014 08:00 AM
كدي خلينا من الحقد والحسد الاعمى ، لو كنت متابع لاعمال الفنان عمر دفع الله بشكل محايد وامين ماذكرت مثل هذا الحديث ، صدقنى عمر دفع الله اصبح المتنفس الابداعي لكل السودانيين الاصيليين ، سودان الزمن الجميل ، ليس سودان الناس الشؤاذ في كل حاجة ، نقد غير موضوعى وهدام يهدف لتكسير مقاديف كل المبدعين ، حمى الله بلدنا من افة الكيزان والناس الساكت

United States [كابتن الماليزية] 03-31-2014 03:29 AM
يرجى الانتباه ... !

النداء الاخير .. على المسافر على الخطوط الماليزية .. على متن الرحلة رقم 370 والمغادرة إلى الأبد ..
السيد / (معقولة بس) سرعة التوجه نحو الطائرة .. بالبوابة رقم 13.

ونلفت إنتباه السيد (معقول بس) إلى ان كابتن الطائرة قال انه لن يغادر من دونه لذى نرجوا من عمال الماليزية يجيبوا المسافر ده طوالي ويستحسن أن يحضر للركوب من تلقاء نفسه؛ كده كده الماليزية في إنتظارك لتنطلق في أشهر رحلة في التاريخ .. غى تفوت الفرصة ..
تيينق .


#958184 [شكلوتة]
5.00/5 (2 صوت)

03-30-2014 11:32 PM
الى الامام ياود دفع الله واللة ابدعت


#958178 [الشاكووش]
5.00/5 (3 صوت)

03-30-2014 11:24 PM
يا عمر أرجو أن تستمر وتعمل هذه سلسلة لعمنا تنقو تعكس فى كل واحدة فصيحة وكذب هؤلاء الكذبة،، عظيم وعفارم عليك


#958151 [ساب البلد]
5.00/5 (2 صوت)

03-30-2014 10:40 PM
*********** ابداع يا عمر دفع الله ********** واصل *********


#958150 [Adam Ibrahim]
5.00/5 (1 صوت)

03-30-2014 10:40 PM
حليل عمك تنقو وايام الصبا.. كاريكاتير معبّر تماماً..
ياهو حال السودان من يوم الإنقلاب الإسلامى.. غش ونفاق وخداع بإسم الدين.. كما ذكر المومياء إسحق فضل الله مدافعاً عن كذبهم انه من اجل دولة الإسلام.. والحرب خدعة.. خاء،دال،عين،تاء مربوطة!!!..

الله يديك الف عافية المبدع عمر دفع الله..


#958145 [رانيا]
5.00/5 (1 صوت)

03-30-2014 10:30 PM
هههههههه ظريف ومعبر


#958137 [كومي كوكو]
5.00/5 (2 صوت)

03-30-2014 10:17 PM
يا سلام عليك، استمر ذكرنا بعمك تنقو، يا حليك الزمن الجميل ولكن الكيزان زاتهم ما خلو لينا ولا عمك تنقو ولا غيرو


#958127 [هبه ادم]
5.00/5 (1 صوت)

03-30-2014 10:02 PM
الله معاك ياعمي التنقو


#958126 [منشى]
4.00/5 (3 صوت)

03-30-2014 09:59 PM
يا للروعه يا استاذ عمر ... لخصت فترة حكم المؤتمرنجيه و كذبهم فى حق الشعب السودانى الطيب فى ثلاث خطوات رسم بس . رساله قويه للداغسين اللسه بيسمعوهم زى ناس حميدتى و شلتو من ناس الضعين و ما جاورها و من شلة الجنجويد و ناس الدكسه الكبرى زى ناس الدفاع اللى ما شعبى و اللفه لفهم .. وينكم اصحوا نباح الفجر صاح و الشمس قربت تطلع عليكم .


#958122 [ahmed]
5.00/5 (1 صوت)

03-30-2014 09:43 PM
عمر دفع الله لاتعليق


#958117 [ali alfred]
4.50/5 (4 صوت)

03-30-2014 09:30 PM
هههههههههههههههه تحية للمبدع الأستاذعمر دفع الله أنار الله طريقك وبيتك وقدام بيتك يا عمر دفع الله


#958115 [ود كركوج]
4.00/5 (3 صوت)

03-30-2014 09:29 PM
ابدااااااع يا ود دفع الله.


#958112 [abusafarouq]
4.88/5 (6 صوت)

03-30-2014 09:26 PM
والله أبداع عديل يا عمر دفع الله ؟ بتخلينا نستغنى عن التعليق بالضحك فنان فى الرسم الساخر بإمتياز يستاهلو الكيزان السخرية. يا هليل شرحبيل أحمد ومجلة عمك تنقو فى كل بيت سودانى.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
9.97/10 (6 صوت)




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة