الأخبار
أخبار إقليمية
طلاب دارفور يهددون باستقالات جماعية من جامعة الخرطوم
طلاب دارفور يهددون باستقالات جماعية من جامعة الخرطوم
طلاب دارفور يهددون باستقالات جماعية من جامعة الخرطوم


03-31-2014 04:52 PM

هددت رابطة طلاب ولايات دارفور بجامعة الخرطوم، بالاعتصام عن الدراسة وتقديم استقالات جماعية حال عدم إجراء تحقيق عاجل بشأن مقتل طالب الجامعة علي أبكر موسى الشهر الحالي، واعتبرت قضية الطالب قومية وتهم كل طلاب جامعة الخرطوم.


واستنكرت الرابطة في تعميم صحفي المعاملة الاستثنائية لطلاب دارفور وإغلاق الداخليات أمامهم.

وكان الطالب علي أبكر موسى، أُغتيل وأصيب آخرون بالرصاص في 12 مارس الحالي، أثناء فض السلطات السودانية احتجاجات خرجت من جامعة الخرطوم تندد بالأوضاع الأمنية المتوترة التي يشهدها إقليم دارفور.


وفرقت الشرطة السودانية –وقتها- بالغاز المسيل للدموع مظاهرة نفذتها رابطة أبناء إقليم دارفور بالجامعات عقب مخاطبة طلابية في مباني جامعة الخرطوم، دعا خلالها المخاطبون الطلاب للخروج للشارع والتنديد بالأوضاع الأمنية وعمليات حرق القرى بالإقليم.


الشروق


تعليقات 11 | إهداء 0 | زيارات 3464

التعليقات
#960395 [Jalila Bakheit Alteib]
0.00/5 (0 صوت)

04-01-2014 09:48 PM
من كل قرآتي للوضع الامني الموجود الآن بدارفور (فقط بصفتي أنا من دارفور) ومايجده بعض ابناء دارفور الأوفياء من إضطهاد وماتعانيه الولاية من إزهاق للأرواح بغض النظر عن الأسباب (فألأمن مسؤلية الدولة) !!!أنا أكاد أجزم علي أن هذه الإستقالات سيتم قيولها ونكون ضيعنا ماتبقي لنا من أمل الحصول علي جيل جديد من المتعلمين . ونكون ساعدنا من يريدنا حهلاء بمزيد من الجهل علي مايريدونه دون عناء أوشقاء. أنا وصيتي لأبناء دارفور بالجامعات جميعا إستفيدوا من الاخطاء وتماسكوا كما يتماسك بنيان الكيزان وإصطفوا كما تصطفوا إلي الصلاة ولا تدخلوا إبليس بينكم وقبل كل شئ إستعنينوا بالله وأعلموا انه ماضاع حق لم ينم عنه أهله.


#960237 [أحمد عبدالله]
0.00/5 (0 صوت)

04-01-2014 05:59 PM
ربنا ينتقم من عصابة المؤتمر الوطني الماعندها شغلة غير الفتن و المشاكل


#960095 [مدثر]
0.00/5 (0 صوت)

04-01-2014 02:53 PM
القبلية و الجهوية استفحلت شديد , ياما زمان طلاب ماتوا من اقاليم غير دارفور، حقوا الناس تكون قضيتها واحدة و هدفها واحد، و كلنا سودانيين، نرجو انو اتحاد الطلاب او التنظيمات السياسية تهتم بالموضوع دا و تتابعوا، لكن ما دايريين قبلية و جهوية و عنصرية في حل القضايا. كلنا سودانيين يا ناس


#959522 [Hamdi]
3.00/5 (2 صوت)

04-01-2014 07:54 AM
يا طلاب دارفور أمشوا للسيسي وشاوروه في أمر الاستقالة قبل تقديمها لأنه رجل حصيف يعرف مصلحتكم وجعل ليكم أمتيازات من خلال أتفاقه مع الحكومة، وأنتم من الاتفاقية مستفيدين وعددكم الكبير دا جاء بعدها. مرة تانية أمشوا ليه وشاوروه لأنه هو الذي وفر لكم كل ذلك, اذا ما مشيتوا ليه أنتوا ناكرين جميل.


#959348 [المنسي]
3.00/5 (2 صوت)

03-31-2014 11:25 PM
والله يا أهل دارفور من اليوم اتركوا السودان وارتحلوا عنه وطالبوا
بالانفصال وأنتم تعرفون ان وجودكم في السودان فيه آذي للسودانيين
وأنتم تحبون فعل كل شئ يسئ


#959307 [ودالجزيرة]
5.00/5 (1 صوت)

03-31-2014 10:21 PM
هذه المقدمات من سياسيات الحكومة البغيضة الخسيسه مع الدارفوريون هى لشئ فى نفس يعقوب وهى مقدمه لتشجيعهم على المطالبة بتقرير المصير على نمط ومنوال ما حدث للجنوبيين حتى صوت الجنوبيين لصالح الانفصال.


#959241 [almaklooma]
5.00/5 (1 صوت)

03-31-2014 08:24 PM
قبل كم سنة عندما كان ابو الجوخ ارذل نائب مدير مره علي جامعه الخرطوم اتي طالب من غرب السودان تم قبوله بالسنة الاولي بكلية الطب وهو ملئ بالفرح والحماس اتي لمقابلته يطلب إعفائه من المصروفات الدراسية لان ظروفه المادية لا تسمح وبكل صراحة حكي عن فقره وقلة حيلته وانه الامل المنتظر لاسرته ووالدته التي تعمل ببيع الشاى فنظر اليه بازدرا وقال له التعليم ليك شنو وامك قاعده في الشارع بتبيع الشاي امشي شوف ليك شغل وخلي القراية دي لاهلها وانتو يا ابنا دافور دي ما ظروف تقرو فيها والعالم كله يشهد علي المآسي التي يعاني منها اهلكم من قتل وتشريد وحرق لقراكم والقراية عشان تنجحوا عايزة استقرار مادي ونفسي وهذه لا قدرة لكم بها واذا قدرتوا تتموا دراستكم ما في ليكم شغل لانكم من دار فور خلوا القراية الان احملوا السلاح وجاهدو الطغاة حتي تعود دارفور لسيرتها الاولي ويتم رتق النسسيج الاجتماعي الذي تفط بفعل المجرمين


ردود على almaklooma
United States [Ana Sudani] 04-01-2014 07:10 AM
والله إنت راجل وسخ ورجل واطي،، الفتنة نايمة ولعن الله من أيقظها،، ولعنك الله في الدارين ...
كذبت يا رجل في القصة الحكيتا دي وأنا مستعد احلف ليك على المصحف القصة دي ما حقيقية ... يا إنت ألفتها من راسك يا سمعتها من زول عاوز يحكي بس ... يا خسيس يا عفن يا مريض...
امشي أي جامعة في جامعات السودان وشوف الطلاب المعفيين من الرسوم منو ؟؟؟ ما حتلقا أي طالب خلاف طلاب دارفور المعفيين من الرسوم .... في حين أنه أوضاع طالب دارفور المعفي دا نفس أوضاع طالب جنوب كردفان والنيل الأزرق..
وفي بعض من طلاب دارفور ديل أوضاعهم أحسن من طلاب تانين من ولايات تانية وبعد ده ديل بدفعوا وطالب دارفور معفي.....
اتقي الله ... فالحاجة البتكتبا بتتسجل ليك في يوم لا ينفع مال ولا بنون

European Union [ليه كده] 04-01-2014 01:50 AM
الكثيرون لم يدرسو بى سبب المال
خلينا القرايه وبقينا جوكيه وفى ركشات وبكتب كلامى ده بعد يوم طويل ومسيخ وناس الحركه قربو يحجزو الركشه بس الحمد لله
لماذا لم ادع امى او غيرها يتشلهتون لخدمتى ..لانه من غير اللائق ان تعمل امى ست شاى بينما انا ادرس فى الجامعه ولا اعرف هل سأتوظف بعدها ام لا .بعدين القصه ماعشان دارفور ولا من اى حته القصه واااااسطه لو ماعندك واسطه والله لو من اى حته من السودان ماتتوظف ..
..نحياتى..


#959149 [محمد السنجاوى]
3.00/5 (2 صوت)

03-31-2014 05:52 PM
يا اخوانا ما لسع بدرى.. وعليكم الله غيروا وبدلوا , اصلا الجامعة حتسقط بزعلكم


#959144 [فرانكو فوريان دارفور]
5.00/5 (1 صوت)

03-31-2014 05:45 PM
طلاب دارفور لهم الحق في التظاهر و مطالبة باسقاط النظام لان الامر اصبح واضحآ كالشمس الموضوع بقيت لاهل دارفور فقط في حال كل السودان انهارت جنوبآ و غربآ


ردود على فرانكو فوريان دارفور
United States [عشاااان القاااااك] 04-01-2014 07:42 AM
هههههه لهم الحق !!!


#959136 [وجدي محمد العوض]
3.00/5 (2 صوت)

03-31-2014 05:38 PM
دلع فاضي احسن النشوف الاستقاله دي لو رجال يقتلو القتيل ويمشي في جنازتوا


ردود على وجدي محمد العوض
United States [ابن الهامش] 03-31-2014 10:21 PM
انت غير تعليقك الواحد ده ما عندك غيره نسال الله ان يصيبك اشد مما اصاب اهل دارفور و الهامش حتي تنعم بالدلع بالنسبة الرجالة ما في ارجل منهم شالوا السلاح و انت قاعد خلف الكيبورد


#959134 [Naser]
0.00/5 (0 صوت)

03-31-2014 05:35 PM
في دولة الانقاذ لا ينفع التهديدات عليكم بالعمل اولا ثم التفاوض .
هذه خطوه متقدمة نحو الانفصال عن كيان اللمة المسمي بالسودان


ردود على Naser
[Black african] 04-01-2014 11:53 PM
True

European Union [سند الضعيف] 04-01-2014 02:52 PM
السودان كيان لمة ياهامل انت مالاقي زول يلمك بس



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
10.00/10 (1 صوت)




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة