الأخبار
أخبار إقليمية
مواطن يصفع معتمد ام القرى السابق ..والمعتمد الجديد يرفض التوقيع على محضر الاستلام
مواطن يصفع معتمد ام القرى السابق ..والمعتمد الجديد يرفض التوقيع على محضر الاستلام



04-01-2014 11:50 PM

مدني

تم صباح اليوم برئاسة محلية ام القرى اجراءات استقبال معتمد المحلية الجديد محمد الفاتح الكرنكى بحضور نائب الوالى محمد الكامل فضل الله والمعتمد السابق احمد سليمان الشايقى وعدد كبير من قيادات محلية ام القرى والذين رفضوا فى هذا الاحتفال الاشارة الى وداع المعتمد السابق من خلال كلمات القيادات حيث قامت مجموعة من القيادات والمواطنين بالهتاف ضد احمد سليمان الشايقى المعتمد السابق لحظة خروجه فقام المعتمد السابق بدفع احد المواطنين بعصاه مما جعل ذلك المواطن المدعو مصطفى جمعة عضو شورى المحلية بصفع المعتمد فيترنح المعتمد وتدخل اعضاء المراسم والحرس لحمايته من المواطنين الذين حاولوا ضربه وتم اخذ المواطن الى قسم وسط ام القرى حيث تم فتح اجراءات اولية باستمارة تحت المواد 69و73 الازعاج والاخلال بالسلامة من القانون الجنائى وتم الافراج عنه بالضمان العادية . وخرج المعتمد السابق تحت حراسة مكثفة من الشرطة الى خارج حدود المحلية
. وفى ذات السياق رفض معتمد محلية ام القرى الجديد التوقيع على محضر استلام اصول المحلية الا بعد اخضاعها للمراجعة مما اثار حفيظة بعض القيادات التنفيذية باعتبار ان ذلك المحضر يتم اعداده من قبل التنفيذيين بالمحلية . وخلال الاحتفال لم يتطرق المتحدثين بالشكر للمعتمد السابق بل اكد قيادى ان ما حدث من قيادات محلية ام القرى هى رسالة قوية لكل المعتمدين فى حالة اخفاقهم فى خدمة المواطنين وانهم سوف يواصلون اجراءات ملاحقة المعتمد السابق قضائيا بعد فراغ لجنة التحقيق بالمركز .


تعليقات 14 | إهداء 0 | زيارات 7600

التعليقات
#1431374 [النور جمعه]
0.00/5 (0 صوت)

03-20-2016 01:17 PM
انا واااااااااااااااحد من ابناء محلية ام القري واهله ماشاءالله ناس كرم وجود وكل الاهل هناك مافيهم كلام تب بس دي اهانة بالنسبة لناس ام القري والحصل دا تقصير من المعتمد نتمني ان لا يتكرر هذا الخطا في المستقبل وشكرااااااااااااا


#961347 [ابومهند]
0.00/5 (0 صوت)

04-02-2014 06:54 PM
يااخي ابو همام ليه تقول قليل من الجعلين هم الاكثر والافهم والمتعلمين في منطقت ام القري عشان افهم من كل القبائل الزكرتها دي انا واحد من موطني محلية ام القري بعرف وين التعليم وين الجهل نحنا الاكثر تعليم الجعلين شمال ام القري


#960845 [ابومروه]
1.00/5 (1 صوت)

04-02-2014 12:02 PM
لو كانت هناك كرامه للمعتمد السايق و الوزير الحالي احمد الشايقي لما تردد لحظه عي ترك لعبة السياسه لانه لا يجيدها فهو مرفوض بالاجماع من المجلس التشريعي و تحدثو عن فساد كبير و بالامس يضرب امام الناس فكيف يكون وزير هل الجزيره عقيمه لهذا الحد حتي يظل السبعه الكرام من وزراء و معتمدين يتقلبوا في المناصب و الفشل كل يوم في ازدياد و الفساد نسمع به و لا نري محاسبه لاحد فلك الله يا جزيره الخير . و اغمض عينيك انت في مدني


#960783 [ود البطانه]
1.00/5 (1 صوت)

04-02-2014 11:18 AM
شكرا لابناء ام القرى لقد انتقمتم من الاستهزاء بكم !! اسم المعتمد غايه فى الاستفزاز " احمد الشايقى " !! عقبال طرد كل الشماليين من ام القرى


#960695 [ابوهمام]
2.00/5 (1 صوت)

04-02-2014 09:54 AM
احب ان اوضح للمستهترين أن ام القرى اهلها ليس متخلفين كما ذكر صاحب التعليق وهم في قمة التعليم فمنهم الاطباء وامهندسين والمعلمين واستاذة الجامعات السودانية والاوربية والعربية والامريكيه وعندي عدد من الاسماء ولكن لاحياة لمن تنادي ثم رفضهم للمعتمد السابق دليل على فهمهم واخيارهم للاصلح فهي تقع شرق مدينة ود مدني ورئاسة التفتيش التاسع لمشروع الرهد وكانت تسمى القرية 40 وهل المنطقة خليط من الشكرية والكواهلة والعركيين وقليل من الجعليين والحلحويين والمسلمية


ردود على ابوهمام
[جركان فاضى] 04-02-2014 10:30 AM
كفتتكم للمعتمد دى براها ما بتورى رجالتكم...ام القرى فيها رجال...وشكرا ابو همام على مواقفكم البطولية


#960694 [kamuzu]
0.00/5 (0 صوت)

04-02-2014 09:52 AM
في مدينة تبوك بالمملكة السعودية هنالك حي عريق من اقدم احياء المدينة واسمه ام درمان تيمنا بمدينة امدرمان العريقة ولكن بلدية تبوك لم يعجبها ان تتشرف بهذا الاسم فعدلته الي حي النزهة (ام درمان سابقا ) وانتم هنالك تسمون الاحياء بالطائف والباحة وغيرها من المدن السعودية ... ولا تعليق اكثر .


ردود على kamuzu
United States [ابومروه] 04-02-2014 10:50 AM
اخي ان ام القري ليست حكرا علي السعوديه فهي وطن لعظيمنا و سدناا محمد عليه افضل الصلاة و التسليم و لكن العيب في تسمية طنطا و الرياض و المنشبه وما علي شاكتها


#960684 [صديق الكشيمبو]
2.00/5 (3 صوت)

04-02-2014 09:44 AM
نحن في السودان نهوى أوطاننا ، ولذلك كانت هذه الدويلات المتعددة التي تسمى محليات لها معتمدون ، يتبعهم (تنفيذيون) من أصحاب الكروش و(الدقون)تصرف لهم لاندكروزرات، وآي باد( وآي فون)، وهم بالمناسبة ينفقون، ولا يدفعون لا ضرائب أو قبانات (ولا يحزنون ).
أما العمل، فقج وتدوير العمم والشالات، وحمل العصايات( جمع عصا) لزوم الهيبة والبريستيج .
أما الناتج والتنمية ومتابعة العمل وخدمة المواطن والسهر على راحته ، وتحقيق أمانيه في حياة رغيدة ،بهيجة سعيدة، فذلك شغل ناس آخرين ، لم يأتوا بعد ، أناس في غيابات الغيب البعيد البعيد.. ودقي يامزيقة...


#960672 [سفيانوف]
0.00/5 (0 صوت)

04-02-2014 09:33 AM
قراء الراكوبة الاعزاء اذكركم بنكتة شخصين قبضت عليهم شرطة النظام العام و هما في حالة سكر في صينية كوبر فوقف احدهم وهو يخاطب زميله ( يا اهل مكة يا اهل مكة و الله انها مكة ,,,اليست هذه صيدلية ابو الدرداء ,,, اليست هذه مدرسة خالد بن الوليد ,,,اليست هذه مدرسة ذات النطاقين ,,, فما كان من زميله الثاني الا ان رد عليه ( اجل اجل يا ابا حنظله و ماذا تريد منا ) لكن صراحة انا مبسوط من خروج المعتمد القديم و هو في حالة ذل و احباط و تلاحقه دعوات المساكين و ربنا احفظ الرجل الذي اعطاه كف ,,,و انشاء الله عقبال معتمد الكاملين السابق,,,


ردود على سفيانوف
[جركان فاضى] 04-02-2014 10:27 AM
ومعتمد الكاملين مالو يا اخوى سفيانوف...اريت حالو البسر المابتسر...جابوه وزير عديل فى حكومة مدنى....يعنى وثب لاعلى من معتمد لوزير


#960637 [ابومصعب]
0.00/5 (0 صوت)

04-02-2014 09:05 AM
اعرف المعتمد احمد ووالده محمد الشايقى فهو جار ابن خالتنا فى حى مايو قرب مسجد ابوسنون بمدنى الحق يقال فهى اسره كريمه ومضيافه عند زيارتنا يهتمون بنا اكثر من اهلنا بيتهم عادى واقل من عادى فعلى اهل ام القرى تحرى الدقه فى الاتهامات التى يسوقونها دون دليل فان كان اخفق فهذا حال كل المحليات وضيق الامكانيات هو السبب ارجوا الا تندم ام القرى فى يوم على التفريط فى احمد كما اقول لاحمد ولا يهمك فارض الله واسعه وغدا ولاقتناع الجميع بكم سيكرمكم الله فى موقع اخر فانت من ابناء البلد الاوفياءوالتحيه لكم ولاسرتكم الكريمه


ردود على ابومصعب
United States [ودمدني] 04-03-2014 12:27 AM
اخي مصعب وانا جارهم واعرف المدعو واخوانه من قال بيتهم عادي لو قلت قبل الانقاذ اقول جانبك الصواب ايام كان دكانهم في البيت بباب يفتح الي الاعلي حالهم تغير مجر دخول احمد مع الكيزان واصبحو اصحاب املاك ووالله هو من اسواء الناس وممكن تزكر مؤهلات احمد ليتولي منصب معتمد


#960620 [جكان فاضى]
0.00/5 (0 صوت)

04-02-2014 08:51 AM
ضريتونا يا ناس ام القرى ضريتونا ضرر شديد...اها شلتوا المعتمد الشايقى دا...بمشى وين؟..ماحيجيبوه لينا فى محلية 24 القرشي معتمد...دايرين تفسدوا علينا فرحتنا بالمحلية الجديدة...يا اخى دى قسمتكم ليه ماترضو بيها...كدى شوفوا ناس الكاملين طردوا المعمتد المنحرف قام جابوه وزير فى حكومة الولاية...وبكرة وزير تعليم عشان يربى ابناءنا على الخلق القويم...ارضو بى قسمتكم وخلوا شايقيكم معاكم يا ناس ام القرى...الانقاذ ما عندها بايظ ترميه فى الزبالة...البايظ بحولوه من مكان لمكان...وانتو عارفين الكلام دا...كفوا الشر وما تخلونا ندخل فى حرب المعتمداب


ردود على جكان فاضى
European Union [ابو محمد] 04-02-2014 02:15 PM
يازول الولوله شنو كيكم ... اصلوا جاييكم الحجاج ولا الحجاج...

ماهم كلهم حاجين اكثر من 10 مرات

لوكوا الصبر يا 25 القرشي


#960594 [bullet ant]
0.00/5 (0 صوت)

04-02-2014 08:13 AM
عالم وهم جهل ماصل
كل المناصب تقود الى الجيب


#960555 [المتجهجه بسبب الانفصال]
5.00/5 (1 صوت)

04-02-2014 07:03 AM
للأسف المعتمديات على رأسها مجموعة من الجهلة وحولهم الرعاع والدهماء الذين لا يبلغ مستواهم حل لغز بسيط أو عقد نكاح بالفاتحة وذلك لما تضافروا عليه من قصر النظر والسكوت عن ضياع حقوق الناس في حالة اشبه بحكاوي ود نفاش،،،، أغلب المستنيرين أو المتطوعين للعمل العام في المعتمديات اما هاجروا أو هجروا الى مدن أخرى لتذوب جهودهم في المدن ليجروا جري الوحوش بعد أن أصبح رزقهم في المعتمديات محوش وذلك من خلال سياسة ممنهجة برفع تقارير عنهم من قبل المؤتمر الوطني وأمنجيته العطالى سواء في الخدمة الالزامية او النظام العام او مكاتب الامن التنظيمية ،،، لماذا يخشى المجلس التنفيذي مراجعة تقرير المعتمد المقال مادام هم من أجازوه وليس في رأسهم ريشة أم أن المعتمد الجديد طلع غير كيشة بعدم التوقيع على تقرير المجتمع السابق الذي بالطبع لن يخلوا من السوابق المالية،،، رحم الله نظام ضباط المجالس، ومفتشوا الحكومات المحلية والضباط الادرايين،،


#960516 [الممغوص منكم]
0.00/5 (0 صوت)

04-02-2014 03:27 AM
هههههههههههههههههههههههههه مدلولات الاسماء غريبة فى السودان ،ادعاء النقاء و حب التعريب ما زالا يسيطران على عقلية النخب، خليكم فى ام سنط و ابو حراز و كعب الجداد و ام برمبيطة مانديلا و انغولا و كرور و.......


#960452 [مجروس ق ش م]
5.00/5 (3 صوت)

04-02-2014 12:26 AM
ام القري دي وين؟ في المملكه العربية السعودية وﻻ في السودان
ان كانت في السودان اسمها شنو بالقديم .ولله الواحد بقي ماعارف السودان كلو كلو وطيب وين إحياء يثرب والحديبيه واحد وحي ذات الصواري واليرموك


ردود على مجروس ق ش م
European Union [المعلم] 04-02-2014 12:34 PM
الأخ "البعاجي" لا أرى أي مبرر لشتم الأهالي بأنهم متخلفين وجهلة أو ما شابه، ما ذنبهم إذا غيرت الحكومة اسم بلدهم؟ لماذا نعطي أنفسنا الحق في شتم الآخرين؟ أليس هؤلاء بشر؟ إذن لماذا الإساءة لهم؟ وما الجدوى من ذلك؟ لماذا تتجاوز موقفهم البطولي بالرد على من ضيع حقوقهم وتشرع في شتمهم؟؟!!

European Union [ود البلد] 04-02-2014 08:11 AM
ام القري شرق ولاية الجزية زمان كان اسمها القرية 40 من قري مشروع الرهد الزراعي

United States [البعاجى] 04-02-2014 08:02 AM
اسمها القديم القرية 40 واجارك الله لو ربطو فيها الكلب يشرد
لا فيها تعليم ولا صحة ولا امن ولا اى حاجة وناسا متخلفين وجهلة
وكل الطاقم التنفيذى البديرا يقطنون ودمدنى
عاملنها محلية عشان تمدد الظل الادارى ولهط الكيزان

[أحمد محمد] 04-02-2014 07:52 AM
تسلم يا المجروس.. كلأم مبهم أين تقع أم القرى الله أعلم !!!!!!!!!!!!؟؟.

United States [ودالبله] 04-02-2014 07:39 AM
يااخي انا كنت منتظر يذكروا اسم الوالي حتي اعرف الست ام القري دي وين.. لكن المعتمدين الكتار ديل بدون طعم واسمائهم الزى الاسبيرات الكرنكي والشكبزور ومفتاح عجل والمتعافي وابوقردة وابوكرشةوابوبتاعة..حرم ماتعرف انت في ياتو ولاية

United States [الصهيونى] 04-02-2014 07:23 AM
يا المجروس محلية ام القرى من محليات ود مدنى

European Union [mohmed abdalla] 04-02-2014 07:22 AM
و الله الواحد فينا ما عارف محليته تابعه وين سيبك من ام القرى و الله اعلم

United States [ابوجلاجل] 04-02-2014 07:15 AM
ام القري دي في شرق مدني كانت تسمي قديما قبل مجي الانقاذ بالقرية 40.

European Union [عوض] 04-02-2014 06:46 AM
والله معاك حق يا مجروس تسال وتزعل كمان ، ام القرى اذا كانت هي المقصودة فهي تقع مقابل منطقة الكدرو من الناحية الشرقية لشارع الظلط (الضواحي) شمال بحري ، وعندك حق ، لانو الصحفي المدعو مدني شكلو كانوا بيكتب لناس شمال بحري فقط. مما يعكس العيب المخل في طريقة الصحفيين والمحررين بالصحف السودانية . وانا الذي اعرف ام القرى كذلك اشك انها هي فما بالك انت .. استحي يا مدني مع الاعتذار لناقلي الخبر (الراكوبة).

[ودأبوريش] 04-02-2014 04:35 AM
الأخ مجروس أنا أشاركك هذا الإنطباع في عدم فهم أسماء المناطق والأحياء السكنية في السودان إلا إذا أضيفت إلى الولايات أو الاقاليم المعروفة وأضيف على الأسماء التي ذكرتها حي الدوحة والرياض والطائف ونيفاشاوالمنورة والفردوس ولفيف من هذه الأسماء لايعرفها القارئ إلا إذا ذكرت معها ولايتها التابعة لها وأنا بدوري أكرر هذا السؤال البريئ: أين توجد محلية أم القرى هذه ؟؟؟؟؟؟؟؟

United States [مصعب] 04-02-2014 04:25 AM
في صاري وفي الباحه . انت بس اوعك تجي



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
8.00/10 (1 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة