الأخبار
أخبار إقليمية
نايل يصل الخرطوم وسط استقبال هزيل والصحف السودانية تغادر المطار غاضبة
نايل يصل الخرطوم وسط استقبال هزيل والصحف السودانية تغادر المطار غاضبة
نايل يصل الخرطوم وسط استقبال هزيل والصحف السودانية تغادر المطار غاضبة


الخيار والفقوس في استقبال الود المنحوس
04-05-2014 05:20 PM
الخرطوم صباح محمد الحسن
خيب الشاب السوداني نايل المتسابق في البرنامج الشهير (The Voice»)على قناة ام بي سي امال واحلام الاعلام السوداني الذي وقف بجانبه وسانده كثيرا فعند وصوله اليوم مطار الخرطوم كانت في انتظاره اكثر من عشر صحف قبل ثلاث ساعات لوصوله المطار وعقب وصوله اجتمعت الاجهزة الاعلامية من صحف وفضائيات بالقرب من بوابة كبار الزوار الا ان نايل والشركة المتعاقدة معه فاجأت مندوبي الاعلام عندما خرج احدهم وطلب صحيفة السوداني فقط الامر الذي جعل مناديب الصحف يخرجون غاضبين من المطار وهم يدينون ويشجبون هذا التصرف ان كان من نايل او من الشركة المنظمة التي تدعى (ناشو) ومن الملاحظ ان قرار (الخيار والفقوس) لم يطال القنوات الفضائية ومن الصحف التي منعت من الدخول صحيفة الجريده وصحيفة المشهد الان وصحيفة ق اسبورت وصحيفة الدار وقوون والزعيم وغيرها من الصحف.

وجاء استقبال نايل في مطار الخرطوم هزيلا مقارنة باستقبال المشتركين في البرنامج في دولهم العربية وهو عباره عن استقبال اسري لايتجاوز ابناء وبنات العائلة
الجدير بالذكر ان نايل كان قد غادر البرنامج بعد ان تأهل الي النصف النهائي عندما تفوقت عليه منافسته المصرية (وهم) التي كانت الأكثر حظا في نسبة التصويت وذكر كثير من المتابعين ان نايل كان مميزا لكن الحظ المنحوس هو من جعله يغادر المنافسة.



تعليقات 26 | إهداء 0 | زيارات 19673

التعليقات
#965138 [دجانقو]
5.00/5 (1 صوت)

04-06-2014 09:53 PM
بالله مطارنا ده فيهو كبار الزوار ......

حكمتو بالغه ....


#964736 [alfrayhi]
0.00/5 (0 صوت)

04-06-2014 02:24 PM
يا جماعة نايل قالها بالفم المليااااان ....انا ما بعرف اغني بالعربي ...

وفعلا صوتو بالعربي تعبااان شديد حتى شيرين قالت انو نايل عندو بعض المشاكل في الصوت ....


#964689 [باسطة]
0.00/5 (0 صوت)

04-06-2014 01:37 PM
يااااا......... وهم

عازه قومي كفاك عازه شوفي جناك


ردود على باسطة
European Union [عمر1234] 04-06-2014 03:19 PM
الناس فقرانه ومسخنه وصاحبك بغنى انجليزى ويا استاذاتعدونا بس نصفق لخريجى الثانوى من العسس اصحاب الدبابه والجيب المليان البودوا اولادنا يموتوا بدالم ديل رجالنا


#964656 [سعيد]
0.00/5 (0 صوت)

04-06-2014 01:08 PM
انا كنت اتمني من المدعو نايل ان يغني اغنية سودانية ولتكن خارج المنافسة علي الاقل ليسمع الناس والمشاهدين عينة من الاغاني السودانية لانه هذه فرصة كبيرة حسب نسبة المشاهدة العالية للبرنامج من قبل المشاهد العربي في كل العالم


#964626 [بت السودان]
5.00/5 (1 صوت)

04-06-2014 12:38 PM
بصراحه عنوان مقالك سخيف وينم عن حقد... والاسخف منه المقال نفسه نايل وصل السودان وعلمنا و لكن مقالك مسموم ...
الشاب نايل مثل السودان خير تمثيل سواء بالغناء و حتى شخصه ...نجاحه هو نجاح للسودان بغض النظر عن المجال سواء غناء فن او سياسة كلها رسائل على ما اعتقد ....وبالنسبة لمسألة الغناء حلاله وحرامه الله تعالى اعلم...لكن بقول للاشخاص الانتقدوا الشاب معاويه باعتباره مطرب او رابر او او او ....اليوم ال Rabers الامريكيين من اصل افريقى او ما يطلق عليهم ال AA الاستحدثوا هذا النوع من الفن ....هم الفئه التى وصلت صيحتها ومشاكلها ومعاناتها لكل امريكا والعالم لانهم اصحاب موهبة وقضية ..

من نحن حتى نحكم على نجاح وفشل الاخرين ومن نحن حتى نطلق على الاخر لقب منحوس والعياذ بالله





الى الامام نايل حتى وان كان سلاحك جيتار وكلمات صادقه .....


#964620 [المتجهجه بسبب الانفصال]
5.00/5 (1 صوت)

04-06-2014 12:35 PM
وجاء استقبال نايل في مطار الخرطوم هزيلا مقارنة باستقبال المشتركين في البرنامج في دولهم العربية وهو عباره عن استقبال اسري لايتجاوز ابناء وبنات العائلة
الجدير بالذكر ان نايل كان قد غادر البرنامج بعد ان تأهل الي النصف النهائي عندما تفوقت عليه منافسته المصرية (وهم) التي كانت الأكثر حظا في نسبة التصويت وذكر كثير من المتابعين ان نايل كان مميزا لكن الحظ المنحوس هو من جعله يغادر المنافسة.


ده باراقراف تشفي لختام الخبر ،، الصحف السودانية متهمة بالعمل لجهاز الامن أو المؤتمر الوطني من تحت تحت ،،،، الصحف تعتمد على الاعلانات واموال شركات رؤساء مجالس ادارتها او الدعم الحكومي الواضح ما فاضح والمبيعات اليومية وبعد ذلك استخدامها للف الطعمية التي دخلها اصبح اكبر من مبيعات الصحف ورواتب الصحفيين باستثناء الفلتة اسحق الذي تم التعاقد معه في آخر لحظ بمبلغ 30 الف جنيه أي 30 مليون بسبب خزعبلاته، ليس في السودان ثقافة اعلانات بالصحف الا في حيز ضيق جدا معظمه من شركات الاتصالات التي تبيع الهواء ،،،، من اين لهذه الصحاف الاموال وهي مهلهلة الورق والمواضيع ،، ماف اعلانات يساوي مافي مرتبات ،،، تخيل أن صحيفة الميدان تحصلت على اعلان حكومي في 2006 وهو يعتبر اول اعلان حكومي تحصل عليه الجريدة منذ 1989 يعني بعد حوالي 17 سنة من بعد مجيء الانقاذ ،،،


#964418 [محمد عمر عزالدين]
0.00/5 (0 صوت)

04-06-2014 09:30 AM
يا جدادة يكفي أنه أضاف للشعب السوداني هذه الأنشودة الرائعة !
بهذه العبارة رد عليَ المدعو ( المتغرب الأبدي ) حول ما كتبته عن المغني ( نايل ) .. فبئس الرد يامن تخاف حتى من كتابة اسمك الصريح .


ردود على محمد عمر عزالدين
[Sameer] 04-06-2014 10:28 AM
صدق الراحل العبقرى د. عبد الله الطيب حينما قال ( الحسد خصلة سودانية حصرية ) طبعا الجداد الاكلترونى خطه واضح وما مقصود بالكلام ده


#964172 [همام الطيب]
5.00/5 (4 صوت)

04-05-2014 11:20 PM
بلا نايل بلا نيلة .....

هي البلد ناقصة ...


ردود على همام الطيب
United States [عماد عثمان - جدة] 04-06-2014 07:55 AM
كلامك فى محله يا همام ... ناس فاضية و ما عندها شغلة.
ناس ما لاقية تأكل و ناس جارين وراء مغنى لا فرق بينه و بين انصاف مدنى.


#964167 [nasr]
5.00/5 (1 صوت)

04-05-2014 11:14 PM
ناس صيع ياجدع...........


#964147 [sameer]
3.82/5 (6 صوت)

04-05-2014 10:35 PM
صدق الراحل العبقرى د. عبد الله الطيب حينما قال ( الحسدخصلة سودانية حصرية ) طبعا الجداد الاكلترونى خطه واضح وما مقصود بالكلام ده .


#964145 [moiez]
0.00/5 (0 صوت)

04-05-2014 10:32 PM
انتو بتهاجمو لي الزول دا عامل اغاني ضد النظام بدل م تشجعو عشان يدعمكم تهاجمو كدا خليكم ناس واعين لو عايزن طرق عشان تحركو الشارع للثوره دا ممكن يكون طريق


ردود على moiez
United States [ادم] 04-06-2014 09:52 AM
الشعب السوداني اكبر واوعى من ان تحركه اغاني الراب والهيب هوب ياصديقي


#964120 [warior]
0.00/5 (0 صوت)

04-05-2014 09:49 PM
و الله حكم وعشنا وشفنا ولا حول ولا قوة الا بالله


#964114 [محمد عمر عزالدن]
5.00/5 (1 صوت)

04-05-2014 09:36 PM
كبار الزوار ؟ من هو نايل ؟ مغني تعيس .. يصرخ .. ويصرخ ! استخدم بذكاء من البرنامج من خلال تسخير ضحكات وابتسامات وكلمات غزل المغنية شيرين لاستقطاب أكبر عدد من المشاهدين السودانيين للتصويت وزيادة " الغلة " عبر رسائل SMS .. الموضوع موضوع ( فلوس ) استخدم فيه المغني السوداني التعيس الذي لم يقدم أي شي للفن السوداني .. ماذا أضاف نايل لروائع شرحبيل أحمد رائد هذا اللون من الغناء في السودان .
بئسا للمغني .. وبئسا لدولة تفتح صالات كبار الزوار في مطاراتها لكل من هب ودب ..


ردود على محمد عمر عزالدن
[المتغرب الأبدي] 04-06-2014 08:08 AM
يا جدادة يكفي أنه أضاف للشعب السوداني هذه الأنشودة الرائعة

https://www.youtube.com/watch?v=0QxWn_kmKx0

لو ما فتحت معاك أبحث في قوقل عن: Nile - President - ( Revolution Songs ) Lyrics

United States [عماد عثمان - جدة] 04-06-2014 07:57 AM
أحييك يا محمد على رأيك و كلامك العاقل ده ... بلد ما فيها تمساح يقدل فيها نايل.


#964074 [زوربا]
5.00/5 (6 صوت)

04-05-2014 08:47 PM
حاقدييين شاب جميل وغناي وعازف جيد سواى ان كان من اولاد ميكي ولا غيره مبدع كدي انتو اعملو اي حركه شوفو لو تلقو ليكم بوسه من شييرين


#964069 [satgd]
0.00/5 (0 صوت)

04-05-2014 08:42 PM
انت ابوريدة ده هو عشس


#964051 [سوداني مغبون]
3.50/5 (3 صوت)

04-05-2014 08:19 PM
يعني خلاص زارنا معبود الجماهير العرببه و الافريقيه عشان نمشي ليهو المطار . بلا نايل بلا لمه ده ود ميكي سااي . كان فيهو فايده كان غني لينا غنانا البنعرفو . علي بالطلاق كان وقف قدام باب بيتنا ما اطلع ليه خلي امشي ليهو المطار


#964036 [ابوريدة]
5.00/5 (4 صوت)

04-05-2014 08:02 PM
يعني هو كان ناقص شهرة واعلام .... وبعدين صحفنا دي صحف ؟؟؟ قال الدار قال ... نايل ليهو حق


#963989 [مسطول]
0.00/5 (0 صوت)

04-05-2014 07:01 PM
نايل غني ووقف ضد التهميش وهو بنفسو غني لحريه الصحافه والتقتيل والتهجير وفي الاخير مارس هو التهميش ومنع الصحافه إنه السودان بلد العجائب مافي حد عندو كلمه والراجل بمسكوه من لسانو يانايل لاكين للاسف إنته بمسكوك من ((شيرينك ))هههههه مسكت شيرين ؟؟؟؟؟؟؟؟؟


#963971 [بركان يغلى من الظلم]
3.00/5 (3 صوت)

04-05-2014 06:46 PM
هل نايل قدم حاجه تستحق الناس تستقبله
هل نايل اعطى شرحبيل حقه عندما غنى الليل الهادى وكمان قال يغنيها محمد فؤاد المصرى
وهو قال حواتى ليه الحواته ما استقبلوك
وين الناس الذين كان يدافعون عنه فى الردود والكتابات على الراكوبه اين انتم ليه لم تستقبلوه استقبالا يليق بما كنتم تكتبونه
انا شخصيا فى نظرى نايل صار كرت محروق وفشل فى تقديم فن مميز يشبه اهل وارث السودان العظيم
تخيلوا لو كان غنى زينوبه او جنوبيه اووو وترجمها الى الانجليزيه
نايل ضيع نفسه وهو كان الاجدر لانو المصريين لم يسوتو الى وهم وكمان السوريين لم يصوتوا الى هاله وبما ان هنالك اكثر من مشترك عراقى وتشتيت الاصوات فكان نايل الاقرب للفوز لو لعبها صاح وتفنن فى فنون الحورات والمداخلات وتفخيم بلده ووطنه السودان
ويا اخوان هذه الشركه التى اتى معها هى شركه حصريه وتعاقدت معه بعقد حصرى للتقديم حفلات
وربما لا يجد فرصه للقيام حفلات نسبه لسجله ضد الحكومه وحتى ان اقام حفلات لن تكون بالمستوى لجماهيرى للاخرين امثال الحوت وووو غيرهم
نايل صار كرت محروق


ردود على بركان يغلى من الظلم
European Union [هجو نصر] 04-05-2014 10:20 PM
يا سيدي دا فهمك انت , لكن المسابقات من النوع دا عندها فهم تاني , هل غني تمبرلانك بالاسباني وموسيقي السالسا عشان بنتشر وبشتهر في امريكا؟ مالكم علي الزول ؟ عمل ايه غير اشارك غي مسابقة اقليمية مواصغاتها تختلف عن مسابقاتنا المحلية ونجح جسب توجبهات خبراء بفهموها احسن من الجربندية العاملين بفهموا اي جاجة . بالله عليكم !


#963961 [رانيا]
5.00/5 (5 صوت)

04-05-2014 06:31 PM
عنوان الخبر ما عجبني .. وبعدين منحوس في شنو ؟ في النهاية لابد من فائز واحد !


#963939 [اقبضو السفاح الهارب من العدالة الدولية]
5.00/5 (2 صوت)

04-05-2014 06:04 PM
مالك انت حارق رزك كدة
كنت عايز تتصور معاه ولى شنو


#963935 [بت قضيم]
1.50/5 (2 صوت)

04-05-2014 06:01 PM
وهم يا نايل


#963934 [الديمقراطي]
5.00/5 (2 صوت)

04-05-2014 06:01 PM
هو نايل اتاريهو قاعد يسافر و يجي من السفر بي صالة كبار الزوار ؟؟؟؟؟؟؟؟؟؟


ردود على الديمقراطي
European Union [الديمقراطي] 04-07-2014 12:01 AM
يا ود احمد اوعا تكون اتغشيت و سافرت بيها قبل كده .
لانو كبار الزوار ده اسم الدلع بتاع الحرامية .

[ود احمد] 04-06-2014 08:05 AM
صالة كبار الزوار دي اي زول ممكن يدفع 500 الف ويسافر عن طريقها


#963926 [بادي أبو شلوخ]
3.00/5 (2 صوت)

04-05-2014 05:47 PM
يستاهلوا لأنهم كلهم عواطلية وما عندهم موضوع.

يلا بلا نايل بلا أبامسيكة


#963925 [يعقوب عمر يعقوب]
5.00/5 (1 صوت)

04-05-2014 05:46 PM
نايل مين والناس تعبانين !!


#963923 [عادل]
5.00/5 (4 صوت)

04-05-2014 05:41 PM
وانتى من ياتو جريده ياختى؟؟


ردود على عادل
[1320248aqz] 04-05-2014 10:42 PM
يا اخوانا المنع للصحافة كان من الامن لان نايل سبق غنى للغلابة فخافوا منو يتحول الامر لمعارضة حسب عقدة الحكومة

European Union [زيطة بت الزمبريطة] 04-05-2014 08:06 PM
من جريدة (الحيطة المايلة) .......... الصحفيين بتاعننا ديل فهمهم تقيل نايل كان دايرهم يجروا وراهو عشان يصرح ليهم لكن ما فهموا قصدو .. يا خسارة ما لماحين



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
1.50/10 (3 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة