الأخبار
أخبار السودان
قطر تطلب خبراء سودانيين للعمل في مجالات الصحة والسلامة المهنية



04-05-2014 10:18 PM
SMC

أعلنت دولة قطر حاجتها لخبراء سودانيين للعمل فيها في مجالات الصحة والسلامة المهنية بجانب فرص عمل أخرى في مجالات تفتيش العمل وقوانين ولوائح الخدمة المدنية فيما التأم اجتماع ثلاثي مشترك ضم وزراء العمل بالبحرين وقطر.

وقال الطاهر سليمان ايدام وكيل وزارة تنمية الموارد البشرية والعمل في تصريح لـ(smc) إن الاجتماع ناقش خطط الوزارة الموضوعة بشأن محاربة البطالة وتشجيع المشاريع والبرامج الزراعية والحيوانية والتعدينية بجانب مشاريع التمويل الأصغر، مضيفاً أن اللقاء استعرض أوجه التعاون المشترك بين السودان والبحرين وقطر خاصة في محوري الاستقدام والاستخدام بجانب اتفاقهم على تفعيل البرتكولات والاتفاقيات الموقعة بهذا الشأن.

وأبان ايدام أن وزير العمل القطري استعجل الوزارة بمدهم بعدد من الخبراء السودانيين المختصين في مجالات الصحة والسلامة المهنية بجانب كوادر مؤهلة في المجالات الأخرى، مؤكداً حرصهم على تبسيط الإجراءات وتسيير سبل الاستخدام عبر الربط الشبكي لتوفير المعلومات الكافية لراغبي العمل بدولة قطر وفقاً للحاجة والمؤهلات المطلوبة.






تعليقات 9 | إهداء 1 | زيارات 8357

التعليقات
#1045108 [ali germany]
1.00/5 (2 صوت)

06-25-2014 10:57 PM
مشاطات هههههه، قالو في السبيبة الواحدة بي ريال يعني الواحدة تقع في الشعر المقوف.
و بعدين خريجين المعدات الطبية مافي ليهم طريقة...


#965133 [اوبرا]
1.00/5 (2 صوت)

04-06-2014 08:48 PM
[ود الشبارقة]اهل العوض برضو فهمك زي العوض , ياخي انا قلت كل الخبراء هاجرو زماااااااان , بمعني مغتربين خلو البلد كل الاخصائيين واصحاب الخبرات اغتربو مافي زوووول في البلد إلا انتو اهل العوض والكيزان ومعاكم العاشق الولهان عاشق المنطق . فهم مافي .


#964911 [ود الشبارقة]
1.00/5 (2 صوت)

04-06-2014 04:04 PM
يا من تدعى Hmamizo شكلك خريج نظام الثماني سنوات وتعلمجي مع اللمبي ما بتعرف عربي وقاعد تستهبل ما شوف ليك The voice احسن لك لانك ما بتفهم في المسائل العلمية يا جاهل السودانيين قادة في العلم والمعرفة يا عاطل عن العمل وامي لا يعرف تركيب الكلمات ادخل روضة احسن لك


#964816 [نكس]
1.00/5 (2 صوت)

04-06-2014 02:37 PM
السلامة المهنية دي ذي الطب النووي وعلوم تكنلوجيا الفضاء وعلوم حشرات تخصص جناح باعوض وغيرها من التخصصات افتكر موجودة عندنا بس ما مستخدمة ما محتاجنها تصدق انا بعمل في بحث حول كوكب الزهرة قالوا اصلو بت اتمسخت زمن هابيل وقابيل داير اشوفها سودانية


#964678 [سوداني]
4.00/5 (4 صوت)

04-06-2014 12:26 PM
خبرا شنو والله الا سكيورتي بس . السودانيين للاسف في قطر كلهم او اكثر من 90% منهم سكيورتي . اوالجيش او الشرطه او شركات الامن الخاصة
وعندي نصيحه حابي اقدمها عن تجربه في شركه امن اسمها حمايه للخدمات الامنيه . تنشط اليوميين دي في استخدام عمال سودانيه . هذه الشركه اقسم بالله افشل شركه في قطر يستغلوا حوجه الناس واسم قطر ويبيعو ليهم الوهم . راتب اساسي 1100 وعلاوه 300 الاجمالي 1400 ريال . سكن جماعي كل 4 اشخاص في غرفه ضيقه جدا والبلد غاليه جدا وماتقدر توفر ااي حاجه ومافي ااي طريقه تشتغل ااي شغل تاني او تنقل كفاله . والله الناس بتعاني معاناه اسوا من المساجيين . اضافه لانو بيئه العمل سيئه جدا . والاداره يهوود بس .والناس دفعت قروش عشان تجي اغلبهم اتعوض الله في قروشو ورجع .وفيها بلاوي اكتر من كدا و هذا والله قيض من فيض .


#964502 [عاشق المنطق]
0.00/5 (0 صوت)

04-06-2014 09:30 AM
يا حماميزو الظاهر عليك غنت فاقد تربوي و وجهلول كبير السودان فيهو افضل البشر ياحمار .


ردود على عاشق المنطق
European Union [hmamizo] 04-06-2014 10:54 AM
الي عاشق المنطق .. ياخي فهمك قاصر زي جلباب انصار السنه انا قلت كل الخبراء هاجرو زماااااااان ؟؟ وهناك فرق بين هاجرو ومافيهو ؟؟ ومافي داعي للاساءة . سامحك الله .


#964428 [hmamizo]
5.00/5 (4 صوت)

04-06-2014 08:38 AM
هو في خبراء سودانيين في مجالات الصحة والسلامة المهنية ؟؟؟ كل الخبراء هاجرو زماااااااان . وحات الله السلامة المهنية دي مابعرفوها ولاسمعو بيها زاااتو .


ردود على hmamizo
[kkkk] 04-06-2014 06:20 PM
يعرفوها من وين؟ هو في مهن مع الانقاذ دي عشان يعرف امنها وسلامتها ...لله درك ياوطن


#964349 [بت قضيم]
3.00/5 (3 صوت)

04-06-2014 07:32 AM
ما عاوزين مشاطات


#964220 [دنقر شيل]
5.00/5 (5 صوت)

04-06-2014 12:25 AM
الحقو قبل يغيروا رايهم تمرقوا بقرش قرشين


ردود على دنقر شيل
European Union [كراع اسد] 04-06-2014 06:30 PM
السلام عليكم ،الرد للأخ هماميزو،و الحقيقه التخصص جديد و معظم المتخصصين في هذا المجال اصلاً خريجي علوم بيئة و اشهر و فضل رخص في هذا المجال كنديه و انجليزيه و كثير من السودانين متخصصين في هذا المجال علي مستوي الدول العربيه او في داخل السودان في شركات البترول بشكل خاص و هناك الكثير يمكن قوله ولكن اكتفي بهذا الرد و ليك التحيا اخ حماميزو

[hmamizo] 04-06-2014 08:37 AM
هو في خبراء سودانيين في مجالات الصحة والسلامة المهنية ؟؟؟ كل الخبراء هاجرو زماااااااان . وحات الله السلامة المهنية دي مابعرفوها ولاسمعو بيها زاااتو .



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة