الأخبار
أخبار إقليمية
السجن الإتحادي يدشن سبع غرف للخلوة الشرعية



04-08-2014 10:25 AM

الخرطوم
لم يتخيل نزلاء سجن كوبر يوماً أن يلتقوا بنصفهم الثاني وذلك بإقامة زيجاتهم خلف أسوار السجن خلال مبادرة مجتمعية متفردة، شرفها بسجن كوبر عصر امس الأول نائب والي الخرطوم المهندس صديق محمد، ونفر من إدارة السجون وقال رجل الاعمال عصام الشيخ: ان هذا العمل بتوفيق من المولى عز وجل، لافتاً في الوقت نفسه الى اهمية ان يقترن النزلاء بانصافهم بالحلال، وعبر عدد من اهالي المحتفى بهم عن سعادتهم الغامرة بالخطوة ومشاركة ابنائهم الفرحة، وامتدحوا الجهود الرسمية والشعبية في اتمام الزيجات وتهيئة البيئة الملائمة للنزيل ليعيش حياته، وغالبت الدموع النزلاء وهم يتلقون التهانئ من اهاليهم لا سيما الأمهات اللائي أطلقن الزغاريد التي بددت صرامة السجن وأحالته الى سرادق فرح كبير ودقت الطبول واحتشدت ساحة الحفل بالراقصين. فمع غروب شمس يوم السبت كان النزلاء السبعة في خلوتهم الشرعية وبحماية الشرطة فكانت غرف النزلاء بكامل التصيم الكامل تحتوي على سريرين مع دولاب وبعض الأغراض الاخرى.
النزلاء في سجن كوبر موهوبون فالكل لديه موهبة يتميز بها عن غيره ذلك ما لمسناها ونحن نهم بالدخول في المعرض والمصنع المصاحب الذي أقيم على شرف الزيجات ومن خلال وجودنا في مصنع سجن كوبر وجدنا العديد من النزلاء الموهوبين منهم من يتميز بحياكة النسيج وغيره من الترزية والميكانيكية والكهربجية وغيرهم، والبعض فنانون تشكيليون ولدوا بتلك الفطرة وزينوا باحات المعرض وشكلوا لوحات من صدف البحر بمناظر جميلة وجاذبة للأعين مما حدا برجل البر والتقوى عصام الشيخ ان يتبرع لذلك المصنع بـ(50) مليون جنيه كما تبرع ايضا نائب والي الخرطوم المهندس صديق محمد علي بـمبلغ (50) اخرى للمصنع.
شكل الأهالي داخل سجن كوبر حضورا راقيا توزع اهالي الزيجات علي الطرابيز اما الأمهات فكن يطلقن زغاريد عالية بعد كل تزويج نزيل الي ان اكتمل العدد 7 زيجات بعدها دخل سلاح الموسيقي وعزف اجمل الاناشيد مما حد بالعرسان ان يتمايلوا طربا لها.
الى ذلك قدمت بعض الفدق الشعبية ايقاعاتها الطروبة اهداء لتلك الزيجات، التي كانت بادرة فريدة من نوعها علي مر تاريخ السجون في السودان، فالعرس الذي كان هو اضافة حقيقية ونجاحا يحسب لادارة سجن كوبر على حد قول نزيل وهو يجلس داخل المصنع وينظر الى ذلك الزخم الهائل من الحشد قال بعد ان استرسل ذكرياته وايام طفولته وصباه وبحزن عميق بان السجن اصبح ملاذا وأضاف كما ترى نحن نشكل اسرة مع بعضنا البعض والحمد لله.

الانتباهة


تعليقات 21 | إهداء 0 | زيارات 5117

التعليقات
#968492 [ود الركابي]
0.00/5 (0 صوت)

04-10-2014 12:42 AM
ياربي يكونو عملو حفرة دخان وجابو بطانيه ولا مافي فايده


#967726 [الواطئ جمره]
0.00/5 (0 صوت)

04-09-2014 10:29 AM
طيب انحنا البره ديل نروح شمار بدون مرا...


#967235 [عصمتووف]
1.00/5 (2 صوت)

04-08-2014 08:37 PM
**
حملة اقتلي خلاياعقلك واسعدي بغلك

ان سالوك عن العدل في بلاد ي قل لهم قد مات ابن الخطاب
اهنئ المراة اولا والبغال عندنا لانهم سجناء حشروا بعضهم في سجن اقل من سنتمتر واحد مربع ويبدو هذا اضيق سجن صنعة الانسان لنفسة هو اكثر السجون سلخا لانسانية المراة وكرامتها ومع هذا ستظل سعيده مع رقابة (ضابط السجن) سوف تظل مع حلالها متهمة بالزنا والفجور والعهر حتي لو اثبتت براءتها مبروك مقدما للبريئات
ومؤقتا ومبروك للحرائر اللواتي لم يعرفن معني الحرية الحقيقية ويعشن مع بعولتهن وكانهن غنائم حرب مسكينة المراة خلقت لكي تنسي الاساءه والنكران ف نقصان عقل المراه يرفع من شانها فهل هناك ذكر مسامح بقدر ما تسامح به المراة خلقن ناقصة عقل لتعيش ولا تموت كمدا وحزنا والا كيف تتحمل خيبات امل الذكر وكانت مجرد كلمة حلوه لا تتعدي نطاق اللسان كفيلة باعادة صفاؤها بعد كدره الحزن هي ناقصة عقل لان الله ابدلها بكمال العقل كماااال الحنان والرحمة فوق العدل والعدل من العقل بينما الرحمة من الحنان اليس الله هو الحنان المنان لذلك هي فوق الرجل خلقها الله ناقصة عقل ليحفظ بها المجتمع ذلك هو نقصان عقلها وانعم به من نقص
**

لتسعدي بغلك امنحية يوم الزياره الاهتمام والمحبة وابتسمي له دائما وتحلي بالاعصاب الهادئة ولا تنسي خمس صفات لكسب الرجل
• لاتناقشية لا تجادلية لا تحاسبية لا تطالبية لا تعاتيبة وهنيئا لك الجنة في الاخرة ومستشفي المجانين في الدنيا نصيحتي لك ارسليها لكل انثي بغلها مسجون حتي تدخلوا مستشفي المجانين جميعا لتتسلوا وتتونسوا مع بعض
مع تحياة حملة اقتلي خلايا مخك واسعدي بغلك

سأل رجل مهموم حكيما فقال *
أيها الحكيم لقد أتيتك وما لي حيلة مما أنا فيه من الهم
فقال الحكيم ** سأسألك سؤالين وأُريد إجابتهما
فقال الرجل * اسأل
فقال الحكيم ** أجئت إلى هذه الدنيا ومعك تلك المشاكل* قال لا
فقال الحكيم ** هل ستترك الدنيا وتأخذ معك المشاكل قال *لا
فقال الحكيم ** أمرِ لم تأتِ به ولن يذهب معك الأجدر ألا يأخذ منك كل هذا الهم فكن صبوراً على أمر الدنيا وليكن نظرك إلى السماء أطول من نظرك إلى الأرض يكن لك ما أردت
أبتسم فرزقك مقسوم وقدرك محسوم وأحوال الدنيا لا تستحق الهموم لأنها بين يدي الحي القيوم .
عزيزي عزيزتي
دلل علي وعيك
الي متي هذا الحال
انت من تحدد قيمة نفسك فلا تصًغر من شانك حين تري وجاة وفخامة الاخرين لو كانت القيمة تقاس بالاوزان لكانت الصخور اغني من الالماس عجبا لا مر كم


#967084 [ابو عمر]
1.00/5 (1 صوت)

04-08-2014 05:29 PM
ده شنو القرف ده.................؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


#967000 [أبو لاكومة]
3.00/5 (2 صوت)

04-08-2014 04:04 PM
على حد قول نزيل:
"بعد ان استرسل ذكرياته وايام طفولته وصباه ...... وبحزن عميق بان السجن اصبح ملاذا"

.... عشقتك ملاذ ....
على كده السودانيين لا تسعهم الفرحة - منذ اليوم أصبح لديهم خياران:
الإغتراب أو الحياة خلف القضبان!
يالهما من خيارين أحلاهما مرُّ - حليل أيام كانوا الناس بيحلموا بالحرية! زمن!

الله يلعن أبو اللي كان السبب.


#966966 [كفاية]
3.00/5 (3 صوت)

04-08-2014 03:29 PM
يمكن عايزين يحاكموا الحرامية بتاعين الاقطان والاوقاف ومشروع الجزيرة وسودانير وخط هيثرو عشان كدا عايزين يمهدوا ليهم


#966941 [الضقل]
3.00/5 (2 صوت)

04-08-2014 03:06 PM
ههههههههه
قسسس


#966898 [ابضلعا حديد]
1.00/5 (1 صوت)

04-08-2014 02:09 PM
ماقصر رجل الاعمال ابن البطاحين عصام الشيخ انشاالله في ميزان حسناته ياريت كل رجال الاعمال يساعدو الناس ويحاولو يسددو عن الناس العليهم ديون بسيطة وخاصة النساء


ردود على ابضلعا حديد
[semsem Alhajar] 04-09-2014 07:34 AM
ابضلعآ حديد كان الاجدر بان تقول وتكشف للناس برجل الاعمال ابن السودااان او ابن الانقااااذ...واظنك لا تدري بمن ينظمون حفلات المتتاسلمون الليلة والنهارية داخل المزارع ومع اليافعات من بنات بلدي العزيز وبحراسة الشرطة ..ولكننا للاسف اصبنا بداء القبيلة...ولعلمك البطاحين ما بتشرفوا بمشغلي وماكلي قوت الشعب..

...ودابودليييييييق .


#966857 [شهيد مشروع الجزيرة]
3.00/5 (2 صوت)

04-08-2014 01:15 PM
أولا الغرض من السجن هي تطبيق العقوبة أي بمعنى

حرمان المذنب من كل ما هو متاح له وهو خارج السجن

لان هذه عقوبة تاديبية الغرض منها اخذ حقوق الاخرين

ورد الظلم عن المظلومين التي بسببها دخل المذنب السجن

ولان الكيزان مهوسين بالجنس وهي ثقافتهم بالميلاد لم يفتح

الله لهم الا ان يشيعوا هذه الثقافة الكيزانية لان هذه الاموال

التي اهدرت في هذا الكلام الفارغ كان اولى بها من هو قابع في السجن

لانه عاجز عن دفع الدية وهنالك عجزه من لا يتفاوت الثلاثة والاربعة

الف جنيه وهذه الفئة لو قسمت لهم هذه المبالغ لاصبح مائة سجين

الان بجوار اولادهم وزوجاتهم وهم يتمرقون في حلالهم بدون رقيب او توقيت

عندما حاول الانجليز في الخمسينات بتخصيص غرف للعزل بسجن ودمدني

وتهيئة الظروف للقاء السجين بزوجته لم يجد اقبالا لان النفس والحياء

والعادات والتقاليد في مجتمع محافظ لا تقبل هذا السلوك الذي يعتبر

شائن بل في نظر الغير هو زنا لكنه حلال لمن تجرد من الحياء والادب

عموما وئيدت هذه الفكرة في مهدها الى يومنا هذا حتى جاء هؤلاء

العلوج المنزوعين من الحياء والادب ليقضوا ماتبقى للمجتمع من انفة وكبرياء

طبعا هس ينط كوز مطرقع من ذوي الدفع الرباعي ويقول هذا هو الشرع وهذا حلال

غايتو انا حالف يقوم كوز ينظر الا اهد فيه الراكوبة عود عود


ردود على شهيد مشروع الجزيرة
United States [جاكس] 04-08-2014 03:39 PM
هههههه
يا أخي قل أهد فيه الراكوبة مرق مرق او شعبة شعبة او عمود عمود او عراضة عراضة، لو كانت راكوبتنا دي مبنية من عيدان كان كتاحة الانقاذ نفختها زمااااان وعملت منها تسونامي.


#966843 [Gogomri Salim KOKO]
1.00/5 (1 صوت)

04-08-2014 01:05 PM
إنتاج افلام مجانية يا ناس المنصة الخارحية


#966792 [بت قضيم]
1.50/5 (2 صوت)

04-08-2014 12:25 PM
في الدول المتقدمة يسمح للسجين بحضور زوجته للاقامة معه في الويك اند وما هو حال السياسيين والمعتقلين في السودان فهل يسمح لهم بتلك الامتيازات ام ينالون الضرب والشتم فقط


#966756 [ابو ياسر]
1.25/5 (3 صوت)

04-08-2014 12:01 PM
الله يفك كربتهم ويهديهم


#966742 [الشاكوش]
3.00/5 (2 صوت)

04-08-2014 11:51 AM
ان بعض الظن اثم بس..............

البلد دى لو دفعت فيها ممكن يجيبو ليك غير حلالك


#966741 [دارفور كادقلى]
1.00/5 (1 صوت)

04-08-2014 11:50 AM
كما يقول العم شوقي بدرى محن سودانية (نحيا ونشوف عرس يحي).


#966734 [ابو جاكومه ..ديم السلك]
2.94/5 (5 صوت)

04-08-2014 11:45 AM
انا لى 20 سنه عائز اطلق ارملتى لكن كنت خائف من حين يبقى لحين سداد النفقه .. تمام الان السجن اصبح ملاذ امن . لذلك سوف اطلق باعجل ماتيسر طالما السجن بقى فيه زوجات يعنى كده ياابوجاكومه لو مانفعت معاك ممكن تطلقا وانتا غير خائف لحين تبقى لانك اصلك باقى باقى .. والباقى باقى واصلوا دنيا النسوان محن ..وبعدين حتى لوخرجنا واذا قالت لى ودينى لبيت اهلى اقول ليها انا جبتك من كوبر وحارجعك كوبر .. والله النسوان ديل لاجوا سجن ولاخارجه نافعات ..ارملتى اقول ليها ولدك الوحيد والشين ده تقول لى مامن تقاويك الفاسده دى . نسوان اخر الدنيا ....بعدين ياجماعه ماتقولوا مسؤل اتبرع قولوا مسؤل دفع من مال الشعب للشعب .. لكن لو من جيبه معليش قولوا البعجبكم ..جننتونا بره وجوه .......


ردود على ابو جاكومه ..ديم السلك
[ابو جاكومه ..ديم السلك] 04-08-2014 05:05 PM
انتا ياابوسكس النسوان برضو مساجين ولا كيف .. والله لو مسجونات تبقى حكايه ... قالوا واحد اتزوج جماعى فى استاد المريخ وبعد شهر زوجته شاكلتوا وقالت ليه ودينى بيت اهلى قال ليها انا بوديك من محل ماجبتك فى استاد المريخ .

[ابو جاكومه ..ديم السلك] 04-08-2014 05:01 PM
يا ابوسكسك مالك حاكيها كده ..طيب احكى ليك مره وفى زمن قبل الميلاد زهجتا من زوجتى وهجية 6 سنين وبعد البحث عنى ذهبت زوجتى الى المحكمه وقالوا ليها تعالى بعد سنتين لو مارجع سوف ننظر فى الامر ونعتبره ميت وتروحى تصرفى معاش موظف الاسلكى بالسكه حديد وطبعا زوجتى شدة حيله فى الموضوع واصبحة تحسب الساعات والسوانى لكى اعتبر مفقود ويحق لها الطلاق والمعاش . وطبعا هى عارفه وانا عارف انو مافى زول بتزوجها تانى . وبالفعل تم الطلاق واعتبرونى مفقود او ميت .. ومن ديك ناس الديم عموم اطلقوا عليه لقب ارمله والحكايه مشت .. وفى يوم اغبر كالح السواد عدتا الى المنزل .وزوجتى صرخة ولمة ناس الديم وهى تصرخ البعاتى البعاتى ومن ديك انا بقول ليها ياارمله وهى بتقول لى البعاتى . وبعدين ياخى اوعافكرك يروح بعيد بحكاية ميت دى لكن فى الحقيقه يمكن الارمله عندها راى تانى فى هل انا ميت ام.. ياخى ياكسكس عليك الله خليها مستوره وبعدين انتا ماتشوف شهيد الجزيره الحى ده وكمان دائر يكسر الراكوبه ويشتت البنابر ...

United States [ابو سكسك] 04-08-2014 02:11 PM
عايز تطلق ارملتك كيف وانت ميت يا اخوي؟ بعدين كلام مرتك صاح، انت لما تكون في القبر اكيد تقاويك بتكون فاسدة.

United States [ابو سكسك] 04-08-2014 02:09 PM
عايز تطلق ارملتك كيف وانت ميت يا اخوي؟ عشان نفهم بس.


#966728 [Gasim Ali]
3.00/5 (2 صوت)

04-08-2014 11:39 AM
حكومه البوبار الفاضي........ما قادرين يوفروا اكل للمساجين وبيبنوا غرف خلوه شرعيه


#966675 [ibn alhuda]
1.50/5 (2 صوت)

04-08-2014 10:53 AM
good


#966651 [رجعنا بعد فرقة]
3.00/5 (4 صوت)

04-08-2014 10:35 AM
تمام بس ما تدقسو ديل بكرة بي كل وقاحه لو ما فتشتو الغرف كويس من الكاميرات ح اعملو ليكم انتاج افلام سيئة الاخراج والمضمون والسياسيين اوعكم احذروووو


ردود على رجعنا بعد فرقة
United States [ساب البلد] 04-08-2014 09:24 PM
********* ههههههههههههههههههههه ************ لا تعليييييييييييق ********

[Ayam] 04-08-2014 03:45 PM
hahahaha Big Brother tv program

[usama] 04-08-2014 01:15 PM
هههههههههههههههه تحت الملاية بس عشان لو في تصوير ..لكن والله فكرة سمحة الشي الكويس لازم نقول كويس ,,, ماكل شي كعب لازم نفرق بين الكويس والكعب أي واحد يقول كلام عشان يعارض ساكت يكون حرم ناس الفرحة دي

United States [مجروس ق ش م] 04-08-2014 11:49 AM
والله قراءت افكاري كنت بفكر كيف يمكن الوثوق بهؤﻻء المرضى النفسانين .ممكن جداً يختوا كميرات وبكره نشوف الجماعه في الواتس اب .وال youtube.الواحد ﻻزم يفتش الغرفة كويس ويعاين تحت العنقريب
ثقه بقت كافي



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
4.75/10 (3 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة