الأخبار
أخبار السودان
انتقدت تغيبها عن المائدة المستديرة.. قيادية بحزب البشير تهدد بانشاء حزباً لــ(المرأة)



04-09-2014 06:29 AM

البرلمان: خالد الفكي
هاجمت عضو البرلمان والقيادية بالمؤتمر الوطني سامية حسن سيد احمد بضراوة القوي السياسية بما فيها حزبها لاقصاءها المرأة من المائدة المستديرة للحوار الوطني والذي الئتم بين الرئيس عمر البشير وقيادات العمل السياسي ، وجزمت سامية خلال مداخلاتها في جلسة الهئية التشريعية للتداول حول خطاب الرئيس امس(الثلاثاء) بان تغيب المرأة عن الحوار الوطني بانه نقصان، واضافت" الحوار بالطريقة دي ناقص واعرج"، وحذرت سامية حزبها والاحزاب الاخري من تمرد وغضبة النساء، ومضت قائلة " سلمية المرأة ستكون اقوي من السلاح" ، رافضة ان يكون النساء تمومة جرتق او حاشية سياسية، وهددت بحشد النساء لانشاء حزباً خاصاً بــ(المرآة) ، كاشفة العزم علي قيادة مساعي لتعديلات علي قانون الاحزاب لاجبار القوي السياسية علي توسيع مشاركة المرآة، وقالت " لــ25% نسبتنا بقت مابتكفينا"، وتوعدت بانه حال تدارك الامر ستكون الانتخابات موعداً لمعرفة من يكسب.

الاهرام اليوم






تعليقات 6 | إهداء 0 | زيارات 2301

التعليقات
#968356 [الولايات المتحدة السودانية]
0.00/5 (0 صوت)

04-09-2014 07:39 PM
وحسبو نسوان الطهار رأبو شنو فى الكلام دهـ ؟؟
الحكاية دى ممكن تعمل ليهو جلطة !!


#968194 [Adam Guma Khamis]
0.00/5 (0 صوت)

04-09-2014 03:43 PM
والله انا ما عارف اقول شنو. الزعل مرفوع وبالضمة كمان. تهميش .... تهميش.... البندقية .... البندقية .... تو ... تو.... توووو. عيب ما يشاركوكم. البلد كلها مغيبة تقول لي سامية. لطفك.


#968011 [caeser]
0.00/5 (0 صوت)

04-09-2014 12:49 PM
دي سامبه بتاعت الوثبة ولا غيرها ؟


#967810 [الناقش]
5.00/5 (1 صوت)

04-09-2014 10:25 AM
ممك يقبلن فيهو حسين خوجلي ومحمد الحسن الأمين وقطبي المهدي ..!


#967676 [بت قضيم]
5.00/5 (1 صوت)

04-09-2014 09:05 AM
الحزاب المقترح حا يكون كل كوزات ولا فيهو علب اقصد رجالة طبعا انا ما مصدق التصريحات من المدعوا من السيدة سامية تكون فبركة من فبركات الوطني وكل عضويتو ساميات الحكاية شنو مافي غير ساميات وسميات


#967470 [متابع]
4.25/5 (3 صوت)

04-09-2014 06:50 AM
حزب المراة دا سيكون حريم بس ولا ممكن الرجال ينضموا اليه؟؟


ردود على متابع
European Union [الزغلبان] 04-09-2014 09:42 AM
ذكرتني .. زمان عندنا عمنا كان يقول ( الإتحاد النسائي ده مما دخلوه النسوان حكايتو باظت ))ههههههه



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة