الأخبار
أخبار السودان
اطلاق بطاقة كاش مان للخدمات المصرفية الالكترونية



04-13-2014 10:33 PM

الخرطوم (سونا) - تم اليوم اطلاق بطاقة "كاش مان" بشراكة مع بنك النيل وشركة ريتال توكنولجى وشركة الخدمات المصرفية الالكترونية (EBS) بفندق السلام روتانا وتم التوقيع على الشراكة بحضور السيد عادل محمد عثمان وزير المالية بولاية الخرطوم .
ويهدف مشروع البطاقة الى اعادة الكتلة النقدية المتداولة بين المواطنين خارج الجهاز المصرفى والمقدرة بنسبة 95% والاستفادة من 16خدمة مصرفيه مثل سداد فاتورة الهاتف السيار وشراء الكهرباء والرصيد وتحويل الرصيد من محفظة لاخرى وغيرها وذلك عبر قنوات الشحن للبطاقة وافرع البنوك ونقاط البيع ومراكز الوكلاء .
واعرب وزير المالية بولاية الخرطوم عن سعادته بالتقدم التكنولوجى والارتقاء لمصاف الدول العظمى ، مشيرا الى الجهود المبذولة فى قضية الحوسبة والبرمجة والحكومة الالكترونية .
واعلن عن عن اكمال قضايا التحصيل الالكترونى بالولاية وبدء المعاملات اكترونياً فى كافة الخدمات اعتباراً من 30 يونيو القادم .
وقال احمد عبد الرحمن الحورى مدير بنك النيل "نقدم اليوم نموذجا جديدا من المنتجات لتلبية حاجة المواطنين ودعم الاقتصاد الكلى بتحويل النقود الى نقود بلاستيكية وتقديم كافة الخدمات المصرفية وذلك خلال 24 ساعة" .
واوضح ان هنالك 6 ألف فرع لنقاط البيع ، 50% منها داخل ولاية الخرطوم والمتبقي فى الولايات المختلفة .
من جانبه اشار المهندس عمر حسن العمرابى مدير عام شركة الخدمات المصرفية الالكترونية (EBS) الى فوائد البطاقة لتسهيل حياة المواطنين فى اماكنهم والاسهام فى الاقتصاد الكلى داعيا الشركات والمصارف الاخرى الى تبني التجربة فى هذا المجال .
وقال ابراهيم حسن نائب مدير ادارة نظم الدفع ببنك السودان ان البنك يشجع ويبادر لدعم المصارف الرائدة فى مجالات التقنية المصرفية .






تعليقات 6 | إهداء 0 | زيارات 5046

التعليقات
#973170 [أبو لاكومة]
0.00/5 (0 صوت)

04-14-2014 07:45 PM
"ودعم الاقتصاد الكلى بتحويل النقود الى نقود بلاستيكية":

بس ناقصنا تحولوا لينا موية النيل لي موية مقطرة - وأم رقيقة لي سلسيون - والحلومر لي بيبسي كولا - لو عملتوا لينا ده أنا بديكم شهادة دولة عظمى نعلقوها في بوابة سواكن إمكن تقنع الجماعة اللي لسه ما عارفين أنو المشروع الحضاري وصّلنا لمقام الدول العظمى - عظمة يا عسلة ...


#972734 [gmeel]
0.00/5 (0 صوت)

04-14-2014 11:24 AM
(واعلن عن عن اكمال قضايا التحصيل الالكترونى بالولاية وبدء المعاملات اكترونياً فى كافة الخدمات اعتباراً من 30 يونيو القادم)


بالله (الكضب) دا حدو متين لانو الواحد لامن يمشي يطلع ليهو جواز خليك من الجواز رقم وطني ولا بطاقة بطلعوها في اسبوع دا لو طلعت والبكة طاشة والشبكة مشت والشبكة جات والشبكة رجعت الله يقرفكم وقرف يومكم ذاتو قال العظمى قال


#972596 [هجو نصر]
5.00/5 (1 صوت)

04-14-2014 09:35 AM
كنا ندفع 40 جنيه للموية و2.5 جنيه ايجار العداد الشهري احتججنا لما رفعوا ايجار العداد الي 4 وقلنا انه اصلا ملكنا اشتريناه بحر مالنا , نزلوا قيمة الايجار الي 2 جنيه وزلدزا الموية 5 حنيهات ! نفترض اننا اغبياء وما بنفهم برضو اجمالي الفاتورة غبي وما بفهم ؟ يا جماعة ! حتي السرقة الواحدة دي ما بتعرفوا تعملوها صاح !


#972343 [من المركز]
5.00/5 (1 صوت)

04-14-2014 06:30 AM
قال الارتقاء لمصاف الدول العظمى. انت شفت الدول العظمى وصلت وين ومتين؟
والله اتتم شعب محكوم من ناس موهوم وضلاللين. الدول الغير عظمي وصلت المكانة دي وفاتتها من عشرات السنين ياوزير المالية. لما تنطقوا بالكلام ﻻبد ان توقفوا استفزاز عقولنا بالكلام الفارغ. الدول الغير عظمي بقت الناس بتشتري القهوه بالجوال من زمان اما الدول المتقدمة اصبح ما بتحتاج لكاش ابدا. اليوم انا اشتريت التذكره بالكريدت كارت بجره واحده ولم يكون هناك تذكره وعند الخروج بتجرنفس الكارت والباب ييفتح والقطر يفتح نفسك ووصل المحطه في نفس االدقيقة المعلن عنها مسبقا لمحطة الوصول من غير كمساري. وينك انت من الدول العظمي وفي عاصمتك الناس مازالت وستستمر تعاني من ازمة المواصلات. لسؤ التخطيط والتخبط والفساد والظلم الخ......
قال الاختشوا ماتوا يا وزير المالية. العايش في القرن الماضي


#972283 [كرهتونا السودان]
5.00/5 (2 صوت)

04-14-2014 04:15 AM
يعني هسه الكاش راقد بقت المشكله البطاقه بس ، لو المان ده بدين انا اول زبون.


#972268 [oogag]
0.00/5 (0 صوت)

04-14-2014 02:59 AM
انا عجبتني العظمى دى والله.



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة