الأخبار
أخبار إقليمية
مصرع قائد نيقرز أثناء اشتباك مع عصابة أخرى
 مصرع قائد نيقرز أثناء اشتباك مع عصابة أخرى


04-14-2014 10:24 AM

لقي قائد مجموعة نيقرز يطلق عليها اسم «دى ماكس» مصرعه على يد قائد مجموعة أخرى يطلق عليها اسم «دى بلاك» بعد اشتباكات دامية بالسكاكين والسواطير بسبب فتاة بمنطقة الانقاذ بالخرطوم، وقال مصدر إن المجني عليه حضر الى حفل زفاف بالمنطقة، فقابل المتهم قائد مجموعة «دي بلاك» ودارت مشاجرة دامية بين العصابتين، واضاف أن المتهم استل سكيناً كان يحملها وسدد بها طعنة قاتلة الى المجني عليه اودت بحياته. وتم نقله الى مستشفى بشائر، ولكنه فارق الحياة متأثراً بجراحه. وبموجب أورنيك «8» تم فتح بلاغ بقسم الازهرى تحت المادة «130» القتل العمد، والقي القبض على المتهم، وتم العثور على أداة الجريمة التي اخفاها داخل الحمام، وتمكنت الشرطة من القبض على بقية أفراد العصابة.

الانتباهة


تعليقات 30 | إهداء 0 | زيارات 9155

التعليقات
#974114 [الشيخ]
0.00/5 (0 صوت)

04-15-2014 04:29 PM
العصابات من زمان في لكن الشغلانة زرقنت عليهم وضاقت..كانوا زمان بيغنوا ويرقصوا ( دي جي) الان لقوا الشغلانة بتاعتهم مافيها دخل قاموا قلبوا ديهات تانية ..الله يستر


#973876 [zolo]
0.00/5 (0 صوت)

04-15-2014 12:09 PM
الزمن كن طال نشوف ذبح الجمال


#973466 [الكاشف]
0.00/5 (0 صوت)

04-15-2014 06:19 AM
والي الجحيم


#973371 [بت أبوي]
5.00/5 (2 صوت)

04-15-2014 01:18 AM
أها يا خواناالجماعه ديل وعرفناهم مساكين مهمشين ومعظمهم لا بعرفو اباءهم ولا امهاتم افرازات مجتمع لا يرحم ...................أما بقى الجماعه ديلاك ......وعصابه دي كوز دي حلها شنوتفتكرو !!


ردود على بت أبوي
[دجانقو] 04-15-2014 02:22 PM
ههههههههههههههها دي كوز دي مبالغه ..

دي يحلها مننا دي بله


#973338 [كركاب]
0.00/5 (0 صوت)

04-15-2014 12:23 AM
هههههههههه هذا ما ذكرناه بالامس
فى خبر تصفيه احد افراد عصابه
جادين فى عملهم ودخلت فيها بنات
ولسه القادم جاى....
نفوذ مناطق وتوزيع احياء والسيطره عليها،، وتجاره حشيش واداره اوكار رزيله
وخوف من الاهالى والاحتماء بهم وفرض اتوات
وجرجره بعض الضعفاء من الكودار الامنيه للعمل معهم...هههههه البعض دى لعدم الحده
والشرطه وين؟؟؟؟؟ اكيد بتدور للمظاهرات هذا ما يجدونون فيه
علينا ان نفعل عمل الدوريات الليله وحمايه احياءنا بانفسنا وعدم الاعتماد على الشرطه
المواطن فقد الثقه بكل اجهزه الدوله


#973325 [سودان راح شمار فى مرقة]
0.00/5 (0 صوت)

04-14-2014 11:57 PM
نسبة كبيرة من افراد هذه العصابات متعلمين وخريجين جامعات


#973275 [الدولة تتفرج عليهم....]
0.00/5 (0 صوت)

04-14-2014 10:53 PM
في ظل تخلي الحكومة عن كافة واجباتها تجاه مواطنيها....

يبحث كثير من أطفال الشوارع عن لقمة العيش... والأمان... والحماية.... فلا يجدون غير هذه العصابات.

تصير هذه العصابات وطنهم.... وقائدوها.... هم رؤساؤهم....

ولهذه العصابات قوانينها الخاصة.... ومحاكمها.... وقضاتها....

الخطورة هي أنها... في سبيل لقمة العيش.... يمكن أن تفعل أي شي.... أكرر ... أي شي


#973203 [خال فاطنة]
5.00/5 (1 صوت)

04-14-2014 09:12 PM
كلام عجيب=المجني علية او القتيل رئيس عصابة تسمي دي ماكس والجاني اوالقاتل رئيس عصابة دي بلاك =تم القبض عليةبواسطة عصابة دي كووووووز.


#973057 [المنجلك]
5.00/5 (6 صوت)

04-14-2014 06:07 PM
دى ماكس دى بلاك دى انقاذ تسلحوا يرحمكم الله احموا عروضكم و أمهاتكم فلا يمكن أن تكون الأنفاذ من يفعل ذلك وهى أول من فتك بهم


#973023 [اههههههههههههههههههههه يا بلد]
5.00/5 (2 صوت)

04-14-2014 05:20 PM
الزول الفي الصورة ده مركب خطرات بيجو ولا انا ما بشوف


#972976 [عادل]
5.00/5 (1 صوت)

04-14-2014 04:35 PM
In the era of National congress party don't get surprise at anything
.the regime is behind of some of this gangs. believe it or not


#972883 [الهواري]
5.00/5 (1 صوت)

04-14-2014 02:52 PM
الرحمه له ولنا جميعا


#972854 [سوار]
0.00/5 (0 صوت)

04-14-2014 02:11 PM
قبل ايام هنالك خبر مفاده تم القضاء علي النقرز؟؟؟؟


#972850 [أبوسارة]
0.00/5 (0 صوت)

04-14-2014 02:08 PM
خلفيتهم أبناء غير شرعيين و مشردين. يعني تربو هكذا. ماذا يرجي منهم؟!


ردود على أبوسارة
European Union [هجو نصر] 04-14-2014 09:26 PM
ياخينا والله ابناء غير شرعيين ومشردين دا ما ذنبهم , ومرات كتيرة تلقي المؤدبين واولاد العوائل جانحين . صدق الله العظيم " وكان الانسان اكثر شيئ جدلا" نحن كبشر علينا ان نفعل ما يتيسر علينا عمله وهو مهاجمة مشكلة الانفلات نفسها لا مهاجمة المنفلتين


#972842 [alfrayhi]
4.82/5 (5 صوت)

04-14-2014 01:58 PM
حكووووووووووووووووومة قاااااااااااعدة ام فكو سااااااااااااااااااكت ....


ردود على alfrayhi
United States [معتصم] 04-14-2014 02:36 PM
ههههههه والله صحى


#972836 [جدودنا زمان]
4.50/5 (4 صوت)

04-14-2014 01:53 PM
دي ...دي...دي

الله يكفينا شر

ديك...وديلاك


#972798 [صباحكم خير]
3.00/5 (2 صوت)

04-14-2014 01:18 PM
ان الذين يقومون بهذه الاعمال الاجرامية والوحشية هم اجانب وليسوا سودانيين ابدا ونحن السودانيين نعرف بعضنا جيدا بكل اشكالنا والوانا وطبائعنا ولغاتنا وعلى الحكومة طرد هؤلاءالاجانب من بلادنا بكل الوانهم واشكالهم سواء كانوا جانجويد او نيقرز وغيرهم نظفوا البلد من هولاء فورا الله يرحمكم.


ردود على صباحكم خير
European Union [ساب البلد] 04-14-2014 05:30 PM
****** سودانيييييييييييييييييييييييييييييييييييييييييييييييييييييييييين ********


#972773 [الجاب ضقﻼ يتلولح]
2.00/5 (1 صوت)

04-14-2014 12:59 PM
لو انتو اصﻼ عارفنهم انهم عصابات
وقبل وقوع الجريمه عارفنهم
جايين تسو شنو
قال تم نقله لمستشفي بشاير
كضب تقيل


#972749 [مهاجر من جنوب الوادي]
5.00/5 (1 صوت)

04-14-2014 12:38 PM
قد يستنكر البعض هذه الظواهر التى اصيحت ترتقي لدرجة اتجاه عام في منظومة المجتمعات المتامسكة منها و المتفككة, يبداء العنف من البيت ثم ينتقل للشارع, المدرسة , الجامعة و الى آخر المنظومة. بالضرورة للذين لا مدارس او بيت لهم فانهم في الشارع اصلا و لكي يتمكنوا من الحفاظ على انفسهم بحسب قانون الشارع يتطور الامر الى (تنظيم) فتصبح عصابة و ايضا تحتاج هذه العصابة للتنقل من مكان الى آخر , و عليهم المرور بمناطق نفوذ للاخريين و يحدث الاشتباك , يقتل من يقتل و يجرح من يجرح و قد يسقط البعض أسرى ايضا ....... اليس هذا ما يحدث في كل انحاء السودان , العنف اصبح هو الاساس و البقاء للأخبث و الاقوى


#972695 [Abu Amjad]
3.00/5 (1 صوت)

04-14-2014 11:51 AM
كيف لنا أن نلوم الحكومة على عدم سيطرتها فيما يجري بدارفور و جميع مسارح عمليات الإنفلات الأمني (الزي) ينتظم أقاليم السودان ؟
كيف يجرؤ أفراد عصابة في قلب عاصمة البلاد على تهديد الأمن و السلطات تقف عاجزة عن محاصرتها و القضاء عليها؟
(إدن) يا أهلنا في دارفور لنا و لكم الله فيما نحن فيه من إبتلاء , فولاة الأمر في بلادنا مشغولون بشيء جلل أكبر و أهم من توفير الأمن للمواطن السوداني في المركز و الأقاليم .
لنا الله حقاً فهو المستعان على كل النوائب .


#972689 [الراصد]
4.75/5 (6 صوت)

04-14-2014 11:49 AM
دي..ماكس و دي..بلاك دي..نهاية البلد..


#972683 [ابو الكل]
4.88/5 (6 صوت)

04-14-2014 11:45 AM
نحن نحصد بذرة الشماسة الذين تم اهمالهم من قبل


#972669 [أحمد السوداني]
5.00/5 (1 صوت)

04-14-2014 11:34 AM
وين الأمن وين الحكومة بس فالحين تقلتوا في الطلبة عصابات متفلتة زي دي ما قادرين عليها طيب قاعدين تعملوا شنوا ما تغوروا ضيقتوا للناس معيشتهم وأمنهم .. كما عصابات بأسماء دي ماكس ودي إكس .. يعني السودان بقى بلد المافيا .. مافيا في الحكومة ومافيا في الشوارع اتقوا الله يا أهل الإنقاذ في الناس وارحلوا ...


ردود على أحمد السوداني
United States [fadeil] 04-14-2014 01:35 PM
أنا كمان عندى عصابتين واحده بأسم دى لوكس والأخرى دى فاكس . أيه رأيكم ؟.


#972651 [صديق الشيخ حمد النيل]
5.00/5 (2 صوت)

04-14-2014 11:16 AM
الفاتحه على روح أى شىء فى السودان


#972630 [السنجاوي]
5.00/5 (1 صوت)

04-14-2014 11:05 AM
نحن في حلم ولا علم


#972623 [ناظم]
5.00/5 (1 صوت)

04-14-2014 10:56 AM
دى نتائج المشروع الشيطانى المتخلف


#972620 [محمد]
3.00/5 (1 صوت)

04-14-2014 10:51 AM
يعنى خلاص تانى مافى نقرز؟


#972598 [الحساني]
5.00/5 (1 صوت)

04-14-2014 10:36 AM
يا اخوانا نحن وين في شيكاغو وللا وين؟ معقول البلد دي بقت بالصورة دي وحكومة الهنا القالت وفرت الأمن تعاين وما تعمل شئ مع العصابات دي؟ اللهم ولِ على اهل السودان من يخشاك فيهم


ردود على الحساني
[عباس] 04-14-2014 06:22 PM
خليك من الحكومة انا عائز اعرف اهل المنطقة نفسها دورم شنو ورايهم شنو فى مثل هذه الظواهر يعنى اهل الحى واللجان الشعبية ما عارفاها والله اللجان بس همها الجبايات واذى الناس .


#972594 [خليك رايق]
0.00/5 (0 صوت)

04-14-2014 10:35 AM
من أسماء العصابتين نستشف أن هؤلاء متعلمين وإلا كيف عرفوا ( الماكس) و ( البلاك )!!!


#972592 [مجنون]
0.00/5 (0 صوت)

04-14-2014 10:34 AM
انحنا فى شيكاغو ؟ معقول دا السودان ؟؟؟؟؟؟؟؟؟؟؟؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة