الأخبار
أخبار السودان المحلية
وزارة الداخلية تعترف بارتفاع معدلات جرائم القتل والنهب والمخدرات



04-16-2014 08:52 PM
الراكوبة الخرطوم: الراكوبة

اعترفت وزارة الداخلية بارتفاع احصائية البلاغات الجنائية في الثلاثة اشهر الاولى من العام الحالي مقارنة بذات التوقيت بالعام الماضي. وسجلت البلاغات (7%) زيادة بالعام الحالي وسجلت بلاغات القتل والمخدرات والنهب زيادة لافتة عن العام الماضي حيث سجلت جرائم القتل زيادة بلغت (11) قتيلاً والمخدرات (8) بلاغات اما النهب فسجلت ارتفاعاً كبيراً بلغ (103) بلاغاَ.
في المقابل انخفضت معدلات جرائم الاغتصاب والانتحار والسرقة والاجهاض والاسلحة.

وقال وزيرالداخلية عبدالواحد في بيان وزارته امام البرلمان اليوم" الاربعاء" ان سلبيات الوجود الاجنبي يفوق ايجابياته بكثير مشيرا الى ان الوجود الاجنبي افرز العديد من الجرائم. وتعهد بالسعي لضبط تدفق موجات الاجانب لداخل السودان بالتنسيق مع وزارة الخارجية والجهات ذات الصلة. واشار الى ان حملات التسجيل وتوفيق الاوضاع مستمرة. واوضح ان بعض الولايات شكلت آليات لتنسيق الجهود لمكافحة الجريمة والظواهر السالبة وضبط التفلتات ومحاربة الظواهر المتصلة بالتعدين الاهلي وجرائم السالف وتهريب البشر ونهب المواشي.


تعليقات 9 | إهداء 0 | زيارات 3348

التعليقات
#975953 [QTEP QTEP]
5.00/5 (1 صوت)

04-17-2014 11:58 AM
انتـــــو يا بشر متين تفهمــوا ما خلاص دستو حظ النااااس بقيتو ما فاضين بس حلوووين فى اللوم
الحصل حصل الناس كلها شغاله حزب البشير وحزب الطيارة والقطــــر يااااخ انتو حاليا الناس كلها عرفت المشكلة بطلوا التفاهات دى وشوفوا الحل انتو ما عندم أهل هنااااك ما عندكم اخوان واخوات ابدوا فى الحل وخلوا برنامج اللوم ده تلوموا ليكم ترليون سنه الشير وعصابتو عملت والبشير وعصابتو عملت خلاااص انتهينا من البرنامج ده وكلنا عرفنا هم العملو شنوووو اهاااا الحل شنو --- الحل شنو الناس تبدا فى الحلول وتحاول تطلع من التفاهااات الهى فيها دى دى بلدنا ما بلد البشير واخوانـــــــوا او حزبوا والعندو حل من النااااس الفاهمه فى السودان تقدموا وانا متأكــــــد مليار فى المائة انو فى ناس فاهمة بس النااااس تقيف مع بعض وتشيل بعض ونشووووف حل للقلة أدب والمسخرة الحاصلة نهب - سرقة - مخدرات - خطف - سالف - اغتصااااب - ده غير الوجود الأجنبى سبب البلاوى دى كلها وعادات وتقاليد مختلفة وغير النيقرز ياااخ معقولة انحنا ووووين ياااااا ناس فى مثل بيقول ( انا واخوووى على ابن عمى وانــا وابن عمى على الغريييب شوفوا الحاصل وحددوا المشاكل واوجدوا الحل ما تقعدوا البشير عمل وسوا هم عملوا وسوو وانتهوا


#975709 [ابولكيلك]
0.00/5 (0 صوت)

04-17-2014 08:20 AM
هل يملك وزير الداخلية الشجاعة ليبحث الموضوع فى بمجلس عصابة الانقاذ الكيزانية ويطلب وزيرة الشئون الأجتماعية والعمل ووزير السمسرة ووزير الدفاع ووزير القروش ووزير المدارس ووزير الجامعة للإستجواب لمعرفة من يشن هذه الحرب على الشباب الغير مؤدلج .


#975657 [أبوعلي]
4.00/5 (1 صوت)

04-17-2014 07:10 AM
قولوا: (تحتفل) وليس تعترف
حقّ لكم الاحتفال بالنجاح الباهر لواحد من أهدافكم المخطّط لها
نجحت الإنقاذ من تحويل رسالة الشرطة إلي (الشرطة لقهر الشعب)
ربع قرن من ( الرصاص والبمبان والهراوات) واليوم فقط عرفتم ثمرة أعمالكم
الوزير يقول: ( ان الوجود الاجنبي افرز العديد من الجرائم)..........
الوجود الأجنبي موجود منذ (لقيط القطن)قبل عقود ، فهل كانت هناك جرائم تذكر؟!
الإنقاذ هي من أوجد الجرائم وسهّل لها الوسائل بفتح الحدود (عمدا) للفاسدين
وعيّن العسكرين الفاسدين لقيادة شرطتكم والنحدار بها إلأي مستنقع الظلم والإرهاب


ردود على أبوعلي
[أبوعلي] 04-17-2014 09:50 AM
آسف:
والإنحدار بها إلي مستنقع


#975561 [دربكين الليل]
5.00/5 (1 صوت)

04-17-2014 12:45 AM
معقــــول المخـــدرات ٨ بلاغـــــات السيجـــارات بقت كاتم دخان ولا شنو والخرطوم انا مسميها جاميكا افريقيا لان انتاج البنقو السودانى اصبح غير كافى ويتم استيراد الشاشامنى من اثيوبيا لسد النقص


#975544 [AburishA]
3.00/5 (2 صوت)

04-17-2014 12:04 AM
** الحقيقة هي كلما تدهور وانهار الاقتصاد كلما زادت الجريمة وانحلت الاخلاق..
** الحقيقة هي ان السودانيين الان هم في (ماراثون) هروب جماعي من السودان..
** الحقيقة هي ان لسودان للاجانب اصبح دولة معبر.. حيث لاشيء يشجعهم الى الاستقرار به.. وفاقد الشيء لا يعطيه..
** الحقيقة هي ان النظام هو من استقدم الاجانب من مالي والنيجر ومليشيات السليكا من افريقيا الوسطى واستخدمهم في حروبه ضد مواطنيه (جنجويد)..
** الحقيقة هي ان النظام هو من سهل هجرة الكثير من دول الجوار واعطاهم الرقم الوطني لزوم دعم النظام في الانتخابات,,
** الحقيقة هي ان الاجانب الذين أتت بهم ظروف أكل العيش هم افضل بالنسبة لنا من (ناسنا بني جلدتنا) بتاعين المؤتمر الوطني.. بألف مرة....

**** هو حاكمنا اكبر مجرم مطلوب القبض عليه... بأمر قبض موقّع ومختوم كمان ....


#975501 [عاصم]
5.00/5 (1 صوت)

04-16-2014 10:56 PM
هذا كله بسبب فشل الطاغية البشير وحكومته الخائنة للوطن والشعب لعنة الله عليهم جميعاً اللهم خذهم أخذ عزيز مقتدر ولا تبقي منهم أحدا وفي الآخرة لهم عذاب عظيم


#975486 [ود كترينا]
5.00/5 (1 صوت)

04-16-2014 10:27 PM
***فى الورشة التى أقامتها وزارة التنمية الاجتماعيةولاية الخرطوم ومكز المعلوماتللدراسات الاجتماعية بالخرطوم قبل أيامقال البروفيسور خليل مدنى من جامعة النيلين أن بولاية الخرطوم وحدها أربعة ملايين لاجئ مايعادل 40% من سكان الولاية ...والمسجلين منهم ومقيمين بصورة شرعية فقط 64 ألف أجنبى!!وزيرة التمية الاجتماعية بولاية الخرطوم أكدت على صحة الأرقام
*** الأسبوع الماضلى قامت الولاية بحملة اعلامية دعت فيها الأجانب لللتسجيل تحت اسم الرقم الأجنبى...رسوم التسجيل هى 160 جنيه...160 جنيه مضروبة فى 4 مليون أجنبى تساوى640 مليون جنيه بالجديد أى 640 مليار جنيه بالقديم...الغرض التحصيل ولاشئ آخر...الترخيص يجدد كل 3 أشهر...وطالما أصبحوا ممولين لخزينة الوالى التى اتهمها المراجع العام لولاية الخرطوم عبد المنعم السبد باهدار المال العام فى عقود وهمية مع شركات النفايات وتجاوزات مالية خطيرة فى شركة مواصلات الخرطوم بلاضافة الى تهم الفساد الموجهة لمكتب الوالى نفسه...ستذهب الجبايات من هؤلاء الأجانب فى نفس المسار....سيبقيهم المؤتمر الوطنى ليستفيد منهم فى انتخابات 2015بولاية الخرطوم بالتجنيس أو التدليس أو غيره


#975480 [سن ألفيل]
0.00/5 (0 صوت)

04-16-2014 10:22 PM
ان سلبيات الوجود الاجنبي يفوق ايجابياته

شماعة وزارة الداخلية الدائمة للانهيار والفوضى والتردي الامني في عهد الانجاس من اهل الانقاذ لربع قرن من الزمان و فساد اجهزة الدولة كافة والشرطة خاصة هو السبب الاول لأرتفاع معدلات الجريمة في السودان وعدما اظهر احد ضباط الشرطة فساد النظام وفساد وزارة الداخلية تمت سجنه وهذا خير دليل على وضع البلد


#975466 [بت قضيم]
5.00/5 (1 صوت)

04-16-2014 10:00 PM
ما تخلوها مستورة دي عاوزا اعتراف ما هي واضحة وطالما فتحتوا المستور وشريتو الغسيل عاوزين نعرف هل جرائم الرشاوي والاختلاسات مرصودة مثل الجرائم المذكورة اضافة الى منتسبيكم هل شملت قوائمكم منها الجريمة صارت خشم بيوت باستثناء الجرائم التقليدية التي لا تخلوا منها دولة من الدول اما جرائم العصر والسودان في مقدمتها فهى المستورة والمكتوم عنها كالفساد عامة والاختلاسات والاخلاقية كالتمكين والتزوير فهو من اخطر الجرائم في الدول المتقدمة عشان كده ما تاكلوا راسنا بالجرائم التقليدية ولمتين حا تكون مستورة


ردود على بت قضيم
[abu mohamed] 04-16-2014 11:26 PM
تسلمي وتسلم حروفك هو ده المفيد



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة